متن نوحه ترکی حاج صمد قاسمپور
مجموعه اشعار برگزیده آیینی و مذهبی حاج صمد قاسمپور در مدح و رثای اهلبیت علیهم السلام ، متن نوحه ترکی از حاج صمد قاسمپور
---
احوالات راه شام
حریم قدسیده سبوحیان ستر و عفاف
اولوبلا مات، بو جاه و جلال و شوکتدن
طواف ایدیر جبروت اهلی، عشق کعبه سینی
مگر ئورکلری تاپسون صفا زیارتدن
جدایه سورتوری شوقیله شهپرین جبریل
که اخذ کام ایلسون مرشد طریقتدن
مسیح عشق، صلیب اوسته غرق استغنا
حواریون ولا دلخوش، استجابتدن
فراز نیزه ده ناز و کجاوه لرده نیاز
باش آچمیوب هله معشوق، عیش و عشرتدن
نی اوسته زمزمه شور و شوق و مستی و عشق
کجاوه لر هامی سرشار معنویتدن
ویریبلا هر باشی بیر محملین مقابلینه
ایشقلی آی چخیب، ایوان بزم خلوتدن
شکوه عشق اولوب زینبیه لرده عیان
او زینبیه که سرمشق آلیب امامتدن
نه زینبیه؟ که اوردان سفیر عاشورا
قیلوبدی عالمی آگه مرام نهضتدن
او زینبیه ده منشور انقلاب حسین
یازیلدی خون دل، اهل بیت عصمتدن
نه اهلبیت؟ کی راسینده زینب کبری
تزلزله گتوروب دشمنی شجاعتدن
محالدور آچا عشق آشناسی شکویه دل
مگر گلر دله بنت الجلال، محنتدن
بو بیر خانمدی که حلم و وقار و صبریلن
سالیبدی صبرین ئوزون صبر و استقامتدن
بیر عالمین داغینی، سینه ده نهان ایلیوب
گتورمیبدی خم ابروسینه مشقتدن
آلیبدی روح شهادت شهامتین درسین
مرام و مکتب والای زینبیتدن
نه داغدا وار بو صلابت، نه لاله لرده بو داغ
سولار چمن، اریر داغ، بو مصیبتدن
اسیر اولوبلا، و لیکن اسیر عشق الله
شکوه و مجد یارالدیبلا بو اسارتدن
اسیر، اسیرلرین محملینده رایت عشق
حکایت ایلیری معناده فتح و نصرتدن
اسیر اولوبلا، خلاص ایلسونله عالمده
حقیقت اهلینی زنجیر جاهلیتدن
قیام اهل شهادت، پیام اهل حرم
چیخاتدی عالمی غرقاب بحر ظلمتدن
ویروبله قان، تاپا جان، نخل دین و آزادی
ویروبله جان که جهان قورتولا فلاکتدن
شهید اولوبلا، شهید اولماسین حقیقت عشق
گیدیبله گیتمیه تا محتوا شریعتدن
قیام ایدوبله، قعود ایلسون جهاندا ستم
یاتیبلا تا اویانا خلق، خواب غفتلدن
سونوبله سونمیه مصباح دین لم یزلی
یانیبلا یانمیه تا اهل دین جهالتدن
غروب ایدیبله که عشقین گونی طلوع ایلسون
باتیبلا تا چخا اسلامین اهلی ظلمتدن
دوشوبله توپراقا تا دوشمسین قیامته دین
شریعت نبوی، اقتدار و عزتدن
اگیبله قانیله اوباش قامتین اما
ویریبله باش که باش اگمه سینله ذلتدن
نشان اولوبلا خدنگ بلایه تا اسلام
جهاندا دوشمیه نام و نشان و شهرتدن
مهاجران ولا ترک باش و جانیله
حریم وصلته یول تاپدیلار بو هجرتدن
حقیقتیله بو درگاهه یوز دوتان سائل
نه ایستسه آلاجاق منبع کرامتدن
غنی دی هر ایکی عالم، گدای کوی حسین
فقیر عشق اولار بی نیاز حاجتدن
دوا ایدر هامی درده مریض عشق حسین
طبیبی نیلیری بیمار اولان محبتدن؟
ولایت اهلینی واللهی ایلمز محروم
حسین فاطمه محشر گونی شفاعتدن
استاد قاسمپور
منبع مجموعه کانالهای مدح و مرثیه
----------- متن اشعار حاج صمد قاسمپور ---------
زبانحال حضرت رباب (سلام الله)
اوگون مدینه کی ال الله مکان اولدی
خانم ربابین ایشی آهیله فغان اولدی
گیجه لراصغره گوندوزحسینه آغلاردی
خدابولور اورگینده نلر دیردی رباب
قویاردی هرگیجه بوش گاهواریه یوزونی
اوغوشدوروب اورگین گوزیاشین الردی رباب
سالاردی خاطرینه اصغرین سوسوزلوقونی
ویراردی سینه سینه جان دیوب ملردی رباب
باساردی باغریناقانه بویانمیش اونوگونی
گیجه نی صبحه کیمی ایگلیوب اوپردی رباب
هیچ عورتین اورگی یانمیوب رباب گیمی
نلرگلوب باشینا بیر اوزی بولردی رباب
دایاردی سینه دیواره اودلی سینه سینی
سیزیلدیوب درو دیواری تتردردی رباب
علیدن هرنه اونایادگارقالمیشدی
گیجه دیللرآچاردی گونوز بوکردی رباب
اگرچه تنگه گتورموشدی صبری صبریلن
ولی بوقدربلایه نجه دوزردی رباب
بوفاطمه گلینی بس چوخ حیالیدی
حسینه اصغرین آدیله آغلیردی رباب
سرین سو ایچمدی قبره گیدینجه یثربده
سوا دوشنده گوزی اصغرین گورردی رباب
دوراردی گون قاباقینداحسین عشقینده
گونون حرارتین آلدیقجا دینجلردی رباب
حسینین عطرین آلاردی همیشه زینبدن
اودورکی زینب کبرانی چوخ سووردی رباب
گزردی مشعل اهیله قتلگاه یولون
اوقانلی گلشنی هرگون طواف ایدردی رباب
اوزعالمینده خیم قتلگاه فاصله سین
حسینین آدی دیلینده گیدوب گلردی رباب
قویاردی صحن امامتده توپراقا یوزونی
تبرکن اویرین توپراقین اوپردی رباب
او ایوده هریره مولا قدم که قویموشدی
توزون به قصدشفا قلبینه چکردی رباب
قوجاخلیوب دیزینی عالم تخیرده
خرابه گوشه سینه گوزلرین تیکردی رباب
رقیه سین نظرینده مجسم ایلردی
حزین حزین گوزونون یاشینی الردی رباب
گونون حرارتی جسمین ایله اریتمیشدی
خدابولور داهی. قالمازدی چوخ. اولردی رباب
اوزعالمینده گیدوب شام وکوفه یوللارینی
بالاسی اوخلانان اهوکیمی ملردی رباب
گورردی عالمه رویاده اصغرین گیجه لر
اچاردی شوقیله قونداقینی بلردی رباب
دیردی من سنه آسوده سوت ویرنمه میشم
آلاردی سینه سی اوسته امیشدیردی رباب
سحراولانداهراسان آچاردی گوزلرینی
بالاسینین یرین افسوس بوش گورردی رباب
دیردی بوگیجه لرکاش اولمییدی سحر
سحردن آخشاماایوای دیوب ملردی رباب
اگرچه زینبین اوز دردی بیشماریدی
گینه اورک سوزونی زینبه دیردی رباب
حاج صمد قاسمپور
