متن نوحه ترکی و فارسی احوالات قتلگاه برای سینه زنی ، روضه خوانی و زنجیرزنی بخش دوم
مجموعه اشعار برگزیده متن نوحه ترکی احوالات قتلگاه برای نوحه و روضه خوانی ، نوحه ترکی احوالات قتلگاه برای سینه زنی و زنجیرزنی بخش دوم
----------- متن نوحه احوالات قتلگاه ---------
احوالات قتلگاه
آه او ساعتدن اُلن اُلدی، قالان اولدی اسیر
ابن سعد امر ایتدی چکدی بیر منادی بیله جار
وار یزیدین لشکریندن هر قَدَر مقتول اولان
دفن ایدون تا قالماسون گونلر ایوینده زینهار
شام و کوفه لشکریندن قالمادی یرده قالان
وار یری آخسون حسینی لر سرشکی همچو ثار
بیرده بیر فرمان ویروب سعد اوغلی یاغی لشکره
اشکیله زینب گوزین دولدوردی چون ابر بهار
هم حسینون لشکرین هم اوز یارالی پیکرین
ایلیون سُمّ خیولیله بو چولده خاکسار
چکدیلر شمشیر کین بو چولده حُرّین لشکری
سسلنوبلر ایتمروق اجرای امره اصطبار
سحق اولونسا جبریله اجسام انصار حسین
وار حسینون لشکرینده جسم حرّ نامدار
حرّ اولوب یاغی دوتاق ابن زیادین امرینه
لیک سردار سپه دور اوندا وار چوخ اعتبار
بیز باخاق حرّین وجودینده قوشون آت گَزدیره
دوزمَروق گورسون قبیله صاحبی چوخ انکسار
حرّین اقوامی یغشدی قبره قویدی جسمینی
قالماسون تا یرده قانلی پیکری زار و نزار
وای کومک سیزلیق اَلیندن نه یاماندور ای خدا
بیر نفر مظلوم اُله اشرار اَلینده سوگوار
حرّین اولدی قوم و قارداشی یغشدی قویمادی
نعشی اوسته آت چاپا پامال ایده قوم نقار
هاردا قالموشدی بنی هاشم خدایا اوندا بس
اون نفر گَلدی ایده جسم حسینی خاکسار
بیر بدن که سینه سینده بَسلَمیشدی فاطمه
نانجیب آتلار اونون اعضاسین ایتدی انتشار
جلدیدن چخدی کلامُ ا...ِ ناطق جزء به جزء
قلب قرآن مبین اولدی بو غمدن داغدار
سحق ایدوب اسلام امامین آدلاری اسلامیان
وار یری گر ایلسه قرآنه انجیل افتخار
شمس اوج عزّت اوسته نقش بند اولدی هلال
بند بند اولدی یازولّار یرده عرشه گوشوار
اوخلانان قلب اوستونه لنگر سالوب سُمّ خیول
گرچه قیرمیشدی وتینی نوک تیر زهردار
کربلا توپراقی بی جا اولمیوب خاک شِفا
ایسلانوب تربت، حسین قانی آخوب چون چشمه سار
دورت آغاج صاقدان صولا صولدان صاقا، آت دیرناقی
نشر ایدوب اجزاسینی قان آخدی مثل جویبار
قان آخان یردن اولوب اون آلتی فرسخ حایری
ایمدیده مَامندی دورینده چکوب قانّی حصار
گُل گیاهیندن گَلور عطر حسینی برملا
آند اولا اوز جانینه قانی ایدوبدور لاله زار
اولمادی یالقوز حسینه بو جفا، هر بیر شهید
بو جفا و جوری گوردی هم کبار و هم صغار
ایله (سعدی) زمانه یا حسین بیر التفات
قویما مشکلده، رضا اولما اولا بیر بیله خوار
مرحوم حسینی سعدی زمان
منبع مجموعه کانالهای مدح و مرثیه
----------- متن نوحه احوالات قتلگاه ---------
احوالات قتلگاه
اذیتی گونون اولماز مزارده یاتانا
چتیندی گون دوشه بیر عور قانینه باتانا
قالاندا عور یارالی تن امام غریب
تاپولمادی اونا بیر سایبان ویرن ترتیب
گون ایستی قانلی قوم اوستی بدن دولی یاره
بسان گل داغلوبدور او جسم صد پاره
باجیسی زینب کبری گلنده قتلگهه
تعجبیله نظر سالدی بیر یارالی شهه
نه گوردی وار نه باشی نه لباسی پیکرده
لباس سهلیدی یوخدور بیلکده اللرده
گورنده واردی نه باش نه لباس قارداشدا
مدینه سمتینه یوز دوندروب الی باشدا
آدیله سسلدی اوز جدینی او دریا دل
جفای اهل جفادن آچوب شکایته دل
دیدی بابا بو حسینوندی قاننه غلطان
کسوبدولر دالیدان نازنین باشین عطشان
یارالی جسمده واردور نه پیرهن نه قبا
نه واردی خامس آل عباده بیرجه عبا
عمامه سین آپاروبلار ستمله تاراجه
یارالی باشی چخوب نوک نی ده معراجه
گوروب که ویرمدی جدی او بی پناهه جواب
دونوب حسینه طرف ایلدی دوباره خطاب
دی بیر گوروم یارالی سن منیم حسینیم سن
باشیم اوجالیقی عالمده , نور عینیم سن
هدایتین گونی نولدی کی گون کیمی باتدون
سبب نه اولدی نظردن عیالوی آتدون
هدایتین گمیسی نولدی قانه غرق اولدی
غریق بحر بلا جمله غرب و شرق اولدی
تمام عالمه سن دست یاریدون یارالی
ید الله اوغلی ید کردگاریدون یارالی
سنون جهاندا الون اوستونه بر ال یوخودی
مقام عز و شرفده سنه بدل یوخودی
بو خلق آرا سنیدون مظهر حق بی چون
نه اولدی اولدون اراذل النده بیله زبون
تمام عالمه فلک نجاتیدون قارداش
حقیقتا اوزون عین الحیاتیدون قارداش
او قدرتیله تعبد یولون نشان ویردون
قوری دوداقیله باخدون فراته جان ویردون
سوئی سنون یوزوه باغلیان زمان اعدا
اولیدی کاش جهان قانیله دولی دریا
سنون باجون دگل آیا بو خانه سی ویران
کسیلدی چاره سی بالمره قوم و قارداشدان
دولاندیروبدی بقیعه یوزین او کان حیا
یارالی قلبیله ایتدی خطاب یا زهرا
آنا بو قانینه غلطان سنون حسینوندور
یارالی پیکری عریان سنون حسینوندور
همان حسیندی بو گل تک اوپردون ایگلردون
ایدوبله گل کیمی خندان سنون حسینوندور
همان بدنی که سینونده بسلمشدون سن
اولوبدی خاکیله یکسان سنون حسینوندور
بو لشکری داغیلان تخت و تاجی غارت اولان
تمام عالمه سلطان سنون حسینوندور
بو قیزلاری سویولان اهلبیتی چولده قالان
قتیل لشکر عدوان سنون حسینوندور
بو قان ایچینده شناور نجات کشتی سی
نجات عالم امکان سنون حسینوندور
بو قوملار اوسته اوزی قویلی پاره پاره بدن
حبیب خالق دوران سنون حسینوندور
قالان جنازه سی بی غسل و بی کفن یارالی
قویان عیالینی گریان سنون حسینوندور
جواب گلمدی گوردی آناسی زهرادن
هجوم محنت و غمدن دوشوب توانادن
شرار آهیله دنیانی دلکباب ایلدی
مخاطبین دگشوب اوخلارا خطاب ایلدی
بو رسمدور یارالی بی کسی هامی یوخلار
بو یوخلاماقدی مگر ای جگر دلن اوخلار
بو سینه مخزن علم خدای عالم دور
مگر بو سینه مجروحه تیر محرمدور
او هانسی چرخیدی بو پایه ده ستاره سی وار
او هانسی سینه دی بیر بیله قانلی یاره سی وار
گون ایستی پیکری خسته نه ساتر و نه کفن
یانور یارالی بدن یوخدی کیمسه دفن ایلین
مرحوم حسینی سعدی زمان
منبع مجموعه کانالهای مدح و مرثیه
----------- متن نوحه احوالات قتلگاه ---------
قتلگاه زبانحال حضرت زینب (سلام الله)
الا ای نور چشم شاه لولاک
زداغت داغدار آفاق و افلاک
تو را اهل مجاز ار کرده صد چاک
تنت بی پیرهن افتاده بر خاک
حقیقت هر چه عریان تر چه بهتر
تو محبوب خدای ذوالجلالی
نداری در همه عالم مثالی
در گنجینه ی علم و کمالی
تو یاقوتی ز گنج لایزالی
به خون خویش غلتان تر چه بهتر
تو را حق کرده مصباح هدایت
تو کشتی نجاتی بهر امت
شکستندت ولی قوم ضلالت
تویی چون مشعل راه سعادت
سرت بر نی فروزان تر چه بهتر
ز بس سنگت زده این قوم دل سنگ
ز سنگ کینه گشته مقتلت تنگ
لباست کرده یغما اهل نیرنگ
نباشد عوری عصمت تو را ننگ
به زیر سنگ پنهان تر چه بهتر
شدی گر کشتۀ شمشیر بیداد
گذشتی از همه هستی و اولاد
شدی سردستۀ مردان آزاد
که باید داد کاخ ظلم بر باد
بنای ظلم ویران تر چه بهتر
برادر قتلگاهت لاله زاریست
