متن نوحه ترکی مرحوم عاصی تبریزی

مجموعه اشعار برگزیده آیینی و مذهبی مرحوم عاصی تبریزی در مدح و رثای اهلبیت علیهم السلام ، متن نوحه ترکی از مرحوم عاصی تبریزی

---

حضرت علی اصغر (علیه السلام)

 

 او شیر خواره نی دفن ایلدی امام انام

و لیک قویمادیلار قبرده سپاه ظلام

 

اودم که ظلمینی اتمامه ویردی قوم شریر

گچوب جدالره باشلار، بسان مهر منیر

 

باخوب او باشلارا وقاص زاده نطقه گلوب

سکینه باغرینی تیر عداوتیله دلوب

 

دئدی بو باشلار ایچینده گورنمورم بیر باش

او باشی تاپماقا سیز ایلیون بو دمده تلاش

 

حسین النده گتورمشدی بیرجه طفل صغیر

سو ایستینده بوغازینا ووردی حرمله تیر

 

اونون جنازه سی هر یاندادور گرک تاپولا

جدا باشنا اونون قانلی باشی زینت اولا

 

بو حکمی لشگره تا ویردی اول عدو خدا

سوار اولوب آتنا اون نفر، الده جدا

 

(قویوبلا ایمدیه دین سینم اوسته اللریمی

دیوله نیزه ائله آختارولا اصغریمی

 

باشین کسله تاپولسا، دیون نه چاره ایدیم؟

منه نجف یولونی گوسترون هرایه گیدیم

 

آتاسی دفن ایدوب، آت نعشی اوسته چاپمیالار

گلون دعا ایلیون، اصغریمی تاپمیالار

 

واریمدی نسگلی جان ویرمیوب قوجاقیمده

 نجه گوروم کسه لر باشینی قباقیمده)

 

(گل دعا ایله سکینه شام و کوفه لشگری

تاپماسون بلکه قیزیم نعش علی اصغری)

 

(عمه دل ترابدن ظلم الی گوهر آختارور

نیزه لرین وورور یره اصغری لشگر آختارور...)

 

یره وراردیلا غیظیله نوک نیزه لری

بو قصدیله تاپالا بلکه تا او سود امری

 

بیری او حالده یاندوردی جمله آفاقی

چخاتدی نیزه باشندا او قانلی قونداقی

 

آخور گوزوم یاشی، بو مطلب اود وورور جگره

محالدور داخی پرده چکم همین خبره

 

نجه حسین سوه نون اشگیله گوزی دولماز

بلی جفا اولی، بو انتهاده ظلم اولماز

 

بو ظلمی گور آپارار قبره صاحب الاسلام

او ظلمی اصغره گوردی روا او بد فرجام

 

یتوب بیوک یره سوز، آه یا امام زمان

اوزوندن ایستورم عذر، ایلیم او ظلمی بیان

 

او ظالمی که تاپوب اصغرین جنازه سینی

آلوبدی دست قضادن جفا اجازه سینی

 

تمام لشگره تاپماقلیقینی آندوردی

ازل جداده او قونداقی بیر دولاندوردی

 

حریم محترمین اختیارینی آلدی

او سود امر بالانی نیزه دن یره سالدی

 

توکوب رباب و سکینه عذاره گوز یاشینی

آتندان اندی او ظالم، کسه اونون باشینی

 

گوروب بوغازی او طفلین ز بس لطیفیدی چوخ

بچوب بوغازینی باشدان باشا، قلج کیمی اوخ

 

قالوبدی بیر دری آویز، قطع اولوب حنجر

باشین آیریماقا لازم دگل داخی خنجر

 

گریز احوالات حضرت صغری (س)

 

نه ظلم اولوب دئمرم یوخ دلیمده شرحنه تاب

بو قدر وار که یوموب گوزلرین آناسی رباب

 

گوروب سکینه بو حالی الین قویوب گوزینه

آلشدی قلبی گینه تسلیت ویروب اوزینه

 

یانا یانا توکوب آغلار گوزی یوزه قانیاش

دیردی بوندان ازل من علی ئولیدیم کاش

 

نه تک سکینه نی جاندان بو غم اوساندوردی

بیوک کچیک حرم مصطفانی یاندوردی...

 

قسمتی از اشعار مرحوم حسینی سعدی زمان ،

در کتاب کنزالحسینی ،

گریز احوالات حضرت صغری' سلام الله علیها

اشعار داخل پرانتز به ترتیب از

مرحومین دخیل ، عاصی و نجمی می باشد.

 

منبع مجموعه کانالهای مدح و مرثیه

 

----------- متن اشعار مرحوم عاصی تبریزی ---------

زبانحالِ حضرتِ زینب کبری (س) در کوچ از قتلگاه

 

گورمدیم بو قتلگهده بیر بدنده باش حسین

هارداسان ای زینبی آغلار قویان قارداش حسین

 

هارداسان سس ویر منه ، ای قرّة العین الرّسول

هارداسان ای روحِ زینب ، مهجهء قلبِ بتول

قانه غلطان ایلیوب هاردا سنی قومِ جهول؟

هاردا ایثار ایتموسن جانانه جان و باش حسین

 

چوخ یوروب اعدا سنی قوم اوسته راحت یاتموسان

یا منِ خونین دلی قارداش گوزوندن آتموسان؟

ای امامت بُرجنون خورشیدی یوخسا باتموسان

باش گوتورموش خوابدن هر فطرتی خفّاش حسین

 

خیمه گهدن قتلگاهه گر چه چوخ آزدور یولوم

لیک ضربِ تازیانیله اولوب نیلی قولوم

شاهدِ عدلِیندور بو حاله زخمِ صاق صولوم

شاخِ مریم اوسته گویا سوسن آچموش باش حسین

 

بیر یارالی گورمدیم باشسیز بدنلر ایچره من

بو بدن تک زخمِ تیر و تیغی گیچسون حدّدیدن

بو یقینمدور ، حسینیم سنسن ای باشسیز بدن

زخمِ جسموندن اولور بو سِرّ مکنون فاش حسین

 

ای بساطِ عشقیده مینلر سلیمان چاکرون

اهرمن یغما ایدوب انگشتله انگشترون

ساربانون ظلمیله کسمیش بلکدن اللرون

سویدی کهنه کوینگون بس هانسی قلبی داش حسین؟

 

ظلم تکمیلنده نقصان قویمیوب قومِ شرور

گون قباقینده قویوبلار نعشوی عریان و عور

جسمِ پاکون خاکیله یکسان ایدوب سُمّ سُتور

شأنوی هرگز مراعات ایتمیوب اوباش حسین

 

سن اوسان دوشِ پیمبرده ایدردون گه مقام

گه باساردی جان کیمی آغوشنه زهرا آنام

گاهی سویلردی حسین مِنّی اول فخرِ انام

بیر گلوب بو حالوی جدّیم گوریدی کاش حسین

 

سن اوسان ای دم ویرن عیسایه ، ای خضره دلیل

خونبها ایتمیش سنه اوز ذاتینی ربّ جلیل

سن او شاهنشاه سن صدقیله دائم جبرئیل

درگهونده واردی چون سربازِ حاضر باش حسین

 

سن اوسان جدّیم اوپوب ایگلردی گه لعلِ لبون

گه جبینون بوس ایدردی گاهی حلقِ اَطیَبون

ایندی نه نوعیله گورسون غم کشیده زینبون

جسمِ پاکون دوغریوب کین اهلی باشا باش حسین

 

وار یادیمدا بیر گونی یثربده ای شاهِ جهان

گون قباقینده منی دوتموشدی بیر خوابِ گران

گون اذیّت ایتمسین قیلدون عباوی سایبان

عهد قیلمشدیم ایدم بو لطفه بیر پاداش حسین

 

گون او گوندور ای سلیلِ پادشاهِ قل کفی

زینبِ غمدیده ایتسون عهدِ دیرینه وفا

بیر زادیم قالموب ولی ، ایله سویوب اهلِ جفا

اولموشام منده سویولماقدا سنه یولداش حسین

 

ای مهِ رخساری سالموش قرصِ مِهری تابیدن

لعلِ عطشانی دل آلموش غنچهء سیرابدن

گوزلرون قربانی زینب بیر گوز آچ بو خوابدن

اهلوه نااهل لر گور نه ایدور پرخاش حسین

 

بو شماره گلمین جسمونده قارداش یاره دور؟

صفحهء گردونیده یا ثابت و سیّاره دور؟

پیکروندور بو که زینب قلبی تک صدپاره دور؟

رسم ایدوب یا نقشِ غم ، خاک اوسته بیر نقّاش حسین؟

 

ای ایکی نهرین آراسیندا ویرن لب تشنه جان

ای اولان ذبحِ عظیمون شرحینه واضح بیان

خشک اولان لعلِ لبون فکریله زینب هر زمان -

آغلار ایلر دامنین خون دِلیله یاش حسین

 

مقدمِ پاکونده جانانه ایدنلر جان نثار

قویدولار عزّتله باشه جمله تاجِ افتخار

شکر لِلّه اولمادیم من بو جهتدن شرمسار

ایلدیم ایکی اوغول من باشیوه شاباش حسین

 

دستِ (عاصی) چون توسل سمتینه اولدی دراز

وارسادا عصیانی ایلر شاهدِ غفرانه ناز

مرحمت قیل نوکرِ صادقدی ایله سرفراز

اذن ویر اولسون قاپوندا کمترین فرّاش حسین.

 

مرحوم عاصی

منبع مجموعه کانالهای مدح و مرثیه

 

----------- متن اشعار مرحوم عاصی تبریزی ---------

وداع حضرت امام حسین (ع)

 

باجی بو وداع آخریمدور، هنگام شهادتیمدی زینب

یغ باشیمه آل مصطفانی، دیدار بو ساعتمدی زینب

 

سن باخما منه که غم پوزوبدور، جاریدی عذاره اشگ آلیم

دور و بره ایلورم نظاره، پوزقوندی اوزوم کیمی جلالیم

اوز حالیمه هم سیزه باخاندا، قلبیم یانور آرتوری ملالیم

هر بیر غم و غصه و محندن، آرتوق بو مصیبتمدی زینب

 

پیراهن دامن حسینی، واردور یری اشگ ناب دوتسون

آهیم شرری جهانی یاخسون،  دنیانی بو التهاب دوتسون

یوخ بیر کومگیم بو غملی وقنه، زینب منه تا رکاب دوتسون

یتمیش بیره دین کومکدن آیت، باشسیز قالان عتریمدی زینب

 

باجی نه پوزول بئله، نه آغلا، نه سوز غمه اورک کباب ائت

نه وور یوزیوه، نه گل فغانه، نه کثرت غمدن اضطراب ائت

فرض ائت یوخوموش حسین ازلدن، بو عالمده فنا حساب ائت

هر حالده وئرمه صبرون الدن، بو عمده وصیتیمدی زینب

 

سن مظهر خیره النساسن، سن دخت شهنشه عربسن

وار سنده مقام زینبیت، سن معدن عصمت و ادبسن

بیر کس سنه شانیده یتیشمز، سن فخر حسین و زین ابسن

فخریم بودی هر ایکی جهاندا، بیر جزو جلالتیمدی، زینب

 

بو وقعه کربلا او گونکه، طرح اولدی تمام انبیایه

باالجمله ایدوبله شانی خالی، تن ویرمدیلر بو ماجرایه

من لفظ قبول ویردیم، اولدوم، عاشق بو بساط کربلایه

اول لفظ قبوله ایندی دلدن، هنگام اطاعتیمدی زینب

 

فکر ائتمه بو دشتده حسینون، یوخدور کومگی قالوب اوغولسوز

سن وحدتمه باخوب اورکدن، چکمه بیله آه خانمانسوز

سن باخما یوخومدی یار و یاور، دشمنلر ایچینده سانما یالقوز

یر گوگ هامی بو عوالم اهلی، آماده نصرتیمدی زینب

 

اما بولوسن اولوبدی مخصوص، تنها منه رتبه شهادت

عزمیمده خلل تاپولماز اولسا، ذرات هامی سپاه نصرت

ممکن دگی نفس قدرت الله، پیدا ایده حاجت اعانت

هر ذی نفسیکه وار جهاندا، مرهون اعانتیمدی زینب

 

ای فاطمه یادگاری زینب، ناموس خدای حی غفار

بو شیون و داد و آه و ناله، هرگز دگی شانوه سزاوار

آخر گوروسن سن آغلیاندا، خوردا بالالار سراسر آغلار

هر چند اولان سیزه موثر، بو محنت فرقتیمدی زینب

 

چوخ وورما منی یول اوسته لنگه، تز سال یولا گیتملی قوناقم

خلوتگه یاره دعوتیم وار، باشدان باشا شوق و اشتیاقم

یوخ دورماقا فرصت و مجالیم، بی طاقت و صبر و تابی طاقم

اول دعوته عمریدن بو ساعت، هنگام اجابتیمدی زینب

 

