متن نوحه ترکی مرحوم رجایی
مجموعه اشعار برگزیده آیینی و مذهبی مرحوم رجائی در مدح و رثای اهلبیت علیهم السلام ، متن نوحه ترکی از مرحوم رجایی
---
احوالات حضرت علی اصغر (ع)
سعیدین اوغلی بیر حسینه باخدی بیرده لشگره
سسلدی ایندی پوزار آمالیمی بو منظره
هاردادور بس حرمله سو ویرسون اصغره
امریمه تابع اولانلار مجری فرماندیلار
حرمله قویدی کمانه آتدی بیر تیرِ سه پر
اوخ کماندان قورتولاندا ویردی اعلانِ خطر
گوردولر قانه بویاندی صورتِ قرصِ قمر
بیر آتا بیرده بالا القانیله الواندیلار
اهلِ کوفه بیر سه شعبه تیریله کام آلدیلار
گون النده شامیان ، مِهری محاقه سالدیلار
آی باتوبدور خیمه ده ، اولدوزلار آغلار قالدیلار
اشکِ چشمیله یوزه خونابِ دل ریزاندیلار
خطّ سِیرین گون دگیشدی واضح اولدی مسئله
آغ لباسین گوردولر الوان ایدوبدور حرمله
آلدیلار نعشین خانملار ویردیلر الدن اله
هر گورن بولدی نجه شام اهلی بی ایماندیلار
قانلی قونداقین گوروب گلدی اوشاقلار شیونه
بویلانوب باخدی سکینه سسلدی ایوای منه
دور باجون گوز کاسه سینده ساخلیوبدور سو سنه
سوزشِ قلبه آخان گوز یاشلاریم میزاندیلار
چولقادی ظلمت خیامی لیلهء یلدا کیمی
بیر بیره دگدی حرملر ، محشرِ کبری' کیمی
سس چکوب اصغر آناسی آغلادی لیلا کیمی
دین یولوندا اکبر و اصغر سوسوز قرباندیلار
بار الها لطف ایله اولسون (رجایی) مفتخر
ایلسون یولداشلاریله کربلایه بیر سفر
شاهِ دین قبرینده اولسونلار عموما" نوحه گر
هر کسون بیر دردی واردور ، طالبِ درماندیلار.
حرمله بیر ظلم ایدوبدور اشقیا حیراندیلار
ظلمه باخ ، شمس و قمر بیر تیریله اوخلاندیلار.
قسمتی از اشعار مرحوم رجائی
منبع مجموعه کانالهای مدح و مرثیه
----------- متن اشعار مرحوم رجائی ---------
کوچ از قتلگاه
اورک غمین دیماقا بیر یانان دل آختاریرام
دوشوب صعوبته حلّال مشگل آختاریرام
صاقا صولا دولانوب حسرتیله زار و ملول
ایتیرمیشم بو گلستاندا بیر گل آختاریرام
فراقِ یار بلی الدن اختیار آپاروب
قرارِ بلبلی دلدن جفای خار آپاروب
چمنده زاغ و زغن گُلده هر نه وار آپاروب
ایتیرمیشم بو گلستاندا بیر گل آختاریرام
دوشنده بلبل شوریده نون بهار الینه
آلار اله گُلینی ایلر افتخار الینه
دوشوب منیم گُلوم اما بو چولده خار الینه
ایتیرمیشم بو گلستاندا بیر گل آختاریرام
بو گلستاندا گللرین عجب طراوتی وار
هاموسی قرمزیدی عطری وارلطافتی وار
ولی منیم گلومون بیر نچه علامتی وار
ایتیرمیشم بو گلستاندا بیر گل آختاریرام
ویروبدی بلبلی بیرکهنه پیرهن گُلومه
که بلکه ویرمیه ال ، زاغیلن زغن گلومه
ولی گیچن گیجه ال تاپدی اهرمن گلومه
ایتیرمیشم بو گلستاندا بیر گل آختاریرام
سولوبدی غنچه ده گللر ، عجب گلستاندور
بو گللر اوستونه شبنم اولان قیزیل قاندور
گلوم بو یرده منیم شمر الینده خنداندور
ایتیرمیشم بو گلستاندا بیر گل آختاریرام
بو گلستانداکی گللر ورق ورق داغلوب
باخاندا هرطرفه گُلدی بیر طبق داغلوب
ایاقلار آتدا کلامِ خدای حق داغلوب
ایتیرمیشم بو گلستاندا بیر گل آختاریرام
ایشیتمیشم که گلوم غارته چمنده گیدوب
الیده بارماقیدا اهرمن گلنده گیدوب
دیولّه قالمیوب اول کهنه پیرهنده گیدوب
ایتیرمیشم بو گلستاندا بیر گل آختاریرام
عبث دگول ایدرم من بو قدر جوش و خروش
همیشه شعله چکر اولماز عشق اودی خاموش
گلور حسینیمون عطری چخور باشیمدان هوش
ایتیرمیشم بو گلستاندا بیر گل آختاریرام
حسین عزیز آنامون سینه سینده کی گُلوسن
پیمبراوغلی رسول خدایه سوگلوسن
باجون فراقوه تاب ایلمز اوزون بولوسن
ایتیرمیشم بو گلستاندا بیر گل آختاریرام
بلای کرب وبلا اولمیوبدی بس قارداش
مسافرم گیدورم سسنلور جرس قارداش
پناهسیز باجیون ویر سسینه سس قارداش
ایتیرمیشم بو گلستاندا بیر گل آختاریرام
هایاندا دوشموسن ای نوردیدهء زهرا؟
ایشتموسن باجیوین آه و ناله سین آیا
الیم اورکده قالوب دلده آه و واویلا
ایتیرمیشم بو گلستاندا بیر گل آختاریرام
پوزوپدی گلشنیمی زاغیلن زغن گیدورم
وروبلا قولاریما ظلمیله رسن گیدورم
یارالی جسمیله سن قال بو چولده من گیدورم
ایتیرمیشم بو گلستاندا بیر گل آختاریرام
نولوردی شمر قوییدی تاپیدیم اللریوی
سرشگیمیله یوویدیم او قانلی بستریوی
قویانمادیم باجون اولسون مزاره پیکریوی
ایتیرمیشم بو گلستاندا بیر گل آختاریرام
زبسکه امر ایلدی خلقی اتّحاده باشون
سوسوز کسیلدی قفادن بو کربلاده باشون
او دوغرانان بدنون یرده دور جِداده باشون
ایتیرمیشم بو گلستاندا بیر گل آختاریرام
(ریاضی) ایله دعا شعره اشتراک ایدنی
یقین که اجرسیز ایتمزلّه نه اونی نه سنی
(سیدحسین رجائی) ویروب بو سر سخنی
ایتیرمیشم بو گلستاندا بیر گل آختاریرام.
مرحومین کهنموئی و رجائی
منبع مجموعه کانالهای مدح و مرثیه
----------- متن اشعار مرحوم رجائی ---------
در احوالات وداع
هامی بولر که شهون واردی نه مقاماتی
شه آتلاناندا اولار بیر پارا علاماتی
گییله دولتیان تازه رسمی بیرجامه
یازالا نچه گون اوّل بو امره برنامه
قوشون دوزللر یول اوسته سیاست ایله لر
شهون وجودینی لشگر حراست ایله لر
وزیرلر دوزولر دوره دن نظامیله
کسلّه رهگذری خلق ازدحامیله
امیرِ لشکر و سرهنگ ال ال اوسته دورار
نظامیله هامی یول اوسته دسته دسته دورار
دوزله دوره سینه پاسبان او حالیله
قوشون ایدر حرکت حشمت و جلالیله
آلولا شاهی آرایه ایدوب اراده گیدر
اونی سوار ایلینجه هامی پیاده گیدر
بو رسم کربوبلاده نجه تاپوب صورت
ئولونجه شیعلره اولدی مایه حسرت
گوروبدی زینب او سرفوجِ عدّهء نسوان
سوار اولور آتنا شهریارِ کلِ جهان
رکابنی دوتانی یوخدی تکدی بیکسدی
بوغصه زینب مظلومه صبرینی کسدی
توکوب سرشگینی عرض ایتدی اول حمیده سیر
شه آتلاناندا سپاهی مشایعت ایلر
دیمه یوخوندی سپاهون بیله خیال ایتمه
دایان باجون سنه قربان بو نوع تک گیتمه
منیم باشیمدادا بیر فوج لشگریم واردی
بیر عده یاسه باتان قاره معجریم واردی
اجازه ویرمنه بوقیزلارا ویروم فرمان
گلوب سنی یولا سالسون بو جمعِ سرگردان
اگرچه یوخدی اباالفضل و قاسم و اکبر
غم ایلمه نقدر ساقدی زینب مضطر
بو امره لشگر ایچینده چوخ افتخارایلرم
رکابوی دوتارام مرکبه سوار ایلرم
اگر ویریدی اجازه جهاده پیغمبر
گورردیلر که بو زینب نجه جهاد ایلر
نشان ویرردیم علی ضرب و شستینی بیرده
مگر قویاردیم آنامون قانی قالا یرده
اگرقبول ایلسن حاضرم علم گوتورم
دوشم قباقه سنی فوج لشگره یتورم
تصوّر ایلسه هرکیم بولور ندور مطلب
نجه رکابنی دوتدی او دم خانیم زینب
گوروب داخی گیدیری قارداشندان ال اوزدی
او خیردا قیزلاری گیتدی یول اوستونه دوزدی
قویوب کناره نگهبان رباب و لیلادن
گوزتلیون دیدی سیز شاهی مکرِ اعدادن
دورون یانندا اوزومی خیامه تیز یتوروم
یارالی قاراداشیمون کهنه کوینگین گتوروم
ویراردی حسرت الین اوز بلالی سینه سینه
او حالیله قیدوب وارد اولدی خیمه سینه
