متن نوحه احوالات حضرت علی اکبر (ع) برای سینه زنی و زنجیرزنی - بخش اول

مجموعه اشعار برگزیده متن نوحه ترکی و فارسی احوالات حضرت علی اکبر علیه السلام، نوحه ترکی و فارسی احوالات حضرت علی اکبر (ع) برای سینه زنی و زنجیرزنی بخش اول

---

در احوالات حضرت علی اکبر (ع)

 

او شاهزاده نون اطرافینی آلوب لشکر

کسوب یولون ال آچوب فرقه ی شقاوتگر

 

قلج دی هِی اَنور هی متصّل هوایه گیدور

تصوّر ایتمه اَنَن بیر قلج هوایه گیدور

 

یتن گورور که وجودینده یوخدی بیر یری صاف

گینه ویرور یارا رحم ایلمور او بی انصاف

 

بیریسی قلب گوزیله باخا او بی یاره

بولر نقدر دگوب یاره اوستونه یاره

 

خلاص اولانمادی اهلِ جفا کمندیندن

که دوغرانوب بدن آیریلدی بند بندیندن

 

دولاندوروردی او آت ، پاره پاره صاحبینی

او وَرطه دن چکه بلکه کناره صاحبینی

 

بو مطلبی که اولور طبعِ منطقم گویا

کتابِ مقتله بعضی لری یازوب گویا

 

چخوب کناره او یردن که قانلی بیر یَمیدی

یتیشدی بیر یره اهل اُناثه مَخیَمیدی

 

بیر عورتون نظری غفلتا" عقابه دوشوب

گوروب بیر آت گلور اما عجب عقابه دوشوب

 

دولاندیریبلا او قدری لجامی پاره لنوب

ویروبلا راکبین از بس اوزوده یاره لنوب

 

اونیله بیر خبرِ ناگهانِ تازه گلور

یواش یواش یرور اوستونده بیر جنازه گلور

 

گلوب برابره بیر دقّتیله سالدی نظر

گوروب آت اوسته دوشوب بیر مهِ ملک منظر

 

جواندی صفحه ی رویونده یوخ علامتِ خط

ولی قلج بدنینده چکوب خط اوستونه خط

 

جمالی آی ، گوزی شهلا ، هلاله بنزر قاش

بشر یوزونده مَلک صورتی چکوب نقّاش

 

ایدوبدی حُسنونی تکمیل هاشمی خالی

که حُسن ، حُسن دگول اولسا خالیدن خالی

 

یانوب اونا اورگی چکدی قلببدن بیرآه

دیدی بونون آناسی اولمییدی کاش الله

 

اگر آناسی جوانین بو حالیله گورسه

آز ایلیوب اوز اوزون غصّه سیندن ئولدورسه

 

یاناردی قلبی سرشگین توکردی آغلاردی

اوغول آناسی کیمی سس چکردی آغلاردی

 

او شاهزاده سس آلدی گوروب آنا دلیدی

بِله گمان ایلدی خیملر مقابلیدی

 

خیال ایدوب آنام آگاه اولوب بو رازه گلوب

بوناله صاحبی لیلادی پیشوازه گلوب

 

دئدی آنا گَل آپاردی منی قان آز آغلا

گوزون یاشیله یو ، زلفونله یاره می باغلا

 

بو یاره لر بدنیمدن آلوب توان ئولورم

یتوب دوداقیمه جانیم داخی جوان ئولورم

 

او عورت آنلادی وار شاهزاده نون آناسی

علاوه سوزشه گلدی اورکده کی یاراسی

 

دئدی گرگ بو جوانی آناسینا یتورم

آت اوسته ویرمیه جان اقرباسینه یتورم

 

آتین لجامینی دوتدی او رحم دل عورت

که بلکه فعلیله اوز قولینه ویره صورت

 

تلاش ایدوب آپاروردی خیامه مُستَعجَل

بو امره غافلیدی وار یول اوسته دامِ اجل

 

بیله بولوردی ئولومدن اونی کنار آپارور

ولیک بولمزیدی قاتله شکار آپارور

 

یتوب او وقتیده یعقوبِ عسقلان دنی

گوروب آت اوسته او صد پاره دوغرانان بدنی

 

لجامی آلدی او بیچاره دن او بد فرجام

دئدی بو خدمتیوه ویرم ایمدی من انجام

 

نچه قدم آرالاندی باخاردی عورت هنوز

شقاوتین او ستم پیشه فورا" ایتدی بروز

 

نه قلبی رحمه گلوب حالِ زارِ اکبردن

نه شرم ایدوب نه اوتاندی خدای اکبردن

 

تصوّر ایتمدی گچمز خدا خِلافندن

ال آتدی خنجرین عریان ایدوب غِلافندن

 

اشاره ایتدی ایکی کتفینون آراسیندان

یوخییدی صاف یری ووردی قلج یاراسیندان

 

ویران دلیر ، قولی قوّه لی ، ایتی خنجر

بدن لطیف ، نه مانع نه حایلِ دیگر

 

او نازنین بدنون دگدیقی یرین بیچدی

یتیشدی هر یره خنجر دایانمادی گیچدی

 

او سخت یاره جگر بندینی گسست ایلدی

ایله قولوندان آلوب طاقتین که سست ایلدی

 

نفس شماریه دوشدی توکندی تاب و توان

اوزون آت اوسته داخی ساخلیانمادی او جوان

 

اولان زماندا سرازیر صدرِ زینیندن

بیر آه چکدی قاباقجا دلِ حزینیندن

 

او خشک اولان دیلیله ایلدی ادای کلام

ادبله سویلدی بابا علیک منّی سلام

 

بولوردی چون عطشیندن آتاسینون غمی وار

بو باره دن دل پاکینده دردِ مُدغمی وار

 

دئدی بابا بودی جدّیم منه سو ایتدی کرم

که یعنی بول نگران اولما ای شهِ اکرم

 

گوزی یولوندا قالوب ساخلیوبدی سو سنه ده

یتورسون الده کی جامی او لعلِ سوسنه ده

 

آتا اوغول سسین آلدی بولوب باشیندا نه وار

کمالِ سرعتیله اولدی ذوالجناحه سوار

 

یتیشدی رزمگهه شاه اولیا ولدی

دیردی شیونیله اَینَ اَنتَ یا ولدی

 

گیدردی صاق و صولا آختاراردی جان و دلین

گهی دیردی اوغول ، گه دوتاردی غصّه دلین

 

گزوب تفحُّص ایدردی قدِ صنوبرینی

یتیشدی بیر یره قان ایچره تاپدی اکبرینی

 

بیر آز قالوردی اوزون ذوالجناحیدن آتدی

اورک دوگوندی دیزی تیتردی نفس باتدی

 

دوروب گیدنمدی بیر آز دیزی دیزی گیتدی

سوروندی هولیله تا نوجوانینه یتدی

 

یانیقلی بیر دِلیله صیحه چکدی یا ولدا

همین بو کلمه سینی یتدی دفعه ایتدی ادا

 

گوتوردی باشینی یردن آلوب دیز اوسته امام

نقدر باغرینا باسدی دل اولمادی آرام

 

نه سوندی نارِ محبّت نه سوزی اسگیلدی

تصوّر ایله حسینه نقدر نسگلدی

 

باخوب جوانینه آرتیردی آه و افغانین

اَلیله دیشلرینون سیلدی توپراقین قانین

 

یوزون قویوب یوزونه تا او قانینه باتانین

اوغول قانی بویادی آغ محاسنین آتانین...

 

مرحوم ذهنی

منبع مجموعه کانالهای مدح و مرثیه

 

----------- متن نوحه احوالات حضرت علی اکبر (ع) ---------

در احوالات حضرت علی اکبر (ع)

 

همیشه عشقیله هجرانه اِنفصال اولماز

وصاله نایل اولان طالبِ وصال اولماز

 

علاقه کسمین عالمده قیدِ اُلفتدن

طریقِ اهلِ محبتّده اهلِ حال اولماز

 

عَبثدی اهلِ ولایه محبّتِ دنیا

حقیقی عاشق اولان ، بندِ مُلکِ و مال اولماز

 

محبّت اهلیسن ای دل اوتورما غفلتیله

بو قدر اهل محبتده اِغتفال اولماز

 

توک اشک حسرتی ، یول سال نگار محفلینه

نشانه اولماسا عاشقده اشکِ آل اولماز

 

حسینون اکبرینه باخ محّبتی اورگش

ایله مُحبّ خداوندِ ذوالجلال اولماز

 

اتادان اِذن آلوب ، ایلور وداع ئوز آناسین

ایله وداع ، ایله بیر پر ملال ، حال اولماز

 

بولوردی گِتسَه اولور راه حقّده قربان

آناسی ایتمه سه گر حقّینی حلال اولماز

 

ایله توکور گوزونون یاشین حسرتیله آنا

بهار فصلی بولوددا او اتّصال اولماز

 

گنه بونیله اَل اوزدی ایله جوانیندن

که هیچ آناده ایله حُبِّ لا یزال اولماز

 

غم فراقی مؤثر بولوب ئوزی گیتدی

بولوب آناسینا بیر ئوزگه اشتغال اولماز

 

اولاندا جلوه نما جلوهء جمال علی

قوشون دیردی بشرده بیله جمال اولماز

 

دیردیلر که پری دور بشرده بیله یقین

بو صورت و بو وجاهت بو خطّ و خال اولماز

 

و یا گلوبدی پیمبر ، حسینه امداده

اونیله اُمت اولان طالبِ قتال اولماز

 

گوروب بو شورشی وقّاص زاده لشکرده

دیدی جَدلده بو شورش بو قیل و قال اولماز

 

دگول بو احمدِ مُرسل اونا شباهتی وار

مگر بشر بشره صورتاً مثال اولماز؟

 

حسینون اوغلیدی بو نوجوانِ مه سیما

بو قتله یتسه ، حسین قادرِ قتال اولماز

 

دوشر قلنجی اَلیندن اولار خمیده قدی

بو غمده سرو قدی گور مثالِ دال اولماز

 

تانیتدی یوسفِ مصرِ وفانی ، سعد اوغلی

اگر چه حُسنده یوسف اونا مثال اولماز

 

جفا کمندی قورولموشدی هر طرفده نجه

ایله کمندِ شکاری ، ایله غزال اولماز

 

اگر چه قیردی قوشون ، پهلوانلار ئولدوردی

ولی او شرحه بو بیر جمله ده مجال اولماز

 

بویاندی قانینه ، گیدی لباس عزّ و شرف

بیله جلالت و عزّت بیله جلال اولماز

 

دولاندیروب یوزونی خیمه گاهه حسرتیله

ایله جوان مودب اولار ؟ محال اولماز

 

باخوب آتاسینا سویلوب عَلیک و مِنّی سلام

که یعنی رسمِ ادب کلمهء تَعال اولماز

 

سو جامی اَلده گلوب باشی اوسته پیغمبر

غم ایلمه بیله خوش حالت ایله حال اولماز

 

شه آلدی خیمه ده شهزاده نون سسون ، گلدی

نه حالیله؟ نجه بو نطق بوردا لال اولماز

 

وقار معدنی ، شه ، رزمگه دولی دشمن

بو یرده لنگ ، نجه توسن خیال اولماز

 

اوزون آتا یره آتدان ، دیزی دیزی سورونه

ندن بو عالم ایجاد پایمال اولماز؟

 

جوان اوغول باشین آلدی قوجا آتا دیزینه

گوروب حیاتینه قالماقه احتمال اولماز

 

اگیلدی قویدی یوزون شاهزاده نین یوزونه

الف قدی نجه گور مثلِ حرف دال اولماز

 

او آق محاسنی نی قانیله خضاب ایلدی

ایله خضاب ، ایله عالی رنگِ آل اولماز

 

باسوب اوغول باشینی اودلانان اورک باشنا

گوروب او شعله بو قیمتله اعتدال اولماز

 

اوجا سسیله دئدی یدّی دفعه وا ولدا

بو ناله نون سبب سِرّینه سؤال اولماز

 

ایله جوانی الیندن گیدن آتا ، آیا

وقارینی ویروب الدن فسرده حال اولماز؟

 

دئدی سن اولدون علی هَمّ و غمدن آزاد

اورکده سن گیده سن محنت و ملال اولماز

 

ولیک قالدی آتان دشمن ایچره فرد و وحید

هدایت ، حقّه طرف ، لشگرِ ضلال اولماز

 

آتا بالانی چوخ ایستردی بیر دانشدیرسون

گوروب و لیک اوغول قادرِ مقال اولماز

 

یغوب عبایه داغیلموش جنازه سین ، گوردی

جنازه اوزگه طریقیله انتقال اولماز

 

دئدی جوانلارا اکبر جنازه سین گوتورون

بیله بیر امره مگر فوراً امتثال اولماز؟

 

حرمده سس دوشوب اکبر جنازه سی گلدی

آناسی لیلیده گور حالِ ارتحال اولماز؟

 

آناسی دوزدی ، ولی چخدی عمه سی حیران

اگر چه عصمت حق ، منظرِ رجال اولماز

 

امام گوردی حیا سدّ راهِ لیلادی

دئدی بو مرحله ده شرم و انفعال اولماز

 

اوغول جنازه سی اوسته آناسی اوخشماسا

عزانون عزّتینه نقص اولار ، کمال اولماز

 

ستاره تک ، گوره مه پیکر اوغلونون یوزونی

آنا قدی نجه گور ضعفدن هلال اولماز

 

دئدی که ای فَلکِ حُسنده ایشیلقی گونوم

نه تز غروب ایلدون؟ بیله تز زوال اولماز

 

نجه زمانه ده عمروم گلی ، گولر سن سیز

که باغِ عمریمه سندن صورا نهال اولماز

 

بو فخر بسدی که یتدی قبوله قربانیم

مگر بو فخره عوض ، رنجِ ماه و سال اولماز

 

توجّه اولماسا اول شاهزاده دن (شانی)

ضعیف جسمده بو نطق و بو مقال اولماز.

 

مرحوم شانی تبریزی

منبع مجموعه کانالهای مدح و مرثیه

 

----------- متن نوحه احوالات حضرت علی اکبر (ع) ---------

احوالات حضرت علی اکبر (ع)

 

سالوب یولا شهِ دین شاهزاده اکبرینی

باخوب دالنجا توکوب اشکِ دیدهء ترینی

 

بیله بولوردی اونون مایهء فتوحی گیدر

کسوب او جانِ جهاندان علاقه ، روحی گیدر

 

غرض او نورِ دلِ پادشاهِ کرب و بلا

یتوردی مرکزِ میدانه باشلادی دعوا

 

او نوجوانِ هنر پیشه ، ایله ایلدی جنگ

دوتوبدی عرصه نی شامات و کوفه اهلنه تنگ

 

عراق دشتینی شورِ حجاز دولدوردی

رشادتیله مخالفلره قلج ووردی

 

ز بس قلج ویروب اول بندِ عشقه وابسته

داخی یورولدی دوشوب حالدن اولوب خسته

 

عطش هجوم ایلیوب ، یادگارِ شاهِ نجف

عنانِ توسنی دوندردی خیمه گاهه طرف

 

حرمسرادن او دم اخترانِ برجِ ادب

سکینه فاطمه کلثوم ، ناتوان زینب

 

شکسته بال سراسیمه و پریشانحال

علیّ اکبری جمعا" ایدوبله استقبال

 

احاطه ایتدیلر اطرافنی عقاب اوسته

زنانِ خونجگر و دخترانِ دلخسته

 

کیمی اوپردی الندن کیمی ایاقیندن

کیمی اوغول دیوب آغلاردی اشتیاقندن

 

کیمی قاچوب آتنون بوینونی قوجاقلاردی

کیمی یوزینه باخوب زار زار آغلاردی

 

چو قلبِ دایره دن چیخدی مرکزِ پرگار

به عزمِ فیضِ ملاقات سیّد ابرار

 

حضورِ شاهِ فلک بارگاهه قیلدی خرام

اولوب پیاده آتندان ، ادبله ویردی سلام

 

که ای شهنشهِ گردون مدار یا ابتا

ولیّ حضرتِ پروردگار یا ابتا

 

هوانین ایسّی لیقی ، تشنه لوق ، بو ثِقلِ حَدید

سالوب مشقّته قیلدی فکار یا ابتا

 

اورک یانور ، اورگیم اودلانور حرارتدن

علاج قیل منی ایله خلاص شدّتدن

 

بو سوزشِ دله قیل چاره ای امامِ زمان

ایدر بو مشگلی مشگل گشا علی آسان

 

دوشن زمان نظری اکبرین جمالینه

نجه جمال سالوب جدّینی خیالینه

 

آلوب سلامینی ویردی جواب یا ولدی

بو قدر ایتمه منی دلکباب یا ولدی

 

گراندی چوخ منه ، مندن گلوب سو ایستمه قاقون

میّسر اولمیه بیر جرعه آب یا ولدی

 

مِیِ طهوریله جدّون سنی ایدر سیراب

بیر آز زمان عطشه ایله تاب یا ولدی

 

چکوب کناره گُلین سالدی بوینونا قولونی

اوپوب دوداقینی گوستردی کوثرین یولونی

 

زلالِ عشقی ایچوب چشمهء ولایتدن

آچیلدی قلبینه مین چشمه بحرِ رحمتدن

 

قیلوب چو رفعِ عطش ، شدّت ایلیوب عطشی

ز بسکه مست اولوب بادهء محبّتدن

 

غذای روحِ مجرّد ، قوامِ جانِ لطیف

حصول ایلدی عین البقای رحمتدن

 

حیاتِ تازه عطا قیلدی ، لعلِ جان بخشی

حیارتِ عاریه دن ال چکوب او بابتدن

 

ایدوب لسانینی سیراب چون لسان الله

رموزِ عشقده آگاه اولوب حقیقتدن

 

وداعِ جسمین ایدوب جانی ، قالبیندن روح

کسوب علاقه که چیخسون لباسِ کثرتدن

 

قُوای خَمسه ایدوب طیّ عالَمِ جسمی

آلوب سراغ چو خلوت سرای وحدتدن

 

قَوامِ روح ، عوارضدن ایلیوب اعراض

ایدوب مشاهده معنانی گچدی صورتدن

 

لباسِ ظاهر و باطنده ، طالب و مطلبوب -

بیر اولدی ، شدّتِ میل و اشدّ رغبتدن

 

علاقه روحی تاپوب روحی ، جسمینه جسمی

ولی دهانینه جذب اولدی شوقِ وصلتدن

 

دهانِ گُلدن ایدوب غنچه لبلرین سیراب

ولی فسرده لنوب رنگِ گُل با لطافتدن

 

گوروب دهانِ گُلی خشک ، چون لبِ غنچه

باشین اشاقه سالوب کثرتِ خجالتدن

 

گوزین تیکوب یوزینه عرض قیلدی یا ابتا

گچوبدی سنده هجومِ عطش نهایتدن

 

بو تشنه کام لوقوندان دلیم کباب اولدی

یانور منیم جگریم سنده کی حرارتدن

 

منی بو لعلِ لبون قیلدی جاندن سیراب

امید واردی ایچم شربتِ شهاتدن

 

سنه غلامِ (حقیرم) ئولونجه یا مولا -

بو فخر وار منه ال چکمرم حقارتدن

 

ایکی گوزینی اوپوب سَرورِ زمین و زمان

بویوردی دورما ، دوروب منتظرلرین نگران

 

گچر زمانِ شهادت دایانما ایله شتاب

یاخوندی ساقیِ کوثر سنی ایده سیراب

 

رجوع خیمیه قیل ، اهلِ بیتِ طاهانی

وداع ایله تماما" ، خصوص لیلانی

 

بنا به حکمِ همایونِ حجّتِ داور

متانتیله قیلوب سمتِ خیمه گاهه گذر

 

بلند صوتیله آلِ رسولی قیلدی ندا

حلال ایدون منی ای عترتِ رسولِ خدا

 

توکولدیلر ایشگیه خیمه دن بناتِ بتول

دولاندی باشینه پروانه وار آلِ رسول

 

دوروب کنارده لیلی ، خمیده قامتیله

چکردی آه ، باخاردی یوزینه حسرتیله

 

ترحّم ایلدی احوالینه علی اکبر

دئدی جهت نه باخورسان کناردن مادر؟

 

دئدی گیدوب اورگیم تاب و طاقتیم یوخدور

قدم لریم یریمور ، دیزده قوّتیم یوخدور

 

عنانوی دوتارام آهِ جانگدازیله

قویوب یول اوسته منِ زاری گچمه نازیله

 

اگر چه گیتملی سن یوخ سوزوم جهاده علی

آتندان اولمیه جاقسان مگر پیاده علی

 

اولورسا ممکن ای نورِ دیدهء زهرا

پیاده اول سنه قربان اوغول آنان لیلا

 

آتوندان اَن اشاقا ای گُلِ حدیقهء ناز

آنا اوغول بیر ایداق عاشقانه راز و نیاز

 

سالوب اوزینی یره فی الفور باشینه دولانوب

اوپوب ادبله الیندن ایاقینه دوشنوب

 

رضا مقامینه گَتدی آناسی لیلانی

یول اوسته یوسفِ بطحا قویوب زلیخانی

 

به عزمِ رزم چو شاهین اولوب عقابه سوار

ایشیقلی گون کیمی گویا او کوکبِ سیّار

 

اوزین یتوردی چو شیرِ دلیر میدانه

مقابل صفِ لشگرده دوردی مردانه

 

دایاندی سدّ سکندر کیمی مهابتیله

آچوب لسانِ گهربارینی فصاحتیله

 

او شیرِ بیشهء صولت ، هژبرِ دستِ نبرد

دوروب مقابلِ یوزمین قشون دا یکّه و فرد

 

آچوبدی لعلِ لبین ، اول مهِ سپهره وقار

توکوب لسانی بو طرزیله لؤلؤ شهسوار

 

الا ای قوم دون فرزند شیر کردگارم من

شجاع وارث دشت نبرد کارزارم من

 

منه اصل نجابتده جماعت کیم برابردور

بابام حیدردی جدهّ م  فاطمه جدیم پیمبردور

آتام شیر خدا اوغلی - آدیم شهزاده اکبردور

حسینه قره العینم - علیدن یادگارم من

 

منم تابنده اختر اختر برج سعادتدن

منم رخشنده گوهر - گوهر دریای رحمتدن

منم نور درخشان نیّر چرخ ولایتدن

امامت گنجنون درجنده درّ شاهوارم من

 

منم شان مناقبده امیر المومنین اوغلی

صراط المستقیم حقده عین الیقین اوغلی

منم صدر ولایتده شه مسند نشین اوغلی

اوزوم شهزاده یم - سبط شه والاتبارم من

 

بو ال دست علیدور - پنجه دست یداللهی

بلیمه باغلیوب بو ذوالفقاری کربلا شاهی

دوتا دریای لشکر یر یوزون گر ماه تا ماهی

نهنگ بحر غیرت شهسوار نامدارم من

 

نشان لافتایم یادگار شاه لولاکم

دلیر صف شکاف  و صف شکن بیر شیر بی باکم

هژبر خشمگین - ضرغام چالاک  غضبناکم

علی قائم مقامی - ضیغم اژدر شکارم من

 

مسلم دور منه نصر سعادت - فتح و فیروز

نیامیندن چکم گر ذوالفقار آتش افروزی

سالور آتش نهاد دشمنه برق جهانسوزی

بنای هستی کفاره بیر سوزان شرارم من

 

مقام شان اوصافیم یتوشمز حد پایانه

هنر ، مندن مُوءیّددور - ظفر آماده فرمانه

کیم ایستر امتحان - میدان جرئتله دلیرانه

قدم قویسون که تا گورسون - سوزومده پایدارم من

 

شجاعت ارثدور بیزده , الومدن ایتمرم پروا

بو باش ، بو سینه ، بو پیکر ، او تیغ خنجر اعدا

سِنان و خنجر و شمشیردن باک ایتمرم اصلا

جماعت گیچموشم جاندان حسینه جان نثارم من

 

او یادگارِ هنرمندِ ضیغمُ الغَزَوات

علی نبیره سی فرزندِ صاحبُ الحَمَلات

 