مندن صورا غم مراحلینده، سنسن باجی قائد قوافل

همراهون اولور طریق غمده، مین شوقیله حلقه سلاسل

طی ایله حسین آدی دلونده، وار عشقده هر نه که مراحل

بولوسونله ایدن ظهور سنده، انوار هدایتیمدی زینب

 

گوزدن هامی ماسوانی آتدیم، سالک اولالی بو راه عشقه

دل ملکنی سیرده سراسر، مقهور ایلدیم سپاه عشقه

وابسته اولوبدی اعتکافیم، مقصوره خانقاه عشقه

آغاز مراسم شهادت، انجام ریاضتیمدی زینب

 

اوضاع و عوالم شهادت، قالمور او قدر تاپا نهایت

ترک ایلموشم تعلقاتی، وار الده ولی ایکی امانت

ببر جان که لزومی واردی اولسون، ایثار تجلی شهادت

بیرده بو رقیه دور که دلده، سرمایه طاقتیمدی زینب

 

قانیم توکولر ستمله ایلر، تخمیر تراب کربلانی

حشره کیمی خاک دلده ساخلار، چون گوهر پربها او قانی

اکسیر حیات اگر چه بیر گون، بالفرض دوتا هامی جهانی

رنجورلره علاج قطعی، خاصیت تربتیمدی زینب

 

من مفخر نفس کایناتم، من علت خلقت جهانم

من سلسله رسلدن ایندی، تنها یر اوزونده بیر نشانم

با اینهمه بیر گجه گورر چرخ، مطبخده کول اوسته میهمانم

بو قدرتیله، او اعتکافیم، ملزوم قناعتیمدی زینب

 

مندنصورا قوم اشقیایه، منهوب اولی خیمه گاه عصمت

یغمایه آچالا ال اراذل، تاراجه گیدر اساس شوکت

تنها نه سنه نه اهل بیته، بر پا اولی شورش قیامت

قان ایچره منیمده اول زماندا، غوغای قیامتیمدی زینب

 

من باجی باش اگمرم یزیده، گر ورسالادا سر سنانه

ویرمم او لعینه دست بیعت، گر گلسه زوال ساربانه

حاشا من ائدم قبول ذلت، تن ویرمرم عزت جهانه

بو قانه بویانماقیم، بو اولمک، برهان حقیقتیمدی زینب

 

من باجی ذبیح کوی عشقم، بو کرب و بلا منه منادور

فخر ایلسه کربلا منایه، زیبنده دی شاننه سزادور

ثاراللهه قارداشوندی مصداق، قانیم باجی خون کبربادور

کونینده عز و رفعتمدن، بو اسم کفایتیمدی زینب

 

(عاصیکه) مقام التجاده، گلزاریمه مرغ خوش سخندور

مهمان شهیردور او یرده، بیر عدیه شمع انجمندور

(نالانیله فاطمی و عابد) بیرده او سیرتا(حسندور)

هر تک تکی موقف جزاده، محتاج شفاعتیمدی زینب س.

 

مرحوم مشهدی حسن عاصی 

منبع مجموعه کانالهای مدح و مرثیه

 

----------- متن اشعار مرحوم عاصی تبریزی ---------

احوالات تنور خولی

 

سوال و جواب

 

آناجان مشرّف ایدوب عجب ، بو گجه بو منزله گلمیسن

نیه قویموسان بئلوه الون؟ ندور علّتی بیله گلموسن؟

 

سنه زحمت اولدی بو گلماقون ، منی ایلدون ولی سرفراز

سنی گوردوم آتدی خجالتیم ، ایلینمدیم سنی پیشواز

گوگل آلچاق ایلماقون سنون ، منه ویردی عالی بیر امتیاز

اوزیوی شکسته دوتوب اودور ، بیله پَست ، محفله گلموسن

 

بولوسن واریمدی جراحتیم ، یارالار سیزیلدیری ناخوشام

سنی گورماقیله گیدوب غمیم ، آنا قلبیدن مین ایله خوشام

سنه من نه خدمت ایدیم نئدیم ، تالیوبدی دشمن ، الی بوشام

بو قدر اوزاق یولی اوغلووی ، یقین ایتماقا صله گلموسن

 

دئ گوروم نه حالیده دور باجیم؟ نجه دور بو چرخیله سازیشی؟

او یتیمه قیزلاریم هاردادور؟ نجه دور اولارا نوازیشی؟

سویولوندا خوردا اوشاقلاریم هارا یتدی زینبیمون ایشی؟

دئ گوروم علیلیمی گورموسن آنا بندِ سلسله گلموسن

 

نیه یوز گوزون بلشوب قانا؟ دئ گوروم آنا نه گلوب سنه؟

رهِ قتلگاهه دوشوب یولون ، اودی گلمیسن بیله شیونه

الیمی کسنده او بیحیا ، نقدر جفا ایلدی منه

ائیلین زمانیده ساربان ، منیله مُجادله گلمیسن

 

آغاران ساچوندا او قان ندور؟ نیه ساچلارون بویانوب قانا؟

ندور علّتی بیله آغلوسان ؟ منه دردیوی قیل عیان آنا

هانی زینبیم گلوب اوخشیا ، سنه آغلیا منه ده یانا

آنا آغلاماقه بویور گوروم ، منه هانسی نسگله گلمیسن

 

اوزوم آگهم بیله یاتماقیم ، دگولی طریقِ رهِ ادب

ولی سن اوزون بولوسن منیم ، بیله یاتماقیمدا ندور سبب

یورولوب چوخ اینجموشم بو گون ، کسیلوب باشیم آنا تشنه لب

بولوسن واریمدی شکایتیم ، سنه ایتماقا گله گلمیسن

 

بو کول اوسته یاتماقا دلخوشام ، آناجان اوز حالیمه یانمورام

ایکی گوزلریمه دولوبدی کول ، یوخ الیم سیلم ، گوز آچانمورام

بیله بولمه ایسّی کول اوسته من ، سنه ناز ایدوب بیر اویانمورام

دیمه دیندیرور سنی فاطمه ، نیه بس حسین دله گلمیسن

 

نه عجب حسینوی نصفِ شب ، بیله وقته یادیوه سالموسان

باشوا دوروم دولانوم سنون ، باشیمی کناریوه آلموسان

دئ گوروم نیه بوکولوب بیلون ؟ نیه بس بو گونلره قالموسان؟

بیر الون قابورقاوا قویموسان ، بیر الون آنا بیله ، گلمیسن

 

هامونون جهانیده (عاصیا) بیله آستانه ده وار گوزی

خوش اولار او کیمسه نون حالینه اونی انتخاب ایده شه اوزی

سنه لطف و مرحمت ایلیوب ، شه اوزی یازاندا همین سوزی

آناجان مُشرّف ایدوب عجب بو گجه بو منزله گلمیسن.

 

باشون سراغینی آلموشام من اوغول بو منزله گلموشم

سنون اُلماقون بئلیمی بوکوب اودور علّتی بئله گلموشم

 

بولوسن نقدری بو چوللری باشوون دالنجه دولانموشام

یارالی جنازه وی گورموشم اودی قلبدن بئله یانموشام

بو همان او قاندی که ساربان الوی کسنده بویانموشام

داخی قتلگهده دورانمادیم باش آچوق بو محفله گلموشم

 

نقدر جهان وار اوغول گرک سنه من گئجه گونوز آغلیام

باشیمی آچام ساچمی یولام ، بو یانقلی قلبیمی داغلیام

سن اُلنده گوزلریوی حسین منه ممکن اولمادی باغلیام

اوغول ایستماقلقا معذرت من همان او نسگله گلموشم

 

او یانان خیامده زینبون سنه بیر بساط عزا قوروب

ولی نه چراغ و نه فرشی وار اوزی شمع آهینی یاندوروب

بالالار سیزیلدیسی بو گئجه بو یانقلی قلبیمه اود ووروب

یانوری وجودیم الولاشور اودی نی کیمی دلهل گلموشم

 

بولورم کسنده باشوی شمر سنی خنجر آتدا چوخ اینجیدوب

او جفا سالوب سنی نطقدن او قدر وروب یارا قان گئدوب

ائیلیوب همان یری بحرِ خون ، بدنون اوغول قانا غرق ائدوب

یارالی وجودون او بحردن چکوب ایندی ساحله گلموشم

 

گوروب ایندی فاطمه جدّینی گوزی یاشلی باشی آچوق گلور

الینی قویوب بئلینه علی گلوری گهی ، گهی دنجلور

حسنیم حسین دیور آغلوری یوزه گوزیاشین سو کیمی الور

ائده جاق دئدیم گنه پنج تن اولی که مباحله گلموشم

 

بولورم ئولوب علی اکبرون ، ستمیله قلبی شکسته سن

ستمِ عدودن اوسانموسان غم و درد و رنجیله خسته سن

دور اماندی سینمه گل اوغول بئله یاتما ایسّی کول اوسته سن

من اوزومده خسته وجودیله بولوسن بو منزله گلموشم

 

بولوسن یاناندا قاپوم اوغول نقدر جفایه دایانموشام

یتشوبدی صدمه وجودیمه شررِ مصیبته یانموشام

هم اوغول قابرقالاریم سینوب ، همی سینه دن یارالانموشام

اودور علّتی که اوغول حسین الیمی قویوب بئله گلموشم

 

نولور قانلی گوزلرون آچ گیلن ائیله بر مشاهده حالیمی

دانیش آل اورکده کی دردیمی گور اوغول بو صورتِ آلیمی

یوخ الون دییم که منیمده سن سیل اوزومدن اشگِ ملالیمی

نه دیوم بو مطبخ خولیه من اوغول نه حالیله گلموشم

 

دیوری حسین نه ایتم دیوم سنه نوکرم بئله دم وروم

هله (عاصیم) بئله بابده نه جسارتیله قدم وروم

دگی صرف نحوده مسئله او بیانه من نه قلم وروم

یتوروب کتاب مطوّلی باشا من رسائله گلموشم.

 

مرحوم عاصی

منبع مجموعه کانالهای مدح و مرثیه

 

----------- متن اشعار مرحوم عاصی تبریزی ---------

زبانحال به حضرت فاطمه زهرا (سلام الله)

 

ظلم اودیله درگهون اودلاندی یا زهرا سنون

محسنون سقط اولدی قلبون یاندی یا زهرا سنون

 

هر طرفدن چون سنه تنگ ائتدی دشمن عرصه نی

گوردیلر یا فاطمه یالقوزلیوب محنت سنی

آلدیلار حقون اَلوندن ظلموله قوم دنی

حقّووی حق بولمینلر داندی یازهرا سنون

 

اولمادی ثانی رضا گُلماقه بیر لحظه یوزون

اود وروب درگاهوی یاندوردی آغلاتدی گوزون

سندیروب پهلوی نازون قالدی دلده حق سوزون

قتلیوه بو صدمه بیر عنواندی یازهرا سنون

 

دوشدی ظلم اشقیادن بسکه امرون مشگله

گرچه یاندون آغلادون دردون ولی سالدون دله

جانه گلدون آغلاماقه گئتدون آخرده چوله

صبریوه قدّوسیان حیراندی یا زهرا سنون

 

بس دگولدی بیر بئله جور و جفا آیا سنه

ائیلدی آخر پیمبردن صورا اعدا سنه

بیرده ظلم فاحش ائتدی ثانی یا زهرا سنه

باخمادی کوئلون لبالب قاندی یازهرا سنون

 

آشکار عرض ائتمرم نئتدی سنه اول نابکار

ضرب سیلیدن قولاقون پارچالاندی آخدی ثار

گُل جمالون اولدی نیلی ای دُر گنج وقار

قاتلون مطلق او بی ایماندی یازهرا سنون

 

گورمدون خوش گون بو عالمده سن ای کان وفا

آشکارا حقّووی غصب ائیلدی اهل جفا

اولدی لیکن ظلم اعدادن سنون دفنون خفا

قبر پاکون ایندیده پنهاندی یازهرا سنون

 

کاش اولیدی بی مروت قنفذون شل اللری

شیر حق غسلون وئرنده تازیانه یرلری

آغلادوب اول شاهی مطلق یاندیروب پیغمبری

هر غمون مین موجب افغاندی یا زهرا سنون

 

گرچه چوخ ظلم ائتدی یا زهرا سنه دشمنلرون

اولمادی غارت ولی باشدان ستمله معجرون

نه یارالاندی خانیم بیر معجر اوسته اللرون

نه اوگون بارماقلارون دوغراندی یازهرا سنون

 

ای بلا کاشانه سی وی دختر خیرالورا

زینبه نه ظلم واردی ائتدی شمر بی حیا

آغلاسان جنتده بو ظلمه یقین صبح و مسا

زینبه دائم گوزون گریاندی یازهرا سنون

 

