متن نوحه ترکی رامین محمدزاده (پریشان)
مجموعه اشعار آیینی و مذهبی رامین محمد زاده (پریشان) در مدح و رثای اهلبیت علیهم السلام ، متن نوحه ترکی از رامین محمد زاده (پریشان)
---
احوالات دیر راهب
ای یاره لی باش دِیری گلستان الیوبسن
بو راهِبی رخساریوه حیران الیوبسن
جسمیم باشا باش عشقیوه مستوریدی گویا
وار گوزلریون نوری خدا نوریدی گویا
بو مَعبَده خوش گلموسن ای قانه باتان باش
بیرجه دانیش ای گوزیاشیمی قانه قاتان باش
بو باش نجه باشدی کیم ائدوب بیله جنایت
حلقونده نیه واردی بو قَد زخم و جراحت
الطافیوه شامل الیوبسن منی ای باش
اظهار اِله کیم سالدی بو حاله سنی ای باش
دیلَّن دیله گل فاش اِله کیمسن سنی تاری
آگاه اِله آلامیوه ای باش منِ زاری
علت نَدی گوزدن بئله دنیانی آتوبسان
معلومیدی مطبَخده کول اوستونده یاتوبسان
صَرصَر یِئلی گلزاریمه گویا اَسیلیبدی
واضحدی باشونان کی قفادن کسیلیبدی
ای کاش بُولم بو باشیوون سلسله سینن
تُوز تپراقی سیلم گوزون هر گیله سینن
اظهار اِله بو ظلم و جنایت سَبَبینن
بیرجه دئگونن اُمُ اَبینَن ؛ نَصَبینن
آیا نه روادور کی بولوت تک دولاسان سن
فکر ایلمورم شخص سلیمان اولاسان سن
سن حضرت آدم سن اگر بو نه فغاندی
حابیلی سن آیا نیه یاشون یارالاندی
یعقوب نبی سن هانی بَس یوسفون ای باش
یعقوب کیمین توکمه عذاره بئله قانیاش
گر نوح نبی سن نیه محکوم بلاسن
طوفان زده سن یاره لی سن غرق دِما سن
یحیاسن اگر بَس ذکریا لرون هاردا
یو سف سن اگر جمع زلیخالرون هاردا
یونس سن اگر نهضتیوون همتی هاردا
موسی سن اگر امتیوون غیرتی هاردا
کیم قویدی کَسر ظلمیله بو حلق ملیحه
وار صورتیون اوخشاری سیمای مَسیحه
شایدَه کی عیسی اولاسان ؛حقه فداسن
ای یاره لی باش اولمیا سن شخص خدا سن؟؟
طشت ایچره گلاب ایچره او مقصوده چاتان باش
بیردن بیره گلدی دیله دنیانی آتان باش
اَمر ایلدی من مظهر خلاق جَلیلم
سر لوحة خلقتلره برهان و دلیلم
من سید و سالار وحید شهدایم
الله دگولم بندة ممتاز خدایم
قانیم منیم الله قانیدی روحه نه لازیم
من نوحی هدایت الدیم نوحه نه لازیم
من باعثِ قبولی هر صوم صلاتم
پاینده ائدن خضری منم ؛ آب حیاتم
من بَذل الدیم روحِ شرف کُل جهانه
الیاسی هدایت الدیم باغ جنانه
گریانیدی پیغمبر خاتم منه خاطر
قبول اولونوب توبة آدم منه خاطر
زمزم منیم عشقیمده اولوب هاجره ظاهر
گلزار اولوب اوت شخصِ خَلیله منه خاطر
موسی منیم آدیمله شکاف ایلدی نیلی
اُول جلوة بَیضاسینه عشقیمدی دلیلی
سالم آپاران یوسفی کنعانه منیدیم
امداد الیین نوح و سلیمانه منیدیم
یحیالره یونس لره سرمایه منیدیم
گهواره ده دَرس اورگدن عیسایه منیدیم
من سِیدُالاَشباب جنان ، نور ملیحَم
عیسی دگولم سرور عیسی مسیحم
بی نقص و شرافتلیدیلر ائیل و تباریم
پیغمبر خاتم دی منیم جَد کُباریم