منبع مجموعه کانالهای مدح و مرثیه
----------- متن اشعار حاج صمد قاسمپور ---------
وداع حضرت امام حسین (علیه السلام)
سزادور عشقیلن من باش وئرم شمشیر فولاده
ولی باش اگمرم جبریله قوم ظلم و بیداده
بو قانین وار نیازی سنله بیر کوبنده فریاده
بو گون معشوقیله عاشق گرک همرنگ اولا زینب
منی سرمست ایدن ساقی ازل گون جام وحدتدن
سنی سیراب ائدیب سرچشمه عشق و محبتدن
حدف تک بیرجه عشق الله دور باجی بو نهضتدن
دایانام من بیر عالم گر سپاه و هنگ اولا زینب
اونا دلبند اولان اهل و عیاله پایبند اولماز
دچار یار اولان عاشق اسیر هیچ کمند اولماز
باجی عشق حقیقی عالمینده چون و چند اولماز
دگور شایسته عشقین اهلینه دلتنگ اولا زینب
دولوبدور گلستان کربلا سرو و صنوبردن
بیتیبدور لاله و نسرین و نرگس خون اصغردن
گلور عشقین شمیمی قاسم و عباس و اکبردن
بو باغین گوللری لازمدی رنگارنگ اولا زینب
بلی سویلر بلایه ، لا دئمز شوریده سر عاشق
باش اگمز ذلتیله دشمنه باشدان کچر عاشق
وئرر جانانینه جانین ، شیرین بیر سود امر عاشق
هامی عشق اهلینه تا بو عمل فرهنگ اولا زینب
عواطف عاشقه مانع اولانماز طی راهیندن
تجلا گر جمال یار اولا تنها نگاهیندن
عبودیتدن اولسون تا علامت سجده گاهیندن
گرگ آنندا عبدین بیر نشان سنگ اولا زینب
بو گون گرچه گئدوب الدن ابوالفضل علمداریم
باتوبدور قانه یتمیش بیر نفر یار وفاداریم
شهید اولسامدا چون تاریخیده محو اولماز افکاریم
هراسیم یوخ بوتون دنیا مصاف جنگ اولا زینب
گرک هموار ائده عاشق طریق عشقی قانیله
آلا وصلین متاعین بی محابا نقد جانیله
وصاله یول تاپا ترک عیال و خانمانیله
صبور اول قویما عشقین کاروانی لنگ اولا زینب
سئنا پیمانه جان لیک سنماز عهد و پیمانیم
گوتوررم من حجاب اولسا اگر جانانیمه جانیم
ئوره ک آئینه سین صیقل وئرر باشدان آخان قانیم
گورنمز دل اگر آئینه سینده زنگ اولا زینب
استاد قاسمپور
منبع مجموعه کانالهای مدح و مرثیه
----------- متن اشعار حاج صمد قاسمپور ---------
شب عاشورا
بوگجه آیری بیر عالم یارانیب کرب وبلاده
بوتون عشق آیه سی تفسیر اولونور خیمه سراده
ساقی عشق ایچیردیر هامی عاشقلره باده
نجه می؟ باده نه باده
گورنه عالمدی نلر وار
نه گوزل منظره لر وار
کربلانین تایی عالمده گلستان اولا بولمز
شهدا مثلی بو دنیاده بیرانسان اولا بولمز
بله ساقی بله جمعیت مستان اولا بولمز
او میین نشئه سی چوخ تشنه نی دیداره آپاردی
رفرف قانیله سرمنزل اسراره آپاردی
ییخیلان یاره لی یاری حرم یاره آپاردی
باشلاری داره آپاردی
اوردا عاشقلر هامی تشنه ی ساقی دی نه ساغر
اوردا گوز ایشلیه لی سرو صنوبردی سراسر
بیری نافع بیری مسلم بیری عابس دی برادر
بیری ده حر دلاور
یاحبیب ابن مظاهر قوجا فرمانده لشکر
بیری ده شبه پیمبر علی اکبر
بیری ده غنچه ی باغ شهدا سود امر اصغر
بیری سرلشکر عشاق ابوالفضل دلاور
باخیشی حیدره بنذر
اوکی نامردلرین لشکرینه لرزه سالیب دی
اوکی تکلیقدا گیدوب علقمه نین نهرین آلیبدی
بیر ایچیم ایچماقا اما سولار حسرتده قالیبدی
بو ابوالفضل علمدار حسین بن علیدی
ایش محبت دن آشیب عشقی حسینه ازلیدی
ائله سویماق که بوتون ائل لر ایچینده مثلی دی
چوخ گوزللر گوزلییدی
بله قارداش اولا بولمز مگر عباسیدی وا...
کیشی لردن کیشی باشدان باشا احساسیدی وا...
اشجع الناسیدی وا...
اوکی تک بیر نفسی کفر ایوینی یخماقا بسدی
مینلر عیسای مسیحانی دیریلدن اونفس دی
اوکی بیر نعره سی لشکر نفسین کسدی او سسدی
اوکسین بایراغی کفرون علمیندن اوجا اسدی
طول تاریخیده سردارلرین اوستونه کسدی
تانی عباسی تانی بیر بئله کسدی
بوشجاعتده بوغیرتده جوانمرد تاپیلماز
بیزلر عباسی اگر دوز چاغیراخ درد تاپیلماز
کیم اولار لشکر کفر ایچره گیدیب تکجه دایانسین؟
هانسی سقادی فرات اوسته دوروب لبلری یانسین
کیمدی قارداشینا قارداش دیماقا چوخلی اوتانسین
عشقیله قانه بویانسین
ای قلم بسدی دایان دور
سیر اله گورنجه مخیمده قیامت دی برادر
خیمه لر هربیری سینای محبتدی برادر
هرطرف عشقیدی عرفاندی صلابتدی برادر
دانیشیق اوردا باخیش دی بیر اشارت دی برادر
طور خلوتدی برادر
اوردا دیدار الیندن هله معشوقه مجال یوخ
اوردا باشدان باشا حالدور داها قال یوخ
اوگوزل یرده زوال یوخ
اورا بیر چولدی حقیقتده ولی جان جهاندی
اوردا عالم بویی فاش اولمیان اسرار نهان دی
اورانین پیری جواندی
کربلا کعبه دن افضل_کربلا قبله ی جاندی
اورانین لاپ آشاقا قیمتی قاندی
کیم آلان_کیمسه ساتاندی
اورا بیر چولدی که آهولری مافوق ختن دی
اورا باشدان باشا گوز ایشلیه لی سرو و سمن دی
کربلا آیری وطن دی_کربلا آیری وطن دی
ای قلم بسدی دایان دور
خیمه لر گورنه فغان دور
صبر ائله سوت امرین خیمه سینه گیتمه امان دور
آناسی چوخ نگران _عمه سینین حالی یامان دور
گورنجه هول ائلیری خیردا اوشاقلار هراسان دور
بیر طرفده آناسی وای اوغول وای دییر آغلیر
بیر طرفده باجیسی اصغره لای لای دییر آغلیر
عمه سی اوخشیوری عالمی داغلیر
خیردا قیزلار نجه گهواره سینی دوره لی ییلله
اوسوسوز سوت امرین حالینه گورنه ملی ییلله
بلگین چاره تاپانمولّلا آچیللار بلی ییلله
علی اصغر بوگجه آیری بیرعالم یارادیب دی
بو بالا اوچ گجه گوندوز عطشین جانین آلیبدی
عشق حیرتده قالیب دی...
