متن نوحه ترکی مرحوم بیخود سرابی
مجموعه اشعار آیینی و مذهبی مرحوم بیخود سرابی در مدح و رثای اهلبیت علیهم السلام ، متن نوحه ترکی از مرحوم بیخود سرابی
---
بسته شدن راه فرات
سوسوزدان آل طه دل پریشان
اشاقلارآز قالور یانسون سوسوزدان
سوسوزلوق ایلیوب بیرنوعی تاثیر
تکلمدن اولوب قیزلار گلوگیر
اشاقلار که گلوردی حاله غشدن
دولوب صحرا صدای العطشدن
بو احوال ایلیوب تاثیر غیره
اودم ویدی حمیت ال بریره
خطاب ایتدی منه عاراولسون ایقوم
صباحوز شام تک تاراولسون ای قوم
توکولدی خیمه لردن جمله اصحاب
ندورباعث اولوبسان بیله بی تاب
بریر عرض ایتدی اصحاب کباره
ایدون بو تشنه لر دردینه چاره
صدای العطشدن یاندی قلبیم
حسین اطفالی تک اودلاندی قلبیم
بتول اولادینی دوتسون حرارت
ایدون سیز خیملرده استراحت
غرض عزم ایتدیله راه نجاته
گیچوب جاندان قویوبلار اوز فراته
اولوبلار غوطه ور دریای قهره
گیوب لب تشنه لر فکریله بحره
ووروبلار اوزلرین قلب سپاهه
گتوردولر اودم سو خیمگاهه
قضا ال آچدی مشکه تاپدی فرصت
داغیلدی اولمادی اصفاله قسمت
عطش سالموشدی اطفالی نفسدن
توکولدی سو یره دوشدوله سسدن
یتوب فصل خزان گلشن پوزولسون
خجالتدن بریر آز قالدی السون
دیدی تیر و سنانیله دولیدیم
بو امری گورمییدیم من الیدیم
قضا جاری اولوبدی روز ازل
او گونندن چون بو امر اولموش محول
دوتوب یوز(بیخود)عرض ایتدی حسین جان
اولا جان سن کیمی قربان قربا
مرحوم بیخود سرابی
منبع کانال گنجینه گذشتگان
----------- متن اشعار بیخود سرابی ---------
زبانحال به حضرت علی اکبر (علیه السلام)
هانسی جوان اولوب علی صد پاره سن کیمی
جسمی باتوبدی قانه عقیق یمن کیمی
من بیر دویونجه بیر دولی گوزلی باخمادیم
بو سر و قد و قامته گوگلوم سون کیمی
شام اهلینی گوروم داغلا عیش و گلشنی
گلزاریمی داغدتلا زاغ و زغن کیمی
هر یاره بیر گوزل گل اولوب گل وجودیوه
گلدی چیچکدی هر یری صحن چمن کیمی
قانون آخوب معطر ایدوب کربلا چولون
ایلوب ترابی نافه مشک ختن کیمی
باشون یاراسی نوع حکایت ایدیر سنون
زخم سروندی زخم سر بوالحسن کیمی
الله بو قومدن کسه رحمین گوروم اوغول
روحون علاقه سین بدنونن کسن کیمی
نعشون گرک عباده گیده یوخسا وار یری
عولدورسون اوز اوزون حرم اهلی گورن کیمی
قارداش دیور سکینه باجون زلفنی آچور
تل تل توکور چمن بزین یاسمن کیمی
صغراده گوزلوری یولون ایمدی مدینه ده
قارداش دیور سکینه شیرین سخن کیمی
(بیخود)دی نوحه شوره گتور اهل مجلسی
اکبر غمینده اوخشویون اوغلی عولن کیمی
ای (حافظی)حسینون عزاسینده آغلایان
بزم عزانی فرض ایله بیت الحزن کیمی
مرحوم حافظی و بیخود سرابی
منبع مجموعه کانالهای مدح و مرثیه
----------- متن اشعار بیخود سرابی ---------