بسانِ مور و ملخ اول گروهِ بیعاری

داغتدی بیر بیره ووردی صفوفِ کفّاری

 

مبارزان و دلیرانِ مصر و کوفه و شام

تمام قومِ جفاجو ، سپاهِ خون آشام

 

نه اقتدارِ تکلّم نه طاقتِ گفتار

سکوتِ محضده چون نقشِ صورتِ دیوار

 

بیری بیرینون اوزینه باخاردیلار حیران

نه حسّ و نه حرکت مهوِ مات و سرگردان

 

دوباره نعره چکوب یادگارِ شیرِ خدا

اوجالدی کنگرهء عرشِ کبریایه صدا

 

اولوردی هر طرفه حمله ور چو شیرِ دلیر

توکوردی صفحهء خاکِ هلاکه جمعِ کثیر

 

ایدردی حمله علی ، ذوالفقار الی اوسته

خطاب ایدردی ال اولماز علی الی اوسته

 

ایدوب او عرصه نی اعدایه عرصهء عرصات

بیرینده قالمادی اوز نفسینه امیدِ حیات

 

بسانِ رعدِ خروشنده یادگارِ علی

دلنده نامِ علی الده ذوالفقارِ علی

 

ووروب قیروب توکوب ال ، بدن ، صحرایه

شکست ، حملهء اوّلده ویردی اعدایه

 

بچوب گیچوب داغیدوب صفلری ایدوب بر هم

داغیلدی لشگر ، علمدار ئولدی یاتدی علم

 

اوجالدی نالهء اَینَ المَفَر لشگردن

ظهوره گلدی علامات قیام حشردن

 

بسانء خانهء شطرنج قیلدی عرصه نی تنگ

بنای مکر قویوب ناگهان قیلوب آهنگ

 

قلج الینده یتوب منقذِ زنازاده

که گرمیدی باشی شهزاده نین او اثناده

 

کمین ایدوب دالیدان ، باشدان اندیروب شمشیر

یتیردی جبهیه تا حالتی تاپوب تغییر

 

جبین انوری شمشیره چون نشان اولدی

مه منیرده شقّ القمر عیان اولدی

 

سکینه حالینه , احوال زار لیلایه

جراحت اثر زخمی خونچکان اولدی

 

بوکولدی قامت افلاک پشت چرخ برین

نهال قامت کلثوم تک کمان اولدی

 

چکلدی مصحف رخساره قانیله جدول

یوزونده خط جلی زلف سرخی قان اولدی

 

بویاندی طره لری قانه شده ی مرجان

دوشوب گل اوستونه گل رنگی ارغوان الدی

 

ملک لر آغلادی قان قطره قطره چون قانی

سرشک دیده زینب کیمی روان اولدی

 

سحاب سرخ سیه آفتاب تابانه

شفق سالوب بولود آلتندا گون نهان اولدی

 

مذهّب اولدی طلائیله صفحه قرآن

طلا و سرخیله سر لوحی زر فشان اولدی

 

یازیلدی سوره توحید صدر اوّلده

شهادت آیه سی عنوانینه بیان اولدی

 

نظرده یاره ایدی لیک منزل یاره

گیدردی الده او قان یاره ارمغان اولدی

 

نقدر قانی آخوب یوزده نقش اولوب یا دوست

چو  حق یولوندا فراموش جسم و جان اولدی

 

وصال تشنه سینه تشنه لیق اولوب غالب

خیال وصلیله بی طاقت و توان اولدی

 

اراده ایلدی بیرده گوره غریب آناسین

خیام طاهریه عاطف العنان اولدی

 

یارالی یوسفی یعقوب اثقلانی گوروب

کسوب گذرگهی بیر گوشه ده نهان اولدی

 

باخاندا خنجر خونخواره قان دوتوب گوزینی

که باغری قاننی توکماقدان اوتری قان اولدی

 

بولوب خیالین او آهن دلین سویا دوندی

بلند او دم دل خنجردن الامان اولدی

 

دگنده خنجر ایکی کتفنین آراسندان

آت اوسته منقلب احوال او نوجوان اولدی

 

یتن ووراردی  او ناکامی قوللارین سالدی

عقاب بوینونا یوز خیمیه روان اولدی

 

زبسکه قان یارالاردان آخوب عقاب اوستن

یخلدی خاک سیه منزل و مکان اولدی

 

بلی بو رسمدی هر عاشق امتحان اولسون

اولوب حبیبنه محبوب امتحان اولدی

 

زبس علی آدینی ورد ایدوب دلینده (حقیر)

سبب بودور بو مطالبده نکته دان اولدی.

 

مرحوم حقیرخوئی

منبع مجموعه کانالهای مدح و مرثیه

 

----------- متن نوحه احوالات حضرت علی اکبر (ع) ---------

وداع حضرت علی اکبر (ع)

 

قوی توکولسون زلفِ مشگین عارضِ ماه اوستونه

سطر چکسون حُسنِ وجهِ صِفوة الله اوستونه

 

آیة الله ایله پیدا سطرِ قوسیندن

تا دوشه لامِ الف میم ، الله اوستونه

 

ظاهر اولسون عالمه لیس له کفوا" احد

مدّ مشگین خط قویسون قل هو الله اوستونه

 

خالون همچون نقطهء پایان بسم الله دور

مشتعل اولسون جمالون ، قدرتُ الله اوستونه

 

گورسنوب واللّیل پایانِ لیالِ عشرده

ابرِ ظلمت سایه سالسون ماسوالله اوستونه

 

طُرّه طرّارِ عنبر باریلن مشگین لوا

پرچم آچسون لا الاه نصر من الله اوستونه

 

لیلةُ القدر اولماقا والفجر معناده ردیف

قالخا صوتِ احسنُ الله احسن الله اوستونه

 

تا چکه نفشِ مدادیله صراط المستقیم

کلکِ قدرت آیهء ما انزل الله اوستونه

 

تارِ زلفِ تارون ، همچون مشک تاتار عطر بار

الف ترکیبین چکه الحمدالله اوستونه

 

شانه چون تشدید ، فوقِ کلمهء شمسُ الضّحی'

بی نقاب ایتسون مرتّب هیبت الله اوستونه

 

لوحِ صُنعِ ذوالجلاله ثبت اولونسون غیبدن

آیهء سفک الدماء الحکم الله اوستونه

 

کاکلِ پرچین بسانِ رشتهء حبلُ المتین

رونق اولسون لوحِ صُنعِ حکمت الله اوستونه

 

کلکِ نقّاشِ قضا یازسون ایکی سطر اِن یَکاد

صفحهء رخسارِ فرزندِ یدالله اوستونه

 

تا آچا گلشنده (قمری) شوقیلن دُرجِ دهان

عرشه قالخا ماشاالله ماشاالله اوستونه

 

اکبرِ شهزاده وئردی امّ لیلایه جواب

وورما شانه ای آنا قیلما بو زینتده شتاب

 

توکمه زلفِ مشکفامی خطّ ریحان اوستونه

چکمه ظلمت پرده سین مِهرِ درخشان اوستونه

 

ای آنا من اکبرم قرآن ناطق اوغلیام

زینت اولماز احتیاج آیاتِ قرآن اوستونه

 

تارِ زلفیلن جمال مصطفانی قیلما تار

قوی اوجالسون صوتِ صلوات عرشِ سبحان اوستونه

 

آیهء ظلماتی قیلما غالبِ آیات نور

وئرمه رونق ظلمتیلن نورِ یزدان اوستونه

 

قوی اولا سر سورهٔ قرآن مُذَّهب قانیلن

قطره قطره قان دوزولسون جدولِ قان اوستونه

 

ایلمه چرخِ ولایت آفتابین منکسف

سالما ابرِ غم نقابین ماه ِتابان اوستونه

 

ایتمیون افشان جمالیمده قرا گیسولری

خطّ سودا چکمیون گلبرگِ خندان اوستونه

 

گلستان تک گلعذاریم قاندان آچسون لاله لر

بارشِ نیسانِ غم یاغسون گلستان اوستونه

 

حُسنِ مَستَحسن گورونسون صنعِ صنع الله ده

قانیله اولسون زرافشانلوق چون زرافشان اوستونه

 

باغِ بهجت ، زیبِ جنّت ، ظلّ رحمت ، کاکلیم

چتر طاووسینی قورسون خاکِ میدان اوستونه

 

تیغیلن مدّ مُطلّا تک چکلسون فرقیمه

زینت اولسون سورهء توحید فرقان اوستونه

 

کربلاده عید اضحی' دور بو عاشورا گونی

منده قربان ، زینت اولماز اصلِ قربان اوستونه

 

اِن یَکادی شمر یازسون قانیمیله سطر به سطر

خنجرِ برّان دمینده لوحِ جانان اوستونه

 

گلستانِ نظم ایچینده (قمری) شیرین کلام

چیخسا لایق دور اگر تخت سلیمان اوستونه

 

مرحوم استاد قمری دربندی

منبع مجموعه کانالهای مدح و مرثیه

 

----------- متن نوحه احوالات حضرت علی اکبر (ع) ---------

در احوالات حضرت علی اکبر (ع)

 

گچر که فصلِ زمستان ، دمِ بهار گلور

سولان گیاه و گُله بیردم آشکار گلور

 

تراب ِتیره گیاه و گلیله خوش بزنور

قبای سبزیله سردار افتخار گلور

 

گلور ترانیه بلبل چمن هواسیله

خیالینه نه خزان نه جفای خار گلور

 

نسیمِ صبح ویرور عندلیبه گُل خبرین

فراق رنجی گئیدور وصله اعتبار گلور

 

ولیک یوخ خبری یاسمن باتوب یاسه

بسان ِطرّهء غمدیده تار مار گلور

 

بنفشه قاره گیوب باش قویوبدی غم دیزینه

دیمه یوزونده کی شبنمدی اشکبار گلور

 

او غنچه که گوروسن آچمیوب دولی قاندی

حیا ایدور آچیلا بولمورم نه عار گلور

 

نه حقّی واردی آچوب لاله قان پیاله سی تک

ایدوبدی سینه سینی غصّه داغدار گلور

 

یقین دیارِ بلادن صبا خبر گتیروب

خیامه اکبرِ شهزاده زخمدار گلور

 

بدن یارالی ، اوزی خسته ، لبلری تشنه

یارالاریندان آخور قانی چشمه سار گلور

 

علم یاتیردوب ، عدو ئولدوروب ، جگر یانوری

آتاسی ایلیه سیراب امیدوار گلور

 

بیلور پیاده گرک شه حضورینه گلسین

ولى یارالیدی یوخ طاقتی ، سوار گلور

 

آتاسی خیمه قباقینده بوینی چگننده

تیکوبدی گوز یولا نه صبر و نه قرار گلور

 

نه گوردی توز آراسندان جوان اوغول چیخدی

معاینه که على الده ذوالفقار گلور

 

نجه گلور بویانوب قانه قرمزی گُل تک

یوزین ، گوزین ، سرِ زلفین دوتوب غبار گلور

 

یتشدی دوشدی آتندان ایدوب ادای سلام

آتانی غملو گوروب گور نه غمگسار گلور

 

قولون آتا بالا بیر آچدی قول بویون أولدی

او حاله ایمدیده زهرادن آه و زار گلور

 

سو ایستدی آتاسیندان سو اولمادی ممکن

فرات او گوندن اولوب خوار و شرمسار گلور

 

آتا دیسون من اوزومده اوغول علی یانیرام

صراحتاً دیماقی گوردی ناگوار گلور

 

آلوب اَموب دلینی بو دلیله آندیردی

که یعنی گور جگریمدن منیمده نار گلور

 

دالی دالی چکیلوب شاهزاده چکدی فغان

گوروب آتا نفسی اود ویرور شرار گلور

 

دئدی سنون عطشون چوخدی ای بابا مندن

اگرچه اشکِ ترون مثلِ جویبار گلور

 

ایله ادبلی اوغول ایله مهربان بیر آتا

نه روزگاره گلور نه او روزگار گلور

 

دئدی قایت علی فیض ِشهادتی درک ایت

غم ایلمه که دالونجا بو دلفکار گلور

 

بله گمان ایدرم شام اولونجا جدّیم اوزی

سنه سو ویرماقا دلده مین اضطرار گلور

 

او شاهزاده قایتدی گوروب که اهلجفا

ایدوبدی شبهِ نبی قصدِ کارزار گلور

 

قلج چکن اوخ آتان بیربیرین ایدوب ترغیب

گَلون دُیردیلا بر زخملی شکار گلور

 

ازون ویروب قوشونا باخمادی او تشنه جوان

یاغش کیمی یاغوری تیرِ آبدار گلور

 

پوزوپ صفوفی یاتیردوب علملری یکسر

وروب یخوب قباقا هانسی نابکار گلور

 

هزار حیف که منقذ قلجلادی باشینی

دیمه که یر یوزونه ایله کین شعار گلور

 

باشندان آخدی قزیل قانی گوزلری دولدی

آت استه دورممقا گوردی اقتدار گلور

 

ایکی قولون آتینون بوینونا حمایل ایدوب

گوروبکه قان گیدیری ضعف انزجار گلور

 

عنان مرکبینی دوندروب خیامه طرف

آتا یوزون گوره بیرده او گلعذار گلور

 

او حینده اوجالوب طبلِ جشن هریاندان

صدای هلهله فریادِ گیر و دار گلور

 

عقاب رم یدی یوز قویدی دسته لر ایچینه

یارالی صید اوزی صیّادینه دچار گلور

 

آلوب آرالیقا صفلر ، چکوب قلجلارینی

النده حربه ورور هانسی کینه کار گلور

 

او گیر و داریده یعقوب آدینلی بیر کافر

الینده خنجر ایده ظلمون آشکار گلور

 

نه ظلم ایدوب دیمرم شاهزاده زین اوسته

دورانمادی داخی توپراقه جان نثار گلور

 

یره دوشن کیمی نقش اولدی یرده چون تصویر

نه ایله صورت اولور نه ایله نگار گلور

 

همین بو قدر نفس گلدی سسلدی آتاسین

اوغول سسین آتا آلدی که زار زار گلور

 

ادب یولیله دیور ای بابا خداحافظ

اجل گلوب گیدیرم پیکِ وصل یار گلور

 

بابا غم ایتمه ، منى جدّیم ایلدی سیراب

نه بیرده رنجِ عطش بیرده نه فشار گلور

 

علاوه بر دولی جام الده منتظر دی سنه

تکوبدی گوز یولا فریادِ انتظار گلور

 

جوان اوغول سسین آلدی دئدی اوغول گلدیم

بولنمورم نجه اول شاهِ تاجدار گلور

 

باخان دیردی قوری ببر قفسدی روحی چیخوب

دوتوب وجودینی بالمرّه انکسار گلور

 

اوزون سالوب یره نچه قدم قالاندا امام

او آز یولی نجه گور سِیر باوقار گلور

 

دورانمادی ایاق استه دیزی دیزی سورنوب

جوان اوغول یانینا گور نه خاکسار گلور

 

یتوب دوشندی او خندان گُل استه بلبل تک

گوروب نه گل گوزه باخدیجا نوکِ خار گلور

 

نه حالدیدی حسین بولمورم خدا بولوری

اِله تصوّر ایدنده بئله عیار گلور

 

گوزی باخوردی ولکن باخان دیردی ئولوب

نفس اگر چه گلور مثلِ احتضار گلور

 

توکوب سرشکینی سسلندی آه وا ولدا

گوز آچ اوغول گوزمه غصّدن غبار گلور

 

گوتوردی باشینی یردن آلوب دیزی اوسته

نه گوز گورور ، نه دانشدیرسین اختیار گلور

 

آتا باخور بالا قان ایچره ال ایاق چالوری

سرشکِ چشمِ تری موجه چون بهار گلور

 

اوغول الینده آتانی یانندا قویمازلار

قبیله ایل ایله بیر وقته هر نه وار گلور

 

الین دوتوب آپارولّار کناره رسمدی بو

تسلّی ویرماقا بیر جمع ِسوگوار گلور

 

ولی حسینون الیندن دوتوب کناره چکه

نه بیر نفر تاپیلور ، بیر نفس نه یار گلور

 

باشی دیزینده ، یوزی گُل یوزونده جان ویردی

خیاله گور ایله بیر صاحب اصطبار گلور؟

 

گلور که نعشین آپارسین خیامه ال دوتمور

او یرده قویسون الیندن خدا نه وار گلور

 

آپارماسین اوزی گیتسون قویوب گیده بولمور

بولور آپارماسا لیلا جنون وار گلور

 

اوزی آپاردی و یا بولمورم بنی هاشم

سوزون صریحی بودی نظمه اختصار گلور

 

همین بو قدر شبیه پیمبرین نعشی

خیام ِطاهره ده تاپدی اشتهار گلور

 

ایاق یالین باشی آچوخ بانوان ِپرده نشین

تصوّر ائت نجه گور خیمدن کنار گلور

 

خیامدن چخان اکبر جنازه سین که گورور

ساچین یولا یولا بیمعجر و خِمار گلور

 

نجه جنازه؟ قزیل گُلدی بیر عبا دولوسی

گَلن گلور که باخور شوره چون هَزار گلور

 

ورولدی حلقهء ماتم جنازه دوره سینه

عجبدی دوره گینه چرخِ کجمدار گلور

 

گون اوزلولر سرِ زلفین آچوب یوزه توکدی

دوتولدی گون یوزی گویا که لیلِ تار گلور

 

دولوب بلا چولی واکبرا صداسیندن

فغانی ایمدیده لیلانون آشکار گلور

 

ایاق طرفده قویوب یوز اوغول قدملرینه

دوزلماقا نه توان و نه اقتدار گلور

 

سُوور اوغول ایاقی آتدا جان ایده تسلیم

نچاره نه ملک الموتِ کردگار گلور

 

(شهاب) اگرچه سوزون اختیاری سنده دگل

نظامیلن اوزی چون دُرّ شاهوار گلور

 

بس ایله سن ، بو مصیبت او گون تمامه یتر

که حجّة بن الحسن الده ذوالفقار گلور.

 

مرحوم شهاب تبریزی

منبع مجموعه کانالهای مدح و مرثیه

 

----------- متن نوحه احوالات حضرت علی اکبر (ع) ---------

در احوالات حضرت علی اکبر (ع)

 

گُل عشقی اُلفت ایدر ، عندلیبِ زاریله

اودور فراقه دوزر ، فکرِ نوبهاریله

 

هزار محنتِ ایّامه بیر دل اولماسا توش

نه نوعی همدل و همدرد اولور هَزاریله؟

 

او هانسی گُلدی که اولسون برابر اکبریله؟

گُلون نه نسبتی واردور او گلعذاریله؟

 

کیمون سراغی وار ، هانسی چمنده بیر بلبل

که هم ترانه اولا لیلیِ فگاریله

 

گورنده نوگُلنون نوبتِ خزانی یتوب

مدارِ گردش و ایّام و روزگاریله

 

دل اولمادی دانیشا ، نطق سیز دوروب باخدی

او سرو قامته ، حسرتلی بیر نظاریله

 

تصوّر ایله پوزولماز او حالده اکبر؟

غریب آناسنی گورسه او حالِ زاریله

 

باخوب آناسنا حسرتله ، ایلدی افسوس

پیاله تک او دولان ، نرگسِ خماریله

 

دیسم غلط دگی ، آغلوب آناسین آغلاتدی

سوزون یتوردی اونا ، چشمِ اشکباریله

 

که یعنی ای آنا ، منده قتاله گتملی ام

دایان فراقیمه دوز ، سنده اصطباریله

 

دئدی اجازه ویروب شهریار ، یوخدی سوزوم

دگل مخالف آنان ، امرِ شهریاریله

 

دایانما گئت اوزیوی راهِ حقده ، قربان ائت

آناوی مفتخر ایله بو افتخاریله

 

چتیندی گر چه فراقون ولی گرکدی دوزوم

مدار ایدم ، ستمِ چرخِ کجمداریله

 

سنون وجودویله من یاشاردیم عالَمده

بو عزّت و بو شرافت بو اعتباریله

 

گتور اورک باشنا قوی باشون ، ایدوم ساکت

بو مُضطرب دلی ، اول زلفِ مشگباریله

 

علاوه شانه ایدوم ، سو سپوم سرشگیله

ندور گوزوم یاشنون فرقی جویباریله؟

 

یازیلّا دیشره توکولموشدی اهلبیت هاموسی

وداعِ اکبر ایچون ، جمله آه و زاریله

 

بیری دیردی دایان بیر گوروم دویونجا سنی

کسورسَن ایمدی که اُلفت بو بی قراریله

 

بیری دیردی گتور بیر اوپوم ایاقوندان

فراق ضدّیدی عُشّاقه ننگ و عاریله

 

گورون نه حاله قالور ، اوندا اکبرون حالی

گورنده آلِ عبانی او انزجاریله

 

علاوه شَهده باخوردی او شور و غوغایه

اولوردی مُنفعل اکبر ، او سخت کاریله

 

گلوردی ال چکه قویموردولار بالا بالالار

که صبر ، رام اولا بولمز دلِ صغاریله

 

دیردی هر بیری بیر دل ، اولوردی دردی زیاد

که آیریلوردی نچّه قلبی داغداریله

 

نه نوعی آیریلوب ، ایستکلی باجیدان آنادان

غریب آتاسی بولور ، حیّ کردگاریله

 

یولا سالاندا حسین هر شهیدی میدانه

وداع ایدنده هامی یار و جان نثاریله

 

وداع ایدردی اونی خیمه لر قباقنده

کنار اولانمادی دلدن بو دل کناریله

 

گیدوردی اکبریله روحی ، آیریلانموردی

اوزوندی ، مطلبی من گئچدیم اختصاریله

 

قویوب اوز اوغلونی میدانیده ، قایتدی آتا

دایاندی خیمه قباقینده انتظاریله

 

او قدر گچمدی بو کجمدار چرخِ فلک

بروزه کینه نی ویردی او تاجداریله

 

ایشتدی اکبری سسلور ، علیکَ مِنّی سلام

سوار مُرتَجز اولدی چوخ انکساریله

 

نه حالتیله گلوب اکبرون باشی اوسته

عیاندی مطلبی ، مقتلده اختباریله

 

گورنده پارهء قلبین او قلبِ عالمیان

پوزولدی حالِ شریفی او چوخ وقاریله

 

شتابیله اوزینی ذوالجناحدن آتدی

داخی دورانمادی ، سلب اولموش اختیاریله

 

دیزی دیزی سورونوب تا جواننه یتدی

گونوز گوزونده بیر اولموشدی شامِ تاریله

 

آلوب او محتضرون باشنی دیزی اوسته

غریبِ کرب و بلا حال احتضاریله

 

باخان دئردی اوغول ئولمه میش ، آتا ئولدی

سپُرده ایلدی جانین او جان سپاریله

 

گوروب باشی بولونوب مرتضی علی باشی تک

دولوبدی آغزینا قان ، قوزانان غباریله

 

او قدر اوخ ویریلوب ، چاک چاک اولوب بدنی

نجه که چاک اولی گُل برگی ، نوکِ خاریله

 

باسوب اوغول باشنی اودلانان اورک باشنا

دوباره قلبی آلشدی او استناریله

 

بو غم اَشدّیدی یا فاطمه اوزون آغلا

عزیز جانوی گور حالِ ناگواریله

 

اوزاتدی رأفتیله ساربان کسن الینی

سیلوبدی دیشلرینی لطفِ بیشماریله

 

اگیلدی صورتنی قویدی قانلی صورتینه

بویادی صورتِ ثاراللّهی او ثاریله

 

بو فکریله که گله بیر دله دانشا

ایدوبدی دردِ دل آغاز او زخمداریله

 

دئدی قوتولدون علی ، همّ و غم دنیادن

وحید قالدی آتان قومِ نابکاریله

 

آچوب عباسینی سالدی او فخرِ آلعبا

یغوب او گل بدنی ، ذوقِ وصل یاریله

 

که یعنی چیده ایدر رسمدور بو گل طبقی

او باغبان که اولا الفتی نگاریله

 

مرحوم شأنی تبریزی

منبع مجموعه کانالهای مدح و مرثیه

 