که خون از هر طرف چون نهر جاریست
به باران حاجت گل اضطراریست
دو چشم من چو ابر نوبهاریست
به گلشن ابر گریان تر چه بهتر
توئی مرآت ذات کبریایی
خدا خود در تو کرده خود نمایی
زجان بگذشتگان را پیشوایی
تو چون اسلام و قرآن را فدایی
به تن زخمت فراوان تر چه بهتر
تو گفتی رونق اسلام و قرآن
بُوَد بسته بدین جمع اسیران
چنین چون خواسته خلاق رحمان
ندارم شِکوِه از زلف پریشان
دو صد بار ار پریشان تر چه بهتر
حسین ابن علی کرده عنایت
شده شعرت « حسینی » با فصاحت
گدایان را کجا باشد لیاقت
زند دم از فصاحت وز بلاغت
گدا هر قدر نالان تر چه بهتر
مرحوم حسینی سعدی زمان
منبع مجموعه کانالهای مدح و مرثیه
----------- متن نوحه احوالات قتلگاه ---------
وداع حضرت امام حسین (علیه السلام) و گریز به قتلگاه
واحسرتا بنای جفا قویدی روزگار
اولدی گینه فراقه مبدّل وصال یار
ترک ایلمزدی وصل گُلی جور خاریله
گر اوز اَلینده بلبلین اولسِیدی اختیار
نه سفله ساز عجوزیدی دنیای دون واز
نه پست طبعدور فلک پیر و کجمدار
قویماز ایکی حبیب وفاداری بی رقیب
ایتمز محبّت اهلینی بیر لحظه کامکار
بیر مختصر وصاله مطوّل یازار فراق
هر بیر مطوّل آیریلیقا مختصر عیار
آموزگار نوع بشر مرتضی علی
دُرج دهانیدن نه گوزل دُرّ ایدوب نثار
هر چند سختدور اُلوم، اونداندا سختدور
احبابه آیریلیق غمی، عشّاقه انتظار
بیر ایل تمام اولور که پریشان خیالیله
بیر جمعیله انیسیدی بو خاطر فکار
سالدی آرایه دور فلک سنگ تفرقه
ایستور ایده بیری بیریمیزدن بیزی کنار
داش اولسا قلب آیریلیقا ایلمز دوام
یوخدور غم فراقدن عالمده سخت کار
بیر بیله سخت اولور غم هجران، نَچَکدی بس
دشت بلاده سبط نبی، شاه تاجدار
اول ساعتیکه ایستَدی زینبدن آیریلا
شرق خیمدن ایتدی طلوع آفتاب وار
سَسلندی واردی بیر نفر ا... رضاسینه
من بیکسین آتین گَتوره ایلیه سوار
نه قارداشیم قالور باشیم اوسته علم دوتا
نه اکبریم، اولا منه بیرده رکابدار
شاهم اوزوم و لیک منیم یوخدی لشکریم
لشکر سینوب، نظامیم اولوب جمله تار و مار
دشمنلریم باخور منی پوزقون گورور، گُلور
ایتدی عجب زمانه عزیز خدانی خوار
اهل حرم نه گوردوله ناگه علی قیزی
اَلدی عنان مُرتَجَز، افسرده، اشکبار
سَسلور گَل ایلیوم آنام اوغلی اوزوم سوار
غم چکمه یوخدی بیر نفر اولسون مُعین و یار
امّا اجازه ویر قولومی بوینووا سالوم
حسرت، گوزیمده قالماسون ای میر نامدار
قورخوم بودور که بیرده سلامت گورَن میم
جسمون که اولمیوب هله ظلمیله زخمدار
گَل آیریلیق زمانیدی بیر قول بویون اولاق
روحیم تک ایمدی که اولوسان جسمدن کنار
اهل حرم بو حالیده بیردن هجوم ایدوب
دوتقون آیی احاطه ایدوبلر ستاره لر
بعضی اَیاقلاریندان اوپوب، بعضی اَللرین
هر خشک دلده بیر دلیله لفظ آبدار
سَسلردیلر هارا گیدوسَن ای اُمیدیمیز
سَنسیز اولاق بو چولده کیمه بیز امیدوار
دامانینه ایدردی بالا قیزلار اعتصام
اولموشدی فاطمیّه لره محشر آشکار
هنگامه ی قیامتیدی آل حیدره
بُلمَم که هاردا قالمیشیدی شیر کردگار
یا فاطمه یِرون بوش او هنگامه ده سَنون
زلفین یولاردی قیزلارون ایلردی آه و زار
بعضی دیَردی گَل بیزی قِیتَر مدینیَه
سَن اُلسَن اهل بیتوی بو قوم دون سُویار
بعضی دیردی گیتمه گیدن گَلمیوب بو گون
بی رحمدور اوزون بُلوسن قوم نابکار
دوشدی او حالده گوزی ناگه سکینیه
گوردی خزان اولان گُله بنزور او گُل عُذار
زلفون آلوب اَله ایله آغلور بولود کیمی
گویا یاغیش یاغور چمنه موسم بهار
فرمایش ایتدی آغلاما، یاندورما قلبیمی
عورتلرین عزیزی، منه روح مُستعار
تا من ساقام سرشکوی توکمه عُذاروه
ایتمه یارالی قلبیمی بیر بیله داغدار
مندن صورا چوخ آغلیاجاقسان زمانه ده
گر قویسالار جماعت بی رحم و کین شعار
عریان گورنده نعشیمی زلفون سال اوستیمه
گوز یاشویله غسلیمی ویر نخل عُمره بار
اشک تریله یو بدنیم گرد و خاکینی
هر چند جسمیمی یوواجاق چشمه چشمه ثار
بو سوزلری یادیندا خانم ساخلادی تمام
اول وقته دین که قتلگهه ایلدی گذار
گورجک آتاسینون قوری یِرده جنازه سین
سَسلندی ای آدی شرف و عزّ و افتخار
آیا او وقت اولوب که آچام زلفیمی یولام
بو رسمدور اُلَنده آتا قیز ساچین یولار
باشسیز جنازه سین آتانین بیر قوجاقلادی
دل آچدی درد دل دیماقا معدن وقار
دور باخ حیالی عمَّمه نه حاله گور قالوب
باشینده وار نه مقنعه، نه چادر و خِمار
از بس که یاندی آغلادی، آغلاتدی دشمنی
ظلمیله گُلشنی پوزولان خسته دل هزار
گیتدی آتا جنازه سی اوستونده هوشیدن
هوش عالمینده ناگه ایشیتدی او دل فکار
سویلور آتاسی شیعه لریمه یِتور سلام
سویله سیزه غریب آتامین بیر پیامی وار
جان تشنه ویرماقیمی ذکر ایدون منیم
هر یِرده هر زمان ایچَه سوز آب خوش گوار
گورسوز غریب، غربتیمه نُدبه ایلیون
اشک بصر توکون یوزه چون دُرِ شاهوار
اُلدوردولر منی سپهِ کوفه بی گناه
آتلار یارالی پیکریمی ایتدی خاکسار
ای کاش اُولِیدوز اوندا که آلدیم قوجاقیمه
بیر شَربه سو هواسینه بیر طفل شیرخوار
رحم ایتمَدی گوزوم یاشینا قوم سنگدل
سو ویردی سود اَمر بالاما تیر زهردار
ای ''سعدی زمان'' سوزوی ایله سن تمام
اولماز بو غم تمام، تمام اولسا روزگار
زنجاندا باروفین ایوینده مُحبّلر
سندن بو نظمه اولدیلا صدقیله خواستار
تودیع مجلسیدی او مجلس همان گئجه
یازدون بو ماجرانی به عنوان یادگار
هوشی باشیندا رسمیدی اولماز مسافرین
ارباب فضل نقصه قبول ایلر اعتذار
مرحوم حسینی سعدی زمان
منبع مجموعه کانالهای مدح و مرثیه
----------- متن نوحه احوالات قتلگاه ---------
احوالات قتلگاه و گریز به شهادت حضرت زین (سلام الله)
آفت جان عاشقه فکر ایتمه ساغردن گلور
هر نه گَلسه ساقیان ماه منظردن گلور
نصف شب بیدار اولا سرمست اولان نوشابه دن
مست ساقی نعره سی گر گلسه محشردن گلور
عقلیدن اوصاف عشقی ایلدیم پرسش دیدی
حُسندور سر منشائی، حُسن آدلی مظهردن گلور
مرکز قان دلدی، اشکین مرکزی گوز کاسه سی
عاشقین قانی ولیکن دیده ی تردن گلور
روح سلطان بدندور، حُسن فرماندار عشق
لشکر آشوب و غم جسم آدلی کشوردن گلور
عشق نیروسی هامی نیرویه غالبدور ولی
عجز ایدر حُسنی گورن ساعت برابردن گلور
عشقیله صبرین مثالی آتشیله پنبه دور
پنبیه فکر ایت نلر سوزنده اخگردن گلور
عاشق صادق آلار عشق عالمینده امتیاز
آدی تقریریله مسجدلرده منبردن گلور
ماسوانی ترک ایدر، حیثیّتیندن اَل چکر
گه سسی تحت ثَری، گه چرخ اخضردن گلور
طالب دیدار یاره باش ندور، پیکر ندور
قانی دریا تک چوله صد پاره پیکردن گلور
گَلمیوب گَلمز حسینون مثلی عاشق عالمه
مرحبا بو عشقه ذات پاک داوردن گلور
ماسواللهدَن گیچوب عشق عالمینده شوقیله
اوخ، قلج، خنجر اونا شیرین شکّردن گلور
باش یارالی، یوز یارالی، آغزی قانیله دولی
لخته لخته قان یوزه منشقّ اولان سردن گلور
حلقیده نیزه یاراسی، سجده گهدی داش یری
اوخ سوکوب قلبین، جگر قانی نچه یردن گلور
غشّ ایدوب خنجرلر آتدا، مصرعین قان دولدوروب