زبانحال به حضرت علی اکبر (ع)
علی دویونجا سنه باخمادیم جِداله گلنده
توقّف ایلمدون سن لامحاله گلنده
بو حالیلن باشیوی آلمیشام کناریمه آخر
اویان دانیش منیله ، حاله لا محاله گلنده
اورکده قالمادی طاقت دیلمده اولمادی یارا
و اِن یَکاد اوخییدیم بو خطّ و خاله ، گلنده
اولوبدی هاشمی خالون غریبه قانیله رنگین
نجه‌شکفته لنور لاله اوسته ژاله گلنده
او وقته گاه ایدوب غشّ ، گه آچاردی گوزون
باخاردی حسرتیله اولغریبه حاله گلنده
دیردی یا اَبَتا چوخ آلوب قراریمی الدن
رقیّه آه چکنده صدای ناله گلنده
منی قیامته تک قبریم ایچره آغلاداجاقدور
اونون خرابه مزار اولماقی خیاله گلنده
بس ایلیون بو غمی (واقفیله بیخود) و عجب
یانار گوگل بو جوانین غمی خیاله گلنده.
مرحومین واقف سرابی و بیخود سرابی
منبع مجموعه کانالهای مدح و مرثیه
----------- متن اشعار بیخود سرابی ---------
در احوالات حضرت ابوالفضل (علیه السلام)
سرشکیم جوشه گلدی باشدان اچدی
خبردار اول گوگل سر چشمه داشدی
دوشوبدور روز عاشورا خیاله
خیالیم وار ایداق عباسه ناله
خبر ویر اهل درده هر مریضه
سرشک چشمیله یازسون غریضه
سرشکیله دولوبدور مشک دیده
اخار سقا یولوندا اشک دیده
ابوالفضل عاشقی شرمنده اولماز
النجه منت دشمنده قالماز
جزاده اغلاماز لاشک سوز یوخ
علمدار حسینه اغلیان گوز
گلور قانلی علم قانلی الینده
النده قبرین اول منزلینده
گوررسن گل جمالین شاد اولارسان
فشار قبریدن ازاد اولارسان
اوچوب گوگلوم عقابی چیخدی اوجه
فراتهباخدی دگموش موج موجه
حجاب موجدن گوردی عقابی
عقاب استه دوتولموش افتابی
کسوف مهریدن ظاهردی مطلب
گرک قول باغلی گیتسون شامه زینب
هوادن اود دوتوب اودلاندی گوگلوم
علمدار حسینه یاندی گوگلوم
بو سقای شهید کربلادور
اولا هر مشکلون مشکل گشادور
الوب اذن شهادت قارداشیندان
فراتی موجه سلسون گوز یاشیندان
گلوب دریا کیمی جوش و خروشه
سوئی دولدوردی مشکه سالدی دوشه
تعجب وار کمال جرئتیندن
سو ایچمزدی سو استه غیرتیندن
قزارموشدی علی تک اب و رنگی
قاچوب لشکر اوزاقدان سالدی جنگی
توکوب دشمن وجودین پشته پشته
عقابی گیچماقا قویمازدی کشته
ایدوبدور تیر باران قوم نامرد
دایانمازدی مقابلده هم اورد
دگوبدور جسمینه چوخ تیر و خنجر
او بی پر شاهباز اوخدان اچوب پر
فلک بازو لرین بازیله سالدی
ولایت مهرینین رنگی سارالدی
گیدوب ال ایتمیوب پروا اجلدن
سویون مشکین یره قویمازدی الدن
سپر ایتدی وجودین مشکی استه
یاغاردی جسمینه اوخ دسته دسته
تو کولدی لشکر استه هر طرفدن
اوغولوای ناله سی گلدی نجفدن
گیروبدوربیر نفر ناکه کمینه
تکان ویردی عمود اهنینه
بدنده یاره چوخ ال یوخ اچوق باش
دلیم لال اول نجه سسلوبدی قارداش