----------- متن نوحه احوالات حضرت علی اکبر (ع) ---------

در احوالات حضرت علی اکبر (علیه السلام)

 

عزیز فاطمه آرام جانین تاپدی جان اوسته

او حالیله که جان تسلیم ایدر اول نوجوان اوسته

 

گوروب قان دجله سینده غرق اولوب گلبرگ مقهوری

سولوب رنگی دولوب قانیله چشم مست و مخموری

بویوردی ای علی ای قلبیمون بندی گوزوم نوری

بو سنسن قان آخور یا گُل دوشوب آب روان اوسته

 

گوزوم گورمور گوزون آچ گور منی بو داد و شیونله

اوغول بیر عمردور روحیم منیم الفت دوتوب سنله

دله گل ای منیم شیرین دلیم بیرده دانش منله

آتان بیر عمر شیرین قویدی بو شیرین زبانه اوسته

 

آخوب قانون سولوب رنگون سوسوزدان ضعف حالتدن

آچوب گل پیکرونده یاره‌لر قاندان جراحتدن

نه گلشندور بهاریله خزاندان وار علامتدن

گوروب کیم نوبهارین جلوه‌سین فصل خزان اوسته

 

بو بیر یاره که قلبوندن وروب بو لشکر اعدا

منیمده قلبیمین بندین قیروب ای قلبیمه یارا

اودور قانون کیمی خون دلیم گوزدن آخور گویا

توکولسون تا منیمده قلبیمین قانی بو قان اوسته

 

باخاندا قلبیوه آنلار بو سرّی هر دل آگاه

اوغول اللّهه دینه خصم اولوب بو فرقه گمراه

مگر هر قلب مؤمنده سنق دلده دگل الله

ندور بو زخم کاری بس مکان لامکان اوسته

 

علی ای جملۀ خوبان عالم حسنوه بنده

شهادت خلعتی بو قامت زیبایه زیبنده

غم ایتمه بو اُلوملر روح اسلامی ایدر زنده

سعادتدور شهادت بیر حیات جاودان اوسته

 

علی بو نازنین جسموندی بو حاله سالوب دشمن

و یا گلدی اولوب پرپر دولوب گلبرگیله گلشن

یقین بو پیکر مجروحی خرگاهه آپارسام من

یانار مین غم هزاری بیر پوزولموش گلستان اوسته

 

علی ای کوکب صبح امیدیم کامُوه چاتدون

منیم اشکیمله اوز قانونلا بو تپراقی ایسلاتدون

سحر اولدوزلاری چون تِز باتالّار سنده تِز باتدون

غروب ایتدون داخی بیر اختریم یوخ آسمان اوسته

 

علی پیمان آلوب مندن بلا بزمینده جانانیم

فدای راه دین اولسون هامی انصار و اعوانیم

اوزومده باش ویرم حتّی یتیشسون باشه پیمانیم

بلی عاشق دوزر مین زحمته بیر امتحان اوسته

 

علی ایلر سر زلفون حکایت خال لیلادن

باشوندا آیت شقّ‌القمر وار تیغ اعدادن

سنی منقذ- منی سندن آخان قان سالدی یارادن

حسینی هر باخان واضح گورر بی‌شبهه جان اوسته

 

سنی دشمن ایاقدان سالدی گر ای سرو آزاده

منی ایلر هجوم غم سنون هجرونده افتاده

دالونجه منده گلّم قالمارام سنسیز بو دنیاده

بلا اوخ تک یاغور هر لحظه بو قدّی کمان اوسته

 

علی دلده گوزینده موجه گلدی اشک طوفانی

اوتوردی باشینی آلدی دیز اوسته اول وفا کانی

دوداقیندان دیشیندن سیلدی اوّل تپراقی قانی

دانیشدیردی ولی مشکل علی گلسون بیان اوسته

 

او حالیله که خونین اشکیله دولموشدی دامانی

نشان ویردی قِران مهر و مه اول عشق قربانی

جمالینده جمالی آغ محاسیندن آخار قانی

دیردی هر گورن شبنم دوزولموش ارغوان اوسته

 

دوتوب تصمیم تا هجرینده لیلا اولماسون مجنون

یره آچدی عبانی خامس آل عبا محزون

او گلبرگ‌ تری یغدی عبایه با دل پر خون

گَتورسون بسته لب بلبلّری شور و فغان اوسته

 

چاغوردی حسرتیله ‌ای جوانان بنی‌هاشم

داخی ممکن دگل مستور اولا بو محنت فاشم

دیزیم گلمور امان ویرمور گورورسوز گوزده گوزیاشم

یاخوندی آیریلا روحیم یارالی بیر جوان اوسته

 

گلون حمل ایلیون قارداشوزی بیر انس ماوایه

اذیّت ایتمسون گون سوزشی بو جسم زیبایه

بو خونین بستری قهراً ورار مین طعنه دیبایه

یاتوبدور نازیله گویا حریر و پرنیان اوسته

 

غرض حمل ایتدیلر اول پیکر مجروحی قتلایه

حریم عصمتین آهی اوجالدی عرش اعلایه

گلن خرگاهدن اشکین توکردی بو تمنایه

سو سپسون تا حسین قلبینده‌کی آتشفشان اوسته

 

حسینون غم شریکی نایبه صدیقه زهرایه

خطاب ایتدی او دم مجنون اولان شوریده لیلایه

اوتورما خیمده باش غم دیزینده گل تماشایه

همای عشق خونین پر یخلمیش آشیان اوسته

 

بیزه منسوبدور ((خوندل)) بولر مأمن بو درباری

قصور ایتسه گذشت ایت قویما اولسون غم گرفتاری

آز اولسا خدمتی یا اولسادا ناچیز آثاری

قویوب یوز مین امیدیله یوزون بو آستان اوسته

 

مرحوم خوندل تبریزی

منبع مجموعه کانالهای مدح و مرثیه

 

----------- متن نوحه احوالات حضرت علی اکبر (ع) ---------

در احوالات حضرت علی اکبر (علیه السلام)

 

در دیار کربلا آن وادی پرشور و پرخون

خواست خیل عشق تازد بردل لیلای مجنون

در خرام آمد علی با قامت زیبا وموزون

در پی آن شاه دین باخاطری ازغصه محزون

زیرلب می گفت گویا این کلام ذات همچون

لن تنالوالبر حتی تنفقوا مما تحبون

 

اشک حسرت موج زد در دیده شه همچو دریا

رو بحق بنمود گفت ای ذوالجلال حی ویکتا

این جوان که خلق وخلق ومنطقش باشدچوطاها

من به پای خود فرستادم سوی قوم اعدا

خود گواهم باش این معنا مرا بنمود مفتون

لن تنالوالبر حتی تنفقوا مما تحبون

 

باغبان پیر اندر راه سرو گلعذاری

دل بسوزازالتهاب واشک غم در دیده جاری

گفت جانا چون به کوی مرگ رهسپاری

چندگامی زن به پیش من که تاکامم برآری

جان به جانان ده که لیلایت شود ازغصه مجنون

لن تنالوالبر حتی تنفقوا مما تحبون

 

شاهزاده دید شه رااز محبت بی شکیب است

موسم هجران گل هنگام شور عندلیب است

گفتا باباصبرفرما وصل جانان عنقریب است

شیوه توصبر وشیون کارلیلای غریب است

بگذر ازمن تاشوم در راه دین آغشته برخون

لن تنالوالبر حتی تنفقوا مما تحبون

 

تا کند ایثارجان شهزاده قصد اشقیا کرد

در فراق خود غزالان حرم را مبتلا کرد

شاه مظلومان سبیل اشک از دل عقده وا کرد

پس سپاه کینه را باخاطر محزون صدا کرد

صد چو اکبرفدای این کلام نغز وموزون

لن تنالوالبر حتی تنفقوا مما تحبون

 

مرحوم حاج حیدر خوندل

منبع مجموعه کانالهای مدح و مرثیه

 

----------- متن نوحه احوالات حضرت علی اکبر (ع) ---------

در احوالات حضرت علی اکبر (ع)

 

شه آلدی خیمه ده شهزاده نون سسون، گلدی

نه حالیله؟ نجه بو نطق بوردا لال اولماز

 

وقار معدنی، شه، رزمگه دولی دشمن

بو یرده لنگ نجه توسن خیال اولماز

 

اوزون آتا یره آتدان، دیزی دیزی سورونه

ندن بو عالم ایجاد پایمال اولماز؟

 

جوان اوغول باشین آلدی قوجا آتا دیزینه

گوروب حیاتینه قالماقه احتمال اولماز

 

اگیلدی قویدی یوزون شاهزاده نین یوزونه

الف قدی نجه گور مثل حرف دال اولماز

 

او آق محاسنی نی قانیله خضاب ایلدی

ایله خضاب، ایله عالی رنگ آل اولماز

 

باسوب اوغول باشینی اودلانان اورک باشنا

گوروب او شعله بو قیمتله اعتدال اولماز

 

اوجا سسیله دئدی یدی دفعه وا ولدا

بو ناله نون سبب سرینه سوال اولماز

 

ایله جوانی الیندن گیدن آتا، آیا

وقارینی ویروب الدن فسرده حال اولماز؟

 

دئدی سن اولدون علی هم و غمدن آزاد

اورکده سن گیده سن محنت و ملال اولماز

 

ولیک قالدی آتان دشمن ایچره فرد و وحید

هدایت حقه طرف، لشگر ضلال اولماز

 

آتا بالانی چوخ ایستردی بیر دانشدیرسون

گوروب و لیک اوغول قادر مقال اولماز

 

یغوب عبایه داغیلموش جنازه سین، گوردی

جنازه اوزگه طریقیله انتقال اولماز

 

دئدی جوانلارا اکبر جنازه سین گوتورون

بیله بیر امره مگر فوراً امتثال اولماز؟

 

حرمده سس دوشوب اکبر جنازه سی گلدی

آناسی لیلیده گور حال ارتحال اولماز؟

 

آناسی دوزدی، ولی چخدی عمه سی حیران

اگر چه عصمت حق، منظر رجال اولماز

 

امام گوردی حیا سد راه لیلادی

دئدی بو مرحله ده شرم و انفعال اولماز

 

اوغول جنازه سی اوسته آناسی اوخشماسا

عزانون عزتینه نقص اولار، کمال اولماز

 

ستاره تک، گوره مه پیکر اوغلونون یوزونی

آنا قدی نجه گور ضعفدن هلال اولماز

 

دئدی که ای فلک حسنده ایشیلقی گونوم

نه تز غروب ایلدون؟ بیله تز زوال اولماز

 

نجه زمانه ده عمروم گلی، گولر سن سیز

که باغ عمریمه سندن صورا نهال اولماز

 

بو فخر بسدی که یتدی قبوله قربانیم

مگر بو فخره عوض رنج ماه و سال اولماز

 

توجه اولماسا اول شاهزاده دن (شانی)

ضعیف جسمده بو نطق و بو مقال اولماز

 

مرحوم شانی

منبع مجموعه کانالهای مدح و مرثیه

 

----------- متن نوحه احوالات حضرت علی اکبر (ع) ---------

در احوالات حضرت علی اکبر (ع)

 

گیدیردی اکبرینه کفن سویلدی اوغول

گل اولماسان، بو عرصه گلگون قبا ندور؟

 

گتدی ئولوم ایاقینه تاپشوردی قاتله

بیلمم که عشقدور بو؟ محبتدی؟ یا ندور؟

 

یوز دوتدی اهل کوفیه کی قوم تیره دل

یاخشی باخون بو آیینه مصطفی ندور؟

 

جدیم شبیهی، قلبیمین آرامیدور منیم

بونسوز منیم گوزومده کی نور و ضیا ندور؟

 

اما بو گون محبتمه مقتضی بودور

قربان ویرم حبیبمه مندن ابا ندور؟

 

باشدان ایاقه دوغرانا گل جسمی راضیم

گر اولماسا قضایه موافق رضا ندور؟

 

هم من راضیم، هم آناسی، هم اوزی رضا

رد و قبول ایچون گوراخ امر قضا ندور؟

 

سیزده چکون قلجلاری قربانمی کسون

دوغرانماسا تیکه تیکه اعضاسی تا ندور؟

 

وورساز نقدری یاره دئمز اف، اینجمز

مست می محب دی، بولمز یارا ندور

 

فکر ایتمیون که حسرتی وار، کامه یتمیوب

خنجر دمینده اولماسا کامی روا، ندور؟

 

باخمون آناسی باش آچوب وای اوغول دئر

حسرتله اوغلون اوخشماسا گر آنا ندور؟

 

سو ایستسه اگر، سو کیمی قانینی توکون

اوز قانین ایچمه سه سو یرینه فدا ندور؟

 

ذبح ایلینده سسلیون اما اوزوم گلوم

قربان ویرن گر ایتمسه ختم دعا ندور؟

 

قان ایچره ال ایاق چالا، منده الین دوتام

تا قبلیه چوورمسه اوغلون آتا ندور؟

 

عهدیم دی جان ویرنده قوجاقیمده جان ویره

جان ویرمسه آتا قوجاقوندا بالا ندور؟

 

قانی گرک محاسنیمی ایلسون خضاب

بیر بیله گونده قانیدن آرتوخ حنا ندور؟

 

(ذهنی) دارخما شغلون اولوب نوحه صبح و شام

محشرده آنلاسان که بو نوحه نوا ندور.

 

مرحوم مشهدی علی اصغر ذهنی

منبع مجموعه کانالهای مدح و مرثیه

 

----------- متن نوحه احوالات حضرت علی اکبر (ع) ---------

احوالات حضرت علی اکبر (علیه السلام)

 

سالدی یولا دالنجا دئدی شاهد اول خدا

بیر قومه کیم پیمبریله کارزار ایدر

 

گچدیم سنون یولوندا بیله مه جبیندن

عهد ازلده عهد ویرن، پایدار ایدر

 

دوتدی یوزین او قومه گلون اکبریم گلور

باشدان گچوب حسینه ایثار ثار ایدر

 

گیردی کمند عشقه غزال حرم، ولی

صیادی گور غزال حجازی شکار ایدر

 

گر ایستیه کمنده خطا اهلنی سالا

چین چین کمند سلسله سین تابدار ایدر

 

عزم ایتسه تار و مار اولا، عالم النده دور

گیسوی مشکباری یوزه تار و مار ایدر

 

قدی سنان، کمان قاشی، مژگانلاری خدنگ

بیر گوزلرین دولاندورا یوز مین شکار ایدر

 

اما اوزی شهادته شایقدی قلبدن

شوق لقای حضرت پروردگار ایدر

 

هر قدر جسمینه یارا وورساز قبولیدور

هر چند سوزشی دل لیلایه کار ایدر

 

باک ایتمیون علی کیمین باشین قلجلیون

تاج شرف باشندا اولان افتخار ایدر

 

گر جوی خون ایچینده دوشه سرو قامتی

سرو سهی بلی هوس جویبار ایدر

 

طالبدی بسکه تیره تراب اوسته یاتماقا

درویش حق طلبده اوزین خاکسار ایدر

 

باشین دئون سنان بیر اوجا نیزیه وورا

گون بیر جدا بویی اوجالا اشتهار ایدر

 

هر جور و ظلم ایستیه سوز بیشمار ایدون

حق حق انتقامینی یوم شمار ایدر

 

ای ذوالفقار صاحبی، مولا، ظهور حق

تا کی عیون منتظری انتظار ایدر؟

 

یرده نه وقته تک قالاجاق قانی اکبرین؟

بو انتظاره صبر، نجه روزگار ایدر؟

 

بیر ذره جه شعوری (حقیرین) اگر اولا

ترک ایلمز بو شغلی همیشه شعار ایدر.

 

مرحوم حقیر خوئی

منبع مجموعه کانالهای مدح و مرثیه

 

----------- متن نوحه احوالات حضرت علی اکبر (ع) ---------

حضرت علی اکبر (علیه السلام)

 

ماه ملک منظره باخ

صورت پیغمبره باخ

 

قدرت صورتگره باخ

اکبره باخ، اکبره باخ

 

گؤیده فقط ماه بودور

یرده فقط شاه بودور

 

حقه دیسون راه بودور

سیر الی اللّٰه بودور

 

سرّ فدیناه بودور

بنده‌ی درگاه بودور

 

مست علی الله بودور

ساق ید الله بودور

 

اللره باخ اللره باخ،اکبره باخ اکبره باخ

 

به علت نداشتن اجازه انتشار کامل اشعار 

(مرحوم استاد رحیم منزوی اردبیلی) چند بیت از اشعار

 ایشان به اشتراک گذاشته میشود

 

مرحوم منزوی اردبیلی

 

----------- متن نوحه احوالات حضرت علی اکبر (ع) ---------

در احوالات حضرت علی اکبر (ع)

 

قوجا آتا گوره جان اوسته نوجوان اوغلین

قالار نه حاله آتا گورسه اول زمان اوغلین

 

حسین نه حاله قالوب بُلمورم، خدا بُلوری

گورنده جدّی شبیهی جوان اوغول اُلوری

 

او حالی هر گوره نین اختیارینی آلوری

قلجلانوب باشی، قان ایچره اَل اَیاق چالوری

 

بدنده یاره لری چشمه چشمه قان ویروری

نفس باتوب، گوز آخوب، توپراق اوسته جان ویروری

 

ایکی اَلیله گوتوردی امام دل خسته

آلوبدی پارچالانان باشینی دیزی اوسته

 

سیلوبدی گوزلرینون قانینی اولوبدی ملول

بویوردی آچ گوزون ای جدّیمون شبیهی اوغول

 

سحر ستاره سی تک تیز غروبه یتدون اوغول

قویوب غریب آتاوی تک بو چولده گیتدون اوغول

 

شل اولسون اَلری کیم ووردی باشیوه شمشیر

بو یاره نون ایدوری سوزی قلبیمه تاثیر

 

گُل اوزلی تازه جوانیم آنان گوزیندن ایراق

ایدوبله پیکریوی برگ گُل کیمی اوراق

 

نه قَدر سسلدی دیندوردی سیّد الشّهداء

جواب گَلمدی، بیر صیحه چکدی وا وَلَدا

 

اوغول باشینی گوتوردی باسوب اورک باشنا

سووومادی اورگی، شدّت اولدی گوز یاشنا

 

باشین قویوب یره اشکیله دولدورب گوزینی

اوغول جنازه سی اوسته سالوب او شه اوزینی

 

یوزین قویوب یوزینه قان قاریشدی گوز یاشنا

دیدی اوغول اولا توپراق بو عالمین باشنا

 

غریب آتاندا عزیزیم نه تیز بیله دویدون

اوزون گیدوب منی دشمنلر ایچره تک قویدون

 

او قدری آغلادی، سس چکدی، ایلدی شیون

باخوب او حالینه اودلاندی سنگدل دشمن

 

گوروردولر اوغولون زخم جسمی قان ویروری

باخان او حاله دیردی حسین جان ویروری

 

اوغول یوزیندن ایدنده یوزین امام کنار

ایدوب نظاره نه گوردوله قوم کینه شعار

 

آتا محاسنین ایلوب خضاب اوغول قانی

او حالی وار یری یاندورسا کون و امکانی

 

بو شاهزاده حسینی حسینه سوگُلیدور

شبیه ختم رسل گلشن وفا گُلیدور

 

 مرحوم حسینی سعدی زمان

منبع مجموعه کانالهای مدح و مرثیه

 

----------- متن نوحه احوالات حضرت علی اکبر (ع) ---------

احوالات حضرت علی اکبر (علیه السلام)

 

بحر مصیبته گنه طوفان گتورموشم

بزم عزایه ناله و افغان گتورموشم

 

پیشوازه گوز یاشیله خریدارلر گلون

مصر بلایه یوسف کنعان گتورموشم

 

چخسون قباقه زینب خونین جگر دیون

بیر نوجوانی قانینه غلطان گتورموشم

 

یوز قانلو چهره قانلو دولوب آغزی قانیله

باشدان ایاقه قانیله الوان گتورموشم

 

هرگز سکینه گلمه ‌سه آتدان دوشورمرم

گل پیکرین چو شاخۀ مرجان گتورموشم

 

اولسون خبر جوانی ئولن بینوالره

یاس دوتماقا بهانۀ افغان گتورموشم

 

یوخ سینه سینده صاف یری چوخدور یارالاری

آماج زخم نیزه و پیکان گتورموشم

 

یوخ طاقتیم گلون دوشورون اوغلوم اینجیوب

امّتلره ویروب اونی قربان گتورموشم

 

گوزیاشیزی یارالارینون قانینه سپون

لب تشنه جان ویروب لبی عطشان گتورموشم

 

حسرت گوزونی باغلامیون قانیله دولوب

باخسون دویونجا هر یانا حیران گتورموشم

 

گوز باغلیاندا لازمه ‌دور غسلیله کفن

گویا اولوبدی غسلی قزلقان گتورموشم

 

بیمار قارداشین چاغیرون بیرجه یانینه

گلسون تلاوت ایتماقا قرآن گتورموشم

 

واردی باشی بدنده چکون شانه زلفینه

تا اولماسون جداده پریشان گتورموشم

 

شام اهلینه چخاندا تماشایه سویلیون

بدر منیر و مهر درخشان گتورموشم

 

گلزار حسنه ویرماقا زینت بکائیلن

بیر پر شکسته «قمری» نالان گتورموشم

 

مرحوم قمری

منبع مجموعه کانالهای مدح و مرثیه

 

----------- متن نوحه احوالات حضرت علی اکبر (ع) ---------

شجاعت حضرت علی اکبر (علیه السلام)

 

چون شیر خشمگین او جوانمرد نامدار

بحر بلایه غوطه ور اولدی نهنگ وار

 

اندیردی بیر عمامه نی ابرولر اوستونه

فرق سرینده مغفرینی ائتدی استوار

 

دریای قهری جوشه گلوب پور لافتا

قیلدی خروش ایلدی آهنگ کارزار

 

ووردی اؤزین چو شیر ژیان قلب لشکره

حیدر کیمی الینده درخشنده ذوالفقار

 

اوّل صفی داغیتدی ایکیمجین اوچومجیه

ملحق ائدوب نظام لری قیلدی تار مار

 

سیندیردی قلب میمنه نی تا صباحدن

کچدی صولا داغیلدی نظام صف یسار

 

تشویش اضطرابیدن اعدا ائدوب گمان

تیغ دوسر الینده علی اولدی آشکار

 

باشلار بدندن آیری بدن باشدان آیریلوب

باش بیر طرفده دوشدی بدن بیر طرفده خوار

 

ال باش توکولدی او صحراده بی حساب

مغفر سپر کمان داغیلوب بی حد و شمار

 

صفلر پوزولدی دسته داغیلدی سینوب سپاه

برهم اولوب نظام قوشون ایلدی فرار

 

خالی اولوب چو عرصه گه رزم کوفیان

دلخسته پر شکسته و مجروح و زخمدار

 

قومی احاطه ایلدی وحشت دوتوب هراس

قاچدی قاچان ئولن ئولوب اول معدن وقار

 

چکدی عنان توسنی نوک سنانینی

محکم دل ترابیده نصب ائتدی استوار

 

تکیه ائدوب جدایه زمانی سکوتیده

آچدی دوباره لعل گهربار و دُر نثار

 

کای قوم بی حمیّت و بی شرم و بی حیا

یوخ سیزده بیر نشانه ی ناموس و ننگ و عار

 

گوردوز منیم شجاعتیمی ضرب شستیمی

بو ال بو ذوالفقار علیدندی یادگار

 

مرد نبردسیز بو فرار ایلماق ندور

من بیر نفر ولیک سیز ای قوم صد هزار

 

فرزند حیدرم خلف شیر ذوالجلال

دعوا گونینده شیر اولور پنجمه شکار

 

انصاف ائدون مروّت ائدون یول وئرون گئدوم

نهر فراته یانمیشام ای قوم نابکار

 

دیّار قویمارام یر اوزون دوتسا گر سپاه

اذن قتال بنده یه گر وئرسه شهریار

 

قوّتده مین بو قدر وار آرتوق شجاعتیم

نیلوم که قویمیوبدی عطش منده اختیار

 

