متن نوحه ترکی زبانحال حضرت علی اکبر (ع)

مجموعه اشعار برگزیده متن نوحه ترکی زبانحال حضرت علی اکبر علیه السلام ، نوحه ترکی زبانحال حضرت علی اکبر (ع) برای سینه زنی و زنجیرزنی

---

زبانحال در احوالات حضرت علی اکبر (ع)

 

سیاه زلفون علی مه یوزونده هاله سالوب

باجون سکینه نی بو هاله گور نه حاله سالوب

 

او تارِ طرّه کیمی بو گوگل اَسَر تیترر

تزلزُل عرشِ خدواندِ ذوالجلاله سالوب

 

نه نقطه دور علی بو خالِ هاشمی یوزده

که دستِ شاهدِ غیبی او گُل جماله سالوب

 

اوزون بو نوع کفن پوش اولموسان قارداش؟

آتام بو خلعتی یا قدّ اعتداله سالوب؟

 

نه خوشدی آق کفن اوسته او رنگِ عارض اولا

که عکسِ نسترنه برگِ سرخ ، لاله سالوب

 

یقین بابامدان آلوبسان اجازه میدانه

همان اجازه ، سنی بو خطّ کماله سالوب

 

نویدِ وصل یتوب یوخسا کوی جاناندان

بو گیتماقون سنی شوق دم وصاله سالوب

 

قویانمارام علی گوزدن کناره ، گر چه گوزوم

جمالون عکسینی آئینهء خیاله سالوب

 

گوزوم گوره گوره عزم ایتمیسن ئولوم یولونی

او فکردن منی بو چرخ ایدن حواله سالوب

 

گیدیر بدنده کی روحیم نجه که سن گیدیسن

اودور بو حال ، باجون حالِ ارتحاله سالوب

 

گیدن قایتمیوب هرگز بو قانلی میداندان

آنا باجسینی مین محنت و ملاله سالوب

 

گهی اورک دوگنور گه علی دیزیم تیترور

نه حاله گور منی آخر بو استحاله سالوب

 

اوتور ، دویونجا دوروم باشوه دونوم دولانوم

بو فرصتی اله الدن علی العِجاله سالوب

 

گرک دالونجا گلم ، گون کیمی زوالون وار

دیسونله سایه دی چون گون یتور زواله سالوب

 

باجینی قارداشی بولمم نه نوع قایتاردی

دینمرم بو قایتماق اونی نه حاله سالوب

 

اوزی گلوب دایانوب دسته لر قباقینده

و لیک دشمنی بیر نکته قیل و قاله سالوب

 

دیردیلر بو گَلن حضرتِ پیمبردور

دالنجا زلفنی ایلوب عوض بلاله سالوب

 

و یا که الده قلج مرتضی علی گلوری

که بیر هراس دلِ لشگرِ ضلاله سالوب

 

همینکه بیلدیلر اکبردی دوتدیلار دورین

جفا کمندینه مین اوچی بیر غزاله سالوب

 

یتن ووراردی او جوانه یاره پِی در پی

بولوب فریضه موالات و اتّصاله سالوب

 

بیری ووراردی باشندان عنادیله شمشیر

گورن یاراسینی شقّ القمر خیاله سالوب

 

بیری ووراردی اوخیله ، بیری سِنانیله

نظر همینکه او زلفه او خطّ و خاله سالوب

 

بیری ووراردی دالندان آت اوسته خنجریله

الف کیمی قدینی شکلِ حرفِِ داله سالوب

 

او قدر ووردیلا کاری یارا ، دوشوب دلدن

زبانِ لیلیه بیر پُر اسف مقاله سالوب

 

نشان ویریردی اوزاقدان باخان بیری بیرینه

مهِ تمامی قضا صورتِ هلاله سالوب

 

او نوجوانی او گون بند بند دوغرادیلار

ورق ورق داغیدوب عرصهء قتاله سالوب

 

وبالِ قتلینی اوز بوینونا آلوب منقذ

نولوب او کافر ، اوزین بیر بیوک وَباله سالوب

 

آتاسی آلدی سسین گَلدی نعشینی تاپدی

او تشنه تک که گذر چشمهء زلاله سالوب

 

بیله خیال ایلدی ئولمیوب گلور نفسی

اوزین او گُل بدن اوسته بو احتماله سالوب

 

آلوب دیز اوسته باشین ، قلبی اولمادی آرام

نظر نقدر او بی مثل و بی مثاله سالوب

 

یوزین قویوب یوزینه چکدی ایله بیر صیحه

که لرزه بارگهِ قدسِ لایزاله سالوب

 

گوروب که نعشینی ممکن دگل اوزی آپارا

نظر ، یَمین و یَسار ، صفِ جداله سالوب

 

خطاب قیلدی بنی هاشمون جوانلارینا

هامی مخاطب اوزین پای امتثاله سالوب

 

بویوردی قارداشوزون حمل ایدون جنازه سینی

او ذکر وا اسفا هر زبانِ لاله سالوب

 

نه نوعی گَتدیله بولمم او دوغرانان بدنی

گورون خیامه او عالَم نه آه و ناله سالوب

 

چیخان کناره گوروب خیمه لر کنارینده

عزیزِ فاطمه بیر مه سیه ، کَلاله سالوب

 

ویروبدی اکبری ، امّا رضای اکبر آلوب

حسین اَله بیله بیر معتبر قباله سالوب

 

خُمارِ عشقیدی لیلا باخاردی گوزلرینه

الینه قانیله سرشار ایکی پیاله سالوب

 

بو آستانِ حسینی ده انبیای عظام

اوزون امیدیله (صافی) صفِ نعاله سالوب

 

او تشنه سَروره منسوب اولان محقّق دور

که خوانِ بحرِ کرمدن اَله نواله سالوب.

 

مرحوم صافی تبریزی

منبع مجموعه کانالهای مدح و مرثیه

 

----------- متن نوحه زبانحال حضرت علی اکبر (ع) ---------

زبانحال در احوالات حضرت علی اکبر (علیه السلام)

 

اکبریم باش ویردی ،‌ باشه یتدی پیمانیم باجی

جان ویروب ، جان اوستیَم ایمدی چیخار جانیم باجی

 

قول ویرمشدیم بو چولده جان ویرم جانانیمه

اکبریم امضا قویوب ، قول چکدیروب فرمانیمه

بو جوان قانه بویاندی من بویاندیم قانیمه

روح بیر ، قالب ایکی ، بوندان آخار قانیم باجی

 

ظلمیله قانه باتوبدور جدّیمون آیینه سی

تیغ و خنجرله یازیلمیش صفحه صفحه سینه سی

منشیِ عمر ال چکوب ، تعطیل اولوب کابینه سی

خدمتین تصدیق ایدوب بی مثل جانانیم باجی

 

زلفی باشندن آخان قانیله خون آلود اولوب

پیکری تیریله ، چشمِ مستی قانیله دولوب

گُل کیمی اوراق اولوب نعشی ، یوزی گُل تک سولوب

گورسن احوالون پوزار سولموش گلستانیم باجی

 

گُل کیمی صدپاره گوردوم پیکرِ زیباسینی

ممکن اولمازدی گتورماق چاک چاک اعضاسینی

بیر پوزولموش گلستانین ارغوان و یاسینی

بیر عبایه یغدیلار ، حمل ایتدی اعوانیم باجی

 

بیله خندان گر گوره لیلا  گُلِ یاسین ، یانار

اوزلوقندان چیخماسا یاخشی دوتار یاسین ، یانار

چوخ سُوَر جدّیم شبهین عترتِ یاسین یانار

یاسینی ساخلار حریمِ دیده گریانیم باجی

 

من باخوب بو نوجوانه یانمیشام ، دشمن گولوب

جسمدن چکدوقجا اوخ ، نه چکمیشم الله بولوب

گوز یاشیم قویمور گورم ، باخ گور نفس وار یا ئولوب؟

وار یری لیلانی مجنون ایتسه افغانیم باجی

 

هر گورن خال و خطین حیران قالوب نقّاشینه

بیر قلج امّا ووروب بی رحم منقذ باشینه

مه جبین منشقّ اولوب یاره یتوبدور باشینه

گوسترور شقّ القمر بو ماهِ تابانیم باجی

 

ویر خبر سوزِ جگردن لیلی سینه داغلاسون

اوغلونین نعشین گوروب یانسون دویونجا آغلاسین

باش آچوب زلفِ سیاهیله یاراسین باغلاسون

زخمینی من باغلیوم قالموبدی امکانیم باجی

 

باغریمی بو نازنین جسمه دگن اوخلار دلوب

آغلاما دیندیرمه ، دعوادن بالام یورقون گلوب

رختین آهسته سویوندور آز زماندا دینجلوب

چوخ چکوب جان اوسته زحمت تشنه قربانیم باجی

 

چشمِ مستیندن خجالتدور غزالِ مُلکِ چین

تل به تل قانه باتوب ، زلفِ سیاهی چین بچین

خرمنِ عشقیمده بو صحراده سنسن خوشه چین

خرمنون یاندورماسا گر آهِ سوزانیم باجی

 

ای (حسینی) گچدی ماضی ، توشه قیل مُستَقبَله

صرف ایله عمرون بو نحو اشعاری سال الدن اله

بیر مطوّل احتجاج ایستر بو مجمل مسئله

اکبریم باش ویردی ، باشه یتدی پیمانیم باجی.

 

مرحوم حسینی سعدی زمان

منبع مجموعه کانالهای مدح و مرثیه

 

----------- متن نوحه زبانحال حضرت علی اکبر (ع) ---------

زبانحال به جناب علی اکبر (ع)

 

علی بو کلبهء بی اعتباره خوشگلدون

عیادته منِ بیمار و زاره خوشگلدون

 

دگلدی کلبهء درویش لایقِ سلطان

سن اوز وقاروی قویدون کناره خوشگلدون

 

فنا و فقرده بوندان بیوک جلال اولماز

که خاکسار دیه شهریاره خوشگلدون

 

جمالون ایتدی بو ظلمت سرانی نورانی

اوزی گُل ، عارضی گل ، ماه پاره خوشگلدون

 

اولوبدی گلشنِ فردوس ، منزلیم قارداش

گُل اوزلی ، سیم بدن ، زلفی قاره خوشگلدون

 

علی بو مرحتموندن زیاده خُرسندم

یقین بو خوش گله جاخ کردگاره خوشگلدون

 

بو گلماق ایله بلاکش باجون یتوردون عجب

جلال و شوکت و عزّ و وقاره خوشگلدون

 

حیاتِ تازه ویرورسن ، گلنده یانیمه سن

دَمِ مسیحیله هر درده چاره ، خوشگلدون

 

نقدر خوشدی بیلورسن ، گیدوب گینه گَلَسن

که هر گلنده دیَم من دوباره خوشگلدون

 

اونی بیلوردوم اوزوم من ، باجون چوخ ایسترسن

سالوب محبّتوی آشکاره خوشگلدون

 

سفر لباسی گیوبسن ، یقین مسافرسن

گیدرسن هر طرفه هر دیاره خوشگلدون

 

اولوم او گوزلره قربان ، بو گیتماقوندا نه وار

چوخ حسرتیله ایدورسن نظاره خوشگلدون

 

وداعه بنزیری بو گلماقون ، یقینیمدور

دویونجا قوی باخوم او گل عذاره خوشگلدون

 

نه وار علی بو سفرده؟ دئ منتظر قویما

خبر گتورماقا بو انتظاره خوشگلدون

 

مریضه باجوی بیر بیله وقته یاد ایلیوب

باخوب رضای خداوندگاره خوشگلدون

 

بو نوعیله سنی گورماقدا اگر چه اودلاندیم

دوتوب وجودیمی یکسر شراره خوشگلدون

 

بابام گیدر ، علی گئت ، گر چه محرمیم قالمور

ئولنده نعشیمی قویسون مزاره خوشگلدون

 

سن آغلاما ، منه گلسون بلاسی گوزلروین

گرک من اوخشیام ، ابرِ بهاره خوشگلدون

 

اوجاتموسان باشیمی ، ائل قبیله ایچره علی

منی یتوردون عجب اعتباره خوشگلدون

 

حسین عزاسینه هر کیمسه جمع اولا (صافی)

آناسی فاطمه سویلَر اولاره خوشگلدون.

 

مرحوم صافی تبریزی

منبع مجموعه کانالهای مدح و مرثیه

 

----------- متن نوحه زبانحال حضرت علی اکبر (ع) ---------

زبانحال حضرت امام حسین (ع)

به حضرت علی اکبر (ع)

 

اوغول باشین آتا آلدی دیزی اوسته ایتدی خطاب

گوزوم ضیاسی اوغول دیزلریمده طاقت و تاب

 

سولوبدی گرچه عطشدن مثال غنچه لبون

نهالِ دینی ولی قانون ایلیوب سیراب

 

بو عرصه ده گوروسن یالقیزام یوخومدی کمک

آلوبدی دوره می دشمن ، یانیمدا یوخ احباب

 

من آغلادیقجا گولور دشمنیم ، چکور غُرّا

چالوللا بعضی سی کف ، روحیمه ویرولّه عذاب

 

مگر سسیم سنه یتمور دانیش ، یانش گیدوسن

بو قدر ناز ایلمه یاندی قلبیم اولدی کباب

 

دانیشماسان منیله غصّه مرگ اولوب ئوللم

دلون فداسی دل آچ نطقه گل ، گل ایلمه خواب

 

بو قدر گوز یاشی گوز کاسه سینده جمع اولماز

اورک قانیمدی دونوبدی اولوبدی دیده ده آب

 

مگر دوزوب دایانار باغبان گلوب گورسه

نهالِ حاصلِ عمری اولوبدی نقش بر آب

 

بو جسمی یغماق عبایه ئولوم برابریدور

چتیندی جمع اولونا صفحه صفحه اولسا کتاب

 

گوزوم قالوب او پیمبر باخشلی گوزلرده

او قانلی گوزلرون آچ ، ای شبیهِ ختمِ مآب

 

نقدر گوزلریوه گوزلریم باخور دویمور

گوزوم ضیاسی گوزون یومماقا چوخ ایتمه شتاب

 

گونون حرارتی بیر یان ، سوسوزلوقون بیر یان

دگوبدی بسکه یارا ، حدّدن گچوبدی حساب

 

قالار نه حاله آنان ، حالیَم بو حالیمدن

نظامِ زلفوی گورسه اولوبدی نظمی خراب.

 

استاد سالک

منبع مجموعه کانالهای مدح و مرثیه

 

----------- متن نوحه زبانحال حضرت علی اکبر (ع) ---------

زبانحال حضرت امام حسین (ع)

به حضرت علی اکبر (ع)

 

ای علی ای نوجوانیم آچگوزون

گوزلرون قربانی جانیم آچگوزون

 

ای صورتی شبهِ رسول

 ایوای علی ایوای اوغول

 

ای غزالِ دشتِ بطحا و حجاز

آلِ هاشمدن جوانِ سرفراز

ایتمه بو قانلی قوم اوسته خوابِ ناز

ای وفالی جانفشانیم آچگوزون

 

ای جمالی جدّیمون آئینه سی

وی قزل گل گلستانی ، سینه سی

اسدی بو قومین سمومِ کینه سی

سولدی یکسر گلستانیم آچگوزون

 

ای ذبیحِ ثالثِ آلِ خلیل

اوّلین بیر فدیهء خیرِ سلیل

آز قالور منده اولام عطشان قتیل

قالماقا یوخدور گمانیم آچگوزون

 

خیمه ده لیلا تکوبدور گوز یولا

حقّی وار گورسه سنی مجنون اولا

نینوا دشتی نوائیله دولا

اوج ایده عرشه فغانیم آچگوزون

 

ای اولان قربانِ عشقِ کوی یار

حالتون آلدی الیمدن اختیار

اوز اوزین ئولدورسه لیلا حقّی وار

ای کمالِ امتحانیم آچگوزون

 

سن گلنده بابِ غم مفتوحیدی

قلبِ لیلا غصّه دن مجروحیدی

گوئیا بیر قالبِ بی روحیدی

عترتِ بی خانمانیم آچگوزون

 

اشگیمی بو غصّه خونِ آل ایدوب

هاشمیّاتی پریشانحال ایدوب

روحِ لیلا نعشون استقبال ایدوب

روحِ لیلا ، دلستانیم آچگوزون

 

ای یوزی والشّمسه معنیّ ضُحی

سنسیز اولدی گوندوزوم لیلِ دُجی

یا علی بَعدَک علی الدّنیا عَفی

تار اولوب سنسیز جهانیم آچگوزون

 

باشوه منقذ وُراندا تیغِ کین

قیردی قلبیمدن او تیریله وتین

بو منیم قانیمدی توکدی مشرکین

قانی قانیم ، جانی جانیم آچگوزون

 

رحمسیز صیّاده ای آهوی رام

پیکرون تک واردی قلبیمده یارام

نیزلرده شامه تک سنلن وارام

ای جِداده همزبانیم آچگوزون

 

سهلدور باشدان باشا دوغرانموسان

گل کیمی گون ایسّیسنده یانموسان

حالیمه دشمن یانور ، سن یانموسان؟

حالیمه یان مهربانیم آچگوزون

 

بو منم باشون دیز اوسته آلموشام؟

یغماقا نعشون عبانی سالموشام

بیر نفر بولمور نه حاله قالمیشام

قان اولوب اشگِ روانیم آچگوزون

 

بیرده آچسان گوزلرون ای ماهِ رو

قان اولان قلبیمده قالماز آرزو

جلدسیز قرآندی یا پیکردی بو

میم حامیم دخانیم آچگوزون

 

گُل کیمی جسمون ایدوبلر چاک چاک

گون لحافون ، بسترندور خون و خاک

هر یارا جسمونده بیر اَعزَل سماک (نامِ یک ستاره)

ای مزیّن آسمانیم آچگوزون

 

ای عزیزِ فاطمه ، فخرِ اُمم

اوغلون اکبر جانینه ویرّم قسم

جان ویرن ساعتده قیل رنجه قدم

گَل دئ (سعدیّ زمانیم) آچگوزون.