گاه گاه آهسته سس منحور حنجردن گلور
ای جماعت قلبیم اودلاندی عطشدن، رحم ایدون
گورموسوز هر بیر نفس چون دود مجرمدن گلور
ویرمیون جان اوستیم، یوخدور سسیمه سس ویرن
گرچه سس معناده عرش حیّ اکبردن گلور
باشیم اوستونده دوروب جدّیم پیمبر باش آچوق
وای اوغول وای ناله سی ساقیّ کوثردن گلور
ساچلاری الده آنام زهرا اوغول وای سسلنور
جور امّتدن فغان جدّیم پیمبردن گلور
نه سسیمه سس ویرور یالقوز علمداریم منیم
نه جواب استغاثه اوغلوم اکبردن گلور
اوخ اوخ اوستن وورمیون، چوخ داش داش اوستن توکمیون
قلبیمه سوزش دمادم تیغ و خنجردن گلور
رحم یوخ سیزده، ایشیتمیرسوز جماعت، گورموسوز
خیمه گاهیمده نه سسلر آل حیدردن گلور
قوی حسینی قان ایچینده عشوه حالینده قالا
گور نه نصرت زینب آلام پروردن گلور
خیمه لردن چخدی باشدا اللری زهرا قیزی
آری آری، بیله قیز زهرای اطهردن گلور
باشی اوسته ایستدی گَلسون یارالی قارداشین
گوردی چوخ چوخ های و هو بیر یرده لشکردن گلور
ایلبوب لشکر احاطه دورت طرفدن بیر یری
های و هوی و اُقتُلو اول قوم کافردن گلور
دسته دسته اوخ ووران، خنجر ووران ایلور هجوم
شرم سیز فرقه ایدولّر هر نه اللردن گلور
گوگده اوخ، نیزه، قلج، داش بیر بیره منضمّ اولوب
گور نه چاره بیر نفر مظلومه خواهردن گلور
سعد وقّاص اوغلی کبریله دوزوب ایلور نظر
قتل فرمانی حسینون اول ستمگردن گلور
عصمت کبری قیزی اللر باشیندا سسلنوب
ای جفاجو، بو جفا گور هانسی اَبتردن گلور؟
سن باخورسان اُلدورور اعدا منیم قارداشیمی
گورموسن فریادیله شیون بو مضطردن گلور
اولدی شرمنده باشین سالدی اَشاقه، دینمَدی
نخوّت آری حبّ جاه و سیمیله زردن گلور
دخت زهرا اگرچه اولدی ناامید اول شومیدن
باخمادی امّا قلج اوخ نیزه هر یردن گلور
شمع عشقه شوریله پروانه تک ووردی اوزین
عشقِ پروانه ظهوره اودلانان پردن گلور
بُلمورم نه نحویله یتدی او قانلی مقتله
چکدوقی زحمت اَله گرچه خبرلردن گلور
بو قَدَر وار جان ویرونجه قالدی جسمینده اثر
ظاهره اول ماوَقَع بو سرّ مُضمَردن گلور
حضرت سجّاده غسّاله گلوب عرض ایلدی
قلبیمه بیر سوز وقوع امر دیگردن گلور
کربلاده سیّدی عمَّنده دعوا ایلیوب
نه علامتدور گوزه بو جسم لاغردن گلور
گوزلری دولدی، بو سوز پوزدی امام ساجدی
سویلدی یاللعجب، گون سمت خاوردن گلور
گون چخِیدی کاش مغربدن، اولیدی رستخیز
یادیمه بیر ماجرا حشر مقدّردن گلور
قتلگاه کربلاده عمّه مه بو صدمه لر
یوز ویروب، فریاد او ساعتدن او کیفردن گلور
گوردی قارداش باشینی ایستور کسه شمر شریر
صوت اُسقُونی او یالقوز بی برادردن گلور
خنجر شمر شقی کَسمور او نازک خنجری
شاهِ دینه ضعف دل ضرب مکرّردن گلور
سسلدی ای بی مروّت ساخلا اَل، صبر ایت، دایان
گورموسن نه التجا بو قاره معجردن گلور
کسمه باشین، قویما باشسیز اهل بیتین، رحم ایله
بانگ واعَوثا خیمده بی پدرلردن گلور
گوردی قاتل اَل گوتورمور بینوا مقتولیدن
باخمادی صدمه وجوده اول بداختردن گلور
آه والهفا اَل آتدی دوتدی شمرین خنجری
بو کومکلیق یالقوز اول روح مصوّردن گلور
بیر کشاکش اولدی نه شرحی فحول علمیدن
نه «حسینی» تک بو بی مقدار نوکردن گلور
بیر یره منجرّ اولوب سوز، اود دوتوب اَلده قلم
شعله سعدیّ زمان یازدوقجا دفتردن گلور
مرحوم حسینی سعدی زمان
منبع مجموعه کانالهای مدح و مرثیه
----------- متن نوحه احوالات قتلگاه ---------
احوالات قتلگاه
گوردی قدسیان جان ویرور حسین، گیزلنور نفس تازه قان گلور
العطش دیور شاه مشرقین اوخ ویران گیدور داش ویران گلور
دسته دسته نیزه وران گیدور، ایلیوب هجوم اوخ آتان گلور
بیر نفر دیمور بو کومکسیزی بیر بیله جماعت ند‌ن ویرور
نه گناهی وار بو اوغولسوزون ، اشقیای دور زمن ویرور
قربتا" الی‌الله خیالی وار، هر گلن ویرور هر گیدن ویرور
العطش دیور شاه مشرقیین، اوخ ویران گیدور، داش وران گلور
بیر سپهریدور قانلی پیکری ، وار یارالاریله کواکبی
بیر یارالی قرخ مین نفر قوشون، گور بو مطلبین وار تناسبی
ویرماق اوسته وحشی عر‌بلرین ، بیربیرینه واردور تعاقبی
ویرموری امـان قوم کوفیان، حرمله گید‌نده سنان گلور
شام وکوفه‌نین قان توکنلری دور و برده چون حلقه‌ی نگین
بیر یارالینیون دوره‌سین آلوب، دلده اَقتُلو، الده تیغ کین
بو هجومه وسعت ویرور مگر، قطعه قطعه بیرجسم نازنین
علتی بودور منتظر دوروب، شامیان گیدور، کوفیان گلور
جدّی خاتم‌الانبیا ایدر ، باشی اوسته قرآن تلاو‌تی
نُه فلک ده افلاکیان گورور، کربلاده برپا قیامتی
رسمدور کی اوغلی اُلنلره، هر گلن ویریر باش سلامتی
ویرماقا تسلّی پیمبره ، خلدیان گیدور، قدسیان گلور
فاطمه آچوب باشینی گلور، اوغلونون سیله قانلی گوز یاشین
قتلگهده امّا دورانموری، چون گورور کسور شمر اوغول باشین
خیمه دنده زلفین یوزه سالوب، گورماقا گلور باجی قارداشین
قتلگاهه وار چوخ گلوب گیدن، زلف آچان گیدور، باش آچان گلور
فاطمه قیزی زینبین آلوب، دوره‌سین بلا مثل دایره
وامحمدا دلده گه قاچار، قارداشی حسین جان ویرن یره
گه گلور خیام امامته ، خوردا قیزلارا تسلیت ویره
گیتماقی حزین، گلماقی غمین، باغریقان گیدور، خونفشان گلور
خیمه لردن علیا مکرمه، قتلگاهه بیر باش اولور روان
باشدا اللری، یوزده زلفلری، روحی مضطرب، جسمی ناتوان
قارداشا حمایت اید‌نموری ، امر ایدور قیت شاه انس و جان
سرزنان قویور خیمه‌گاهه یوز، ناتوان گیدور، سرزنان گلور
مختلف خیالیله چوخلاری، ایلوری تردّد او مقتله
قبض روحه عزرائیل آختارور سالیم عضوینی سالماقا اله
زینبی گلور جانفشانلقا، کسماقا باشین شمر و حرمله
عرصهء قیامتدی قتلگه، جانفشان گیدور جانستان گلور
وار حسین عزاخانه سینده چوخ، شوکت و جلال، عزّت و شرف
ظلمدور حسینی اوز عمرینی، اوزگه یرده هر کس ایده تلف
باطنأ ملک لر نزول ایدر، کسب فیضه بو بزمه صف به صف
ظاهرأ گورر بوردا اگلشن،روضه خوان گیدور نوحه خوان گلور
مرحوم حسینی سعدی زمان
منبع مجموعه کانالهای مدح و مرثیه
----------- متن نوحه احوالات قتلگاه ---------
احوالات قتلگاه
فریاد و ناله سالدیلار کرّوبیان گویه
اوچ قانی گوندرنده حسین ارمغان گویه
جدّی شبیهی اکبرینون قانینی ازل
اوجیندا دوتدی آتدی او شاه جهان گویه
بیرده اَل اوسته سود امری اوخلانان زمان
قانین دوتوب سپوب شه لب تشنگان گویه
امّا اوچومچی قانی دیلیم دوتمور عرض ایدوم
پیغمبر اوغلی آتدی او قانی هاچان گویه
معذورم عرض ایدوم آقا یا صاحب الزّمان
جدّون نه وقت بیرده سپوب اَلده قان گویه
اول وقتیدی که اُلدی هامی یار و یاوری
سوز دل نهانی دایاندی عیان گویه
یالقوز مقابل اولدی اوتوز مین سپاهیله
اوج ایتدی داد و الحذرِ کوفیان گویه
غیظه گلوب یر اوسته یدا...ِ باسطه
اَینَ المَفَرّ اوجالدوب او دم شامیان گویه
دعوا ایدوب یورولدی، یارالاندی، آخدی قان
ویردی نجوم تک یارا جسمینده سان گویه
یسر سمتیده چکدی دایاندی جداسینه