بیر جرعه سو بهاسی اگر نقد جان اولا

وئرم قالوب سکینه گوزی یولدا انتظار

 

یتمز((حقیر)) قصّه ی اکبر نهایته

صبح و مسا قلم ووراسان تا دم شمار

 

 حقیر خویی

منبع مجموعه کانالهای مدح و مرثیه

 

----------- متن نوحه احوالات حضرت علی اکبر (ع) ---------

احوالات حضرت علی اکبر (علیه السلام)

 

دور چون بر آل پیغمبر رسید

اولین جام بلا اکبر چشید

 

اکبر آن آئینه رخسار جد

هیجده ساله جوان سرو قد

 

در مناى طف ذبیح بى بدا

ذبح اسمعیل را کبش فدا

 

برده در حسن از مه کنعان گرو

قصه هابیل و یحیى کرده نو

 

دید چون خصمان گروه ‏اندر گروه

مانده بى یاور شه حیدر شکوه

 

با ادب بوسید پاى شاه را

روشنائى بخش مهر و ماه را

 

کاى زمان امر کن در دست تو

هستى عالم طفیل هست تو

 

رخصتم ده تا وداع جان کنم‏

جان در این قربانکده قربان کنم‏

 

چند باید دید یاران غرق خون

خاک غم بر فرق این عیش زبون

 

چند باید زیست بى روى مهان‏

زندگى ننگست زین بس در جهان

 

و اهلم اى جان فداى جان تو

که کنم این جان بلا گردان تو

 

بی تو ما را زندگى بى حاصل است

که حیات کشور تن با دل است

 

تو همى مان که دل عالم توئى

مایه عیش بنى آدم توئى‏

 

دارم اندر سر هواى وصل دوست

که سرا پاى وجودم یاد اوست

 

وصل جانان گرچه عود و آتش است

لیک من مست سقیم آبم خوشست‏

 

وقت آن آمد که ترک جان کنم

رو به خلوتخانه جانان کنم‏

 

شاه دستار نبى بستش به سر

ساز و برگ جنگ پوشاندش به بر

 

کرد دستارش دو شقه از دو سو

بوسه‏ ها دادش چو قربانى بر او

 

گفت بشتاب اى ذبیح کوى عشق

تا خورى آب حیات از جوى عشق‏

 

اى سیم قربانى آل خلیل

از نژاد مصطفى اول قتیل

 

حکم یزدان آن دو را زنده خواست

کاین قبا آید به بالاى تو راست‏

 

زان که بهر این شرف فرد مجید

غیر آل مصطفى در خور ندید

 

رو به خیمه خواهران بدرود کن

مادر از دیدار خود خوشنود کن‏

 

رو برو نِه زینب و کلثوم را

دیده مى بوس اصغر مغموم را

 

شاهزاده شد سوى خیمه روان

گفت نالان کى بلاکش بانوان‏

 

هین فراز آئید بدرودم کنید

سوى قربانگه روان زودم کنید

 

وقت بس دیر است و ترسم از بدا

همچو اسماعیل و ان کبش فدا

 

الوداع اى مادر ناکام من‏

ماند آخر بر زبانت نام من‏

 

مادرا برخیز زلفم شانه کن‏

خود به دور شمع من پروانه کن‏

 

دست حسرت طوق کن بر گردنم

که دگر زین پس نخواهى دیدنم‏

 

کاین وداع یوسف و راحیل نیست‏

هاجر و بدرود اسمعیل نیست‏

 

برد یوسف سوى خود راحیل را

دید هاجر زنده اسمعیل را

 

من ز بهر دادن جان میروم‏

سوى مهمانگاه جانان میروم

 

وقت دیر است و مرا از جان ملال‏

مادرا کن شیر خود بر من حلال‏

 

الوداع اى خواهران زار من

که بود این واپسین دیدار من

 

خواست چون رفتن به میدان وغا

در حرم شور قیامت شد به پا

 

خواهران و عمه‌گان و مادرش‏

انجمن گشتند بر گرد سرش‏

 

شد ز آهنگ نواى الفراق‏

راست بر اوج فلک شور از عراق‏

 

گفت لیلى کاى فدایت جان من‏

ناز پرور سرو سروستان من

 

خوش خرامان مى‏روى آزاد رو

شیر من بادا حلالت شاد رو

 

اى خدا قربانى من کن قبول

کن سفید این روى من نزد بتول‏

 

کاشکى بهر نثار پاى یار

صد چنین در بودم اندر گنج بار

 

آرى آرى عشق از این سرکش‌تر است

داند آن کو شور عشقش بر سر است

 

شاه عشق آنجا که با فر بگذرد

مادران از صد چو اکبر بگذرد

 

عشق را همسایه و پیوند نیست

اهل و مال و خانه و فرزند نیست

 

خلوت وصلى که منزلگاه اوست‏

اندر آن خلوت نبیند غیر دوست‏

 

شبه پیغمبر چون زد پا در رکاب

بال و پر بگشود چون رفرف عقاب

 

از حرم بر شد سوى معراج عش

بر سر از شور شهادت تاج عشق‏

 

کوى جانان مسجد اقصاى او

خاک و خون قوسین او ادناى او

 

گفت شاه دین به زارى کاى اله

باش بر این قوم کافر دل گواه

 

کز نژاد مصطفى ختم رسل

شد غلامى سوى این قوم عتل‏

 

خَلق و خُلق و منطق آن پاک راى

جمع در وى همچو اندر مصحف آى

 

هر که را بود اشتیاق روى او

روى ازین آئینه کردى سوى او

 

آرى آرى چون رود گل در حجاب

بوى گل را از که جویند از گلاب‏

 

آن که گم شد یوسف سیمین تنش

بوى او دریابد از پیراهنش‏

 

زان سپس با پور سعد بد نژاد

گفت با بیغاره آن سالار راد

 

حق کنادت قطع پیوند اى جهول

که نمودى قطع پیوند رسول

 

شاهزاده شد به میدانگه روان

بانوان اندر قضاى او نوان

 

حقه لب بر ستایش کرد باز

که منم فرزند سالار حجاز

 

من على بن الحسین اکبرم

نور چشم زاده پیغمبرم‏

 

حیدر کرار باشد جد من‏

مظهر نور نبوت خد من

 

من سلیل طایر لاهوتیم

کز صفیر اوست نطق طوطیم‏

 

شبه وى در خلق و خلق و منطقم‏

کوکب صبحم نبوت مشرقم‏

 

در شجاعت وارث شاهى مجید

کایزدش بهر ولایت برگزید

 

روش مرآت جمال لایزال‏

خودنمائى کرد در وى ذوالجلال‏

 

باب من باشد حسین آن شاه عشق‏

که نموده عاشقان را راه عشق‏

 

جرعه ای نوشیده از جام الست‏

شسته جز ساقى دو دست از هر چه هست‏

 

عشق صهبا و شهادت جام اوست‏

در ره حق تشنه کامى کام اوست‏

 

آفتاب عشق و نیزه شرق او

هشته ایزد دست خود بر فرق او

 

آنچه میر به در با کفار کرد

سبط حیدر اندر آن پیکار کرد

 

بس که آن شیر دلاور یک تنه

زد یلان را میسره بر میمنه

 

پر دلان را شد دل اندر سینه خون‏

لخت لخت از چشم جوشن شد برون‏

 

شیر بچه از عطق بى‏تاب شد

با لب خشکیده سوى باب شد

 

گفت شاها تشنگى تابم ربود

آمدم نک سویت اى دریاى جود

 

اى روان تشنگان را سلسبیل‏

عین صبرى هل الى ماء سبیل‏

 

برده نقل آهن و تاب هجیر

صبرم از پا دستگیرا دستگیر

 

شه زبان او گرفت اندر دهان

گوهرى در درج لعل آمد نهان‏

 

تر نکرده کام از او ماه عرب‏

ماهى از دریا بر آمد خشک لب‏

 

گفت گریان اى عجب خاکم به سر

کام تو باشد ز من خشکیده ‏تر

 

آب در دریا و ماهى تشنه کام

تشنگان را آب خوش بادا حرام

 

نى که دل خون با دریا را چو نیل‏

بى تو اى ساقى کوثر را سلیل‏

 

شاه جم شوکت گرفت اندر برش‏

هشت بر درج گهر انگشترش‏

 

شد ز آب هفت دریا شسته دست

سوى بزم رزمگه سرشار و مست‏

 

موج تیغ آن سلیل ارجمند

لطمه بر دریاى لشگر گه فکند

 

سوختى کیهان ز برق تیغ او

گرنه خون باریدى از پى میخ او

 

گفت با خیل سپهسالار جنگ

چند باید بست بر خود طوق ننگ‏

 

عارتان باد اى یلان کار زار

که شود مغلوب یک تن صد هزار

 

هین فرو بارید باران خدنک

عرصه را بر این جوان دارید تنک‏

 

آهوى دشت حرم زان دار و گیر

چون هما پر بست از پیکان تیر

 

ارغوان زارى شد آن جسم فکار

عشق را آرى چنین باید بهار

 

حیدرانه گرم جنگ آن شیر مست

منقذ آمد ناگهان تیرى به دست

 

فرق زاد نایب رب الفلق‏

از قفا با تیغ بران کرد عشق‏

 

برد از دستش عنان اختیار

تشنگى و زخم‏هاى بى شمار

 

گفت با خود آن سلیل مصطفى

اکبرا شد عهد را وقت وفا

 

مرغ جان از حبس تن دلگیر شد

وعده دیدار جانان دیر شد

 

چون نهادت بخت بر سر تاج عشق‏

هان بران رفرف سوى معراج عشق‏

 

عشق شمشیرى که بر سر مى‏زند

حلقه وصل است بر در می‌زند

 

عید قربان است و این کوه منا

اى ذبیح عشق در خون کن شنا

 

چشم بر راهند احباب کرام

اندرین غمخانه کمتر کن مقام

 

مرغزار وصل را فصل گلست‏

راغ پر نسرین و سرو و سنبل است

 

هین بران تا جا در آن بستان کنى

سیر سرو و سنبل و ریحان کنى‏

 

همرهان رفتند ماندى باز پس‏

اکبرا چالاک تر میران فرس‏

 

شد قتیل عشق را چون وقت سوق

دست‏ها بر جید باره کرد طوق‏

 

هر فریقى هبر او کردى گذر

می زدندش تیر و تیغ و جانش گر

 

با زبان لابه آن قربان عشق‏

رو به خیمه کرد کاى سلطان عشق‏

 

دور عیش و کامرانى شد تمام

وقت مرگست اى پدر بادت سلام‏

 

اى پدر اینک رسول داورم

داد جامى از شراب کوثرم‏

 

تا ابد گردم از آن پیمانه مست

جام دیگر بهر تو دارد به دست‏

 

شد ز خیمه تاخت باره با شتاب‏

دید حیران اندر آن صحرا عقاب‏

 

برگ زین برگشته بگسسته لجام‏

آسمانى لیک بى بدر تمام

 

دیده روى یوسفى را چون بشیر

لیک در چنگال گرگانش اسیر

 

یا غرابى که ز هابیلى خبر

با نعیب آورده سوى بوالبشر

 

شد پدر را سوى یوسف رهنمون

آن بشیر اما میان خاک و خون

 

دید آن بالیده سرو نازنین

او فتاده در میان دشت کین‏

 

گلشنى نور سته اندام تنش

زخم پیکان غنچه‏هاى گلشنش‏

 

با همه آهن دلى گریان بر او

چشم جوشن اشک خونین موب مو

 

کرده چون اکلیل زیب فرق سر

شبه احمد معجز شق القمر

 

چهر عالمتاب بنهادش به چهر

شد جهان تار از قرآن ماه و مهر

 

سر نهادش بر سر زانوى ناز

گفت کاى بالیده سرو سرفراز

 

چون شد آن بالینت در باغ حسن‏

اى بدل بنهاده مه را داغ حسن‏

 

اى درخشان اختر برج شرف‏

چون شدى سهم حوادث را هدف

 

اى به طرف دیده خالى جان تو

خیز تا بینم قد و بالاى تو

 

مادران و خواهران پر غمت

می برد نک انتظار مقدمت

 

اى نگارین آهوى مشگین من‏

با تو روشن چشم عالم بین من

 

این بیابان جان خواب نازنیست

کایمن از صیاد تیرانداز نیست

 

خیز تا بیرون از این صحرا رویم

نک به سوى خیمه لیلى رویم

 

رفتى و بردى ز چشم باب خواب‏

اکبرا بى تو جهان بادا خراب‏

 

مرحوم نیر تبریزی

منبع مجموعه کانالهای مدح و مرثیه

 

----------- متن نوحه احوالات حضرت علی اکبر (ع) ---------

عزم میدان حضرت علی اکبر(ع)

 

اوغول گیدردی باخاردی دالنجه حسرتیله

توکردی گوزیاشینی منتهای شدتیله

 

دیدی اوغول  دیموسن من جهاده عزم ایدورم

آتام غریبیدی یالقوزقویوب هارا گیدورم

 

باخوب منه نگران گوزلرون دولاندورما

اورک یانارسوسوزومدان دوباره یاندورما

 

اولان زمانیده مشتاق روی پیغمبر

آلاردیم حسرتیمی سنده ای علی اکبر

 

یتنده یا ولدی جدیمین زیارتینه

یتورسلامیمی عرض ایت رسول خدمتینه

 

اوزی گلوردی قباقجا منی یولا سالدی

عیالی یالقوزیدی ساکت ایتماقا قالدی

 

سو استه سودامراوغلین قویوبدولار عطشان

رعیتی سوسوز قویدولار اونی بابا جان

 

بو قوم الدوره جاق منی بولورم

علی اصغر الیمده دالینجا من گلورم

 

مرحوم واقف سرابی

منبع کانال گنجینه گذشتگان

 

----------- متن نوحه احوالات حضرت علی اکبر (ع) ---------

احوالات وداع حضرت علی اکبر (ع)

 

جذبه ی عشقم کشد سوی جنون

درجنون عشق اویم ذوفنون

 

خواهم امشب پا نهم درشهرِ یار

شمه ای گویم زحال شهریار

 

شرح عشق لیلی و مجنون کنم

همچو مجنون رو سوی هامون کنم

 

تا به مصر عشق او ماوی کنم

چون زلیخا خویش را رسوا کنم

 

شورشی اندازم اندر اهل نجد

تا درو دیواررا آرم به وجد

 

فاش سازم راز اسماعیل را

شرح یوسف گویم و راحیل را

 

مقصد من یوسف و یعقوب نیست

شرح صبرحضرت ایوب نیست

 

وصف از اسماعیل و هاجرکنم

طوق لیلی گیسوی اکبرکنم

 

خواهرانش جمله در پیرامنش

هریک از یک سو گرفته دامنش

 

او زلعل شکرّین میریخت قند

عمهّ اش میریخت درآتش سپند

 

بهرآن شاهزاده ی والا نژاد

این تبارک خواند و آن یک وان یکاد

 

آن یکی کردی قبا اندربرش

وان دگرکردی زره برپیکرش

 

اهلبیت شاه اقلیم ولا

جمله میگفتند لا حول ولا

 

الغرض آن غیرت خورشید و ماه

آمد اندر  نزد شه ازخیمگاه

 

مرحوم معجزه تهرانی

منبع کانال گنجینه گذشتگان

 

----------- متن نوحه احوالات حضرت علی اکبر (ع) ---------

احوالات حضرت علی اکبر (ع)

 

پدر از شوق دل درکوچکی دست پسر گیرد

بامیدی که درپیری پسر دست پدر گیرد

 

اگردرکف نبودی خلق را این رشته ی امید

چرا این والد و مولد دست یکدگرگیرد

 

نهالی می نشاند باغبان اندرریاض دهر

باین نیّت پس ازیک عمرتا ازوی ثمرگیرد

 

خلد برپای فرزندی اگرخاری یقین است این

پدرآن خاررا خواهد که بامژگان ترگیرد

 

ایا پرورده ی دست خدا مقطوع باد آن دست

که خنجر ازبرای قطع دست دادگرگیرد

 

علی اکبر تورا با ناز پروردم ندانستم

تورا ازدست من این فرقه ی بیدادگرگیرد

 

مرو ازپیش چشمم ای غزال شوخ چشم من

تورا ترسم که صیاد مخالف بی خبرگیرد

 

جوان نازنینم شبه پیغمبرعلی اکبر

ندارد تاب مادر از تماشایت نظرگیرد

 

پس ازقتل علی اکبربگوید(جانی) محزون

جهان را آتش قهرالهی  سربسرگیرد

 

مرحوم جانی اهری

منبع کانال گنجینه گذشتگان

 

----------- متن نوحه احوالات حضرت علی اکبر (ع) ---------

وداع حضرت علی اکبر (ع)

 

چون گُل ، نقابِ عصمتی یوزدن کنار ایدر

بلبل گورنده نالهء بی اختیار ایدر

 

فریاد ایدر جمالینی اغیار گورمسون

معشوق ننگی ، عاشقی بی اختیار ایدر

 

صبحه کیمی دونر دولانار باشینه گُلین

طوفِ فضای گُلشنی پروانه وار ایدر

 

ایستر شکفته اولماقینی غنچه نین گوره

یاتماز ، گجه صباحه کیمی آه و زار ایدر

 

صبحین نسیمی هم گُله هم بلبله دگر

بلبل گوزینده پردهء خوابی خمار ایدر

 

بیدار اولاندا غنچه نی بی پرده تا گورر

لاله مثال سینه سینی داغدار ایدر

 

گُل سینه سینده خاری گورن دمده عندلیب

لابد گُلین مصاحبتندن فرار ایدر

 

ایستر گیده کناره گیدنمز کناردن

حیران باخوب یوزینه ، گوزین اشکبار ایدر

 

ناچار خوار ایدوب اوزینی خاره یالوارور

معشوق ، عاشقین بئله دور خاره خوار ایدر

 

تعلیمِ عشقی بلبلِ شوریده دن گوتور

عاشق بو مشقی عشقیده لیل و نهار ایدر

 

اغیاردن نقدر جفا گورسه لا کلام

لا سویلمز خیالینی مشغولِ یار ایدر

 

هر کیمسه سِرّ عشقدن آگاهیدور بولر

پروانه نین نه سوزشی وار ، میلِ نار ایدر

 

درد آنلاسان اوزونده ، طبیبه رجوع وار

عاشقده میل گورسه ، توجّه نگار ایدر

 

آئینه تار اولاندا گورونمز جمالِ یار

صاف اولسا ، یار صورتینی آشکار ایدر

 

هر باشدا وار محبّت او باشین بلاسی وار

باشی بلی بلایه محبّت دچار ایدر

 

اوّل قبولِ ذلّت ایدر ، عزّت آختاران

عزّتله یا عزیز دیوب اشکبار ایدر

 

خالص دگل خلوص ، نچون قلب قلبدور

پاک اولسا قلب ، صاحبینی رستگار ایدر

 

معیارِ امتحانیده خالص خلاصدن

نقدِ خلوصین عاشق کامل عیار ایدر

 

کیمدور او قلب صاحبی وا مُهجَتا دیوب؟

اوز اوغلونی ئولوم آتی اوسته سوار ایدر

 

سالدی یولا دالنجا دئدی شاهد اول خدا

بیر قومه کیم پیمبریله کارزار ایدر

 

گچدیم سنون یولوندا بیله مَه جبیندن

عهد ازلده عهد ویرن ، پایدار ایدر

 

دوتدی یوزین او قومه گَلون اکبریم گلور

باشدان گچوب ، حسینه ایثارِ ثار ایدر

 

گیردی کمندِ عشقه غزالِ حرم ، ولی

صیّادی گور غزالِ حجازی شکار ایدر

 

گر ایستیه کمنده خطا اهلینی سالا

چین چین ، کمند سلسله سین تابدار ایدر

 

عزم ایتسه تار و مار اولا عالَم ، الینده دور

گیسوی مشکباری یوزه تار و مار ایدر

 

قدّی سِنان ، کمان : قاشی ، مژگانلاری خدنگ

بیر گوزلرین دولاندورا یوز مین شکار ایدر

 

اما اوزی شهادته شایقدی قلبدن

شوقِ لقای حضرتِ پروردگار ایدر

 

هر قدر جسمینه یارا وورساز قبولیدور

هر چند سوزشی دلِ لیلایه کار ایدر

 

باک ایتمیون ، علی کیمین باشین قلجلیون

تاجِ شرف باشیندا اولان افتخار ایدر

 

گر جوی خون ایچینده دوشه سَرو قامتی

سَروِ سَهی بلی هوسِ جویبار ایدر

 

طالبدی بسکه تیره تراب اوسته یاتماقا

درویشِ حق طلبده اوزین خاکسار ایدر

 

باشین دییون سَنان بیر اوجا نیزیه وورا

گون بیر جِدا بویی اوجالا اشتهار ایدر

 

هر جور و ظلم ایستیه سوز بیشمار ایدون

حق ، حق انتقامینی یومِ شمار ایدر

 

ای ذوالفقار صاحبی ، مولا ، ظهورِ حق

تا کِی عیونِ منتظری انتظار ایدر؟

 

یرده نه وقته تک قالاجاق قانی اکبرین؟

بو انتظاره صبر ، نجه روزگار ایدر؟

 

بیر ذرّه جه شعوری (حقیرین) اگر اولا

ترک ایلمز  بو شغلی همیشه شعار ایدر.

 

مرحوم میرزا عبدالوهاب حقیر خوئی

منبع مجموعه کانالهای مدح و مرثیه

 

----------- متن نوحه احوالات حضرت علی اکبر (ع) ---------

وداع حضرت علی اکبر (ع)

با حضرتِ امام حسین (ع)

 

آمد و افتاد از رَه با شتاب

همچو طفلِ اشک ، بر دامانِ باب

 

کای پدر جان ! همرهان بستند بار

ماند بارِ افتاده اندر رهگذار

 

هر یک از احباب ، سرخوش در قُصور

وز طَرَب پیچان ، سرِ زلفینِ حور

 

گام زن ، در سایهء طوبی همه

جام زن ، با یارِ کَرّوبی همه

 

قاسم و عبدالله و عباس و عون

آستین افشان ، ز رفعت ، بر دو کون

 

از سپهرم غایتِ دلتنگی ست

کاَسبِ اکبر را ، چه وقتِ لنگی ست؟

 

دیر شد هنگامِ رفتن ای پدر

رخصتی گر هست باری زودتر

 

در جواب از تُنگِ شَکّر ، قند ریخت

شَکّر از لب های شَکّر خَند ریخت

 

گفت : کِای فرزندِ مُقبِل آمدی؟

آفتِ جان ، رهزنِ دل آمدی

 

کرده ای از حق ، تجلّی ای پسر

زین تجلّی فتنه ها داری به سر

 

راست بهرِ فتنه ، قامت کرده ای

وَه کزین قامت ، قیامت کرده ای

 

نرگست با لاله در طنّازی ست

سُنبلت با ارغوان در بازی ست

 

از رُخت مستِ غرورم می کنی

از مرادِ خویش ، دورم می کنی

 

گه دلم ، پیشِ تو ، گاهی پیشِ اوست

رو ، که در یک دل ، نمی گنجد دو دوست

 

بیش از این بابا ، دلم را خون مکن

زاده ی لیلی ! مرا مجنون مکن

 

پشتِ پا ، بر ساغرِ حالم مزن

نیش بر دل ، سنگ بر بالم مزن

 

خاکِ غم ، بر فرقِ بختِ دل ، مریز

بس نمک ، بر لخت لختِ دل ، مریز

 

همچو چشمِ خود ، به قلبِ دل ، مَتاز

همچو زلفِ خود ، پریشانم مَساز

 

حایلِ رَه ، مانعِ مقصود مشو

برِ سرِ راهِ محبّت ، سد مشو

 

لَن تَنالوا البِرّ حتی تُنفِقوا

بعد از آن ، مِمّا تُحِبّون گوید او

 

نیست اندر بزمِ آن والا نگار

از تو بهتر گوهری ، بهرِ نثار

 

هر چه غیر از اوست ، سدّ راهِ من

آن بُت ست ، غیرتِ من ، بُت شکن

 

جان رهین و دل ، اسیرِ چهرِ توست

مانعِ راهِ محبّت ، مِهرِ توست

 

آن حجاب از پیش ، چون دور افکنی

من تو هستم ، در حقیقت ، تو منی

 

چون تو را او خواهد از من ، رو نَما

رونما شو ، جانبِ او ، رو ، نما

 

خوش نباشد از تو شمشیر آختَن

بلکه خوش باشد ، سپر انداختن

 

مِهر پیش آور ، رها کن قهر را

طاقتِ قهرِ تو نبوَد دهر را

 

بر فنایش گر بیفشاری قدم

از وجودش اندر آری در عدم

 

مُژّه داری ، احتیاجِ تیر نیست

پیشِ ابروی کَجَت ، شمشیر چیست؟

 

گر که قصدِ بستنِ جزو و کِلَت

تارِ موئی بس بُوَد ز آن کاکُلَت

 

ور سرِ صید ، سپیدست و سیاه

آن تو را کافی به یک تیرِ نگاه

 

تیرِ مِهری بر دلِ دشمن بزن

تیرِ قهری گر بُوَد ، بر من بزن

 

از فنا مقصودِ ما عینِ بقاست

میلِ آن رخسار و شوقِ آن لِقاست...