بونه اعجازیدی الله بالاجا بیر سوت امنده
بیر تبسم له سالا صید اوزی صیادی کمنده
گورنه احواله قالیب زهرلی پیکانی امنده
بله آهو هانی بیر دشت ودمنده؟
بوچولون سوت امری عالمی حیران اله میشدی
عشق دریاسینی باشدان باشا طوفان اله میشدی
بیر گل آچمیشدی که دنیانی گلستان اله میشدی
آمّا آخیرده ربابین اورگین قان اله میشدی
یغیب عاشقلری معشوق نهانخانه ی عشقه
شمعه باخ سیر اله یتمیش ایکی پروانه ی عشقه
مست لر تاویره پیمان هامی پیمانه ی عشقه
دول بوشال دور باشاباش عشق اِله میخانه ی عشقه
اِله بیرمی که اونون قطره سینین قیمتی یوخدی
چوخی بیر دامجیسینی دادماقا ظرفیتی یوخدی
بیردادیم سهلدی که ئی له ماقا جرئتی یوخدی
یئنه الدن اله پیمانه ی پیمان دولانوردی
اِله بیر بزم که ایثار هراسان دولانوردی
روح عرفان اوتانیب_عشقده پنهان دولانوردی
صدرمحفلده ده سالار شهیدان دولانوردی
ویردی نا اهل لره گتماقی ارباب اجازه
سچیلنلر سچیلیب ییغدی تماشا گه رازه
سایدی قان باده سینین لذتینی اهل نمازه
باشلیوب راز و نیازه
ائله کی ایندی ده شیعه یانیر اول سوز وگدازه
غرص انصارینی سالار گیچیردیب نظریندن
قوجا سردار سپه تابالاجا سوت امریندن
آچیب عاشقلره عشق عالمینین جلوه لریندن
سایدی عشق اهلینه معشوق شرابین اثریندن
بوشرابی دادانین جسمی بوتون جان اولاجاقدی
بوغازین ایسلادان عابس کیمی عریان اولاجاقدی
محرم خلوت جانان اولاجاقدی
بو میین نشئه سی تا گورمیه دلدارین اویانماز
قوریان لبلریله اوپمه سه اوز دارین اویانماز
کیم بومی دن ایچه قان توتمیا رخسارین اویانماز
گورمه سه یارین اویانماز
حبیب ایستر که بلا ساغرینی بیر نفس ایچسین
حرّ ایستر کیشی تک دوز یولی بیر لحظه ده سچسین
جاندان_حتّی حرمیندن ده زهیر ایستیری گچسین
عاشیق ایستیر کی قلیج بوینونی بیچسین...
حاج صمد قاسمپور
منبع مجموعه کانالهای مدح و مرثیه
----------- متن اشعار حاج صمد قاسمپور ---------
غزل
اودمکه صورتون نقاش عالم روبرو چکدی
ایاقلین یوز قویوب محرابه بیر مستانه هو چکدی
بو گون بیر کهکشان گویلرده حوری ازدحام ایلوب
یول آچسین تا سنه جبرئیل بانگ طرقو چکدی
گریشماق چوخ چتندور تار زلفوندور ولی نیینیم
منی آخر بو کفرآباد عشقه جستجو چکدی
حساب عشقمی تا اهل ایمانه بلوندرسون
گزوب زلفونده شانه مین الیله مو به مو چکدی
کمان ابرویه خم ورماقدا آتدون تیر مژگانی
دلی هیچ بولمدون اشکیمله زخم سینه سو چکدی
بیوکلر سهلیدی اطفالیده تکفیر ایدور از بس
دل دیوانمی زنجیر زلفون کو به کو چکدی
آتام تک ایستدی یولدان چخاتسین هاشمی خالون
گوروب زاهد سوزوندن کفرله لا تقربو چکدی
نه نوعی جذبه وار حسنونده ای گل بولمورم نازون
نه تک من بلکه باهم آشنائیله عدو چکدی
لب لعلون شرابوندان ایچنلر فوری مست اولدی
خمارین اضطرارین من کیمی بیر زرد رو چکدی
اگر یوسفده مشهور اولدی بازار محبتده
سنون دریای حسنوندن عزیزیم بیر سبو چکدی
(صمد) چوخ آچما عشقین سرنی عالمده منصوری
فراز داره آخر فاش اولان راز مگو چکدی
استاد صمد قاسمپور
منبع مجموعه کانالهای مدح و مرثیه
----------- متن اشعار حاج صمد قاسمپور ---------
از کربلا تا شام
غریبه گوللر آچیب نیزه لر فرازینده
سالیبدی لاله و نسرینی قدر و قیمتدن
نه گل؟ نه لاله؟ نه گلشن نه ارغوانی و یاس
بو لاله زار آلیب دل، ریاض جنتدن
نه گلده وار بو طراوت، نه لاله ده بو صفا
نه بیله عالی چمن باش ویروب طبیعتدن
جهان، جهان اولالی دوشمیوبدی دوشمیه جاق
بو باصفا چمنین گللری طراوتدن
ویریبدی گلشنه بیر غنچه آیری شور و صفا
سحر نسیمینی سرمست ایدوب لطافتدن
پوزوبدی رونق بازار عشقی بیر یوسف
سالیبدی یوسفی حسن عالمنده شهرتدن
مقابلینده نه یوسف نه حوریان بهشت
وجاهتین ئوزی بالله دوشر وجاهتدن
ساتاشسا نیزه ده، مین یوسفین گوزی گوزونه
کسلله جمله سی جان اللرین محبتدن
عروس حجله گردون زواله سیر قیلار
دوشنده گوزلری ماه منیره خجلتدن
قیامت عالمی هر نیزه دن عیان اولوری
صبا چکنده کناره حجابی صورتدن
چاتیبدی باش باشا، باشلار جدا باشندا عجب
حکایت ایلیری کثرتده عین وحدتدن
نوای مستی و گلبانگ عشق و نغمه شور
بلا چولون گوتوروب اشتیاق وصلتدن
یغیبدی باشینه یتمش بیر عاشقین معشوق
بیان ایدیر اولارا عشق بی نهایتدن
جمالی جلوه لنوب نخله سنان اوسته
گیدیر که یاندیرا طور آتشین حرارتدن
دادیزدیروب هامیه قان شرابنی ساقی
ئوزی چکوب باشا، ته جرعه ی شهامتدن
فرات سهلیدی، تسنیمه ناز ایدر بالله
او کس که مست اولا گر کوثر ولایتدن
شهید زحمتی رحمت بولر، بلانی ولا
او لحظه دن کی تاپار نشئه جام وحدتدن
جلای عشقیله صیقل تاپان دل آئینه سی
مکدر اولمیوب اولماز غبار کثرتدن
سپاه عشقه بو گون شهریار کشور دل
نوید فتح ویریب مسند جلالتدن
شعار معنوی لا اله الا الله
عیاندی نیزه لر اوستونده سرخ رایتدن
او سرخ پرچم، ایدیب روسفید اسلامی
گلیبدی جنبشه تا قله سعاتدن
ویریبدی جوهره عشقه، عشق تعلمین
امیر لشکر توحید، بیر اشارتدن
نه گفتگو نه کشاکش، که بیر خمار باخیش
محبت اهلینه گویادی مین عبارتدن
نه گفتگوده اثر وار، نه جستجوده ثمر
که یار یاره چاتار، جذبه محبتدن
بلی بو رسمدی عالمده عشقه دارانی