 

مرحوم حسینی سعدی زمان

منبع مجموعه کانالهای مدح و مرثیه

 

----------- متن نوحه زبانحال حضرت علی اکبر (ع) ---------

زبانحال به حضرت علی اکبر (ع)

 

ای شجاعتده علی حُسنده پیغمبر اوغول

حَسنی وجه حسین خلق علی اکبراوغول

 

ای وجاهتده اولان شبه رسول مدنی

سنین عشقیندی سالان کوه و بیابانه منی

نجّه تشبیه اِیلیوم یوسف کنعانه سنی

سنه ای ماه لقا یوسف هاچان بنزر اوغول

 

قامتین شمعینه پروانه ی بی پروایم

گل رخساریوه آشفته دل و شیدایم

کوه و صحرایه دوشن قیس صفت لیلایم

فرقتینده منه مسکن اولاجاق چوللر اوغول

 

باغلادیم گویلومی اول زلف پریشانیوه من

باخارام حسرتیله نرگس مستانیوه من

بیردقیقه دوزه بلمزدیم او هجرانیوه من

نجه تاب اِیلسین آخر بو انان ایللر اوغول

 

حق یولوندا نقدر یتسه بلا تاب ایدرم

فرقتینده گوزیمین اشکینی خوناب ایدرم

نیزه باشیندا قاشین طاقینی محراب ایدرم

ورد و ذکریم گیجه گوندوز اولاجاق اکبر اوغول

 

اشک چشمیم یری وارطعنه وورا دریایه

گلمیوب سن تک اوغول گلمیاجاق دنیایه

سنی بو گوندن اوتور ایلموشم سرمایه

جسمیوی ایلسین اعدا هدف خنجراوغول

 

کعبه نون یوخدی مناسینده اوغول بیله صفا

قیل جوان جانیوی سعییله اوغول دینه فدا

راضیم لشکرکفار ایده لرهرنه جفا

سنه هاجرکیمی منده اِیلیم زیور اوغول

 

خیمگاهه نظر ایله قورولوب اوزگه اساس

دوشیوبدوریره هرکیمسنه بیرقانلی لباس

دوتوب هرکیمسه اوزایسکلیسینه شوریله یاس

کیمی قارداش دیرآغلارکیمیسی سویلر اوغول

 

رحم قیل هجریوی لیلا یه علی گورمه روا

فرقتینده گیجه گوندوز ایلیم شورو نوا

سنیده تشنه شهید ایلسه قوم جفا

کیم اولارلیلی غمخواریله بس یاوراوغول

 

عهد قیلموشدوم اوغول باشه سالام معجرآل

شوقیله زینت ایدم من سنه عکس اولدی خیال

شب هجرانه بدل اولدی بو گون روزوصال

قرمزی شال آناوا اولدی قرا معجراوغول

 

نقدراولسا حیاتیم ایدرم شورو فغان

هجریوه یوخ دل لیلاده علی تاب و توان

ایتمیوم گوز یاشینی من نجه رخساره روان

حشره تک آختاراجاقدورسنی بو گوزلر اوغول

 

شهر یثربده تیکوب گوز یولووا پیر و جوان

فرقتینده گیجه گوندوز هامی ایلله فغان

فاطمه صبح و مسا گوزدن ایدر اشک روان

گوزتیکوبدور یولا دایم یولیوی گوزلر اوغول

 

دانه ی خال دوتوب چهره ماهینده مقام

زلف و خالوندی گوگل مرغینه بو دانه و دام

گوروب اول دانه نی گوگلوم قوشی دوتماز آرام

برگ ریحان کیمی گوگلوم نجه گور تترر اوغول

 

هراو کس تعزیه داراولسا سنه دنیاده

غم یئمز آتش دوزخدن او کس عقباده

نوحه خوان چنگ وورار دامنیوه معناده

ایلیوبدورآدیوی دیلده اوچون ازبر اوغول

 

مرحوم خادم عطار تبریزی مشهور به نوحه خوان

منبع مجموعه کانالهای مدح و مرثیه

 

----------- متن نوحه زبانحال حضرت علی اکبر (ع) ---------

زبانحال به حضرت علی اکبر (علیه السلام)

 

هانسی جوان اولوب علی صد پاره سن کیمی

جسمی باتوبدی قانه عقیق یمن کیمی

 

من بیر دویونجه بیر دولی گوزلی باخمادیم

بو سر و قد و قامته گوگلوم سون کیمی

 

شام اهلینی گوروم داغلا عیش و گلشنی

گلزاریمی داغدتلا زاغ و زغن کیمی

 

هر یاره بیر گوزل گل اولوب گل وجودیوه

گلدی چیچکدی هر یری صحن چمن کیمی

 

قانون آخوب معطر ایدوب کربلا چولون

ایلوب ترابی نافه مشک ختن کیمی

 

باشون یاراسی نوع حکایت ایدیر سنون

زخم سروندی زخم سر بوالحسن کیمی

 

الله بو قومدن کسه رحمین گوروم اوغول

روحون علاقه سین بدنونن کسن کیمی

 

نعشون گرک عباده گیده یوخسا وار یری

عولدورسون اوز اوزون حرم اهلی گورن کیمی

 

قارداش دیور سکینه باجون زلفنی آچور

تل تل توکور چمن بزین یاسمن کیمی

 

صغراده گوزلوری یولون ایمدی مدینه ده

قارداش دیور سکینه شیرین سخن کیمی

 

(بیخود)دی نوحه شوره گتور اهل مجلسی

اکبر غمینده اوخشویون اوغلی عولن کیمی

 

ای (حافظی)حسینون عزاسینده آغلایان

بزم عزانی فرض ایله بیت الحزن کیمی

 

مرحوم حافظی و بیخود سرابی

منبع مجموعه کانالهای مدح و مرثیه

 

----------- متن نوحه زبانحال حضرت علی اکبر (ع) ---------

زبانحال به حضرت علی اکبر (علیه السلام)

 

قوری یرده نقشه ی قامتون ایلیوب قیامت اوغول علی

ایویمی بخوب بِئلیمی بوکوب بیله سروقامت اوغول علی

 

یتیشوبدی فرقیوه بیر یارا بوریوب جمالیوی تازه قان

دیریلیقدان ال یوموشام علی باشیوا بو یاره دگن زمان

منی اُلدوررر سنون اُلماقون نه لزومی اُلدوره کوفیان

بو باشونداکی یاره مرگیمه چوخ ایدر کفایت اوغول علی

 

ایده لر شکاف بو سینمی که قدر که قلب اولا آشکار

اورگیمده اوندا باخان گورر باشیوین یاراسینون عکسی وار

گله باشه هر نه بلا یلی اونی ضبط ایدر دل داغدار

اورگیمده دور بدنونده وار نه قدر جراحت اوغول علی

 

سسیوه خیمده ویرنده سس بولورم بو سرّی بولوب آنان

صفحات دفتر عیشیدن آدینی به کلّی سیلوب آنان

هله دور خیامه گیداخ گوراخ بو غمونده بلکه اُلوب آنان

چون اوغول غمینده آنا چتین ایدر استقامت اوغول علی

 

دی گوروم یاتوبدی بو گوزلرون هله سیر عالم خواب ایدر

گوزیوین یومولماقی یا اوغول من بینوایه جواب ایدر

بیله که یامان گونه قالموشام منی بلکه اوزگه حساب ایدر

گورورم گوز آچموسان ایلورم بو قدر سماجت اوغول علی

 

بو قوشون شماتت ایدور منه باشون اوسته چوخ اوتورانمورام

گولوشولّه آغلیه بولمورم، سویونولّه باشه وورانمورام

قاباقیمدال دشمنیم ال چالور هله من ایاقه دورانمورام

نه بِئلیمده تاب قیام وار نه دیزیمده طاقت اوغول علی

 

نه روادی من گونه اوخشادام یوزون ای جوان مَلَک سیر

آزالار شعاع و ضیاسی چون گونه هر گوز ایلسه چوخ نظر

ولی بو جماله باخاندا من گورورم ایشیقلانوری بصر

گوزیمون ضیاسینی آرتیرور بیله بیر ملاحت اوغول علی

 

منی نیمه جان ایلیوب غمون بولوسن اوزونده بو نکته نی

گوروسن که گلموری دیزلریم نجه خیمیه آپاروم سنی

دور ایاقه دوت الیمی علی سن اوزون خیامه آپار منی

قوجالیق زمانیدور ایله اوز آتاوا حمایت اوغول علی

 

عرصات حشریده یاحسین آتا اوغلینی ایتیرن زمان

یوزی قاره منزویه مگر کیم او های و هوده ویرر جنان

نولی شاهزاده ی اعظمه او زمان منی ویره سن نشان

دیه سن او روسیه گیدوب قیل اوزون شفاعت اوغول علی

 

----------- متن نوحه زبانحال حضرت علی اکبر (ع) ---------

زبانحال امام حسین (علیه السلام)

در شهادت حضرت علی اکبر (ع)

 

ایستدیم افلاکه بیرده آه و واویلا سالام

بیر جوان ناکام ویروب جانانه، کام دل آلام

من باخوردوم قان ایچینده ال ایاق چالدی بالام

آخدی گوز، چیخدی بدندن جانی گلدیم گل باجی

 

گورموشم چوخ داغ لر، یورقوندی جانیم، خسته ام

سن بولورسن من نقدری اکبره دلبسته ام

اوغلومون جانی چیخوب، اما اوزوم جان اوسته ام

صبریمه حیران قویوب دنیانی گلدیم گل باجی

 

گلمسیدون خیمه دن سن ای باجی افسرده حال

نعشی اوستوندن دوروب سالم گلیدیم من، محال

گلماقون میدانه ائتدی رفع حال ارتحال

تازه دن بیر ساعتین مهمانی گلدیم گل باجی

 

حالیمی آنلار منیم رخساریمه هر کیم باخار

یاندیرور آهیم اودی بو کون و امکانی یاخار

بو منیم قانیمدی جسم زخمداریندن آخار

بیر گون اوز اوغلوم آلور بو قانی گلدیم گل باجی

 

اوندا که تاپدیم عزیز جانمی جان اوسته من

یدی دفعه وای اوغول وای سسلدیم من

جمع ایدوب اوراق اولان گلدن باجی بیر دسته من

ارغوانی، صورتی، حمرانی، گلدیم گل باجی

 

من باخوب بو نوجوانه یانمشام، دشمن گولوب

جسمدن چکدوقجا اوخ نه چکمشم الله بولوب

گوز یاشیم قویمور گورم، گور نفس وار یا ئولوب؟

وار یری لیلانی مجنون ایتسه افغانیم باجی

 

----------- متن نوحه زبانحال حضرت علی اکبر (ع) ---------

زبانحال حضرت امام حسین (علیه السلام)

در بالین حضرت علی اکبر (علیه السلام)

 

ای فلک وجاهته صورتی آفتاب اوغول

حالتوی گورن کیمی قالمادی منده تاب اوغول

 

ای هامی بیر صفاتده احمدمرسله مثال

هانسی جواندا سن کیمی واردی بو حُسن و بو جمال

بیله باخیش بو قاش بو ‌گوز بیله روش بو خطْ و خال

حُسن جمالیون اولوب والهی شیخ و شاب اوغول

 

یاده سالاندا جدّیمی گوگلیمی دولدوراندا غم

منده باخاردیم عارض ماه مثالوه او دم

زایل اولوردی یکسره دلده اولان غم و الم

ایمدی بابام فراقنه قلبیم اولور مصاب اوغول

 

گورمه دیلر سپاه دون جدّیمه بنذوری یوزون

یاکه نشان بو لشگر باطله ویرمدون اوزون

نازیوه یوخ داخی دوزوم ایلمه ناز آچگوزون

موسم هجر وصلدن قیل منی کامیاب اوغول

 

قان قورودوب آچیلموری نرگس مست می پرست

یا هَلَه وار علامت نشهٔ بادهٔ الست

جدّیمون عطریدور اوغول بیله سنی ایدوبدی مست

یا که آلوبدی هوشوی باشدان او‌جام آب اوغول

 

قلبون ازل گون عشقدن آگه عشقدورعلی

سال منی گوزدن آچما گوز بو ره عشقدورعلی

یات قوری یرده نازیله خوش ره عشقدورعلی

قرمزی قان حریرینی فرش ایله رختخواب اوغول

 

نه بیله گلستان اولور نه بیله عالی بیر چمن

نه بیله بوستان اولور نه بیله سرو نه سمن

نه بیله گل خزان اولور نه بیله پاره پاره تن

نه بیله امتحان اولور نه بیله انتخاب اوغول

 

نالمی سن ایشتمیسن یا که دگل بو سس تانش

یوخسا تانش سسین آلان کیمسه گیدر بیله یانش

روحیمون عشقی وار سنون نطقوه منله بیر دانش

بیرده ادب یولیله ویر اوز آتاوا جواب اوغول

 

ایستدی چرخ قاسمون قالماسون عیشی ناتمام

جسموی ایتدی بیر طبق گل کیمی زینت خیام

نغمهٔ شور نالیه دل هانی ایلسون دوام

دلده مگر توان قویار زمزمهٔ رباب اوغول

 

ائیلموسن علی عجب وجهیله زینت وجود

قرمزی قان بو آق کفن یاخشی دوشوبدی خوش نمود

زلفون عبث بویانمیوب قانیله بیله خود بخود

محضره یاره عزم ایدن خوشدور ایده خضاب اوغول

 

نه چکر ایمدی خیمه ده یولدا گوزی قالان بنات

خاصّه غریب آناندا وار من کیمی حالت ممات

بولسه سنون بو حالوی زینب فاطمه صفات

شرق خیامدن چخار گون کیمی بی حجاب اوغول

 

شوقدور آغلادان منی اشگیم اولور یوزه روان

چون ره حقده ویرمشم سن کیمی بر گوزل جوان

گرچه جوان اوغول داغی هر آتادان آلور توان

لیک کدر یولیله من توکمرم اشگ ناب اوغول

 

کیم بولوری نه اشگدور گوزده کی بو پیاله ده

کیم بولوری نه نکته دور وار نه سبب بو ناله ده

کیم بولوری نه داغدور قلب لطیف لاله ده

کیم بولوری نه شوقدور دلده نه اضطراب اوغول

 

ویرسم حبیبمه فداسن کیمی مین جوان اوغول

قلبیمه آرتورار فرح ذرّه جه اولمارام ملول

فخر ایدرم فدالریم هر نئیدی ایدوب قبول

آیهٔ ذبحی گوندرن خالق نُه قُباب اوغول

 

«شأنی» حسینی لر بو ائیل بیله ایدوبله اتّحاد

جمله مریضه خاصّه بیر نچّه نفر دوتوبالا آد

ایستیلر شفاسینی اوردا سنی ایدلّه یاد

سنده آتا دلینجه یاز بیله گوزل خطاب اوغول

 

مرحوم حسین شانی تبریزی

منبع مجموعه کانالهای مدح و مرثیه

 

----------- متن نوحه زبانحال حضرت علی اکبر (ع) ---------

زبانحال حضرت امام حسین (علیه السلام)

به حضرت علی اکبر (علیه السلام)

 

عالم وصلیده ای گوزلریمون نوری اوغول

بیرده گل نطقه دانشدیر من مهجوری اوغول

 

ای غزال حرم ای حسن وفا کانی فتی

گورمیوب چشم ختن سن کیمی آهوی ختا

هانسی صیّاد خطا کار ایدوب بیله خطا

سنی صید ایتماق اولوب ظلمیله منظوری اوغول

 

ای گوزل گوزلری رشگ نگه مست غزال

بو باخوشدا اولا آهوی خطا چشمی محال

نجه خونریز ونه دل سختیدی بو قوم ضلال

دولدوروب قانیله بو نرگس مخموری اوغول

 

ایسته دی اوغلونی قربان ویره جانانه خلیل

اولمادی لایق قربانگه حق اسماعیل

بو مقامه سنی زیبنده گوروب رب جلیل

یازدی سن ذبح عظیم اسمینه منشوری اوغول

 

ایستورم پیکروی حمل ایلیم خرگاهه

باخورام بنزوری اوراق کلام اللهه

قورخورام لیلینی همدم ایده داد وآهه

گورسه بو نحویله بو مصحف مسطوری اوغول

 

دگمه موش تیغ و سنان گول بدنینده هارادی

باخورام گول کیمی باشدان باشا جسمون یارادی

ایندی بو زلف پریشانوی لیلا دارادی

بویادی قانیله کیم لوء لوء منثوری اوغول

 

قلبیمون بندینی قیردی اثری بیر یارانون

قلبینون بندی قیرولسون بو وتینی قیرانون

گیده گوزدن گوزونون نوری بو خنجر ویرانون

واریموش قولدا نه اندازه مگر زوری اوغول

 

آناون گوزیاشینی یوخسا بو غم خون ایتمز

ذکرینی وا ولدا قلبینی محزون ایتمز

خانۀ صبرینی غم لشگری داغون ایتمز

اولماز عالمده مبدّل اَلَمه سوری اوغول

 

ای وجاهتده وران طعنه جمالی آیه

دوشسه مجنون کیمی لیلا یری وار صحرایه

بو عراق اهلی مذمّت ایلمز لیلایه

نینوا دشتنی دولدورسا اگر شوری اوغول

 

جانیوه آندولا اولدوم دیرلیقدان ایله سیر

راضیم باشوون اوستونده بوکفار شریر

ویرالار قانه دونن قلبیمه اوچ شعبه لی تیر

آچالار دلده اولان عقدۀ مستوری اوغول

 

سنسیز عالمده هامی فکریمی باشدان آتارام

منده گللم بویولی سنکیمی قانه باتارام

تا جهان وار علی بیر قبریده سنلن یاتارام

تا بالام قائم آلا بو بودَمِ موتوری اوغول

 

دیزیمون طاقتی روحیم وَلَدی یا وَلَدی

هانسی ظالم بو گوزل جسموی قانه بَلَدی

سنی اُولدوردی آنان باشینه توپراق اَلَدی

قویدی زلفون کیمی آشفته او رنجوری اوغول

 

 مرحوم حسینی سعدی زمان

منبع مجموعه کانالهای مدح و مرثیه

 

----------- متن نوحه زبانحال حضرت علی اکبر (ع) ---------

وداع حضرت علی اکبر (علیه السلام)

 

گل عازمم قتاله آنا آزدی فرصتیم

چوخ ساخلاما یول اوسته یوخومدور فراغتیم

 

احسان ادوب مریدینه بیر باده پیر عشق

مخمور ادوبدی نشئه جام شهادتیم

 

ایله ادوب دی مست می شوق وصل یار

دیدار یاریدن سورا یوخ اوزگه حاجتیم

 

من تشنه ی وصال نگارم بو دشتیده

آب فراته ذره جه یوخ میل و رغبتیم

 

امر ایلیوبدی سیر‌ سلوک ایلیه ام بو گون

گودال قتلگاهیده پیر طریقتیم

 

ملبوس ادوب بابام منی بو آغ لباسیله

تا لایق نگار اولا اگنیمده خلعتیم

 

سنده رسوم دهریله زینت ور اوغلووا

سال نظمه زلف پیچ و خمی آرتا زینتیم

 

ای هاجر محبت صحرای کربلا

اسماعیله بو دشتیده وار افضلیتیم

 

کوه منایه گتدی او، ساق گلدی هاجره

اما منیم خیامه داها یوخدی رجعتیم

 

گوزلور دوباره ساقی عشق الده جام می

مدهوش اده خمارینی پوزقون دی حالتیم

 

بو کثرتیله دشمن دون الده تیغ کین

قانیله سعی ادور بزنه بزم وحدتیم

 

کربو بلایه غبطه ادر زمزم و منا

قربان کیمی بولونسه سوسوز سرو قامتیم

 

سیل سرشک اشکیوی رخساره باغلاما

ییخسون مباده قلبون اوین درد فرقتیم

 

خرمن کیمی داغیتما یوزه تار زلفیوی

قویما پوزا خیالیوی اندوه و محنتیم

 

گورسن جنازمی داغیلیب اتمه شور و شین

فکر ایله گل آچوبدی بدنده جراحتیم

 

بولمور مجازه طالب اولانار حقیقتی

اهل دله مطاف اولاجاخ قانلی تربتیم

 

صراف عشقه بذل ادورم جان مطاعینی

سوق وفاده ارجه یتر قدر و قیمتیم

 

وردیم طلوع صبحیده مخیمده بیر اذان

قان دجله سی منیم اولا محراب طاعتیم

 

ای شاهزاده بیر یوزی قاره غلاموزام

عبد خدا آدیمی آقا اصلی شهرتیم

 

هر سطر دفتریم دولی جرم و خطائیله

وار قبریدن او دور که بیله خوف و وحشتیم

 

سیز خانوادیه گوزومی تیکمیشم فقط

مقبول درگه اولسا بو ناچیز خدمتیم

 

حاج عبدالله اصلی

منبع مجموعه کانالهای مدح و مرثیه

 

----------- متن نوحه زبانحال حضرت علی اکبر (ع) ---------

زبانحال در شهادت حضرت علی اکبر (ع)

 

ای جوانلار جان ویرور اوغلوم علی‌اکبردی بو

قویمیون نعشین قوم اوسته شبه پیغمبردی بو

 

خوشدلم هر چند گل جسمینده یاره قان ویرور

راه جاناندا او کیمدور بیر بیله قربان ویرور

قویمیون امّا گوزوم گورسون گورورسوز جان ویرور

پارۀ قلبیمدی چون نور دو چشم تردی بو

 

تشنه لبدور لیک قانی سوکیمی اولموش سبیل

اوّلین قربانیدور آل خلیلون بو قتیل

احترامین ساخلاماق لازمدی بسدور بو دلیل

خَلقاً و خُلقاً رسول اکرمه مَظهردی بو

 

چوخ باخون بیر لحظه دور اُولموش آناسیندان کنار

وار یقین لیلاده‌ده ایمدی بو حال احتضار

بوندان آرتوق قویمیون قالسون او بیکس انتظار

طاقت و صبر دل لیلای غم پروردی بو

 