 

رو سپر می باش و شمشیری مکن

در نبردِ روبهان ، شیری مکن

 

بازویت را ، رنجه گشتن شرط نیست

با قضا ، هم پنجه گشتن ، شرط نیست

 

بوسه زن بر حنجرِ خنجر کِشان

تیر کآید ، گیر و در پهلو نشان...

 

عمان سامانی

منبع مجموعه کانالهای مدح و مرثیه

 

----------- متن نوحه احوالات حضرت علی اکبر (ع) ---------

احوالات وداع حضرت علی اکبر (ع)

  

با حذف دو چهار مصرع

 

زلفون آتدا علی طلعتِ زیبا گورونور

دشتِ ایمنده منه نورِ تجلّا گورونور

 

زلفون آت یانه علی ، تا گوره بو فرقهء کور

یازیلوب مصحفِ رویونده نجه آیهء نور

درک ایده بو یوزی هم چشمِ مَلک ، دیدهء حور

بسکه بو وجهِ خدا ، مظهرُ الاَسما گورونور

 

ای شجاعتده علی ، حُسنده هم پیغمبر

خَلقا" و خُلقا" و منطقده رسوله مظهر

سورهء اِقتَرَبَ السّاعة و انشَقّ قمر

کاکلون عارضون اوستونده هویدا گورونور

 

رنگِ مویوندی اوغول شمسِ ضحی' ، لیلِ دجا

اوخونور جبههء پاکینده فَتَدَلّا و دَنا

قابِ قوسِین ، قاشوندور ، یازیلیب اَو اَدنا

کاکلون هر تِلی بیر لیلةُ الاَسرا گورونور...

 

نازل ایلوبدی خدا جدّون ایچون کافیله ها

مقصد ، کرب و بلا ، واقعهء عاشورا

زکریّادن عبارتدی بو شاهِ شهدا

طشتِ زر ایچره باشی حضرتِ یحیا گورونور

 

حرم آهوسینه بو قوم وورار سلسله قید

اهلِ کوفه اوخویوب آیهء لا تَقتِلو صید

حرمتِ ماهِ محرّم گوتوروب آلِ عُبِید

خصمِ قرآندی بولار ، دشمنِ طاها گورونور

 

کربلانون زکریّاسینه یحیاسن علی

نینوا مریمی لیلایه مسیحاسن علی

سورهء کوثر و الفَجرده معناسن علی

اصغرون شأنینه اَلمَهد صَبیّا گورونور

 

هر محرّمده ایدر بزمِ عزا چیده (فقیر)

قیدِ غملرده گرفتار ، بلا دیده (فقیر)

قویما اولسون سن اوغول حشریده رنجیده (فقیر)

گلشنِ ماتمه بیر بلبلِ شیدا گورونور.

 

فقیر خوئی

منبع مجموعه کانالهای مدح و مرثیه

 

----------- متن نوحه احوالات حضرت علی اکبر (ع) ---------

احوالات حضرت علی اکبر (علیه السلام)

 

بخش اول

 

محبّت عالمینون سِیرین ایتسه فکر ِدقیق

محل و منشأ اصلیّه سین ایدر تحقیق

 

محبّتون که وار اون مرتبه مقاماتی

ظهور ایدر آنالاردا تمام علاماتی

 

هامی مراتبی هر جزء جزئیاتی تمام

آنا اوغول آراسیندا گلور ظهوره مدام

 

او استناد که وار مدّعایه اصلِ دلیل

همان حکایتِ هاجردی حُبّ اسماعیل

 

علاوه بیر سندیکه ثبوته حجّت دور

حسینه فاطمه دن اولدوقی محبّت دور

 

آنانون علقه ی مخصوصی واردور اولاده

علی الخصوص اوغول اولسا اوزوده شهزاده

 

اودا جوان اولا ناکام اولا ، مَلک منظر

اونون حیاتین آنا اوز حیاتی فرض ایلر

 

جوان اوغول آنانین وردی ، ذکری ، صحبتی دور

گوزونده نورِ بصر ، دلده دیزده طاقتی دور

 

اوغول وجودینه نفسین ایدر وقایه آنا

اوغول یولوندا سالار اوز اوزون بلایه آنا

 

آنائیله اوغولون عالَم ِمحبّتده

بیر اوزگه عالم ِمخصوصی وار حقیقتده

 

آنا ، اوغول نظراً هربیریسی بیر جاندی

حقیقتین دوشوننده ایکیسی بیر جاندی

 

آنا وجود اولا بِالفرض اوغولدی ماهیّت

که فرع اصلسیز عالمده تاپماز حیثیّت

 

اوغول که گیتدی هر حیثیّتی گیدر آنانون

جلال و وقر ، عظمت ،عزّتی گیدر آنانون

 

آنا گوره ایدوب عزمِ سفر جوانی گیدر

بیله تصوّر ایدر عینِ جسم و جانی گیدر

 

خصوص بیر سفری که اولا ئولوم سفری

بروز ایدر آنادا اوندا احتضار اثری

 

دوشر گوزی دَوَرانه چیخار باشیندان هوش

سیزیلدیوب او قدر غشّ ایدر دوشر خاموش

 

خدا بولور که نه چکدی او گون خانم لیلا

علیّ اکبری قربانگهه سالاندا یولا

 

گوزون تیکوب اوغولون سرو قدّ قامتینه

که بلکه توشه دوتا آیریلیخ قیامتینه

 

باخور اوغول یوزی آی تک نظرده جلوه لنور

گورور غروبی یاخینراخدی گوز یاشی النور

 

یقین ایدوب داخی بیرده اوغول گوره هیهات

الی اورکده گزورحسرتیله واله و مات

 

آنا ، اوغول ایدر حیرتله بیر بیرینه نظر

نه لیلی بیر دانیشیردی ، نه بیر علی اکبر

 

اولوبلا هر ایکیسی بیر بیرینه محوِ خیال

نه جسمیده حرکت واریدی نه دلده مقال

 

اورک دولی سوزوله ، وار دانیشمالی سوز چوخ

ولیک دیلده ادای کلامه قدرت یوخ

 

دینموری علی گیتمه مباد قلبی سینا

اولا مخالفِ مقصودی یوز ویره غم اونا

 

گلور ال اوزسون آنالیخ محبّتی قویمور

نقدر ایگلور ، اوپور ، باغرینا باسور دویمور

 

خیال ایدور اوز اوزون بلکه ایلسون آرام

گورور که اولموری سلطان عشق عقلینه رام

 

گلور اورکده آنالیخ محبتی جوشه

عزیزِ جانینی جان تک باسور بیر آغوشه

 

الی ایاقی دوشوب لرزیه اوزون ایتیرور

دورانموری ایاق اوستونده دیزلری تترور

 

چوکور یره که دوشنسون اوغول ایاقینه

اوغول باخیر بو اوزاقدی ادب سیاقینه

 

دوتوب الیندن اوپور عرض ایدور آنام صبر ائت

غریب آتام باخیری غصّه ویرمه خیمیه گیت

 

سن آغلیاندا مبادا بابام چکه خجلت

دوباره دن یتیشه قلبِ پاکینه محنت

 

بو قدر ساخلاما قربانیوی یول اوستونده

گورنده نعشیمی آچ زلفووی یول اوستونده

 

او وقت آغلا گوررسن بویانمیشام قانه

یارالی نعشیمی باشسیز سالوبلا میدانه

 

ایتی قلجلاریلا دوغرانیبدی گُل بدنیم

آنا گوزوندن ایراخ اولماز اوندا دفن ایدنیم

 

غریب آناسین او شیرین مقال ایدوب آرام

گلوب عقابه طرف ایلدی رکابینه رام

 

قویوب رکابه قدم زین ایوینده دوتدی قرار

بعینه اولدی رسولِ خدا بُراقه سوار

 

پیمبر ایلدی معراج قربِ دلداره

ولیک اکبر ایدوب عزم محضرهِ یاره

 

فراز تلّه چیخاندا او ماه ِنورانی

تجلیّاتی ایشقلاندیریب بیابانی

 

گورنده جلوه ی نورین سپاه دل ظُلُمات

تمام ِعالَمِ حیرتده قالدی واله و مات

 

یاخونلادوقجا او شهزاده قوِم بد کیشه

اوزاقلاشیردی او کج قومدن کج اندیشه

 

بیری بیرینه دیردی سپاهِ بد فرجام

بونون قتالینه بیز هرگز ایتمروق اقدام

 

اولار صحیفه ی تاریخیمیزده لکّه ی ننگ

اگر ایداق بو جوانِ ملک صفاتیله جنگ

 

بیریسینون اولا حق و مروّت و انصاف

جهانی ویرسن اونا ایلمز بونیله مصاف

 

اگر قلیج چکه بیر کس بو نوجوان یوزونه

چکوب خطا قلیجی خالقِ جهان یوزونه

 

حسینون امرینی از بس که سالموشوخ تنگه

بو ماه پاره ی آفاقی گوندروب جنگه

 

اوزوب امیدین اوزوندن دویوبدی جانیدن

که ال چکوب بیله بیر ماه رو جوانیدن

 

یاناردی قلبی سپاهین حسینین عالمینه

که بیله گل بدنی گوندروب قلیج دمینه

 

توکوب سلاح گوتوردی تمام جنگیدن ال

دیردیله بونا یاره ووران ال اولسون شل

 

یتوب سپاهه او مه پاره گوز دولاندیردی

چکوب لجامین آتین عرصه ده دایاندیردی

 

او شاهزادیه لشگر باخاندا دقّتیله

تمام حیرته دوشدی سپاه شدّتیله

 

دیردیله بو پیمبردی ایلیوب رجعت

گوروب حسینینی یالقیز گلوب ایده نصرت

 

محالیدور که ایداق بیز پیمبریله قتال

بو خاطره که یزیدِ لعین اولا خوشحال

 

اولور قیامته دین اهلِ کفره تکیه کلام

که اوز پیمبرین ئولدوردی ملّتِ اسلام

 

تمام بیر بیره دگدی سپاهِ کوفه و شام

یزید ضدّینه آز قالدی ایلسینله قیام

 

گوروب بو شورشی سعد اوغلی چکدی بیر فریاد

که ای جماعت اولون قیدِ فکردن آزاد

 

بو ماه پاره خیال ائتمیون پیمبردور

ولیک باشدان ایاقه رسوله بنزردور

 

بو بنزرش اثرِ صُنع ِحیّ اکبردور

شبیهِ صورت ِپیغمبر ، اسمی اکبردور

 

چکوب بو صورتی کلک مصوّرِ ازلی

وجود لوحینه تصویرِ مصطفی بدلی

 

ایدوب پیمبره مرآت ، عارضِ پاکین

ویرور حسینه نشان عکسِ شاه لولاکین

 

نه وقتِ همهمه دور بو ، نه جای وحشتدور

تمام فکروزی اشغال ایدوب نه غفلتدور

 

نقدری قان توکولوب نعشیلر قالیب بی سر

حسینین امری اولوب بو مقامه تا منجر

 

کمکلری قیریلیب بس که چاره سی کسیلیب

صفِ قتاله گمانی بو نوجوانه گلوب

 

چکون قلیج لاریزی دوغرییون بو ناکامی

بو گونده نایل ایدون کامه والی شامی

 

آتاسی گورسه باتیب قاننه بو فرزندی

یقین ایدون قیریلیر قلبینین رگ و بندی

 

او قدر یاره وورون جسمی چاک چاک اولسون

غریب آتاسی باخیب غصّه دن هلاک اولسون

 

بو فکرِ باطل عبث ایتمسون سیزی دلگیر

مقام ِهمّت و دعوادور ای سپاهِ دلیر

 

بو گون اولاردا که وار حبّ شوکتِ دنیا

گرک امام و پیمبردن ایتمسون پروا

 

او سست عهد سپاهی عُمَر ایدوب اغوا

اولوب تمامی دوباره مصمّمِ دعوا

 

دل آچدی نطقه او آزاد زاد شهزاده

فصیح بیر رجز عنوان ایدوب او اثناده

 

تانیتدیریب او سپاهه آتا ، باباسین، اوزون

یتورممیشدی تمامه هنوز دیلده سوزون

 

او دم خروشه گلوب بَکر آدلی بیر ظالم

فنونِ رزمه او جاهل ، واریدی چوخ عالِم

 

دئدی من ایمدی گیدوب بو جوانی ئولدورّم

حسینه شربتِ زهرِ فراقین ایچدورّم

 

کمالِ کبریله میدانه ایلدی سرعت

ایدوب مقابله ، نورِ مُنیریله ظلمت

 

اولاندا اکبریله روبرو او شرّ لِئام

فرازِ تلّیده دورموشدی شاهِ عرش مقام

 

سالوب توجّهنی جان و دل ، چکیده سینه

باخاردی مرکزِ میداندا نورِ دیده سینه

 

او دمده زینب کبراده انتظاریله

باخاردی قارداشینا چشمِ اشکباریله

 

گوروب که سولدی حسینون جمالِ گلناری

سارالدی رنگی اولوب گوز یاشی یوزه جاری

 

دئدی حسین نیه بس حالون اولدی دیگرگون؟

نه غم یتیشدی سنه ؟ ایلدی بیله محزون

 

بویور گوروم آنام اوغلی نه واقع اولدی مگر؟

علی اکبری ئولدوردی یوخسا دشمنلر؟

 

بویوردی باجی هنوز اکبریم سلامتدور

منی بو حاله سالان اوزگه بیر علامتدور

 

گلوب قتالنه بیر پهلوانِ نام آور

که چوخ شجاع و قویدور او دشمنِ داور

 

عرب ، حساب ایدر اَبطالِ عُمده دن بَکری

نظیری آز تاپلور ، چوخدور حیله و مکری

 

مقامِ رزمده مین آتلویه برابردور

اونا اگر چه رشادتده فائق اکبردور

 

ولی ایچوبدی سو ، سیراب اولوب ، دگل او سوسوز

عطشدن آلمیوب اود ، دوتمیوب جگرلری سوز

 

علیّ اکبرین امّا عطش قرارین آلوب

خصوص محنت و غم ، الدن اختیارین آلوب

 

ایشیتدی بو سوزی زینب ، چکوب جگردن آه

دئدی علاج ندور ، ای سپهرِ حکمته ماه؟

 

ایشتمیشم دئدی جدّیمدن اولما باجی ملول

آنا دعا ایده اوغولون ، اولور دعاسی قبول

 

دایانما تیز خبر ایله آناسی لیلایه

که فرض دور بو گون اکبر دعاسی لیلایه

 

اوتورماسون دئ دل آچسون دعایه مُستَعجل

جوانین حفظ ایده بلکه خدای عزّ و جَل

 

اوغول آناسینا فورا" یتوردی زینب اوزین

دیوب قضیّه نی اشگیلیله دولدوردی گوزین

 

آنا ایشیتدی که وار اوغلونون باشندا بلا

الین ووروب الینه چکردی آه و واویلا

 

ال آتدی معجرینی باشدان آچدی آتدی یره

که نوجواننه دلدن دعای خیر ویره

 

الینه زلفین آلوب چکدی آه آه اوسته

آچوب نیازِ دلین بی نیازه آهسته

 

توکوب سرشک یوزه ، باشلادی مناجاته

دیردی دردینی فیّاضِ اهلِ حاجاته

 

ایدردی عرض که ای خالقِ رؤف و رحیم

قالوبدی پنجهء دشمنده پارهء جگریم

 

بالام جواندی دگل فنّ حَربده عامِل

ولی حریفی قتال آزموده دور ، کامل

 

تَفضُلا" بو دعانی قبول ایله مندن

علیّ اکبری ساخلا شرّ دشمندن

 

ای التفاتیله یعقوبه یوسفی یتورن

منیمده یوسفمی حفظ قیل یتور منه سن

 

سنون یولوندا اونی گرچه ویرمیشم قربان

ولی اورکده واریمدور بیر آرزو ، پنهان

 

گلییدی بیرده گوریدیم یوزین ، گیدیدی گینه

گیچیدی باشیله جاندان ، قتال ایدیدی گینه

 

(اشعارِ داخل پرانتز از مرحوم منزوی می باشد)

 

( ایتدوقجه اکبرینی دعا خوش ندائیله

آمین سسین ایشیتدی حزین بیر صدائیله

 

فکر ایتدی ئوز ئوزینه او رنجورِ مبتلا

آمین دیَن دعالریمه کیمدی ای خدا؟

 

بیر کس یوخیدی من باش آچاندا بو خیمه ده

زهرادی بو یقین گلوب اوغلین دعا ایده

 

دوندی دالی باخا ، گوره بلکه او بی کسی

گوردی آچوبدی باشینی نازلی رقیه سی

 

زلفین آلوب اله ، اوتوروب رو به قبلیه

آللهه یالوارور اودا آمین دیه دیه

 

فورا" دوروب رقیه سین آلدی قوجاقینه

قویدی یوزین سولان یوزینه گل دوداقنه

 

فرمایش ایتدی آغلا قیزیم التجا ایله

مندن یانقلیدور نفسون سن دعا ایله )

 

گلییدی بیرده گوریدیم یوزین ، گیدیدی گینه

گیچیدی باشیله جاندان ، قتال ایدیدی گینه

 

دعا اجابته یتدّی حضورِ یزداندا

قبول اولوب ، اثری ظاهر اولدی میداندا

 

قلج الینده ایدوب حمله ، اکبر اوستینه بَکر

اولوندی ردّ او حمله ، قایتدی اهلنه مَکر

 

علی سُلاله سنون تیغی ، برق تک ناگاه

هواده اوینادی ، بیر روشن اولدی میدانگاه

 

ایله جلادتله بَکرون اندیروب باشنا

او کافرون باشی ، گویا بولوندی اوز باشنا

 

او ضربتیله نفسدن سالوب او بیعاری

وجودین ایتدی لباسِ حیاتدن عاری

 

سالوب یره او خبیثون جنازهء نَحسین

گلوب مُروّته دشمنلر ، ایلدی تحسین

 

غریب آتاسی دا تلّ اوسته بیر دئدی احسن

فدا رشادتوه ای جوانِ مُستحسَن

 

بالا گورنده آتا مرحمتله سسلندی

قولینا قوّه گلوب ، تازه دن هوسلندی

 

رموزِ رزمه آپارمیشدی کاملا" چون پِی

چکوب عقابینه مَهمیزِ تیز پی در پی ...

 

ادامه دارد ...

 

مرحوم ذهنی

منبع مجموعه کانالهای مدح و مرثیه

 

----------- متن نوحه احوالات حضرت علی اکبر (ع) ---------

احوالات حضرت علی اکبر (علیه السلام)

 

بخش دوم

 

رموزِ رزمه آپارمیشدی کاملا" چون پِی

چکوب عقابینه مَهمیزِ تیز پی در پی

 

ز بس ویروب فرسه ، فارسون فراستی پر

اوچاردی آت ، دیه سن بس هواده بی شهپر

 

جِدا ویروب یره ، بیر آت دولاندیروب پرکار

معاینه دولانوب نقطه باشنه پرگار

 

چکوب لُجامین ایدوب جَست و خیزدن اونی رام

تهورّیله دوتوب قلبِ عرصه ده آرام

 

گوروب بو قدرتی دوشدی هراسه لشگرِ کین

صلابت آلدی هامی پهلوانلارین اورگین

 

مبارز ایستدی یوز دوتدی قومه هر سودن

جواب گلمدی اصلا سپاهِ ترسودن

 

قلوبِ لشگری دوتموشدی بسکه وحشت او دم

جسارت ایتمدی بیر کس قویا قتاله قدم

 

ال آتدی قائمهء تیغِ تیزِ خون ریزه

هجوم ایدوب او سپاهِ شریرِ خون ریزه

 

ایله ووراردی قلج ، قومِ بدسگاله ، علی

گورن دیردی گلوب عرصهء قتاله علی

 

صعود ایدوب اَنوب هر دمده تیغِ صاعقه دَم

آچاردی خرمنِ عُمرِ عدویه راهِ عدم

 

ایدوب باباسی شهِ لافتی تک بیر جنگ

سالوب فشاره سپاه اهلین ، ایتدی عرصه نی تنگ

 

او قدر باشی بدندن ایدوب ، الی قولدان

که خسته اولدی وجودی ، دوشوب اوزی قولدان

 

علاوه جسمینه دگمیشدی بیر نچه یاره

که آرتیریردی عطش شدّتین او بی یاره

 

او حالیده دولانوب باخدی بیر خیامه طرف

گوروب تجلّی ده تلّ اوسته ماه ِبرجِ شرف

 

گورنده شعشعه ی نورِ نیّرِ عشقی

قرار و طاقتین آلدی تحیّر عشقی

 

آتا محبّتی از بسکه قلبینه دولدی

چکوب قتالیدن ال ، مایلِ حضور اولدی

 

اوزون یتوردی حضور ِامامِ عطشانه

اوپوب ادب یرین ، عرض ایتدی شاهِ ذیشانه

 

بابا اماندی علاج ائت عطشدن اودلاندیم

علی الخصوص قتال ایلیوب یارالاندیم

 

پوزوب صفوفِ سپاهی نظامیدن سالدیم

یره نقدر سوارِ عظامیدن سالدیم

 

هنر ، هنرسیز اولان اهل شامه بولدوردوم

رشادتیله نچه پهلوانلار ئولدوردوم

 

سالوب آتین دوشونه قومِ آل ِسفیانی

حقارتیله دولاندورموشام بیابانی

 

گییوم آغیر ، بدنیم یاره ، من اوزوم خسته

چوخ اینجیدیم اوتورا بولمدیم عقاب اوسته

 

دئدوم جمالیوی بیرده گَلوم زیارت ایدوم

زیارتونده اگر گلسه بیر تجارت ایدوم

 

نظرده نفع بودور ای امامِ تشنه جگر

که بیر ایچیم ویره سن سو منه تاپیلسا اگر

 

جگر حرارتین عرضیم بودور که سوندوره سن

قولوما قوّه ویروب ، قلبیمی سویوندوره سن

 

او قوّتیله قولوم تا قلج دولاندورسون

منه مبارز اجل کاسه سی دولان ، دورسون

 

باخوب جوانینه حسرتله سَرورِ مدنی

گوروب گییوم قیزاریر ، بسکه قان ویرور بدنی

 

گُلِ جمالی سولوب کهربا کیمی سارالوب

قرار و طاقتین الدن عطش نه که وار آلوب

 

آچوب هر ایکی قولون انتهای رأفتدن

او سرو قدّی باسوب باغرینا عطوفتدن

 

بویوردی سوزِ عطش ناتوان ایدوب دیلیوی

ویر ایمدی کامیمه شیرین زبان اوغول دیلیوی

 

آتاسی کامینه دل ویردی اکبرِ ناکام

گوروب آتاسین اوزوندن او تشنه ، خشکین کام

 

گوگول حرارتینه اولدی بیر علاوه سبب

دالی دالی چکیلوب بیر قدر اوکانِ ادب

 