گورمسیدی گر سنه ثانی ایاق ظلمین روا

ائیلیینمزدی او ظلمی زینبه شمر دغا

بیر بلالی زینب اولدی بو جفایه مبتلا

بیرده قلبون بو جفادن یاندی یازهرا سنون

 

نچه ایل دور که اولوب بیر درده عاصی مبتلا

هر دیلیله یالوارور اوغلون اونا ائتمور دوا

سنده دور یا فاطمه بو دردیمه قطعی شفا

بیر نگاهون دردیمه درماندی یازهرا سنون

 

مرحوم عاصی تبریزی

منبع مجموعه کانالهای مدح و مرثیه

 

----------- متن اشعار مرحوم عاصی تبریزی ---------

در احوالات کوفه

 

ایتدون فلک نه ظلملراظهارکوفه ده

قیلدون لوای دینی نگونسارکوفه ده

 

مرجانه اوغلی فخریله تخت استه اگلشه

زنجیره بسته عابد بیمارکوفه ده

 

راس حسینی طشته قویوب  ظلمیله او دم

ابن زیاد شوم و زنا کار کوفه ده

 

روم و فرنگ اسیری کیمی اولدولار اسیر

آلرسول و احمد و مختار کوفه ده

 

هرگز اوتانمادی که پیمبر حرملری

باشی آچوخ دولاندولا بازار کوفه ده

 

بازار کوفه زینب کبرا او حالیله

ای کاش اولیدی حیدرکرارکوفه ده

 

بش ایل خانملوق ایلدیقی شهرایچنده گور

اولدی نجه غمین و دل افکار کوفه ده

 

خرما و نان برسم تصدق ویرردیله

آل رسوله قوم ستمکار کوفه ده

 

صیحه ووراردی حضرت کلثوم ایدون حیا؟

ایتمون بو قدری بیزلره آزار کوفه ده

 

بیز آل مصطفایه تصدق حرامیدور

آلعبانی آز ایلیون خوار کوفه ده

 

بو جانگدازواقعه دن (عاص) ال گوتور

چوخ ظلم ایدوبله فرقه اشرارکوفه ده

 

مرحوم عاصی تبریزی

منبع کانال گنجینه گذشتگان

 

----------- متن اشعار مرحوم عاصی تبریزی ---------

احوالات خروج از مدینه

 

دشت عراقه منی ، ایلوبله دعوت آنا

جدّیم اجازه وئروب ، وئر سنده رخصت آنا

گویلومده ، چوخدی ملال عزّتله ، دور یولا سال

یوخ الده ، فرصت آنا حسینم من

 

جدّیم رسول خدا ، رویاده وئردی خبر

تک تک آنا بولورم ، وار بو سفرده نلر

بو گئتماقیمدا ولی ، واردور بیر اؤزگه نظر

حق ایستیوبدی تاپام ، فیض شهادت آنا

 

مُلک حجازی منه ، تنگ ائتدی اهل نفاق

ناچارم ایندی ائدم ، سرعتله عزم عراق

بو اشتیاق وصال ، بو سوز نار فراق

دلدن ائدوبدی منی ، بی صبر و طاقت آنا

 

بیر کیمسه یوخدی بو گون ، آلسون اؤرک سوزیمی

امر قضایه گرک ، تسلیم ائدم اؤزیمی

گلدیم وداعه قویام ، بو قبریوه یوزیمی

نئچه دقیقه هله ، وار الده فرصت آنا

 

روز ازل دئمیشم ، هر بیر بلایه بلا

واردور باشیمدا منیم ، غوغای کرب و بلا

اولام او چولده ائله ، امر قضایه رضا

صبر ایلرم نَقَدَر ، گلسه مصیبت آنا

 

باغلالّا سو یولونی ، ظلمیله اهل جفا

اوچ گون او چولده قالار ، لب تشنه آل عبا

اهل حرمدن او گون ، اوج ایلر عرشه نوا

ائتمز عدو بو قدر ، ظلمه کفایت آنا

 

دوغرالّا تشنه جگر ، یکسر کمک لریمی

شهزاده قاسمیمی ، مه پاره اکبریمی

قونداق ایچینده سوسوز ، اوخلالّا اصغریمی

ایلر بالامدان او گون، اعدا خجالت آنا

 

جور و جفادن آنا ، دویماز گروه ستم

ایللَّه قارداشیمون ، آخر قولونی قلم

بار مُحَندن اولور ، شمشاد قامتی خم

برپا اولور حَرَمَه ، شور قیامت آنا

 

ساعت به ساعت اولور ، دردیم اؤرکده مزید

ایللَّه قارداشیمی ، سو اوسته تشنه شهید

قالماز داخی کومگیم ، قالّام وحید و فرید

جرئت تاپالّا منه ، اهل عداوت آنا

 

ایلر سوسوزلوق اودی ، بیر نوعی منده بروز

باشدان باشا بدنیم ، یکسر دوتار آنا سوز

اهل جفا باشیمی ، آخر کسَلَّه سوسوز

حتّی لباسیمیده ، ایللَّه غارت آنا

 

قویمازلا قالسون آنا ، اگنیمده پیرهنیم

گونلر ائوینده یانار ، عریان قالار بدنیم

نه غسل ائدن تاپولار ، نه دفن و کفن ائده نیم

سینمده آت چاپاجاق ، اهل شقاوت آنا

 

عهد ائتمیشم دوزَرَم ، هر بیر بلا و غمه

غارت الینی آچار ، اهل جفا حرمه

آخر وورالّار او گون ، اود قوم کین خیَمه

ظلم آتشینه یانار  ، آل رسالت آنا

 

بو آستانه سالوب ، «عاصی» دخیل اؤزینی

ایلوبدی معصیتی ، گر چه قرا یوزینی

لیکن تیکوبدی سنه ، امّیدیله گوزینی

محشرده قویما ملول ، ایله شفاعت آنا

 

مرحوم عاصی تبریزی

منبع مجموعه کانالهای مدح و مرثیه

 

----------- متن اشعار مرحوم عاصی تبریزی ---------

احوالات غارت خیام

 

داد او ساعتدن ویروب فرمان عمر سعد لعین

غارت و نهب خیامه آچدیلار ال مشرکین

 

حکم ایدوب اول ویرون اود، خیمه لر یانسون تمام

نه حرم قالسون بو صحراده نه آثار خیام

خیمه لر اوسته هجوم آور اولوب اشرار شام

سبقت ایلیوب بیر بیره آتلی پیاده، اهل کین

 

وردولار اود خیمه گاهه، اشقیای بد صفات

ظلم اودیله اود دوتوب یاندی خیام طاهرات

بیربیرینه هولدن اولدی پناهنده بنات

دولدوروبدور خیمه گاهی داد و فریاد و انین

 

ایله دوتموشدی او صحرانی غریو و غلغله

شور محشر تک چوله سالمیشدی لشگر زلزله

آتلولار آت اویناداندا ایلینده هلهله

آز قالوردی زهره چاک اولسون، عیال شاه دین

 

عصمت کبری قیزی، یعنی بتوله یادگار

دوندورب یوز یثربه، سسلردی ای باب کبار

اود ایچینده یاندیرور اولادیوی بو اهل نار

کیمسه رحم ایتمز بیزه ای رحمه للعالمین

 

گاهی سسلردی نجفدن اوز آتاسی حیدری

دوندروب گاهی بقیعه یوز، باشندا اللری

گاهی میداندان حسینی آختاروردی گوزلری

یوز دوتاردی گوگلره گاهی پریشان و حزین

 

عرض ایدردی بارالها، قوم بد بنیاده باخ

ظلمه باخ، بو فرقه اشراریده بیداده باخ

بو اوجالمش آهه باخ، بو ناله و فریاده باخ

یا غیاث المستغیثین یا انین المستکین

 

عرض ایدوب بیمار امامه، زینب بی داخواه

ای گیدنلر یادگاری، ای قالانلاره پناه

ظلم اودیله اود دوتوب اودلاندی یاندی خیمه گاه

بس ندور تکلیفیمز ای حجت روی زمین؟

 

صادر اولدی سید سجادیدن امر فرار

امر شه ویردی او جمع بی پناهه انتشار

خیمه لردن هولیله دیشره چخوب خورد و کبار

یوز قویوب صحرایه قاچدی دختران مه جبین

 

نولدی بولمم بس خدایا حال بیمار علیل

قویدولار نمرودیان اود ایچره مانند خلیل

گوز یاشین جاری ایدردی گل یوزه چون سلسبیل

واریدی نه دادرس نه بیر پناه و نه معین

 

هولدن گر چه خانم زینب ایتورموشدی اوزین

ضرب قمچی ایلمشدی نیلی وش، چگنین یوزین

لیک آل اللهدن بیر آن گوتورمزدی گوزین

باشدان آتموشدی ولی اوز فکرین اول عصمت مکین

 

گوردی اود ایچره قالوبدور حجت پروردگار

یوخدی بیر کیمسه یانار اودان اونی ایتسون کنار

یاندی بو احوالی گورجک دوتدی قلبی استنار

گلدی افغانه چکوب دلدن بیر آه آتشین

 

باشدا ایتدی معجرین محکم او درده مبتلا

بیر اوجا صوتیله سسلوب یا علی المرتضی

اوز اوزین ووردی سمندر تک اودا اول بینوا

اود احاطه ایلدی دور و برین مثل نگین

 

تاپدی بیماری اود ایچره گلدی داد و شیونه

ایله دلدن آغلادی اولدی موثر دشمنه

سسلدی ای وای اوغول، عمون اولا قربان سنه

کاش ئولیدی بیله بیر گوندن ازل بو دل غمین

 

باسدی آغوشه عزیز جاننی، ناله کنان

چکدی بیر نوعی کناره جسمنی اول ناتوان

واریدی نه کولگه یر نه سایه نه بیر سایه بان

گون قباقینده قالوب یاندی او فخرالساجدین

 

بانوان عصمتون آردینجا آت سالدی سپاه

بیر بیرینه قورخودان اطفال آپاردیلار پناه

بلمورم نه نوعی سویدی فرقه آیین تباه

مقتله باخسا بولر کیفیتین هر نکته بین

 

کهنه معجر اوسته اولدی ایله بیر جنگ و جدل

سسلنوردی هر بالا ئولدوم بابا امداده گل

نه سویانلار ال چکردی، نه بالا معجردن ال

قرخدان آز عورت اوشاق، اما سویان هشتاد مین

 

نوعروسون آلدیلار بیر نوعیله گوشواره سین

گوز گورر اولسا بصیرت، گوش پاره پاره سین

باغلاماقه تاپمادی معجر، قولاقدا یاره سین

گور نه نوعیله سویولدی عترت حبل المتین

 

هر قیزی ایستردی تعقیب ایلسون بیر کین شعار

اللری باشدا ایدوردی چوللره بیر باش فرار

پا برهنه دل غمین، بیر پارچا صحرا نوک خار

شورش خار مغیلان آرتوروردی شیونین

 

بعضیسی هر قدر قاچماقدا ایدردی اهتمام

عاقبت دلدن دوشوب، بی چاره ایلردی قیام

هولدن بعضی ویرردی آتلویا فوراً سلام

بعضیسی بیر آز قاچوب، باشدان آتاردی معجرین

 

نقل ایدر راوی که گوردوم بیر قیزی ایلور فغان

اود دوتوب دامانی ایلر متصل اشگین روان

حالینه یاندیم دالنجه ایلدیم عطف عنان

تا باخوب گوردی منی، ایتدی نوا اول نازنین

 

سسلدی گلمه ای آتلی، گور بو داد و شیونی

قالمیوبدور بیر زادیم یکسر سویوب قوم دنی

رحم ایله بی جا یره قورخوتما آغلاتما منی

حالیمه باخسا یانار، اولسا اگر قلب آهنین

 

عرض قیلدی ویرمه رخصت بئله اشگ آلوه

اود دوتوب یاندی دلیم، باخدیم سنون احوالیوه

گوردوم اود ایچره یانورسان، بیر یانان یوخ حالیوه

بو اودی گلدیم خموش ایلوم، بالا اولما ظنین

 

آتش ظلمین خموش ایتدیم، اولوب غمدن رها

وار سوزی گوردوم ولی اظهارینه ایلر حیا

عرض قیلدیم دردیوی دئ ای بالا، قیلام دوا

باشینی سالدی اشاقه چکدی آه دلنشین

 

سویلدی قویموب سوسوزلوق دلده قالسون صبر و تاب

اولسا ممکن بیر ایچیم سو ویر منه اولدوم کباب

دولدوروب فوراً گتوردوم من اونا بیر جام آب

بیر سووا باخدی توکوب گوزدن یوزه اشگ ترین

 

معجرین آتدا ووروب جامی چکوب دلدن فغان

دوندوروب یوز خیمه گاهه اولدی شهزاده روان

سویلدیم آیا ندور قصدون بالا ایله بیان

آچدی دل اظهار ایدوب بو نوعیله درد دلین

 

بیر باجیم وار خیمه ده سوزِ عطش دلدن سالوب

طاقتِ صبرین هوانون ایسّیسی الدن آلوب

بولمورم ایتدی سوسوزلوقدان ئولوبدور یا قالوب

من گلنده ، خیمه ده ضعف ایلمشدی اول حزین

 

نفسینی اوز باجیسی نفسندن اول قیز سئچمدی

حضرت عباس تک، رسم وفادن گئچمدی

هر نه اصرار ایلدیم آخر او قیز سو ایچمدی

اوز وفاسین عالمه ویردی نشان اول مه جبین

 

سن اوزون آگاهسن ای خسرو گردون مدار

(عاصی) بی چاریه چوخ تنگ اولوبدور روزگار

گوشه چشمیله هر گه حالیمه ایتسن نظار

قورتولور غمدن گوگل، آسان اولار هر بیر چتین.