توحید هیکلینی ویروب یر نشان گویه
بیر داش گَلوب دگوب او زمان سجده گاهینه
شور نشور و زجّه سالوب قدسیان گویه
مرآت ذوالجلالی دوتوب پرده پرده قان
روح الامین سالدی صلای فغان گویه
پیراهنین کنار ایلیوب قانینی سیله
قلبی سالوبدی گون تک او دم شعشعان گویه
اوچ شعبه لی بیر اوخ او زمان آتدی بیر شقی
سالدی فغان و ولوله اول اوخ آتان گویه
ایتدی او تیر فاطمه نین قامتین کمان
شور نشور سالدی او تیر و کمان گویه
قلب امامی تشنه گوروب تیر آبدار
قان قان دیوب هواده او شیون سالان گویه
تالا مکان مکانین او اوخ ایلدی مکان
آهین اوجاتدی علّت کون و مکان گویه
دگی قاباقدان اوخ، دالیدان چخدی یرلری
اولدی خدنگ آهی اورکدن روان گویه
دلدن مقام وصله او اوخ آچدی شاهراه
گوستردی شاه یردن او دم امتحان گویه
چکدی دالی طرفدن اوخی خارج ایلدی
فکر ایتدی آشکار ایده راز نهان گویه
دولدوردی قانی اوجینا یاخدی جمالینه
یوز دوتدی حسرتیله شه بی کسان گویه
دولدوردی بیرده هر ایکی اوجین او قانیله
گوندردی تحفه شاه زمین و زمان گویه
یعنی الهی محشره بو قان ذخیره دور
ساخلا امانت ایله بونی کهکشان گویه
یوز ویردی گوشواره ی عرش خدایه ضعف
آخدوقجا قان یر اوستونه، ویردی تکان گویه
بی حال اولوب یخلدی یره ذوالجناحیدن
اعلان نوحه ویردی حقّ لامکان گویه
سکّان عرش آغلادی، عرش ایتدی زلزله
ناله یتوردی زینب بی خانمان گویه
زهرا اَلینده ساچلاری گوگدن گلوب یره
گوردی سَنان اَلینده اوجالدوب سِنان گویه
اوچ نیزه ووردی شاه شهیدین وجودینه
سیماب وار زلزله سالدی سَنان گویه
شمر و سَنان گونوز فلکه سالدی غلغله
امّا گئجه نی سالدی نوا ساربان گویه
روحون «حسینی» ایستَسه یر اوج قدسیده
آغلا حسینه اوج ایله یردن، دایان گویه
مرحوم حسینی سعدی زمان
منبع مجموعه کانالهای مدح و مرثیه
----------- متن نوحه احوالات قتلگاه ---------
احوالات قتلگاه
خبری نیست از تو و کفنت
یوسف من کجاست پیرهنت
یادگاری ز جنگ حک شده است
مُهری از سمِّ اسب روی تنت
تا خود حشر بر سنان لعنت
که فرو کرده نیزه در دهنت
پیرمردان ناتوان حتّی
با عصا می زدند بر بدنت
همه را سیاه می دیدی
به فدای نفس نفس زدنت
استخوان های سینه ی تو شکست
شمر وقتی که روی سینه نشست
آینه بودی و ترک خوردی
از همه بی هوا کتک خوردی
قتلگاهت نگو که غوغا بود
سر پیراهن تو دعوا بود
کاش مادر نبود در گودال
از بد روزگار امّا بود
----------- متن نوحه احوالات قتلگاه ---------
قتلگاه
یتشدی قتلگه عشقه آل پیغمبر
ظهوره گلدی اوصحراده شورش محشر
سراغ ایدردی آتا جسمینی خانم قیزلار
اوغول جنازه سنی آختاروب اوغولسورلار
تاپوب عزیزینی هر کس دیردی واویلا
اولوب سرّیه‌یِ نالانه هم صدا لیلا
گزردی زینب نالان او قانلی صحرانی
تاپوب حسیننی اوج ایتدی عرشه افغانی
گوروب او حالیله چون مهربان برادرینی
سالوبلا گون قاباقندا یارالی پیکرینی
اولوبدی گون کیمی عریان لباسدن بدنی
اونا نه غسل ویرن وار نه دفن و کفن ایدنی
یوزین اَیاقنه قویدی گیدوب او دم هوشه
گلنده هوشه گوروب خون دل گلورجوشه
جِگر آلشدی چخوب او دلی سینه سیندن آه
دونوب مدینیه عرض ایتدی یا رسول‌الله
اولان بوقاننه غلطان سنون حسینندور
اولوبدی زینت میدان سنون حسینندور
همین بو سینه دی بسلردی سینه ده زهرا
اولوب نشانه‌ی پیکان سنون حسینندور
گهی لبوندن او پردون گهی بوغازیندان
گل اوپ کسوک بو غازیندان سنون حسینندور
ورو بلا سینه سینه دورت مین اوخ یاراسی هنوز
یارا لاریندان آخارقان سنون حسینندور
او قدر یاره دگوب جسمینه بو گل بدنی
اولوبدی خاکیله یکسان سنون حسینندور
یارالی جسمیده بیر گُل آچوبدی هر یاراسی
اولوبدی جسمی گلستان سنون حسینندور
کسوبدی اهرمن انگشتر اوسته انگشتین
سریر عشقه سلیمان سنون حسینندور
حجازی ترک ایلین کینه‌ی مخالفلن
عراق اهلینه مهمان سنون حسینندور
گوزی فراتده حسرتله العطش گویان
ویرن سو اوسته سوسوز جان سنون حسینندور
کمال شوقیله بو کربلا مناسینده
اولان شریعته قربان سنون حسینندور
قوری یر اوسته ویرن پاره پاره گُل بدنی
گویون ستاره‌لرین سان سنون حسینندور
حقیریمون غمی یوخ عرصه‌گاه محشرده
او گونده داور دیوان سنون حسینندور
دیدوقجا شوره گلوب آرتدی دمبدم دردی
یوزین بقیعه مزار بتوله دوندردی
دیدی عجب خبرون وار غریب عیالوندان
سوروشموسان نیه بس اهل بیت حالوندان
بقیعدن گذر ایت سمت کربلایه آنا
سالوبدی دور فلک زینبون بلایه آنا
دیار کرب و بلاده قیام محشری گور
اسیر قوم دغا عترت پیمبری گور
ز بس عداوت آل امیّه ایتدی بروز
سنون حسینوی اُلدوردولر بو چولده سوسوز
دیمه که شمر ستم پیشه ظلمدن دویدی
گوزوم باخا باخا خنجر بوغازینه قویدی
سویوبلا جسمینی اگننده پیرهن یوخدی
هنوز یرده قالوب نعشی دفن ایدن یوخدی
همان حسین که تاپوب پرورش قوجاقینده
قالوب نه حالیله گور گونلرین قباقینده
سواولمادی ولی غسلی ویریلدی قانیله
دوباره من یووارام چشم خونفشانیله
سویولموشام نه لباس و نه زیوریم واردور
ولی باشیمدا همین کُهنه معجزیم واردور
اونی دا قویسالا گر ایلرم حسینه کفن
ولی چتین گورورم من اَمان ویره دشمن
جفا الیله آنا من حسینی ترک ایدورم
یارالی پیکرین عریان قویوب دورب گیدورم
یارالی سینمی شور و نوایه تاپشورورام
یارالی قارداشیمی کربلایه تاپشورورام
رقیّه سی یاناجاق آتش فراقنده
علی‌اصغری امّا یاتار قوجاقنده
اَیاقی آتدا یاتار اکبری گیدر هوشه
اولار اونیله حسینون مزاری ششگوشه
گورن اوقبری گلر داده آه وائیله
بولر او یرده یاتوب بیر آتا بالائیله
آتا بالا غمینی یاد ایدر اورک داغلار
او پاک مدفنه سورتر یوزین یانار آغلار
ویرر آتانی اوغول جاننه قسم زوّار
نه حاجتی اولا ایستر آتابالادن آلار
نولور بو وفقه آلهی (حقیره) قسمت اولا
گیدنلره قاریشوب عازم زیارت اولا
حقیر خوئی
منبع مجموعه کانالهای مدح و مرثیه
----------- متن نوحه احوالات قتلگاه ---------
احوالات قتلگاه
قویمازلار آغلیوم سنه بیر آن دوروم گیدوم
تا گوز یاشیمله دردیمی بیر آندوروم دوروم گیدوم
باش قویماقا ایاقیمه صحرای عشقده
گوزلور یولومی خار مغیلان دوروم گیدوم
چون سن طریق عشقیده ترک سر ایتموسن
منده بو یولدا بی سرو سامان دوروم گیدوم
بو نحویلن که سیل کیمی گوز یاشیم آخار
قالسام دوتار بو عرصه نی طوفان دوروم گیدوم
کربوبلا ده هر نه بلا واردی چکمیشم
قالدی بلای کوفه ویران دوروم گیدوم
یوخ بیرزادیم الیمده برادر تالانمیشام
لابد گرک سنی قویوم عریان دوروم گیدوم
چوللرده قالدی السیز ایاقسیز اوشاقلارون
ایندی داغیلدی هر بیری بیریان دوروم گیدوم
چاره م کسیلدی یتمز الیم بیریره داخی
دفن ایتممیش سنی نجه بوردان دوروم گیدوم
چوخ ایستورم دوروب دولانام باشیوه سنون
باشسیز قالوب سکینه نالان دوروم گیدوم
از بس چکوبدی شعله . یانان وقت خیمه لر
بیر پارچا اود دوتوب بو بیابان دوروم گیدوم
قارداش دوشوب یتیم لرون بیر یانار اودا