دیدی بغیشله بابا بوقصوری مندن سن

که من دیدیم سوسوزام ، بولمدیم سوسوز سنسن

 

بو فکردن نجه گیچمیشدیم ایمدیده گیچرم

قلج دمینده ئولوم شربتین گیدوب ایچرم

 

دوباره عطف ِعنان ایتدی کارزاره گلوب

ایله قتال ایلدی لشگر آه و زاره گلوب

 

گینه او قدری پیاده سواره ئولدوردی

انین و ضجّه قوشوندان فضانی دولدوردی

 

پوزوب داغیتدی صفوفِ سپاهِ بَدشیمی

یاروب گچردی نجه که یارار نهنگ یمی

 

او وقتیده که علی اکبر اهتمامیله

دولاندیروردی قلج همّتِ تمامیله

 

بیچوب توکردی یره پاره پاره اعدانی

ئولن ، قالان قوشونا تنگ ایدردی میدانی

 

بیر آدی منقذ اوزی شمرِ شوم کینینده

گزردی اکبرِ شهزاده نین کمینینده

 

دئدی که بوینوما گلسون عرب وبالی اگر

قویام خیامه گیده بو جوانِ تشنه جگر

 

گیدردی آردیجا ایتدوقجا شاهزاده مصاف

که بیر محلّیده فرصت تاپوب او بی انصاف

 

کلافِ رشته یِ بیدادیدن اله اُوج آلوب

قلج شل اولموش الینده هوایه بیر اوجالوب

 

قلنجی غیظیله اندیردی تا او کانِ خطا

دوز اَندی حیف قلج ایتمدی عملده خطا

 

او مه جبینون ایله دگدی زوریله باشینا

بولوندی آی کیمی باش ، اگلنوب قلج قاشینا

 

قان آخدی گوزلری دولدی بویاندی مه عارض

جمالِ زردینه بیر رنگِ سرخ اولوب عارض

 

دوشوب خسوفه داخی اولمادی او مه طالع

ایدوب اونون اثری لیلینی سیه طالع

 

چکیلدی پرده ی رخ مه عذارِ لیلایه

نجه که پرده چکر ابرِ تارِ لیل ، آیه

 

یاراسی مهلکیدی الدن آلدی یاراسین

کمان تک اگدی قدِ سروِ عالم آراسین

 

باش آخدی ، اگلشه بولموب داخی عقاب اوسته

اگوب قویوب آتینون بوینونا باش آهسته

 

آچوب ایکی قولون آت بوینونا حمایل ایدوب

گهی گلوب اوزونه گه آت اوسته هوشه گیدوب

 

نه قان قویاردی گوز آچسون باخوب یولی گورسون

نه دیزده واریدی قوّه که مرکبین سورسون

 

اوحالتینده که دولموشدی قانیله گوزلر

بونی بولوردی آناسی ، باجیسی یول گوزلر

 

لجامی بوشلادی آت مطلقُ العِنان اولسون

که بلکه خیمیه یوز دوندروب روان اولسون

 

دیردی دورما عقاب ایله خیمه گاهه شتاب

دایانما همّت ایله منده قالمادی داخی تاب

 

اماندی یخما یره ویرمه اهلِ شامه منی

او قدر ساخلا یتور منتظر آنامه منی

 

زبسکه واریدی تعلیم و مشق او حیواندا

یول آختاروردی گزردی صفوفِ عدواندا

 

که بلکه راکبینون میلینی اله گتوره

او پاره پاره جوانی آناسینا یتوره

 

او باوفا فرس هرسمتدن ایدردی یولون

گچردی بیر صفی بیر اوزگه صف کسردی یولون

 

کیمی سینین اوگون ئولموشدی یار و یولداشی

کیمی سینین آتاسی یا عموسی ، قارداشی

 

اودور که لشگر هامی داغ بَر دل اولموشدی

تمام قلبیلری کینه ئیله دولموشدی

 

او شاهزاده نون اطرافینی آلوب لشکر

کسوب یولون ال آچوب فرقه ی شقاوتگر

 

قلج دی هِی اَنور هی متصّل هوایه گیدور

تصوّر ایتمه اَنَن بیر قلج هوایه گیدور

 

یتن گورور که وجودینده یوخدی بیر یری صاف

گینه ویرور یارا رحم ایلمور او بی انصاف

 

بیریسی قلب گوزیله باخا او بی یاره

بولر نقدر دگوب یاره اوستونه یاره

 

خلاص اولانمادی اهلِ جفا کمندیندن

که دوغرانوب بدن آیریلدی بند بندیندن

 

دولاندوروردی او آت ، پاره پاره صاحبینی

او وَرطه دن چکه بلکه کناره صاحبینی

 

بو مطلبی که اولور طبعِ منطقم گویا

کتابِ مقتله بعضی لری یازوب گویا

 

چخوب کناره او یردن که قانلی بیر یَمیدی

یتیشدی بیر یره اهل اُناثه مَخیَمیدی

 

بیر عورتون نظری غفلتا" عقابه دوشوب

گوروب بیر آت گلور اما عجب عقابه دوشوب

 

دولاندیریبلا او قدری لجامی پاره لنوب

ویروبلا راکبین از بس اوزوده یاره لنوب

 

اونیله بیر خبرِ ناگهانِ تازه گلور

یواش یواش یرور اوستونده بیر جنازه گلور

 

گلوب برابره بیر دقّتیله سالدی نظر

گوروب آت اوسته دوشوب بیر مهِ ملک منظر

 

جواندی صفحه ی رویونده یوخ علامتِ خط

ولی قلج بدنینده چکوب خط اوستونه خط

 

جمالی آی ، گوزی شهلا ، هلاله بنزر قاش

بشر یوزونده مَلک صورتی چکوب نقّاش

 

ایدوبدی حُسنونی تکمیل هاشمی خالی

که حُسن ، حُسن دگول اولسا خالیدن خالی

 

یانوب اونا اورگی چکدی قلببدن بیرآه

دیدی بونون آناسی اولمییدی کاش الله

 

اگر آناسی جوانین بو حالیله گورسه

آز ایلیوب اوز اوزون غصّه سیندن ئولدورسه

 

یاناردی قلبی سرشگین توکردی آغلاردی

اوغول آناسی کیمی سس چکردی آغلاردی

 

او شاهزاده سس آلدی گوروب آنا دلیدی

بِله گمان ایلدی خیملر مقابلیدی

 

خیال ایدوب آنام آگاه اولوب بو رازه گلوب

بوناله صاحبی لیلادی پیشوازه گلوب

 

دئدی آنا گَل آپاردی منی قان آز آغلا

گوزون یاشیله یو ، زلفونله یاره می باغلا

 

بو یاره لر بدنیمدن آلوب توان ئولورم

یتوب دوداقیمه جانیم داخی جوان ئولورم

 

او عورت آنلادی وار شاهزاده نون آناسی

علاوه سوزشه گلدی اورکده کی یاراسی

 

دئدی گرگ بو جوانی آناسینا یتورم

آت اوسته ویرمیه جان اقرباسینه یتورم

 

آتین لجامینی دوتدی او رحم دل عورت

که بلکه فعلیله اوز قولینه ویره صورت

 

تلاش ایدوب آپاروردی خیامه مُستَعجَل

بو امره غافلیدی وار یول اوسته دامِ اجل

 

بیله بولوردی ئولومدن اونی کنار آپارور

ولیک بولمزیدی قاتله شکار آپارور

 

یتوب او وقتیده یعقوبِ عسقلان دنی

گوروب آت اوسته او صد پاره دوغرانان بدنی

 

لجامی آلدی او بیچاره دن او بد فرجام

دئدی بو خدمتیوه ویرم ایمدی من انجام

 

نچه قدم آرالاندی باخاردی عورت هنوز

شقاوتین او ستم پیشه فورا" ایتدی بروز

 

نه قلبی رحمه گلوب حالِ زارِ اکبردن

نه شرم ایدوب نه اوتاندی خدای اکبردن

 

تصوّر ایتمدی گچمز خدا خِلافندن

ال آتدی خنجرین عریان ایدوب غِلافندن

 

اشاره ایتدی ایکی کتفینون آراسیندان

یوخییدی صاف یری ووردی قلج یاراسیندان

 

ویران دلیر ، قولی قوّه لی ، ایتی خنجر

بدن لطیف ، نه مانع نه حایلِ دیگر

 

او نازنین بدنون دگدیقی یرین بیچدی

یتیشدی هر یره خنجر دایانمادی گیچدی

 

او سخت یاره جگر بندینی گسست ایلدی

ایله قولوندان آلوب طاقتین که سست ایلدی

 

نفس شماریه دوشدی توکندی تاب و توان

اوزون آت اوسته داخی ساخلیانمادی او جوان

 

اولان زماندا سرازیر صدرِ زینیندن

بیر آه چکدی قاباقجا دلِ حزینیندن

 

او خشک اولان دیلیله ایلدی ادای کلام

ادبله سویلدی بابا علیک منّی سلام

 

بولوردی چون عطشیندن آتاسینون غمی وار

بو باره دن دل پاکینده دردِ مُدغمی وار

 

دئدی بابا بودی جدّیم منه سو ایتدی کرم

که یعنی بول نگران اولما ای شهِ اکرم

 

گوزی یولوندا قالوب ساخلیوبدی سو سنه ده

یتورسون الده کی جامی او لعلِ سوسنه ده

 

آتا اوغول سسین آلدی بولوب باشیندا نه وار

کمالِ سرعتیله اولدی ذوالجناحه سوار

 

یتیشدی رزمگهه شاه اولیا ولدی

دیردی شیونیله اَینَ اَنتَ یا ولدی

 

گیدردی صاق و صولا آختاراردی جان و دلین

گهی دیردی اوغول ، گه دوتاردی غصّه دلین

 

گزوب تفحُّص ایدردی قدِ صنوبرینی

یتیشدی بیر یره قان ایچره تاپدی اکبرینی

 

بیر آز قالوردی اوزون ذوالجناحیدن آتدی

اورک دوگوندی دیزی تیتردی نفس باتدی

 

دوروب گیدنمدی بیر آز دیزی دیزی گیتدی

سوروندی هولیله تا نوجوانینه یتدی

 

یانیقلی بیر دِلیله صیحه چکدی یا ولدا

همین بو کلمه سینی یتدی دفعه ایتدی ادا

 

گوتوردی باشینی یردن آلوب دیز اوسته امام

نقدر باغرینا باسدی دل اولمادی آرام

 

نه سوندی نارِ محبّت نه سوزی اسگیلدی

تصوّر ایله حسینه نقدر نسگلدی

 

باخوب جوانینه آرتیردی آه و افغانین

اَلیله دیشلرینون سیلدی توپراقین قانین

 

یوزون قویوب یوزونه تا او قانینه باتانین

اوغول قانی بویادی آغ محاسنین آتانین

 

اوغول اوغول دئدی هر قدر گوردی سس گلمور

ایدوب معاینه گورسون گلور نفس ، گلمور

 

طبیب ِحاذق ایدوب مه یوزون اونا مرآت

دوتوب نفسگهینه ایتدی کسبِ معلومات

 

گوروب هنوز نفس وار عزیزِ جانینده

ولیک قان آپاروب طاقتینده ، جانینده

 

بویوردی یاتما اویان آچگوزون جوانیم اوغول

منیله بیر دانیش ای مایه ی روانیم اوغول

 

مِی وصالی اوزون ایچدون اخذِ کام ایلدون

آتاوی زهر ِفراقونله تلخکام ایلدون

 

نه تیز غروبه یتیشدون سحر ستاره سی تک

اوزون گیدوب منی ظلماتِ غمده قویدون تک

 

نه بی مروّتیمیشلر بو رحمسیز لشگر

سنی بو حاله سالوب ای جوانِ گُل پیکر

 

دوتوم که قتلون اوغول قصدِ قومِ ناکسیدی

باشونداکی بو قلج یاره سی سنه بسیدی

 

دور ای محبّتی باش فکرینی باشیندان آتان

بوقدر دشمن الینده قالوب کمکسیز آتان

 

هجوم ایدور منِ بی یاره فرقه ی ناکس

دور آل اله قلجون دشمنون قباقینی کس

 

اویان ، گوز آچ آتاوین باخ بو قانلی گوز یاشینا

اُفّ اولسون عهدینه ، توپراق بو عالمین باشینا

 

دیمه بونشاءده سندن صورا دایانّام علی

ستمله قانه بو گون سن کیمی بویانّام علی

 

بو ورطه ده داخی سنسیز ثبات اولا منده

بیر آز دایان گَلورم سن گیدن یولی منده

 

خوشام بو جانی ویرم جانستانه بو یرده

گیدوب خیامیده کی حشری گورمییم بیرده

 

دوشوبدی خیمه لره سندن اوتری شورِ نشور

باجون سکینه گوزی یولدا دلده ناله ی شور

 

یقین ایدوب که قلجلار یازوب بو گل جسمی

اوزی رساله ی محنتدی ، جسمیدور اسمی

 

کتابِ غمدن ایدوب درسین ایندیدن ازبر

او خوش زبانین اولوب وردی وای علی اکبر

 

آنان بولوب که سنی سولدوروبلار ای گُلِ یاس

سن ئولمه میش باش آچوب خیمه ده دوتوب سنه یاس

 

وصیّتون وار اگر گَل دیله ، بیان ایله

اورکده ساخلاما دردِ دلون عیان ایله

 

آتا سسی یتیشنده اوغول قولاقینه

او حالدیدی که یتمیشدی جان دوداقینه

 

او صون نفسده مسیحا نفسدن آلدی نفس

حزین حزین سسیله سویلوب ای شهِ بیکس

 

یتور سلامیمی لیلایه سینه داغلاماسون

تسلّی ویر اونا مندن صورا چوخ آغلاماسون

 

دوباره ضعف اولوب عارض ، توانینی آلدی

نفس قییتدی دوشوب دیلدن ، ال ایاق چالدی

 

آتا جمالینه حسرتله بیرده بیر باخدی

شهادتِینی ایدوب ذکر ، گوزلری آخدی

 

گتوردی درده قلوب ِملایک و روحی

چکنده شهقه که آیریلدی جسمیدن روحی

 

آتا گوروب بالا جان ویردی حالی بس نولدی؟

بیله دیولّه که گویا حسین او وقت اولدی

 

باخوب جوانلارینا دوره ده او کان ِشرف

بویوردی قارداشوزی حمل ایدون خیامه طرف

 

گورورسوز ئولدی جوانیم گوزوم قباقینده

جنازه سی قالا قویمون آتا قوجاقینده

 

دیوب تمامیسی لبّیک قصدِ نصرتیله

ولی باخاردی جوانلار او نعشه حیرتیله

 

خیال ایدردیله ال ویرسالار او نعشه اگر

تماماً آیریلاجاخ بند بندیدن پیکر

 

باخوبلا حملی گرک بر سبیلِ عقل اولسون

عبایه چولقادیلار تا جنازه نقل اولسون

 

دینمرم که نجه خیمه گاهه حمل اولدی

ولیک شورِ قیامتله خیمه لر دولدی

 

اوجالدی عرشه او دم اهلبیتدن آواز

دیردیلر گلور اکبر گَلون ایداخ پیشواز

 

ایله ایدردیله شیون چکردیلر فریاد

گورن او حالی پیمبر وفاتین ایلدی یاد

 

ستاره وَشلر او مه پیکری آرایه آلوب

تمامیسی قمر اوسته صفِ ستاره سالوب

 

او نعشین عترتِ پیغمبر آلدی دورِ برین

توکردی قیز ، گلین ، عورت ، عذاره اشکِ ترین

 

بویوک کیچیک بیله آغلاردی هایهائیله

که دولدی بادیه ی نینوا نواییله

 

فغان و شیونیله عرشه اوج ایدوب سسلر

بیری اخا ، بیریسی وای جوان اوغول سسلر

 

بیری دیردی که شهزاده اکبریم ایوای

بیری دیردی شبیهِ پیمبریم ایوای

 

بیری یولار سرِ زلفون ، بیری دیر قارداش

سن ئولمییدون ، ئولیدی بو گون باجون ایکاش

 

خیامیدن هامی چیخمیشدی دیشره خرد و کبار

ولی اوغول آناسی اوز یرینده دوتدی قرار

 

قرار و صبری الیندن اگر چه گیتمیشدی

اوغول غمی اونی بیتاب و طاقت ایتمیشدی

 

تعجّبم او محبت او عشقیده بیر آنا

گوره که گَلدی اوغول نعشی خیمه ده دایانا

 

نقدر فکر ایدورم صبرینه نه اولدی سبب

گلور خیالیمه لیلانی ساخلامیشدی ادب

 

مباد گورسه اوغول نعشینی چکه ناله

اوغول آتاسی خجالت چکه بو احواله

 

همان گونی او خانم بولمورم ایدوب نجه شام

صباح اولاندا که ایستردی اولسون عازمِ شام

 

دولاندی قتلگهی لیلی ملول و غمین

یتیشدی بیر یره تاپدی نشانِ درد و غمین

 

گوروب اوغول نه اوغول دوغرانوب تمام اعضا

چیخوب اوزوندن اولوب منظرینده تیره فضا

 

ایکی الیله ویروب باشینه دئدی علی جان

سنی گورونجه بو حالیله کاش ئولیدی آنان

 

سنون تک اوغلی ئولن بیر آنا حیاتی نیدر؟

ئولومدی حقّی نجه آرزو حیاتین ایدر؟

 

بهارِ عمرومه بیر نوبهار ایدن گلیدون

امیدیم عالمینه مایه ی توکّلیدون

 

عجب امیدیمی یأسه زمانه دوندردی

بهارِ عمرومی چوخ تئز خزانه دوندردی

 

آنان بیرعمر، گون ، آی ، ایل باشا یتورموشدی

سنون کیمی اله بیر سرو قد گتورموشدی

 

که بیله گونده اوغول سایه سینده دالدالانا

نه اینکه نعشیوه باخدوقجا گون اوگونده قالا

 

عجب یتوردی منی آرزویه دورِ زمان

بو روزگارون امان دورِ گردشیندن امان

 

یارالی سینوه باخدوقجا سینه دن یانّام

گوگول زبانه چکر اود دوتوب الولانّام.

 

مرحوم ذهنی

منبع مجموعه کانالهای مدح و مرثیه

 

----------- متن نوحه احوالات حضرت علی اکبر (ع) ---------

احوالات حضرت علی اکبر (ع)

یک بند از یک ترکیب بندِ غَرّا

 

عشق آن بُوَد که از تو ، توئی را به در کند

ویرانهء وجودِ تو ، زیر و زبر کند

 

عشق آن بُوَد ، که هر که بدو گشت سربلند

بر نیزه سر نماید و با نیزه سر کند

 

عشق آن بوَد که تشنهء دیدارِ یار را

حنجر ، ز آبِ خنجرِ فولاد تر کند

 

عاشق کسی بُوَد که به دورانِ عاشقی

بر خود حدیثِ عیشِ جهان ، مختصر کند

 

هر کس که در زمانه شود دردمندِ عشق

از راحتِ زمانه به کلّی حذر کند

 

در باغِ جان هر آنکه نشاند نهالِ غم

نبوَد غمش که خشک شود یا ثمر کند

 

عاشق به جز حسینِ علی کیست در جهان؟

کز بهرِ دوست از همه عالَم گذر کند

 

کو چون حسین کسی؟ که ز سودای عاشقی

نه شادمان به نفع و نه خوف ، از ضرر کند

 

او خواهدش که تن به خدنگِ بلا دهد

او جان و تن به تیرِ بلایش سپر کند

 

از خود گذشته ، اکبر از جان عزیزتر

در راهِ دوست داده و ترکِ پسر کند

 

ای من غلامِ همّتِ والای آن شهی

کز ممکنات یکسره قطعِ نظر کند

 

هم خواهران و دخترکان را دهد اسیر

هم کودکان خُرد ، نشانِ قَدَر کند

 

از نینوا به کوفه و از کوفه تا به شام

رأسِ بُریده با حرمِ خود سفر کند

 

برتر بوَد ز عرش علا ، خاکِ کربلا

نازم ز عشق او که به خاک این اثر کند

 

بهتر بُوَد ز آبِ بقا ، خاکِ درگهش

خضرِ نبی کجاست؟ که خاکی به سر کند

 

گفتی که چهره سرخ (وفائی) کند ز عشق

آری کند و لیک ز خونِ جگر کند.

 

وفائی شوشتری

منبع مجموعه کانالهای مدح و مرثیه

 

----------- متن نوحه احوالات حضرت علی اکبر (ع) ---------

حضرت علی اکبر (ع)

 

او قلب لرده که آلِ علی محبّتی وار

علی الخصوص حسینه بیر اوزگه اُلفتی وار

 

آدی گلنده دولور دیده جامی اشگیله

سبب علاقهء دلدور ، ثبوته حجّتی وار

 

نه تک حسینی سُوَه لّر یر اهلی خورد و کبار

گوی اهلنونده همین کلمه ده شراکتی وار

 

حسین عزیزِ خدواندِ حیّ یکتادور

بولور بو سرّی او کسلر که معنویّتی وار

 

ویروب حسینیله اوز عرشنه خدا زینت

تصوّر ایله نجه گور مقامِ عزّتی وار

 

باساردی باغرینا جان تک حسینی پیغمبر

حسین مِنّی دیردی ، عجب جلالتی وار

 

چکردی نازینی دائم آناسی زهراده

ایدردی خدمت حسینه ، نقدری همّتی وار

 

آتاسی شیرِ خدا ، اوز عزیزِ جانندن

اونی عزیز دوتاردی غریبه حکمتی وار

 

همین محبّته مصداق ، حسینون اکبریدی

گورون نقدر حسینون بونا محبّتی وار

 

یتیشدی سوز یرینه ، عرض ایدوم همان خبری

بو یازدیقیم سوزه چون عُمده مدخلیّتی وار

 

یازولّا بیر نفرین امری مشگله دوشدی

گوروب مصیبتنون منتهای شدّتی وار

 

توسّل ایلدی شاهِ شهیده یالواردی

گجه گونوز نقدر دلده تاب و طاقتی وار

 

و لیک اولمادی اول مطلبی برآورده

گوتوردی بُهت ، ایشنون بولمدی نه صورتی وار

 

یاتوبدی بیر گجه گوردی حسینی رؤیاده

دوتوبدی دامنِ شهدن ، نه قدر قدرتی وار

 

کمالِ عجزیله عرض ایتدی ای شهِ عطشان

بو مُضطرون بولوسن دردِ بی نهایتی وار

 

نقدر یالوارورام ایلورم فغان و نوا

علاج دردیمه اولمور ، شها نه علّتی وار؟

 

بیوردی سرورِ لب تشنه ای حمیده خصال

منیم یانمدا هامی دعوتون اجابتی وار

 

ولی هاچان منی سن آند ویردون اکبریمه؟

قبول اولمادی عرضون؟ بیانه حاجتی وار

 

بو شاهزادیه بیزده گلون توسّل ایداخ

حسین یانندا بونون ، احترام و حرمتی وار

 

حسینه سوگلی دور بو جوانِ مه سیما

او سَرورون بونا بی انتها عطوفتی وار...