یتوش فریاده اولدوم پاره پاره
سینان باشیمی گل ال کناره
علی اوغلین یخوب دشمن اچوب ال
ایاقدان دوشدی قارداش قارداشین گل
شهادت فیضی یاخشی حاصل اولدی
اورکده بیر سوزیم چوخ نسکل اولدی
گلیدون گل جمالین بیر گوریدیم
جما ا للهی گورجاق جان ویریدیم
اوزون گل زینبی ایله خبردار
ووروب باشه منه اولسون عزادار
خبردار ایت سراسر ال طاها
اسیر اولماقلیقا اولسون مهیا
گیچنده قتلگهدن دسته دسته
سنه ماتم دوتاندا نعشین استه
کنیزی فضیه ویرسون اجازه
فرات استه دیسون وار بیر جنازه
اولا هر کیمسه ارباب الحولئج
دیسون صدقیله یا باب الحوائج
ایدللر (واقف و بیخود)کتابت
اولا سرمایه روز قیامت
مرحومین بیخود سرابی و واقف سرابی
منبع کانال گنجینه گذشتگان
----------- متن اشعار بیخود سرابی ---------
در مدح حضرت امام رضا (علیه السلام)
ای پادشاه عرش مقام و ملک خدم
کرسی سریر لوح ضمیر و قلم رقم
هستی عرش ذرهای از نور پاک توست
بر کل ممکنات توئی شاه محتشم
پرتو نیفکند بجهان آفتاب چرخ
بر درگه تو تا نزند سجده صبحدم
ای برده قسمتی همه انبیاء زتو
داود نغمه یاد گرفته مسیح دم
از نور پاک جد تو شد کعبه را شرف
او خانه زاد خالق و تو آهوی حرم
صوت هزار نغمه بلبل ز گلستان
با نغمه ها ثنای تو گویند زیر و بم
باغ بهشت گشته خراسان ز یمن تو
از هر طرف گرفته ملک دور آن حرم
آن گنبد طلای تو از عرش برتر است
جد تو احمد است جلال تو محترم
هر کس که دیده روصه جنت مثال تو
دیگر باو جهیم شود گلشن ارم
یارای آن ندارم و مدح تو چون کنم
مدح تو گفته خالقی چون ذوالنعم
آری تمام لطف تو جویند کاینات
ملک و ملیک وصف تو گویند دمبدم
این نظمها به چشم حسودان چو خنجر است
بر دوستان چو گل شکر آمیخته بهم
منت خدای را که مرا داد فرصتی
صد شکر بوسه ایکه بر این آستان زنم
دارم طمع ز حضرتت انعام و جایزه
طبع روانی و که زنم مدح تو رقم
حاشا زنی به سینه من دست رد خود
دور از مروت است توئی منبع کرم
ای ضامن غزال بیابان مدد نما
یا ثا من الائمه و یا هادی امم
یا سید الکریم منم تشنه کرم
مولا بگیر دست من از پا فتاده ام
الغوث ای یگانه در بحر موسوی
لطفی کنی به (بیخود)اگر وقت مردنم
غرق گناه و معصیتم در صف جزا
گر شافعم نمیشوی ای خاک بر سرم
مرحوم بیخود سرابی
منبع کانال گنجینه گذشتگان
----------- متن اشعار بیخود سرابی ---------
احوالات حضرت ابوالفضل(علیه السلام)
حکم ایلیوبدی قافله سالار کربلا
گیتسون فراتون اوسته علمدار کربلا
اهل حرم چیخوبدی هامی خیمه گاهیدن
یالقوز قالوبدی خیمه ده بیمار کربلا
باخدی سکینیه گوروب از بس که تشنه دی
دلدن دوشوبدی بلبل گلزار کربلا
عزم ایلیوب سوسوزلارا یا سو گتورمگه
یا الّلرینی قطع ایده کفّار کربلا