 

مرحوم مشهدی حسن عاصی

منبع مجموعه کانالهای مدح و مرثیه

 

----------- متن اشعار مرحوم عاصی تبریزی ---------

احوالات آوردن سر ابن زیاد ملعون به خدمت حضرت سجاد (ع)

 

با توجه به اینکه این اشعار دراحوالات آوردن مختار ثقفی را

از زندان کوفه به مجلس ابن زیاد نوشته شده و

 طولانی میباشد اختصارا آوردن سرابن زیاد به مدینه تحریر شد

 

دیدی او ظالمه ظالم جهانی داغلاموسان

پیمبرین قاپوسین ظلم الیله باغلاموسان

 

اگربوکنده و زنجیریدن خلاص اولام

یقین ایله آقامین انتقامینی آلام

 

گوروبدی مختاری دینده چوخ ثباتیلن

ووروب اومرد شجاعی قلم دواتیله

 

زبسکه شعله چکوب سینه سینده نارغضب

ایدوبدی قتلینه امراول خبیث لامذهب

 

وساطت ایلیوب حضاریدن او نادانه

دوباره یولادی مختارزاری زندانه

 

خدا او مرد غیوری مرادینه یتوروب

همینکه کوفده شیعه دادینه یتوروب

 

بنی امیه نون ایتدی عوض ستملرینه

سو سپدی شیعلرین اول یانان اورکلرینه

 

دوتوب گتوردوله بیربیراو اشقیالردن

جزالرینه یتوب ایتدوقی جفالردن

 

که تا اوگون اولسونلا شیعلردلشاد

گیدوب جهیمه ابن زیاد بد بنیاد

 

همینکه کسدیله باشین او شوم و غدارین

باخاندا جاری اولوب اشک چشمی مختارین

 

فغان و آهیله سالدی او مجلسی یاده

حسین باشینه نه ایلردی اول زنا زاده

 

چوخ آغلیوب ایلیوب شکردوشدی تپراقه

که شکرنعمت ایچون سجده ایتدی خلاقه

 

بو خاطره که دل اهلبیت اولسون شاد

او دلفکارلری غمدن ایلیه آزاد

 

گوروب او باشی اولاربلکه آزنواایدلر

گوگل جراحتینه مرهم و دوا ایدلر

 

امام خدمتینه یولیوب او خوش فرجام

اووقت یتدی امامه که میل ایدردی طعام

 

گورن کیمی توکوب اشک بصر گیدوبدورغم

بو شکرنعمت ایچون ایلیوبدی سجده او دم

 

چو سجده دن گوتوروب باشینی امام فگار

نه گوردولر که توکوراشکینی چوابربهار

 

صحابه آغلاماقین سرینی ایدوبدی سئوال

بیله جواب ویروب اول امام عرش وقار

 

او گونکه ایلدی دورزمانه خواربیزی

آپاردی مجلسینه بو ستم شعاربیزی

 

کمال میلیله ایلوردی زهرمارطعام

باخاردیلاراوطعامه اوآج قالان ایتام

 

یانوب منیم اورگیم ایلدیم او دمده دعا

بو ظالمین باشینی ای خدای بی همتا

 

یتوربو بیکس و زاره اولاندا وقت طعام

خدایه شکر ایدورم ایمدی حاصل اولدی مرام

 

اودم سفارش ایدوب اول امام عرش مقام

جناب زینبه ای عمه اول گلن آرام

 

گوگل جراحتینه مرهم و دوا گلدی

خبیث باشیله اول زاده زنا گلدی

 

گوزیمه سرمه چکوب کسوت قرادن چیخ

لباسیوی عوض ایله داخی قرادن چیخ

 

ایشتدی تا بو سوزی زینب الم پرور

حضورحضرت سجاده گلدی اول مضطر

 

دیدی اوغول علی مندن اولما سن دل رنجور

که ایتمه بیربیله تکلیف دوت منی معذور

 

لباس تازه روادورگیم من نالان؟

بو گوزلریله که گوردوم حسینیمی عریان

 

چیخوم ننوعی عزادن که گوزلریم گوردی

حسین دوداقینه ابن زیاد آقاج ووردی

 

یازولا نچه نفراهل بیت عصمتدن

النجه چیخمادیلار کسوت مصیبتدن

 

بیری ستم کش دوران اسیر درد و تعب

بتول نایبه سی مرتضی قیزی زینب

 

بیری بلای جهاندان همیشه سینه کباب

امام حسین حرمی مادرسکینه رباب

 

اوچومجی کس که النجه همیشه ایتدی نوا

علی اکبرآناسیدی بینوا لیلا

 

بیریسی مادرنالان حضرت عباس

النجه آغلادی دوتدی او نامدارینه یاس

 

ایدوب فغان دیوب صاحب لوا اوغلوم

ایدن حسینیمه شوقیله جان فدا اوغلوم

 

جهاندا شاد آنان ای اوغول محال اولسون

او نوعیله که الوبسن سودیم حلال اولسون

 

فدا او همتیوه یاخشی امتحان ویردون

عزیز فاطمه نین محضرینده جان ویردون

 

بسوندی (عاصی) تمام ایله چوخدا ایتمه رقم

کمیت طبعیوه باش ویرمه دور یورولدی قلم

 

مرحوم عاصی تبریزی

منبع کانال گنجینه گذشتگان

 

----------- متن اشعار مرحوم عاصی تبریزی ---------

در مدح حضرت معصومه (سلام الله)

 

آستان صحن تو دارالشفاست

تربت پاکت به هردردی دواست

 

کعبهٔ دلخستگان عالمی

خاک کویت سُرمهٔ چشم دعاست

 

نسل زهرای بتولی فاطمه س

مرقدت بیت الحرام انبیاست

 

خواهری برضامن آهو رضا 

بارگاهت قبله اهل ولاست

 

هرکه قبرت را زیارت کردگفت

عطرصحنت همچوبوی کربلاست

 

شدضریحت وعده گاه عاشقان

عالمی بردام عشقت مبتلاست

 

درکنار چهارده نور خدا

مِهر تو هم دین وهم عقبای ماست

 

بر در هرخانه حاجت برده ام

باز دیدم حاجتم اینجا رواست

 

گوئیازهرا س مزارش پیش توست

کینچنین صحن وسرایت باصفاست

 

عاصیا معصومه س دُری پربهاست

همچوزهرا س شافع روز جزاست

 

عاصی

منبع مجموعه کانالهای مدح و مرثیه

 

----------- متن اشعار مرحوم عاصی تبریزی ---------

در احوالات حضرت زهرا (سلام الله)

 

آه او ساعتدن جفای اشقیا وئردی ثمر

شرمسار اولدی مداریندن سپهر فتنه گر

 

عالمی ترک ایلدی بنت رسول کردگار

مین جهان غملی حکایت قالدی اوندان یادگار

 

سیر ائدنده دفتر دوران عمرین لابلا

گوز گورور هر صفحه ده مینلر خطوط ابتلا

 

عمر کوته ، شرح غم اما مفصل گورسنور

ظلم ثانی لیک هر محنتدن اوّل گورسنور

 

یاده دوشدوقجا تحمل ائتدوقی آلام و غم

موج خوناب جگر ایلور کنار چشمی یَم

 

اوندا که خصمانه ال آچدی جفایه اهل کین

پایکوب دشمن اولدی مهبط روح الامین

 

گوردی یول تاپمور حریم عصمت حقّه عدو

باب ختمی مرتبت اودلانسون اولدی گفتگو

 

قان ائدوب انسیۀ حورا دِلِ آگاهینی

منبع تنزیل وحیون اودلادی درگاهینی

 

بو مصیبتدن نه تنها کون و امکان آغلادی

روح دین فریاده گلدی چشم قرآن آغلادی

 

بزم رازه قویماسون یول تاپماقا دیو رجیم

چوخ تقلّا ایلدی ناموس خلّاق کریم

 

سعی یتسون آخره بی رحملر وئرموب امان

لاجرم فضّه تعالی جمله سین ائتدی بیان

 

قصّه ختم اولدی علی الظّاهر یاتوب غوغا و شر

مسجده جلب اولدی شیر حق ولیّ دادگر

 

صحبت مسمار و در هر چند تاپدی انتها

رحلت زهرایه منجرّ اولدی امّا ماجرا

 

صدمه گوردی روح پیغمبر او وضع و حالدن

دویدی عمرینده مدار روز و ماه و سالدن

 

یاده سالدوقجا وفور درد و مظلومیّتین

عارضه باغلاردی گوزدن سیل اشک حسرتین

 

صبح اولونجا ماه و انجمله گئجه دمسازیدی

خالق بیچونیله گرذم بیان رازیدی

 

اودلی دلدن پیشگاه حقّه ایلردی دعا

کای خفایای دله دانا علیم لایُری

 

صبریمون سرمایه سین اندوه و غم ائتدی تباه

عمردن سیرم داخی عَجِّل وفاتی یا اِلاه

 

اولدی مقرون اجابت بو دعا یا لَلاَسَف

اوندا که گلدی باشی اوسته شهنشاه نجف

 

رو بقبله گوردی روح قبلۀ ایمان یاتوب

جسم رنجوریله جان عالم امکان یاتوب

 

رنگ زردی طاق آهیندن آلوب قندیل نور

بستر مهتابده گویا مه تابان یاتوب

 

موج اشگه غرقدور گویا دل گردابده

کشتی بی بادبان بشکستۀ طوفان یاتوب

 

تاب غم تضعیف ایدوب بیر نوع جسمین گوئیا

سایۀ تن بستر ابهامده لرزان یاتوب

 

آستان طور سینای لقای یارده

پور عمران تک اولوب محو رخ جانان یاتوب

 

پرده پرده نای دلده واردی مین آوای درد

شمع سوزان تک دلی بی ناله و افغان یاتوب

 

بلبل آسا ایلمز شکوه جفای خاردن

جلوۀ گُلدن ز بس خاموش اولوب حیران یاتوب

 

تیره شب اول گوز که مشگل درک ائدیدی خواب ناز

روز روشن نه گوروب یا رب بئله آسان یاتوب

 

زلفی اورتوب عارضین گویا خزان هنگامی دور

باشینی بلبل پر آلتندا ائدوب پنهان یاتوب

 

رختخواب مرگده یاللعجب بنت رسول

خصم کم فرصت جفاسندن تاپوب امکان یاتوب

 

شمع خلوتگاه عصمت آز قالور اولسون خموش

زلف زینب تک جهانی غمدن ائتسون تیره پوش

 

پوزدی حالی، حال شیر حق ولیِّ داوری

عین حقّین خونِ دلدن دولدی حق بین گوزلری

 

ائتدی تکراراً پیمبر بَضعۀ جانین صدا

قالب زهرایه قوّت وئردی صوت آشنا

 

گوزلرین آچدی باشی اوسته گوروب جانانینی

دردمند هجر تاپدی وصلدن درمانینی

 

بزم صحبت ائتدی برپا مرتضی و فاطمه

وئردی زهرا عمرینون ختمی او بزمه خاتمه

 

نه حکایتلر اولوب مابینده ردّ و بدل

بولدی زهرا و علی بیرده خدای لم یزل

 

بیر ایشقلی گون سحاب مرگده ائتدی افول

ظلمت اندوهه غرق اولدی هامی آل رسول

 

شاه دین حصب الوصیّه دلده اندوه و تعب

ایلدی تجهیزینه اقدام لازم نیمه شب

 

نه چکوب غسلین وئرنده شهریار انس و جان

هانسی لال اولموش دیلین یاراسی وار ائتسون بیان

 

بو قدر وار که او کوه صبر و دریای وقار

یوز قویوب دیواره اشگین توکدی چون ابر بهار

 