 

قسمتی از اشعارِ مرحوم صحاف

منبع مجموعه کانالهای مدح و مرثیه

 

----------- متن نوحه احوالات حضرت علی اکبر (ع) ---------

در احوالات حضرت علی اکبر (ع)

 

کمانِ سخت گرفتند سست بازو را

بِدین گمان که شکاری کنند آهو را

 

غرابِ شوم و سیه روی ، زد چو بانگِ کلاغ

گرفت زاغ و زغن ، دورِ طرفه تیهو را

 

یکی به خنجرِ پُر آب و تیغِ شرربار

یکی به دست کمان ، زد به خاک زانو را

 

به جلوه گشت چو طاووس باز کبک خرام

به رخ فکند چو هر سو ، پَرِ پرستو را

 

کبوترِ حرم ، آن شاهبازِ اوجِ وفا

هجوم کرد به کرکس کشید ماهو را

 

سپند کرد فلک ، اختران به مجمرِ مِهر

به عارضش چو نظر کرد خالِ هندو را

 

که ناگهان ز کمین منقذِ لعین رسید

گرفته بود به کف تیغِ آتشین خو را

 

نمود جلوه چو محرابِ کوفه ، کربُ بلا

خودش چو زاده ی ملجم علی شمرد ، او را

 

چو فرقِ شیر خدا ضربتی به اکبر زد

نمود غرقه به خون طرّه ی سمن بو را

 

خسوف کرد مهِ آسمان به برجِ جمال

به سانِ مِهر که بر ابر میکشد او را

 

به صورتی که شفق ماه را احاطه کند

گرفت هاله صفت خون هلال ابرو را

 

غزالِ چینِ حرم شد شکارِ گرگِ خطا

چو نافه کرد به خون زلف عنبرین مو را

 

به بست بر رخش آبِ فرات و از خونش

گشود نهر چو شطّ فرات هر سو را

 

ضعیف گشت دل و رفت قوّتِ جانش

فکند گردن اسب عقاب بازو را

 

که ای بُراق (1) وفادار وقتِ معراج است

به سوی عرش چو رفرف بکن تک پو را

 

مرا به مسجدِ اقصی' و قُربِ حق برسان

جدا مساز ز وصلِ خدا ، خدا جو را

 

شهی که خاکِ درش قابِ قوس اَو اَدنی' است

کنم مقام خود احمد مثال آن کو را

 

به هر طرف که نگه میکنم جز او نبود

نموده وردِ زبان اَینَما تولّو را (2)

 

بیادِ قامت ، سروشِ مدام ، قمری دل

کشید نغمه ی یاهو و بانگِ کوکو را

 

که بلکه بارِ دگر بنگرم به روی پدر

دمی نظر کنم آن سر قدّ دلجو را

 

شود قتیلِ رهِ حق هر آنکه روز الست

به حقّ گفته بلی' ،  حق دیده قالو را

 

به حالِ مادر زارم ترحّمی بشتاب

به کف گرفته زبان بر دعا دو گیسو را

 

شها به عینِ عنایت ، به دیده ی (جودی)

شفا ببخش ، فدا ، آن دو چشمِ جادو را

 

به دردِ هجر نسازد علاج ، غیرِ وصال

درآورند فلاطون و یا ارسطو را.

 

پانویس ها

1: نامِ مَرکب حضرتِ رسول در شبِ معراج

2: فَاَینَما تُوَلُّوا فَثّمَ وَجهُ الله... ،

آیهء شریفهء ۱۱۵ از سورهء مبارکهء بقره

 

مرحوم مُلّا غفّار جودی تبریزی

منبع مجموعه کانالهای مدح و مرثیه

 

----------- متن نوحه احوالات حضرت علی اکبر (ع) ---------

آموزش و مشقِ جنگ به  حضرت علی اکبر (ع)

توسط حضرتِ ابوالفضل  (ع)

 

او که اخباره دارادی حدیثی ایلمز کتمان

کلامون صحّت و سُقمون بولر یوخ حاجتِ برهان

 

بولوب اوچ امری لازم امّته پیغمبرِ رحمت

همیشه توصیه هر تک تکین خلقه ایدوب اعلان

 

بو اوچ فنّی بیر امری ایلیون اولادوزه تعلیم

باشاردوقجا تَغافل ایتمیون یا ایُّهاالاِنسان

 

اوخ آتماخدور بیری ، بیرده شنادور ، بیرده آت مینماق

گرک دارا اولا بو نچه فنّه مردِ با ایمان

 

اگر چه طول اولار صحبت ، و لیکن عقل حاکی دور

نه تک مقصودِ حضرت ، آتدی اوزماقدی کمان پیکان

 

اودور گویا ، ایدیبدور امتثالِ امرِ پیغمبر

غریبِ کربلا ، مقتولِ اعدا ، سرورِ عطشان

 

حضوره بیرگونی گونلرده رسمِ التفاتیله

چاغوردی اوز علمداری ابوالفضلی ، ویروب فرمان

 

بویوردی اکبریم قارداش اوشاقدور گورمیوب دعوا

اونا مشقِ جدال و جنگ ویر قارداش سنه قربان

 

ایدوب تا استماع ، قارداش سوزون عبّاسِ نام آور

یدِ طاعت قویوب فورا" گوز اوسته ، اول مه تابان

 

خبر ویردی حسین ابن علی اولادِ طاهایه

چکیلدی پردهء عصمت ، حرملر اگلشوب حیران

 

بیر عده اهلِ یثرب چیخدیلار فورا" تماشایه

به امرِ شاه نُه کشور ، حسین سلطانِ مظلومان

 

چیخوب دروازدن دیشره هر ایکی فارسِ هیجا

مصمّم اولدولار دعوایه ، مثلِ ضیغمِ غرّان

 

غرض هر ایکی نام آور ، مّصمّم اولدی دعوایه

چکوبدور بیر خط خطی او دم پورِ ابن عمران

 

زره گیی ، چکمه گیی ،  باغلا چهار آئینه دور ابلق

قلج باغلا گوتور نیزه ، سپر سال ای اوغول آتلان

 

بو خطِ مشقدن گوزله کنار اولمامدور گز

عنانِ توسنی بوشلا ، قوی ایتسین عرصه نی جولان

 

قلج گلسه خبردار اول ، سپر آت ، گیچ صولا صاقه

مبادا مصدرِ یاقوتدن آخسون یره آلقان

 

حسینین نامراد اوغلی عقابی گتدی جولانه

دیدی چوخ کم هنر سانما منی ای عَمّ والاشان

 

نشان حُجّتینَم من ، بیری عالی بیری اعلی

بیری احمد بیری حیدر ، قضا حکم و قدر فرمان

 

اوزون تعریف قیلدون ای عمو ، تعریفون حقدور حق

منیده کم هنرفرض ایتمه سانما گورمین میدان

 

بابامدور مرتضی یعنی قسیمِ نار والجَنّه

او پیغمبردی جدّیم که اونا نازل اولوب قرآن

 

سنون تک عَمّ پاکیم وار ، قدرفرمان و شیر افکن

شجاعت ارثیدور سیزدن منه ، بِالعَدلِ والاِحسان

 

قلیج گلدی خبردار اول ، منم دورت حُجّته نائب

هواده برق تک جولانه گلدی تیغِ خون افشان

 

چکوب بیر نعره شیرانه ، ابوالفضل ایلدی کرنوش

قلنجین رد ایدوب شهزاده نون سقای مظلومان

 

آتین جولانه گتدی عرصه گهده بادِ صرصر تک

وزیرِ جنگ اوردوی همایونِ شه عطشان

 

الینده قبضه شمشیر و دلده کلمهء تکبیر

بِعینِه مرتضادور شَستینه نظار اولوب حیران

 

گلوب نِطقه دئدی من مرتضا دلبندی عبّاسم

منم چرخِ رشادتده اولان بیر نیّرِ رخشان

 

قلج گلدی خبردرار اول ، دیمه ویردی عَموم غافل

منیمدور نورِ دیده ، حمله ایتماق نوبتی الان

 

کسیلدی طاقت لیلا دئدی زینب دخیلم من

علمداره دینه اَندیرمه قلینجون ای مهِ تابان

 

اگر چه مشقدور دعوا دگل یازینبا ، امّا

قلج آتدا بالامی گورماقا یوخ طاقتِ امکان

 

نه حاله قالدی بس یارب او لیلا روزِ عاشورا

کفن گییدی جوانی ، آلدی شهدن رخصتِ میدان

 

نجه طاقت گتوردی ال چکوب دوزدی و حال آنکه

بولوردی گیتسه قویماز صاق قیدسین لشگرِ عدوان

 

علاوه اکبری تشنه جگر یورقون ، عدو سانسیز

ایدوبلر قتلینه آماده تیغ و خنجر بُرّان

 

بو سوز هرکسدن اولسیدی واریدی نقصی اوّلده

حسین حافظی تکمیل قیلدی قویمادی نقصان

 

فدانی حسینی اولدی بانی دُرّ و گوهر تک

دوزولدی رشتهء نظمه همین مطلب تاپوب پایان.

 

مرحوم حافظی تبریزی

منبع مجموعه کانالهای مدح و مرثیه

 

----------- متن نوحه احوالات حضرت علی اکبر (ع) ---------

در احوالات حضرت علی اکبر (ع)

 

علی اکبر سوار اولدی سمند باد پیمایه

اوجالدی کلمه تکبیر صوتی عرش اغلایه

 

قدم قویدی رکابه حیدرانه وارث حیدر

اولوب برج اسد منزل او مهر عالم آرایه

 

شعاع پرتو نور جبینی دمبدم ساطع

درخشان لمعه لمعه اوج ایدوب فوق ثریایه

 

سحاب رحمت اولموش سایه بان مهر منیر اوسته

قویوب عمامه جدین چو فرق فرقدان آیه

 

حمایل ذئالفقار حیدری طرف یمینندن

سپر قرص قمر تک هاله وورموش کتف والایه

 

مسلح جوشن داوودی ایلوب , نخل شمشادی

چهار آئینه سی سالموش تلوء لوء چرخ مینایه

 

یازیلمیش زلفینه خط جلی طغرای حسنینده

اولوب , واللیلدن , والشمسدن , مسطور بیر آیه

 

مثال مد بسم الله کشیده قاشلاری گویا

سواد خال مشکین نقطه با  ,  بند دور بایه

 

بیاض صقحه مصحفده شرح آیه قرآن

اشاره آیه نصرت اولوب انا فتحنایه

 

محقق دور بو معنا لیک چوخ باریکدور مطلب

فدیناه بذبح (1) آیه سی شاهد بو دعوایه

 

(1) «و ما قربانی بزرگی را فدای او ساختیم.»

 

بیانینده معانی وار معانیدن بیان عاجز

ظهورین کثرتیندن دایر اولموش دور هر اخفایه

 

اگرچه آیه صادر دور ذبیح الله حقنده

بونوندا سری وار , راجع ضمیر اولسا فدینایه

 

خلیل ایستردی ویرسون حق یولندا اوغلونی قربان

میسر اولمادی فایض اولا بو فیض عظمایه

 

ولی بیر قطره اشک دیده سی ذبح عظیم اولدی

فدا اولدی ذبیح اللهه اول در گرانمایه

 

بو والا منصبه دارا خلیل کربلا اولدی

نجه اوز نوجوانین شوقیله گوندردی مینایه

 

دیون قویسون خلیل الله قدم قربانگه عشقه

گتورسون اوغلونی بیر گوشه ده دورسون تماشایه

 

منای کربلاده اوز الیله شاه لب تشنه

کفن گورسون سالوب اول قامت چون سرو رعنایه

 

هانی هاجر که خط حلقدن قورخدی اودا گلسون

تماشا ایلسون لیلا باشندا شور سودایه

 

گیچوب اکبر کیمی رعنا جوانیندن بلی هاجر

کنیز اولماقلیقا شایسته اولماز ام لیلایه

 

برات خط آزادی اولور هول قیامتده

قالا گر خامه و دفتر (حقیرا ) الده سرمایه

 

نه باک ، اولا نظرِ غیرده (حقیر) ،  حقیر

حسین حقیریدی سیز باخمیون حقارتینه.

 

مرحوم حقیر خوئی

منبع مجموعه کانالهای مدح و مرثیه

 

----------- متن نوحه احوالات حضرت علی اکبر (ع) ---------

شجاعت حضرت علی اکبر (ع)

 

یا رب این طوباست؟ یا اکبر به رفتار آمده؟

این شکر یا لعلِ شیرینش به گفتار آمده؟

 

قَد تَجَلّی فیهِ ربُّ الله جَلَّت قُدرَتَه

قدرتِ یزدانی از قدرش پدیدار آمده

 

صورتِ زیباش را با چشمِ معنی هر که دید

صورتِ مردم به چشمش نقشِ دیوار آمده

 

تا بگیرد اذنِ جنگ ِکوفیانِ کفر کیش

در برِ سلطانِ دین با چشمِ خونبار آمده

 

کِی پدر : هنگامِ میدان رفتنِ اکبر رسید

ساغرِ من از شرابِ شوق سرشار آمده

 

تو خلیلی ، من ذبیح الله و این صحرا منا

موسمِ قربانیِ این جان افکار آمده

 

در میانِ جان و جانان گشته تن سدّی سدید

جان سبک سِیر است ، لیکن از تن گران بار آمده

 

اِنّما التّوحید اِسقاطُ الافاضات ای پدر

پرده و کثرت میانِ ما و دلدار آمده

 

راهِ عشق است این و تأخیر اندر او نَبوَد روا

اِنّ فی التّأخیرِ آفات ز اخبار آمده

 

دیده شد شهزادهء آزاده را کز فرطِ عشق

پای تا سر مستِ شوق و محوِ دیدار آمده

 

گشته غالب عشقِ او بر عقل و از خود بی خود است

وصلِ جانان را به نقدِ جان خریدار آمده

 

گفت بابا : گر چه هجرانِ تو بر من مشکل است

باشد آسان ، چون که شرطِ وصلِ آن یار آمده

 

رو به میدان ، لیک با دشمن مدارا کن که دوست

کشته و آغشته در خونت طلبکار آمده

 

چون گرفت اذنِ جهاد از شه ، به مَرکب شد سوار

گفتی احمد بر براقِ برق رفتار آمده

 

حول ارضِ الکربلا قَد اَشرَقَت مِن نورِهِ

آن زمین از مِهرِ رویش پر ز انوار آمده

 

کوفیان گفتند یابنِ سعدِ دون ، کی کفر کیش

مصطفی' از بهرِ رزمِ خیلِ کفّار آمده

 

داوری ما را دگر با احمدِ مختار نیست

هر که با احمد ستیزد خصمِ دادار آمده

 

گفت ابنِ سعد با لشگر که شد کارم به کام

گوییا فرزندِ زهرا بی مددکار آمده

 

این محمّد نیست ای لشگر ، علیّ اکبر است

کز غمش مجنون صفت لیلا دل افکار آمده

 

یاوری دیگر ندارد ، گوییا این نوجوان

از پیِ یاریِ آن سلطانِ بی یار آمده

 

یوسفِ مصرِ وجود است این جوانِ ماهرو

کاین چنین در چنگِ ما گرگان گرفتار آمده

 

خون بریزیدش به خاک ، از آبِ آتش گون ، که او

در هوای دوست اینجا بهرِ این کار آمده

 

دید آن شهزادهء آزادگان اشرار را

دل تهی از مِهر و پر از کین ابرار آمده

 

حمله ور شد بر سپه با کرّ و فرّ حیدری

مرتضی' گفتی به جنگِ خیلِ اشرار آمده

 

شد ز دورش منهزم چون زیبق فرّار خصم

وز جسد روحِ عدو نزدش به زنهار آمده

 

کوششِ بسیار کرد و آمد اندر نزدِ شاه

کی پدر بنگر که جسمم زخمِ بسیار آمده

 

سوختم از تشنگی ، بر آتشم آبی بزن

رفته از جسمم توان چشم از عطش تار آمده

 

بر لبش بنهاد خاتم ، شاهِ دین ، یعنی خموش

وندر این رمزیست پنهانی کز اسرار آمده

 

مست بود از جامِ عشق و تشنهء وصل آن جوان

در برِ پیرِ مغان از بهرِ اظهار آمده

 

خواست سازد فاش سرّ عشقِ جانان را بلی

مست را افشای سِرّ آئین هنجار آمده

 

بر لبش مُهرِ خموشی زد ز مِهر ، آن شاه و گفت

عاشق از کتمانِ سرّ عشق ، ناچار آمده

 

باری آمد سوی میدان ، بارِ دیگر بردبار

سِرّ باری را دگر این بار ستّار آمده

 

تیر بارانِ بلا را شد هدف بالای او

عاشقی نخلیست کش درد و بلا بار آمده

 

آن قدر کوشید تا جامِ شهادت نوش کرد

نوش باد او را که این مِی را سزاوار آمده

 

(عبرتت) را در گریبان ماند ، ای شهزاده ، دست

دستگیرش شو که در نزدت به زنهار آمده.

 

مرحوم عبرت نائینی  (محمد علی مصاحبی)

منبع مجموعه کانالهای مدح و مرثیه

 

----------- متن نوحه احوالات حضرت علی اکبر (ع) ---------

احوالات حضرت علی اکبر (ع)

 

بو نوجوان که گُل عارض ، اوزی سمن بو دور

سالون کمنده عجب بیر غزال ، آهو دور

 

بو شاهباز ایدر لیلینی خرابه نشین

که قُمری وار دالونجا نواسی کوکو دور

 

آناسی گوزلوری یول ، بو جوانی ساخلامیون

دوروبدی خیمه قاپوسیندا یا علی گو دور

 

منای عشقیده قرباندی نذر ایلمیشم

عجب فدادی قرا گوزلیدور ، سیه مو دور

 

گوزینده بو مژه تک دورینه دوزون پیکان

اگر چه تیر مژه ، بو کمان ابرو دور

 

بونون دالینجا همیشه سکینه باجیسینون

حرم کبوتری تک وِرد و ذکری یاهو دور

 

بیله دگلدی که من بو جواندان ال گوتورم

ایدیم نه چاره که دشمنلریم جفا جو دور

 

مقامِ جلوه گهِ کبریای اعظمدور

بو تازه گُل ، فکر ایتمیون که خود رو دور

 

عطش سمومی ایاقدان سالوب بو سرو قدی

اودور دالینجا گوزوم یاشی ، تا به زانو دور

 

شبیهِ ختمِ رسالتدی ، مرتضی صولت

اوغول دگل منه ، قارداشدی چون حَسن خو دور

 

سنه ویروبدی بو شیرین دلی ، خدا ( آصف)

ندندی ایلوسن عصیان ، اوتان ، عجب رو دور.

 

مرحوم آصف تبریزی

در دیوانِ مرحوم دخیل بدون تخلص هم چاپ شده.

منبع مجموعه کانالهای مدح و مرثیه

 

----------- متن نوحه احوالات حضرت علی اکبر (ع) ---------

احوالات وداع حضرت علی اکبر (ع)

 

ایتموسن عزم ایندی که میدانه بسم الله اوغول

لطفِ رحمنِ الرّحیم اولسون سنه همراه اوغول

 

گیت اوغول بو گئتمگه الحمدالله ایلرم

ذکرِ الرّحمن ایدوب ، بو هجری دلخواه ایلرم

شُکرِ ربّ العالمین و حمد للّه ایلرم

یا رحیم عرض ایلرم ، یارون اولا الله اوغول

 

ال چکوب سندن بو گون سالدوم یولا ای مه جبین

حافظ اولسون مالک و مملوک ، شاهِ یومِ دین

بو عبادتدور ، قبول ایتسه اگر جان آفرین

سویلرم ایّاک نعبد ، روز و سال و ماه اوغول

 

هم و ایّاک دیوب ، ذکریم اولور هم نَستعین

اِهدنا" تا هم صراط المستقیمَ وار یقین

آتشِ هجرون اولاندا شعله ور اولسون معین

بیر بیله گفتاریمه آگاهیدور والله اوغول

 

گه صراطَ الّذینی ایلرم وِردِ زبان

گه انعمتَ علیهم کلمه سین قیلّام بیان

غیرِ مغضوبِ علیهم دور مقالاته لسان

حاش للّه بو ولا الضّالّین اولا دلخواه اوغول

 

ایسته بسم الله رحمن الرحیم اولسون مدد

قوی قدم بو کارزاره قل هو الله احد

اول مقابل اشقیایه سویله الله الصّمد

لم یلد ورد ائت ، و لم یولدده چکمه آه اوغول

 

ائت و لم یکن لهُ کفوا" احد وِردین بیان

شمر الینده خنجرِ کینه ، سَنان الده سِنان

دانماسون حقّون علی ، محشرده قومِ کوفیان

قتلوه آماده دور بو لشگرِ گمراه اوغول

 

سن ذبیحِ حقّ سن ، من هاجرِ دوران علی

شاهِ لب تشنه خلیل اللّهیدور الآن علی

گیت بو کوی عشقده ویرّم سنی قربان علی

کربلادور حضرتِ معبوده قربانگاه اوغول

 

توکمگه قانون مُصمّم دور بو گون بو سلسله

راضیم منده بو امره ، ایتمرم اصلا" گِله

تاب ایدر هانسی آنا ، آیا اوغول بو مشگله؟

تشنه لب قربان اولا سن تک ذبیح الله اوغول

 

فاخرانه باتماقون قانه اوجالدار باشیمی

باشوه بو آغ هوروکدن یولّارام شاباشیمی

قویمارام عمّون گوره بو دیدهء خونپاشیمی

اولمارام شرمنده سن اولسان فنا فی الله اوغول

 

رسمدور تئز ئولدورللّر گر گوزل اولسا شکار

دلخوشام بو خیمه لرده چکمرم چوخ انتطار

بیر زمان بیلّم گتوردی خیمه گاهه یاری یار

سن بولورسن که آنوندا وار دلِ آگاه اوغول

 

هر غم و هر درده کلّ من علیها فان اولور

شبهِ احمد باش ویرنده گُل کیمین خندان اولور

سن کیمی شایسته قربان ، لایقِ جانان اولور

سوز و سازِ عشقدن ، اخذ ایلر عزّ و جاه اوغول

 

پاکباز اولسا اگر (بیضا) ، تاپار قلبِ سلیم

تک حسین شأنینده نازلدور عَن النّباء العَظیم

غبطه ایلر بو بئله شخصه مسیحلن کلیم

مرحبا اولدون حسینیلن بو گون همراه اوغول.