شمع رخسارین گوروب اود دوتموشام پروانه تک

بولمورم نئیلیم گورورسوز عاشق مستانه تک

قُورخورام گلسون حرملر باش‌آچوخ میدانه تک

میوۀ نخل امید عترت حیدردی بو

 

طوی اتاقی بو جوانه اولدی گودال مصاف

شیعه‌لر بیر وقت ایله‌لّر بو گوداله طواف

قاسمه گر چه دوتولموش خیمه‌ده بزم زفاف

پاره پاره جسمله اول مجلسه زیوردی بو

 

من دیمم قاسم آناسی گلسون اکبر یاسینه

باخسا بسدور بیر نظر بو چاک‌چاک اعضاسینه

دسته گل لازمدی چون طویدا حنا خونچاسینه

تحفۀ لیلادی بو بیر دسته گُل اَحمَردی بو

 

خیمه‌لرده گر چه واقف اولمیوبلار مطلبه

بیر باخون شور و نوایه ذکر یارب یاربه

چوخ چتیندور بو مصیبتده دایانماق زینبه

چون توانای وجود زینب مُضطردی بو

 

بند بند اولموش بو گُل‌تک پیکری شمشیریله

نعشنون حمل اولماقی اولسون گرک تدبیریله

منده دل یوخدی سیزی آگاه ایدم تقریریله

گرچه آدی اَزبریمدور قلبده مُضْمردی بو

 

گلدی مقصودیم اله حاصل اولوب کام دلیم

قانیمی ایکاش بوقانه قاتیدی قاتلیم

ای جوانلار عاجزم رفتاردن گلمز بیلیم

نوجوان داغی چتین‌دور عالم دیگردی بو

 

سالمیون تأخیره لازمدور اولونسون اهتمام

منتظردی گوزلوری یول عترت خیرالانام

آل طه قتلگاهه قورخورام گلسون تمام

اهل‌بیت مصطفایه اوّلین مَنظردی بو

 

(صافیا) سنده یانوب آغلا علیِّ‌اکبره

آدی اکبر شبه روی حضرت پیغمبره

اشک چشمیله مبارک اسمینی یاز دفتره

 

مرحوم صافی تبریزی

منبع مجموعه کانالهای مدح و مرثیه

 

----------- متن نوحه زبانحال حضرت علی اکبر (ع) ---------

زبانحال حضرت امام حسین (ع) در بالین حضرت علی اکبر (ع)

 

یاتما ای چهره قمر نور بصر یارالی قربانیم

اخیامه حمل ائلیوم پیکرووی یوخومدی امکانیم

 

قدّیم غمدن بوکولوب ایله منه نظاره اکبر جان

آچ زیبا گوزلرووی باخ آتووا دوباره اکبر جان

 

کان علم و بحر سخا قهرمان کرب و بلا

پیکرون قانه بویانوب اولدی احیا دین خدا

 

شبیه طاهاسن عزیز زهراسن

گوزوم سنه قربان امید لیلاسن

 

تلّین اوستونده بیبون باشدا قرا سنی دعا ایلر

گلسون اخیامه، سنه غملی باجیم جانین فدا ایلر

 

سنسیز وای قیزلاریمون گون لرینه جهانی داغلاللار

اولسا سالم قالانی سینه ووروب وطنده آغلاللار

 

گوزلریم قرباندی سنه ایله اوغلوم تکیه منه

منتظر دور عمه لرون یوسف گل پیرهنه

 

گوزل نگاریمسن سولان بهاریمسن

سپاه قرآندا طلایه داریمسن

 

باشوندان قان توکولور گُل یوزووه الیمده یوخ چاره

قاتللر گوز گوزه دی غملی بابون قالوبدی آواره

 

بو قانلی بسترووه لبلرووه ئوزوم فدا اوغلوم

صد پاره پیکرووه گوزلرووه گوزوم فدا اوغلوم

 

یاره لر دن قان داغیلوب قان دئمه مرجان داغیلوب

دوغرانوب آیات خدا مقتله قرآن داغیلوب

 

وفالی سان اوغلوم یارالی سان اوغلوم

بلالی لیلانون مارالی سان اوغلوم

 

منبع مجموعه کانالهای مدح و مرثیه

 

----------- متن نوحه زبانحال حضرت علی اکبر (ع) ---------

زبانحال حضرت علی اکبر (علیه السلام)

خطاب به لشکریان امویان

 

ای جماعت آتامون من دُرِ درانه سیَم

آنامون یوخ داخی اوغلی ، بیر بیردانه سیَم

 

وورموشام شعلۀ شمع رُخ یاره اؤزومی

اود دوتوب بولمرم اصلا اؤزومی نه سوزوی

یاریم اود ووردی منه یومدی جهاندا گوزومی

یانورام یاندیرارام عالمی پروانه سیَم

 

خُم میخانۀ عشقم منِ مپیمانه پرست

اولموشام ساغر مجلس اولالی کاسه شکست

دولانوب صفلری بیر بیر گزرم دست به دست

گتوروب گردشه ساقی منی پیمانه سیَم

 

قان گوروب باشدان آشور گور نجه تدبیر ائلیوب

داغیدوب کاکلی قان جِسرینی زنجیر ائلیوب

داش دوزوب دوره مه اطرافیمی نخجیر ائلیوب

اودی آباد ائلین من اودی ویرانه سیَم

 

زلف پر چینیمی توکدی یوزمه دام ایلدی

خالیله دانه سپوپ مرغی اونا رام ایلدی

آنامی خیمه ده بی طاقت و آرام ایلدی

یوز قویوب دامیمه مرغ دلینین دانه سیَم

 

من که مفتونم اونا عالمی مفتون ائدرم

شور وفریادیمیله دهری دگرگون ائدرم

بیر حزین آهیله یوز لیلینی مجنون ائدرم

بلی مجنون ائدرم لیلینی دیوانه سیَم

 

محرم خلوت جانان بولی جاناندا نه وار

صدف ایستر که بوله شاخۀ مرجاندا نه وار

بونی جانانه بولر بس که بو بیر جاندا نه وار

آلالار مین جانا وئرمز منی جانانه سیَم

 

مرغ خوش لهجه سیم لهجۀ گفتاریمیله

طوطیِ ناطقیم نطق شکرباریمیله

چشم و قدّ و رخ و زلف و خط رخساریمیله

نرگس و سرو گل و سنبل و ریحانه سیَم

 

آزالوب جود و سخاوت چوخ اولوب نخل نخیل

کسیلوب بارش رحمت قوریوب نخل نخیل

شاعر الحق که فضولیدی نوالیدی دخیل

تائبم من اولارین دهریده افسانه سیَم

 

مرحوم شیخ اسماعیل تائب

 

----------- متن نوحه زبانحال حضرت علی اکبر (ع) ---------

رجز حضرت علی اکبر (ع)

 

بیلون ای قومِ دغا سَرورِ دورانم من

گلشنِ دهریده بیر سروِ خرامانم من

 

جدّ پاکیمدی رسولِ قریش و مدنی

زادهء سبطِ نبی ، شافعِ عصیانم من

 

بابام ای قوم علیدور ، نه علی؟ شیرِ خدا

او علینون بالاسی ، ضیغمِ غرّانم من

 

یر یوزنده بو گون اوچ پادشهون نائبیَم

او سببدندی ، تمام ، عالمه سلطانم من

 

احمدم حُسنِ وجاهتده ، شجاعتده علی

هم فصاحتده حسن ، منبعِ احسانم من

 

فاطمه جدّهء پاکیمدی ، عَموم نورِ هدا

خامسِ آلِ عبا جانینه جانانم من

 

بیر عَموم کانِ وفا ، کرب و بلا سقّاسی

او علمدار عَمومون جسمینه بیر جانم من

 

صدفِ عصمت دریای نجف گوهریَم

درجِ مختومِ وفاده دُرّ غلطانم من

 

شرفِ جاه و جلالت گوینون اولدوزیام

فلکِ عزّت و نازه مهِ تابانم من

 

ای مسلمان کیمی قرآن اوخویانلار تانیون

جدّیمه نازل اولان آیهء قرآنم من

 

صفدرِ عرصهء جنگاهه ، هژبرُ الغَزَوات

یادگارِ شاهِ دین ، قاتلِ عدوانم من

 

هاشمی فطرت و والا نسبم ، کانِ سخا

گلستانِ هنره بیر گلِ خندانم من...

 

آتام اول کسدی ایدوب گوگلره قنداقی عروج

عرشه معراج ایلین سَروره جانانم من

 

نائبم ، احمدِ مختار جگر گوشه سینه

آلِ پیغمبره بیر یوسفِ کنعانم من

 

نورِ چشمِ شهِ بطحا ، خلفِ شیرِ خدا

مسندِ تختِ نجابتده سلیمانم من

 

آدیم اکبر ، شجرِ باغِ جلالت ثمری

بزمِ اجلالیده بیر شمعِ شبستانم من...

 

وار بو فخریم ایکی دنیاده حسین نوکریم

گلشنِ تعزیه ده (قمری) خوش خوانم من.

 

مرحوم قمری دربندی

منبع مجموعه کانالهای مدح و مرثیه

 

----------- متن نوحه زبانحال حضرت علی اکبر (ع) ---------

زبانحال به حضرت علی اکبر (ع)

 

گوزون آچ یاتما اویان ، دور علی قربانون اولوم

دور اوتور آز منی یاندور علی قربانون اولوم

 

منه بو دهریده هر فضل و کرامت سنیدون

عافیت بستری ، بالینِ سلامت  سنیدون

حُسنِ پیغمبره هر یرده علامت سنیدون

سنده بس بو نه نشاندور؟ علی قربانون اولوم

 

سن کیمی گوگلوم اِوین کیم بزر آرایش ایدر

منیله خوش دانیشوب حالیمه بخشایش ایدر

سنون عهدون کیمی هاردان آنان آسایش ایدر

چرخِ دون چوخ دولاناندور علی قربانون اولوم

 

سن منم خلق آرا سرمایهء تمجیدیمدون

بَختِ فیروزیمدون ، دولتِ جاویدیمدون

هر نجه مشکلیم اولسیدی سن امّیدیمدون

ای امیدیم دور اماندور علی قربانون اولوم

 

بوندان ازّل ایشیدیردیم غمِ هجران آدینی

بیله بولمزدیم اوغول بو آجی زهرون دادینی

گوزون آچ گوز تانور آخر رُفَقادن یادینی

باخ بو بیچاره آناندور علی قربانون اولوم

 

یاتما توپراقلارا باتما دور اوتور اَگلن اوغول

بیر نچه کلمه منیم خاطریمه دللن اوغول

آنالیق حقّین اونوتما دئ دانیش منلَن اوغول

بیر سوزون قیمتی جاندور علی قربانون اولوم

 

آچ گوزون ای گوزیمون نور و ضیاسی گوزون آچ

منه گلسون او گوزون درد و بلاسی گوزون آچ

اوجالا قویما آنان ناله صداسی گوزون آچ

قلبیم آخر نگراندور علی قربانون اولوم

 

اوجادان  آغلامارام  اشکیمه عالم  بویانا

قورخورام یاتمیش اولا طایرِ روحون اویانا

گَله لعنت منی اوز اوغلوما حسرت قویانا

نوجوان داغی یاماندور علی قربانون اولوم

 

بیر دقیقه نه قویولّار علی تأخیر ائلیوم

نه عبارت تاپیلور دردیمی تقریر ائلیوم

نه گلور فکریمه بیر چاره نه تدبیر ائلیوم

باغریم آخر دولی قاندور علی قربانون اولوم

 

بلبلم گُل سوزینی قویسالا مین ایل دیرم

بال و پَردن توکولن گوگلومه بِسمل دیرم

نقدر عجز  ایدرم ، دیندیررم ،  دل  دیرم

دیمیسن بو نه فغاندور علی قربانون اولوم

 

من دوتاخ جبرا" اوغول شامه گیدوب یتمه لیم

نظرِ مرحمتوندن نیه ترک ایتمه  لیم؟

اذن ویر بیر دولانیم باشوه من گیتمه لیم

آز منی ساخلا یوباندور علی قربانون اولوم

 

چون دیمز عاشق اولان کیمسیه دردِ دلینی

زنگِ غم ، صحبتِ جانانیله دلدن  سیلینی

آنالاردا اوغول اولادینه باغلار بیلینی

اوزووه بو سوز عیاندور علی قربانون اولوم

 

عشق تا گلمیه انسانون اوغول اوز باشینا

آخماز عاشق کیمی گوز یاشی اونون اوز باشینا

اَزبریمدور دیرم آدیوی هر سوز  باشینا

گُور آنان درسی رواندور؟ علی قربانون اولوم

 

یاریلوب باشون آخوب قان سرِ زلفون بولاشوب

آق یوزون ، قاره تلون ، قرمزی قان خوش یاراشوب

گوزیاشیم سیل کیمی بسکه آخوب باشدان آشوب

کیم دیر سیله دایان دور علی قربانون اولوم

 

من سنون خاطریوه گوگلیمی آباد ایدرم

هاردا بیر تازه جوان اولسا سنی یاد ایدرم

یازسا نوحه سنه《هندی》اونا امداد ایدرم

چون اونا وردِ زباندور علی قربانون اولوم.

 

مرحوم هندی

منبع مجموعه کانالهای مدح و مرثیه

 

----------- متن نوحه زبانحال حضرت علی اکبر (ع) ---------

زبانحال حضرت امام حسین (علیه السلام)

در بالین حضرت علی اکبر (علیه السلام)

 

دریای فیضی گوردوله بیر گوهر آختارور

یعنی حسین او چولده علی اکبر آختارور

 

گویا که رزمگاه اُحدده امیر بدر

آسیمه سر شتابیله پیغمبر آختارور

 

یا جبرئیل دیدۀ خونباریلن گینه

فرق سری شکافته چون حیدر آختارور

 

آغلار گوزیله گلدی اوغول یانینه گوروب

دریای خونه غوطه ورار یاور آختارور

 

گوزلر آخوب ولیک خیامه دولاندیرور

گویا آتاسینی او گوزل گوزلر آختارور

 

باخدی نه گوردی تن قفسی خورد خورد اولوب

مرغ روانی اوچماقا بال و پر آختارور

 

هر زخم پیکرینده اولوب بیر شکفته گل

خار و خدنگ ایچینده عجب گلّلر آختارور

 

هر تار زلفی دانۀ مرجان کیمی دوروب

گوهر شناس دانۀ خوش منظر آختارور

 

بوسه ووراردی شوقیله بیر بیر او گُلّره

گلچین بلی همیشه گل احمر آختارور

 

باشین گوتوردی یردن آلوبدور دیز اوستونه

زانوی غم همیشه یارالی سر آختارور

 

تا دامن جلالته قویدی اوغول باشین

اول عرش گوشواری عجب زیور آختارور

 

آرام قلبی اولمادی بیر باسدی باغرینا

یعنی اوغول سنی دل غم پرور آختارور

 

مه کسب ایدر همیشه ضیاء آفتابیدن

امّا بو قرص ماهی گزر خاور آختارور

 

بیر حسرتیله واولدا ناله سی چکوب

سسلندی دور اوغول سنی بو گوزلر آختارور

 

ای کوکب سحر نه تئز ائتدون غروبه میل

هر صبحده غروبه مکان اختر آختارور

 

یاتما قوم اوسته دور آپاریم خیمیه اوغول

چون خیمه ده آنان سنی چوخ گوزلر آختارور

 

یعنی که ای ذبیح منای وفا سنی

بیر چشم انتظار قالان هاجر آختارور

 

گلّم اؤزوم دالنجا اوغول ایمدی چون منی

شمر شریر الده گزر خنجر آختارور

 

« مشکوة» بو عزاده همیشه قلم کیمی

بیر قلب آتشینیله چشم تر آختارور

 

مرحوم مشکوة

 

----------- متن نوحه زبانحال حضرت علی اکبر (ع) ---------

احوالات وداع حضرت علی اکبر (ع)

 

بیرده قیلوم دویونجا تماشا بو گُل یوزه

غم گلشنینده بلبلِ گلزاریوم اوغول

 

شهلا گوزون بو سمته دولاندیر نظاره قیل

قربانِ چشمِ نرگسِ خونباریوم اوغول

 

اوّل منی قاشون قلنجیلان شهید قیل

جان اوسته قویما عشقیده بیماریوم اوغول

 

گوگلوم قوشی اسیریدی زلفون کمندینه

بیر نچه ایلدی عاشقِ رخساریوم اوغول

 

مرغِ خیال دانهء خالون هواسینه

پربسته دور ، اسیرِ گرفتاریوم اوغول

 

ای یوسفیم اگر چه سنه چوخدی مشتری

آخر بو چولده منده خریداریوم اوغول...

 

سؤسن آنا حساب ایله ، یا ایستسن کنیز

گَل بیرجه نطقه والهِ گفتاریوم اوغول

 

لیلا دیلّلر آدیما ، امّا حقیقتا"

مجنونِ حُسنِ عارضِ گلناریوم اوغول

 

دیوانه لر کیمی دوشوب عشقونده چوللره

بیر ایل باشمدا قاره عزاداریوم اوغول

 

شمر ایلمز اسیر منی ، زلفون اولماسا

پابندِ قیدِ طرّهء طرّاریوم اوغول

 

یا قبر قاز ازل منی دفن ایله یا آپار

میدانِ رزمگاهه ، مددکاریوم اوغول

 

دعوا اولاندا ویر منی اوخلار قباقینه

باخ گور نه جرأتیله نگهداریوم اوغول

 

انصافدور که سن ئوله سن ، ساق قالا آنان؟

جان قویموشام همیشه پرستاریوم اوغول

 

سن کربلاده من نجه شامه گیدوم اسیر؟

قالّام یانوندا غملره غمخواریوم اوغول

 

سرو قدون باتاندا قیزیل قانه آغلارام

بزمِ عزاده (قمری) گلزاریوم اوغول.