الغرض حمل اولدی زهرا جسم پاکی مدفنه

گلدی معناده سماوات اهلی داد و شیونه

 

شیر یزدان توکدی اشگ دیدۀ گریانینی

اوز الیله قویدی قبره اوز عزیز جاننی

 

روشنان چرخ ظلمات شب دیجورده

خیره اولموش بو، تراب ابچره مه مستورده

 

غرق خاموشی در و دشت و زمین و آسمان

حالت بهت و تحیرده هامی کون و مکان

 

ناگهان سندی سکوت محض بیر آوازیله

دولدی بو آوازیدن اقطار، سوز و سازیله

 

لحن دردانگیزیله گلدی مقاله بو تراب

تربت قبر بتوله ائیلدی بیله خطاب

 

ای تراب تیره نورِ دیده طاهادی بو

دفن اولور گیزلینجه سنده حضرت زهرادی بو

 

بیر آز عمریله جهاندا چوخ چکوب رنج و بلا

روز و شب آزار ائدوبدور اینجیدوب اهل جفا

 

سرو تک قدّی اولان بار مصیبتدن دوتا

مصطفی ریحانه سی انسیّۀ حورادی بو

 

بو وجود محترم که ایلوری سنده نزول

احترامین سانمیوب دنیاده اشرار جهول

 

رتبه و شأن و مقاماتنده حیراندور عقول

بحر عزّتده اولان بیر گوهر والادی بو

 

بسکه جان فرسادی درد فرقتی من بی کسه

قان اولان دل چوخ چتیندور رشتۀ الفت کسه

 

آغلورام هی سسلورم سس وئرمور آخر بو سسه

قبری اوسته بیر دئمور نه شور و واویلادی بو

 

بو همان زهرادی دنیاده یوزی هئچ گُلمیوب

روز و شب قان آغلیوب بیر استراحت بولمیوب

 

انقضای عمریله بو زار و مضطر ئولمیوب

نسگلی چوخدور قتیل فرقۀ اعدادی بو

 

بو همان زهرادی حقّی غصب اولوب فاش و علن

نعشین اما نصف شب دفن ایلورم گیزلینجه من

 

ای تراب تیره آغوشونده راحت ساخلا سن

درد محنتلر انیسی مونس ایذادی بو

 

بو همان زهرادی حسرتدور ملک پابوسینه

تازیانه ووردی امّا اشقیا بازوسینه

 

سینوه آهسته آل صدمه یتوب پهلوسینه

درد سقطیله ئولن صدّیقۀ کبرادی بو

 

بو همان زهرادی دائم حضرت خیرالأنام

بَضعةٌ منّی خصوصینده دیردی صبح و شام

 

لیل تار ائتدی گوزینده گوندوزی قوم ظلام

باخمادیلار مهجۀ قلب شه بطحادی بو

 

بو همان زهرادی هر موقع گورنده مصطفی

ورد و ذکریدی آتاسی بو قیزا اولسون فدا

 

بیله شأنین صاحبین ئولدوردی ثانی برمَلا

سانمادی مخدومۀ دنیا و مافیهادی بو

 

ای تراب تیره زهرا چوخ یانوبدور اودلارا

یاندیراندا درگهین ثانی یخوب توپراقلارا

 

جسمینی سالما فشاره سینه سینده وار یارا

طاقتین یاره آلوب بی طاقت و یارادی بو

 

بو همان زهرادی ای نعش بتوله خوابگاه

یر سالوردی گر دوشیدی جسمینه بیر پرّ کاه

 

نیلیِ سیلی ندور گُل صورتینده آه آه

سن سوروش سرّین دئسون صورتده نه معنادی بو

 

بو همان زهرادی هر گون باش وئرردی قرص هور

بو امیدیله که ائتسین درگهندن کسب نور

 

سرّ اَن اُعرَف وجودینده بونون ایلوب ظهور

نسخۀ مشروح توحید حقَ یکتادی بو

 

بو همان زهرادی اون بیر گوهرین دریاسیدور

محفل قدسین چراغ انجمن آراسیدور

 

حُسنی اکلیل نبوّت دُرَّة البَیضاسیدور

نوع انسانه نشانه فضل کرّمنادی بو

 

بو همان زهرادی مفخردور وجودی خلقته

اصل تکوین جهان بوندان یتوب حیثیته

 

ذاتی رحمت لطفوله شرم و حیاسیز امّته

هر سراشیب بلاده عروة الوثقی دی بو

 

بو همان زهرادی گورموبدور یوزینی آفتاب

بو وجوده مقنعه اولموش، حیا ، عفّت نقاب

 

کسب عصمت ایلیوب بوندان هامی عصمت مآب

گلستان عصمته بیر نو گل زیبادی بو

 

یاتدی سنده بو گئجه بیر خستۀ رنج و ملال

قویدی بیر جمعی آیوق بو یاتماقیله ماه و سال

 

داد بو هجرانیدن یوخ بیرده امّید وصال

کیم بولور مندن صورا نه محنت عظمادی بو

 

عاقبت دفن ائتدی زهرادن ال اوزدی شاه دین

منزله گلدی ملول افسرده حال و دل غمین

 

گوردی زهرانین یرین بوش چکدی آه آتشین

آغلادی ذکر ایلدی نه بی وفا دنیادی بو

 

مرتضایه چوخ اثر ائتمشدی هجران بتول

اولدی علّت نالیه شام غریبان بتول

 

سس سسه ویردی او شاهیله یتیمان بتول

ای گوزوم آغلا عزای حضرت زهرادی بو

 

مخفیانه نصف شبده قوردولار بزم عزا

فرشدن اوج ائتدی عرشه داد و فریاد و نوا

 

یاندیروب سکّان عرشی بو عزای غم فزا

بولمورم نه سرّیدور نه ماتم اخفادی بو

 

سالدی زهرا ماتمی یاده اباالفضلین غمین

سرور عطشاندا دوتدی تشنه سقّا ماتمین

 

بیر طرفده قویدی مشکین بیر طرفده پرچمین

ماتم زهرادن الحق خیلی غم افزادی بو

 

وئردی زهرا ماتمینده شه تسلّی آلینه

لیک بو غمده حسین امر ایلدی اطفالینه

 

آغلاسون یکسر بویانسونلار سرشگ آلینه

سو کنارینده سوسوز جان تاپشوران سقّادی بو

 

«عاصیا » مطلق سنه روح القدسدن یتدی دم

بو دم آلماقدان بو نوحه دفتره اولدی رقم

 

دست خالی اولماسان، محشر گوننده چکمه غم

مغفرت اسبابدور سرمایه عقبادی بو

 

مرحوم عاصی

منبع مجموعه کانالهای مدح و مرثیه

 

----------- متن اشعار مرحوم عاصی تبریزی ---------

در شهادت حضرت امام حسن مجتبی (علیه السلام)

 

بو سودان سن ایچمه قارداش بو سو قسمتدور منه

شمر دون خنجر دمنده ساخلیوبدور سو سنه

 

ایچمیشم من بو سودان اَحشا و اکبادیم یانار

سن منه باخما حسینیم اولما بی صبر و قرار

ایستسن بیر سوئیله اولسون ایکی دل داغدار

بیر مصیبت چوخدی زینب تک بلاکش بیر زنه

 

بیر سو ایچدیم اود دوتوب اودلاندی جانیم مو بمو

قویمادی قارداش بو سو قالسون سولاردا آبرو

نه یوزیله جان وئرن وقته سنه باخسون بو سو

اولماسون بیر بیله سو قارداش گوروم قسمت سنه

 

سوزش قلبیم دوداقیمده ائدوب ایله بروز

آشکارادور اؤرکده واردی نه اندازه سوز

سن بئله سو ایستمه اوچ گونلریله قال سوسوز

تشنه لب جان بذل ایله دین خدای ذوالمنه

 

گورموسن بیر سو سالوب نه زحمته قارداشیوی

باخ منیم احوالیمه یان آغلا توک گوز یاشیوی

شمردن سو ایستمه قوی کسسون عطشان باشیوی

بیر سودان اؤتری دل آچما زادۀ ذی الجوشنه

 

بو همان ساعتدی که جدّیم او فخر کائنات

ائتدی فرمایش اوزی مخدوم کلّ ممکنات

سبز اولور اوغلوم حسن رنگ رُخی حین ممات

دوندرر زهر جفا رنگ جمالین سو سنه

 

گر چه بو حالیم سنه قارداش حسین نسگلدی چوخ

لیک صبر ایله هله جسممده زخم تیر یوخ

نیله سن وورسا عدو تابوت ایچینده یتمیش اوخ

اوندا سن قویما ابوالفضلیم ال آچسون دشمنه

 

ظلمده بولَّم ائله طغیان ائرد قوم دنی

قویماز آخر دفن اولام جدّیم جوارینده منی

دینمه صبر ائت حقّیمه وئرّم قسم قارداش سنی

جسممی دفن ائتماقا قایتار بیر اؤزگه مدفنه

 

من حسین ئولّم دوتار بو آل هاشم یاسمی

قویما چوخ فریاده گلسون آغلاسون عباسیمی

جان کیمی آغوشه چک عبداللهیله قاسمی

سن بولورسن هر ایکیسی مهجۀ دلدور منه

 

گر چه من بیر دست بی دادین بو گون مسمومیم

خانمانیمده اؤزوم اؤز اهلیمون مظلومیم

بیر گونون واردور سنون من اول گونون مغمومیم

وار یری آخسا بو حالیمده سرشگیم دامنه

 

بیر نفراولماز ئولنده سن گوزیوی باغلاسون

شمر قویماز زینب مظلومه سینه داغلاسون

باشون اوسته باش اچوب بیرجه دویونجا آغلاسون

نعشون اطرافنده گلسون اهل بیتون شیونه

 

سندن ال چکمز جفادن سانما ظلم اهلی دویار

باشوی عطشان کسر حتی لباسونده سویار

کهنه بیر پیراهن اوسته پیکرون عریان قویار

من، آنام، جدّیم، آتام یانّوق همان پیراهنه

 

«عاصیا» دین الهینی همیشه دوت عزیز

وئر هر اعمالونده حقّ و باطله دلدن تمیز

تابع حقّ اول ولو دوغرانسا جسمون ریز ریز

چنگ وورما هئچ بیر ایشدن اؤتری باطل دامنه

 

مرحوم عاصی

 

----------- متن اشعار مرحوم عاصی تبریزی ---------

احوالات حضرت امام حسن مجتبی (علیه السلام)

 

جگریم زهر جفائیله منیم یاندی باجی

گوزون آچ بیرجه اویان لبلریم اودلاندی باجی

 

قیل نظر ای باجی بو قانه دونن گوزیاشیما

دور خبر ایله گیلن کان وفا قارداشیما

هامی اولاد علی جمع اولا آخِر باشیما

موسم وصل گیچوب موقع هجراندی باجی

 

بو نئجه زهردور آخِر منی بو حاله سالوب

طاقت و صبریمی بو زهر جفا اَلدن آلوب

آچ گوزون باخ یوزومه گور نجه گل تک سارالوب

بولموسن حالیمی سن ، جسمیم اَلولاندی باجی

 

باجی زینب گوزون آچ دیدۀ گریانیمی گور

آه و فریادیمی ، بو ناله و افغانیمی گور

سارالان رنگیمه باخ حال پریشانیمی گور

سرّی وار گوزلریم آخِر بئله گریاندی باجی

 

ائله ایلوبدی اثر ای باجی بو زهر منه

سارالوب سولدی یوزوم دوندی سولان یاسمنه

گوئیا فصل خزاندور یتیشوب بیر چمنه

گل کیمی لبلریم آخِر ائله خنداندی باجی

 

نیلمیشدیم باجی من جعدیه مسموم ایلدی

منی مسموم ایلیوب سیزلری مغموم ایلدی

کیمی بو چرخ دنی من کیمی مظلوم ایلدی

اهل دیل اولسا منیم حالیمه حیراندی باجی

 

بیله تحریر ایلیوب لوحه باجی کِلکِ قضا

بولورم ئولدوره جاقدور منی بو زهر جفا

وئر خبر دوره می آلسونلا هامی آل عبا

قارداشون بیر نئچه ساعت سنه مهماندی باجی

 

ائله مدهوش ایلیوبدور منی اول جلوۀ یار

تاپارام ای باجی بو زهریله من وصل نگار

آل طاها بولورم درد و ملالیمده یانار

مقصدیم لیک منیم محضر جاناندی باجی

 

محنتیمده یئری وار باجی جگر داغلیه سن

جان وئرن وقتیده سن گوزلریمی باغلیه سن

دگولم راضی ولی باشه ووروب آغلیه سن

نسگلیم گرچه سنه موجب افغاندی باجی

 