دولاندی خیمه لری کهنه پیرهن تاپدی
اوپیرهن دولوسی غصه و محن تاپدی
آلوب دوباره اونی پاره ایلدی شه دین
بلّوله معرفت اهلی بومطلبین سرّین
بولوردی چونکه اونون رختینی عدو سویاجاخ
وجودِ اطیبینی یرده بیکفن قویاجاخ
بو مطلبیدی همان شاه کربلا نظری
تمام عالمی یاندوردی فکرینون اثری
نظر بونیدی اونا رغبت ایتمیوب سویالار
اوکهنه کوینکنی ساترِ بدن قویالار
گلنده قتلگهه عترتِ شه مدنی
چتندی گورسه لر عریان قالوبدی گل بدنی
بیری بومطلبی نقل ایلیوبدی اعدادن
دوشنده یادیمه آهیم گیچر ثریادن
دیر او قدر یوباندی حسین تشنه جگر
دوشوبدی حیرته بو امریده قوشون یکسر
گوروبله گلمدی میدانه شهریارِ حجاز
اولوبدی خیمده شیون سسی طنین انداز
دوشوبدی حیرته لشگر هامی بیله بولدی
حسین گلنمدی میدانه خیمده ئولدی
باخان گورر قوشونون وضع و حالی برهمدور
هامی تعجب ایدردی نه وار نه عالمدور
دیردی بیربیرینه اول سپاه کینه شعار
اوشاقلار اوز اوزون ئولدوردی خیمه لرده نه وار
پیاده آتلو بو امره قالوبدی حیرتده
سکوت رزمگهی چولقیوب حقیقتده
سکوت خیمه سینون من حصارینی یخدیم
اوزوم سوروب آتومی تلّین اوستونه چخدیم
تعجبیله باخوردوم خیامه اوز اوزیمه
که ناگهان گورونوب غملو منظره گوزومه
بیری الندن اوپور عرض ایدربابا گیتمه
فراق دردینه گل بیزلری دچار ایتمه
بیری دیردی منه بیرده قیل نظاره بابا
واروندی فرصت اگرآل منی کناره بابا
بیری دیردی بیزی هجر اودیله یاندورما
باشون دالیجا سالوب چوللری دولاندیرما
بیری دیردی بیزه نوشدور قالاخ عطشان
گل ایله ترک سفر ای عزیزِجان باباجان
آپار بو حالتیله ویر منی اوقومه نشان
اوزوم گیدیم ایلیم بلکه دردیمه درمان
دیمه بو لشکر کفاریدن هراس ایلرم
قلج ویرانماسام البته التماس ایدرم
گوتورمرم باباجان ال گروه اعدادن
اوقدر عجز ایلرم ال چکلله دعوادن
او لشکره دیرم ای شرارِناس جهان
بابامدان ال گوتورون ایلیون منی قربان
اگرگورم که سنی ئولدورور بوقوم کفر
دونوب خیامه طرف سسلرم علی اکبر
نجه بو قیزلاری درد و بلایه توش ایدوسن؟
بو قدر دشمن ایچینده قویوب هارا گیدیسن؟
گیدرسن ایندیکه باخ قیزلارین نوا سسینه
اماندی گل بیزی قیتر بابام مدینه سینه
وصال وقتینه گوردی بیر آز زمان قالدی
قویوب عیالینی گوزیاشلی رزمه آت سالدی
(رجائی) بسدی کلامون خفیف ایله قوتار
سوزین لجامینی یغ قورتولان دگور اخبار
اگر چه بیتوه بیربیت واردی جنتده
حقیقت اولماسا ویرمزله یر بو قیمتده...
مرحوم رجائی
منبع مجموعه کانالهای مدح و مرثیه
----------- متن اشعار مرحوم رجائی ---------
در احوالات حضرت موسی ابن جعفر (علیه السلام)
گورسنور آثارِ محنت عالمِ امکانیده
جان ویروب موسی ابن جعفرگوشهء زندانیده
نچه ایل حسرتله غربتده قالوب آغلار گوزی
درد و محنتدن دونوبدور تیره شامه گوندوزی
عبدِ صالح شهرتی ، باب الحوائجدور اوزی
دردینی ایتسون بیان ، عاجز قالان درمانیده
گر باخا چشمِ بصیرت ، اولمیه مانع حجاب
واردی اوضاعِ کواکبده گورر بیر انقلاب
بو غریبون حالی زهرانی ایدوبدور دلکباب
جدّینی آغلار قویوبدور روضهء رضوانیده
عترتین ترک ایلدی غربت اولوبدور مسکنی
اول غریبه سِجنده یر ویردی هارونِ دنی
ظلمتِ مسطوره دن عرشه چیخاردی شیونی
عرض ایدردی بارالها صادقم پیمانیده
بیر چخور یرده ایدردی صدقیله راز و نیاز
متصل شغلی اولوردی گه دعا گاهی نماز
اولنمازین قیمتین بلمز ندور اهل مجاز
کشف ایدر اهلِ حقیقت معنی قرآنیده
بی سبب بولمه عدو زحمت اونا هر آن ویروب
آنلا گور علت ندور زنداندا یالقیز جان ویروب
آند اولا اوز جانینه دینه اوزین قربان ویروب
معرفت اهلی تانولار دینیده قربانیده
بیر وجودیکه مقدس دینینه ناموس اولا
قبرینه شاه وگدالر یوز قویا پابوس اولا
گور نجه انصافدور زنجیریله محبوس اولا
حدّدن چیخمیشدی هارونِ دنی طغیانیده
منده یوخدور شرح حالین یازماقا تاب و توان
نه طریقیله قالوبدور حبسیده چوخدور یازان
جان ویرن وقتینده سسلردی اوغول بس هارداسان؟
گوزلریم آغلار قالوب یول گوزلورم هر آنیده
چرخِ اطلس سیردن قالماز اونون یوخ چاره سی
وار یری تغییر تاپسون ثابت و سیاره سی
گور بو یاره چوخ چتیندور یا قلج اوخ یاره سی؟
بو ستم گورسنمیبدور آلِ بوسفیانیده
امرینه هارون ایدوبدور بیر شقینی انتخاب
شمردن بی رحم و بی انصافیدی خانه خراب
حجة الله نه روادور جدّوه ایتسون عتاب
بلمورم بو نه شقاوتدور او سست ایمانیده
یارسول الله اوزون دور قبریدن امداده گل
سِند الیندن اوغلوی قورتارماقا بغداده گل
عرض ایدیم مطلب ندور سن ناله وفریاده گل
اعتذاریم وار ولی عرض ایتدوقوم عنوانیده
وار یری زهرا بهشتِ عدنیده ماتم قورا
حشر اولونجا شیعه نین قلبین بو محنت یاندورا
نه روا سند ابن شاهک اوغلووا سیلی وورا؟
بیکس و مظلوم امامی انجیده زندانیده
عرصه نی از بسکه تنگ ایتدی اونا اهل جفا
ضعفیدن ایتدی تصرّف جسمینه بادِ صبا
برگِ گل تک میل ایدردی گه صاقا گاهی صولا
وار بو تاثیری نسیمون بوطهء ریحانیده
باش قویاردی سجدیه اول بیکس و بی اقربا
روز و شب اوز حالینه آغلاردی ایلردی نوا
یوز دوتاردی درگهِ معبوده سویلردی خدا
صبر قیلام هر بلایه قدرتِ امکانیده
من دیمم زندان ، بو یر جای عبادتدور منه
سن بولورسن عمده مقصودیم اطاعتدور سنه
زهرِ کین تأثیر ایدوب باعث اولوبدور شیونه
قالمیوبدور اختیاریم سینهء سوزانیده
نچه ایلدور قالمیشام حسرت من اوز اولادیمه
گوز یاشیم قانه دونر هر دم دوشنده یادیمه
راضیم تیز جان ویرم ملحق اولام اجدادیمه
یانمیشام نارِ فراق و آتشِ هجرانیده
ای اولان حُکمنده عرش و فرش و کلِ ماسوا
من غریب و بیکسی زندانیدن قورتار خدا
بیرجه گورسم باشیم اوسته اگلشوب اوغلوم رضا
نوشِ جاندور بذل ایدم جان محضرِ جانانیده
مستجاب ایتدی دعاسین ، سویدی الله ناله سین
قورتولوب زنداندا عمری اولغریب و بیکسین
جان ویرنده باشی اوسته گوردی اوز دادرسین
آختارور ایستکلیسین هر جان ویرن دورانیده
یادیمه دوشدی بو محنتدن غریبِ کربلا
جان ویرن دمده اودا قانلی گوزون آچدی خدا
سینه سی اوسته گوروب شمرِ شریری برملا
قالمامیشدی حالِ دعوا اول شه عطشانیده
ضعف ایدوب حاله گلنده آشنا بیر سس آلوب
گوزلرین آچدی گوره کیم نعشینه سایه سالوب
گوردی قاتل پنجسینده زینبی یالقیز قالوب
تازه قان آثاری واردور خنجرِ برّانیده
سسلدی یالوراما قاتل بی مروّتدور باجی
سن بلورسن مقصدیم فیضِ شهاتدور باجی
دین یولوندا هر مصیبت جانه منّتدور باجی
سنده صبر ایت سربلند اول محضرِ جانانیده
باشیمی زهرا آنام معناده آغوشه آلوب
سن قایت گیت خیمگاهه عترتیم یالقیز قالوب
وار نه علت گور سکینم شورشِ محشر سالوب
صبره قیل دعوت اوزون صغرانیده کبرانیده
ای (رجائی) چخما مطلبدن کناره بیر دایان
چکمه ال باب الحوائج دامنیندن هیچ زمان
آغلا صدقیله اونا قیل دردیوی بیربیر بیان
آغلاسان یانماز وجودون آتشِ نیرانیده.