 

مرحوم قمری

منبع مجموعه کانالهای مدح و مرثیه

 

----------- متن نوحه زبانحال حضرت علی اکبر (ع) ---------

زبانحال امام حسین (ع) به

 شاهزاده حضرت علی اکبر(ع)

 

دورایاقه ایلمه خواب اوغول

 قوری یرده یاتما یارالیسان

اورگیمده قالمادیتاب اوغول

 قوری یرده یاتما یارالیسان

 

سنیدون گل چمن ادب

بیله یاتماقا نه اولوب سبب

گوزون آچ گلوب شه تشنه لب

قوری یرده یاتما یارالیسان

 

یولا سالدی اهل حرم منی

آپارام خیامه گرک سنی

گوزی یاشلی قویمه سکینه نی

قوری یرده یاتما یارالیسان

 

منی گوزلیورعلی قارداشین

بیراویان فداسی بو گوزیاشین

دیزیم استه قوی سن اوغول باشین

قوری یرده یاتما یارالیسان

 

قوریوب سوسوزدان اوغول دلیم

داخی یوخدی بیرکمکیم ایلیم

منه رحم ایله بوکولوب بیلیم

قوری یرده یاتما یارالیسان

 

آپاروم باجون سنه آغلاسین

اورگین فغانیله داغلاسین

باشینا باجون قرا باغلاسین

قوری یرده یاتما یارالیسان

 

گرک آغلاسین گوزی(ذاکرین)

دوشه دللره سوزی ذاکرین

بو سوزی دیور اوزی ذاکرین

قورییرده یاتما یارالیسان

 

اشعاری از قاسم بیگ  متخلص به ذاکر ثانی

از شاعران منطقه قره باغ

منبع کانال گنجینه گذشتگان

 

----------- متن نوحه زبانحال حضرت علی اکبر (ع) ---------

زبانحال حضرت امام حسین (علیه السلام)

در بالین حضرت علی اکبر (علیه السلام)

 

بلشوب قانیوه جسمین بو نه حالتدور اوغول

گوزون آچ خیمده گور بیر نه قیامتدور اوغول

 

گورجاق اوغلین آتالیق قانی گلوبدورجوشه

قان دولان گوزلرینی اپدی آلوب آغوشه

اشک چشمین یوزینه سپدی گتوردی هوشه

دیدی آچ گوزلریوی موسم فرقتدور اوغول

 

مه یوزینده ای اوغول زلف سیه هاله سالوب

گوراو هاله آتاوی ایمدی نه احواله سالوب

هانسی بیرحم سنی سویله بیله حاله سالوب

اشقیاده بو نه انصاف و مروتدور اوغول

 

سرو تک قامتیوی کیم بیله میدانه سالوب

ایلیوب لیلینی مجنون بیابانه سالوب

فرقتین عمه لرین آتش هجرانه سالوب

گیتماقین زینب غمخواریه منتدوراوغول

 

سنه از بسکه جفا لشکر کفارایلیوب

ای گون اوزلوم گیجه تک گوندوزیوی تارایلیوب

سن منیم دسته گلوم سن سنی کیم خوار ایلیوب

کوفیان عادتی هردمده شقاوتدوراوغول

 

اولما راضی علی بو حالیده نالانون اولوم

بیله وقتینده سنون دیده سی گریانون اولوم

نطقه گل بیرجه تکلم ایله قربانون اولوم

هرسوزون واردی منه وقت وصیتدور اوغول

 

چوخلی مشکلدی منه بو غم هجرانون علی

دوزولوب زلفیوه مرجان کیمی آلقانون اوغول

اولا کول باشینه سندنصورا دنیانون اوغول

خیمده لیلی سنون وصلیوه حسرتدوراوغول

 

نه روادور علی هجرینده او افغانه گله

دمبدم جوش ایلیوب غملری طوفانه گله

قورخورام باشی آچوق جانب میذانه گله

که چکن بلبلی گلزاره محبتدوراوغول

 

الیوی ویر الیمه دورگیداق ای شبه رسول

انتظارین چکراهل حرمیم زارو ملول

گوزتیکوبدوریولیواعمه لزین گوزلوری یول

جمله سی پرده نشینان خدارتدوراوغول

 

سنی الدوردوله یالقوزلادی بو قوم منی

سروتک سالدیلا یراستینه بو گل بدنی

پاره پاره ایلیوب قوم جفا پیشه سنی

یوخدی بیر بوسه یری جمله جراحتدور اوغول

 

ماتمینده هر اوکس دیده سی خونبار اولسون

حالی پژمرده و مجنون و دل افکاراولسون

ایسته بو جمعیله تا قبریوه زواراولسون

(خادم) هم قبر طلا کاریوه حسرتدور اوغول

 

مرحوم خادم عطار تبریزی

منبع کانال گنجینه گذشتگان 

 

----------- متن نوحه زبانحال حضرت علی اکبر (ع) ---------

استمداد حضرت علی اکبر (ع)

 

یخیلمیشام یره آتدان ، یارالیم باباجان

یتیش هرایمه چوخ ماجرالیم باباجان

 

باشیمدا معجزِ شقُ القَمر علامتی وار

بابام علی کیمی باشدان یارالیم باباجان

 

یخوبلار قامتیمی سرو تک بو چولده یره

دِموبله باغِ وفانون نهالیم باباجان

 

وطن محبّتینی ، باش یاراسی ، باشدان آتوب

مدینه یوسفیَم ، کربلالیم باباجان

 

شکسته نی کیمی بیجا دگول نوا ایدورم

دولوب نوائیله جسمیم ، نوالیم باباجان

 

بو سون نفسده سنی سسلورم بودور نظریم

گورم جمالیوی بیرده ، وفالیم باباجان

 

آخان ستاره کیمی عرشِ زین دن آخدیم

عِنان الیمده دگول ، دست خالیم باباجان

 

آنام دئ نیزده باخسین آی اوّلی باشیما

سپهرِ عشق و محبّت هلالیم باباجان

 

باجیم سکینیه دئ ، یول داخی گوزَتلمه سین

دوشوب بلایه باشیم ، ابتلالیم باباجان

 

غمیمده چوللره مجنون اولوب دوشر لیلا

بو حالیده ایله بیر حاله ، حالیَم باباجان

 

شهادت عالَمی بیر صورته شبیه اولسا

او صورتین لبِ بالاده خالیَم باباجان

 

کمندِ دشمنه بند اولموشام جفائیله

بو قانلی معرکه نین خوش غزالیم باباجان

 

ووروب یارا یارالی جسمیمه گروهِ خطا

بولوبله چین و ختانون مارالیم باباجان

 

اذان سسی ایشیدنده آنام چوخ آغلیاجاق

بولور امامِ زمانون بِلالیَم باباجان

 

داغیلمیشام یره خندان اولان قیزیل گُل تک

خزان گورن گُل و غنچه مثالیم باباجان

 

یارالاریم گُل آچوب پیکریمده رنگ به رنگ

بهشت گلشنی تک چوخ صفالیم باباجان

 

عبث دگول بو که عشّاق ایچینده ممتازم

حبیبیسن ، عاشقِ نیکو خصالیم باباجان

 

مدینه ده باجیمین حالینی اوزوم بولورم

اگر چه فاصله چوخدور ، آرالیم باباجان

 

علیله باجیما الله غمیمده صبر ویره

بیر عمر اونون سببِ اشگِ آلیم باباجان

 

شبیهِ کامل اولار عرشه ، فرشیده قبرون

اونون کشیدهء کافِ کمالیم باباجان

 

خیالِ لیلی ایدوب چوخ خیالی جان اوسته

اونون بو حالیده پوزقون خیالیم باباجان

 

دوتوب بوغازیمی قان لخته سی سسیم گلمور

مقال مجلسینون نطقِ لالیَم باباجان

 

گتورمرم دله سو صحبتی سینار قلبون

بو دردی قبره آپارّام ، وفالیم باباجان

 

ایدر نمازی شروع اسممیله اهلِ نماز

هامی نمازده لفظِ جلالیَم باباجان

 

یارالی باشیمی گَل باس یارالی سینه وه ، تا

گوره لر سینهء شاهین مدالیم باباجان

 

غمیمده (حافظی) (نجمی) یانار هر آی هر ایل

سبب نوالرینه ماه و سالیم باباجان.

 

مرحومین نجمی و حافظی تبریزی

منبع مجموعه کانالهای مدح و مرثیه

 

----------- متن نوحه زبانحال حضرت علی اکبر (ع) ---------

زبانحال در احوالات حضرت علی اکبر (ع)

 

بیر قانلی گوزلریندن اوپوب گوزده اشگناب

جاری اولوب یوزینه ، ایدوب گوئیا خطاب

 

ای مرحبا بو شوقیله جان ایتماقا نثار

به به عجب ظهوره گتوردون محبّتون

 

مین جان بهای بیر سرِ مویون دگل سنون

وار مین بو قدر بلکه فزون قدر و قیمتون

 

اوز قدرِ قُربِ منزلتون بولموسن ندور

درگاهِ حقده رتبهء شأن و جلالتون

 

سن حق ذبیحی ، کوی محبّت قتیلی سن

الحق سنون ذبیحِ خلیله نه نسبتون

 

قسمت ذبیحه اولمادی اولسون قتیلِ حق

امّا سنون شهادتِ قتل اولدی قسمتون

 

اکبر هارا ذبیح هارا؟ وار بو منصبِ

قربانلیقا قرارِ ازلدن لیاقتون

 

شوقه گلوبدی شِبهِ رسولِ خدا او دم

عرض ایتدی بو دِلیله که ای شاهِ محتشم

 

گوردوم ئولن زماندا جمالون هزار شکر

یتدیم مُراده قالمادی قلبیمده حسرتیم

 

بیر آز قالوب که روح بدندن وداع ایده

شهپر آچوبدی طایرِ اقبالِ همّتیم

 

حَبل المَتینِ رشتهء ایمان الیمده دور

حقّ الیقینِ دینِ مُبیندور شریعتیم

 

تاپدیم سبیلِ عشقی ، دلیل اولدی مُرشدیم

ارشاد ایدوب نهایته یتدی ارادتیم

 

اولدوم مُریدِ عشق ، بو دنیادن ال چکوب

فقر و فنا مقامینه یتدی قناعتیم

 

درک ایلدیم چو ذوقِ بقانی فناده من

تکمیل اولوب جهادیله نفسه ریاضَتیم

 

سنسن سلوکِ سِیرده هم پیشوا منه

هم ، مسلکِ حقیقته پیرِ طریقتیم

 

اولدوم شهیدِ عشق شهادتده شاهد اول

مشهود شاهد اولدی شهود و شهادتیم

 

توحیدیله نبوّته اِقرار ایلرم

محکمدی حقّ معرفتیله ولایتیم

 

تأثیر ایدوب امامه ، جوابینده شاهِ دین

گویا بویوردی سوزیله یا نورِ هر دو عین

 

ثابت قدم شهادته شاهددی ذوالجلال

اقدام ایدوب شهوده یتیشدی شهادتون

 

مرضاتِ حقده جهد و جهاد ایلدون بلیغ

ایمان - حقیقتوندی ، شریعت - طریقتون

 

قیلدون حمایتِ حرمِ مصطفاده سعی

حدّ جهادِ اکبره یتدی حمایتون

 

یا حَبّذا بو عشقه هزار آفرین اولا

گَتدون ظهوره عشقِ خلوص و موّدّتون

 

هر قطره قان دوشوب یازیلوب یرده یا حسین

جوشه گلوب بو قان کیمی دلده محبّتون

 

لعنت بو روزگاره علی بَعدَکَ العَفا

ترک ایلمز بو چرخِ ستم پیشه عادتون

 

قویدون منی بو چولده غریب و وحید اوزون

گیتدون یتیشدی آخره دنیا مشقّتون

 

منده دالونجا گلملیَم اگر چه ایسترم

بیر بیر گَله بیانه اگر وار وصیّتون

 

آچدی گوزون جمالینه بیر ایلدی نگاه

حسرتله اودلی قلبینه ووردی شرارِ آه

 

عرض ایلدی بابا گیدورم ، قوی ایاقوا

سورتوم یوزومی ، حاصل اولا استراحتیم

 

چوخ شایقم قدملرون آلتیندا جان ویرم

مَقرون اولا اجابته گر استجابتیم

 

آگاهسن اگر چه خُطورِ صُدوردن

واردور خجالتیله سنه اوچ وصیّتیم

 

فرمایش ایله سیّدِ سجّاده عرضیمی

هر چند بو مراتبه یوخدور لیاقتیم

 

تاپشور ایاقون آتدا منی دفن ایلسون

اولسون او خاکپای جلالتده تُربتیم

 

چون شیعه لر زیارتوه هر بِلاددن

یوز دوندروب گلولّه ، بودور اصلِ نیّتیم

 

زوّارون اوّل آبله اولموش قدم لرین

قویسونلا سینم اوستونه ، وار جانه منّتیم

 

بیرده آنام بو چولده بولورسن غریبدور

اون سگّز ایل قبول ایلیوب وار نه زحمتیم

 

منع ایتمه آغلاماقدان اونی ، دلشکسته دور

وار حقّی چوخ چتیندی اونا دردِ فرقتیم

 

مندن باجیم سکینیه بیرده یتور سلام

چون اولمادی حضوریوه گلماقه فرصتیم

 

عفو ایلسون نه قدر اولا ممکن آغلاسون

ئولدوم جوانلوقومدا بیله گیتدی قسمتیم

 

باخما یوزیمه ، گلدی اجل ، راضی اولمارام

قلبِ شریفوه یته گَردِ مصیبتیم

 

سن باشیم اوسته بیله ئولومدن نه واهِمَم

بلکه زیاده وار ئولومه میل و رغبتیم

 

الفت کسلیدی حیف سنیله منیم داخی

جدّیم رسول محضرینه قالدی صحبتیم

 

واردور امید محشر آرا ، هولِ حشرده

درک ایلسون (حقیریمی) فیضِ شفاعتیم.

 

مرحوم حقیر خویی

 

----------- متن نوحه زبانحال حضرت علی اکبر (ع) ---------

زبانحال به حضرت علی اکبر (ع)

 

یتوب نه گوردی که پیغمبرِ خدا یخیلوب

باشی قلجلی ، شهنشاهِ کربلا یخیلوب

 

دوتوبلا دوره سین ارواحِ انبیا یکسر

گوروبله مظهرِ سر خیلِ انبیا یخیلوب

 

بیری زبور تلاوت ایدر ، بیری تورات

که‌ نخلِ گلشن یاسین و هل اتی' یخیلوب

 

نظامیلن دوزولوب رو‌حِ ‌انبیای عظام

گوروب معاینه سلطانِ اولیا یخیلوب

 

گلوب ملائکه لر ، جبرئیل آچوب باشین

که محرمِ حرم قدسِ کبریا یخیلوب

 

گوروب که‌ شعشعه سی دولدوروبدی میدانی

دییَردی خسروِ اَلشَّمسِ وَالضُّحی' یخیلوب

 

اوزون گوروب او بدنده دییردی اوز اوزینه

بوداقلی قوللّی یره سروِ دلربا یخیلوب

 

نه حسّ و‌ نه‌ حرکت قوللاری دوشوب یانینه

دیوب دور ای علی گور شاهِ کربلا یخیلوب

 

گوروب او حالی دئدی اکبریم داخی بیلدیم

یاتان اوغلدی نه سقّای کربلا یخیلوب

 

محبّت اهلینه چون مختلف اولور احوال

بو کوی عشقیده هر کیم جدا جدا یخیلوب.

 

مرحوم استاد ملّا حسین دخیل مراغه ای

منبع مجموعه کانالهای مدح و مرثیه

 

----------- متن نوحه زبانحال حضرت علی اکبر (ع) ---------

زبانحال به حضرت علی اکبر (ع)

 

علی دویونجا سنه باخمادیم جِداله گلنده

توقّف ایلمدون سن لامحاله گلنده

 

بو حالیلن باشیوی آلمیشام کناریمه آخر

اویان دانیش منیله ، حاله لا محاله گلنده

 

اورکده قالمادی طاقت دیلمده اولمادی یارا

و اِن یَکاد اوخییدیم بو خطّ و خاله ، گلنده

 

اولوبدی هاشمی خالون غریبه قانیله رنگین

نجه‌شکفته لنور لاله اوسته ژاله گلنده

 

او وقته گاه ایدوب غشّ ، گه آچاردی گوزون

باخاردی حسرتیله اولغریبه حاله گلنده

 

دیردی یا اَبَتا چوخ آلوب قراریمی الدن

رقیّه آه چکنده صدای ناله گلنده

 

منی قیامته تک قبریم ایچره آغلاداجاقدور

اونون خرابه مزار اولماقی خیاله گلنده

 

بس ایلیون بو غمی (واقفیله بیخود) و عجب

یانار گوگل بو جوانین غمی خیاله گلنده.

 

مرحومین واقف سرابی و بیخود سرابی

منبع مجموعه کانالهای مدح و مرثیه

 

----------- متن نوحه زبانحال حضرت علی اکبر (ع) ---------

زبانحال حضرت امام حسین (علیه السلام)

در بالین حضرت علی اکبر (علیه السلام)

 

یخیلوب یر یوزینه سرو خرامانون اوغول

صرصر ظلمیله تیز سولدی گلستانون اوغول

 

اختیار الدن الوب خیمیه چون گلدی سسین

گلدیم ایمدی یتوشم داده اولام دادرسین

بسکه چوخ یاره دگوب ضعف ایدوسن وار نفسین

خیمیه گیتماقا قالموب داخی امکانون اوغول

 

دور گیداق خیمیه ای سبط رسول مدنی

تا دویونجا گوره لیلای ستمدیده سنی

ظلمیله قتله یتوردی سنی بو قوم دنی

حالتی اولدی پریشان داخی لیلانون اوغول

 

صورتا سن ای اوغول مظهر پیغمبریدون

خلقا و خلقا و نطقا او شهه مظهریدون

صولت و سطوتیله نایب اول حیدریدون

ظلمیله سالدی ایاقدان سنی عدوانون اوغول

 

قانیوه باتماقا گوگلوم ایله مشتاق اولوب

مجلس وحدت ارا چونکه بو میثاق اولوب

مصحف رویون اوغول ظلمیله اوراق اولوب

صفحه رزمیده جدول چکوری قانون اوغول

 

حسرتین قالدی همیشه دل لیلاده علی

یتمدون کامیوه شوقیله بو دنیاده علی

ووردی یاره سنه لشکر اولدون افتاده علی

چوخ موثردی منه حال پریشانون اوغول

 

ویرمشم شوقیله قربان بیله جانانه سنی

چون نشان ایلدیلر ناوک پیکانه منی

تشنه لب تا سالالار صفحه میدانه سنی

تا چیخا گل بدنوندن یارالی جانون اوغول

 

گر چه گل تک ورق رویون اولوب ایمدی خزان

راحت اولدون بو جهاندان ایلدون عزم جنان

جدیوه امتینین ظلمینی سن ایله بیان

شاهیدین پیکر مجروح و لب عطشانون اوغول

 

عرصه عشقیده عاشق اولا هر چند ذلول

زحمتی محضر جانانیده محبوب و قبول

قوری یر استه علی جان ویروسن گرچه ملول

امرتسلیم و رضا ایلدی جانانون اوغول

 

من نجه حسرتیله قامت رعنایه یاخوم

فانیله رنگین اولان روی دل ارایه باخوم

یا نجه خیمه ارا ناله لیلایه باخوم

باغریقان ایلدی لیلانی بو هجرانون اوغول

 

ایمدی سندنصورا بو فیض منه

خاک و خون ایچره الم چوخلی سعادتدی منه

یربت کرببلا جای اقامتدی منه

دالجا گیت گلوری بیر به بیر اعوانون اوغول

 

بو حسین درگهینی خالق ایدوب خلقه پناه

(مضطرا)غم ایلمه هر نقدر اولسا گناه

سویله بو مصرعی هر چند اولا نامه سیاه

یخیلوب یر یوزینه سرو خرامانون اوغول

 

مرحوم مظطر قفقازی (تبریزی)

منبع کانال گنجینه گذشتگان

 

----------- متن نوحه زبانحال حضرت علی اکبر (ع) ---------

زبانحال حضرت امام حسین (ع) در بالین

حضرت علی اکبر(ع) به حضرت زینب (س)

 

سن ندن میدانه باجی دلده واویلا گلوبسن

بلموسن یوخسا خیمده غش ایدوب لیلا گلوبسن

 

ای انام زهرا نشانی بو نجه حالتدی سنده

بلموسن یوخسا که واردور احتضار احوالی منده

بس نجه لیلا دایانسون من بو احواله دوشنده

صبریوی الدن ویروب میدانه بی پروا گلوبسن

 

صبر ایله هرگز الیندن ویرمه باجی اختیارین

چوخ سور پرهیز ایدن عورتلری پروردگارین

رونق دین استه سعی ایت حفظ قیل عز و وقارین

سن او عورتسن باجی بو عالمه تنها گلوبسن

 

ایتموسن بو گلماقوندا گرچه یاخشی فکر و تدبیر

جان ویروردوم داغ اکبر قلبیمه ایتموشدی تاثیر

تا سسین گلدی ویروب احوالیمه بیر اوزگه تغییر

اکبریم یاددان چیخوب گوردوم که یا اختا گلوبسن

 

گوزلریم گل صورتینده اوغلوما مشغولیدیم من

دوره دن اما گولردی حالیمه بیرحم دشمن

سسلینده قارداشیم وای قارداشیمین اوغلی وای سن

حالتیم تغییر تاپدی بلدوم اوندا که گلوبسن

 

منجنیق غم اگرچه قلبیوی بیحد سیخوبدور

خانه صبرین انام باجی غم و محنت یخوبدور

سالمیوبسن باشه یوخسا معجرین یاددان چیخوبدور

خیمه لردن سن بو وضعیله برهنه پا گلوبسن

 