باخ گوزلریمون نورینه من نور جَلییَم
بیر باخ منه دقتله حسین ابن العَلییَم
من فاطمیه روح و روان ؛ نور دو عینم
اللرده ئولن بی کس و مظلوم حُسینم
ای راهب بیگانه نَه گور دردهَ دُچارم
قارداشیم ئولوب اوغلوم ئولوب بیکس و یارم
شام اهلی بیزی گور نه یامان یوخلادی راهب
عطشان صود امر اصغریمی اوخلادی راهب
یان بو یارالی سیّدین آتشلی سوزونن
اوچ شعبلی اوخ وئردیلار عباس گوزونن
آلاله لریم پرپر اولوب ظلمیله یکسر
قربان مَثَلی اکبریمی دوغرادی لشکر
ئولدوردوله یارانیله انصاریمی راهب
یولاردا دویوبلر بالا قیزلاریمی راهب
بیر گونده اِله گِئدی منیم جاه و جلالیم
عریان دَوه لر اوسته گلور اهل و عیالیم
شاماتیده آل الهی خوش یوخلویان اولماز
فکر ایلمه غم غصه لرین چوخلویان اولماز
وار علّتی ای پاک روان غرق فغانم
اوچ یاشدا قیزیم واردی اوقدری نگرانم
بو شهریده آثار جفا باشلیاجاخدی
ناموسیمی قیزلاریمی ائل داشلیاجاخدی
کربلایی رامین محمدزاده (پریشان)
----------- متن اشعار رامین محمدزاده ---------
در احوالات حضرت علی اصغر (علیه السّلام)
سبک : بخدا دنیا رو نمیخوام بی ابوالفضل
ای اولان دردلر دواسی شاه مظلومان بالاسی
جانیمه اوت سالدی الله بوغازیندا اوخ یاراسی
الیم اوسته چیخدی جانی الله الله
بوغازینان سوزدی قانی الله الله
اوچ گجه گوندوزدی یارب ایچمیوب سو نیمه جاندی
اوخلانوب نازیک بوغازی پیکری پیوسته قاندی
خیمه ده بی کس آناسی یول گوزتلور ناگراندی
هی دیور الله نظر اِئت اولماسین باشدا بلاسی
الیم اوسته چیخدی جانی الله الله
بوغازینان سوزدی قانی الله الله
آناسینان من آلاندا واریدی چوخ سوز و سازی
الیمین اوستونده ایندی پارچالاندی گل بوغازی
قانه باتدی اکبریم تک چوخالوبدور امتیازی
اصغریم اکبر نشانی عشقوون قاندی بهاسی
الیم اوسته چیخدی جانی الله الله
بوغازینان سوزدی قانی الله الله
بو گلی دردیم گتیردیم دُوندرم بلکه گلابه
اوخلانوب اما الیمده دوشدی جانی پیچ و تابه
جان وئریب شش ماهه اوغلی صبری وئرالله ربابه
قانه باتدی چون الیمده صود امر دیلسیز بالاسی
الیم اوسته چیخدی جانی الله الله
بوغازینان سوزدی قانی الله الله
حرمله بولدی سوسوزدی اوخلادی عطشان بالانی
یوخدی الله اللریمنن قوزی قربانی آلانی
نه آلان واردی الیمنن نه ده وار قبره قویانی
نیلیک دیلسیزلرینده واردی گویده بیر خداسی
الیم اوسته چیخدی جانی الله الله
بوغازینان سوزدی قانی الله الله
شاهد اُول یارب بو حالدا بالامون قیلدیم نمازین
عرشیده سن ساخلا الله بو شهیدین امتیازین
گویللره یاز بیشدی پیکان بالامون عطشان بوغازین
نه اوتاندی اوخ آتان اَل نه اوخون اولدی حیاسی
الیم اوسته چیخدی جانی الله الله
بوغازینان سوزدی قانی الله الله
چشمه تک رخساره آخدی گوزلریمنن دیده یاشی
قالدی انگشتر الیمده پارچا پارچا اولدی قاشی