گلدی فراته ایچمدی سو مشگی دولدوروب
یوز قویدی خیمه گاهه سپهدار کربلا
عباس گوردولر آپارور سو هجوم ایدوب
کسدی یولون او قوم جفا کار کربلا
چنگال آچدی صیده عقاب اوسته چون عقاب
افلاکه چخدی ناله زینهار کربلا
فریاد گیرودار هیاهوی زخمدار
حیرتده قالدی گنبد دوّار کربلا
دوشموشدی کشته پشته نین استونده تلّ تک
مانند رزم حیدر کرّار کربلا
ویرمزدی مشگین الدن الین ایتدیلر قلم
ال دوشدی بیدق اولدی نگونسار کربلا
«واقف» بس ایت بو محنت جانسوزه ویرمه طول
حضّاری درده گتدی بو تیمار کربلا
مرحومین واقف سرابی و بیخود سرابی
منبع مجموعه کانالهای مدح و مرثیه
----------- متن اشعار بیخود سرابی ---------
احوالات حضرت رسول اکرم (صلی الله)
محبوب چون حبیبینه کشف ایلیوب جمال
عنقای اوج قدسه آچوب شهپر وصال
بوکشف بیر جمالیدی حیران قالوبدی عقل
بو اوج بیرجلالیدی مبهوت اولوب خیال
خاتم ویروب حبیبینه جبریل خاتمین
دیباچه وجوده سالوب نقش ارتحال
اولدی حبیب مژده وصلیله شادکام
بو مژده سروریده یوز ویردی اوزگه حال
احباب فرقتیله اولوردی شکسته دل
محبوب وصلتیله اولوردی شکفته حال
تکمیل ایدن زماندا صفر دوره سین قمر
قیلدی سفر ربیعیده گوسترمسون هلال
عرض ایلدی رسوله که یا ایها الرسول
احضار قرب ایدوبدی خداوند ذوالجلال
ارواح انبیایه سن عرش استه اول امام
بانگ صلات چکماقا قوی من اولوم بلال
شمس نوت ایستدی تا ایلسون غروب
گزلین ودایعین قمره قیلدی انتقال
چون صدمه قضا یتوشوب قطب عالمه
دوندی مدار گون دوتوب عالمی ملال
سسلندی یا علی ویرورم جان اوزون یتور
جان تک قوجاقلا جسمیمی باشیم کناره ال
مهریله ماه منزل جوزاده جمع اولوب
بو حال دل دیردی او ایلردی عرضحال
مندن صورا نقدر بلا یتسه صبر قیل
صبرایتمه سن مدارشریعت تاپار زوال
عالمده یاعلی بو در وحی یانماسا
بیر نفس اولماز ایلیه اظهار لایزال
اسلام منهدم اولی باغلانماسا قولون
حق ظاهر اولماز اولماسا زهرا شکسته بال
تیز گل کینه دالیمجا عمو اوغلی دایانما چوخ
اما قریم فاطمه امرین قباقه سال
محبوب چون حبیبینه کشف ایلیوب جمال
عنقای اوج قدسه آچوب شهپر وصال
بوکشف بیر جمالیدی حیران قالوبدی عقل
بو اوج بیرجلالیدی مبهوت اولوب خیال
خاتم ویروب حبیبینه جبریل خاتمین
دیباچه وجوده سالوب نقش ارتحال
اولدی حبیب مژده وصلیله شادکام
بو مژده سروریده یوز ویردی اوزگه حال
احباب فرقتیله اولوردی شکسته دل
محبوب وصلتیله اولوردی شکفته حال
تکمیل ایدن زماندا صفر دوره سین قمر
قیلدی سفر ربیعیده گوسترمسون هلال
عرض ایلدی رسوله که یا ایها الرسول
احضار قرب ایدوبدی خداوند ذوالجلال
ارواح انبیایه سن عرش استه اول امام
بانگ صلات چکماقا قوی من اولوم بلال