نخل امیدیم یاتوبدور نازیله القان ایچنده

قان شفقدور گزلنوب گویا مه تابان ایچنده

خوش دگل ای شمس عصمت دورماقون میدان ایچنده

دوره دن ایلور شماتت لشکر اعدا گلوبسن

 

قورتولوب جدیم الیله اکبریم سوز عطشدن

طایر روحی ایدوب پرواز جلد منکمشدن

سن قایوت حاله گتور لیلانی باجی حال غشدن

کیم اونا ویرسون تسلی سن بیله آیا گلوبسن

 

گرچه چوخ یاره ووروبلار بو شبیه مصطفایه

پیکرین اوخ نیزه قران تک یازوبدور آیه آیه

لیک ممکندور یغام اعضاسینی منده عبایه

خیمیه تا حمل اولا بو دوغرانان اعضا گلوبسن

 

گیت خیامه سن علی اکبره قور بزم ماتم

دوغرانان نعشین من ایدی بیر عبا ایچره گتورم

لیلیه آندور بو سری من گلینجه قویما مبهم

ماجرانی ایتموسن گرچه اونا ایما گلوبسن

 

(اشکیا)اولذی بو سوزده اوز لریندن لطف شامل

گر عنایت اولماسیدی مطلبین اولمازدی حاصل

اولدی زهرادن توجه بیله شیرین اولدی بو دل

یادیوه مضمونی سالدی قافیه حتی گلوبسن

 

حاج مجید اشکی

منبع کانال گنجینه گذشتگان

 

----------- متن نوحه زبانحال حضرت علی اکبر (ع) ---------

زبانحال امام حسین (علیه السلام)

در احوالات حضرت علی اکبر (ع)

به حضرت زینب (سلام الله)

 

سوال

 

بو گُل کیمی دوغرانان جنازه نسلیمدن ازل فدادی زینب

اوز جدی شهنشه حجازه مرآت بدن نمادی زینب

 

اولسِیدی مشیّت اقتضاسی اون اوچ اولا حجّت الهی

اولماقلیقا خلق مُقتداسی آئینۀ قدرت الهی

بی شبهه اولوردی حق رضاسی اکبر اولا آیت الهی

چون خَلقِده خُلقِده سراپا آئینۀ مصطفادی زینب

 

اوّلده عوالم شهادت گیچمیشدی مشیّت خدادن

یازمشدی اگرچه کلک قدرت امّا نگرانیدیم بَدادن

اولدوم باجی مطمئن او ساعت قان آخدی شبیه مصطفادن

وار اول خبرین نه انتهاسی بو قان اونا مبتدادی زینب

 

انجامه یتیشدی امتحانیم تا روحیمون عکسی قانه باتدی

آتدان یخولاندا نوجوانیم ارواح آرا باشیمی اوجاتدی

امّا داخی قالمادی توانیم اکبر ئولومی منی قوجاتدی

عالمده جوان اوغول آتانین دائم الینه عصادی زینب

 

ویر آل عبایه بو نَویدی برپا عرصات محشر اولدی

اوغلوم دگی بو آتام علیدی چون باشدان او شاهه مظهر اولدی

لیلانون ئورکده کی امیدی یأس اولدی شهید اکبر اولدی

مجنون ایلین اونی بو قانلو عضویله دولی عبادی زینب

 

لیلانی وفاده هاجریله بیر بُلسه بیری دوشر خطایه

قربان خلیل داوریله چوخدور بو جواندا فرق و پایه

ذیحقدی علی اکبریله فخر ایلسه کربلا منایه

بیت و حرم و منایه علّت خلقتده بو کربلادی زینب

 

بو ذبح عظیمدور فَدَینا قرآندا بونا اولوب کنایه

اوز قانین ایدوب مداد حمرا بو آیت قدرت خدایه

جسمینده قلجلاریله اعدا قرآنی یازوبلار آیه آیه

امّا داغیلوب ورق ورقدن هر آیه جدا جدادی زینب

 

بو مُصحَف مُنزَل اولسا تفسیر دنیا بوئی مایۀ عزادور

هر زخم سنان و تیر و شمشیر بیر آیۀ محکمه نمادور

اولسا متشابهاتی تعبیر مصداق کواکب سمادور

قان آغلاسا ماسوا بو غمده تا واردی جهان بجادی زینب

 

باخسان بُله سن نجه چو لاله اعضاسین عبایه دولدوروبلار

گَلمز او که حیطۀ خیاله گُل جسمینه اوخ قلج ووروبلار

شام اهلی بو ماهرو غزاله دام ستم و بلا قوروبلار

بُلماقلاری بو حرم غزالین آهوی خطا  خطادی زینب

 

هر فرش جفا بو گون سالندی دوزدوم دیمه اولدی طاقتیم طاق

امّا داخی طاقتیم آلندی گُل تک بالامی گورنده اوراق

صبریم داشا شیشه تک چالندی آهیم شرریله دولدی آفاق

قلبیم کیمی بو لطیف پیکر باشدان اَیاقا یارادی زینب

 

میداندا اسفلی حالتیله اوغلوم او زمان که جان ویروردی

قلبیمده اولان جراحتیله گوز جامیم عُذاره قان ویروردی

سعد اوغلی منه شماتتیله اوغلانلارینی نشان ویروردی

گوز یاشیمی قان ایدن گوزیمده بو طعنه و بو جفادی زینب

 

گُلزار وفاده بو مَلَک رو بیر گُلدی دچار اولوبدی خاره

تیغ ستمیله قوم بدخو گُل جسمین ایدوبله پاره پاره

مَخیَم ده سکینه یا علی گو اولموش بو سولان گُله هزاره

بوندان صورا گُلسِتاندا بلبل گُل گورسه ایشی نوادی زینب

 

ویر باجیسینا خبر بو حالی قارداشی مرامینه چاتوبدی

محبوبیله درک ایدوب وصالی گوزدن هامی عالمی آتوبدی

بو حالدن ایله لیک حالی یورقوندی او یاتماسون یاتوبدی

صبر ایتسون اگرچه شیون ایتسه قارداشی ئولن سزادی زینب

 

(سعدیِّ زمان) بالام (حسینی) صادقدی همیشه خدمتینده

رخساره آخار سرشگ عینی یوخ ریب و ریاسی نیّتینده

پوزقوندی خیالی چوخدی دینی ویرّم قالا قویمارام چتینده

اوندان یاراشان خطا و لغزش بیزدن کرم و عطادی زینب

 

جواب

 

بو قطعه به قطعه قانلو پیکر آئینۀ مصطفادی قارداش؟

یا باشدا قلج یاراسی حیدر محرابیده مرتضادی قارداش؟

 

گیرم ایدوب اقتضا مشیت کج دَور ایلیه بو چرخ گردون

قانه بویانا بو ماه طلعت لیلانی ایده فراقی مجنون

امّا ندن ایتمیوب مروّت بو لشکر کینه پرور و دون

بیر حاله سالوبلا بو جوانی آد پیکر اوزی نمادی قارداش

 

سن عهد اَلَسته ایتدون ایفا بیر لطفیدی بو سنه خدادن

تقدیر اولونان قضایه اصلا تغییر یِتیشمدی بدادن

کبرانی بُلوندورر بو صُغری ظاهردی خبر بو مبتدادن

قانون توکَجاقلا بو جماعت ظلمه هَلَه ابتدادی قارداش

 

آلجاق سسینی بو مه لقانون قارداش ساری گُل کیمی سارالدون

گیتدون گوره سن عزیز جانون نُولدی سببی بو حاله قالدون

امرونله گَتوردولر جوانون آز فاصله ده ولی قوجالدون

ناکام اوغولی ئولن آتادن آری بو عمل سزادی قارداش

 

گورجک باشینون قلج یاراسین دوشدی آتامین یاراسی یاده

بو دشتیده کوفه ماجراسین تجدید ایلین یاتوب عَباده

باخ گور دیمورم اوغول آناسین محشردی دیار کربلاده

لیلا تک ایدن بو چولده مجنون آلُ الَّهی بو عبادی قارداش

 

ای مظهر صنع حَیِّ یکتا بو کرب و بلا یری منادور

هاجرده هانی مقام لیلا اوغلی بونون اوغلونا فدادور

کعبه یری باشرفدور امّا اونداندا شرفلی کربلادور

نه کعبه بهشت و عرشدنده با رتبه بو کربلادی قارداش

 

ای ذبح عظیمه عمده معنا وی باب نجات ماسوایه

ویردون ایله بیر فدای زیبا فخر ایلوری کربلا مِنایه

بو قطعه به قطعه جسمه اعدا قرآنی یازوبلار آیه آیه

علّت ندی بس ورق ورقدور آیاتی جدا جدادی قارداش

 

گُل جسمینی منجنیق محنت بو چولده خلیل تک سخوبدی

کِتفینده اولان بو تک جراحت شمشاد قدین یره یخوبدی

امّا وُرولوب او قدر ضربت قرآن کیمی جلددن چخوبدی

بیر بیله خدنگ و تیغ و خنجر بیر جسمه نجه روادی قارداش

 

گَلمزدی بو حیطۀ خیاله شهزاده گیدن زمان جهاده

چون سرو خرام ایده جداله صد پاره ولی گَله عباده

صیّاد بو محترم غزاله بیر دام قوروب بو غمسراده

آهوی خطایه ده حقیقت بیر بیله جفا خطادی قارداش

 

مشتاق اولاندا آل طاها اوز جدّی رسول کردگاره

بیر بونلا تاپاردیلار تَسلّی ایلردیلر اکبره نظاره

دوزسونله نجه بو غمده آیا اکبرده اولوبدی پاره پاره

هجری بو جوانین اهل بیته علّت اودی غم فزادی قارداش

 

هر بیر کسین ئولسه بیر عزیزی جاریدی بونا جهاندا عادت

قویمازلا که چشم اشک ریزی قان آغلیه ای شهِ ولایت

امّا بو جوان ریز ریزی گورجک سنه ایلدی شمادت

شرم ایتمدی قانلی گوز یاشوندان سعد اوغلی نه بیحیادی قارداش

 

گلزار وفاده جسم اکبر بیر گُلدی که خاره توش اولوبدی

گُل تک بو گوزل بدن برادر باشدان باشا خاریله دولوبدی

باشینده سکینه قاره معجر آگاه اولالی بو گُل سولوبدی

پژمرده و بال و پر شکسته بلبل تک ایشی نوادی قارداش

 

آهیم اودی عالم برینه اوج ایلسه گور سپهر یانماز؟

بیر رنگه باتوب مه مدینه هیچ لاله بو رنگیله بویانماز

تا وار نفسی قیزون سکینه قارداش دیسه ، اکبریم اویانماز

صبر ایلمسه او بی قرینه ئولدورسه ئوزین بجادی قارداش

 

(سعدیِّ زمان) بو آستانه مستخدم پاک و بی ریادور

سن باب کرم شه زمانه امّا او ملول بیر گدادور

غم قلبینی دوندَروبدی قانه مشتاق طواف کربلادور

قانع دگل آز عطایه سندن منظوری بیوک عطادی قارداش

 

مرحوم حسینی سعدی زمان

منبع مجموعه کانالهای مدح و مرثیه

 

----------- متن نوحه زبانحال حضرت علی اکبر (ع) ---------

زبانحال حضرت علی اکبر (علیه السلام)

 

اکبر آمد العطش گویان ز راه

از میان رزمگه تا پیش شاه

 

کای پدر جان از عطش افسرده ام

می ندانم زند ه ام یا مرده ام

 

این عطش رمز است و عارف واقف است

سرحق است این و عشقش کاشف است

 

دید شاه دین که سلطان هدی است

اکبر خود را که لبریز از خداست

 

عشق پاکش را بنای سرکشی است

آب و خاکش را هوای آتشی است

 

شورش صهبای عشقش در سر است

مستی اش از دیگران افزون تر است

 

اینک از مجلس جدایی می کند

فاش دعوی خدایی می کند

 

محو بر خود می شکافد پوست را

فاش می سازد حدیث دوست را

 

محکمی در اصل او از فرع اوست

لیک عنوانش خلاف شرع اوست

 

پس سلیمان بر دهانش بوسه داد

اندک اندک خاتمش بر لب نهاد

 

مهر آن لبهای گوهرپاش کرد

تا نیارد سر حق را فاش کرد

 

هرکه را اسرار حق آموختند

مهر کردند و دهانش دوختند

 

گفت: کای فرزند مقبل آمدی

آفت جان رهزن دل آمدی

 

کرده ای از حق تجلی ای پسر

زین تجلی فتنه‌ها داری به سر

 

راست بهر فتنه قامت کرده‌ای

وه کزین قامت، قیامت کرده‌ای

 

نرگست با لاله در طنازی است

سنبلت با ارغوان در بازی است

 

از رخت مست غرورم می‌کنی

از مراد خویش دورم می‌کنی

 

همچو چشم خود ز قلب من متاز

همچو زلف خود پریشانم مساز

 

حائل ره مانع مقصد نشو

بر سر راه محبت، سد نشو

 

پشت پا بر ساغر حالم مزن

نیش بر دل، سنگ بر بالم مزن

 

نیست اندر بزم آن والا نگار

از تو بهتر گوهری بهر نثار

 

هر چه غیر از اوست سد راه من

آن بت است و غیرت من، بت شکن

 

جان رهین و دل اسیر چهر توست

مانع راه محبت، مهر توست

 

چون تو را او خواهد از من رونما

رونما شو جانب او رو نما

 

بیش از این بابا دلم را خون مکن

زاده لیلا مرا مجنون مکن

 

گه دلم پیش تو گاهی پیش اوست

رو که با یک دل نمی‌گنجد دو دوست

 

عمان سامانی

منبع مجموعه کانالهای مدح و مرثیه

 

----------- متن نوحه زبانحال حضرت علی اکبر (ع) ---------

زبانحال حضرت امام حسین (ع)

درشهادت حضرت علی اکبر (ع)

 

ای بو غریبی سسلین امداده یاعلی

گلدیم جوان اوغول یتیشم داده یا علی

 

گلدی سسون بی بون منی سالدی یولا اوغول

یالقوز قویان آتاسینی دنیاده یا علی

 

من گلمیشم ندندی سسون گلموری سنون

بیرده چاغیر بو بیکسی فریاده یاعلی

 

دعوت ائدوبدی یوخسا سنی وعده وئرمسن

خلد برینه قاسم دلشاده یاعلی

 

آهو بالاسی اوخلانان آهو بالاسی تک

آرام قالمیوب زینب کبراده یاعلی

 

سسلن سسون فداسی اولوم تا نه وقته جان

حیران گزوم بو دامن صحراده یاعلی

 

من سسلنوم بو چؤلده پیاپی علی،علی

سن سسلدون گلوب بابان امداده یاعلی

 

بیرده اگر علی چاغیرام وئرمسون جواب

سالّام تزلزل عالم ایجاده یاعلی

 

محشرگونی کیمی توکرم گویلری یئره

قویمام نشان اثر او ثریّاده یاعلی

 

سن دینمسون اوغول آتامی سسلرم گلور

چؤخ رحم وار نجفده کی مولاده یاعلی

 

مرحوم دخیل مراغه ای(ره)

منبع مجموعه کانالهای مدح و مرثیه

 

----------- متن نوحه زبانحال حضرت علی اکبر (ع) ---------

زبانحال حضرت امام حسین (ع) در جواب استمداد حضرت علی اکبر (ع)

 

علی جان بالا لبیک لب عطشان بالا لبیک

سسون خیمیه گلدی هایاندان بالا لبیک

ملک فطرتیم اکبر قمر طلعتیم اکبر

دایان گلدیم هرایه من الان بالا لبیک

 

خانم زینب ائشیتدی حسیندن بو صدانی

دیدی کشف ایله قارداش منه بو جریانی

دوشن مشکله کیمدور خطرگه ده دی جانی

مخاطب کیمی ایتدون ائدورسن بو ندانی

علی جان بالا لبیک

 

باجی عرصیه دون باخ قولاق ویر ایله دقت

او سس که منی سسلر وار اوندا نه ملاحت

چکور روحی بدندن اورکدن آلو طاقت

چاغوردی منی اکبر اونا ائتدیم اجابت

علی جان بالا لبیک

 

حرم آهوسی قارداش دوشوب هاردا کمنده

تاپوب ال اونا صیاد سالوبدور اونی بنده

گوروبلر خط و خالین خرامیله گزنده

او ادرکتی دینده جوابین سوله سنده

علی جان بالا لبیک

 

حسین تلیدن اندی او میدان بلایه

سالوب گوردی قلجلار علی اکبره سایه

انور باشلارون اوستن قلج قالخور هوایه

خطاب ایلدی حضرت اوغول گلدیم هرایه

علی جان بالا لبیک

 

قشون قاچدی قاباخدان حسیندن آرالاندی

ایدوب غیضیله حمله صداسی اوجالاندی

آت اوستن اوزون اول شاه آتوب باخدی دایاندی

دیدی وای بالا یاندیم سسه اکبر اویاندی

علی جان بالا لبیک

 

حسین هر قدم آتدی یخلدی گینه دوردی

نئجه دست جفاگر علی ریشه می قیردی

دیزی اوستینه آلدی اوغول باشین اوتوردی

یوزین قویدی یوزینه ایدوب ناله بویوردی

علی جان بالا لبیک

 

نه تئز اولدی غروبین سحر اولدوزوم اکبر

گوزون آچ منه بیر باخ حسیندور سنی سسلر

باتوب قانه جمالون دوتولمیش آیا بنذر

بی بون منتظریندی آنان خیمه ده گوزلر

علی جان بالا لبیک

 

 مرحوم یحیوی

منبع مجموعه کانالهای مدح و مرثیه

 

----------- متن نوحه زبانحال حضرت علی اکبر (ع) ---------

زبانحال حضرت رقیه (سلام الله)

به حضرت علی اکبر(علیه السلام)  

 

قوی إدیم نظر دویونجا, بله مه جماله قارداش

اوخویوم "و ان یکاد"ی, سورا گت جداله قارداش

 

اوخوسام "و ان یکاد"ی, اولوسان مصون خطردن

گورونوبدو چوخ کرامت, او کلامی مختصردن

اثری خواصی ساخلار, سنی چشم بد نظردن

ظفر و نظر یتیشمز, بله خط و خاله قارداش

 

علی نازیمی چکردون, کیمه ایندی ایلییم ناز

باجی قارداشین آدیلا, اولی دهریده سر افراز

گده قارداشی الیندن, باجینین جلالی اولماز

پوزولار جلال و جاهی, یتیشر زواله قارداش

 

آناما گلیب دوباره, إله خیمه ده نظاره

گور اونی نجه فراقون گتیریبدی آه و زاره

گلیب ایندی ور تسلی, او بلاکشه دوباره

گدیسن بیر دانیشدیر اونی لامحاله قارداش

 

یولا دوشسه هر مسافر بله رسمیدور برادر

سفر اوسته آغلامازلار, که مبادا اولا مکدر

باجیلار دعا إدرلر, دالیسیجا سو سپرلر

سو یوخومدی إتمییم من, نجه آه و ناله قارداش

 

----------- متن نوحه زبانحال حضرت علی اکبر (ع) ---------

زبانحال با حضرت ابوالفضل (علیه السلام)

در شهادت حضرت علی اکبر (علیه السلام)

 

کرب بلا چولنده طوفاندی یا ابا الفضل

اوغلی ئولوب حسینون گریاندی یا ابا الفضل

 

تل اوستونه چخوبدی قانلی عبا النده

پرپر اولوب مناده یوخدور رمق گولونده

اشگی آخار عذاره اکبر آدی دلنده 

سلطان هر دو عالم بیجاندی یا اباالفضل

 

قانه باتوبدی یکسر دین حقو ن فداسی

آلمش قوجاقه نعشی بیکس لرون آقاسی

داغلی اورکدن عرشه او ج ایلیر نواسی

رنگی صولوب حسینو ن نالاندی یا ابا الفضل

 

ایوای دئین زما نی دشمن ایدر شماتت

اکبر باشندا وا ردی حیدر کیمی جراحت

لیلا یانندا اولدم افسوس اولا خجالت

جدی رسوله اکبر میهماندی یاابا الفضل

 