توتماسیدیم اللریمنن اوزولردی فـوری باشی
اصغریمده اولدی یارب دینوون قانلی فداسی
الیم اوسته چیخدی جانی الله الله
بوغازینان سوزدی قانی الله الله
شاهین ئولسه بیرجوانی دردین هش وقت چوخلامازلار
تک قالان بیر شاهی آیا یاد ائدوب هش یوخلامازلار؟
رسمیدور دریا یانیندا تشنه آهو اوخلامازلار
حرمله سیندیردی رسمی واردی یارب چوخ جزاسی
الیم اوسته چیخدی جانی الله الله
بوغازینان سوزدی قانی الله الله
کربلایی رامین محمدزاده ( پریشان)
----------- متن اشعار رامین محمدزاده ---------
در مدح حضرت امام حسن (علیه السّلام)
ای اولان دنیا و هم عقباده رهبر یا حسن
ای عزیز حضرت زهرای اطهر یا حسن
افتخار مکتب ختم پیغمبر یا حسن
وارث شخصیت والای حیدر یا حسن
خلقتونده ذات حق ایلوبدی محشر یا حسن
نوریوی خلق ایلینده خالق پَرده نشین
وَجده گلدی کهکشانلار ؛ عرشیان و هم زمین
سسلدی ناصوتیان خلاقیوه صَد آفرین
گوئیا انگشتره پیغمبره قویدی نگین
تا کی فخر ائدسین سنه شخص پیمبر یا حسن
سن کریم اهل بیت مصطفاسن شک یوخ
نائب تامّ علی المرتضا سن شک یوخ
تک نه شیعه بلکه سن عشقِ خداسن شک یوخ
دردمند و لا علاجانه دواسن شک یوخ
دردینه درمان مریض لر سنن ایستر یا حسن
عشقیوی خلق ایلین عشاقه حراج ایلدی
گوئیا عشق عالمین عشقونله تاراج ایلدی
عشقیوه مین یوسف کنعانی محتاج ایلدی
عشقوی باشه قویوب کروبیان تاج ایلدی
پس اودور گویده ملک لر گونده سسلر یا حسن
عالمی حیرت قویان وجدان پاکوندور سنون
گویده خورشید و ستاره گرد و خاکوندور سنون
من کی سهلم انبیالر سینه چاکوندور سنون
یوسف و نوح و سلیمانلار هلاکوندور سنون
انبیالر آدیوی گورجک دیللر یا حسن
کربلایی رامین محمدزاده (پریشان)
----------- متن اشعار رامین محمدزاده ---------
در مدح حضرت امام علی (علیه السلام)
یک تارموی علی با ارزش تر از هزار عُمر
آدیــوی اشعـاریمه مشـق ایلـدیم
یازدیغیـجا آدیوی عشق ایلدیم
ایستمــورم راه بطـالت گئـدم
یازدیم علی آدینی تا حَض ائدم
دادیـم او گـون کی دادیـوی یاعلی
قلبیمـه یـازدیم آدیـوی یاعلی
قندو شکر یوخ ؛ کی عَسل دی آدون
آدیـوه قربان نه گوزل دی آدون
بَـه بَـه آدون روحی لره جـان وئرور
درد و غـم و محنتـه پایان وئرور
عشقیمـی معنـا الییـن سـن آقـا
نـامـه می امضـا الییـن سن آقا
شمعیـوه یئر گـوی اِلـه پـروانه دی
عشقیوه من یوخ هامی دیوانه دی
یکسـره مخلـوقی لـره شـاهی سن
هـم اَسـداللـه و یَـداللـهی سن
عِیـنُ و یَـدِ حَـقِ تعـالـی علـی
عشقون اگر واردی دئنن یاعلی
وئـردون اورک منـده اورحلنمیشـم
آدیـوی یازدیخجا فَرحلنموشم
عشقیـووی هر یئرده ملاک اتموشم
آدیوی بوینـومدا پلاک اتموشم
سینـه ده چـون بسلمیشـم یـاعلی
صبح مسا سسلمیشـم یـا علی
سـوز و گـدازیمـدی آدون یـا علی
ذکـر نمـازیمـدی آدون یـاعلی
آب حیــاتیمـدی آدون یــا علی