ممکن دگول او اوددان اوزوم یاندروم گیدوم
من بولمورم نه دیللریله اوخشیوم سنی
یا دردیمی ایدوم نجه پنهان دوروم گیدوم
قارداش یارالی جسمیوی من بیله بولمدیم
حالیم دولاندی اولدی پریشان دوروم گیدوم
من ایندیکه یارالاریوی خشک ایدنمدیم
قوی باری گوز یاشی توکوب الان دوروم گیدوم
ایوای منه وروبلا باشون نیزه باشینه
بوباش دالینجا قوی گله هریان دوروم گیدوم
قوت گلور بو قلبیمه گلدوقجا خوش سسون
باشون ایدور تلاوت قران دوروم گیدوم
گوندوز گرک گورم گیجه نون من تدارکین
گلدی زمان شام غریبان دوروم گیدوم
چون هر جنازه اوسته حسین یاندورالا شمع
منده چراغ آهیمی گوی یاندروم گیدوم
یاخچی دگول که چوخ اوتوروب دردسر ویرم
یاخش بودور کی تز گیده مهمان دوروم گیدوم
بلبل کیمی بو گل بدنوندن دونمورم
وار هاردا بیله صحن و گلستان دوروم گیدوم
مرحوم هندی
منبع مجموعه کانالهای مدح و مرثیه
----------- متن نوحه احوالات قتلگاه ---------
مناجات حضرت امام حسین (علیه السلام) در قتلگاه
مجلس حال دوزلدوب اوزینه دلده خیال
عالم هجریده سرخوش ایدور فکر وصال
خانه ی هجریده وصلیله هم آغوش اوتوروب
یوز دوتوب عقله ایدور فعلیله تصدیق سوال
سن دیردون که قضا کلکی قَدَر لوحه سینه
یازمیوب وصل نگاری اولا بو امر محال
بو سوزون دعوی باطلدور اوزی بی مدرک
مدرکون وار سوزون اثباتینه گر اَلده تعال
ایکیمیز فعلاً‌ایداق محکمه ی عشقه رجوع
تا گوراق عشق حضورینده نولار امره مآل
سن دین اولماز اولوب حق سنیلن دور منیله
صدقیله کذب اثری ظاهر اولار حَیثُ یُقال
الغرض محکمه ی عشقه گلوب هر ایکیسی
بیر بیریله ایدوب اثبات کلام اوسته مقال
مطلب از بس که چکوب طول اولوب عشق ملول
دل آچوب ردّ جوابه او پسندیده خصال
سویلدی هجریله وصله نه بُلورسوز ندی فرق
بی خبرلر ایدوسوز محض غلط جنگ و جدال
وصل بیر نکته ی باریکدور عشق اهلی بُلر
دگل عقلی بُله لقمان، دگی زوری بُله زال
هجر بیر علّت مهلکدی اولا هر کسده
قالا هیهات دوا ایتمسه لقمان خیال
لیک فکریله وصال اولسا تجسّمدی غلط
محو اولار فوراً، اونا صداق ولی بی اصل نوال
وصل اولار اوندا ایکی روحه اولا بیر غالب
اوزگه لر بُلمز حسین بن علیدن خبر آل
او گزوب عالم هجرین دولانوب شش جهتین
او تاپوب وصلِ نگاریله مقامات و جلال
عالم غیبی گزوب گَلدی شهود عالمینه
فکر وصلِ حقیله ویردی تمامه مَه و سال
گوردی حائلدی ره وصله شئونات وجود
ایلدی ترک سر و مامَلَک و اهل و عیال
تاپدی بیر روحه ایکی قالب اولان رتبه نی لیک
ذات خلّاقه نه وار قالب و نه روح و مثال
کُنهِ عَبدیّتی درک ایتدی ربوبیّته باخ
عبد رقّ ایتدی اونا خلقی خدای متعال
کافیه باب امامتده اصوله نظر ایت
اوندا که اوستینه چکمیشدی قزل قانیله شال
اوردا بیر لطف خفی اولدی اونا یوخدی یولوم
عوض لن نه گلوب ارنی ایدن وقته سوال
مطمئن اولدی دیدی ایمدی گوارادور اُلوم
دوزه لوب گون خوشام عمر گونی درک ایتسه زوال
دیمورم اکبریمی دوغرادولار قوم دنی
لخته قانیله خسوف ایلدی اول ماه جمال
شبه طاها باشی حیدر کیمی منشقّ اولدی
ظلمیله قانه بویاندی او گوزل هاشمی خال
تشنه لب قارداشیم اوغلانلارین اُلدوردی عدو
سو کیمی قانلاری اولدی یارالاردان سیّال
آلتی آیلیق بالامی آلدیم اَلیم اوسته سوسوز
حرمله ویردی خدنگیله اونا آب زلال
ظلمیله قارداشیم عبّاس قولی اولدی قلم
جسمی شهباز کیمی آچدی اوخیله پر و بال
علمیم یاتدی، بیلیم سندی، داغلدی قوشونوم
پایه ی سلطنتیم تاپدی بو گون اضمحلال
دیمورم ویرمیشم عشقونده اوغول، قارداش، باش
دولودور قانیله دریا کیمی میدان قتال
گَله هیهات حسینون دلینه کلمه ی من
سنه مختصّیدی باش، پیکر، اوغول، مال و منال
کربلا عشق مناسی، من اوزوم عشق ذبیح
اوزگه بیر سرّیدی بو ناله، بو فریاد و ملال
ناله ی عشقیدی جسمیمده سیزیلدار یارالار
گوستَرور یاریمه هر بیر یارا بیر صورت حال
کوفیان وورسالا مین بیله یارا اُوف دیمرم
عشق نقصانی تاپار یاره لر آرتدوقجا کمال
حق یرین دوتیدی دگن قلبیمه ناحق پیکان
پیک جانان بُلوب ایتدی اوره گیم استقبال
گوردوم اوچ شعبه لی اوخ تنگ ایدوب عشقون یرینی
کوره گیمدن چکوب آتدیم، اَله گَلدی آمال
مخزن سینمی سیندیردی سِنانیله سَنان
آنامی ایلدی جنّتده پریشان احوال
بو بلا دشتی، بو من، بو سپه کوفه و شام
بُلوری قانیمی بو قوم جفاپیشه حلال
راضیم شمر دنی نیزیه وورسون باشیمی
جسمیمی ایلسون آت دیرناقی یرده پامال
باجیمون قیزلاریمون باغلاسون اشرار قولین
آچسون اَل شیرخدا قیرلارینا قوم شغال
بیر بو شرطیله حسینی لری عفو ایله منه
بوغازیم قانیله گیچ ایلسه لر جرم و وبال
خاصّه «سعدیّ زمان» منشی درباریمدور
خلدیده قرب مقامین خوشام ایتسون اشغال
مرحوم حسینی سعدی زمان
منبع مجموعه کانالهای مدح و مرثیه
----------- متن نوحه احوالات قتلگاه ---------
مناجات حضرت امام حسین (ع)
در قتلگاه
یکّه و تنها قالوب میدانیده سلطان دین
نور چشم مصطفی سر حلقة اهل یقین
عالم شوق و وله‌ده پادشاه ملک عشق
طاقتون آلموشدی گویا زخم تیغ آهنین
نغمة «وجّهتُ وجهی» دلده سرگرم حضور
مست و مدهوش جمال حضرت جان‌آفرین
آه واویلا اوساعتدن که قوم ظلم و کین
بیر جفا‌ایّدی بویاندی قانه اول غرّا جبین
مه‌جبینندن آخوب قان دولدی چشم مستنه
ماسوانی دوتدی اول بیدادن داد و انین
عین عین اللّهی قان دوتدی اوقانی سیلماقا
قوزادی دست خدائی گوشة پیراهنین
قلبِ قلبِ عالم اولدی آفتاب آسا عیان
بوسه‌گاه ایتدی او قلبی ناگهان بیر تیرکین
اوخ کی دیدی قلبینه قان اولدی قلب کاینات
سیندی اسلامه اولان بو ظلمیله حصن حصین
تیره و تار اولدی یکسر شش جهات و نه قباب
آشکار اولدی جهاندا شور روز واپسین
جملة ذرّات عالم آب و آتش، باد و خاک
باتدی یکسر ماتمه اول غصه‌دن اولدی غمین
ناله و افغانه گلدی جملة افلاکیان
نازل اولدی عرش اعلادن یئره روح‌الامین
بو مصیبتدن پریشان اولدی جمله ماسوا
پردة ماتم چکیلدی گویلره مثل زمین
تا که جاری اولدی ثاراللّـه یئره یاحق یازیب
کربلا دشتی سراسر اولدی رشگ ناف چین
قویدی یوز درگاه حقده سجدیه سلطان عشق
اولدی مشغول ثنای ذات ربّ‌‌العالمین
عرض‌ائدیب عشقنده یارب ماسوادن گیچموشم
بندة مسکینوم ایّاک نعبد نستعین
یوخ گلایم درد و محنتدن نه فرمان ایله‌سن
حکموه تابع‌دی دلدن پور ختم‌المرسلین
من رضاوه راضیم ای خالق ارض و سما
امریوه تسلیم محضم دلدن ای جان‌آفرین
سالک عشقم طریق عشقده تعلیم ایدوب
بوسلوکی قائد هستی امیرلمؤمنین
سیرة جدّیمدن اوتری من شهید اولاّم که تا
اولماسون بازیچه احکام خداوند معین
ورموشم یتمیش ایکی قربان منای عشقده
تا یئرین آلسون جهاندا حکم و دستورات دین
من تحمّل ایلرم مینلر بلا و محنته
اولماسون تعطیل تا مفهوم آیات مبین
من فراموش ایتموشم دنیا و مافیهانی تا
اولموشام یاد لقائیله بوگون خلوت‌نشین
شکر للّـه جمله یاران باش و جان ترکین قیلوب
اولدولار منزلگه قرب و لقاده همنشین