شمس نوت ایستدی تا ایلسون غروب
گزلین ودایعین قمره قیلدی انتقال
چون صدمه قضا یتوشوب قطب عالمه
دوندی مدار گون دوتوب عالمی ملال
سسلندی یا علی ویرورم جان اوزون یتور
جان تک قوجاقلا جسمیمی باشیم کناره ال
مهریله ماه منزل جوزاده جمع اولوب
بو حال دل دیردی او ایلردی عرضحال
مندن صورا نقدر بلا یتسه صبر قیل
صبرایتمه سن مدارشریعت تاپار زوال
عالمده یاعلی بو در وحی یانماسا
بیر نفس اولماز ایلیه اظهار لایزال
اسلام منهدم اولی باغلانماسا قولون
حق ظاهر اولماز اولماسا زهرا شکسته بال
تیز گل کینه دالیمجا عمو اوغلی دایانما چوخ
اما قریم فاطمه امرین قباقه سال
چکدیم نقدری زحمت تبلیغ امر حق
اجر رسالت ایلیه لر احترام ال
گیچمز او قدراوغلوم حسینین عراقیده
فتوا یازالا قانینی توکماقلقا حلال
ویرسون گرک فرات کنارینده تشنه جان
سو ایچمسون سوسوز توکولرقانی چون زلال
شمشیریله وجودینی ایلله خط خط
پیکان دمینده سینه سین ایلله خال خال
عباس محنتینده کسر خصم چاره سین
ایلله الف قامتین اکبر غمینده دال
باشسیز قالار جنازه سی چون خرد خرد اولار
باشسیز عیالی ایلمسون رویت احتمال
خورشید تک بالام ایده جاق شامیده غروب
زنجیریله خرابه ده ساخلالا ماه وسال
باشی گهی تنئوره سالار بانگ های هو
گاهی گزرجداده سالاردیره قیل و قال
کرببلا چولینده قالار روحی زینبین
بزم یزیده گیتسه گیدر قالب مثال
تاراج ایدنده خیملرین چوللره قاچار
اتلارایاقی اتدا قالار طفل خردسال
مور ضعیف ((بیخود و واقف))شها بونظم
پای ملخدور الده چکوللرچوخ انفعال
مرحومین واقف سرابی و بیخود سرابی
منبع مجموعه کانالهای مدح و مرثیه
----------- متن اشعار بیخود سرابی ---------
زبانحال حضرت قاسم (علیه السلام)
سالدی دشمن منی آتدان یتیش امداده عمو
قویما نعشیم قالا بو نوعی بو صحراده عمو
دوره می آلدی بو لشکر منه رحم ایتمدیلر
ووردولار نیزه و خنجر منه رحم ایتمدیلر
دوغریوب جسمیمی یکسر منه رحم ایتمدیلر
قاتلیم ایمدی اولوب قتلیمه آماده عمو
باشیم اوسته گل عمو سولدی بهار چمنیم
گور لباسیم بلشوب قانه اولوبدور کفنیم
قویما آت دیرناقی آلتندا قالا گل بدنیم
قانلی قربانیوی درک ایله بو اثناده عمو
بو خیالیله گیدوم بیرده دیدوم خیمه لره
عرض حالیم گیدوم احبابه ایدوم خیمه لره
قویمادی قوم جفاپیشه گیدوم خیمه لره
لبلریم یاندی سوسوزدان لب دریاده عمو
ربّ ارنی دیرم گورماقا منظورِ رخون
لن ترانی دیمه قوی جلوه لنه طور رخون
قوی تجلّی ایده موسایه ایدن نورِ رخون
یتیشور روحه اِفاقه بو تجلّاده عمو
انتظارم باشیم اوسته نولی بیر تیز گله سن
ئولمه میش بیرده جمالون گورم، حالیم بولسه سن
بودی جام الده ویرور سو منه قارداشون حسن