صبر قیل توکمه بو غمده باجی جان گوزیاشیوی

یولما زلفون ، بو مصیبتده سن آچما باشیوی

آغلا او وقته گوررسن بو حسین قارداشیوی

قتلگاه ایچره که اوز قانینه غلطاندی باجی

 

راه حقده باجی یتمیش ایکی قربان وئره جاق

هم اوزی جمله هواداری سوسوز جان وئره جاق

سو دیوب قاتلی چون سو یرینه قان وئره جاق

یانماز احوالینه ، سانماز ئولور عطشاندی باجی

 

قوملار اوسته قالاجاقدی باجی عریان بدنی

کربلانین خس و خاشاکی اولور چون کفنی

بیر نفر اولماز اونون غسل وئروب دفن ائدنی

اهل کوفه گوره سن آدی مسلماندی باجی

 

«عاصی» یاز نوحه مدام آغلا امام حسنه

هم بو دنیاده هم عقباده ویره لّر حسنه

باطناً اوزلری بو نوحه ده دم وئردی سنه

جگریم زهر جفائیله منیم یاندی باجی

 

مرحوم عاصی

 

----------- متن اشعار مرحوم عاصی تبریزی ---------

در احوالات حضرت امام رضا (علیه السلام)

 

قویمیوب بو زهر کینه  قلبده دؤزوم الهی

اوغلومی یتور اماندور یولدادور گوزوم الهی

 

بیر نفر یانمدا یوخدور من غریبی یاده سالسون

باشیمی کناره آلسون درد و محنتیم آزالسون

قویما بیله وقتده سن حسرتیم اؤرکده قالسون

اوغلوما دیماقه دلده واردی چوخ سوزوم الهی

 

نه یانیمدا واردی باجیم بیر نفر نه محرمیم وار

غربت ایچره باغری قانم دلده درد مُدغمیم وار

یوخدی بیر نفر که بولسون ای خدا نه عالمیم وار

ظلمدن دونوبدی آخر شامه گوندوزوم الهی

 

خوشدی باشیم اوسته ایندی مهربان باجیم اولیدی

حالیمه باخوب یانیدی ابر تک پوزی دولیدی

گوزلریمی باغلییدی باش اچیدی ساچ یولیدی

قالمییدی حسرتیله یرده تا یوزوم الهی

 

دوشموشم بیر عمردور من ائل قبیله دن کناره

عاقبت ووروبدی مأمون اودلی قلبیمه شراره

صون نفسده اولما راضی گوز یاشیم آخا عذاره

بو قدر ملاله هانسی محنته دؤزوم الهی

 

بس که چوخ اثر ائدوبدور زهر کین یانور بو جانیم

نه بو حاله واردی طاقت درد هجره نه توانیم

گوزلریم قالوبدی یولدا گلمدی خدا جوانیم

قان اولان گوئلده آخر قالمیوب دؤزوم الهی

 

ای خدا آدیم رضادور راضیم هامی قضایه

من بیر عمریدور بولورسن دؤزموشم غم و بلایه

هر قدر جفا یتشسه ائتمرم سنه گلایه

مین بئله بلایه دلدن راضیم اؤزوم الهی

 

اللریم اؤرک باشندا گوزلریمده اشک حسرت

قویمیوب بو زهر کینه منده صبر و تاب و طاقت

بو منیم غم و ملالیم ای خدا بو درد غربت

نه روا بو حسرتیله جاندان ال اوزوم الهی

 

عاصیا زیارت ایسته یالوار عجزیله خدایه

یا ائده بو شاهه زائر یا شهید کربلایه

اوردا بو سوزی مکرّر ذکر ائداخ گلاخ نوایه

قویمیوب بو زهر کینه قلبده دؤزوم الهی

 

 مرحوم عاصی

 

----------- متن اشعار مرحوم عاصی تبریزی ---------

در ولادت حضرت ابوالفضل (ع)

 

تمام چاره یولی باغلانوب منیم یوزیمه

سنی امید بو گون بولموشم ولی اوزومه

 

اگر چه معصیتیم قویموب آبرو ، منده

دخیل دوشموشم اما بیر آبرومنده

 

که تا سالام اوزومی کلب تک نمک زاره

اولام دخیل همین وقعه ده علمداره

 

حسینه ویرسه قسم ، هر کس اول هنرمنده

حسینه آند اولا قویماز او شخصی شرمنده

 

حسینه عُلقهء مخصوصی وار او سردارون

محبتنده یازیلّار رشید علمدارون

 

که بیر گون آلِ علی ، اُناث و ذکور

تماما" ایتمیشدی ایوده درکِ فیض و حضور

 

اوشاق بویوک هامی شیرِ خدا حضورینده

او گون واریدی شهِ لافتی حضورینده

 

او گونلریدی ابوالفضل او پورِ شاهِ اُمم

که تازه قویموشدی عرصهء وجوده قدم

 

آناسی فاطمه امّ البنین قوجاقنده

او گون واریدی همان غنچه ، گل بوداقنده

 

باخاردی بیر به بیر اولادینه علیّ ولی

ایدوب مشاهده بو حالی شیرِ لم یزلی

 

گوروبدی اوغلی ابوالفضلی پادشاهِ نجف

آچوبدی قولّارینی میل ایدور حسینه طرف

 

هامی ایو اهلینی مشغول ایلیوب اوزینه

تیکوب ایکی گوزینی قارداشی حسین یوزینه

 

بَلَکدن آز قالوری اوز اوزین یره سالسون

حسین بوینونا سالسون قولینی ، کام آلسون

 

طفولیّتدن ایدردی بو مقصدی تعقیب

اولیدی قول بویون اولماق او با وفایه نصیب

 

بیله خیال ایلمه دلده نسگلی قالدی

دیوم نه وقت حسین بوینونا قولون سالدی

 

او ساعتیکه حسینون هامی هواداری

بویاندی لاله صفت قانه یار و انصاری

 

گورنده قارداشی یالقوز قالوب او اشجعِ ناس

گلوب حضورِ شه دینه حضرتِ عبّاس

 

ازل او سرورِ لب تشنیه سلام ایلدی

ادب یولیله برابرده بیر قیام ایلدی...

 

امام گوردی که قارداشدان اختیار گیدوب

بو ماجرا اونی بی صبر و طاقت ایدوب...

 

امام گوردی داخی یوخدی اوزگه بیر چاره

گرک اجازهء میدان ویره علمداره

 

بویوردی سیدِ عالم او نسلِ خیر سلیل

باشارسان ایله سوسوز اهلِ بیته سو تحصیل

 

همینکه سالدی او شهدن اله بو فرمانی

گوتوردی مشک و لواسین او عشق قربانی

 

سوار اولوب آتا ، یوز قویدی رزمگاهه طرف

دوزنمه دی دولانوب باخدی خیمگاهه طرف

 

گوروب گلور دالونجا امامِ عرش اساس

انوبدی فورا" آتندان یره او اشجعِ ناس

 

ادبله عرض ایلدی ای امامِ کون و مکان

ندور جهت بو گَلشیده اولوم سنه قربان

 

دئدی نه چاره ایدوم ای مه بنی هاشم

منه چتیندی فراقون وفالی قارداشیم

 

محبّتونله دولوب بسکه استخوان و رَگیم

بو آیریلق منه مشگلدی دوزموری اورگیم

 

بولوردی بیرده ابوالفضلین عقدهء دلی وار

طفولیتندن اورکده بیر عمده نسگلی وار

 

برابرینه چاقوردی او شه علمدارین

اورک محبّتی جوش ایتدی آچدی قولّارین

 

گورنده بیر بئله لطفی عزیزِ بطحادن

کسیلدی صبر و توانا او تشنه سقادن

 

آچلدی بال و پری ، آچدی صاقنی صولنی

حمایل ایتدی حسین بوینونا ایکی قولونی

 

نه کربلا ، هامی آفاق شوریله دولدی

امیرِ لشگریله شاه ، قول بویون اولدی...

 

قسمتی از اشعارِ مرحوم استاد مشهدی حسن عاصی

منبع مجموعه کانالهای مدح و مرثیه

 

----------- متن اشعار مرحوم عاصی تبریزی ---------

در احوالات حضرت امام حسن مجتبی (علیه السلام)

و گریز به مجلس یزید

 

قیل بیان قارداش گوروم لعل لبونده قان ندور

قارداشون قربان سنه بو حالیوه عنوان ندور

 

ای دوزن بیر عمر هر جور و جفای دشمنه

کیم سنی سالموش بو احواله بویور واضح منه

هانسی ظالم بیر بئله ظلمی روا گوردی سنه

لعل لبده قطره قان چون شطۀ مرجان ندور

 

عمروی قارداش گئچرتدون هر فشار دهریله

حلمدن یوز دشمنه دوندرمدون بیر قهریله

هانسی بی ایمان سنی بو حاله سالدی زهریله

چوخ عجبدور بولمیوب هئچ دین ندور ایمان ندور

 

آز قالور بحر غمیم موجه گلوب دلده داشا

شیشۀ قلب حسینی کیم نشان ائتدی داشا

دردینی سویلر بئله موقعده قارداش قارداشا

سویله دردون تا گوروم من دردیوه درمان ندور

 

حسرتیله باخما چوخ توکمه عذاره گوز یاشون

قوللارون سال بوینوما قوی سینمین اوسته باشون

ال ال اوسته منتظردور قارداش آلتی قارداشون

تا گوراخ قارداشمیزدان بیزلره فرمان ندور

 

بیر سنه مظلومیت تاپموش جهاندا اختصاص

قاتلون گوستر منی ایله بو محنتدن خلاص

قاتلوندن تیغ تیزیله آلوم قارداش قصاص

دشمنون گورسون سنون فرمانیوه اذعان ندور

 

سن برادر عصریوین بیر نوعیله مظلومی سن

گیزلدیرسن مندن آخر قاتلِ معلومی سن

ای قتیل زهر کین اوز اهلینون مسمومی سن

آشکار ایله گوروم بو نکتۀ پنهان ندور

 

بو نجه بیر زهردور آرامیوی الدن آلوب

قلبیوین بندین قیروب صبر و توانادن سالوب

باشون اوسته گور باجیم زینب نه احواله قالوب

آتشین آهیله اوندا خاطر سوزان ندور

 

اهل بیتون آغلادور قارداش اسفلی منظرون

گوسترور بیر اوزگه عالم حال زار مضطرون

بئله کیم قالموش اورک باشنده دائم اللرون

حالی اولدوم من سنون بو حالیوه پایان ندور

 

ای فلک ای چرخ دون فریاد الوندن الامان

گه حسن لعل لبینده گوسترورسن لخته قان

ووردورورسان گه حسینون لبلرینه خیزران

سنده ای چرخ دنی بو گردش و دوران ندور

 

اُول قدر وئردون یزید بی حیایه اقتدار

ساخلادی آل علینی مجلسنده بی خمار

گه شراب ایچدی او ظالم اوینادی گاهی قمار

بولمدی دین خدای عالم امکان ندور

 

قویدی پای تختده سرّ حقین قانلی باشین

خیزرانیله باجی یانینده ووردی قارداشین

قانه دوندردی بو غم آل علینین گوز یاشین

گور یارالی باشه ظالم زادۀ سفیان ندور

 

باخمادی فرقنده کی داش یاره سیندن قان آخور

یاندرور آخدوقجا قان اطفالینین قلبین یاخور

گه آچور قانلو گوزین اولادینه بیر بیر باخور

آندیرور باخماقلیقی گورسونله بو طغیان ندور

 

یاد ائدردی بدرده گاهی ئولن اجدادینی

آرتروردی دلده بغض و کینه و بیدادینی

خیزرانیله کسوک باشدان آلاردی دادینی

گه دیردی یا حسین قانلی لب و دندان ندور

 

گه دیردی تئز قوجالدوبدور سنی بو چرخ پیر

هاردادور گاهی دیردی بس جوانان دلیر

بو اؤزون بو اهل بیتوندور اسیر و دستگیر

گور امیر شماده بیر قدرت و امکان ندور

 

گوردی گئچدی حدّدیدن آخر یزید کین شعار

باشلادی قرآن تلاوت ائتماقا اُول شهریار

آلدی بو اعجازیله حضّار مجلسدن قرار

بیر بیره سویلوب کسوک بیر باشدا بو عنوان ندور

 

مجلس اهلی قالدیلار حیران بو سرّ اعظمه

بولدولر محبوبدور اول باش خدای عالمه

اهل مجلسدن اوجالدی قیل و قال و همهمه

گوردولر اول باشدا شور حضرت سبحان ندور

 

مجلسین اوضاعینه باخجاق یزید بی حیا

آز قالور گوردی او مردود دنی رسوا اولا

عالماً اؤز کفونه اقرار ائدوبدی برملا

سویلدی اول کافر مطلق حسین قرآن ندور

 