مرحوم رجائی
منبع مجموعه کانالهای مدح و مرثیه
----------- متن اشعار مرحوم رجائی ---------
زبانحال در اربعین
گلنده کرببلایه او زینب غمگین
زبانحالیدی گویا بیله بویوردی حسین
دورآچ گوزون عباس علمین ال اله قارداش
پیشوازایلیون گلدی گیدن قافله قارداش
دولدور قوریان مشکیوه بو آب فراتی
قویما گله لر سوزعطشدن دله قارداش
زینب باجیمین عطری گلور یاتما اویان دور
یغ لشکریوی باشیوه یوزقوی چوله قارداش
قیما او جالا ۀتلارزین شیحه صداسی
قورخاربالالار ایلمیون هلهله قارداش
بیرسس گلوری الدن آلورصبرو قراری
لیلا سسیدوراکبری سسلور گله قارداش
شیون سسی چوخ اوج ایدوری عرش برینه
اولما بو سکینمدی سیزیلدیربیله قارداش
دورقاسمه بیردسته قزل قرمزی گل در
نصب ایتسون آناسی اوتوران محمله قارداش
گهواره چیخاردون قاباقا بلکه ربابین
لای لای سسینی قبریده اصغربله قارداش
سجادین الیندن یاپوشوب ایله پیاده
ناخوشدی بالام حالتی یوخدور گله قارداش
یوخدور بو گلن قافله ده یوخسا رقیم
گلمورسسی مشتاقم او شیرین دله قارداش
واردوریری گر عرض ایلسم زیب کبری
سسلندی بیله آغلاماقا بو نسکله قارداش
بیرتک سنی یاندورموری اول نازلی رقیه
آغلار قالوب احوالینه بیر سلسله قارداش
نسکلرینی یاده سالان وقتیده زینب
رخساره توکراشکینی بی فاصله قارداش
باشون دالیجا کوفه و شاماتی دولاندی
وصل رخ یاری سالا بلکه اله قارداش
گه دیره چکوبدوراونی اوزباشداکی شوری
گه شامیده ویرانه اولان منزله قارداش
صدحیف اولا مقصوده ولی اولمادی نائل
حسرت قالوب آخرده قبیله ایله قارداش
یاتدی سنی رویاده گوروب بیرگیجه دوردی
ویرانیه آهیله سالوب ولوله قارداش
هرقدردیدیم آغلاما عمن سنه قربان
صبرایلمدی تنگه گلوب حوصله قارداش
دشمن سسین آلدی بالامین ویردی تسلی
چوخ جای تعجبدی بو ایش عاقله قارداش
گوندردی بالا دردینه درمان آتا باشین
باخدی باشیوا باشلادی عرض گله قارداش
دردین دیدی بیربیرسنه تا دوشدی نفسدن
سالدی گیجه وقتینده منی مشکله قارداش
غرق ایتدی منی بحرغمه نازلی رقیه
اوززورق جسمین یتوروب ساحله قارداش
دوشدی نظریم غسل ویرن وقتیده گوردوم
واردورایاقیندا اثرآبله قارداش
اوزکوینگینی جسمینه منده کفن ایتدیم
تاپشوردوم او گل پیکری قبره ایله قارداش
ایتدیم بالاما گوشه ویرانه نی مدفن
غم باغریمی دوندردی منیم مشعله قارداش
ویرانه ده بیربزم عزا منعقد اولدی
معناده گلوب فاطمه اول محفله قارداش
دعوت ایلدیم عترتیوی بزم عزایه
گللر یغوشوب آغلادیلار بلبله قارداش
قبراسته عزا بزمی دوزه لر بودی رسمی
من دوزدوم او شمعی شرر آهله قارداش
غم چکمه که ویرانه ده تک قالدی رقیه
دشمنلرینه ثابت اولوب مسئله قارداش
شام اهلی گلور قبرینه چون دسته بدسته
بلبل کیمی اوخشالا او خندان گله قارداش
آغلا بو غمه توشه ایله قبره (رجائی)
لازیمدی سنه زاد ره و راحله قارداش
مرحوم رجائی تبریزی
منبع مجموعه کانالهای مدح و مرثیه
----------- متن اشعار مرحوم رجائی ---------
اربعین حسینی
آقاز حسینده باخون بیر کرامت و فضله
گلنده قافله یوز دوندروب ابوالفضله
دور آچ گوزون عبّاس علمون آل اله قارداش
پیشواز ایلیون گلدی گئدن قافله قارداش
دولدور قورین مشکووه بو آب فراتی
قویما بالالار سوز عطشدن ئوله قارداش
زینب باجمون عطری گلور یاتما اویان دور
یغ لشگریوی باشوه یوز قوی چوله قارداش
قویما اوجالا آتلاریزون شیحه صداسی
قورخار بالالار ایلمیون هلهله قارداش
بیر سس گلوری الدن آلور صبر و قراری
لیلا سسیدور اکبری سسله گله قارداش
شیون سسی چوخ اوج ائدوری عرش برینه
اولما بو سکینمدی سزیلدر بئله قارداش
دور قاسمه بیر دسته قزل قرمزی گول وئر
نصب ائتسون عروسی اوتوران محمله قارداش
گهواره چخاردون قاباقا بلکه ربابون
لایلای سسینی قبرده اصغر بوله قارداش
سجّادین الیندن یاپشوب ایله پیاده
ناخوشدی بالام طاقتی یوخدور گله قارداش
یوخدور بو گلن قافله ده یوخسا رقیه
گلمور سسی مشتاقم او شیرین دیله قارداش
واردور یری گر عرض ایلسم زینب کبری
سسلندی بئله آغلاما بو نسگله قارداش
بیر تک سنی یاندورموری اول نازلی رقیه
آغلار قالوب احوالینه بیر سلسله قارداش
نسگللرینی یاده سالان وقتیده زینب
رخساره توکر اشکینی بی فاصله قارداش
باشون دالجا کوفه و شاماتی دولاندی
وصل رخ یاری سالا بلکه اله قارداش
گه دیره چکوبدور اونی اوز باشدا کی شوری
گه شامده ویرانه قالان منزله قارداش
صد حیف اولا مقصوده ولی اولمادی نایل
حسرت قالوب آخرده قبیله ائله قارداش
یاتدی سنی رویاده گوروب بیر گجه دوردی
ویرانیه آهیله سالوب ولوله قارداش
هر قدر دئدیم آغلاما عمّون سنه قربان
صبر ایلمدی تنگه او خوش حوصله قارداش
دشمن سسین آلدی بالامون وئردی تسلّی
چوخ جای تعجّبدی بو ایش عاقله قارداش
گوندردی بالا دردینه درمان آتا باشین
باخدی باشوا باشلادی عرض گِله قارداش
دردین دئدی بیر بیر سنه تا دوشدی نفسدن
سالدی گجه وقتینده سنی نسگله قارداش
غرق ائتدی منی بیر غمینه نازلو رقیه
اوز زورق جسمین یتوروب ساحله قارداش
دوشدی نظریم غسل وئرن وقتیده گوردوم
واردور ایاقیندا اثر آبله قارداش
اؤز کوینگیمی جسمینه من بیر کفن ائتدیم
تاپشوردوم او گول پیکری قبره ائله قارداش
ائتدیم بالاما گوشۀ ویرانه نی مدفن
غم باغریمی دوندردی منیم مشعله قارداش
قبر اوسته عزا شمعی دوزلَّر بودی رسمی
من دوزودم او شمعی شرر آهیله قارداش
غم چکمه که ویرانه ده تک قالدی رقیه
دشمنلریمه ثابت اولوب مسأله قارداش
شامه گلوری قبرینه هی دسته به دسته
بلبل کیمی اوخشالّا او شیرین دله قارداش
آغلا بو غمه توشه ایله قبره «رجائی»
لازمدی سنه زاد ره و راحله قارداش
مرحوم رجائی
منبع مجموعه کانالهای مدح و مرثیه
----------- متن اشعار مرحوم رجائی ---------
احوالات اربعین حسینی
دور حسینیم یاخشی ساعتدور بو ساعت زینبه
آچدی وصلون نعمتی باب سعادت زینبه
سالمشام قارداش اله اؤز کعبۀ آمالیمی
اذن وئرسن شرح قیلّام سرگذشت حالیمی
ایلیوب هجران غمی پژمرده تر احوالیمی
ایلمز عاشق اولان هرگز ملامت زینبه
سن اؤزون آگاه سن ای خسرو ملک حجاز
زینبون عشقی حقیقتدور نه صورت نه مجاز
باجیلار ایچره وئروب الله منه بیر امتیاز
ایلیوبدور سن کیمی قارداش کرامت زینبه
بیر اوزون مدّتدی من نار فراقه یانمشام
انتظار وصلیله هر طلمی آسان سانمشام
ظاهراً گرچه طناب ظلمیله باغلانمشام
باطناً عشقون اولوب قید اسارت زینبه
شکر لله اولدی قسمت نعمت وصلون منه
شمر یوخ دونموش بلا صحراسی دشت ایمنه
دور اوتور دردون بیان ایله باجون قربان سنه
بیلکه قارداش ال وئره فیض زیارت زینبه
نعشیوی یرده قویوب شاماته ائتمشدیم سفر
نچه مدتدور باجون چوللرده سرگردان گزر
گلمشم دور وئر منه قلبونده کی اوخدان خبر
شرح حالون سنده بیر ایله روایت زینبه
سن بولورسن پایۀ عشقیم نه میزاندور سنه
قتلگاهون ماجراسی الده برهاندور منه
خاطرونده وار حسینیم یالواروردوم دشمنه
عشقنون اثباتنه ایلر کفایت زینبه
التماس ایلردیم ئولدورمه حسین قارداشمی
چخما عرش داوره توکمه یوزه گوز یاشمی
قارداشمدان ال گوتور ظالم منیم کس باشمی
تاپشوروب زهرا حسینی چون امانت زینبه