شاه جهان بویوردی قارداشینه اوساعت

زینب گلن زمانی ایله اوزون هدایت

قویما فغانه گلسون اول معدن کرامت

جبریل خیمه گهده درباندی یا ابا الفضل

 

پرواز ایدو بدی قوشلار گویده نوایه گلدی

اخیا میدن چخوبدی قزلار صدایه گلدی

ترک ایتدی آسمانی حوران عزایه گلدی

قرآنه هدیه ویرمک آساندی یا ابا الفضل 

 

فریاد اوجالدی یردن اسدی بتون فلک لر

آچدی باشین سماده ایوای دئیدی ملک لر

زینب نوایه گلدی دوندی قانا اورک لر

اکبر شهید راه قرآندی یا ابا الفضل

 

شاکر تبریزی

منبع مجموعه کانالهای مدح و مرثیه

 

----------- متن نوحه زبانحال حضرت علی اکبر (ع) ---------

زبانحال حضرت امام حسین (علیه السلام)

 

کربلانون چولی گر اولسا منیم ئوز اَکَرَم

دورت طرف قبروین اطرافنه لاله اَکَرَم

بیتمسه خون دلیملن اونون عکسین چکرم

گوره بلمزسن اودم بو چولی بایر، سن علی

 

قویمیوب نقص یوزونده علی نقّاش ازل

گوز گوزل سینه و گردن گوزل اندام گوزل

لبلروندن دانشاندا توکولور نغز غزل

حیف او نطقه نه پیمبر نه ده شاعرسن علی

 

به علت نداشتن اجازه انتشار کامل اشعار 

(مرحوم استاد رحیم منزوی اردبیلی) چند بیت از اشعار

و تخلص ایشان به اشتراک گذاشته میشود

 

علیجان (منزویم)  لطف ایله غافل آییلا

صِفری چک یانوه اعداد آرا بلکه ساییلا

من کیمیم نور کیمی عالمه شعریم یاییلا

منصف اولسام سن ئوزون شعریمه ناشر سن علی

 

مرحوم استاد رحیم منزوی اردبیلی

 

----------- متن نوحه زبانحال حضرت علی اکبر (ع) ---------

زبانحال حضرت امام حسین (ع)

به حضرت علی اکبر (ع)

 

ای جویبار حسنه سرو روان اوغول وای

دوشدون نه تیز ایاقدان وای نوجوان اوغول وای

 

گلجاق سسون خیامه گلدیم نه سرعتیله

تاپدیم یارالی نعشون بی حد جراحتیله

دور ایسّی قوملار اوسته جان ویرمه حسرتیله

بیرده گیداخ خیامه ای مهربان اوغول وای

 

عمّن سنون غمونده مالک دگل قراره

قالمور او قدر گلسون میدان کارزاره

گلموش باجون سکینه شوریله آه و زاره

فریاد ایدر دمادم لیلا آنان اوغول وای

 

بیر ساعت اولماز ایمدی گلدون علی قتاله

انصافسیز جماعت سالدی سنی بو حاله

القانه غرق ایدوبلر جسمون به سان لاله

ای گل وجودی گل تک صد چاک اولان اوغول وای

 

دشمن جفا الیله آلدی سنی الیمدن

داغ فراقی گیتمز حشره کیمی دلیمدن

هر قدر عمریم اولسا دوشمز آدون دلیمدن

اولدی منه اُلونجه ورد زبان اوغول وای

 

یتدون نه تیز غروبه ای کوکب سحرگه

آری اولور سحرگه کوکبده عمر کوته

ای کاش اولیدی قلبون قلب دلیمدن آگه

ای باغریمی ایدن اوز هجرینده قان اوغول وای

 

گرچه نشان تیر و تیغ عداوت اولدون

مقتول جور و ظلم قوم عداوت اولدون

امّا اوزون یتیشدون مقصوده راحت اولدون

دشمنلر ایچره قویدون بی کس آتان اوغول وای

 

بو دلّرده غریبون سن قوّت دلیدون

باغ سروریمون بیر خوش لحن بلبلیدون

نه بلکه گلستان آمالیمون گلیدون

فصل بهار عمرون اولدی خزان اوغول وای

 

ایتدی اوزون جهانین قید غمیندن آزاد

قویدون منی بو چولده پابند قوم بیداد

سنسیز آچوب منه ال اشرار کینه بنیاد

دور ای بو بی معینی یالقوز قویان اوغول وای

 

گوز گوزدی جسمون ازبس وار زحمِ بی کرانون

آغلار گوزوم تک آغلار هر زخم خون فشانون

نیزه قلج یریندن سو تک رواندی قانون

آخدوقجا مندن ایلر سلبِ توان اوغول وای

 

سالدی منی نه حاله واضحدی بو سوزیمدن

ممکن دگل حیاتیم مایوسم اوز اوزیمدن

گیتدون گوزوم ضیاسی بیر نور تک گوزیمدن

اولموش غمونده جسمیم بیروح سان اوغول وای

 

بیله غم و مصیبت کیم گوردی من گورن تک

هانسی آتا جوانین جان اوسته تاپدی من تک

هانسی اوغول ویروب جان توپراقلار اوسته سن تک

ای پاره پاره جسمی قانه باتان اوغول وای

 

آچ قان دولان گوزون بیر قیل حالیمه نظاره

گور نه آخار گوزیمدن اشک تریم عذاره

حالون گورنده دوشدوم من حال احتضاره

ای قلبیمه چکیده جسمیمده جان اوغول وای

 

گیتدون خزانه گیتمیش بیر گل کیمی چمندن

ای سروناز کسدون چوخ تیز علاقه مندن

آیریلمارام ولیکن منده بو یولدا سندن

ایمدی دالونجا اولّام بیر باش روان اوغول وای

 

جدّیم پیمبر عطرین گل پیکروندن آلّام

دل ضعف ایدر دمادم بیر اوزگه حاله قالّام

گه جدّیمی بو یرده شوریله یاده سالّام

گاهی سنون غمونده قیلّام فغان اوغول وای

 

(ذهنی) اوزون ایدوبسن بیر اکبرین غلامی

اکبردی شانی الحق، عالیدی چوخ مقامی

آغلا زیارت ایسته ذکر ایت بو باش کلامی

ای جویبار حسنه سرو روان اوغول وای

 

مرحوم ذهنی

منبع مجموعه کانالهای مدح و مرثیه

 

----------- متن نوحه زبانحال حضرت علی اکبر (ع) ---------

زبانحال حضرت امام حسین (علیه السلام)

در شهادت حضرت علی اکبر (علیه السلام) 

 

قوملار اوستونی بستر ایلمه خوش دگور سنه بو مکان اوغول

گون اذیت ایلور یارالیسان یاتما قان ایچینده اویان اوغول

 

بیر شکسته نی تک سیزلدورام باشین اوسته ای مه لقا سنه

سمعیوه یتیشمور مگر سسیم یا کی ناز ایدیرسن اوغول منه

خیمه ده حرم ناگرانیدور یاتما دور گیداخ دارالایمنه

گون ایوینده گل مسکن ایلمه آلما دلدن آرتوق توان اوغول

 

نطقه گل منیله دانش بیر آز جان عالم اولسون فدا سنه

آز زمانیده یوز ویروب نه چوخ دشت کربلاده بلا سنه

منجنیق غم قلبیمی سیخور گوزلریم دوشنده بالا سنه

سلب ایدور اورکدن قراریمی لبلرونده بو لخته قان اوغول

 

حالیوه نه تنها منم یانان اود دوتوب دل آل حیدری

جان ویرن او قوش تک خیامیده چرپنور غمونده اورکلری

لیلی حزین بولموری هله قانینه باتوبدور دلاوری

گوز تیکوب باخورخیمه گاهیدن تلین اوستونه ناگران اوغول

 

هر آنا بالانون مصیبتین گورسه گوزلری ابر تک دولار

یا اَشدّ اولاندا مصیبتی قلبی اودلانار زلفینی یولار

نیسگیلون سنون بیکرانیدور عاقبت آنان غصّه مرگ اولار

یوخ آنا کیمین روزگاریده اوغلونا اورکدن یانان اوغول

 

دلده گر چه مقصوده چاتموسان مسکن ایلیوبسن کی بو یری

لیلینون گوزوندن اوزاق اولا غصه دن اگر اولسه واریری

درک ایله اونون حالینی بیر آز دور دوتوم قولوندان اوزون یری

خیمه گاهه جاخ بولمسین هله قانیوه باتوبسان جوان اوغول

 

صبحدن غم بیشماریله من بو دشتیده سینه داغلورام

گه گلوب یارالی آپارموشام گه خیامیده یاره باغلورام

باشدا یاره وی باغلیانمورام یاره آغلیور قان من آغلورام

یاره یاره اوستن وروبدی بس ظلمیله سنه شامیان اوغول

 

هرغمی که انصاره یوز ویروب جان کیمی اونی جانه آلموشام

سسلیوب ویا دادینه منی باشی اوستونه سایه سالموشام

عالمین غمی یوز ویروب سنه نعشین اوسته اواره قالموشام

دردیمی آچوب داغلارا دیسم داغلار ایلر آتش فشان اوغول

 

 استاد طهمورثی (عتیق)

منبع مجموعه کانالهای مدح و مرثیه

 

----------- متن نوحه زبانحال حضرت علی اکبر (ع) ---------

زبانحال حضرت امام حسین (ع) به

 حضرت علی اکبر (ع)

 

ای گل گلشن طاها ولدی یا ولدی

هاردا وار بو گل زیبا ولدی یا ولدی

 

هانسی گُلده گورونوبدور بو طراوت، بیله رنگ

بیله پامال ایلیوب هانسی گُلی خار خدنگ؟

هانسی با غی سولانون من تک اولوب شهدی شرنگ؟

دا غیدوب گلشنین اعدا، ولدی یا ولدی

 

ایله بیر خار چکوب قلبیمه بو قوم ضلال

گوره دنیا بویی بیر لاله بیله داغ، محال

باخ سنق قلبیمه گَل نطقه دانیش گوگلیمی آل

ای منه سرّ سویدا، ولدی یا ولدی

 

قطره قطره دوزولوب قان یوزیوه ژاله کیمی

مه یوزون چولقالیوب زلف سَرون هاله کیمی

دا غیلوب گُل بدنون برگ گل لاله کیمی

بَزَنوب دامن صحرا، ولدی یا ولدی

 

نجه قانون کیمی گوز یاشیم اوغول قان اولماز؟

بو نه عالمدی بیله صحن گلستان اولماز

صحن گُلزارده هیچ گُل بیله خندان اولماز

قاریشوب توپراقا اعضا، ولدی یا ولدی

 

ای قویان تک منی نازیله قوری یِرده یاتان

آند اولا جانیوه جان اوسته دی بو یالقوز آتان

چوخ جوان وار رهِ جاناندا بو گون قانه باتان

لیک یوخدور سنه همتا، ولدی یا ولدی

 

حالیمی یوخدی بُلن، بیر بُلوری غیبی بُلن

واردی بیر عدّه یانان حالیمه، بیر عدّه گُلن

اَلوم آختارماز اوغول یوخسا جوان اوغلی اُلن؟

کاش اُلم قالمیام اصلاً، ولدی یا ولدی

 

گوزیمون نوری عجب سالدون ایشیقدان گوزیمی

قویموشام بیله که قانلو یوزیوه من یوزیمی

گَلسون ای کاش اجل قویسون آ غیزدا سوزیمی

سنیله باهم اُلم تا، ولدی یا ولدی

 

یارالار گلشن جسمونده قزل گُلدور اوغول

بیرده گُل گلشنِ عمریم گُلینی گُلدور اوغول

صون نفسده آتاوا درد دلون بُلدور اوغول

وار سوزون ایلمه اخفا، ولدی یا ولدی

 

اوزین اُلدورسه آنان وار یِری ای ماه تمام

سنی اُلدوردولر اولدی گوزینه گوندوز شام

دور اَلون ویر اَلیمه منله ایداخ عزم خیام

بیرده گورسون سنی لیلا، ولدی یا ولدی

 

بو جهاندا منیم امید حیاتیم سنیدون

والی عهدیمیدون، ملک ثباتیم سنیدون

لنگر عمریمیدون، فُلک نجاتیم سنیدون

گوزوم اولماز نجه دریا، ولدی یا ولدی

 

بو گوزل گوزلره قربان اگر آچسان گوزیوی

حالیمی گورسن اوغول گوزدن آتارسان اوزیوی

قوی دیزیم اوسته، قوری یِرلره قویما یوزیوی

ایتموسن ایستی گون ایذاء، ولدی یا ولدی

 

بیزه (سعدی زمان) خادم صادقدور اوغول

دست جودیمده گوزی لطفیمه شائقدور اوغول

اوزی بی ریب و ریا خدمتی لایقدور اوغول

ایلرم عزّته دارا، ولدی یا ولدی

 

مرحوم حسینی سعدی زمان

منبع مجموعه کانالهای مدح و مرثیه

 

----------- متن نوحه زبانحال حضرت علی اکبر (ع) ---------

زبانحال حضرت امام حسین (علیه السلام)

به حضرت علی اکبر (علیه السلام)

 

ای منای کربلا قربانی گَلدیم آچ گوزون

جدّیمه آئینه ی جسمانی گَلدیم آچ گوزون

 

مُشکیدن گُلدن فزوندور نکهت زلفون گوزون

چوخ علاقم وار سنه بو سرّه آگهسَن اوزون

من بو شهلا گوزلرون قربانی گَلدیم آچ گوزون

 

ای گُل نورسته ی گُلزار آل بوتُراب

بو امامت قوّه سیله قالمیوبدور منده تاب

بس نجه دوزسون بو غمده لیلی خانه خراب

ای غمی مجنون ایدن لیلانی گَلدیم آچ گوزون

 

تا سسون گَلدی اَلیمدن گیتدی تاب و اختیار

صورتیمده برملا گورسَندی حالِ احتضار

رحمیسیز جلّاد اَلینده اولموسان بُلدوم شکار

گورماقا بو دوغرانان اعضانی گَلدیم آچ گوزون

 

آسماندور یا بدن بو دوغرانان عَظم و لُحوم؟

گوز دولاندوردوقجا مرئی دور درخشنده نجوم

ایلیوب سنسیز منه دورت بیر طرفدن غم هجوم

ای ایدن تیره منه دنیانی گَلدیم آچ گوزون

 

زخم شمشیر و سِنان از بس گیچوب اندازه دن

پیکرون بی جلد قرآن تک چخوب شیرازه دن

ایلیوب شیرازه بند اوخلار وجودون تازه دن

قانیله تفسیر ایدن قرآنی گَلدیم آچ گوزون

 

بو مُذَهَّب مُصحفین تفسیری مشکلدور اوغول

قان مرکّب، کلک نیزه، تیر سنبلدور اوغول

هر ورق بیر دسته گویا آتشی گُلدور اوغول

سو ویرن گُلزار دینه قانی گَلدیم آچ گوزون

 

هر گُلستانه بو گُلدن یِل آپارسا بیر ورق

گُل آچیلماز، گر آچیلسا شرمیدن ایلر عرق

گُلدی بو یا مهر رخشاندور دوتوب قاندان شفق

دولدوران اوراقی بو میدانی گَلدیم آچ گوزون

 

توکمورم خون جگر گوزدن یوزه اوز باشیمه

عکس جسموندور دوشوب قانه دونن گوز یاشیمه

خیمه لردن سسلنور لیلا کُل اولسون باشیمه

ای ایکی بی روح جسمین جانی گَلدیم آچ گوزون

 

پیکرون یرده قویوم من خیمیه یالقوز گیدیم

دیزلَریم گَلمور، اورک دوزمور سنی من ترک ایدیم

حمل ایدیم نعشون دگُل ممکن اوغول، آخِر نیدیم

دور اوزون سال صورته معنانی گَلدیم آچ گوزون

 

نقل ایدوم قتلایه نعشون گَلموری اعضا اَله

گون قاباقیندا قویوم قالسون چَتیندور مسئله

وار یری سَن گیتمَسن بی خانمان لیلا گَله

سَسلَنه ای لیلینون جانینی گَلدیم آچ گوزون

 

گرچه سعدیّ زمانین واردی عالی شهرتی

چوخ مقصّردور ولی مقبول اولونمور خدمتی

چون (حسینی) دور سیزه هر باره دن وار نسبتی

جان ویرنده گَل بویور پنهانی گَلدیم آچ گوزون 

 

مرحوم حسینی سعدی زمان

منبع مجموعه کانالهای مدح و مرثیه

 

----------- متن نوحه زبانحال حضرت علی اکبر (ع) ---------

زبانحال در احوالات حضرت علی اکبر (ع)

 

بو قطعه به قطعه قانلی پیکر، آئینه ی مصطفادی قارداش؟

یا باشدا قلج یاراسی حیدر، محرابیده مرتضادی قارداش؟

 

گیرم ایدوب اقتضا مشیت، کج دور ایلیه بو چرخ گردون

قانه بویانا بو ماه طلعت، لیلانی ایده فراقی مجنون

امّا ندن ایتمیوب مروت، بو لشکر کینه پرور و دون

بیر حاله سالوبلا بو جوانی، آد پیکر اوزی نمادی قارداش

 

سن عهد اَلَسته ایتدون ایفا، بیر لطفیدی بو سنه خدادن

تقدیر اولونان قضایه اصلا، ت غییر یِتیشمدی بدادن

کبرانی بُلوندورر بو صُغری، ظاهردی خبر بو مبتدادن

قانون توکَجاقلا بو جماعت، ظلمه هله ابتدادی قارداش

 

آلجاق سسینی بو مه لقانون، قارداش ساری گُل کیمی سارالدون

گیتدون گوره سن عزیز جانون، نولدی سببی بو حاله قالدون

امرونله گَتوردوله جوانون، آز فاصله ده ولی قوجالدون

ناکام اوغولی اُلن آتادن، آری بو عمل سزادی قارداش

 

گورجک باشینون قلج یاراسین، دوشدی آتامین یاراسی یاده

بو دشتیده کوفه اجراسین، تجدید ایلین یاتوب عباده

باخ گور دیمورم اوغول آناسین، محشردی دیار کربلاده

لیلا تک ایدن بو چولده، آلُ الَلهی بو عبادی قارداش

 

ای مظهر صنع حیّ یکتا، بو کرب و بلا یری منادور

هاجرده هانی مقام لیلا، اوغلی بونون اوغلونا فدادور

کعبه یری با شرفدور امّا، اونداندا شرفلی کربلادور

نه کعبه بهشت و عرشدنده، با رتبه بو کربلادی قارداش

 

ای ذبح عظیمه عمده معنا، وی باب نجات ماسوایه

ویردون ایله بیر فدای زیبا، فخر ایلوری کربلا مِنایه

بو قطعه به قطعه جسمه اعدا، قرآنی یازوبلار آیه آیه

علّت ندی بس ورق ورقدور، آیاتی جدا جدادی قارداش

 

گُل جسمینی منجنیق محنت، بو چولده خلیل تک سخوبدی

کِتفینده اولان بو تک جراحت، شمشاد قدین یره یخوبدی

امّا وورولوب او قدر ضربت، قرآن کیمی جلددن چخوبدی

بیر بیله خدنگ و تیغ و خنجر، بیر جسمه نجه روادی قارداش

 

گَلمزدی بو حیطه ی خیاله، شهزاده گیدن زمان جهاده

چون سرو خرام ایده جداله، صد پاره ولی گَله عباده

صیّاد بو محترم غزاله، بیر دام قوروب بو غم گُساره

آهوی خطایه ده حقیقت، بیر بیله جفا خطادی قارداش

 

مشتاق اولاندا آل طاها، اوز جدی رسول کردگاره

بیر بونلا تاپاردیلار تسلی، ایلردیلر اکبره نظاره

دوزسونله نجه بو غمده آیا، اکبرده اولوبدی پاره پاره

هجری بو جوانین اهل بیته، علّت اودی غم فزادی قارداش

 