لطف و احسان‌ایله یارب شاعر و مداحمه
«فانی و فیروزی» فیروز‌ایله روز واپسین
گلدی سس درگاه عزّلم یزلدن گوئیا بو سس
گل حسینیم گل که سن سن زینت بزم لقا
استاد فانی تبریزی
منبع کانال اشعار فانی تبریزی
----------- متن نوحه احوالات قتلگاه ---------
مناجات حضرت اباعبدالله الحسین (علیه السلام)
درگودال قتلگاه
به قتلگه ز سر شوق گفت شاه حجاز
منم که دیده به دیدار دوست کردم باز
بدین شرف که شدم کشته محبّت تو
چه شکر گویمت ای کارساز بنده نواز
ز شاهراه سعادت چو بگذری ای دوست
بسا که بر رخ دولت کنی کرشمه و ناز
به خون، وضو نکند گر قتیل راه وفا
به قول مفتی عشقش درست نیست نماز
به آستان جلالت جبین به عجز نهم
که کیمیای مراد است خاک کوی نیاز
سرم به عرش سنان بِهْ، تنم به فرش تراب
که مرد راه نیندیشد از نشیب و فراز
ازل به گوش دلم پیر میفروشان گفت:
درین سراچۀ بازیچه، غیر عشق مباز
به جز خیال تو، اسرار دل کرا گویم؟
چو سروِ راست درین باغ نیست محرم راز
به عشق دوست قسم، هر بلا رود به سرم
من آن نیَم که ازین عشقبازی، آیم باز
چه جای گفته ناجورِ چون تویی (عابد)
در آن مقام که (حافظ) برآورد آواز
مرحوم عابد
----------- متن نوحه احوالات قتلگاه ---------
احوالات قتلگاه
خیمه دن دخت علی گوردیلر میدانه گلور
دیه سن یانماقا اوز شمعنه پروانه گلور
کوفه ده قانه باتان گون آتاسی شیر خدا
مسجده گیتماقنا مانع اولوب شرم و حیا
کربلاده نه دور علّت بو دُرِ کنز حیا
اللری باشدا گیدیر خیمیه میدانه گلور
گون کیمی اولدی عیان شرق خیمدن او زمان
یوز قویوب قتلگهه دخت شهنشاه جهان
زینبین عشقنه حیرتده قالوب کون و مکان
شیر تک رزمگهه بسکه دلیرانه گلور
اوج صبر اُسته وفا پرچمی همّتله ساچور
دلده کی عشق دلیلی رهِ مقصودی آچور
اللرین باشه قویوب گاهی یِرور، گاهی قاچور
اود سالور نه فلکه ایله یانا یانه گلور
دلده کی عشقینی عالملره اعلان ویروری
قلب مجروحی گوتوردوقجه قدم، قان ویروری
گوروری قارداشی میداندا سوسوز جان ویروری
اشکیله سو سپه لعل شَهِ عطشانه گلور
سعی ایدور قارداشنا بلکه اوزین تیز یتوره
دلده هجران یاراسین مرهم وصلی بتوره
دختر شیر خدادور، اوزین حاشا ایتوره
عرصه گاهه ایله زهرا قیزی مردانه گلور
سانما بیر ذرّه وقارین پوزوب اول گوهر پاک
کوکب برج شهامتدی دیمه ایلوری باک
حالی پوزقوندی یاخوندور ایلسون غصّه هلاک
پوزقون احوالینی هر کیم گورور افغانه گلور
روز امّید آچان وقتده تیره شبه یول
اوزینی لشکره ووردی آچا تا مطلبه یول
گوردی بو حالی قشون اهلی آچوب زینبه یول
بولدولر عشق شراری سالوب اود جانه گلور
بیر بیره سویلدی بو فاطمه ریحانه سیدور
گورموسوز باک ایلمور چون علی دردانه سیدور
قارداشی شمع وفادور بودا پروانه سیدور
عالمه ایله نه بیر شمع و نه پروانه گلور
گر دیساخ حوریدی یوخ حوریده بو پایه ی شور
عشق سرمشقنی بوندان گرک آلسون هامی حور
گوروری قتلگهی چولقالیوب شعله ی نور
ظلمت غمدن اودور روضه ی رضوانه گلور
قلبی اودلار اورگی اولسا غریبین یارالی
دوزه بولمز گوره محبوب حبیبین یارالی
عشق بیماری او دم تاپدی طبیبین یارالی
نه طبیب حشره تک عالم اونا درمانه گلور
ایستدی قتلگهِ عشقه خانم سالسون اوزین
یارالی قارداشنا شرح ایلسون دلده سوزون
باغبانِ چمنِ عشق آچوب قانلو گوزین
نه گوروب بلبل غم غملی گلستانه گلور
سسلدی سالدون عجب وقتده منی یاده باجی
یالقوزام بولدون اودور گَلموسن امداده باجی
آشنا اول غمه گلمه بیله فریاده باجی
سیل گوزون یاشنی، چوخ آغلاما بیگانه گلور
بیر سوزوم واردی باجی عمده وصیّتدی سنه
سویگلی نازلی رقیَّم چون امانتدی سنه
جان سنون جان بالامون گرچه اذیّتدی سنه
آغلارام نالیه گورسم من او دردانه گلور
گوردی شه آز قالوری عمر گُلُستانی سولا
گل رضا اولمادی بلبل گوزی اشکیله دولا
خیمیه بیر دلیله زینبی سالدی یولا
ایله قارداش باجی گور عالم امکانه گلور؟
دیمه قارداشدان او دمده باجی دویدی گیدوری
جسمیدن مهر و وفا رختینی سویدی گیدیری
قتلگه ایچره ولی روحینی قویدی گیدیری
خیمه ده قارداشینا قورسون عزاخانه گلور
خیمه ده گوردیله گون باتدی قرا یللر اسر
بیر بیره سویلدی میداندا قیامتدی مگر
گوز تکوبلر یولا حیران گوره لر وار نه خبر
گوردولر زینبین اللر بویانوب قانه گلور
یتدی خرگاهه خانم دوره سین آلدی بالالار
باغبان اولماسا واضحدی که گُللر سارالار
دیه بولمور شه ئولوب، قلب لرین غم یارالار
بو محن ایله گران زینب نالانه گلور
یوز دوتوب حضرت کلثومه دیدی آغلا باجی
ویردی جان شاه زمن سینوی گل داغلا باجی
دستگیر اولماقا محکم بیلوی باغلا باجی
دیمه بیرده باشوین محنتی پایانه گلور
قوردی بیر بزم عزا زینب آی اولدوزلاریلن
نی کیمی داده گلوب لیلی اوغولسوزلاریلن
قول بویون اولدی رقیّه بالا قیزلاریلن
گور ایله بزم عزا بیرده بودورانه گلور؟
آغلاشوردی بالالار گوردوله بیر سس اوجالوب
ازدحامیله گَلولَّه، گورن حیرتده قالوب
بیر بیره سویلَدیلر کیمدی بولار یاده سالوب
تسلیت ویرماقا بو جمع پریشانه گلور
دیدیلر یوخدی بیزیم بیر کسیمیز داده گَلَه
باغبان اولماسا، کیم همدم اولار غنچه گُله
فکر ایدوللر نه حکایتدی گلوب مطلب اله
گوردولر لشکر کین خیمیه تالانه گلور
دیمورم عشقون او گون قافله سی دوشدی گجه
لیک بولمم نجه زینب گونوزی ایتدی گئجه
اویانان خیمه ده زهرا بالاسی یاتدی نجه؟
یانسون هانسی غمه، زینب غمی گور سانه گلور؟
یوخدور عبّاس، اوزی مخیَمده ویروردی گئجه پاس
گوردی بیر آتلی گلور، لیک گیوب قاره لباس
دیدی دشمندی گلور غارته، یوخ بیزده لباس
گئجه وقتی حرمه کیمدی، نه عنوانه گلور؟
فکر ایدور کیمدی بو آتلی گوره سن یاللعجب
تا یاخونلاشدی گوروب اوز آتاسی شاهِ عرب
سسلنور قورخما قیزیم زینب اَیا کان ادب
مرتضی دور خیمه شام غریبانه گلور
ای سلیمان وفا، ای شه اقلیم محن
درگهوندن الی بوش ایلمه سن سائلی سن
الده بیر پای ملخ تحفه سی ای شاه زمن
مور تک (اعظمی) درگاه سلیمانه گلور
مرحوم اعظمی تبریزی
منبع مجموعه کانالهای مدح و مرثیه
----------- متن نوحه احوالات قتلگاه ---------
حدیث کساء و گریز به قتلگاه
پیغمبر گرامی خدانون عطاسیدور
اُمّتلرون جهاندا بویوک پیشواسیدور
قبل از ابوالبشر یارانوب نوری احمدون
روز اَلستیدن بشریت صفاسیدور
جاه و جلال و عزّته باخ احترامه باخ
تعریف ایدن مُحمّدی اوّل خداسیدور
پاک و منزّه اولماقینا گوندروب پیام
مصداقی باخ خبرده حدیث کساسیدور
بیر گون نماز ظهری قیلوب ختم الانبیا
اذکار جادوانه سی روحون غذاسیدور
وئرمیشدی یوز کسالت اطبّا طبیبینه
زهرا ائوی بیلوردی کی دارالشّفاسیدور
گتدی عبانی، چکدی رسول اللّه اوستونه
هر لحظه مونسی سخن ربّناسیدور
وارد اولوب اتاقه حسن عرض ایدوب سلام
ضعف حالیده سلامین آلان اوز باباسیدور
عطر رسول حقّی آلوب ائوده مجتبی
بعداً گلن حسین شهدانون آقاسیدور
مثل حسن سلام ویروبدور حسینیده