غیضدن گرچه دوتولموشدی او بی پروا گوزی
سن بولورسن شمردن باک ایلمز زهرا قزی
ایلیوبدور مفتخر الله شجاعتله بیزی
ارث دور زهرا آنامدان بو شجاعت زینبه
ایستدیم قاتل الیندن قورتارام قارداش سنی
بولمرم اما نجه بی رحمدی شمر دنی
نحس ایاقین قوزادی گوردون نجه ووردی منی
قویمادی حرمت سنه ائتدی جسارت زینبه
تاپمادیم چاره قیتدیم خیمیه شوریله من
اولمادی سن جان وئرنده گوزلریوی باغلیَن
شمر دون ووردی جدایه باشیوی تکبیریلَن
نیزه باشندا اوزون وئردون اشارت زینبه
ائتدی برپا قانلو باشون شور محشر نیزه ده
دینی تبلیغ ایلدی خلقه مکرّر نیزه ده
خیمه دن گوردوم دیور الله اکبر نیزه ده
رمزیله او حالینی ایلر حکایت زینبه
قانلو باشین ماجراسین صبر سرحدّین یخور
چخموری هرگز یادیمدان قلبیمی دائم سخور
کوفه ده گوردوم ووروبلا نیزیه قرآن اوخور
ساخلیوبدی گول یوزون کولدن علامت زینبه
آغلادیم رحم ائتمیوب خولی قویوب باشون کوله
جوشه گلدی آتش عشقیم کسیلدی حوصله
منده ووردوم باشمی شوریله چوبِ محمله
آخدی قان وئردی عجب تغییر حالت زینبه
سانه گلمز گوردوقوم جور و جفا چوخدور حسین
بیر به بیر عرض ایلسم یارای دل یوخدور حسین
گور چتین بو یاره دور یا نیزه و اوخدور حسین
بیر نفر معجر وئروب ائتدی حمایت زینبه
بزم شربه بیزلری حاضر ائدوب اهل عناد
یخماقا دینون ائوین دینسیزلر ائتدی اتّحاد
مست اولوبدور ناروا سوزلر دئدی ابن زیاد
الده چوب خیزران ائتدی اهانت زینبه
دوشدی بو فکره که ئولدورسون منی اول بی حیا
نشر ائدر اهل قلم بوندان صورا هم سالها
دشمنی رحمه گتوردی نالۀ وا عَمَّتا
ائتدیلر بیگانه لر آخر شفاعت زینبه
منده گوستردیم شهامت گردش ایّامده
ایلدیم سوا زیاد اوغلون حضور عامده
بیر شجاعتده نشان وئردیم یزیده شامده
اوندا که قصد ایلدی ائتسون سیاست زینبه
سوز بورا منجر اولوب آگاهیدور پروردگار
قتلمه فرمان وئروب قارداش یزید نابکار
من دایاندیم قورخمادیم عورت اوشاق آغلاشدیلار
سسلدیم اگلش یره ائتمه جسارت زینبه
بو سفردن چوخ مصیبت گوردی آواره باجون
کوفه و شامی دولاندی تاپمادی چاره باجون
چکدیلر دیره گهی گه بزم اغیاره باجون
گه دوگوب گه ائتدیلر طعن و شماتت زینبه
دلده یارا یوخ دیم دوگدی نجه قوم شرار
وئر اجازه ایلیوم اؤز کوینگیمی برکنار
بیربدنده گور نقدری یاره لر آثاری وار
تا شهادت ایلسون هر بیر جراحت زینبه
وعده وئرمیشدیم قبول ائتدیم اؤزوم هر زحمتی
نوش قیلدیم صدق اوزیله جام درد و محنتی
باغریمی قان ایلیوب امّا رقیّه صحبتی
نشگل اولدی بو مصیبت بی نهایت زینبه
وئردیلر ویرانه منزلده بیزه یر اشقیا
توپراق اوسته آج یاتاردی صبحه تک نازلی بالا
بیر گجه گوردوم دوروب سورتور یوزون توپراقلارا
یاتموری ایلور آجندان چوخ شکایت زینبه
حسرتیله آغلادی یاندردی بیر درده منی
سوزلریندن آنلادیم قارداش ائدوب رؤیا سنی
سس اوجالدی گوگلره رحمه گتوردی دشمنی
بتدی بو اثناده بیر عالی بشارت زینبه
گتدیله قانلو باشین ویرانیه اهل جفا
سویلدیم گلدی بابان دور پیشواز ائت آغلاما
آلدی باسدی باغرینا سسلندی هاردیدون بابا
وئرمیشم سنسیز نه چوخ رنج و ریاضت زینبه
ائتدی بیر ذکر مصیبت جمله سینه داغلادوخ
بیر به بیر دردین دئدی سن آغلادون بیز آغلادوخ
آیرلاندا روحی گئتمیشدی گوزینی باغلادوخ
اولمدای بیر کیمسه وئرسون سر سلامت زینبه
کربلاده بیزلری سویموشدی اشرار زمن
نیلیوم بیر معجره محتاجدیم دنیاده من
گوز یاشیله غسل وئردوخ کوینگین ائتدوخ کفن
بو کفندی اولدی اسباب شفاعت زینبه
ای «رجایی» بیر نفر معصومیدن آلدی خبر
حاجتیم وار نیلیوم اولسون دعامه بیر اثر
اقتضا تفصیله یوخدور اؤرگدوبدور مختصر
قیل توسُّل عمّۀ صاحب جلالت زینبه
مرحوم رجائی
منبع مجموعه کانالهای مدح و مرثیه
----------- متن اشعار مرحوم رجائی ---------
اربعین حسینی
بوهمان آختاردیقون خاک شفادور عمه جان
شیعه نی آغلارقویان کرب وبلادور عمه جان
شکرلله باشه یتدی موسم هجران بوگون
قسمت اولدی اربعین شاه مظلومان بوگون
بوزیارت ایلدی هردردیمه درمان بوگون
جام وصلت دردهجرانه دوادورعمه جان
باده وصلیله ایله دردهجرانه دوا
هرمریض عشقه واربوقانلی تربتده شفا
اندیرون لیلانی بویرکربلادور کربلا
هرطرفدن جلوه گرنورخدادورعمه جان
چوخ مصیبت لربیزه بوچولده ویردی اهل شام
بسکه غم چکدیم حیاتیمدن بولورسن دویموشام
من بابامی اوزالیمله بورداقبره قویموشام
یازموشام قبره ذبیحامن قفادور عمه جان
بوحسین ابن علی محبوب داورقبریدور
سینه سی اوزشیرخواره اوغلی اصغرقبریدور
هاردادورگلسون آنام لیلابواکبرقبریدور
آختاروربولسون یری پایین پادورعمه جان
نچه مدت چکموشم حسرت وصاله صبح دشام
یتموشم مقصودیمه بوفیضدن چوخ دلخوشام
احتیاجیم واربوقبره دردمندم ناخوشام
دردمنده تربتی خاک شفادورعمه جان
ممکن اولسا عمه جان بوچولده منزل ایتمیاخ
ایله ساخ منزل بوقبراوستن کناره گیتمیاخ
گربابام آلسا خبر نولدی رقیه نه دیاخ
حقی وارایتسه گلایه باوفادورعمه جان
دردومحنت بیزلره دنیاده مهلت ویرمدی
آل پیغمبرگل مقصودینی بیر درمدی
نسگل اولدی بوگونی باجیم رقیه گلمدی
شامده قالدی یری ویرانسرادورعمه جان
بوهمان یردوراوشاقلار قورخودان آغلوردیلار
ساربانلارالده قمچی سینمی داغلوردیلار
بیزلری شام اهلی بورداقولقولا باغلوردیلار
ایمدیده آثاری وارباخسان یارادور عمه جان
اشقیاجور وجفاده بوردا حددن چیخدیلار
منجنیق غمده اولادخلیلی سیخدیلار
بوهمان یردورعموم عباسی آتدان یخدیلار
قان ایچینده جلوه گرصاحب لوادورعمه جان
شامدن گلدوق دوباره وادی پرمحنته
یوزقویاق ناخوشلارین درمانی قانلی تربته
حقی وار دایم رجایی آغلیا بو حسرته
روز و شب فکر و خیالی کربلادور عمه جان
مرحوم رجایی
منبع مجموعه کانالهای مدح و مرثیه
----------- متن اشعار مرحوم رجائی ---------
احوالات دفن حضرت فاطمه زهرا (سلام الله)
دفن ایدنده حضرت زهرانی میرمقتدا
واریری بو سس گلیدی قبریدن یا مرتضا
بو اگرمن تاپشوران سالم امانتدورعلی
قولاریندا سینه سینده نه علامتدورعلی
من بیله تاپشورماموشدیم عترتی بو امته
حکم شورادوریقین باعث بو هتک حرمته
یوخسا بونوعیله کیم صدمه ووراربیرعورته
ایلیه سقط جنین گورنه شقاوتدورعلی
مسلمینین نفعینه تاسیس اولان شورایه باخ
حقی ناحق ایتماق استه شورش غوغایه باخ
حکمه باخ محکومه باخ ماموره باخ اجرایه باخ
مجلس شورا دیمه دارالجنایتدورعلی
دین یولوندا ترک قیلدیم عزت دنیانی من
تاپشوروب گیتدیم گیدنده امته قرانی من
بیرده ایتدیم توصیه حق ذوالقربانی من
بو مگراحکام اسلامه اطاعتدورعلی
حقینی نه مدرکیله غصب ایدوب اهل جفا
قولاری باغلی آپاردی مسجده مندنصورا
یادلاریندان چیخدی یوخسا آیه قل انما
بیرایله آیه که عنوان ولایتدورعلی
ایشلری هرگزموافق اولمادی گفتاریله
ووردولاراسلامه صدمه بیربیله رفتاریله
الدوروب زهرانی کیملرضربت مسماریله
حکم قتلین ویرماقا باعث ریاستدورعلی
من قیزیم زهرانی بسلردیم نه عزتله اوزوم
واضح اولموشدی جهانه بضعه منی سوزوم
ایمدی ننوعیله گورسون اشقیا ظلمین گوزوم
امتیمده بلمورم بو نه جسارتدورعلی
آتش حسرت اولور سینمده هردم مشتعل