بودی پیغمبر و حیدر، بودی زهراده، عمو
قاسمون گلدی باشی اوسته گلوب جوشه حسین
جسمی صدپاره دوشوب گوردی گیدور هوشه، حسین
گوتوروب باسدی باشین جان کیمی آغوشه حسین
قاسمی گوردی بو حالتده گلوب داده عمو
سسلینده دیدی سن، گلماقا دل مایل اولوب
گلدیم امّا، آرادا دشمن اوغول حایل اولوب
گلمیشم ایمدی بو گلماق ولی بی حاصل اولوب
چوخ گراندور که گلوب یتمیه امداده عمو
«بیخود» ایت جاری بو غمده یوزه اشک بصری
نخل گلزار حسندور اولور آرتوخ ثمری
او یتیمین بو کلامینده نه چوخ وار اثری
عرض ایدوب یخدیلا آتدان یتیش امداده عمو
بیخود سرابی
منبع مجموعه کانالهای مدح و مرثیه
----------- متن اشعار بیخود سرابی ---------
زبانحال حضرت رباب (س)
او گونکه اوخلادیلاراصغری سپاه شرار
امام خیمیه قیتردی شرمسار و فگار
کمال یاسیله ویردی ربابه زینب زار
آلوب او غنچه ی خندانی ایتدی زیب کنار
دیدی علی آنان السون نقدری عمریم وار
بالاسی اولانان آهو کیمی اوغول ملرم
بو قانلی قنداقیوی گه آچوب گهی بلرم
خجالت اولدوم علی اولمادی سویا امکان
سوسوزلوق آتشینه یاندون ایلدون افغان
بو فکریله سنی میدانه یولادیم عطشان
ویرلر اهل جفا سو و لیک میدیله قان
بو نسکلین علی هرگزچیخاتمارام یاددان
بالاسی اولانان آهو کیمی اوغول ملرم
بو قانلی قنداقیوی گه اچوب گهی بلرم
علی او ال که سنی ظلم اوخیله ایتدی قتیل
بویاندی قرمزی قانیله بو عذارجمیل
یقین جزاده آلار دادینی خدای جلیل
ولی من ایتمرم عمریمجه ناله می تعطیل
بودورصریحی حیاتیم اگراولا مین ایل
بالاسی اولانان آهو کیمی اوغول ملرم
بو قانلی قنداقیوی گه آچوب گهی بلرم
ویروبدی هرآنا بیر گل بو گون بو گلشنده
بو غصه روحیمی معناده ایتدی شرمنده
هزارشکریتوشدون شهادته سنده
حضورشهده منی ایتمدون سرافکنده
سنیله عهد ایلدیم هرقدروارام منده
بالاسی اولانان آهو کیمی اوغول ملرم
بو قانلی قنداقیوی گه آچوب گهی بلرم
علی فغانیله (بیخود) دگول دولوب خرگاه
ایدوبله ظلمیده طغیان بو لشکرگمراه
بو اوخ یاراسی بو نازک بوغاز هزاران آه
اودورکه من دوتارام خالق جلیلی گواه
نقدری وارنفسیم ای سپهر عصمته ماه
بالاسی اولانان آهو کیمی اوغول ملرم
بو قانلی قنداقیوی گه آچوب گهی بلرم
مرحوم بیخود سرابی
منبع کانال گنجینه گذشتگان
----------- متن اشعار بیخود سرابی ---------
در احوالات حضرت رسول اکرم (صلی الله)
دوتوبدور ماتمون کون و مکانی یارسول الله
ایدوب ماتم نشین خیرالنسانی یا رسول الله
گیدنده امته اهل و عیالون تاپشوروردون سن
علینین باغلیوبدورقولارین سندنصورا دشمن
الوبدورمحسنی سیندی قولی زهرا ایدوب شیون
قاپوسین یاندوروب فرعون ثانی یارسول الله
نجه شیرخدایه تاپدی ال دشمن کم فرصت