گنجینده حضرتون گُهر پربهاسیدور
گلدی ابوالائمّه سلام و درودیلن
صاحب کرمدی شیعه لرون رهنماسیدور
زیر عباده رخصت آلوبلار قالوبدیلار
احکام کردگارون اولار باوفاسیدور
حاصل همان عباده ده زهراده گورسنوب
پیغمبرون عزیزه سیدور دلرباسیدور
پروردگاره عرض ایلدی ختمی مرتبت
هر آن حضور پاکووه مندن سپاسیدور
مشکل گشا علی ایکی اوغلی حسن حسین
مشتاقیدور بولار اوچیده دین فداسیدور
زهراده گُلشنیمده گوزل گولدور ئیلرم
عزّتده یوخ نظیری ائمّه آناسیدور
آلِ عبا جهاندا منه اهل بیتیدور
قانیمدی قانلاری هاموسی حق شناسیدور
اینجیتسه اهل بیتیمی کیم اینجیدوب منی
راز و نیازیمون بو سخن محتواسیدور
رِجس و پلیدی سالمیا یول خاندانیمه
هر تک تکی اَوامروون آشناسیدور
امر ایلدی مَلَکلرینه ربّ ماسوا
سس لنگر سما و زمینون صداسیدور
افلاکی من پیمبره خاطر یاراتمیشام
زیبا جمالی نُه فلکون مه لقاسیدور
زیر عباده کیمدی اولار جبرئیل دئدی
تز سس یتشدی فاطمه دور مصطفاسیدور
زهرا دی افتخار زنان مجلّله
ئوز صاحبی اباالحسنی مرتضاسیدور
زهرا دی مکتب نُجبانون مؤسسی
آرام جانیدور حسن المُجتباسیدور
زهرا دی سینه سینده فدا دینه بَسلین
مظلوم حسین آدینلی مطّهر بالاسیدور
روح الامین دئدی منه ده اذن ویر گئدیم
اهل کسا خلایقوون دلگشاسیدور
اذن آلدی ،آیه گتدی کی قرآندا ثبت اولوب
مضمون آیه رحمت خیرالوراسیدور
منلن دئدی سلام سنه گوندروب خدا
پیغامیده فضیلت آلِ عباسیدور
اللّه سنه گوره یارادیبدور عوالِمی
پیغمبریم بویوردی سعادت هُماسیدور
خلقتده چوخ مُطهّر ایدوب اهل بیتوی
زهرا قیزون محجّبه لر باحیاسیدور
قوی من ئوپوم حسین قدمین ایهاالرّسول
ردّ ائتمه جبرئیل امین التجاسیدور
بیر گونده کربلاده حسینی گلوب گوره
باشدان ایاقه جسمی گوروب اوخ یاراسیدور
روی هواده یاره سینه سایه سین سالوب
جسمین یوران دیار غمون گرم هواسیدور
قلبیندن اوچ پَر اوخ وُریلوب تازه قان گلور
جاری اولان گِنه دوداقیندان ثناسیدور
سینه ورور پیمبر اوزی وای حسین دیور
باش پنج تن آچوبدی حسینون عزاسیدور
زهرا دیور یانان اورَگیم یاندی آی بالا
نِی تک گلن نوایه حسین نینواسیدور
بش مینجی جلددَه ویریلور چاپخانه ده
دوش سجدیه (مُعزّی) خدانون عطاسیدور
معزی اردبیلی
----------- متن نوحه احوالات قتلگاه ---------
راز و نیاز حضرت امام حسین (علیه السّلام)
در قتلگاه
گوردوله تشنه جان ویرور منبع چشمه ی حیات
حیرته دوشدی قدسیان جمله ملائک اولدی مات
حضرت لم یزل اوزی گوتدی حجاب و حایلی
تا جبروت اهلینه گوستره اول شمایلی
یرده بولوردی جان ویرور وصل حبیب مایلی
ایستمدی او بینیده مانع اولا سرادقات
ایستدی بیر بیانیله شرح ایده بو مصائبی
بولدوره کیمدی جان ویرن کیمدی بو شان صاحبی
آنلیا قدسیان ندور بنده چلوق مراتبی
گوگده اولان ملکلره کشف اولا بو مکاشفات
گلدی ندا هامی سالون کرب و بلایه بیر نظر
گور نه تجلیّاتیله نفس حسینده وار اثر
بیر ایله اوخ قلج دگوب خوشدی دوشوبدی بی خبر
عین وجودین ایلیوب عین صفات عین ذات
اصلینی بولموسوز اگر کیمدی بو تشنه جان ویرن
آدی حسیندی جدّیدور احمد او شاه ممتحن
آناسی فاطمه حسن قارداشی ابن ابوالحسن
بونلار اولوب سبب یتوب گونه قراریلن ثبات
دوشدی تمام ماسوا شیونه بو خطابدن
نوحه و ناله اوج ایدوب ساکن نه قبابدن
باب مصیبت آچدیلار خلقه بو فتح بابدن
ساخلار عزا ویرونجه جان معتدمینیله ثفات
گلدی گروه انبیا دشت بلایه صف به صف
تاپدیله بیر یارالینی محضر حقده جان به کف
دیدی دوغمیوب یقین بیر آنا بیله بیر خلف
حشره کیمی عقیم دور بیله وجوده امّهات
گوردوله چوخ شکفته دور گل کیمی سیّد انام
ویردیله ختم مرسلین احمده تهنیت تمام
لیک الی بیلینده دور یوخ داخی طاقت قیام
حسرتیله باخور توکور یاش او قُل اِنَّما صفات
هاجریله خدیجه هم گوردی اوغول آناسینی
زلفینه قان یاخوب گیوب اگنینه غم لباسینی
باشلادیلار حسین حسین ساخلادیلار عزاسینی
هانسی عزیزه ئولمه میش یاندی بیله مخدّرات
بیر ایله حالیده حسین یاده سالوب حبیبینی
دردینه چاره ایتماقا آختاروب اوز طبیبینی
تاپدی تمام عمریدن بیر او نفس نصیبینی
ایستدی دلده قالمیا کاشف عشق اولان نکات
عرض ایلدی خدا منیم گرچه اولوبدی اکبریم
اللریم اوسته اوخلانوب ظلمیله تشنه اصغریم
قیزلاریم آغلور اوخشوری باجیلاریم حرملریم
دل سنیلندی سهلدور هم بو بنین هم او بنات
نفسیمه بو وجودیله بزم وصاله حایلم
طایر روح سسلنور تازه حیاته مایلم
آختارورام اودور سنی باب امیده سائلم
دینجه لی سینسا بو قفس عین حیات اولور ممات
لفظ قبول ویرمیشم سن کیمی بی قرینمه
دگسه دوباره اوف دیمم مین بیله یاره سینمه
شمر سو ویرموری خوشام تشنه جگر سکینمه
هر یانا گرچه زینبین گوزیاشی تک آخار فرات
خوشدور الهی قارداشیم ئولماقی سرنگون علم
قولّاری کوی عشقده بی سبب اولمیوب قلم
قانیله ایلیوب همی سرّ شهادتین رقم
هم کتب مصائبون اوّلینه مقدّمات
بولموشم هر نه ویرمیشم لایق آستان دگل
سنسن اوزون ویرن آلان کیمسیه بو نهان دگل
مین بیله عالمه خوشام بو که بیر امتحان دگل
مقصد دل دگل مگر امّت ناجیه نجات
قادر لایزالیدن یتدی حسینه بیر ندا
قطب مدار عالمدی حیرته سالدی بو صدا
لفظ محیطیله اودم اولدی محاط ماسوا
دولدی همان صلائیله نه فلکیله شش جهات
غم یمه یاحسین، سنه بول گله خونبها منم
ویرّم اگر نه ایسته سن معطی هر جزا منم
عهدینه ایلین وفا عاشقه باوفا منم
چون منیلندی حشرده اجر دماءِ سائلات
ازض سنون سما سنون ماه سنون فلک سنون
حور سنون جنان سنون عرش سنون ملک سنون
حوض سنون که تشنه سن بو هامی ماملک سنون
یتمیه جاق به غیر سن کیمسیه بیله التفات
عالمه یاحسین شِفا تربت مقتلونده دور
مرتبه ی مطوّلون شرحی بو مجملونده دور
بیرده عصات امّته حکم نجات الونده دور
هر کسه ایسته سن اوزون مهرایله ویر گلن برات
«صافی» محبّت اهلیسن نور حق اکتساب ایله
هر قدر اولسا ممکنون جرمدن اجتناب ایله
آل علی مصائبین دفتره یاز حساب ایله
عین محاسباتیده خرج اولی بو مکاتبات
مرحوم صافی تبریزی
منبع مجموعه کانالهای مدح و مرثیه
----------- متن نوحه احوالات قتلگاه ---------
زبانحال حضرت امام حسین (علیه السلام)
به شمر لعین در قتلگاه
ای شمر گل باتیرما بو دنیانی ماتمه
بیرده حسین فاطمه گلمز بو عالمه
ظالیم چکیل کناره که جان اوسته دور حسین
آخر رسول اکرمه وابسته دور حسین
باخ گور کیمون باشین کسیسن کیمدی بو غریب
کیمدور بو گلشنی پوزولان بی پر عندلیب
باشدان ایاقه یاره الیندن گیدوب شکیب
کیمدور بو قان ایچینده دوشوب ال ایاق چالان
کیمدور بو تشنه لب قوری صحراده تک قالان
هرچند خوش گلور سنه آزار و زحمتیم
گوش ایت که سودمندیدی پند و نصیحتیم
اتمام حجت ایتماق اوچون وار نصیحتیم
بوسینه چوخ یارالیدی ناراحت ایلمه
من ئولمه میش حرملریمی غارت ایلمه
ساخلا بو سینه نون ادب و احترامینی
پیغمبرین یاننداکی شان و مقامینی