فرض ایداق تاپشورمادی زهرانی خلاق جلیل
بیرنفرمظلومه نی الدورماقا اولمازدلیل
اشقیاده بو نه انصاف و عدالتدور علی
صبرایدوب امت یولوندا هربلا و زحمته
جانیمی توش ایلدیم دردوملال و محنته
بو قیزیم زهرانی تاپشوردوم امانت امته
آدلاری اسلامیده بو نه خیانتدورعلی
مجلس شوراده هرظلمین بناسین قوردولار
درگه وحی خدانی اودووروب یاندوردولار
بو جفا و ظلملر اجررسالتدورعلی
اشقیای امتیم انکارایدوبلر مطلبی
گلممیشدی آیه لاتدخلوابیت النبی
داندیلارمندنصورا آیین دین ومذهبی
یوخسا باب رحمته بو نه اهانتدورعلی
بو مسلمدوراگرمرحم گوتورسه هریارا
بویارا مرحم قبول ایتمزداخی واحسرتا
یا علی انسیه حورا هارا سیلی هارا
بو نه یوزدوربو نه سینه بو نه حالتدورعلی
واریقینیم بو عمل سرمشق اولاربیرمطلبه
کوفه و شام اهلیده ایلراهانت مذهبه
معجرین باشدان آلوب قمچی وورالارزینبه
سسلنرگل کربلایه گورنه غارتدورعلی
آه او ساعتدن ویرر سعداوغلی فرمان لشکره
غارت اهلی ال آچارذریه پیغمبره
قیزگلین عورت اوشاق محتاج اولاربیرمعجره
محشرزینب او ساعتدن عبارتدورعلی
(ای رجائی) دوزدی قلبین چوخ یانوربیرآزدایان
تک دگولسن چوخدی بو دریای غمده غرق اولان
وادی محشرده ساحلده دورار زهرا آنان
عرض ایدراوغلومدا محتاج شفاعتدورعلی
مرحوم سید حسین رجائی
منبع کانال گنجینه گذشتگان
----------- متن اشعار مرحوم رجائی ---------
زبانحال امیرالمومنین حضرت علی (ع)
در شهادت حضرت فاطمه زهرا (س)
خزان گلدی گلوم سولدی بهاریم گئتدی من قالدیم
کناریمدن داخی زیب کناریم گئتدی من قالدیم
رخ زهرا سپهر عمرومه تابنده ماه اولدی
محاقه دوشدی ماهیم گوندوزوم شام سیاه اولدی
منیله همسفر یاریم رفیق نیمه راه اولدی
کوچوبدور کاروانیم همقطاریم گئتدی من قالدیم
تجلّای رخ زهرایه آخر تنگیدی دنیا
محالی امریدور اولسون قفس جولانگه عنقا
حضیض خاکدن پرچکدی مرغ شاخه ی طوبا
اونیله شوکت و عزّ و وقاریم گئتدی من قالدیم
نه تک اوج وفاده سئیر ایدن شهبازیدی زهرا
منیم تک شاهبازه شهپر پروازیدی زهرا
حقیقت ملکنی تسخیر ایدن آوازیدی زهرا
اولان باشیمده تاج افتخاریم گئتدی من قالدیم
هزار آوای گلزار وفا گلشندن آیریلدی
نگینیم خاتمیندن جور اهریمندن آیریلدی
امیدیم عزّتیم روح و روانیم مندن آیریلدی
انیس و مونس لیل و نهاریم گئتدی من قالدیم
وجودیم اخذ نور ایلردی هر دم روی ماهندن
شدائده اورک آرام اولاردی بیر نگاهندن
او که آیریلمادی بیر دم محبت شاهراهندن
ایله بیر آشنای غمگساریم گئتدی من قالدیم
دل خاک سیه ده گوهر شهواری گیزلتدیم
نهانی دفن ایدوب گنجینه ی اسراری گیزلتدیم
رخ گلده جفای خاریدن آثاری گیزلتدیم
مزاره برگ یاس زخمداریم گئتدی من قالدیم
او که مهد ولاده پرورش تاپمیشدی نازیله
جهانه فخر ایدوردی هر زمان شاه حجازیله
قوتاردی شمع تک اوز عمرینی سوز و گدازیله
امید خاطر زار و نزاریم گئتدی من قالدیم
سزادی باشیم اوسته سالسا بال بوم غم سایه
دریغا اود دوتوب یاندی کول اولدی سودوسرمایه
دوشوب انگشتریمدن لاجرم دُرّ گرانمایه
الیم چخدی بوشا دار و نداریم گئتدی من قالدیم
گتورموشدی گُلوم بلبل کیمی بو قلبیمی شوره
او گوندن که جفا زخمی اُتوردی سینه ی جوره
مبدّل اولدی گوزده روز روشن لیل دیجوره
چراغیم سوندی شمع شام تاریم گئتدی من قالدیم
مریض عشق اولان گرچه تمنّای شفا ایتمز
بلی درد اهلی هر بی درده دردین مبتلا ایتمز
دم عیسا ده اولسا درد هجرانه دوا ایتمز
طبیب رنج و درد بی شماریم گئتدی من قالدیم
دوتوب دردیله الفت اولموشام مأیوس درماندان
گیدوب جان جهانیم بو جهاندا دویموشام جاندان
تمتّع اخذ ایده حاشا گوزوم سئیر گلستاندان
داخی گُل نیلورم بیر گلعذاریم گئتدی من قالدیم
جهاندا وصل اگر نور اولسا فرقت شام ظلمت دور
اودور که مرگدنده تلخ تر ایّام فرقتدور
بلی هر عاشقه یاریندن آیریلماق قیامتدور
قیامت قوپدی هجران گلدی یاریم گئتدی من قالدیم
دوشوب بو ماجرادن یادیمه زهرا قیزی زینب
سزادی یاندورا خشک و تری بو آتیشین مطلب
باجی قارداشنی سالدی یولا عرض ایلدی یارب
قیریلدی تار قلبیم اختیاریم گئتدی من قالدیم
هوای وصل یاریله حسینیم بی قرار اولدی
رکابندان اوزوم دوتدوم منه بیر افتخار اولدی
شریک محنتیم میدان رزمه رهسپار اولدی
قتاله عزم ایدیبدور شهسواریم گئتدی من قالدیم
تخیّل عالمنده فکر ایدنده درد هجرانی
درون سینه ده احساس ایدردیم زخم پیکانی
وجودیمده بوگون لمس ایلدیم بو نار سوزانی
حسینیله داخی خوش روزگاریم گئتدی من قالدیم
او که بیر نفحه ی پاکی ایدوب زنده مسیحانی
شراره سینه سیندن یاندروبدور قلب سینانی
آلاردیم عطر مویندن شمیم زلف زهرانی
آنام زهرایه تنها یادگاریم گئتدی من قالدیم
حسینون عشقی چون هر قلبده بیر کنزدورمکنون
بو کنزون حاجبی نیلور جهاندا ثروت قارون
بیله کنزی الیمدن آلدی ناگه گردش گردون
خزینمدن بو دُرّ شاهواریم گئتدی من قالدیم
مریدم من شبیری دور مرادیم شعره مطلق
مرادیله مریدین شعری عالمده تاپار رونق
یازوبدور بیر تخلص شعریمه رونق ویروب الحق
بو لطفیله اورکدن انکساریم گئتدی من قالدیم
گَلَر بیر گون یتر عمرون باشا((مجنون)) بو دنیاده
وئرر یاخشی نتیجه یازدیقون اشعار عقباده
سالار بو یازدیقون سوزلر سنی بو نحویله یاده
که مجنون تک ادیب نامداریم گئتدی من قالدیم
مرحوم رجایی
منبع مجموعه کانالهای مدح و مرثیه
----------- متن اشعار مرحوم رجائی ---------
زبانحال حضرت علی (علیه السلام)
به حضرت فاطمه (سلام الله)
آغلاما سرشک چشمون توکمه گلعذاره زهرا
سوز آهیویله وورما قلبیمه شراره زهرا
نیلیوم وفاسیز امّت ایتدیلر منی خجالت
اوز آتان یانندا سالما دردون آشکاره زهرا
ای پیمبرین بو ایوده بیر عزیز یادگاری
آیریلیق غمی اورکدن سلب ایدوبدی اختیاری
دور اوتور بو صون نفسده دردیوی منه دی باری
دردیوی آپارما قبره سویله بو فگاره زهرا
وار باشوندا اشتیاق محضر حبیب داور
گیت بو غصّه دن خلاص اول ای حبیبه ی پیمبر
سالدیلار سنی ایاقدان حیف اولا بو بی وفالر
چکمه غم، گیدورسن ایمدی محضر نگاره زهرا
عرض ایله بابا امان بو امّتین شقاوتیندن
صورتیم اولوبدی نیلی دشمنین جسارتیندن
ایمدیده قالور یوزیمده سیلینون علامیتندن
باب حق یاناندا دوشدی حال احتضاره زهرا
شاد اولار جهاندا هر کیم قربت وصاله یتسه
حقّی وار فراق الیندن هر قدر شکایت ایتسه
دسته گُل دوتار الینده محضر نگاره گیتسه
محسنی آپار الونده سنده بزم یاره زهرا
یوخ یانوندا قوم و خویشون باش آچِیدی شیونیله
سس سسه ویروب اولاردا آغلیِیدیلر منیله
انس دوتموشوخ بو ایوده سن منیله من سنیله
گَلدی آیریلیق زمانی یوخ بو درده چاره زهرا
جان ویرن زمان پیمبر ایتدی امّته وصیّت
فاطمه منیم بالامدور ایتمیون اونا وصیّت
حقّون آلدیلار الوندن، ووردولار سنی بو امّت
بو ایشیق گونوز گوزونده دوندی لیل تاره زهرا
یرده قویدولار پیمبر نعشینی بو قوم عدوان
قوردولار ثقیقه بزمی حکمینی آلوبلار اوردان
سیلی ووردولار، یوزوندن تازیانه قولّاروندان
ضرب سیلیدن آچیلدی دوشدی گوشواره زهرا
آزدی گر اُلونجه ایتسم بو مصیبتونده شیون