سن ائله قرآن تلاوت نوش ائدیم منده شراب

سن منه وعظ ائتگیلن ایلوم سنه منده عتاب

گون بو گوندور اولموشام دنیاده یاخشی کامیاب

آخرت هنگامه سی یا روضۀ رضوان ندور

 

اگمدون باش اوّلنده گلمدون سر وقتمه

عاقبت گلدون کسوک باشیله پایِ تختمه

ایندی بیر باخ برج اقبالیمده نجم بختیمه

گور بئله کوکب قبالینده مه رخشان ندور

 

ائتمیشم بو مجلس عیشین هامی نقصین تمام

تا وئریلسون باشیوه طشت طلا ایچره ممام

سن قوناقیمسن منیم لازمدی ایلوم احترام

حاضرین بولسون جهاندا حرمت مهمان ندور

 

آفتاب عمر «عاصی» آز قالور تاپسون زوال

گوسترور هر دم عروس مرگ بیر نوعی جمال

لطف ائله ایمانیله یارب آپار وقت رحال

گئتسم ایمانیله خوف و وحشت عصیان ندور

 

مرحوم عاصی تبریزی

منبع مجموعه کانالهای مدح و مرثیه

 

----------- متن اشعار مرحوم عاصی تبریزی ---------

احوالات اربعین

 

خبر وئر عمه جان آل عبایه

یتشدوق سرزمین کربلایه

 

بویور بو کاروان غم دایانسون

توکوب گوز یاشی چون زمزم دایانسون

بو احرامه اولان محرم دایانسون

هامی مشغول اولا سعی و صفایه

 

بو یر بیت خدادن محترمدور

حقیقتده بو یر حَقّه حرمدور

آدی کرب و بلا وادیِ غمدور

منای عشقدور اهل ولایه

 

کسیلمیش عمّه بوردا نچّه قربان

او قربانلار اولوب مقبول جانان

ایله قربان گورنمز چشم دوران

نقدری گوی یر اوسته سالسا سایه

 

بو یرده نور وجه رَبُّ الاعلی

ائدوبدور موسی عشقه تجلّی

ولا اهلینه بو یردور مصلّی

یتر اهل محبت مدّعایه

 

خبر وئر عترت حبل المتینه

نزول ائتسون هامی بو سرزمینه

گلوب جدّیم پیمبر اربعینه

اوزی سرخیلدور اهل عزایه

 

من عمه ائتمرم هرگز فراموش

که اولدوخ بیز بو یرده محنته توش

آنالار اوغلونی ائتدی کفن پوش

یولا سالدی سوسوز کوه منایه

 

بو یرده عمه سو تک آخدی قانلار

بویاندی قاننه نورس جوانلار

ایله بوش قالدی گولدن گلسِتانلار

باخوب بلبل لری گَلدی نوایه

 

بویور لیلای زارو دل شکسته

اولان درد و غم هجریله خسته

قراسین سالسون اکبر قبری اوسته

دؤشَنسون شوریله پائین پایه

 

رُبابون ساکت ایله آه و زارین

دئنه باشه یتوردی انتظارین

اگر ایستور علی اصغر مزارین

قولاق وئرسون صدای لای لایه

 

وئروب اوخ یاره سی هر چند زحمت

نچه گون چکدی آزار و اذیت

یاتوب آغوش شهده ایندی راحت

یتوبدور آرزوده منتهایه

 

خبر وئر عمه جان قاسم آناسی

اولان بیر عمر غملر آشناسی

یتوبدور آخره رنج و عَناسی

دویونجا آغلاسون اول مه لقایه

 

اوزونده خردا قزلاردا حرمده

کنار قبر شاهِ محتشمده

توکون گوز یاشی بو عالی حرمده

سبیل اشک ائدون تشنه فدایه

 

سن اوخشا آل طاها آغلاسونلار

یوزه اشک مصیبت باغلاسونلار

شرار آهیله دل داغلاسونلار

یاناخ یکسر بو محبوب خدایه

 

نظر قیل عمه جان کلثوم زاره

نئجه گور بیر توکور قانیاش عذاره

ائدور قبر ابوالفضله نظاره

یانور دلدن جفای اشقیایه

 

خیال ایلور نجه بو سرو قامت

یاتوب بیر خردا قبرین ایچره راحت

اونون حالین بو قبر ایلر حکایت

نقدری توش اولوب جسمی یارایه

 

مرض بیر مدتی اولدی نصیبیم

دوشاخه اولدی بوینومدا حبیبیم

دوا ائتدی بو درده اؤز طبیبیم

یتوردی لطفیله خاک شفایه

 

اؤزون «عاصی» سالوبدور بو کمنده

واریدی چشم امّید عمه سنده

اونی قویما دوشه بو قدر بنده

نیازی واردی احسانه عطایه

 

مرحوم عاصی

منبع مجموعه کانالهای مدح و مرثیه

 

----------- متن اشعار مرحوم عاصی تبریزی ---------

احوالات کوفه

 

نیزه ده یارالی باشون بنزوری هلاله قارداش

مه یوزونده نقشه کول خوش سالوبدی هاله قارداش

 

ای مه سپهر ایمان اولموسان کول اوسته مهمان

باشلادون ازلده تکبیر باشیمی گونوز اوجاتدون

نولدی بس گیچن گجه سن زینبی گوزوندن آتدون

باشیمه کول اولسون آخر هاردا کوللر اوسته یاتدون

کیم ایدوب بیله اهانت وجه ذوالجلاله قارداش

 

من دیدیم که باشیویله دل تاپار گجه تسلی

بولمدیم تنور ایچینده نور حق ایدوب تجلی

لمعات نور رویون طور ایدوب همان محلی

اَرنی دلیمده ایتدیم صبح اولونجا ناله قارداش

 

شانیوه دگلدی لایق اول مکان نامناسب

فاطمه گلوب یارالی باشیوه اولوب مصاحب

منده اولموشام برادر اهل بیتیوه مواظب

چکموشم گجه کشیک من عترت و عیاله قارداش

 

یانموشام یانان چادردا صبحه تک یانان دلیله

ویرموشم تسلی دل، اهل بیته مین دلیله

بسکه خاطریم دولوبدور درد و غمله نسگلیله

ویرموشم اودور اجازه گوزده اشک اله قارداش

 

منجنیق فرقتونده جانیمی بیر عمر سخدون

صبریمون حصارینی سن شوق وصلویله یخدون

زینبون گلور ایشیتدون ایمدی پیشوازه چخدون

تسلیتدن اوتری آخر باشلادون مقاله قارداش

 

یا شقیق قلب زینب ای سرور جان زهرا

سن دانیش دلون فداسی ای شه حجاز و بطحا

باری بو باخانلار ایتسون قانلی باشیوه تماشا

باخماسونلا ظلم الیله کشف اولان جماله قارداش

 

من دیمم جدا باشیندا نطقه گل منی دانیشدور

یا گوز آچ بو جمعیده گور داد و شیونی، دانیشدور

نه صفیه نه رقیه نه سکینه نی دانیشدور

بو صغیره فاطمه گور بیر قالوب نه حاله قارداش

 

یوخدی معجری باشیندا آغلوری خجالتیندن

حایل ایلیوبدی ینگین مه جماله عفّتیندن

هی وورولا ساربانلار ال گوتورمور عصمتیندن

ذکر یاربین سالوبدور دلده اتّصاله قارداش

 

دمبدم اولور مصور لوح سینه ده بو مطلب

ایلیوب بش ایل خانملیق بوردا عزتیله زینب

ایمدی اهل کوفه ایلور اوزگه آدیله مخاطب

دونمسون نجه سرشکیم چشمه ی زلاله قارداش

 

گرچه ظاهرا اسیرم من بو قومه مبتلایم

لیک وار رضای جانان بیله ذلته رضایم

فاطمه عزیزی زینب دخت شاه لافتایم

دوشمسون بو اهل کوفه اوزگه بیر خیاله قارداش

 

شاه شاهدور حسینیم هر لباس ایچینده اولسا

گیتسه شوکتی الیندن ظاهر عزتی پوزولسا

باشینی سالوب اشاقه گر باجون ساچینی یولسا

حقی وار سنی گورنده دوزمسون بو حاله قارداش

 

قان اولوبدی بسکه حالیم بیله حال پراسفدن

ایلوری بیزه شماتت اهل کوفه هر طرفدن

کاش آتام علی گلیدی بیرجه کوفیه نجفدن

بیر باخیدی عترتینده بو غم و ملاله قارداش

 

ممکن اولمادی دوزوم من صبره هر قدر چالیشدیم

ظلم کوفیانی گوردوم قلبیدن یانوب آلیشدیم

عاقبت کسیلدی چارم اختیارسیز دانیشدیم

بسکه یاندی دل جفای قوم بدخصاله قارداش

 

صاف اولوبدی قلب عاصی قلبیدن اولوبدی بی غش

سوز تاپوب عیار کامل یاندیرور به سان آتش

لیک آرزوی قبرون خاطرین ایدوب مشوَش

بیر برات اربعین قیل سن بو ایل حواله قارداش

 

مرحوم عاصی

منبع مجموعه کانالهای مدح و مرثیه

 

----------- متن اشعار مرحوم عاصی تبریزی ---------

زبانحال حضرت فاطمه زهرا (سلام الله)

به امیرالمومنین حضرت علی (علیه السلام)

 

گل عم اوغلی یتیشوب موسم هجران ئولورم

باشیم اوستونده تلاوت ایله قرآن ئولورم

 

چکدیم از بسکه غم و غصّه و اندوه و ملال

قدّیمی بار بلا اگدی منیم ائتدی هلال

آخر عمریمدی منه حقّیوی گل ایله حلال

منده جانانیمه آسوده وئریم جان ئولورم

 

آناسیز قالدی ایکی نور دو عینیم گئدورم

بوینی چیگننده قالولّار حسنینیم گئدورم

قویما چوخ آغلیا منسیز بو حسینیم گئدورم

روحیمه زحمت اولار ایلسه افغان ئولورم

 

بو قدر آغلاما قربان اولوم آغلار گوزیوه

قویما تاپسون جریان اشگیوی آخسون یوزیوه

پوزما حالون بئله وئر بیرجه تسلّی اؤزیوه

باغریمی ائتمه بو جان اوسته منیم قان ئولورم

 

آغلاسان وار یری عمرونجه اگر نسگلیمه

اشگویله سَپَه سَن سو منیم اودلی دلیمه

آغلاما آغلاسان آغلا ایکی نورس گُلیمه

قالدی گوز یاشلی جگر داغلی پریشان ئولورم

 

مجلس یاره قاپوم یانماقی آچدی یولومی

عرضیمه شاهد عدلین ائدرم صاق صولومی

گوؤَرَن صورتیمی بیرده شکسته قولومی

منده الده ائدرم تحفۀ جانان ئولورم

 

اؤره گیم یاندی او گونکه اوره گون داغلادیلار

بیعت اوستونده ایکی قولّاریوی باغلادیلار

باخوب اول حاله حسین و حسنیم آغلادیلار

حقّیوی غصب ائلدی فرقۀ عدوان ئولورم

 

بُلوسن جسمده روحیمدی حسین و حسنیم

قلبیمون مهجه سیدور بو ایکی گول پیرهنیم

هر بیری آغلاسا آرتار غم و درد و محنیم

آغلارام آغلاسالار قبرده هر آن ئولورم

 

ظلمیله آلدی الیمدن فدکی قوم عنود

قالدیلا آج حسنینیم منیم ای منبع جود

اولدوم آخر دلِ سوزانیله مزدور یهود

گوز یاشیم ایلدی دل مُلکنی ویران ئولورم

 

بو فدک قصّه سی درده گتوروب فاطمه نی

اوزون عالمسن عم اوغلی نئجه یاندوردی منی

آغلادار زینب و کلثوم و حسین و حسنی

سنی عمرونجه ائدر دیده سی گریان ئولورم

 

اختصاریله یتوردیم سنه آخر سوزومی

بو قدر وار که عدو تار ایلدی گوندوزومی

زینبیم باغلاسا گر خوشدی عم اوغلی گوزومی

اولدی من تک اودا مظلومۀ دوران دوران ئولورم

 

قلبین آخر بولورم آتش غم داغلیاجاق

او یانان قلبیله مندن صورا چوخ آغلیاجاق

گوزلری یاشلی حسن گوزلرینی باغلیاجاق

ائده جاق بار محن قدّینی چوگان ئولورم

 

شمر قویماز بو حسین گوزلرینی باغلاماقا

باشی اوسته باش آچوب بیرجه سینه داغلاماقا

سهلدور قویماز عدو باشه ووروب آغلاماقا

شمر رحم ایلمز اوغلوم دیر عطشان ئولورم

 