هر بیر کسین اُلسه بیر عزیزی، جاریدی بونا جهاندا عادت

قویمازلا که چشم اشک ریزی، قان آغلیه ای شهِ ولایت

امّا بو جوان ریز ریزی، گورجک سنه ایلدی شمادت

شرم ایتمدی قانلی گوز یاشوندان، سعد اوغلی نه بی حیادی قارداش

 

گلزار وفاده جسم اکبر، بیر گُلدی که خاره توش اولوبدی

گُل تک بو گوزل بدن برادر، باشدان باشا خاریله دولوبدی

باشینده سکینه قاره معجر، آگاه اولالی بو گُل سولوبدی

پژمرده و بال و پر شکسته، بلبل تک ایشی نوادی قارداش

 

آهیم اودی عالم برینه، اوج ایلسه گور سپهر یانماز؟

بیر رنگه باتوب مه مدینه، هیچ لاله بو رنگیله بویانماز

تا وار نفسی قیزون سکینه، قارداش دیسه اکبریم اویانماز

صبر ایلمسه او بی قرینه، اُلدورسه اوزین به جادی قارداش

 

سعدی زمان بو آستانه، مستخدم پاک و بی ریادور

سن باب کرم شه زمانه، امّا او ملول بیر گدادور

غم قلبینی دوندَروبدی قانه، مشتاق طواف کربلادور

قانع دگل آز عطایه سندن، منظوری بیوک عطادی قارداش 

 

 مرحوم حسینی سعدی زمان

منبع مجموعه کانالهای مدح و مرثیه

 

----------- متن نوحه زبانحال حضرت علی اکبر (ع) ---------

زبانحال حضرت علی اکبر (علیه السلام)

 

باشیم اوسته قانلی قاتل خنجر الده، من یارالی

باشیمی کسن امان سیز لیک باش ویرن یارالی

 

اسدی تند باد محنت کربلا ده قوپدی طوفان

ابر تیره گون بوشالدی سو یرینه آخدی آلقان

باغبان خسته دلخون باغ و گلشن اولدی ویران

سنبل و سمن پریشان بلبل چمن یارالی

 

آلدیلار منی آرایه یاره یاره اوسته آلدیم

ناتوان اولوب عقابین بوینونا قولومی سالدیم

قالمادی بدنده قانیم ضعفدن ایله سارالدیم

باش آچوب بوچولده گویا شاخ نسترن یارالی

 

هاردادور شه غریبان باشیمی کناره آلسون

سایه سینده ابر رحمت باشیم اوسته سایه سالسون

قویماسون یارالی جسمیم ایستی قوملار اوسته قالسون

لخته لخته قان ایچینده یرده بیکفن یارالی

 

خوشدلم که دست ظلمون کشته جفاسی اولدوم

یاره لرده یاری گوردوم عاشق لقاسی اولدوم

باشیوه دونوم نه یاخشی باشیوین فداسی اولدوم

وجه احسنیله اولدی صورت حسن یارالی

 

رسمدور تیز اولدورللر اوخ دگوب دوشن شکاری

چوخ گورر گوزونده صیاد بیر دقیقه انتظاری

ایسترم بابام گلیدی بیر باخوب گوریدی باری

قانلی آستین صیاد آهوی ختن یارالی

 

بسکه قان آخوب باشیمدان گوز ایوین بوتون دوتوب قان

نور آفتابه یر یوخ تار اولوب گوزیمه مژگان

سدّ اولوب نفس یولوندا خاک تیره گرد میدان

اوددوتوب دلیم دوداقیم اَل ایاق بدن یارالی

 

پای بوسیوه واریمدور بو گوگلده چوخ علاقه

نیلیوم که ممکن اولماز من دورانمیرام ایاقه

سن تواضع ایله بابا گل که جان یتوب دوداقه

نخله امیدیم آرتوق اولدی ریشه کن یارالی

 

سن بابا اوزون بولورسن زخمدار اولان سو ایستر

گل قوری دوداقلاروندا نهر سلسبیلی گوستر

زانوی شریفون ایله بو یارلی باشه بستر

فیض آلوم نفسلروندن صون نفسده من یارالی

 

هر یارالی گون ایونده قالسا چاره سیز سیزیلدار

زخم نیزه جان ستاندور اوخ یاراسی چوخ سیزیلدار

جان چخاندا خنجر آغلار قان آخاندا اوخ سیزیلدار

حالیمی گلوب گوریدون ای شه زَمَن یارالی

 

اوخ اوتوردی سینم اوسته آچدی غنچه تک یاراسی

گُل گُل اوزره دوزدی ووردی جسمیمه بَزَک یاراسی

وار آنامدامندن آرتوق بیر بویوک اورک یاراسی

آغلاسا اورکدن آغلار جمله مرد و زن یارالی

 

ایسترم بو دم یانیمدا مهربان آنام اولیدی

باشیم اوسته باش آچیدی سس چکوب ساچین یولیدی

آغلیوب توکیدی قانیاش قانیله بوچول دولیدی

منده ال ایاق چالیدیم قان ایچینده تن یارالی

 

سویلیون غریب آناما اکبر جوانون اُلدی

تشنه لب یارالی یالقوز جانی چخدی جانون اُلدی

ظلمیلن بِلون بوکولدی طاقت و توانون اُلدی

آغلا بی شکایت آغلا آغلا بی سخن یارالی

 

اُپدی یا حسین«هندی»خاک درگهون دوباره

پیر اولوب شفاعت ایستر دردینه سن ایله چاره

الده دفتر مصیبت یوزقویوب گیدر مزاره

نغمه نغمهٔ حسینی نظم و سینه زن یارالی

 

 مرحوم هندی

منبع مجموعه کانالهای مدح و مرثیه

 

----------- متن نوحه زبانحال حضرت علی اکبر (ع) ---------

زبانحال حضرت امام حسین (علیه السلام)

به حضرت علی اکبر (علیه السلام)

 

ای چرخ حسنیده یوزی مهری تمام اوغول

قان پرده سی او گل یوزه ابر ظلام اوغول

 

سنسن شبیه خلقا خلقا پیمبره

وار کیمده بو جلالت بو احتشام اوغول

 

جدیم دوشردی یاده باخاندا علی سنه

ای مظهر جمال رسول گرام اوغول

 

یتجک سسون قولاقیمه آلدی قراریمی

بالمره گتدی قالمادی صبر دوام اوغول

 

حاشا که من اوغول سنه ناکام سویلیم

قیلدون گوزل طریقیله تحصیل کام اوغول

 

لب تشنه جان ویرور یتوشورسن مرامیوه

کیم ایلیوب بونوعلیه اخذ مرام اوغول

 

باشدان آتام علی کیمی باشون قلیجلانوب

ای اوز باباسی حیدره قایم مقام اوغول

 

بوحالون ایتدی قلبمی ایله جریحه دار

تاپماز بویاره حشره کیمی التیام اوغول

 

ایمدی گلوله عمه لرون باش آچوق تمام

ایتمیشدی خیمه لرده قیامت قیام اوغول

 

سن گوردوقون تحمل و صبریم تمام اولوب

اولسون نقدر منده ثبات وقوام اوغول

 

لیلادن آیری دوشماقوا اولما چوخ ملول

گوزلر یولون بهشتیده زهرا آنام اوغول

 

ویرمیشدی شانه زلفوه لیلا گلنده سن

سالمشدینظمه نولدی اونظم ونظام اوغول

 

گل پیکرون قلجلادیلار بند بند اولوب

بی رحمدور نقدر مگر اهل شام اوغول

 

خوش نقشه لر سالوبدی بوگلبرگ سینه ده

نوک سنان و خنجر وتیغ و سهام اوغول

 

ممکن دگل بونعشی قوجاقیمده حمل ایدم

ازبس یارا ویروبلا بوقوم لئام اوغول

 

چوخ تشنه سن علی بولورم دوتموری دیلون

غتچه کیمی سولوب بولب لعل فام اوغول

 

سیراب اولماقاسنه من وعده ویرمیشم

جدون یاخوندی گلسون ئوزی الده جام اوغول

 

لیکن ایدنده سنده ملاقات جدووه

ایله منیم دیلیمجه اوشاهه سلام اوغول

 

پیغمبر خدایه علی. اول پیام بر

مندن آپار رسول خدایه پیام اوغول

 

عرض ایله ئوز رعیتیمز ئولدوروب بیزی

قویموب قویان امانتوه احترام اوغول

 

آچدی بوحالده گوزونی ایلدی نگاه

ئوزتشنه کام آتاسینا اول تشنه کام اوغول

 

سیراب اولماقین یتوروب یومدی گوزلرین

جان اوسته دور باخاندا گوردی امام اوغول

 

بیرصیحه چکدی آغلاتدی سسلندی وای اوغول

ای سرو ماه طلعت و زیبا خرام اوغول

 

سن اولین قتیل سن آل خلیلیدن

قویدون عجب منای محبتده نام اوغول

 

گلم دالونجامنده علی بول دایانمارام

انصافدور که سن ئوله سن من قالام اوغول

 

باخدوقجا گل جمالیوه خیره لنور گوزوم

ایشق گون گوزومده اولوب تیره شام اوغول

 

قان قطره قطره خوش دوزولوب واریری اگر

پوزسام نظام عالمی بو انتظام اوغول

ایمدی قاتالا قانمی بوقانه کوفیان

ایلوب حلال قتلیمی نسل حرام اوغول

 

سنلن یاتار اوغول علی بیر قبریده آنان

تعیین اولوب آتا اوغولا بیر منام اوغول

 

باشونلا شامه دین گیده جاق نیزه ده باشیم

بازارلرده دیرده سنلن وارام اوغول

 

تادگنیوب دوداقلاریما چوب خیزران

تاپماز بومحنت و بومصیبت ختام اوغول

 

(صافی) وروبدی چنگ بودامان رحمته

سرمایه نجاتیدی بو اعتصام اوغول

 

مرحوم صافی تبریزی

منبع مجموعه کانالهای مدح و مرثیه

 

----------- متن نوحه زبانحال حضرت علی اکبر (ع) ---------

 زبانحال حضرت سکینه (سلام الله) به

راس حضرت علی اکبر (علیه السلام)

 

گرچه غم عشقون سالوب بو باجیوی دلدن علی

سالماز مبارک اسمیویبیر آن باجون دلدن علی

 

مدّتدی شمع حسنیوه پروانه ی عشق اولموشام

اول نرگس مستون کیمی مستانه ی عشق اولموشام

آخِر گورورسن سن اوزون دیوانه ی عشق اولموشام

ویر بوینوما زنجیر ایدوم بیر تار او کاکلدن علی

 

توکمه قرا زلفون یوزه ایتمه پریشان گوگلومی

زلف سیاه اوسته علی قیلما قزل قان گوگلومی

زلفون یوزوندن ردّ ایدوب شاد ایله بیر آن گوگلومی

بیله اوساندورما باجون بو ناتوان دلدن علی

 

هردم توکر باد صبا زلفون یوزه سنبل کیمی

آشفته حال اولّام علی سولّام سارالّام گل کیمی

شوره گلور گوگلوم قوشی چک چک وورا بلبل کیمی

بیر آن گوتورمز گوز گوگل مرغی او سنبلدن علی

 

تاپشور صبایه دگمسون ا... رضاسی زلفیوه

گوگلوم تیکوب گوز ای گوزوم نور و ضیاسی زلفیوه

قورخوم بودور دگسون صبا یتسون جفاسی زلفیوه

روحیم بدندن آیریلور آیریلسا تل تلدن علی

 

عاشق گرک عشقین یولون طیّ مراحل ایلیه

امّید وصلی لُجّه ی هجرانه ساحل ایلیه

آخِر گیچه جاندان، اوزین جانانه واصل ایلیه

واردی منیمده مطلبیم طیّ مراحلدن علی

 

بزم محبّت، مجلس خلوت، یاتوب اهل مجاز

دوشمز بیله فرصت اله، گل ایلیاخ راز و نیاز

قان اولدی باغریم غنچه تک، دیندیر منی چوخ ایتمه ناز

ناز ایلماخ وقتی دگل، فرصت گیدر الدن علی

 

لوح ضمیریمده چکوب نقّاش قدرت نقشیوی

کلک خیالیله قیلوب چوخ طرفه زینت نقشیوی

دلده مجسّم ایلرم ای ماه طلعت نقشیوی

آلّام وصالون فیضینی شکل و شمایلدن علی

 

دنیاده یوخدی منی کیمی حسرت قالان یار آیریسی

اولدوم منی بیچاره بو عالمده دلدار آیریسی

بیر بلبل شوریده ام مدّتدی گلزار آیریسی

گور بلبلون حالی نولور آیری دوشه گلدن علی

 

سندنصورا قارداش علی دنیاده هر آن آغلارام

قورتولسا گوزیاشیم اگر باشه ووروب قان آغلارام

صبح آغلارام، شام آغلارام، تا جاندا وار جان آغلارام

گوزیاشلی جان ویرّم قوری یرده بو نسگلدن علی

 

طوری دوشوب گرچه ایشون بو شهر ایچینده مشکله

صبر ایله دلتنگ اولما چوخ ایله بلایه حوصله

آغلا صمیم قلبیله، صدقیله آل خامه اله

یاز یا امیرالمومنین قورتار بو مشکلدن علی

 

مرحوم طوری

منبع مجموعه کانالهای مدح و مرثیه

 

----------- متن نوحه زبانحال حضرت علی اکبر (ع) ---------

زبانحال حضرت امام حسین (علیه السلام)

 

یولا سالاندا جوانین شهید عشق الاه

کمال حسرتیله آردیجا ایدردی نگاه

 

یاناردی اول شه عطشان شرار نسگلیله

خطاب ایدردی سپاه جفایه بو دلیله

اکبر گلوری اهل جفایه خبر اولسون

آماده اونون قتلنه قوم کفر اولسون

 

گتدیم بو جگر گوشه می قربانگه عشقه

آماده دی باش ویرماقا راه شه عشقه

لابدّ اولان مرحله پیما ره عشقه

هر باره ده تسلیم قضا و قدر اولسون

 

ای فرقه بی رحم گورورسوز بو جوانی

کیم مصر ملاحتده بو دور یوسف ثانی

انصافیدی بو سلسله مُشک فشانی

آغشته خون , ظلمله چون مشک تر اولسون

 

ای قوم بودور عزت پیغمبره دلبند

لیلایه اوغول زینبه همدم منه فرزند

گر قانه باتا زلفی علی باشینه سوگند

الحق یری وار آل علی خونجگر اولسون

 

دریای تجلاده زبس غرقیدی نوره

بی پرده گلور نور خدا بوندا ظهوره

تشبیه اولور نخل سنان نخله ی طوره

گر نوک جدا اوزری یوزی جلوه گر اولسون

 

خورشید رسالتده اولان معجز و آیات

مرآت جمالوندا سالوب عکسی ظهورات

حق کلمه سی اولماز سوزیله باطله اثبات

تا الده مگر معجز خیر البشر اولسون

 

آی پارچاسی تک جلوه لنوب عارض آلی

خونین شفقیله دوتولور بدر جمالی

انگشت نما چون مه نو نوک هلالی

آنّندا عیان معجز شق القمر اولسون

 

میدان شهادتده تیکوبدور یره بیدق

بو عشق بساطینده ویروب عشقیله رونق

فرق اولمیه حیدر کیمی فرقی اولا منشق

اکبرده علینون اثری فرق سر اولسون

 

قربان ره عشقیدی ایتموش قلم نور

آننّدا فدیناه بذبح آیه سی مسطور

نه فایده وار , دیده کوته نظران کور

ایستر گوره هر کیم گرک اهل نظر اولاسون

 

هر چند تمناسی شهادتدی نظرده

باشی کسیله تشنه ویره جان قوری یرده

نه رحم و مروتدی گورون قوم کفرده

بیر تازه جوان قاتلی یوز مین نفر اولسون

 

آماده سیز الده کیمی خنجر , کیمی شمشیر

خنجر یرینه نصب ایده سیز سینه سینه تیر

بالله دل لیلاده ایدر سوزشی تاثیر

هر زخم که گل پیکرینه کارگر اولسون

 

عمریله (حقیرا) ووراسان دفتره خامه

سوز آخره یتمز یتشور عمر تمامه

وار اهل نظر دیده سی تاثیر کلامه

سوزدن اثر ایستللّه ولو مختصر اولسون

 

مرحوم حقیر خویی

منبع مجموعه کانالهای مدح و مرثیه

 

----------- متن نوحه زبانحال حضرت علی اکبر (ع) ---------

زبانحال امام حسین (علیه السلام) به

خواهرشان  در

احوالات حضرت علی اکبر (علیه السلام)

 

آل طاهایه خبر ویر ای باجی اکبر گلور

قتلگه‌دن خیمه‌گاهه شورش محشر گلور

 

بیر آتانون یوخ بیله ناکام اؤلن نورسته‌سی

خیمه‌لرده واردی بیحد مایل دل بسته‌سی

مرکب اوستونده گلور خندان قیزل گُل دسته‌سی

یئندیرون یورقوندی آتدان رزمدن حیدر گلور

 

ایچماقا جام شهادت باغلیوب زرّین کمر

چشمۀ حیواندن ایچدی ویروب شیرین ثمر

گورسنور فَرقینده عیناً معجز شقّ القمر

گوئیا تاج شرافت باشدا پیغمبر گلور

 

گلشن پیغمبر اکرم روادور سولماسون؟

دیدۀ جام جهان اشک غمیله دولماسون؟

آچماسون لیلا نئجه بوغمده زلفون یولماسون؟

محشر کبرانی عیناً گوسترن مَنظر گلور

 

بانوان عصمت اُولدی خیمه‌دن یکسر کنار

آلدی نَجم و شَمس صُبحون دوره‌سین سیّاره‌وار

گوردولر بیر قانلو پیکردن آخار قان چشمه‌سار

ظاهراً قان باطناً بیر چشمۀ کوثر گلور

 

ایلیوب طغیان دریالر کناره داشدیلار

اُمّهات اَربَعه سس چکدیلر آغلاشدیلار

نقل ایدر راوی قویوب یئرده عبادن آشدیلار

خیمه‌دن نعش اوسته هی عورتدی بی‌معجر گلور

 

زینب کبری گلوب اوّل دولاندی باشینه

بیر علی نعشینه باخدی بیر حسین قارداشینه

ایتدی آهنگ نوا ویردی خبر گؤز یاشینه

بیله بولّم ایمدیده زینب علی سسلر گلور

 

گوردولر اعضا اولوب پاشیده زخم تیردن

محو اولوب بالمرّه یوخدور اصل ترکیب بدن

خانۀ زنبوره بنزر زخم تیر و نیزه‌دن

عهده‌سیندن بو سؤزون نه خامه نه دفتر گلور

 

آلدیلار اطــرافینی عمّه باجی بیکس آنا

باش آچان زلفون یولان تقریریله گلمز سانا

لیک جمله بیر یانا نازلو سکینه بیر یانا

ایله قارداش یانینه گلسه باجی نیلر گلور

 

گوردولر ممکن دگل جسمینده بیرسان پرده‌سی

جلوۀ سینانی مستور ایلیوب قان پرده‌سی

مُرشد موسانی چون محو ایلیوب جان پرده‌سی

آیریلان شیرازه‌دن بیر مُصْحَفه بنزر گلور

 

ای‌عجب تیر بلا قلب جهانی دَلمدی

دوشمدی دوران مداریندن بیر آن دنجلمدی

هامّی گلدی خیمه‌دن لیلا کناره گلمدی

خجلتیدندن گوردی چون سلطان بی‌یاور گلور

 

امر ایدوب لیلایه‌ده گلسون امام مُحتشم

گئتدیلر اُفتان و خیزان بانوان محترم

سَسلنوردی دمبدم ایوای اوغول وای هر قدم

هانسی اوغلی گورماقا لیلا کیمی مادر گلور

 

مرحوم حاجی روفه گر

منبع مجموعه کانالهای مدح و مرثیه

 