من اوتوردوم ایوده امّا حقّیوی آپاردی دشمن
اوز آتان یانندا هرگز ایلمه گلایه مندن
قدرت اولمادی الیمده اُف بو روزگاره زهرا
دوقّوز ایل منیم ایویمده هر مصیبته دایاندون
دلدن آه سرد چکدون، آهون آتشیله یاندون
گه فدک دالنجا دوشدون ایولری گزوب دولاندون
گه ووروبلا دل یاراسی قلب داغداره زهرا
بُلمورم قالور نه حاله بیر نفر حیالی عورت
اولمیه یانندا بیر کس دشمنی ایده جسارت
شل اولِیدی بارالها قنفذین الی او ساعت
گورمیِیدیم ایمدی واردور قولّاروندا یاره زهرا
ای پیمبرین عزیزی باغ جنّتین غزالی
هانسی گُل خزان اولاندا سن کیمی سولار سارالی
قبره گیتدی هانسی عورت سینه سی قولی یارالی
بُلمورم نجه بو جسمون تاپشورام مزاره زهرا
مونسون بو یالقوز ایوده اولدی اشک دیده گیتدون
غصّه دن آغاردی زلفون قامتی خمیده گیتدون
وای منه منیم ایویمدن عاقبت شهیده گیتدون
حالیوی گورنده دوشدی قلبیمه شراره زهرا
گُل یتیشمه سه آغاجدا گل درنه شاخ اگیلمز
دوشمیه فشاره هرگز غنچه بو ته دن دریلمز
صدمه دگمه سه بوداغه گُل لری یره سَریلمز
محسنون اولاندا خندان دوشموسن فشاره زهرا
ای ویرن مجبّتیله جانیوی فدا بو دینه
آچ گوزون توجّه ایله باشون اوسته شور و شینه
آغلارام گهی بو حاله گه حسن گهی حسینه
قلبیم اود دوتور ایدنده زینبه نظاره زهرا
یادیمه سالور بو ساعت ماجرای کربلانی
قتلگاه کربلاده اوغلومون دوشن زمانی
سنده دلغمین گَلرسن، چوخ سویر آنا بالانی
صبر ایله گوزون دوشنده جسم زخمداره زهرا
بُلمورم بالام حسینه یوز ویرر او گون نه ساعت
اتلی الینده خنجر اوغلوما ایدر جسارت
عهد ایل منیله سنده دادینه گیداخ او ساعت
یاره دن دوننده جسمی گلشن بهاره زهرا
ای ((رجائی)) سنده آغلا فاطمه مصیبتینده
ال گوتورمه دامنیندن وار گوزون شفاعتینده
عرض ایله آنا، بالاوا داده گَل او ساعتینده
قویما قالسون اوتدا یانسون چک اونی کناره زهرا
مرحوم رجایی
منبع مجموعه کانالهای مدح و مرثیه
----------- متن اشعار مرحوم رجائی ---------
در مدح حضرت فاطمه زهرا (سلام الله)
بهشت نکهت آلوب رنگ و بوی زهرادن
فرشته سُرمه چکوب خاک کوی زهرادن
غزال دشت خُتن مست اولار خطا چولینه
اگر صبا آپارا عطر و موی زهرادن
جهانه شور دوشَر راویان محفل عشق
حکایت ایلسه لر خلق و خوی زهرادن
مقام عصمته باخ ساکنان عالم قدس
ایدوبدی اخذ شرف آبروی زهرادن
فلکده گون دولانور هر زمان بو امیده
گوره معاینه بیر نقطه روی زهرادن
فضای عرش تاپاردی صفای روحانی
نماز نیمه شب و هاو هوی زهرادن
ورای عقل بشردی مقال وصف بتول
عقول مات قالار گفت و گوی زهرادن
عطای رخت عروسی گدایه شام زفاف
دِگل بعید دل مهر جوی زهرادن
او چشمه ای که ویروب خضره عمر جاویدان
نشانه دور اُوزی بیر قطره جوی زهرادن
علی الصباح قیامت چتین گلر هوشه
او کس که مست اولا جام و سبوی زهرادن
نه رمز دور که فلک قویمیوب گیده بیردم
زلال آب گوارا گلوی زهرادن
قصور وعجزینه با المرّه اعتراف ایلر
قلم که شرح ایده جور عدوی زهرادن
حدیث سقط جنین ماجرادی محشر دی
هزار حیف او طفل نکوی زهرادن
گیدوب دانشدی سالوب انقلاب مسجد ده
قیامت اولدی عیان گفت و گوی زهرادن
قباله الده گلور ناگهان او ملعونی
گتوردی امر قضا روب روی زهرادن
نه روح پاک رسول خدانی یاده سالوب
نه شرم ایدوبدی اوزوندن نه شوی زهرادن
اَلی یوزونده گلوب منزله الهه ی ناز
ولی بنفشه خجل رنگ و روی زهرادن
او گوندن اولدی خانم مبتلای درد و مرض
سیاه قالمادی بیر رشته موی زهرادن
فقط ئولومده بولوب روزن نجاتی خانم
بو قصّه کشف اولوری آرزوی زهرادن
یازوبدی کلمه عجّل وَفاتی لوح لَبَه
اورک یا نور او غم توبه توی زهرادن
او اَل که اوندا داخی اولمادی توان قنوت
تعجّبم نه دیوم من وضوی زهرادن
نه دردلر که آپاردی اورکده قبر ایوینه
کیم آگه اولدی او سرّ مگوی زهرادن
هاچان ظهور ایده سن ای امام کون و مکان
یورولدی شیعه داخی جست و جوی زهرادن
بَسُوندی هر ایکی دنیا بو موهبت ((مجنون))
اگر آدون یازالار نوحه گوی زهرادن
ولی محالیدی بیر کلمه ثبت دفتر اولا
توجّه اولماسا گر شعره سوی زهرادن
مرحوم رجایی
منبع مجموعه کانالهای مدح و مرثیه
----------- متن اشعار مرحوم رجائی ---------
زبانحال حضرت رقیه (سلام الله)
اولوب سندنصورا ویرانه کنجی مسکنیم قارداش
ولی قورخوم بودی اولسون خرابه مدفنیم قارداش
سالوبسان نچّه مدّتدور من غمدیده نی گوزدن
دیردی کیم بو نوعیله دونر عالمده یوز یوزدن
ندور باعث علی قارداش علاقه کسموسن بیزدن
دیمورسن کنج غربتده باجیم واردور منیم قارداش
ایدوبدور طائر روحیم سر زلفونده کاشانه
او کاشانه سراغینده دوشوب کوه و بیابانه
ویروب ویرانه ده منزل سنون عشقون بو نالانه
اولوب فکر سر زلفون همیشه مامنیم قارداش
مگر عاشق اولان بلبل همیشه یالوارار خاره
امید وصل یاریله گرفتار اولدوم اغیاره
مریض عشقم، اولماز دردیمه بولّم منیم چاره
اوچوب روحیم قوشی، بیر بوش قفسدور بو تنیم قارداش
طریق عشقیده شکوه اساس عشقه نقصاندور
همیشه عاشقین جانی علی معشوقه قرباندور
نثار اوّل معشوقه راه عشقیده جاندور
الیمده نقد جانیمدور دلیل مُتقنیم قارداش
مریض عشقی کیم گوردی خلاص اولسون مرارتدن
اطبّا درد عشقه قالدیلار عاجز طبابتدن
امیدیم یوخدی بیرده قورتولام قید اسارتدن
پوزولدی گللریم پامال اولوبدی گلشنیم قارداش
گزن راه محبّتده بلادن تلخکام اولماز
اوزین یاندورماسا پروانه اوددا، نیکنام اولماز
بلایه دوزمسم برنامه ی عشقیم تمام اولماز
مدیر عشقیدن گلمز خطاب احسنیم قارداش
منیم تک عاشق صادق هانی بو سطح غبراده
بلادن ایتمیه شکوه، جفادن گلمیه داده
اگرچه ظاهراً شمره اسیرم لیک معناده
سنون زلفون اولوب باعث نه تک اهریمنیم قارداش
بلالی باشیمی سالدون جهاندا گور نه غوغایه
گهی قول باغلی چکدون کوفیه گه دیر ترسایه
گلیدون مجلس ابن زیاده بیر تماشایه
گوریدون شعله وردور دلده اودلی مخزنیم قارداش
زیاد اوغلی جلالین ایستوری آفاقه بولدورسون
یتیمه قیزلارین گوز کاسه سین اشکیله دولدورسون
بو فکره دوشدی عمّم زینبی مجلسده اُلدورسون
اوجالدی طاق عرشه پرده پرده شیونیم قارداش
شفاعت قیلدیلار گیچدی او ظالم قتل زینبدن
جهانه اود ووروب یاندوردی دنیانی بو مطلبدن
امامین باشینی ووردی چخوب آئین و مذهبدن
یانوب محصول صبریم اود دوتوبدور خرمنیم قارداش
ساراتدی گوردوقوم غملر بو رنگ آلیمی سنسیز
جفای شمر بداختر پوزوب احوالیمی سنسیز
اگر رخساریمه باخسان بولرسن حالیمی سنسیز
اسیر اولدوم، طنابه باغلیوبدور دشمنیم قارداش
دگل ممکن گله هرگز بیانه شامیان ظلمی
خصوصاً جور شمر و زجر و خولی و سَنان ظلمی
بو یولّاردا منی جانه گتوردی شامیان ظلمی
آخوبدور خون دل گوزدن بویاندی دامنیم قارداش
او قدری یولدا دشمن اینجیدوب بو دیده گریانی
گیدوب تالانه صبریم، دویموشام جاندان علی جانی
نه تک من شاکیم گل بیر دانیشدور امّ لیلانی
دیسون گوزده نجه تار اولدی روز روشنیم قارداش
گلن گوندن بو شامه قالموشام طعن و شماتتده
قوتاردیم ناگوار عمری علی قید اسارتده
گورون یوخدور وورام بو زلفیمه شانه بو مدّتده