ثانی تیغ جفاالده دیوب قیل یا علی بیعت
چکوبلرمسجده سندنصورا بو بیوفاامت
جفائیله علی المرتضانی یا رسول الله
شهادت ارث اولوب آل خلیل اول گیچوب سردن
بیری مسموم زهریله بیری مقتول خنجردن
حسنده سوده الماسی نوش ایتدی او ساغردن
ایدوب مسموم جعده مجتبانی یا رسول الله
بوگون زهرین شراری مجتبانین سینه سین داغلار
یوزی قارداش یوزینده کربلانی یاد ایدوب آغلار
دیدی قارداش بو اللرحیفدورقارداش گوزین باغلار
اولاربیرگون کسراوزساربانی یا رسول الله
دیردی زینبیم گلسون قرا استن قرا سالسون
آنام زهرا کیمی گلسون باشیم آغوشینه آلسون
باشیندان آچماموش قارداش قراسین بیر قرا سالسون
گورونجه خولی وشمروسنانی یا رسول الله
اگرمشغول اولوبسان ماتم شاه شهیدانه
گذر قیل کربلادن لطف ایله گل بیرخراسانه
باتوب زهرجفادن برگ گل تک لبلری قانه
غریب الدوردولراوغلون رضانی یا رسول الله
خداوندا بو زینب تک کیمین دنیاسی سخت اولدی
گلن گوندن بو دنیایه همیشه تیره بخت اولدی
چیخوب ویرانه مسجددن مقامی پای تخت اولدی
گوروب قارداش لبینده خیزرانی یا رسول الله
گوروبدور یدی قارداش داغینی المزندن زینب
سالوب شبه پیمبر قدینه اخر کفن زینب
گورنده اکبری صدپاره چیخدی خیمدن زینب
فضای محشر ایتدی کربلانی یا رسول الله
حسین الله یولوندا شوقیله پیرو جوان ویردی
بویوردی اصغریم چوخ تشنه دور قومه نشان ویردی
ویروبلرسو یرینه اوخ الی استنده جان ویردی
اوشاهین اصغرشیرین زبانی یا رسول الله
اولوبدورگلشن ماتمده (واقف) اشکبارآغلار
چمن اطرافینی سیراب ایدر ابربهارآغلار
سولان بیرغنچه گل عشقینده (بیخود) زار زار آغلار
اولوب ذکری حسن ورد زبانی یا رسول الله
مرحومین بیخود و واقف سرابی
منبع کانال گنجینه گذشتگان
----------- متن اشعار بیخود سرابی ---------
زبانحال حضرت رباب (سلام الله)
بوغازیندن أخان قانی
این گلرنگ میدانی
حسینین تشنه قربانی
علی اصغریم لایلای
علی لایلای بالام لایلای
بوغازین اوخلیوب
دشمن اویانوب ایلمه شیون
نجه من أیریریلوم سندن
علی اصغریم لایلای
علی لایلای بالام لایلای
سالار هجرین منی درده
قالوب نعشین قوری یرده
دویونجا گل گوروم بیرده
علی اصغریم لایلای
علی لایلای بالام لایلای
گیدور روحیم قالور جانیم
سوسوز سان ای لب عطشانیم
سودیله دولدی پستانیم
علی اصغریم لایلای
علی لایلای بالام لایلای
بوغازین زخم پیکاندی
دولوب قونداقون ألقاندی
سن اوخلاندون أنان یاندی
علی اصغریم لایلای
علی لایلای بالام لایلای
عطشدن چکموسن زحمت
سنه سو اولمادی قسمت
یات ایمدی اول بالا راحت
علی اصغریم لایلای علی لایلای بالام لایلای
مرحوم بیخود سرابی
منبع مجموعه کانالهای مدح و مرثیه
نظرات (۰)
هیچ نظری هنوز ثبت نشده است