----------- متن نوحه زبانحال حضرت علی اکبر (ع) ---------

زبانحال حضرت امام حسین (علیه السلام) در

شهادت حضرت علی اکبر (علیه السلام)

 

اکبرین نعشیم گتوردوم گَل تماشایه باجی

هم اوزون گَل هم خبر ویر امّ لیلایه باجی

 

گور بو گلبرگ تری  پاره پاره پیکری

واذ نه حالیم یوخ بولن بیر خالق اکبر بولور

بیرده بولسه لیلی بیچاره و مضطر بولور

لیلی حالینده فقط اوغلی اُلَن مادر بولور

طاقت و صبریم تالاندی گیتدی یغمایه باجی

 

محترمدور بو جنازه باخما اکبر نعشیدور

خَلقاً و خُلقاً رسول ا...َ مظهر نعشیدور

صورتا اکبردی معناده پیمبر نعشیدور

ویر خبر سَن عترت یاسین و طاهایه باجی

 

زحمتین چکدی وفا بزمنده کی یولداشلاری

یوزلرینه باخمادی، جاری اولور گوز یاشلاری

نعشینی حمل ایلدی تدبیریله قارداشلاری

ممکن اولمازدی گُتورمک شخص تنهایه باجی

 

حالنی اولماز بیان ایتماق باجی تقریریله

دوغرانوبدور نازنین جسمی دم شمشیریله

قویدولار نعشین عبایه گیتدیلر تدبیریله

شور محشر سالدیلار بو دشت و صحرایه باجی

 

گیتمدی اون سگّیز ایل لیلا چَکَن زحمت هدر

ویردی آخِرده نهال زحمتی شیرین ثمر

طالب اولسا گورماقا بو شکل زیباسین اگر

ویر خبر باشدا قرا چخسون تماشایه باجی

 

تا جهان وار بیر بیله عالم جهاندا یاد اولور

من که خوشنودم یقین لیلاده گورسه شاد اولور

قید غمدن فدیه سی مقبول آنا آزاد اولور

غبطه ایلر بولسه هاجر حال لیلایه باجی

 

چوخ یاراسی وار باجی، تاپمش گوزل بیر امتیاز

حقّی واردور گوز آچانمیر ایلیه لیلایه ناز

لایق اکبر ندور لازمدی اولسون پیشواز

هر باخان احسن دیسون بو ماه سیمایه باجی

 

اوز یاراسندان آخان قاندان سالونسون رختخواب

بیر نفر دیندیرمَسون دلدن دوشوب ویرمز جواب

اشک چشمیله بو گل اوسته گَلَن سَپسون گلاب

آغلاسون یانسون باخان بو شکل زیبایه باجی

 

من باخوب یانّام بونا باجی دل محزونیله

وار یِری لیلا اگر همنام اولا مجنونیله

نافه ی مُشکین کیمی آغشته اولموش خونیله

گَل نظاره ایله بو زلف سمن سایه باجی

 

صاف قلبون (صافیا) بو طبعی سرشار ایلیوب

ابر باران بهاران تک گهربار ایلیوب

اوزلری هرگونه تحسینه سزاوار ایلیوب

تابع اولموش قارداشندان بیرجه ایمایه باجی

 

مرحوم صافی

منبع مجموعه کانالهای مدح و مرثیه

 

----------- متن نوحه زبانحال حضرت علی اکبر (ع) ---------

شاهزاده حضرت علی اکبر (علیه السلام)

 

ای مظهر پیمبر و صاحب وقار اوغول

حسن جمالی خلقته وی شاهکار اوغول

 

فخر ایله‌ سه خلیل اگر ئوز ذبیحینه

ایلر بلی حسین‌ده سنه افتخار اوغول

 

خوان کمالوه سنون ای یوسف حسین

مین یوسف ایستیور اولا تا ریزه‌خوار اوغول

 

یوسف هارا سن هارا یعقوب هارا حسین هارا

اولسا اگر مقایسه چوخ فرقی وار اوغول

 

کرب و بلا صبور اولان عاشیق مکانی‌دور

دوزمز بلایه عاشیق بی اقتدار اوغول

 

عاشق اودور که سن کیمی سرمایه‌سی اولا

بذل ایلیوب نگاره تاپا اعتبار اوغول

 

عاشیق اودور که طعنه‌ی اغیاره صبر ایده

عاشیق اودور کی قلبی اولا داغدار اوغول

 

عاشیق اودور اوغول گوزونون قانینی سیله

ای‌وای دیوب نه ایلمیه آه و زار اوغول

 

آخر نفسدی بیر آتا دی جان دیوم سنه

آز قالدی جنّته اولاسان رهسپار اوغول

 

قلبیم چوخ ایستیور آچاسان قانلی گوزلرون

بیرده گوروم گوزوم گیله‌سین آشکار اوغول

 

بیر یول نگاه ایدوب گنه یومسوندا یوم گوزون

باخسا اوغول آتا یوزینه اَجری وار اوغول

 

جدّیم دوشوبدی یادیمه ای مصطفی باخیش

سن باخ منه اولوم باباما اشگبار اوغول

 

قویدی یوزون اوغول یوزونه قلبی رام اولا

گورسون دیدی بوحالیمی پروردگار اوغول

 

ناگه قولاقینه یتشوب آغلاماق سسی

تِز تِز دیور هایانداسان ای زخمدار اوغول

 

فوراً حسین اوجالتدی باشین گوردی زینبی

بیر آیری مشگله دیدی اولدوم دچار اوغول

 

عمّوندی سر برهنه گلوب من دوزنمرم

مهر حجاب پرده‌دن اولسون کنار اوغول

 

دوردی ایاقه تِز ایاقا دور میان حسین

سن قال دیدی قوم اوسته هله گل‌عذار اوغول

 

سالدی عباسینی باشینا زینبون، دیدی

بو سن بو حق یولوندا ایدن جان نثار اوغول

 

اگلشدی عمّه‌ده آتادا قتلگاهیده

زینب دیدی بی‌بوندی گلوب بی‌قرار اوغول

 

عمّون گلنده فوری دوراردون ایاقینه

سن دونموسن دونوبدی و یا روزگار اوغول

 

یا چوخ یارالی‌سان ایاق اوسته دورانموسان

هانسی یارون سنه ویروری چوخ فشار اوغول

 

قاسم عم اوغلووی چاقوروم ال اله ویرون

باهم گیدون خیامه ایکی غمگسار اوغول

 

آز قالدی نوریدن دوشه قارداشمون گوزی

کام آلدی گورنجه فلک کج‌ مدار اوغول

 

مرحوم انور اردبیلی

منبع مجموعه کانالهای مدح و مرثیه

 

----------- متن نوحه زبانحال حضرت علی اکبر (ع) ---------

 شاهزاده حضرت علی اکبر (علیه السّلام)

 

آچ گوزلرون ای نو گل گلزار پیغمبر اوغول

گوزلور یولون خرگاهده ذرّیه حیدر اوغول

 

سن که یخلدون تشنه لب یتدون گوزل آمالوه

قورتولدون همُّ غمّدن بالمرّه خوش احوالوه

کیم بو تمنّاده اولا غبطه ایدر اقبالوه

یوخ بیر مقام و شأن اولا بو رتبه دن برتر اوغول

 

جانان یولوندا جان ویروب باشه یتردون خدمتون

درک ایلدون سن محضر طاهانی آخر ساعتون

امّا آنان لیلایه چوخ مشگلدی درد فرقتون

حسرت وصالون درکنه قالدی او بی یاور اوغول

 

باخدوقجا بو جسمه علی اشگیم چو دریا موج ایدر

بی پرده عرشه فرشدن داد و فغانیم اوج ایدر

طعن و شماتت حالیمه هر دسته هر بیر فوج ایدر

من باشون اوسته آغلارام امّا گولر لشگر اوغول

 

بیر سمتدن ایلر منه قوم ستمگر سرزنش

بیر سمتدن شمر دنی ایلر او کافر سرزنش

بیر سمتدن بی شرم رو سعد اوغلی ایلر سرزنش

من دلفکاره گوسترر اوغلانلارین پیدر اوغول

 

ظاهرده هر اوخ که سالوب بو جسمه سایه سانجلوب

باطنده قلب لیلیِ بخت قرایه سانجلوب

جنّتده بیرده سینه خیر النسایه سانجلوب

بیر تیریله مجروح اولوب اوچ سینۀ انوار اوغول

 

بو جسمه گر چه اگلنوب چوخ یاره لشگردن علی

ایلوب اصابت داش آغاج نیزه بو پیکردن علی

امّا جزاده شاکیم یعقوب کافردن علی

عمده سنی دلدن سالوب کتفونده کی خنجر اوغول

 

گلمز شماره یاره سی گل جسموون تقریریله

بو پاره پاره پیکرون شان شاندی نوک تیزیله

فرقون آتام حیدر کیمی منشق اولوب شمشیریله

زخم سروندن یاد اولوب زخم سر حیدر اوغول

 

بو چولده گوزده ظلمیله تار اولدی روز روشنون

خار جفادن گل کیمی دولدی یارالی دامنون

ای یوسف گل پیرهن بو غرقه خون پیراهنون

ایگلر آلار جان عطرنی یعقوب غم پرور اوغول

 

کوی وفاده سن بو گون عشاقی حیران قویموسان

جانان یولوندا جسمدن رخت علایق سویموسان

هی سسلیرم سس ویرموسن یوخسا آتاندان دویموسان

سس ویر دلون قربانی من ای جدّیمه بنزر اوغول

 

دوتمور دلون گر ایدماقا صحبت بو صبری طاقیله

ذیحق سن آغزون دولوب آلقانیله توپراقیله

پوزقون گلستاندور بو یر بو پیکر اوراقیله

قطعه به قطعه دوغرانوب باشدان باشا پیکر اوغول

 

بو پاره پاره پیکره حسرت گوزوم باخماز نجه

باخدوقجه گوزدن عارضه خون جگر آخماز نجه

قلب جهانی اودلارا قلبیم اوتی یاخماز نجه

وار هانسی بیر دلده مگر قلبیمده کی آذر اوغول

 

« نجمی » غم ایّامیله دل تنگدور شلم و سحر

صدقاً دوتوبدور دامنون رخساره گوز یاشی توکر

ایسته رعایت ایلسین حالین خدای دادگر

مشگلده دور اوز دردینه سندن علاج ایستر اوغول

 

 مرحوم حاج سیّد یوسف نجمی

منبع مجموعه کانالهای مدح و مرثیه

 

----------- متن نوحه زبانحال حضرت علی اکبر (ع) ---------

 شاهزاده حضرت علی اکبر (علیه السلام)

 

آلمیشام اذن شهادت وقت هجراندور آنا

گل دویونجا گور منی فرصت بو بیر آندور آنا

 

آچما باشون یولما زلفون توکمه اشگون دامنه

آغلاما بیر بیله آغلاتما منی قربان سنه

بوندان آرتوق غصّه ویرمه بو یول اُستنده منه

چوخدور اندوه و غمیم آز قلبیمی یاندیر آنا

 

باخما حسرتله منه باخدوقجا گوز یاشون آخور

آه جان سوزون دل سوزانمی ناره یاخور

تیز مرخّص قیل گیدوم سلطان مظلومان باخور

الّلری قوینوندا دورموش دیده گریاندور آنا

 

اولما دلگیر اولمادی سو تشنه لب سالدون یولا

راضیم سوز عطشدن گلشن عمروم سولا

عشق قربانی گرک اَلقانیلن سیراب اولا

لایق کوی محبّت تشنه قرباندور آنا

 

دوتموسان اون سگّز ایل اُلفت منیله ماه و سال

ایمدی هجرانیم سنه بر اَمردور گرچه محال

منّتین زهرایه قوی حقّون منه ایله حلال

خاطری منظوردور خاتون رضواندور آنا

 

ایسترم بر خدمت عالی ایدم زهرا پسند

اذن ویرسن دوغرانام من قطعه قطعه بند بند

تا اولاخ زهرا یانندا سنده منده سربلند

ایله بر گونه هامی یرگشته حیراندور آنا

 

یثربه دوشسه یولون ایتسن آنا بیرده گذر

بینوا صغرا باجیم سندن منی آلسا خبر

مرگیمی واضح دیمه مدّتدی که هجران کسر

ناتواندور خسته دور باغلی دولی قاندور آنا

 

ایلیه هرکیم منه گوز یاشی دنیاده نثار

ایلرم منده شفاعت روز محشر هر نه وار

قویمارام یانسون  (شهابی) ایلرم اوددان

نوکریمدور گرچه غرق بحر عصیاندور آنا

 

 مرحوم شهاب تبریزی

 

----------- متن نوحه زبانحال حضرت علی اکبر (ع) ---------

 شاهزاده حضرت علی اکبر (علیه السلام)

 

من بوگون جانانه قربانم خداحافظ آنا

فرصتیم یوخدور شتابانم خداحافظ آنا

 

گرچه اولدن آنا منظور لطف شاهدیم

لیک شاهون اولدی بو لطفی او لطفه شاهدیم

ایستدی شهده نجه که ایستمیشدی شاهدیم

فدیۀ مقبول جانانم خداحافظ آنا

 

تنگ اولوب بو طایر روحه بدن مانند فخ

سسلنور الْعشق اودور تار وجودیم نخ به نخ

جان متاعیم مورتک فرق ایتمشم پای ملخ

من بو فخر اوسته سلیمانم خداحافظ آنا

 

وارثم من آدم و نوح و کلیمه وارثه

یادگارم خامسه نور دو عینم ثالثه

یوخدی باکیم اشقیادن یوز ویره هر حادثه

پور پور شیر یزدانم خداحافظ آنا

 

گلماقا مانع اولوردی شرم شاه تشنه‌لب

گلمسم اما گینه گوردوم اولور ترک ادب

آخرین بو زحمته اولدی بو بیرنکته سبب

عرض ایدم مأذون میدانم خداحافظ آنا

 

ابْر فرقت گیزلدنده برج وصلین بدرینی

دولدورور اندوهیله آشفته عاشق صدرینی

یاخشی ساعتدور آنا بول بو بیر آنون قدرینی

خیمه‌ده مهمان بو بیر آنم خداحافظ آنا

 

من بؤ اُون ‌سگیز ایل عمرومده تمام عهدیمی

صرف راه عشق ایتدیم جمله جد و جهدیمی

ایمدی لازمدور ویرم باشیله باشه عهدیمی

گورموسن پابند پیمانم خداحافظ آنا

 

فرقتیم ایلوب باجیم صغرانی بُلم دلفکار

لوح دلده نقشۀ وصلی ایدر دائم نگار

قانلو بیر کوینک آپار صغرایه مندن یادگار

مصر عشقه ماه کنعانم خداحافظ آنا

 

بیرکسون یوخدور بو چولده واقفم بو مطلبه

غربتون سالمیش علاوه جانیمی تاب و تبه

من سنی تاپشورموشام عمم وفالی زینبه

چون اوزوم جانانه مهمانم خداحافظ آنا

 

من ویریم سن بسلین اعضانی نوک خنجره

سنده فخر ایله محبت عالمینده هاجره

چوخ سوسوزدور خنجر منقذ بو نازک حنجره

من اوزوم هر چند عطشانم خداحافظ آنا

 

یا گیدوب تک خیمه‌ده اگلش انیس محنت اول

یا گیدوب قاسم آناسیله اوتور هم‌صحبت اول

نه باش آچ نه زلف یول نه غصه‌دن بیطاقت اول

نه دی مجنون بیابانم خداحافظ آنا

 

گورموسن یالقوز قالوب بو پادشاه کم سپاه

سسلنور هل من مُعین هر دم چکر آه اوسته آه

حسرتیله صاق صولا ایلر غریبانه نگاه

من اودور بیله پریشانم خداحافظ آنا

 

دوندرور درد فراقیم تیره شامه گوندوزون

نیزه‌ده گیتسه باشیم هریانه سنده گل اوزون

بو اوزون یولاردا مندن بیر گجه کسمه گوزون

گورنه رخشان ماه تابانم خداحافظ آنا

 

یوخ بوگیتماقدان رضای حقدن اوزگه غرض

ایسته‌سن اُون ‌سگیز ایلکی زحمته سنده عوض

صبره مُعتاد اُول منی میداندا گورسن الْغرض

زخمدارم قانه غلطانم خداحافظ آنا

 

امر ایدوب جدیم که ایتمون مُستمندی ناامید

سائلی محروم قیلماز هیچ شقی و هیچ سعید

من نیجه حق بخششندن شأنیه ویرموم نوید

عرض ایدر محتاج احسانم خداحافظ آنا

 

مرحوم شانی

منبع مجموعه کانالهای مدح و مرثیه

 

----------- متن نوحه زبانحال حضرت علی اکبر (ع) ---------

زبانحال حضرت امام حسین (علیه السلام)

در شهادت حضرت علی اکبر (علیه السلام)

 

ئولونجه وار یری گَلسم فغان و فریاده

الهی بو نه گوزل آرزودی دنیاده

 

قوجا آتا آچا گوز جان ویرن زمانینده

جوان اوغول گوره یارب دوروبدی یانینده

 

اورکده نسگلی قالماز گیدر غمی او زمان

باخار جوانینه جانانه جان ویرر آسان

 

بونون برابری مافوق بلکه نسگلدور

بو مطلب عکس اولا هر بیر آتایه مشکلدور

 

قوجا آتا گوره جان اوسته نوجوان اوغلین

قالار نه حاله آتا گورسه اول زمان اوغلین

 

حسین نه حاله قالوب بُلمورم، خدا بُلوری

گورنده جدّی شبیهی جوان اوغول اُلوری

 

او حالی هر گوره نین اختیارینی آلوری

قلجلانوب باشی، قان ایچره اَل اَیاق چالوری

 

بدنده یاره لری چشمه چشمه قان ویروری

نفس باتوب، گوز آخوب، توپراق اوسته جان ویروری

 

ایکی اَلیله گوتوردی امام دل خسته

آلوبدی پارچالانان باشینی دیزی اوسته

 

سیلوبدی گوزلرینون قانینی اولوبدی ملول

بویوردی آچ گوزون ای جدّیمون شبیهی اوغول

 

سحر ستاره سی تک تیز غروبه یتدون اوغول

قویوب غریب آتاوی تک بو چولده گیتدون اوغول

 

شل اولسون اَلری کیم ووردی باشیوه شمشیر

بو یاره نون ایدوری سوزی قلبیمه تاثیر

 

گُل اوزلی تازه جوانیم آنان گوزیندن ایراق

ایدوبله پیکریوی برگ گُل کیمی اوراق

 

نه قَدر سسلدی دیندوردی سیّد الشّهداء

جواب گَلمدی، بیر صیحه چکدی وا وَلَدا

 

اوغول باشینی گوتوردی باسوب اورک باشنا

سووومادی اورگی، شدّت اولدی گوز یاشنا

 

باشین قویوب یره اشکیله دولدورب گوزینی

اوغول جنازه سی اوسته سالوب او شه اوزینی

 

یوزین قویوب یوزینه قان قاریشدی گوز یاشنا

دیدی اوغول اولا توپراق بو عالمین باشنا

 

غریب آتاندا عزیزیم نه تیز بیله دویدون

اوزون گیدوب منی دشمنلر ایچره تک قویدون

 

او قدری آغلادی، سس چکدی، ایلدی شیون

باخوب او حالینه اودلاندی سنگدل دشمن

 

گوروردولر اوغولون زخم جسمی قان ویروری

باخان او حاله دیردی حسین جان ویروری

 

اوغول یوزیندن ایدنده یوزین امام کنار

ایدوب نظاره نه گوردوله قوم کینه شعار

 

آتا محاسنین ایلوب خضاب اوغول قانی

او حالی وار یری یاندورسا کون و امکانی

 

بو شاهزاده(حسینی)حسینه سوگُلیدور

شبیه ختم رسل گلشن وفا گُلیدور

 

مرحوم حسینی سعدی زمان 

منبع مجموعه کانالهای مدح و مرثیه