انیسیم غصّه دور، کنج خرابه میهنیم قارداش
ایدوبدور عاشقون چون مکتب عشق ایچره تحصیلی
دوزوب هرگز دیمز قارداش ووروب اعدا منه سیلی
ولی کشف ایلوری مطلب ندور بو صورت نیلی
نشاندور ظلم اعدادن بو رنگ سوسنیم قارداش
بودور عاشقلرین رسمی گرک گوزیاشلی جان ویرسون
شکایت قیلمارام هر قدر زحمت شامیان ویرسون
ووروب دویسون عدو آخِر خرابه بیر مکان ویرسون
یازیلموش روز اوّلدن خرابه موطنیم قارداش
او قدری آغلارام درده گتورّم قلب اعدانی
گِل آلود ایلرم گوزیاشیمیله مُلک ویرانی
گتورّم قبریم اوسته نالیه کلثوم و لیلانی
اولار توپراقلار آلتی خوابگاه ایمنیم قارداش
بابام جان ویردی غربتده اساس دین اولا محکم
مقدّس بو مرام اوسته نولور منده غریب اُلسم
گلایه ایتمرم هرگز قوری یرلرده جان ویرسم
کفن گر اولماسا اگنیمده وار پیراهنیم قارداش
رجائی هر قدر یازسان دگل ممکن تمام اولسون
سوزی آز یاز چوخ آغلا ورد و ذکرون بو کلام اولسون
ولی گر ایسته سن مطلب پسند خاصّ و عام اولسون
اولوب سندنصورا ویرانه کنجی مسکنیم قارداش
مرحوم رجائی
منبع مجموعه کانالهای مدح و مرثیه
----------- متن اشعار مرحوم رجائی ---------
احوالات حضرت علی اکبر (علیه السلام)
نه گوزل ساعتدور عالمده او ساعت ای خدا
جان وئرنده باشی اوسته اوغلونی گورسون آتا
نه یاماندور بو ایشین عکسی جوان ئولسون بالا
بو آخان گوز یاشیمه باعث او حالتدور منه
چوخ چتین ایشدور گوره جان اوسته اؤز اوغلون آتا
بلمورم نه حاله قالدی خامس آل عبا
گوردی اوغلی جان وئرور جسمینده وار سانسیز یارا
سسلدی آچ گوزلرون سنسیز قیامتدور منه
اولمیوب بیر کس حسین تک مبتلا بو حسرته
ایلدی خم قامتین قویدی یوزین مه صورته
«شوشتری» او حالی جان وئرماق یازوبدور حضرته
مدرک الده گوردوقوم مقتل کفایتدور منه
سویلدی سنسیز اوغول توپراق جهانون باشینه
درد هجروندور سبب من بیکسون گوز یاشینه
آغلوری ایمدی سکینه سن کیمی قارداشینه
عرض ائدور سنسیز علی قسمت اسارتدور منه
خیمه ده برپا اولوب شور قیامت دور گئداخ
لیلینی آلمیش آرایه بیر جماعت دور گئداخ
سنده بیر ایله آنان حالین رعایت دور گئداخ
بو رعایت لیلیه عین رعایتدور منه
حمل نعشون گر چه مشکلدور اوغول من بیکسه
نیلیوم ایمدی وئروبلر اهل بیتیم سس سسه
سسلنور زینب ئولر لیلا جوانی گلمسه
دور گئداخ بو گئتماقون رسم اعانتدور منه
سعدین اوغلی باخموری غمدن وجودیم اوتلانور
نوجوان داغی یاماندور اود دوتور قلبیم یانور
گور نه فخر ایلور منه اکبر غمین آسان سانور
سر سلامت وئرماقی طعن و شمادتدور منه
آغلارام سندن صورا هر قدر وار دنیا علی
باخمارام هرگز ندور دنیا و مافیها علی
یوخ ملامت گر هلاک اولسا آنان لیلا علی
حالینی سن بلموسن اما درایتدور منه
مرحوم رجائی
منبع مجموعه کانالهای مدح و مرثیه
----------- متن اشعار مرحوم رجائی ---------
زبانحال حضرت علی (علیه السلام)
در شهادت حضرت زهرا (سلام الله)
آچ گوزون ای قلبیمون صبر و قراری فاطمه
ای منه جدی پیمبر یادگاری فاطمه
بو نه عالمدی بیله پوزقون پریشان یاتمیسان؟
ترک ایدوب اطفالوی گوزدن حسینی آتموسان
ای علینون کوکب بختی نولوبدور باتمسان؟
گیتدی سنله عمریمون فصل بهاری فاطمه
بو همان اوغلون حسیندور بسلدون چوخ نازیله
سینون اوسته پرورش ویردون بونا اعزازیله
اگلشوبدور باشین اوسته بو امید آزیله
قول بویون اولسون سنیله بیرده باری فاطمه
اشقیا جور و جفاده چخدیلار اندازه دن
آز زماندا بو اسفلی حالته دوشدون ندن؟
زلف آغاردی، قامتون اولدی خمیده غصه دن
بو سببدن آرتدی قلبون انزجاری فاطمه
دین اسلامون یولوندا جام غم نوش ایلدون
هر بلا گلدی دایاندون سینوی توش ایلدون
حق مرام اوستونده اوز جانون فراموش ایلدون
زینبه سرمشق ویردون بردباری فاطمه
ضرب سیلیدن اولوب پژمرده رخسارون سنون
اولدی نیلی تازیانه آتدا قولارون سنون
اهل اسلامه اولا سرمشق رفتارون سنون
عفت و عصمت اولان هر آن شعاری فاطمه
ای گل باغ نبی پیغمبرین ریحانه سی
راضی اولمازدون اوجالسون زینبین شیون سسی
گور نجه عرشه چخور ایوای آنام وای ناله سی
اولدی سنسیز لیلیدن تیره نهاری فاطمه
سن بولورسن قیز آنایه چوخ علاقه مند اولار
هر قیزین ئولسه آناسی گل کیمی رنگی سولار
اولماسان سن قیزلاریم باشین آچار زلفین سولار
بیرده اولماز خوش گونی خوش روزگاری فاطمه
گیتسه گل بلبل الندن اود دوتار قلبی یانار
کیم دیور آیا عم اوغلون بو غمی آسان سانار
زینب و کلثومه باخدوقجا وجودیم اودلانار
یاندیرور بو عالمی آهیم شراری فاطمه
چوخ چتندور بو گورم جان اوسته زهرا جان سنی
وار یری عرشه چخا یالقوز عم اوغلون شیونی
قلبیمی یاندورما چوخ، آچ گوزلرون دیندیر منی
ای اولان آل عبانون افتخاری فاطمه
گتدی پیغمبر الیمدن عرشه چخدی شیونیم
قولاریمی باغلادی گوردون یانوندا دشمنیم
ای پیمبر یادگاری وار نه تقصیریم منیم؟
دینمیسن دیندیرمیسن بو اشکباری فاطمه
هر بلایه دوزموشم زهرا پیمبردن صورا
باغریمی قان ایلوری اما منیم بو ماجرا
سن هارا؟ پیغمبرون ریحانه سی سیلی هارا؟
نه دیر طاها گوره بو گل عذاری فاطمه؟
دوقوز ایل دوزدون ایویمده هر بلا و محنته
آج قالوب اوچ گونلریله صبر قیلدون شدته
نیلیوم زهرا گله لعنت وفاسیز امته
حقیمی الدن آلوب امت شراری فاطمه
تیره اولدی لیل یلدادن بو ایوده گوندوزون
من نجه یاددان چخاردوم جور و ظلمون قنفذون؟
ذکریوی عجل وفاتی ایلمشدون سن اوزون
ای گجه گوندوز چکن مرگ انتظاری فاطمه
مستجاب اولدی سوزین تا یتدی حی داوره
مقصده یتدون گیدورسن محضر پیغمبره
حوریان ماتم دوتوب، قاره چکوبلر گویلره
گیت خلاص اولدون، مصیبت دلفکاری فاطمه
وار یری سالسون شرر بو دود آهیم گویلره
اولموشام سندن خجالت نه دیوم پیغمبره؟
حقی وار آلسا خبر آیا ندور بو منظره؟
گورسه پیغمبر بو جسم زخمداری فاطمه
عرض قیلام حق یولوندان امتون کج دوردولار
قویدولار قبره سنی بزم سقیفه قوردولار
یا رسول الله قیزون زهرایه قمچی وردولار
اولدی سن سیز چوخ مصیبتلر دچاری فاطمه
مرحوم رجایی
منبع مجموعه کانالهای مدح و مرثیه
----------- متن اشعار مرحوم رجائی ---------
زبانحال حضرت فاطمه زهرا (سلام الله)
گل عمو اوغلی باشیمی آل دیزیوه
توکمه گوز شبنمیوی گل یوزیوه
آیریلیق دوزدی چتین مرحله دی
آغلاما فاطمه قربان گوزیوه
یتشوب موسم هجران اولورم
غصه دن باغریم اولوب قان اولورم
یوخ ئولوم دردینه درمان اولورم
آغلاما فاطمه قربان گوزیوه
دولدوروب سینه می اندوه و محن
گدیرم محضره پیغمبره من
دویموشام بو دیریلیقدان بولوسن
آغلاما فاطمه قربان گوزیوه
هجر پیغمبره یوخ منده دوزوم
آغلری بسر نچه مدّتدی گوزوم
گوزلوری قابض الارواحی گوزوم
آغلاما فاطمه قربان گوزیوه
گل غنیمتدی بو آخر نفسیم
صون نفسده منیم اول دادرسیم
بولوسن ئولماقا وار چوخ هوسیم
آغلاما فاطمه قربان گوزیوه
حقیمی اهل جفا الدن آلوب
غصّه تاثیریدی رنگیم سارالوب
سنه نسگلدی الیم یوزده قالوب
آغلاما فاطمه قربان گوزیوه
نه روا مجلس شورا قورالار
رای آلوب درگهیمی یاندیرالار
نیلمیشدیم منه سیلی ورالار
آغلاما فاطمه قربان گوزیوه
بزم خلوتگه یاره گدیرم
دلخوشام وصل نگاره گدیرم