سُوم صـلاتیمدی آدون یـا علی
دِیـر و کِنشتیمـدی آدون یـا علی
بـاغ بهشتیمـدی آدون یـا علی
من سنـون عشقونـده علی زنده ام
عشقیـوه خاطر بئله سر زنده ام
هر کیـم اولا عاشیقـون آزاده دی
حقیـوی کیـم دانسـا زنازاده دی
دانسـادا گـر حَقوی قـوم ظلام
حق مسلـم سن علی والسـلام
ذات عُبـودیّتــه مُلّحقــی سـن
آنـدولا اللـه علـی حقـی سـن
هـرکیـم علـی حَقینـی انکـار ائده
آخ گوروم الله او کسی خار ائده
فکر المـه عشقیـووی باشـدان آتام
آدیـوه قـربان هم آنام هم آتام
عشقیـوی جنـت لـرده سـاتمـارام
عشقیـوی باشدان ئولرَم آتمارام
سـوز بئلـه گلدی هَـدره وئـرمـرم
بیر توکووی میـن عُمَـره وئرمرم
رامین محمد زاده (پریشان)
----------- متن اشعار رامین محمدزاده ---------
تخریب بارگاه ائمۀ بقیع (هشت شوال)
یتیشوب هشتم شوال قلم دقت ائله
فاطمه حقینی اثبات ائله سن ، همت ائله
هشت شوال آدی گلجک آلیشیر سینه یانیر
فاطمه محنتینه ئوز ئوزونه گوز سولانیر
هشت شوال آدی گلجک دوشوری یاده بقیع
چوخ جنایتلره صبر ایلدی دنیاده بقیع
حیف اولا چونکی قالوب وادی غربتده بقیع
خوش گونه کرب وبلا تک قالوب حسرتده بقیع
هشت شوالیده عرشه اوجالیر نوحه سسی
مهدینون چون بو گونه واردی یامان خاطره سی
هشت شوالیده ظلمت اوتی عرشه دایانوب
مهدی فاطمه نین قلب شرر باری یانوب
هشت شوالیده بیر صحنه گوروب یاندی آقام
بیر جنایت اولونوب ایندیده گریاندی آقام
هشت شوالیده بیر سهمیلی طوفان اولونوب
گُلِ گلزار بقیع ظلمیله ویران اولونوب
عربستانیده بیر ظلم ائلدی قوم جفا
بو جنایتلره حیرتده قالوب اهل وفا
یازدیلار نامۀ تخریب ، جفا باشلاندی
اوج ائدوب کینه سماواته بلا باشلاندی
غملی صحبت لرینی بیله بیان ایلدیلر
گلشن فاطمه نی بیرده خزان ایلدیلر
شرمیدن ئولمدیلر صبری سراب ایلدیلر
وحشیانه حرم یاری خراب ایلدیلر
اوچولاندا او حرم تیتردی چون عرش خدا
نه حرم قویدیلا اوردا قالا نه صحن و سرا
دَر و دیوارینی مخروبه ائدوبلر عَلنی
گوزی گریان ائلیوب قانماز عرب فاطمه نی
صحن و گنبد سیز اولوب کان کرم لر یارب
گون قباقینده قالوبدور او حرم لر یارب
بو جنایتله بوتون قلبیلری داغلادیلار
او گوزل قبریلرین یولارینی باغلادیلار
شیعه نین اینده ده یوخ حقی سینه داغلاماقا
او مکاندا اوجادان نوحه دیوب آغلاماقا
ای عزا اهلی گلون بیزده دعا ایلیاقون
غصلی سینه لری غرق صفا ایلیاقون
سسلیاخ آل علی منتقمین دادیمیزه
تا گله مهدی زهرا ئوزی امدادیمیزه
گلمگینن آقامیز قلبیلری شاد ائله سین
اُوچولان مرقدی مهدی ئوزی آباد ائله سین
حَق زهرانی عدالتلَه آلا دیده پُر آب
محو و نابود ائلیه آل سعودی او جناب
کعبه نین بامینه نصب ایلییه بیر قاره عَلم
عالمه حُکم اِئلییه شیعه لرینن با هم
دایانا کعبه کنارینده نظاره ائلییه
کربلا تک اورانی شیعه اداره ائلییه