کفّار بدرین آلما بوگون انتقامینی
بو سینه بوسه گاه رسول الاهدور
هم فاطمه دوداقلارینا جایگاهدور
هم بوس ایدردی ذات پیمبر بو سینه دن
هم فاطمه اوپردی مکرر بو سینه دن
هم قان ایچر الونده کی خنجر بو سینه دن
قاتل نه اولدی قتلمه بِل باغلادون بوگون
بیرچوخ یارالی سینه لری داغلادون بوگون
ظالم دوشون که من سنه دنیاده نیل دیم
گیچمیش اولان زمانلاری سال یاده نیل دیم
من بی نوا سنون کیمی جلاده نیل دیم
هانسی بنای شرعی حسین پایمال ایدوب
هانسی حرامی خلقه مباح و حلال ایدوب
جنّت جوانلاری منه گلگون قبا دئیر
حوران خلد خامس آل عبا دئیر
تاریخ روزگار شه کربلا دئیر
من حضرت خدیجه کبری عزیزیم
صدیقه جلیله زهرا عزیزیم
من رهنمای خلقم و نور سعادتم
دریای خون ایچینده چراغ هدایتم
دائم غریق موجم و بی استراحتم
چون کشتی نجاتیده اولاد فاطمه
لازمیدی روز و شب هدف اولسون تلاطمه
من کاخ عشقین عشقله بنیان گزاریم
نومیدلر پناهنون امیدواریم
توپراقلار اوستونه دوشه نن خاکساریم
ایستی قوم اوسته باش قویارام پرّ قو کیمی
پیکانی باغریما باسارام آرزو کیمی
گوردوم اساس دینی قرین فساد اولور
بی مایه سست پایه و بی اعتماد اولور
شمع امید دست خوش تند باد اولور
ایتدیم حیاتی فدیه ی آئین احمدی
حفظ ایلدیم مبانی دین محمدی
باخدیم جهاندا کیمسه ایشیتمز کلاممی
درک ایلمز حقیقت مشی و مراممی
بو صفحه دن قانیله یودوم اسم و ناممی
ال چکدیم هر علاقه دن هر پایبندیدن
گیچدیم بلند و پَستی و پست و بلندیدن
چکدیم کناره جامعه دن مرز و حدّیمی
سوق ایلدیم تعادله اوز جزر و مدّیمی
ترک ایلدیم مجاورت قبر جدّیمی
دوتدوم سلوک و سیرده عهد و وفا یولون
بازارجان و مهد روان کربلا یولون
دنیاده کیم گوروبدی غزال گریز پا
صیّادین آختاروب دوشه آردینجا پا به پا
من کربلا بساطین اوزوم ایلدیم به پا
صیّاد بی امان گوز آچوب ذوالجلاله باخ
قانی آخان یانقلی باخان بیر غزاله باخ
بیر عمردور که من بوگونون انتظاریم
شب تا سحر ستاره شب زنده داریم
چوخ شکری وار که جانه یتوب جان نثاریم
ای جان دایانما گیت چک الون خانمانیدن
گیت بلکه بیر نشان تاپاسان بی نشانیدن
باک ایتمرم که بستر تن خون و خاک اولور
رحمت گلنده ابر کرم سینه چاک اولور
قانیم آخار جهان خِرد صاف و پاک اولور
شرع شریفی قانیله جاری ایدر حسین
اسلامی لوثِ کفردن عاری ایدر حسین
بیر پادشه یارالی دوشه نیمه راهده
سیل ستم آلوب گوتوره سیلگاهده
مین صفحه غم حکایتی هر بیر نگاهده
عالمده بیر کناره چکن یوخ او بی کسی
امواج خشمگینه قاریشسین حزین سسی
بیر برگ زردی خشک ایده گر صَرصَر مَمات
جوی روانه سالسا اونی باد حادثات
بیر چوخ ضعیف موره اولار کشتی نجات
قان ایچره توکدی برگیمی باد خزان زرد
تا کشتی نجات اولا سو اوسته برگ زرد
تار ایتمه سون غبار سفر رنگ آلیمی
قان چشمه سی آخوب یودی راه وصالیمی
تاپدیم مقام قربده حدّ کمالیمی
ذرّات چون کماله یتر آفتاب اولار
درویشه درد و محنتلن فتح باب اولار
شاهد سن عوالمون الله اکبری
ویردیم سنون یولوندا جوان اوغلوم اکبری
من اوز گوزومله گوردوم او گیسوی عنبری
دوشموش نظامدن دوشنوب سطح سینیه
باد صبا یرین ویروب آه سکینیه
باخدیقجا اوغلومون او ایپک گیسواننه
که لابه لا یاتوب بولانوب ایسّی قاننه
قلبیم یانوب آلیشدی قسم نازلی جاننه
بو درد بیشمار که یوز دوندروب منه
بیر لطفدور که فضل خدا گوندروب منه
ویردیم بو یولدا وارلیغیمی احتشامیمی
دنیای آرزونی جهان خیالیمی
عباس نامداریمی بیکس عیالیمی
هرچند یالقوزام داغیلوب یارویولداشیم
تک باشنه شریعته رونق ویرر باشیم
یازدیم نگاره گرچه ستم چوخ یترمنه
اولسا اگر الیمده قلم اوخ یترمنه
عزّ قبول و گرمی پاسخ یترمنه
شادم کمال لطف و عنایتله گَل دیدی
تیز ویر اگر الونده قالوب باش و ال دیدی
بیر خلوت ایسترم آچا طومار رازیمی
شرح ایلیم حدیث نشیب و فرازیمی
هر کلمه اوستونه توکیم اشک نیازیمی
یوخدور کفن حضورینه خلعت گییم گیدیم
بیربیر حکایت غم هجران دییم گیدیم
حکم شهادتیم یازلوب چون جبینیمه
قصد خیانت ایلمه گیچمه کمینیمه
ویرم قسم جلالت جان آفرینیمه
قوی آخرین نمازیمی ختم ایلییم گلیم
تا عمریمون ختامینی حَتم ایلیوم گلیم
شیر خدا رویّه سینی نشر ایدن منم
خاتم ویروب فقیری جهانبخش ایدن منم
بیر بارماقیله نقش سخا نقش ایدن منم
ویرم کرم الین بو گیجه ساربانیمه
هم خوابگاه راحتی اوز میزبانیمه
(هندی) اگر یوزونده نهاندور رموز غم
نای قلم ده نی کیمی پیدادی سوز غم
آغلا حسینه ایله شبِ عیشی روز غم
گلمیش نشیب شیب گیدوب شادی شباب
ای اشک دیده قویما چکوم منّت گلاب
مرحوم هندی
منبع مجموعه کانالهای مدح و مرثیه
----------- متن نوحه احوالات قتلگاه ---------
زبانحال حضرت امام حسین (علیه السلام)
به شمر ملعون در قتلگاه
تیترمه ای شمر قوخما سنده گل کس باشمی
کس بو کسماخلا کسیلمز نسل پاک هاشمی
تا جهان وار صدر عالمده محمّد آدی وار
من اُلوب گیتسم گینه سجّاده مون سجّادی وار
من اُلم اُلمز آدیم باقیدی آثاریم منیم
اُلمز آثاریم که ثاراللهیدور ثاریم منیم
کمترین کالای جاندور نقد ایثاریم منیم
من اوزوم ویردیم الیمدن یاریمی یولداشیمی
روشن ایتدیم عالمه تاریخ آل هاشمی
من نبیّ اکرمون نوّاده والاسیم
فاطمه بنت رسولین گوهر یکتاسیم
هم مصیبت موجیم هم درد و غم دریاسیم
سوز و ساز عشقده بال و پر پروانیم
مصطفی جدّیمدی صنف انبیانون خیری دور
مرتضی تون سیری بیر انسان کامل سیری دور
باشیمون هر ماجراسی ماجرالر غیری دور
سیندیرا سنگ جفا لب تشنه باشیم کاسه سین
حشره دین ایلر بلند آوازه بو جامین سسین
عاشق حقّم گرک پرشور اولوب بی باک اولام
سیل اشگ غم کیمی هم بستر خاشاک اولام
دامن صبحم گرک گون گورمه دن صد چاک اولام
نور حق هر حال و هر احوالده ایلر ظهور
باشمی کسسن آخان قانیم یازار اللهُ نور
موجهای سرکش دریای بی پایان کیمی
هاردا سیل غم گوروب آغوشه چکدیم جان کیمی
ظلم الندن سر بلندم آه مظلومان کیمی
باش اوجالدیر نیزه باشندا باشیم قرآن اوخور
هر مصیبت گلسه (کُلّ مَن عَلِیهآ فآن ) اوخور
شمع یاندیرسا اگر پروانه نین بال و پرین
ماتمنده اگلشوب باشه سپر خاکسترین
منده چوخ خوش عاقبت بوللم ستمگر خنجرین
قان ایچن خنجر دایانما کس بو باشون دردینی
جوی خون آخسون یوسون دوران عمرون گردینی
بیر بیله دمده که دوشمز اوز یادیم اوز یادیمه
قورخورام زینب باجیم گلسون منیم فریادیمه
ای شهادت هارداسان تیز گل یتیش امدادمه
حقّی وار زینب آچا باشین توکه گوز یاشنی
خنجر آلتندا گورنمز بیر باجی قارداشنی
ویر امان یا من گیدیم یا گلسون اکبر یانمه
گلسون اکبر یانمه قانی قاریشسون قانمه
زیر سایمده یاتوب یاتدیقجا یاتسون جانمه
گللر اوسته دوشسه سرو سرفرازین سایه سی
گل طراوتله قالیر آرتار شکوه پایه سی
مرحوم عبدالرحیم شباهنگ (هندی)
منبع مجموعه کانالهای مدح و مرثیه
نظرات (۰)
هیچ نظری هنوز ثبت نشده است