 

مرحوم بیضای اردبیلی

منبع مجموعه کانالهای مدح و مرثیه

 

----------- متن نوحه احوالات حضرت علی اکبر (ع) ---------

وداع حضرت علی اکبر (ع)

 

اَگلَش یِره بیر اِیلوم علی شانه بو زُلفون

ایندی باتاجاق چون که قیزیل قانه بو زلفون

 

بو حُسنِ جَمالون اُولوب آفاقیده مشهور

الحَق یِری وار سندن آلا شمس و قَمر نور

بو عارضِ آلون بِئله قُویما اُولا مَستور

رخصت وِئر اوغول باری چَکوم شانه بو زلفون

 

پیغبره حسرت او زمانی که قالاردوخ

سندن علی دنیاده اونون عطرین آلاردوخ

رخساریوه باخدوقجا ، اونی یاده سالاردوخ

حایِل ندی اُولموش رُخِ رَخشانه بو زلفون

 

باخدوقجا بو شَهلا گُوزَه ، اِی تازه جوانیم

قلبیم یانار ، افلاکه چیخار آه و فَغانیم

گَل قُوی باشووی سینه َمه اِی روح و روانیم

راحت وِئره بلکه دل سوزانه بو زلفون

 

تعجیل اِئدوسن سن تاپاسان فیضِ شهادت

منع اِئتمرم اصلا سنی ای کانِ مَلاحت

بر پا اُولور امّا آناوا اُوزگه قیامت

غَلطیده اِئده قانووه بیگانه بو زلفون

 

باخدوقجا گُوزونده ، بو گُوزوم ، طَرز نگاهه

بو دوده یِ آهیم اوجالور مِهریله ماهه

وابسته دی بو مرغِ دل اُول زلفِ سیاهه

گَللَم علی چَکسه منی هَر یانه بو زلفون

 

زلفون تِلینه ، بسته دور آخر علی گُوگلوم

باغلوب اُو سیَه مویَه علاقه ، بلَی گوگلوم

دوشسه یِره گَر بیر تِلی ، درده گَلی گوگلوم

اِیلَر منی مجنون کیمی دیوانه بو زلفون

 

 ای دشت وجاهتده، بیر آهوی دل آرام

صیّادِ شهادت سنی ایلیوب اُوزونه رام

سندن صورا حاشا دلِ لیلا اُولا آرام

چون رشته یِ جاندور مَنه نالانه بو زُلفون

 

 (زایر) بو حسین دَرگَهیدی ، بابِ کرامت

محبوبدی بو دَرگَهِ اَعلاده ، صداقت

صدقیله یاز ، آغلا ، سنه اِیلَر بو کفایت

اَگلَش یِره بیر ، ایلوم علی شانه بو زلفون

 

مرحوم کربلایی اسد آقا زائر محمدی

منبع مجموعه کانالهای مدح و مرثیه

 

----------- متن نوحه احوالات حضرت علی اکبر (ع) ---------

حضرت علی اکبر (ع)

 

ای دل حقیقتله دوشون بیر خدا نَدور

بیل صانعِ حقیقی ندور ، ماسوا نَدور

 

باخ ماسوایه گور اثراتِ حقیقتی

ایلر سنه حکایت ، اولان مدّعی' ندور

 

باخماز حقیقت اهلی مگر بیر حقیقته

مَدّ نظرده بیلمز اولان ماعدا ندور

 

عارف دگل حقیقته ، اهلِ مجاز اولان

مطلب بودور دئیدوم داخی چون و چرا ندور

 

هر کس اوزون حقیقتله آشنا بولر

تا امتحان اولونماسا بو آشنا ندور

 

اوّلده انبیایه ویریلدی بو امتحان

بی امتحان رسول ندور ، انبیا ندور

 

آخر یتوب وصیلره نوبت بو امرده

تا امتحان ثبوته ویره اوصیا ندور

 

بو امتحان عوالمینه واقف اولمیان

مشگلدی بولسون عالَمِ قالوا بلی' ندور

 

سس یتدی چون اَلستیده امرِ شهادته

ارواح تا توجّه ایدوب بو صدا ندور

 

اولدی سکوتِ محض ، تمام انبیا رُسُل

بولمزدیلر ارادهء ربّ العُلی' ندور

 

لبیّک اوجالدی نورِ منیرِ حسیندن

محبوبه ، اهلِ عشق جوابینده لا ندور

 

باغلاندی عهد ماحَضَرین بذلِ یار ایده

ایثار نفسین ایتمسه عهد و وفا ندور

 

تا وقت او وقت اولوب ویره اوز امتحانینی

گوردی محلّ اولماسا کرب و بلا ندور

 

ترکِ وطن قیلوب ، گوتوروب اهلِ بیتینی

عشق اهلینه وطن ندی ؟ قوم اقربا ندور

 

احرامِ عشق باغلادی یوز قویدی مقصده

باخموب که سِیرِ عشقیده صبح و مسا ندور

 

تا بیر محلّده جلوه لنوب جلوهء حبیب

اهلِ نظر بیلر که او نور و جلا ندور

 

قیلدی حریمِ وصلی مُزیّن شهِ حرم

ایستوب عیان ایده که حریمِ ولا ندور

 

ویردی امیرِ حجّ حقیقت ، نزوله امر

تا بولسون اهلِ حجّ بو یرده صفا ندور

 

سویلوب گرک بو بزمده بیگانه قالماسون

بیلمز ضلالت اهلی  طریقِ هدا ندور

 

اهلِ خللدن ایلدی خالی چو بزمینی

کشف ایلیوب که کعبه ندور یا منا ندور

 

گیدیردی اکبرینه کفن سویلدی اوغول

گُل اولماسان ، بو عرصه گلگون قبا ندور؟

 

گتدی ئولوم ایاقینه تاپشوردی قاتله

بیلمم که عشقدور بو؟ محبتدی؟ یا ندور؟

 

یوز دوتدی اهل کوفیه کِی قومِ تیره دل

یاخشی باخون بو آیینهء مصطفی ندور؟

 

جدّیم شبیهی ، قلبیمین آرامیدور منیم

بونسوز منیم گوزومده کی نور و ضیا ندور؟

 

امّا بو گون محبّتمه مقتضی بودور

قربان ویرم حبیبیمه مندن اِبا ندور؟

 

باشدان ایاقه دوغرانا گُل جسمی راضیم

گر اولماسا قضایه موافق رضا ندور؟

 

هم من رضایم ، هم آناسی ، هم اوزی رضا

ردّ و قبول ایچون گوراخ امرِ قضا ندور؟

 

سیزده چکون قلجلاری قربانیمی کسون

دوغرانماسا تیکه تیکه اعضاسی تا ندور؟

 

وورساز نقدری یاره دئمز افّ ، اینجمز

مستِ مِی مُحبّ دی ، بولمز یارا ندور

 

فکر ایتمیون که حسرتی وار ، کامه یتمیوب

خنجر دمینده اولماسا کامی روا ، ندور؟

 

باخمون آناسی باش آچوب وای اوغول دییر

حسرتله اوغلون اوخشماسا گر آنا ندور؟

 

سو ایستسه اگر ، سو کیمی قانینی توکون

اوز قانین ایچمه سه سو یرینه فدا ندور؟

 

ذبح ایلینده سسلیون اما اوزوم گَلوم

قربان ویرن گر ایتمسه ختمِ دعا ندور؟

 

قان ایچره ال ایاق چالا ، منده الین دوتام

تا قبلیه چوورمَسه اوغلون آتا ، ندور؟

 

عهدیمدی جان ویرنده قوجاقیمده جان ویره

جان ویرمسه آتا قوجاقوندا بالا ندور؟

 

قانی گرک محاسنیمی ایلسون خضاب

بیر بیله گونده قانیدن آرتوخ حنا ندور؟

 

(ذهنی) داریخما شغلون اولوب نوحه صبح و شام

محشرده آنلاسان که بو نوحه ، نوا ندور.

 

مرحوم مشهدی علی اصغر ذهنی

منبع مجموعه کانالهای مدح و مرثیه

 

----------- متن نوحه احوالات حضرت علی اکبر (ع) ---------

عزم میدان حضرت علی اکبر(ع)

 

بو نجه گوندی ؟ طلوع ، شبِ یلدا ایلیوب

عالمی نورِ رُخی ، وادی طُوّی ایلیوب

قالوب حیرتده عدو ، بیر بیره نجوا ایلیوب

دئدیلر اکبره هر کیمسه تماشا ایلیوب

بشر اولماز بیله ، اکبردی تجلّا ایلیوب

 

الحَذَر الحذر ، اول طُرّهء طَرّاریندن

یوز مین عاشق دِلی ، آویزیدی هر تاریندن

خَرّ موسی صَعِقا ، پرتوِ رخساریندن

بودور عیسایه ویرن دم ، دمِ گفتاریندن

که او دَم ، مُردهء صد ساله نی احیا ایلیوب

 

قاریشوب بیر بیرینه لشگر ، اوجالدی سخنی

قالدی دریای تحیّرده گوروب قومِ دنی

ظلمتِ محضه ، ویروب نور ، او جمالِ حَسنی

هاردا قالموش او دیَن ، طوریده ربّ اَرِنی؟

گوره پیدا اوزونی لله الاَعلا ایلیوب

 

بیر نظر ، عارضِ آل و خط و خالینه باخان

قالوب حیرتده دییردی بودور حیّ مَنّان

لامکان ، کرب و بلا دشتینی ایلوبدی مکان

بو یقین سوزدی دیوللر که گورونمز ، سبحان

لَن ترانی ایشیدوب ، موسی تمنّا ایلیوب

 

قسم آللهه بو الله دگل ، حیدردور

باشدا عمّامه سی ، عمّامهء پیغمبردور

خَلقا" و خُلقا" و نِطقا" بو همان سروردور

دئدیلر یوخ ، بو حسین اوغلی علی اکبردور

آتاسندان که جهاد اِذنی تمنّا ایلیوب

 

دلِ عُشّاقه خمِ طُرّه لری قاتلدور

که بونا عاشق اولان ، طایفه خونین دلدور

مشکِ آهوی خُتَن قاندان اولان حاصلدور

جلوه یوسفده ایدن حُسن نه آب و گِلدور

پردهء عصمتی صدپاره زلیخا ایلیوب

 

ابن سعدین حق ایوین یخسون ، آچوب جنگه عَلم

بودی نقّاش ، ویرن نقشینه هر آنیده دم

روح الاَرواحیدی بونسوز کی عدمدور عدم

عدم آئینهء لادور به وجودِ اکرم

لای نفسیله چون اول صورتِ اِلّا ایلیوب

 

بیر قوی دشمنینی ئولدوروب اول تازه جوان

ویرمیوب حیدر کرّار تک اعدایه امان

قیدوب خیمه لره عرض ایلدی ای بابا جان

جایزه ایله کرم گر سووا وارونسا گمان

کون و ماکانه سیزی حق ، اوزی سقّا ایلیوب

 

اوپدی شاهینون الیندن که او شهبازِ سفید

عطش ئولدوردی منی عرض ایدوب ای شاهِ وحید

بیر علاج ایله هلاک ایتدی منی ثِقلِ حدید

سوسوز اول دم گوروب اوز اوغلینی هادیّ رشید

گوشهء چشمِ عنایاتیله ایما ایلیوب

 

ثقلِ حدید : سنگینی آهن

 

دیلینی ویردی اوغول آغزینا ، خشک و تریلن

مُهر ایدوب هیکلِ توحیدینی انگشتریلن

چون کُمیل ابن زیادِ نَخَعی حیدریلن

کوکبا" قَد طلعا" صبح علی اکبریلن

نکته باریکیدی چون بیر بیره نجوا ایلیوب

 

مرتبه مرتبه زَندیقدی عشقیله طباع

بس مطیعیدون اوغول ، ایندی اولوبسان مُطاع

گلدی مقصودِ حقیقت اله ، دفع اولدی صُداع

گیت اوغول خیمه ده بیرده ایله لیلانی وداع

خرمنِ عمرینی هجرون اودی یغما ایلیوب

 

گلدی میدانه مبارز طلب ایتدی او جوان

بیر یهودی نجه ناگه ایدوب حمله دالدان

قلجا ویردی علی اکبرون آنّندا مکان

یول با یول هاشمی خال اوستن آخوب قرمزی قان

وَه نه شق القمر آسانیمیش ، اعدا ، ایلیوب

 

باشینون قانی اولوب عارضِ عالینه نقاب

قوللارین بوینونا سالدی ، دئدی دورما ای عقاب

سالما بو یرده منی خیمه لره ایله شتاب

قالمادی منده جهاده داخی بیر طاقت و تاب

گوزلری یولدا آنام ایندی مُصلّا ایلیوب

 

بیر نفر اولمادی ، اول وقته گیره آرخاسینه

یاره کارگر اولوب ، زینی باسوب سینه سینه

بیر الین قویدی مبارک باشینون یاره سینه

قوزانا ، هر چه ویروب دورماقا جرأت اوزینه

خُرد ، عمودیله ، بِلین گوردی او ترسا ایلیوب

 

قیلدی بو حالده حمله گینه ، بیر آیری شقی

گوردی آت اوسته اوتورماقلیقا یوخدور رَمقی

دوشدی آئینهء حقون یره گلگون شفقی

داغیلوب چوللره قرآنِ مجیدون ورقی

دوشدی آتدان یارالی ، توپراقی مأوا ایلیوب

 

کربلایه باش آچوخ گلدی چو پیغمبر ئوزی

قوملار اوسته یخیلوب ، گوردی علی اکبر اُوزی

کیمیا تک اثری وار ، ولی یوخ پیکر اوزی

عرشِ نیلی دن او دم گوردی شهِ خاور اوزی

قره توپراقی قیزیل قانی مُطلّا ایلیوب

 

آزدی واللهی آخا هر مُژه دن صد جیحون

نوح وار ایلیه عالملری مستغرقِ خون

علی اکبر کیمی عالمده خدایا اوغولون

قطعه قطعه آتا آناسی گورن وقته اونون

پیکرین ، صبر و تحمّل نجه آیا ایلیوب؟

 

لطف ایدر روزِ جزاده او شهِ تشنه لبان

وار امیدیم ویره هر بیتیمه بیر بیت جِنان

ندی جنّات ، اوزی اولمیا اوردا جانان

آفرین نطقوه (بیضا) یدِ بیضا ایلیوب

 

مرحوم بیضای اردبیلی

منبع مجموعه کانالهای مدح و مرثیه

 

----------- متن نوحه احوالات حضرت علی اکبر (ع) ---------

لباسِ رزم پوشیدن حضرت علی اکبر (ع)

 

غرض امامِ اُمم ، شاهِ مذهب و ملّت

علی اکبره ویردی جهاد ایچون رخصت

 

قایتدی خیمه سینه اول جوانِ مه طلعت

سِلاحِ رزمیله تا قدّینه ویره زینت

 

قویوب برابره آلاتِ رزمی ، آماده

شروع ایدوب ویره پیرایه قدِ شمشاده

 

توکنده کاکلین آئینهء صُنعِ اِله اوسته

سحابِ پُر مطر ، گویا دوزولدی قرصِ ماه اوسته

 

جمالینده شعاعِ پرتوِ شمس الضحی ، پیدا

مقابل دوردی ، زلفی بیر طرف همچون شبِ یلدا

 

چکوب سدّ سکندر تک ، حصارِ اندامینه خفتان

مثالِ آفتاب اولدی حجابِ ابرده پنهان

 

گیوب جوشنِ زره ، ترتیب ویردی قد رعنایه

صدای ماشاءالله چیخدی طاقِ عرشِ اعلایه

 

بلینه باغلادی بیر ناوکِ مژگانی تک خنجر

دمی ، خونریز و برّان ، مثلِ برقِ شعلهء آذر

 

سِپر کتفینده بیر آرایشیلن استوار اولدی

فلکده مِهرِ زرّین تاب ، گویا برقرار اولدی

 

کمندِ پُر گره ، چین چین اولاندا مُتصّل دوشه

چکوب اول یوسفِ مصرِ بلا اندامین آغوشه

 

خمِ ابروسی تک ، آلدی کمان ، اول حیدرِ ثانی

چکلدی چرخه قوس الله ، دنیا اولدی نورانی

 

بو نوعیلن گیینوردی پیمبرون نوه سی

یتشیدی سَمعِنه بیر طرفه آه و ناله سسی

 

دونوب باخاندا نه گوردی ، سکینه قان آغلار

وورا وورا باشا ، هر لحظه الامان آغلار

 

سکینه نی چکوب آغوشینه علی اکبر

دئدی نه باعث اولوب ، آغلیرسان ای خواهر؟...

 

مرحوم قمری

منبع مجموعه کانالهای مدح و مرثیه

 

----------- متن نوحه احوالات حضرت علی اکبر (ع) ---------

در احوالات حضرت علی اکبر (ع)

 

تیر آهیم سرّی وار بوچرخ مینادن گیچر

داد و فریاد ایلرم نالم ثرّیادن گیچر

 

هیئت عالم دگرگوندور کواکب منقلب

نکته چوخ باریکدور حلّ معمّادن گیچر

 

صبح صادقده بو گون طالع اولوب خورشید دین

لعمۀ نور جمال الله زوایادن گیچر

 

قطب عالم حجة ابن العسکری ناموس دهر

گوئیا بی پرده شرق سُرَّ من رآدن کیچر

 

جرم خورشید جهانتابه یتوب مرئی کسوف

بو کسوفیله ایشق گون لیل یلدادن گیچر

 

نیّر اعظمدی گون بالذّات واردور اوندا نور

مسئله واضحدی سوز یوخ لفظ معنادن گیچر

 

گون شعاعی اولماسا آی هاردان ایلر اقتباس

پردۀ ظلمت مگر بو سطح غبردان گیچر

 

غیبت کبری ایدوب شمس امامت اختیار

سرّی وار گلمور ظهوره ستر اخفادن گیچر

 

مکّه دن بر گون طلوع ایلر الینده ذوالفقار

حد ورار جرم کبیره لیک صغرادن گیچر

 

درک ایدنمور نقطۀ مقصودی پرگار وجود

گرچه بی پرده اوزی هر چشم بینادن گیچر

 

آختارور چون دایره بیر قطب اعظم اهل دل

عالم حیرتده گورمور نقطۀ بادن گیچر

 

اون ایکی برجین نظامنده وار ایله اختلال

فرق یوخ حوت و حملده ثور جوزادن گیچر

 

زهره نی تیر زحل اوز خط سیریندن سالوب

مشتری میزان غمدور کیم مرایادن گیچر

 

درده گلدی خاطریم یازمور قلم مقصودیمی

سرّیم اولسا فاش ایاقیم طاق کسرادن گیچر

 

فکریمی بُلمور اهالی یازدیقیم وئرمور ثمر

شعلۀ آهیم اگرچه سنگ خارادن گیچر

 

من اوزم اوز یازدیقیم اشعاره دلدن عاشقم

نیلیوم عاشق مگر زلف سمن سادن گچر

 

عشق لیلادن قویوب مجنون باشا تاج جنون

شمعدن پروانه گیچسه وامق عذرادن گیچر

 

پای داره گیتماقی منصوری ایلوب پایدار

باش ویرر صنعان دیمه جعد مطرّادن گیچر

 

عشقده بر امتیاز نقطه حُبیّ جُبّ ایدر

اوز حیاتین ترک ایدر یوسف زلیخادن گیچر

 

اختیاریله بدن کسمز علاقه روحدن

کیم دیر شوریده سر زلف چلیپادن گیچر

 

آیری بیرعالمدی بو عالم عوالم صاحبی

ماسوانی ترک ایدر دنیا و عقبادن گیچر

 

ایستسن بو مطلبین توضیحنه لمّی دلیل

گور نجه پیغمبر اوغلی شبه طاهادن گیچر

 

قدسیان مبهوت اولوب شاه شهیدین صبرینه

عرض ایدوبلر ای خدا کیم بیله برنادن گیچر

 

قلب عالم اوز امامت قوّه سیله ال چکوب

بُلمورم لیلا نجه اول ماه سیمادن گیچر

 

نوجوان اوغلین یولا سالدی ئولوم میداننه

سوز قلبی باخمادی افلاک خضرادن گیچر

 

روحی گیتدی قالب بیروح تک قالدی اوزی

ناله سی حال وَلَهده عرش اعلادن گیچر

 

شامیان گوردی قتاله بیر ملک صورت گلور

شهرت نور جمالی شمس دنیادن گیچر

 

توکدیلر آلات حربی چکدیلر بیردن فغان

حُسنه باخ دشمن باخاندا فکر ایذادن گیچر

 

سسلنوبلر رجعت ایلوب رحمةً للعالمین

یاعلی المرتضی بو دشت هیجادن گیچر

 

گور حسین بن علی امری هارا منجرّ اولوب

بیله گل یوزلی جوان عالم آرادن گیچر

 

بیر نگاهیله دل دنیانی ایلر تار مار

باش وجاندان هر باخان گوزلر بیرایمادن گیچر

 

بو جوانه یاره وورسا هر کیم اولسون شل الی

کیم بیله آهو باخیشلی چشم شهلادن گیچر

 

سسلدی سعد اوغلی پیغمبر دگل اکبردی بو

سانمیون پیغمبر اکرم بو صحرادن گیجر

 

بو حسینون روحیدور جان جهان فرزندیدور

تالی موسادی گویا طور سینادن گیچر

 

ای جماعت جهد ایدون بو نوجوانی ئولدرون

چون ریاست آختاران ابطال، پروادن گیچر

 

شاهده مفتی حسینون قتلینه فتوا ویروب

کیم باخوب نورس جوانین گورسه فتوادن گیچر

 

بو جوان ئولسه حسین قالماز داخی بوندان صورا

گیچسه هر کیم روحدن بالمرّه اعضادن گیچر

 

جرأته گلدی قشون آماده اولدی قتلینه

دهره باخ اعلانون امر قتلی ادنادن گیچر

 

بیر رشادت بیر شجاعت گوستروب شبه نبی

چرخ چارمده سسی گوش مسیحادن گیچر

 

تیغ تیزی گزدوروردی الده صهبای اجل

عمردن نوش ایلین بو قانلو صهبادن گیچر

 

قابض الارواح ساقی تیغ ساغر قان شراب

هوشه گلمز شاربی تا قعر سفلادن گیچر

 

قویدی میدانه قدم هر کیم دوتوب راه عدم

گوئیا سوزنده اخگر نقش دیبادن گیچر

 

اولمیوب بیر کیمسه ده قدرت مبارز دورماقا

گوردی اکبر ال گوتورماق رسم دعوادن گیچر

 

قبضۀ شمشیر الینده ائتدی حمله لشگره

تیغی گویا برقدور افواج اعدادن گیچر

 

یاتدی بیرقلر سنوب صفلر اولوب برهم نظام

شیر شرزه گوئیا اول قانلو بیدادن گیچر

 

میمنه سندی داغلدی میسره قلب و جناح

پهلوانلار تک به تک راه منایادن گیچر

 

تیغ قهر آمیزی یمناده ووراندا دشمنه

برق لامع تک شعاعی فوج یسرادن گیچر

 

اَلحَذر این المفر اوج ائتدی اهل شامدن

گوئیا روباه پیش شیر غرّادن گیچر

 

یوز قویوب شهزاده هر سمته یاراردی صفلری

بیر قیامت اولدی شوری حشر عظمادن گیچر

 

باشلادی شام اهلی ضجّه ویردی فرمان ابن سعد

ای جماعت فرصت هیجا شکیبادن گیچر

 

دورت طرفدن بو جوانی تیر باران ایلیون

نوک پیکان جسمنی دولدورسا یارادن گیچر

 

اوخ اوخ اوستن توکدولر دورت بیر طرفدن اهل کین

رزمدن یوخسا بو زخم تاب فرسادن گیچر

 

اوخ وورانلار ظاهراً اوخ ووردی جسم اکبره

باطناً هر نوک پیکان قلب لیلادن گیچر

 

منقذ ابن مرّه آخر مکریله ائتدی کمین

حق مگر اول بیحیای کینه جویادن گیچر

 

بیر قلج ووردیباشیندان قان دوتوب گول صورتین

رنگ رخساری گوروبلر رنگ رعنادن گیچر

 

دولدی شهلا گوزلری قانیله قولّار سست اولوب

بوشلیوبدور مرکبین باخموب که هر جادن گیچر

 

بیمروّتلر تاپوب فرصت آلوبلار انتقام

عرشدن نالم بو شرح محنت افزادن گیچر

 

جور یعقوبی قلم یازمور دلیم لال اول دیمه

خنجر عریان نجه دوغرانموش اعضادن گیچر

 

ساخلا ال یازما حسینی بوندان آرتوخ گر دئسن

فاش اولار مطلب او گزلین سوز هویدادن کچر

 

مرحوم حسینی سعدی زمان

منبع مجموعه کانالهای مدح و مرثیه

 

----------- متن نوحه احوالات حضرت علی اکبر (ع) ---------

وداع حضرت علی اکبر (علیه السلام)

 

گَل سرمه چک بو دیدهٔ گریانه سال یولا

بیر شانه ویر بو زلف پریشانه سال یولا

 

قیل دود آهی سرمه ، اگر شانه اولماسا

ایله حواله پنجهٔ مژگانه سال یولا

 

هرچند چؤخ قرادی گؤزوم یوخدی احتیاج

سرمه چکلّه دیدهٔ قربانه سال یولا

 

سواولماساگؤزون یاشی وار،گل بو زلفیمی

یؤخدور حنا گئدیم باتوروم قانه سال یولا

 

بی تابیلوق چؤخ ایلمه یالقوز آتام باخور

آرتیرما غصّه شاه شهیدانه سال یولا

 

معلوم اولور آنا اورگی چؤخ رقیق اولور

نامردلر قباقینه مردانه سال یولا

 

سنسن انام،سکینه باجیم،یوسفم اوزوم

یعقوب آتام عزیزینی ،زندانه سال یولا

 

ایلر منی شهیدلر ارواحی پیشواز

ایله حلال،تئز منی میدانه سال یولا

 

ییغ یانیوه امیر ولایت حرملرین

دشمن لریم باخولّا امیرانه سال یولا

 

مستانه گؤزلریمه باخوب گئتمه هوشدن

وئر هوشیوی منه ،منی مستانه سال یولا

 

مور ضعیف ،اوزون منه پای ملخ دیوب

بیر پیشکش آپار او سلیمانه سال یولا

 

گَل بیر آنالیق ایله الیمدن دوتوب منیم

وئر کمترین غلام او سلطانه سال یولا

 

هرچند چؤخ چتیندی بو تکلیف لر سنه

مردانه همت ایله دلیرانه،سال یولا

 

مرحوم دخیل مراغه ای

منبع مجموعه کانالهای مدح و مرثیه