فراز داره چکللر نشیب تربتدن
گر چه عاشقه فرق ایلمز نشیب و فراز
ولی سوور باخا معشوقه اوج رفعتدن
اودور که نیزه نی دارالمقام ایدیب شهدا
نزول ایدوب یره عیسی کمال حیرتدن
گلیبدی بال و پر آچسون فضای عشقده عقل
ولیک شعله چکیب یاندی برق غیرتدن
حجاب و پرده نی ستار لم یزل گوتوروب
بولوندوره هدفین ماجرای خلقتدن
بسیط فرشه نظر سالدی تا ملایک عرش
دوشوبله حیرته اعجاز آدمیتدن
حریم قدسده سبوحیان ستر و عفاف
اولوبلا مات، بو جاه و جلال و شوکتون
طواف ایدیر جبروت اهلی، عشق کعبه سینی
مگر ئورکلری تاپسون صفا زیارتدن
جدایه سورتوری شوقیله شهپرین جبریل
که اخذ کام ایلسون مرشد طریقتدن
مسیح عشق، صلیب اوسته غرق استغنا
حواریون ولا دلخوش، استجابتدن
فراز نیزه ده ناز و کجاوه لرده نیاز
باش آچمیوب هله معشوق، عیش و عشرتدن
نی اوسته زمزمه شور و شوق و مستی و عشق
کجاوه لر هامی سرشار معنویتدن
ویریبلا هر باشی بیر محملین مقابلینه
ایشقلی آی چخیب، ایوان بزم خلوتدن
شکوه عشق اولوب زینبیه لرده عیان
او زینبیه که سرمشق آلیب امامتدن
نه زینبیه؟ که اوردان سفیر عاشورا
قیلوبدی عالمی آگه مرام نهضتدن
او زینبیه ده منشور انقلاب حسین
یازیلدی خون دل، اهل بیت عصمتدن
نه اهلبیت؟ کی راسینده زینب کبری
تزلزله گتوروب دشمنی شجاعتدن
محالدور آچا عشق آشناسی شکویه دل
مگر گلر دله بنت الجلال، محنتدن
بو بیر خانمدی که حلم و وقار و صبریلن
سالیبدی صبرین ئوزون صبر و استقامتدن
بیر عالمین داغینی، سینه ده نهان ایلیوب
گتورمیبدی خم ابروسینه مشقتدن
آلیبدی روح شهادت شهامتین درسین
مرام و مکتب والای زینبیتدن
نه داغدا وار بو صلابت، نه لاله لرده بو داغ
سولار چمن، اریر داغ، بو مصیبتدن
اسیر اولوبلا، و لیکن اسیر عشق الله
شکوه و مجد یارالدیبلا بو اسارتدن
اسیر، اسیرلرین محملینده رایت عشق
حکایت ایلیری معناده فتح و نصرتدن
اسیر اولوبلا، خلاص ایلسونله عالمده
حقیقت اهلینی زنجیر جاهلیتدن
قیام اهل شهادت، پیام اهل حرم
چیخاتدی عالمی غرقاب بحر ظلمتدن
ویروبله قان، تاپا جان، نخل دین و آزادی
ویروبله جان که جهان قورتولا فلاکتدن
شهید اولوبلا، شهید اولماسین حقیقت عشق
گیدیبله گیتمیه تا محتوا شریعتدن
قیام ایدوبله، قعود ایلسون جهاندا ستم
یاتیبلا تا اویانا خلق، خواب غفتلدن
سونوبله سونمیه مصباح دین لم یزلی
یانیبلا یانمیه تا اهل دین جهالتدن
غروب ایدیبله که عشقین گونی طلوع ایلسون
باتیبلا تا چخا اسلامین اهلی ظلمتدن
دوشوبله توپراقا تا دوشمسین قیامته دین
شریعت نبوی، اقتدار و عزتدن
اگیبله قانیله اوباش قامتین اما
ویریبله باش که باش اگمه سینله ذلتدن
نشان اولوبلا خدنگ بلایه تا اسلام
جهاندا دوشمیه نام و نشان و شهرتدن
مهاجران ولا ترک باش و جانیله
حریم وصلته یول تاپدیلار بو هجرتدن
حقیقتیله بو درگاهه یوز دوتان سائل
نه ایستسه آلاجاق منبع کرامتدن
غنی دی هر ایکی عالم، گدای کوی حسین
فقیر عشق اولار بی نیاز حاجتدن
دوا ایدر هامی درده مریض عشق حسین
طبیبی نیلیری بیمار اولان محبتدن؟
ولایت اهلینی واللهی ایلمز محروم
حسین فاطمه محشر گونی شفاعتدن
استاد قاسمپور
منبع مجموعه کانالهای مدح و مرثیه
----------- متن اشعار حاج صمد قاسمپور ---------
احوالات قتلگاه
عکس ساقی در بلورین جام آب افتاده بود
پیر میخواران عاشورا خراب افتاده بود
تازه مستی در خرابات نفس گیر عطش،
سر گران بر اوج مهد نی ، بخواب افتاده بود
تشنه سیرابی که از داغ لب او در فرات
موجها هم از عطش در پیچ و تاب افتاده بود
شه ز فرط جذبه برق تجلی ، محو حال
در سکوت محض مقتل بی جواب افتاده بود
از نوای ناله های نای نی در نینوا
زخم چنگی بر دل تار رباب افتاده بود
نیمی از خورشید بر بالای نی در شعشعه
در دل گودال ، نصف آفتاب افتاده بود
ازدحامی بود در بازار قدسی گوئیا
بین مشتاقان یوسف ، انقلاب افتاده بود
عقل حیران بود ، و منطق مات و استدلال ، لال
عشق هم گویی به حال اضطراب افتاده بود
ذکر خون تا شد بلند از خانقاه قتلگاه
رعب و وحشت بر وجود شیخ و شاب افتاده بود
با نگاه نرگس مخمور مستی می پرست
هر چه زیباییست از حد نصاب افتاده بود
در میان عاشق و معشوق، عشقی هم نماند
عشق اگر در بینشان بودی حجاب افتاده بود
ظهر عاشورای خون ، دردی کش صبح الست
خورده بود آنجا که صهبای شراب ،افتاده بود
قاسمپور
منبع مجموعه کانالهای مدح و مرثیه
----------- متن اشعار حاج صمد قاسمپور ---------
زبانحال حضرت زهرا (س) به امیرالمومنین حضرت علی (ع)
دیدی عم اوغلی علی بزم رازه گیتمه لیم
حضور اقدس پروردگاره گیتمه لیم
دیدی بو سوزلریله کونی یاندیروب یاخما
دیدی اورک سوزی گلمز شماره گیتمه لیم
دیدی سنیدون امیدیم، چکوب بیر آه دیدی
بو دردی یادیمه سالما دوباره، گیتمه لیم
نه دویموشام بالالاردان نه ده علی سندن
نه ایلیوم کسیلوب راه چاره گیتمه لیم
مسافرم سفر اوستونده حالیمی پوزما
سرشک چشمیوی توکمه عذاره گیتمه لیم
چتیندی آیریلا سندن بو روح مجروحیم
ولی چکور آپارور دلده یاره گیتمه لیم
دیدی گل اگلش عم اوغلی ایدوم وصیّتیمی
چکیلمه بیر نچه لحظه کناره گیتمه لیم
بتولی آخِر عمرونده گل حلال ایله