حیف اولا سینه ده یاره گدیرم
آغلاما فاطمه قربان گوزیوه
بزم یاره هر او کس دعوت اولور
زینتی فاخر و پرقیمت اولور
محسنین قانی منه زینت اولور
آغلاما فاطمه قربان گوزیوه
دیسه جدّیم که بو رخساره ندور
یوزده کی سینه ده کی یاره ندور
نه دیوم من باباما چاره ندور
آغلاما فاطمه قربان گوزیوه
سنی شاهد توتورام بو سوزومه
لیل تار اولدی ایشیق گون گزیمه
دییرم سیلی ویربلار یوزمه
آغلاما فاطمه قربان گوزیوه
سنه قورموشدوم او گون بزم عزا
هله یاسلیدی هامی آل عبا
وردیلار اوت قاپیه اهل جفا
آغلاما فاطمه قربان گوزیوه
بیر یارام وار یاراسی گتمیه جاق
حشر اولونجا منی ترک اتمیجاق
قنفذین قمچی یری گتمیه جاق
آغلاما فاطمه قربان گوزیوه
ولی بو سینه مین آثاری بابا
کشف ایدیر ضربت مسماری بابا
بویادی قان در و دیواری بابا
آغلاما فاطمه قربان گوزیوه
حکم اولوب ظلمیده حدّدن چخالار
منی ضرب لگدیله یخالار
در و دیوار آراسیندا یخالار
آغلاما فاطمه قربان گوزیوه
هر بلا گلدی دوزوب غم یمدیم
حق رضاسی واریدی اینجیمدیم
دین یولیدی دایانوب لا دیمه دیم
آغلاما فاطمه قربان گوزیوه
قوی ئولوم قورتولوم ای شاه زمن
قالمیوم بو غم ایامیله من
سرّیمی غسل ورنده بولسن
آغلاما فاطمه قربان گوزیوه
ای ((رجایی)) سوزون آغلاتدی منی
پور بینا گتوروب شوره سنی
گوردی تا آغلادی بو سر سخنی
آغلاما فاطمه قربان گوزووه
مرحوم رجایی
منبع مجموعه کانالهای مدح و مرثیه
----------- متن اشعار مرحوم رجائی ---------
کوچ از قتلگاه
ائدر اعضای پراکنده حکایت یارالی
نئجه بی شرم و شقی دور بو جماعت یارالی
یوخ سوزوم چوخ باجینون قارداشی دعواده ئولر
رسمیدور خوش دیلیله تسلیت امّا وئره لر
کیم گوروب باجینی قارداش باشی اوسته دوگلر
بو ره عرفیدی یا حکم شریعت یارالی
نئجه من آغلامیوم صبراً ئولن قارداشیما
قلبیمون قانی قاریشسون یئری وار گوزیاشیما
بو تسلّی دی مگر قمچی ورولّار باشیما
واردی بو کوفه لی لرده نه شقاوت یارالی
سن کسیک باشیله گیت دِیر نصارایه حسین
دین پیغمبری تبلیغ ائله ترسایه حسین
منده قولباغلی گئدوم مجلس اعدایه حسین
باجی قارداش ایلیاخ دینه حمایت یارالی
آپارور شامه باجون زینبی اشرار زمن
دولدورور قلبیمی اندوه و غم و درد و محن
قالمیسان یئرده حسینیم بئله بی غسل و کفن
اولمادی دفنیوه زینبده فراغت یارالی
من گلنده بو چوله گلمیشدیم یاوریله
ایندی امّا گئدورم شمر جفا پروریله
دور دعا ایله منی بو کسیلن اللریله
قافلم بلکه یته شامه سلامت یارلی
دور اوزون چاره ائله بیچاره بو بیچاره لره
میندیریلّر بالاجا قیزلاریوی ناقه لره
توکوری اشکین اوشاقلار باخوری نیزه لره
ائدوری هر بیری بیر نوع شکایت یارالی
وئردی سعد اوغلی حسینیم بئله فرمان قوشونا
ناقه ی لیلینی مشرف ائده اکبر باشینا
آنا اوز اوغلونا باخسین باجی اوز قارداشینا
یوخدی بو قومیده انصاف و مروّت یارالی
بیر نفر واردی ((رجائی)) دی سیزه نسبتی وار
برگ سبزیله گلوبدور دئیوری قیمتی وار
قسمت اولمور سفر کرب و بلا نیّتی وار
بیرده محشره دئیور ایله شفاعت یارالی
مرحوم رجایی
منبع مجموعه کانالهای مدح و مرثیه
----------- متن اشعار مرحوم رجائی ---------
زبانحال حضرت موسی بن جعفر (علیه السلام)
ویروبله زهر جفا قان دوروب دوداقیمده
دورانمورام ایاقا کُنده وار ایاقیمده
قالوبدی عترتیم آغلار منیم سراغیمده
گجه گونوز یولومی گوزلور اشتیاقیمده
بالام رضانی گورِیدیم دوروب قاباقیمده
توکور سرشکینی رخسارینه فراقیمده
ویروبله زهر جفا قان دوروب دوداقیمده
دورانمورام ایاقا کُنده وار ایاقیمده
آیردیلار منی قوم و قبیله دن دشمن
ویروبله گوشه ی زندانی من غریبه وطن
ایشیم اولوب بو چوخور یرده ناله و شیون
بولنمورم که بو هارونه نیلموشدوم من
ویروبله زهر جفا قان دوروب دوداقیمده
دورانمورام ایاقا کُنده وار ایاقیمده
گتوردی سالدی بو غربت یره من زاری
ایدوبدی سِجنیده درد و بلا گرفتاری
ایدوب بو بیکسه مامور سند خونخواری
او سنگ دلده تاپولماز مروّت آثاری
ویروبله زهر جفا قان دوروب دوداقیمده
دورانمورام ایاقا کُنده وار ایاقیمده
ایدوم نه چاره خدایا بیله اولوب تقدیر
انیس و مونسیم اولموش بو ناله ی شبگیر
نه جرم ایلمیشم واردی منده نه تقصیر
ووروبلا گوشه ی زنداندا بوینوما زنجیر
ویروبله زهر جفا قان دوروب دوداقیمده
دورانمورام ایاقا کُنده وار ایاقیمده
گتوردولر منی تدبیر اوزیله بغداده
هامی بلالره دین اوسته اولدوم آماده
نجه گونوز بو چوخور یرده گلموشم داده
بیز آل احمدی مظلوم ایدوبله دنیاده
ویروبله زهر جفا قان دوروب دوداقیمده
دورانمورام ایاقا کُنده وار ایاقیمده
بو امرده دلخوشیدوم ای خدای باعظمت
سنیله راز و نیازه اولیدی بیر خلوت
دیردیم اوز اوزیمه یاخشی تاپموشام فرصت
هزار حیف عدو ویرمدی منه مهلت
ویروبله زهر جفا قان دوروب دوداقیمده
دورانمورام ایاقا کُنده وار ایاقیمده
دیدیم مسیّبه وار دلده حسرت وطنیم
اگر گیدم تاپولار اوردا دادیمه یتنیم
بالالاریم یولومی گوزلوری وطنده منیم
نجه دوروم ایاقا چوخ ضعیف اولوب بدنیم
ویروبله زهر جفا قان دوروب دوداقیمده
دورانمورام ایاقا کُنده وار ایاقیمده
فلک یتوردی عجب عزّ و اعتباره منی
مدینه دن آییروب گتدی بو دیاره منی
بو غربت اُلکه ده کیملر قویار مزاره منی
قیزیم گلیدی گورِیدی او رختی قاره منی
ویروبله زهر جفا قان دوروب دوداقیمده
دورانمورام ایاقا کُنده وار ایاقیمده
یوخومدی بیرجه نفر بو دیار غربتده
شریک اولا منه درد و غم و مصیبتده
کیمه وصیّت ایدوم دردیمی بو حالتده
گوزوم چوخ آختاروری اوغلومی بو ساعتده
ویروبله زهر جفا قان دوروب دوداقیمده
دورانمورام ایاقا کُنده وار ایاقیمده
رضا گلنده باتار چوخلی غصّه و محنه
بو خسته جسمیمی غسل ایلیوب قویار کفنه
اوزی خبر آپارار حالیمی منیم وطنه
دیر بالالاریما اوخشاسون دویونجا منه
ویروبله زهر جفا قان دوروب دوداقیمده
دورانمورام ایاقا کُنده وار ایاقیمده
نه جرم ثابت ایدوبلر خدا من زاره
ویروبله گوشه ی زندانی یر بو بی یاره
قونوب اُلوم توزی زندانیده بو رخساره
محالیدور اولا بیرده بو دردیمه چاره
ویروبله زهر جفا قان دوروب دوداقیمده
دورانمورام ایاقا کُنده وار ایاقیمده
خوشام اوز عهدیمه بو نقد جان فدا اولسون
وارام بو بیع و شرایه، من اولمارام مغبون
معذّبم ولی مدّتدی اولموشام مسجون
اَیا مُخَلِّص خَلِّصنی مِن یَدِ هارون
ویروبله زهر جفا قان دوروب دوداقیمده
دورانمورام ایاقا کُنده وار ایاقیمده
دعاسی تاپدی اجابت باشا یتوشدی ملال
او دمکه گلدیله زندانه دورت نفر حمّال
گوروبله شمس امامت تاپوب او یرده زوال
ایدر دوداقلاری گویا بیله حکایت حال
ویروبله زهر جفا قان دوروب دوداقیمده
دورانمورام ایاقا کُنده وار ایاقیمده
ویروبدی عبّاسعلی اوّلین بو ابیاتین
(رجائیده) اونی صدقیله ایلدی تضمین
اوزون جزاسینی ویر ای خدا بو اوچ نفرین
منیله عبّاسعلی بیرده بو سوزی دیه نین
ویروبله زهر جفا قان دوروب دوداقیمده
دورانمورام ایاقا کُنده وار ایاقیمده
مرحوم رجائی
منبع مجموعه کانالهای مدح و مرثیه
نظرات (۰)
هیچ نظری هنوز ثبت نشده است