بُولدُورهَ فاطمنون حقینی دنیایه آقام
بیر حسینیۀ اَعظم سالا زهرایه آقام
طَبل حقانیت فاطمه نی چالدیرسین
اوردا بیر کرب وبلا مثلی حرم سالدیرسین
نجه عباس علی روح ولا کسب ائلدی
اقتداریله فرات اوسته علم نصب ائلدی
مهدی فاطمه اَلطاف و قوا کسب ائله سین
چشمۀ زمزمه عباس علمین نصب ائله سین
یار اولا شیعه لره محنت و ماتملرده
جدینه نوحه دییه ماه محرملرده
کربلادور هامی یئر ظاهری گر فرقی یوخی
کربلایه گِئدوری ماه محرمده چوخی
مشهدَ ماه صفرده ییغیشار آذری لر
سایه لطف رضایه سیخیشار آذری لر
فاطمه عشقینه غم تیرینی قلبه ساچاروخ
فاطمیه گئدروخ مکه ده پرچم آچاروخ
کربلایی رامین محمدزاده (پریشان)
----------- متن اشعار رامین محمدزاده ---------
زبانحال حضرت علی (ع) به حضرت زینب (س) در حال احتضار
سالوب عالمه شراره باشیمون یاراسی زینب
بئله آغلاما کی یوخدی یارامون دواسی زینب
دئمورم منیم غمیمده دل عالمینی داغلا
دئمورم آلیش غمیمده یاکی باشه قاره باغلا
یتیشوب تمامه عمروم ئولورم قیزیم آز آغلا
بالا گورسنور یوزومده ئولومون نماسی زینب
نه باجی واریمدی تاکی منه آغلیا نه قارداش
هامی کودکان کوفه من ایچون توکوله گوزیاش
باشیم اوسته ایندی زهرا گلوب آغلییدی ایکاش
باشیما دوشوبدی والله ننون هواسی زینب
باشیما دینده شمشیر نفسیم اله دایاندی
یاراما بوقدری باخما اورگیم آلیشدی یاندی
گوزوون یاشین عُذاره بئله باغلاما اماندی
هله ساخلا دیده یاشین گوزوون فداسی زینب
هله فاطمه غمینده غم و محنته یانانسان
اورگون یانیر ولیکن منیلنده ناگرانسان
بولورم نقدری غصه گله زینبیم آلانسان
غمه صبراله بوصبرین اولاجاخ بهاسی زینب
بئله قویما نازنینیم اورگون محنده دولسون
شرر بلا گلنده صبریون بهاری سولسون
اله گون قاباخدا واردی گرک اوردا صبرون اولسون
غمه صبراله نقدری اولا گر بلاسی زینب
سفرون قاباخدا واردی کی او آخرین سفردی
اوسفر سنه عزیزیم بئله سانما دردی سردی
ئولاجاخ بوتون عزیزون ؛ ولی آخری ظفردی
گوره جاخسان اوردا عشقین ندی قان بهاسی زینب
گلرم او چولده زینب اورگون یانان زماندا
او چوخور یره حسینیم یخیلوب قانی آخاندا
ئوزی ایتیرمه زینب خنجره الیین آتاندا
قویما اینجیسون حسینون حلقیده یاراسی زینب
او چوخور یره عزیزیم باد غم اسنده گلم
شمر دون اوقانلی باشی ظلمیله کسنده گلم
خنجر آتدا بی کس اوغلوم گل کیمی اسنده گلم
دیللره دوشوبدی چونکی قانلی کربلاسی زینب
کربلایی رامین محمدزاده (پریشان)
----------- متن اشعار رامین محمدزاده ---------
در مدح حضرت ابوالفضل العباس (علیه السلام)
ندن ای دل بئله اولدون دل شیدا دلیسی
الیوبسن منیده دیده شهلا دلیسی
نجه الله اوزی زیبادی گوزلیک بینر
امر واضحدی اولار گوز رخ زیبا دلیسی
نیلیم گوز کی گورور دل بینیر
اولموشام منده بالیخلار کیمی دریا دلیسی