فراق وقتیدی آیری دیاره گیتمه لیم
گجه زمانی ویروب غسلیمی کفن ایله
غریبه لر کیمی تاپشور مزاره گیتمه لیم
غمیمده قویما سولا نوشکفته غنچه لریم
خزان یلی توخونا لاله زاره گیتمه لیم
عم اوغلی غسلیمی پیراهنیله ویر که گوزون
ساتاشماسون بو تن زخمداره گیتمه لیم
نه بی نشان اولی من تک نه سن کیمی مظلوم
اولیدی اُفّ بیله روزگاره گیتمه لیم
اجل تری دوزولوب آنّینا آخوب گوزلر
سوزون دینمدی قیلدی اشاره گیتمه لیم
دولاندیروب گوزینی حسرتیله بیر باخدی
شهادتِینی دیوب تا که گوزلری آخدی
دیدی اورک سوزونی یاره یار یومدی گوزون
علیده قویمادی صبر و قرار یومدی گوزون
او بزم رازیده پروانه یاندی آغلادی شمع
یتیشدی باشه غم انتظار یومدی گوزون
نه قدر سسلدی زهرا عم اوغلوام گوزون آچ
جواب گلمدی مظلوم وار یومدی گوزون
چاغوردی زینبی گل عمریمون چراغی سونور
وصیّت ایلدی بی اختیار یومدی گوزون
اجل پیاله سی غم باده سیله مالامال
دگوب مشامینه اولدی خمار یومدی گوزون
باخوب بالالارا حسرتله چکدی دلدن آه
عذاره اشکینی قیلدی نثار یومدی گوزون
گوروب سولوب سارالان گللرین پریشان حال
اولوب بو منظره دن اشکبار یومدی گوزون
حسین یانور حسن آغلور غریبه عالمدی
باخوب دوزنمدی اول داغدار یومدی گوزون
خزان لهیبی گلوب سولدی فاطمی گللر
پوزولدی رونق گلشن بهار یومدی گوزون
به سان شمع خموش اولدی لیک درد دلین
اُلونجه ایلمدی آشکار یومدی گوزون
نماز آغلادی سجّاده و دعا یاندی
اودمکه عاکفه ی روزگار یومدی گوزون
بیر عمر شمع کیمی یاندی تا خموش اولدی
فروغ جان و دل شهریار یومدی گوزون
عفاف و عصمت و تقوا اولوب شهید گوروب
یگانه مظهر شان و وقار یومدی گوزون
بویوردی زینبه گل زینبیم آنان گیدوری
حضور یاره اورک یاره باغری قان گیدوری
گلون سالون یولا بو خسته دل مسافروزی
گورون نه غصّه لی گمنام و بی نشان گیدوری
آنا جنازه سینون آلدی دوره سین بالالار
ویروبله سس سسه یردن گویه فغان گیدوری
علی باخور یانور آغلور، فغان ایدور زینب
عذاره اشکی اولوب سیل تک روان گیدوری
ملک فلک هامی عرشیله فرش قان آغلور
توککور سرشکینی جبریل نوحه خوان گیدوری
گلوب تموّجه دریای حوریان بهشت
جنانه یوز چووروب معنی جنان گیدوری
علی اولوبدی صبائیله همنوا بو گجه
او خسته پیکریله روحی بی گمان گیدوری
گیدور بو خسته مسافر همیشه لیق سفره
جهانی ترک ایلیوب جان بیر جهان گیدوری
چمن یانوب، سارالوب یاسمن، سولوب لاله
بهار عمری یتوب باشه باغبان گیدوری
سزادی گویده یازا اشک دیده ی حورا
دگل بو فاطمه تابوت ایچینده جان گیدوری
غروب وقتی غروب ایلیوب غریبانه
بیر آی که آردیجا اولدوز بیر آسمان گیدوری
بو گون علینون ایوینده غریبه غوغادی
نه فاطمه که بیر عالمجه کاروان گیدوری
بو گل اگرچه سارالدی بهار عمرونده
ولی مدینه بویی باغ و گلستان گیدوری
اگرچه دردینی بولدورمیوب ولی دلده
بیر عالمین غمینی ایلیوب نهان گیدوری
گجیله محمل زهرا بقیعه یولّاندی
بو غصّه دن دل مولا یانوب الولاندی
غرض گوتوردوله یورقون یارالی زهرانی
گجه بقیعیده دفن ایلسونله پنهانی
مدینه خلوت و خاموش و بی فروغ و سکوت
جهانی چولقالیوبدی حجاب ظلمانی
ستاره لر سپوری لمعه لمعه نقره ی اشک
یولا سالوبلا حقیقتده ماه تابانی
سکوت محضیدی یکسر مدینه شهری ولی
گیدور که بسلیه آرامشینده طوفانی
توکور سرشکینی زهرا غمینده دیده ی شب
صباده زمزمه ایلور حدیث هجرانی
گجه زمانیدی گوزلر یاتوب نه عالمدی
بقیعه حمل ایلیولّر غریب دورانی
علی ولایتی حمل ایلوری نه فاطمه نی
علی تشیّعی تشییع ایدور نه زهرانی
نه بدرقه نجه عالم که گورمیوبدی جهان
بیله غریبی، بو جمعیّت پریشانی
گلور بو زمزمه راحت یاتون مدینه لیلر
قوتاردی فاطمه باغلاندی بیت الاحزانی
هامی یاتان گجه لر آغلیوب ولی بو گجه
یاتوبدی فاطمه آغلار قویوبدی دنیانی
یانور هارای چکور آی، سیزیلدیر اولدوزلار
صباده چاک ایلیور غصّه دن گریبانی
گجه نسیمی سیزیلدور گلور نه زمزمه سی
بیر عالمین بو گیدن روحیدور علی جانی
نه گل یاتوب نده سسدن دوشوبدی بلبل لر
غبار غم بوریوب گلشن و گلستانی
جهان جهان اولالی گورمیوبدی گورمیه جاق
بو کاروانی بیله مجمع پریشانی
سنیله فاطمه روح و روانی دفن ایدورم
خدا بولور که دل مرتضانی دفن ایدورم
یات ای ولایتیمون خسته دل شهیده سی یات
سنیله جوهر عشق و ولانی دفن ایدورم
بو سنسن اللریم اوستونده یاتموسان زهرا
و یا علیدی، امام زمانی دفن ایدورم
منه جهاندا بو غمدن بویوک ملال اولماز
گوزوم باخا باخا دُرّ گرانی دفن ایدورم
علی سزادی قویا داغ دل اورک باشنا
بیر عالمین بویی داغ نهانی دفن ایدورم
گلون گوزون آنازی زینبیم حسین و حسن
گلون وداع ایلیون باغبانی دفن ایدورم
خدا بولور اورگیم دوزموی دیزیم گلمور
ستاره سهلیدی بیر آسمانی دفن ایدورم
صبا پیمبره مندن یتور سلام دینه
سنون امانتیوی جاودانه دفن ایدورم
نه گل آچار نه چمن، لاله نین چراغی سونر
بهاره ذوق ویرن گلستانی دفن ایدورم
جهاندا جان جهانیم، جهان جانیم سن
سنیله بو گجه جان جهانی دفن ایدورم
نجه سولان یوزیوی من قویوم تراب اوسته
اینانمورام سنی من جاودانی دفن ایدورم
امید و عشق بهشت و جنان روحوم سان
بهشتی روحومی عشق جنانی دفن ایدورم