بیر گوزل یار بیندیم کی اونون یوخدی تایی
دئمیون اولدی اورک گورنجه بیجا دلیسی
هانی مجنون کی گلوب اورگشه یار سشمغینی
گورسدم یاریمی تا اولمیا لیلا دلیسی
دئیون الان گله فرهاد سوزوم چوخدی اونا
او نه یاریدی سئویب ؟ یا اولوب حتی دلیسی؟
باشلادی داغ قازا فرهاد کی شیرین بینوب؟
یا کی شیرینن اوتور هی اولا صحرا دلیسی
چاغیرون گلسین هامی عاشق و معشوقه لری
هامی گورسون کی اورک اولدی نه غوغا دلیسی
جار سالون هامی کیمی سئودی پریشاندا بیری
نه گوزل کی اونون اولموش هامی دنیا دلیسی
گوزلریم آدینه قربان کی اونون والِه ایم
سانکی یوسف دور اولوب ایندی زلیخا دلیسی
آدینا قربان اولوم چاره دی هر درده آدی
آدی سقادی اونون منده کی سقا دلیسی
کربلایی رامین محمدزاده (پریشان)
----------- متن اشعار رامین محمدزاده ---------
حضرت امام زمان (عج)
هارداسان یابن الحسن سینمه ماتم قالانوب
کاسه صبریم آقا آیریلیغینان جالانوب
هارداسان یابن الحسن صبریمی غم کسدی آقا
سنی زهرا جانی گل آیریلیغون بسدی آقا
هارداسان یابن الحسن گوزلیور عالم یولووی
گل ظهورایله آلا شیعلرون ساغ صولووی
هارداسان یابن الحسن شیعه نی غم درده سالوب
یول گودن چوخلی جوانین کچوب عمری قوجالوب
گلمدون سن غم اوخی قلبیلری بولدی آقا
قوجالانلار قوجالوب چوخلاریدا ئولدی آقا
قورخورام منده ئولم گورمیم اما سنی من
الله عالیمدی کی قورخوم بودی کی گلمیه سن
گلمسن گُل یوزووی گورمسم اوندا نِئدرم
نجه سن سیز آقاجان خانه قبره گئدرم
مین دَنه غصه و غم ساخلاموشام من یادّا
بولورم گلمگیوین چاره سی تک اللّهدا
گرک الله بویورا سنده ظهور ایلییه سن
تا کی دنیانی آقا مملوء نور ایلییه سن
گرک الله بویورا سنده شها تا گله سن
تا کی ظلمون اورگین فاطمه اوغلی دله سن
گرگ الله اولا راضی سنه فرمان الییه
یر گویه تا کی ظهورون اوزی اعلان الییه
گرک الله بویورا سنده کی تعجیل ائده سن
دینی ناقص الیوبلر اونی تکمیل ائده سن
گرک الله بویورا سنده اجابت ائده سن
تا ظهور ایلیه سن عالمی راحت ائده سن
گرک همیشه سنه بیزده دعا ایلیه غون
قلبیوین یاره سینه بلکه دوا ایلیه غون
نه دیوم گلمغیوین گرچه آقا چوخ ایشی وار
سنون عشقونده قوجالسامدا شها ارزیشی وار
دوزدی کی گلمگیوه خواست خدا لازمدی
ولی عشقونده دیلیم سمت غمه عاضمدی
دوزدی کی گلمگوین امری او الله قالوب
ولی بیر غصه یانان سینه لری درده سالوب
گرچه امضاء ائده جاخ گلمگون اول ذات جلی
بیر گلایه الییم ایندی سنه ماه علی
چون گلاییله آقا بو آلیشان سینه دولی
سنون عشقونده گودور گوزلریم همیشه یولی
کربلایی رامین محمدزاه (پریشان)
----------- متن اشعار رامین محمدزاده ---------
در مدح امیرالمومنین حضرت علی ابن ابیطالب (علیه السلام)
قلم سرمستی دیگر به پا کن
بگو یا مرتضی محشر به پا کن
بگو یا مـرتضا افغان به پا کن