تمام عالم امکانین آشناسینه باخ
غریبه لر کیمی یوخ بیر نشانی دفن ایدورم
گجه یارالی سنی قبره تاپشورام هیهات
سنی مزاره قویوب مرتضانی دفن ایدورم
حاج صمد قاسمپور
منبع مجموعه کانالهای مدح و مرثیه
----------- متن اشعار حاج صمد قاسمپور ---------
زبانحال به حضرت رباب (سلام الله)
دگدوقجا قانلی زلفوه باد سحر علی
سنبل کیمی جمالوه تِل تِل دوزر علی
الدن آلار بو بیکس آناوین قرارینی
اولدوقجا تار و مار او گیسوی تر علی
بولَم داهی بو قانلی سفردن قیتمَسَن
اولدی همشیه لیق سفرین بو سفر علی
گئتمه دئدیم اوغول گوز ائویمدن اوزاق یئره
چوخدور بو چولده قورخلی صیّادلر علی
باش دوتمیان سوز اولدی گئتدون عاقبت
قیلدی نشانه حلقوی تیر سه پر علی
آخدی آخار سولار نئجه بیهوده چوللره
سن ایچماقا تاپولمادی بیر مختصر علی
آخر آیردی بیربیریمزدن فلک بیزی
اولدی آنان قیامته جان در بدر علی
سنله یارالی چوخ گئجه عالملریم اولوب
بیرده آنان او عالمی هاردا گورر علی
سود اولمیوبدی اوچ گجه سس سسه وئروب
سن آغلیب من آغلامشام تا سحر علی
آچ قان دولان گوزون بیر اویان خواب نازدن
دور گور قالیب نه حاله بو شوریده سر علی
دوشسه سو جامینه نگران گوزلریم اگر
سولموش جمالوون سودا نقشین گورر علی
گهواره وی اوغول نچه مدتی توز باسیب
پاک ایلیر غبارینی مژگان تر علی
ناز ائتمه بو قدر منه ای نازنین بالا
آخر بالا آناسینه بیر سس وئرر علی
دوشموش نئدن بئله چوخورا قانلی گوزلرون
معلوم اولان عطش ایلیوب چوخ اثر علی
دیداریمز اوغول داهی قالدی قیامته
اوندا آنان سو جامی الینده گَلر علی
یاندون ولی سو ایسته ماقا اولمادی دلین
بو نسگلون ربابیله قبره گئدر علی
گوز داغی ایله وئردی فراتین سویی منه
واللهی ائتمرم سووا بیرده نظر علی
بیر اوخ یامان چووردی اوغول روزگاریمی
بوندان بیله منیمده دونرگم دونَر علی
سن بزم یاره یاره لی گئتدون گوله گوله
قویدون غریب آناوی بو چولده مَلَر علی
باغریم کیمی فراتیده قانه دونیدی کاش
وئردی بو سو منه نئجه خون جگر علی
دیرناقلارون قالیبدی یئری داغلی سینه ده
سندن ربابه قالدی فقط بو اثر علی
بیر سوت اَمر گورنده پریشان اولور گوگل
مجروح سینم اوسته یئرین گورسنر علی
هر گون سنون خیالیویله بو غریب آنان
قنداقوون بوشون گه آچیب گه بَلَر علی
لای لای دئیر رقیه باجون سوز و سازیله
بوش گاهواره وی گئجه لر ترپَدر علی
سندن صورا صفالی یئری مسکن ائتمرم
چوللرده خوش گونوم گون ائوینده گچر علی
اَمدون عجب دگول اوخی میدان عشقیده
عطشان وصل سو یرینه قان ایچر علی
باد صبا دگینده اوغول قانلی تللره
الله بولور رباب نه حاله دوشر علی
استاد حاج صمد قاسمپور
منبع مجموعه کانالهای مدح و مرثیه
----------- متن اشعار حاج صمد قاسمپور ---------
زبانحال حضرت امام حسین (علیه السلام) به حضرت ابوالفضل (علیه السلام)
ابوالفضل ای تمام سرولردن باش اولان قارداش
آماندی گل اوزاق لاشما حسینوندن بیر آن قارداش
اگر قیزلار منیمدی قوی سوسوزدان سو دئیب یانسین
بو قیزلار بیر یانا اهل حرم اوتلانسا اوتلانسین
اگر لازمدی حتی شیر خواریمده الولانسین
ولی سن مندن آیرلماکی قاللام ناگران قارداش
بو هیبت آیری هیبت دور خدا خلق ایلیوب سنده
جسارت یوخدی سنله جنگ ائده بیر دشت دشمنده
باخیب حیدر باخیشلی گوزلره فخر ایلرم منده
هانی عباسه تای لشکر پوزوب ، صف لر یاران قارداش
بیر عالم قارداشیم اولسا منه عباس اولا بیلمز
بنی هاشمده ده سنده اولان احساس اولا بیلمز
حسینه بیر نفر عباسه تای حساس اولا بیلمز
گورنمز بیرده مثلون چشم تاریخ جهان قارداش
سوسوزلوقدان اوکی یانماق دی قارداش اصغریم یاندی
اوشاقلار چونگلیب نازلی رقیه مده یاری جاندی
باجیم زینب ده کی مین دردیله باغری دولی قاندی
گئدیرسن گئت ، بیر آز گل زینبه خاطر یوبان قارداش
گوز ایشلیر موژ وئرور دریای لشکر مندن آیرلما
گئدیب تنها فرات اوسته حسینی ناگران قویما
یقینیم وار ائله اسکیک دیلر بو بی حیا اعدا
سنی تک تاپسالار بیر لحظه وئرمزلر امان قارداش
برادر گورکمون بیر پارچا شور و عشق و غیرتدی
دوروش جرئت ، یریش هیبت ، باخیش عشق ولایت دی
قیام قامتون قامت دگول عین قیامت دی
بوگون سنسن حسینین ده پناهی بیگمان قارداش
منیم جان و دلیم ، عشقیم ، امیدیم ،روحوم ، عباسیم
اوجا قامتلی سردار سپاهیم ، اشجع الناسیم
اوشاقلیقدان بولورسن وار سنه بیر آیری احساسیم
بیر احساسی که هرگز اولمیوب اولماز بیان قارداش
سنی نامردلر ایستیل له قارداش مندن آلسین لار
منی سن سیزلیقیله درد بی درمانه سالسین لار
اوجا سروی یخیب ظاهرده اسکیک لر اوجالسین لار
گوزومدن قویمارام جانیمده وار بیر ذره جان قارداش
امید عترتیم ، حتی منیم پشت و پناهیم سن
امیر عالمم ، اما بوگون سن تکیه گاهیم سن
تانیر عباسی دشمن تک لیقین دا بیر سپاهیم سن
اودورکی یاغدیرر نامرد لر تیرو سنان قارداش
حاج صمد قاسمپور
منبع مجموعه کانالهای مدح و مرثیه
----------- متن اشعار حاج صمد قاسمپور ---------
احوالات راه شام
قربان اولوم او قانه بویانمش جمالوه
ای عشقیمن سپهرینه قرص قمر علی
گتدون‌عجب زمانیده گئت یوخ سوزوم ولی
بول که غریب آنان داهی قالماز اُلر علی
من هر قدر که دیندیررم ویرمیسن جواب
آخیر مگر بالا آناسیندان کوسر علی
آهو باخیشلی گوزلری بیر آچ گوروم گئدیم
هرچندگوزلروندن آنان شرم ائدرعلی
نوک جدایه یتموری توتقون سسیم داهی
مندن صورا صبا سنه لای لای دئیر علی
گئدیقجا هر دیاره باشون نوک نیزه ده
روحوم سنیله پای جداده گئدر علی
باخما اولوبدی آبله یورقون ایاقلاریم
وئرسا آنان بو یولدا قدم دینجلر علی
وار محملیله نوک جدانین کشاکشی
بو سری اصغرین بیر آناسی بُلر علی
باشون هواسی ائیله آنان شام و کوفه نی
آدون دیلینده کوچه به کوچه گزر علی
الله بولور او لحظه نه حاله قالار آنان
اولدوقجا گوز ائویمده باشون جلوه گر علی
وئردیقجا نیزه دارون اوغول باشوه تکان
محمل ده تاب ائدنمز آنان جان ویرر علی
جان قالمیبدی منده ولی بو اوزون یولی
پای پیاده جذبهٔ عشقون چکر علی
یوخ قدرتیم قدم قدمیمنن گوتورماقا
اما اولار آنان قالا بوردا مگر علی
جان قالمیبدی رشته سنی الده ساخلیام
بازار شامدن سن ائدنده گذر علی
قالماز بو گیر و دارده جان صاحبینده جان
جانانی گورسه نوک جداده اگر علی
روحوم جدا باشیندادی جسمیمده ناقه ده
عشق عالمینده بیر قوری پیکر نئدر علی
بازار عشقده باشوون جان بهاسیدور
علت اودور آلانمارام الدن گئدر علی
گئت ای منیم سرین سویا حسرت قالان بالام
اول بزمگاه عشقه طرف رهسپر علی
گللر خزان اولوب هامسی یاندی خیمه لر
قالماز داهی بو دشتیده ائللر کوچر علی
ائللر کوچر گئدر قالی یانمیش خیامدن
داغلار بویونجا داغ نشان و اثر علی
یورقون سسون باتاندا اوجالدی سویُون سسی
بیر سس که داغلی سینه می اوخ تک دَلَر علی
یئل قووزیبدی خیمه سرادن قالان کولی
هر گاه گاه نهر فراته سَپَر علی
آرام ائدر بو زمزمه نی سوز و سازیله
کول باشوه گوتورمدی سندن ثمر علی
اولماز بو قدر عشق حقیقتی نین ارزشی
عالمده عاشق اولسا اگر هر بشر علی
علت اودور که محضر دلداره یولادیم
آهوی رام سن کیمی بیر سوت اَمر علی
هر کیمسه هدیه ایستیه جانانه گوندَرَه
معلوم دور سچیب گوزلین گوندرر علی
عالمده عشق درگهنه تحفه گوندَرَن
قانیله گل جمالینی الوان بَزَر علی
سنده الون گوتورمه بو جانبازدن صمد
هر قدر دردون اولسادا درمان ائدر علی
حاج صمد قاسمپور
منبع مجموعه کانالهای مدح و مرثیه
----------- متن اشعار حاج صمد قاسمپور ---------
زبانحال به حضرت علی اصغر (ع)
خوش بخواب ای عاشق جانباز من
خوش بخواب ای اخرین سرباز من
روی دستم وه چه زیبا خفته ای
غنچه نازم عجب بشکفته ای
ای غزال زخمی دشت بلا
دیده واکن آشنایم آشنا
لاله پرداغ این صحرا توئی
نورچشم مادرم زهرا توئی
ای غزالان ختن مدهوش تو
قصه ها دارد لب خاموش تو
بیخبرازدردبابا خفته ای
راز دل را با تبسم گفته ای
جان بابا دیده ات را بازکن
رازو رمزعاشقی آغاز کن
گوش کن ای مونس شبهای من
گوش کن ای غنچه زیبای من
باتودنیائی سخن دارم هنوز
مانده اندرسینه اسرارم هنوز
گوش جان بسپاربراوازدل
تاکه گویم باتو اکنون رازدل
اصغرم-حالا تو اصغر نیستی
گوش کن تا آن که گویم کیستی
درمقام عشق غوغا کرده ای
قطره ای و کاردریا کرده ای
لاله خونین بستانم توئی
غنچه سرخ گلستانم توئی
ازهمه گلهای من زیباتری
درمیان عاشقان شیدا تری
گرچه طفلی و بظاهر اصغری
لیک از مردان جنگی برتری
رفته از دستم همه انصارمن
درمصاف اندرتوئی سردارمن
دیده واکن وقت یاری کردن است
نخل دین را آبیاری کردن است
اصغرم برخیز تنها مانده ام
درمیان خیل اعدا مانده ام
ظهر عاشوراست بابا بیکس است
یک نگاهت بر من تنها بس است
تو یگانه یار و غمخوارمنی
اولین و اخرین یار منی
من همان دلخسته بابای تو ام
من همان بابای تنهای توام
کودکی ، طفلی ، صغیری ، اصغری
لیک پیش دیده ام چون اکبری
گرچه تنهایم دراین صحرا ولی
عاشق ششماهه دارم چون علی
جان نثاریکه بمیدان بلا
کردسر عاشقی را برملا
مانده ایم اینجا من و تو اصغرم
هم سپاه من توئی هم لشکرم
گرچه ای گل شاد و خندان میروی
همره خیل شهیدان میروی
هردو می جنگیم باخیل عدو
من بشمشیرو توبا خون گلو
لحظه ای چشمان خودرا بازکن
باگل لبخند کشف رازکن
جذبه عرفانی لبخند تو
کرد عالم را اسیر بند تو
گوش کن ای غنچه خندان عشق
گوش کن ای لاله عطشان عشق
لایلای مادرت را گوش کن
بعدازان جام بلارا نوش کن
باخدنگ عشق رامت کرده اند
عاشق جانباز نامت کرده اند
عاقبت خون گلویت شیر شد
شهرت عشق تو عالمگیر شد
خوش بخواب اینجا دیاراشناست
تربت پاکش حریم کبریاست
دایه پیکان تورا سیراب کرد
نرگس مست تورا در خواب کرد
دارد این گلشن بسی آلاله ها
لاله ششماهه تاصدساله ها
سوختند اینجا بسی پروانه ها
گردشمع محفل فرزانه ها
دارد این دریای خونین موجها
موجهایش سرکشدتا اوجها
هرکسی همراه این امواج شد
روزروشن راهی معراج شد
هروجب ازخاک این دشت بلا
دارد اندر دل هزاران ماجرا
عشق در اینجا تجلا میکند
عشق طوفان عقل سازش میکند
عقل میگوید که این تیر بلاست
عشق میگوید که پیک اشناست
عشق اینجا دل بدریا میزند
عقل دورخویش درجامیزند
یک طرف روباه جنگی سی هزار
یک طرف یک شیراما شیرخوار
ان طرف کفرجهانی یک جهان
این طرف جان جهانی نیمه جان
عشق اینجا نیز طغیان میکند
شیرخواری کار شیران میکند