بگو یا مرتضی طـوفان به پا کن
اگر از جام حیدر مست ِ مستی
بگو یا مرتضی گر شیعه هستی
زِ وهابی اگر داری تو کینه
بگو یا مرتضی از عُمق سینه
که نام مرتضی ذکر جلیل است
علی استاد صدها جبرئیل است
کلامم شعر هستی را نگین است
یقیناً این سُخنهایم متین است
شب سرمستی قران و دین است
که دل با دلبر خود همنشین است
اگر چه سینه ام غرق اَنین است
دلم با عشق مولایم اَجین است
علی سلطـان حقِ عالمین است
علی معنای دین راستین است
علی هم مَه رُخ هم مَه جبین است
علی هم نکته دان و نکته بین است
مثال مصطفی حیدر امین است
علی شیرازه قران و دین است
علی درد آشنای مسلمین است
علی سر لشکر شور آفرین است
قسم بر ذات حق که این چنین است
علی بر شیعیان خود مُعین است
تمام دین و قران در همین است
که حُب مرتضی اصلُ الیقین است
علی فُلک نجات مسلمین است
علی داماد ختم المرسلین است
علی بر عاشقان حَبلُ المتین است
علی حق است ، علی حق الیقین است
علی حقانیت را چون قرین است
علی استاد صد روح الامین است
به کوری تمام دشمنانش
فقط حیدر امیر المومنین است
کربلایی رامین محمدزاده (پریشان)
----------- متن اشعار رامین محمدزاده ---------
ولادت حضرت فاطمه زهرا (سلام الله)
یاز قلم یکسره الان اوین آباد خانیم
ماه رخشان و درخشان اوین آباد خانیم
ای اولان دردلره درمان اوین آباد خانیم
مادر شاه شهیدان اوین آباد خانیم
عید یانه ائله احسان اوین آباد خانیم
چوخ بولورسن آدیوی فاطمه جان سسلیرم
چون گوزوم واردی الینده سنه دردیم دییرم
اتگینن یاپوشوب من هامیدان ال اوزرم
روز میلادیوه خاطر قدمونن اوپرم
ای بیزه تحفه شایان اوین آباد خانیم
گل آچوب گلشن ائللرده آدی فاطمه دی
ازبر اولموش هامی دیللرده آدی فاطمه دی
مونس و همدم مادر ده آدی فاطمه دی
همسر فاتح خیبرده آدی فاطمه دی
شافع کل جهان سان اوین آباد خانیم
یارادوبدی سنی خالق بیزه آیتدی خانیم
آدیوی سسلمه گیم اوج سعادتدی خانیم
گلمگون مجلسه واللهی عنایتدی خانیم
گلمسن بیر نظر ائدسنده کفایتدی خانیم
ایلدون عالمی حیران اوین آباد خانیم
شیعیه فاطمه اول ؛ قسمتیوه نار اولماز
فاطمه سسلیینی درده گرفتار اولماز
فاطمه اولماسا هش حیدر کرار اولماز
مرتضا سهلیدی هش احمد مختار اولماز
حیدر و احمده جانسان اوین آباد خانیم
فاطمه گلدی جهان مقدمینه ، مست اولوب
فاطمه ایلن هامی عالمللر اینان : هست اولوب
احمد و حیدره زهراده کی پیوست اولوب
اوچی باهم ییغیشیب بیر یره هم دست اولوب
ادیلر عالمی رضوان اوین آباد خانیم
ای قلم بسدی قوتار دوزدی کی جوشقوندی سوزوم
بو سوزی یازماقاخاطرداخی دای یوخدی دوزوم
روزمادر دی بوگون مهدی زهرایه گوزوم
آقاما قربان اولا دار و نداریم هم اوزوم
دییه بیر دفعه پریشان اوین آباد خانیم
رامین محمد زاده (پریشان)
نظرات (۰)
هیچ نظری هنوز ثبت نشده است