اصغرمن ظهرعاشورا رسید
روزروشن لیله اسراءرسید
میروی آنجا که خلوتگاه اوست
یارآنجا باتو اندر گفت و گوست
خفتگان را خفتنت بیدارکرد
ماندگان را رفتنت بیمارکرد
آفرین برهمت والای تو
مرحبا بر عشق بی پروای تو
خوش برو معشوق میخواند تورا
میرسد این بانگ از عرش خدا
الصلا ای محرم اسرار عشق
الصلا ای اخرین سردارعشق
ای یگانه محرم رازم بیا
غنچه خونین ممتازم بیا
بسترت اینک نه دشت کربلاست
جای تو خلوتسرای کبریاست
گاهوارت ذروه اعلا بود
جای تو دردامن زهرا بود
ای همه بیچارگان را چاره ساز
رونقی بی تو ندارد بزم راز
قدسیان درراه تو بنشسته اند
عرش را با نور آذین بسته اند
یک طرف صف بسته خیل حوریان
ایستاده یک طرف کروبیان
تو بیا ای آشنای خرد سال
شد مهیا بهر تو بزم وصال
ای فروغ جنت الماوای من
ای همای شاخه طوبای من
تو بما پیوستی و ازما شدی
قطره بودی و کنون دریا شدی
ای به موج خون چو ماهی درشنا
آمدی خوش بردیارآشنا
یار یار خویش تا آوازکرد
روح اصغرازقفس پرواز کرد
حاج صمد قاسمپور
منبع مجموعه کانالهای مدح و مرثیه
----------- متن اشعار حاج صمد قاسمپور ---------
اربعین حسینی
دور یاتما زواریم گلورقارداش ابولفضل
یورقون بالالاریم گلور قارداش ابوالفضل
قرخ گونون عرضینده باجیم گورنه قوجالیب
سوسوزلوقدان بالالاریم سولوب سارالیب
معلوم اولان بیر عده سی یولاردا قالیب
محرم اسراریم گلور قارداش ابوالفضل
چوخلی مصیبته دوزوب کرب و بلاده
کوفه و شامی دولانوبیب پای پیاده
بیر نظر گوزدن قویموب منی جداده
یار وفاداریم گلور قارداش ابوالفضل
واردور باشیندا زینبین چوخ ماجراسی
باجیمون گلمز شماره درد و بلاسی
توخدامیب ئورگینین هله یاراسی
قافله سالاریم گلور قارداش ابوالفضل
دور پیشواز ائت زینب نالانی قارداش
آغوشینه وئر اصغر عطشانی قارداش
جانیم اولا زینبمین قربانی قارداش
یاتما اویان یاریم گلور قارداش ابوالفضل
نهضتی احیا ایلین زینبدی زینب
برپا قیامت ایلین زینبدی زینب
یزیدی رسوا ایلین زینبدی زینب
وفالی دلداریم گلور قارداش ابوالفضل
بو کاروانیله گلور حسینین جانی
دور یاتما استقبال ایله بو کاروانی
وئر زینبین آغوشینه اوخلی قربانی
غم گونی غمخواریم گلور قارداش ابوالفضل
اصغره لای لای دیئری آغلیری زینب
اوغلی ئولن آنالاری داغلیری زینب
قرخ گوندی باشینه قرا باغلیری زینب
یورقون عزاداریم گلور قارداش ابوالفضل
استاد قاسم پور
منبع مجموعه کانالهای مدح و مرثیه
----------- متن اشعار حاج صمد قاسمپور ---------
شب یازدهم محرم
طنین همهمه و بانگ کارزار یاتوب
چخوبدی آی قوتاریب غائله غبار یاتوب
دولوبدی بادۀ نوریله گوز پیاله لری
گویون ستاره لرین ایلیوب خمار یاتوب
شمیم عشق سراسر بلا چولون بؤرویوب
ختن ده مست اولالی نافۀ تتار یاتوب
بئله چمن بو طراوتده گلستان اولماز
که هر گلیله بو گلشنده مین بهار یاتوب
امیر عشق دوشن یئرده شور و شوق و صفا
جلالت و شرف و عزّت و وقار یاتوب
اولوبدی دشمنه هر چند ظاهرا مغلوب
ایدوب ئورکلری تسخیر شهریار یاتوب
باخاندا دیدۀ حق بین له بلا چولونه
هر عاشقیله بیر عالمجه اقتدار یاتوب
دوشوبدی بیر اوجا قامتلی سرو نهر اوسته
دگوبدی پیکرینه زخم بیشمار یاتوب
اگر چه سرو ایاقدان دوشوبدی قامتیله
ایدوبدی پرچم اسلامی استوار یاتوب
یوموبدی حیف اولا حیدر باخیشلی گؤزلرینی
امیر لشکر توحید شرمسار یاتوب
اگر چه سرو کیمی سرنگون اولوب امّا
ایدوب قیامتی قامتده آشکار یاتوب
منای عشقیده یوخ فرقی جون و عباسین
چاتوبدی باش باشا گمنام و نامدار یاتوب
چمنده سرو غروریله لاله نازیله
ترنّم ایلیوب عشق آیه سین هزار یاتوب
محبّت عالمینن یوخ گدا و سلطانی
بو یئرده شاه غلامیله هم جوار یاتوب
یوموبدی گوزلرینی باغبان گلشن عشق
اولوبدی قانیله سیراب لاله زار یاتوب
حریره ناز ایلین گل جنازه لر افسوس
دوشوبدی گؤرنه تراب اوسته بی مزار یاتوب
نه گل نه لاله نه گلشن که باغبان اوزیده
اولوبدی باد خزانیله تار و مار یاتوب
فرات آخور چؤله بی جا سویون نسیمی گلور
اُلوبدی عاطفه لر چشم روزگار یاتوب
اسیر صبا یئلی، لای لای دیور حزین سسیله
خدنگ عشقی امن طفل شیر خوار یاتوب
غزال بادیۀ عشق بیر تبسّمیله
ستمگر اؤچی لاری ایلیوب شکار یاتوب
آچوبدی بیر بالاجا لاله گلستاندا ویروب
بو قانلی گلشنه عالمجه اعتبار یاتوب
بو چؤلده ناقه لر اوستونده بسلنن آهو
آلوب ربابیدن آرام و اختیار یاتوب
یاریم چیلیق یومولان گوزلری حکایت ائدیر
ربابین اوخلانان آهوسی انتظار یاتوب
دوتوبدی پرده ظلمت فضای صحرانی
عروس حجلۀ گردون کجمدار یاتوب
چکیلدی پردۀ تصویره عصر عاشورا
یتشدی بیر یئره مطلب که شیر خوار یاتوب
بو طفله قاندا قانیخ وئرمیب عطشدی هنوز
وصال تشنه سی بو چولده بیقرار یاتوب
خدنگ عشقه گولوب آغلادوبدی دنیانی
ایدوبدی حضرت زهرانی داغدار یاتوب
بو چولده اوچ گئجه گوندوز سوسوز قالان سود امر
امیبدی زهرلی پیکان داغدار یاتوب
خدنگ عشقه گلن یوز بو قانلی گلشنده
هزار حیف دوتوب چهره سین غبار یاتوب
ویروبدی بیر گئجه خوش دم صفالی مدّاحیم
گوزوم اولوبدی بو مطلبدن اشگبار یاتوب
حاج صمد قاسمپور
منبع مجموعه کانالهای مدح و مرثیه
نظرات (۰)
هیچ نظری هنوز ثبت نشده است