((عاصیا)) ، ((محسن)) و ((کاتب)) بو سوزه اولدی دلیل

یاخشی سالدون اؤزیوی حضرت زهرایه دخیل

بو سوزی ذکر قیل آغلا تاپاسان اجر جزیل

گل عم اوغلی یتشوب موسم هجران ئولورم

 

مرحوم عاصی

منبع مجموعه کانالهای مدح و مرثیه

 

----------- متن اشعار مرحوم عاصی تبریزی ---------

اربعین حسینی

 

بو سفرده عشقون اولدی زینبه زمینه قارداش

گَتدی ساحل ِنجاته بیر سینیق سفینه قارداش

 

هر مسافرون سفردن خاطراتی یارِ خاطر

خوش گونی سُرور ِقلبی غم گونونده بارِ خاطر

واردی بو سفرده بسکه منده چوخ غبارِ خاطر

آز قالور که سالسون آتش بو دلِ حزینه قارداش

 

هانسی بیر دله سالور اود گور شرار ِدرد و محنت

بیر دیلی که قویدون اوندا دست ِرأفت و عطوفت

کاش مصلحت بولیدون قویمییدون ال او ساعت

غصّه مرگ اولوب گیدیدی قبره بو کمینه قارداش

 

اختیار اولیدی منده ، یار اولیدی گر مشیّت

آرزومیدی اولیدیم قبروین یرینده تربت

توپراقیم اولیدی قبرون ای خلاصه محبّت

باغرینا باسیدی جان تک پیکرون بو سینه قارداش

 

دست بسته گیتموشم من هر دیاره هر مکانه

فاش قیلموشام برادر سرّ نهضتون جهانه

خاطریمده خاطراتیم چوخ چنین گَله بیانه

بسکه یوز ویروبدی غملر زینبِ غمینه قارداش

 

توپراقیم اگر اولیدی خاکِ مدفنون برادر

هارا بی کفن گیدردی قبره بو یارالی پیکر

مُهری بالشون اولاردی روحی بیر لطیف بستذر

زلفیمی کفن ایدردیم جسمِ نازنینه قارداش

 

تیره بختیدیم بو بختیم اولدوزی کیمی باتیدیم

بخته باخ که قویمادی بیر آرزومه من چاتیدیم

اولمادیم حصیر اقلا" سنله قبریده باتیدیم

قبریدنده بیر دوریدوخ روزِ واپسینه قارداش

 

ممکن اولمادی نولوردی یوزده گوز یاشون اولیدیم

غم گونی یوزه آخاندا غصّه یولداشون اولیدیم

چوخ قاباق ئولیدیم ایکاش ایندی باش داشون اولیدیم

باش داشی بولیدی عالم زینبی حسینه قارداش

 

ایسترم اجل گلوب تیز درک ایده بو جسمِ زاری

خوشدی  قبریوین یانیندا زینبین اولا مزاری

ایستمور دوباره دوشسون شهر ِیثربه گذاری

گورمیه بیلی بوکولموش مردمِ مدینه قارداش

 

عشقوون تِلی بو مرغِ روحیمه کمند اولوبدی

گیتمز آیری بیر مکانه دامِ یاره بند اولوبدی

مجمر ِغمونده یانماق ایستیری ، سپند اولوبدی

یاندیروب خیامویله گر چه قومِ کینه قارداش

 

قبریوین طوافی حکم ِعشقیله اولوب فریضم

محضرِ مَلیکِ عشقه واردی ویرماقا عریضم

ویر شفامی تربتوندن گورموسن نجه مریضم؟

یاندی جسم و روح ِزینب عشقون آتشینه قارداش

 

چشمِ آشنای عشقه ، سنله قول بویون گورونّم

محرم مصیبت اولام ، غم لباسینه بورونّم

قتلگاه او گون او ساعت یادیمه دوشر سورونّم

سن کیمی یارا گوتورّم ، عارضه جبینه قارداش

 

قویسالار مجاور اوللام قبریوین یانیندا قالّام

یاره لی قوشام سیخیلّام سایه سینده دالدالانّام

سو سپر گوزوم ، سو ویرّم ، زلفوله غبارین آلّام

سجده ایلرم همیشه قبریوین یرینه قارداش

 

ماجراسی قتلگاهین گوز ایوینده تازه لندی

باشیمه دوباره گَردِ محنت و اَلم الندی

بو همان منای عشقه باشدا اللری گلندی

اوندا نعشون اوسته ، ایمدی گلدی اربعینه قارداش

 

جام ِوصل ِیار ایچنلر مست اولوب گیدوبله هوشه

هر مریدِ هوشیارون اخذ ایدوبدی حشره توشه

ایلیوبدی اکبر اوغلون بو مزاری آلتی گوشه

اولدی فرشیده بو قبرون ، عرش ایچون قرینه قارداش

 

نطقه گل محبّتیله ، یاره یاره دن خبر ویر

دردمندِ عشقه قارداش ، راهِ چاره دن خبر ویر

بو ملر قالان ربابه ، شیر خواره دن خبر ویر

عمری قورتولونجه حسرت قالدی هم نشینه قارداش

 

جوشدی داشدی سیلِ اشگیم یوزده بیر آخان سیل اولدی

رشتهء امید زینبِ پاره پاره تل تل اولدی

سن کیمی رقیّم ئولدی توپراق اوسته نسگیل اولدی

شامیده قالوب رقیّم ، تک گلوب سکینه قارداش

 

بادهء وصال ایچنلر مستِ عشق یار اولوبلار

باشیدن گیچوب فدای راهِ کردگار اولوبلار

آبروی آفرینش ، دینه افتخار اولوبلار

فخر ایدر بولار یاتان یر جنّتِ برینه قارداش

 

نهضتیکه ایتدون آغاز زینبیله تاپدی پایان

سن شهید ِحکم ِقرآن ، من اسیرِ راه ِایمان

بو اسارت و شهادت عالمه ایدوبدی اعلان

بیر حیاتِ جاودانی عاید اولدی دینه قارداش

 

گللرین سارالدی سولدی ، بلبلون چمنسیز اولدی

هی وطن سراغی دوتدی عاقبت کفنسیز اولدی

سینن اوسته کی یاتان قیز شامده کفنسیز اولدی

دفن اولوب خرابه یرده بیر جهان دفینه قارداش

 

بو سوزی یازاندا (ذهنی) روزِ واپسینه یتدی

رحمتِ خدایه واصل ، جنّتِ برینه یتدی

قالدی سوزلر (عسگریده) بیر گون (حسنییه) یتدی

باز بقیّه سین بویوردی خوشدی چون زمینه قارداش

 

گرچه وار ایکی عقیده باشلانیش بو شعرلرده

(ذهنی) فتح ایدوب بو بابی (عاصینی)دیولّه بیرده

هر بیری یازا مسلّم عالی نظم ایدوب بو یرده

رحمت و نوالِ ایزد روح هر بیرینه قارداش.

 

مرحومین اساتید : ذهنی زاده و یا عاصی

که به قلم جناب آقای حسنی تکمیل گردیده است

چهار مصرع آخر شعر از : جناب آقای احد کامران ور

 

منبع مجموعه کانالهای مدح و مرثیه

 

----------- متن اشعار مرحوم عاصی تبریزی ---------

زبانحال حضرت امام رضا (علیه السلام)

 

ای خدا جان استیم آرام جانیم گلمدی

نولدی بس اوغلوم تقی تازه جوانیم گلمدی

 

آخرعمریمده گورورسن دلده یا سبوحیمی

بو پریشان حالیمیله بو دل مجروحیمی

انتظارم منتظر قویما یتور تیز روحیمی

قالدی تاخیره خدا روح و روانیم گلمدی

 

بیر طرفدن زهر کین آرامیمی الذن ألوب

بیر طرفدنده غم و غربت منی دلدن سالوب

انتظارم بار الها گوزلریم یولدا قالوب

طاقت دل نور چشم خونفشانیم گامدی

 

بیله وقتیمده یانیمدا نه باجیم معصومه وار

نه آنام نه محرمیم واردورنه یارو غمگسار

گوزلورم جان استه من بیر نو جوان گلعذار

نخل امیدیم او سرو گلستانیم گلمدی

 

اللریم قالموش اورک باشیندا تپراقدا یوزوم

باشیم استه آختارور بیر مهربان یارب گوزوم

اوغلوما واردور دیماقه دلده بیر نچه سوزوم

قورخورام قالسین اورکده مهربانیم گلمدی

 

بیر کسیم یوخ حالیمی باری رعایت ایلسون

باشیمی دیز استه آلسین دفع محنت ایلسون

ایسترم اوغلوم گلوب قرآن تلاوت ایلسون

منتظر قویدی منی اول خوش زبانیم گلمدی

 

جان ویرنده باشون استه سن ایا شمس الشموس

گوز آچوب گوردون دوروب اوغلون  ایدور آه و فسوس

لیک جدین جان ویرن وقتینده ای سلطان طوس

ذکر ایدردی زینب بیخا نمانیم گلمدی

 

باجیسی احساس ایدوب قارداشنین احوالینی

گلدی میدان اوزی یاددان چیخاتذی حالینی

تاپدی قارداشین توکوب رخساره اشک ألینی

سویلدی قارداش دیمه بیر مهربانیم گلمدی

 

گوزلرین قربانی باخما حسرتیله صاق صولا

گلدی زینب باشین استه آغلیا زلفین یولا

خجلتیم وار من سنی رزمه سوسوز سالدیم یولا

نیلیوردیم من سووا قارداش گمانیم گلمدی

 

تیر حسرت بسکه قلب صاف (عاصینی) دلور

گوز یاشی علت اودور غربال چشمیندن الور

قبریوه هی متصل زواردور شاها گلور

یا حسین بیر جه دیمورسن نوحه خوانیم گلمدی

 

مرحوم عاصی تبریزی

منبع کانال گنجینه گذشتگان

 

----------- متن اشعار مرحوم عاصی تبریزی ---------

در اختتام عزا خطاب به

حضرت علی ابن موسی الرضا (علیه السلام)

 

 ختم اولوب جدون عزاسی یا علی موسی الرضا

باشلانوب ثانی جفاسی یا علی موسی الرّضا

 

آغلادور گرچه غمون شاها بو اهل عالمی

بو غمی یاددان چخاردوب لیک آنان زهرا غمی

قویدی یرده امّتی جسم رسول اکرمی

قویدولار شورا بناسی یا علی موسی الرّضا

 

داد او شورادن چخان بیر راییدن فرمانیدن

داد ثانی اَلده عنوان ایلین عنوانیدن

گَلدی بیعت آلماقا شاهنشه دورانیدن

اودّی بیعت ماجراسی یا علی موسی الرّضا

 

باشینه یغدی نچه بی دین او مردود ازل

گَلدی باب رحمته بی اعتنا و بی محل

حلقه ی درب مَلَک دربانه ووردی اوّل اَل

اولمادی حقدن حیاسی یا علی موسی الرّضا

 

گَلدی پشت بابیده دوردی آنان خیرالنّسا

سسلدی آیا ندور بو های و هوی و ماجرا

سویلدی ثانی- دی گَلسون بیعته میر هدا

بسدی پیغمبر عزاسی یا علی موسی الرّضا

 

ایتدی فرمایش آنان بیزلر عزاسی یاسلیوخ

سینه داغلی، دل شکسته، ماجرالی یاسلیوخ

ایلیوب رحلت آتام، باشی قرالی یاسلیوخ

اولموشوخ غم آشناسی یا علی موسی الرّضا

 

نه خدای دادگردن ایلدی شرم و حیا

نه ایدوب صدّیقه ی کبری سوزینه اعتنا

اود ووروب یاندوردی درگاه بتولی برملا

یاندی حق دولت سراسی یا علی موسی الرّضا

 

آتش ظلم و ستم گیتدوقجا اولدی شعله ور

یاندی باخدوقجا آنان زهرا، آلشدی یاندی در

یتدی صدمه بطنینه پهلوسی سیندی مختصر

اُلدی بطنینده بالاسی یا علی موسی الرّضا

 

بیر بیله گون تاپدی پایه کاخ بیداد و جفا

تا قلجلاندی نماز اوسته باشندان مرتضی

عاقبت اوز اهلینون مسمومی اولدی مجتبی

یتدی باشه ابتلاسی یا علی موسی الرّضا

 

بسکه دوز گَلدی جفا اهلیله چرخ کجمدار

سالدیلار فرصت اَله اهل جفا قوم شِرار

کربلاده ظلمیله دینون ستونین یخدیلار

گیتدی ایمانین اساسی یا علی موسی الرّضا

 

تا اَلیندِیدی ابوالفضلین حسینون بیدقی

احتراز ایتمزدی هرگز اهل کینون بیدقی

داد ایله بیر وقتیده که یاتدی دینون بیدقی

باش ویروب کفرین لواسی یا علی موسی الرّضا

 

تا آت اوستن یخدیلار عبّاسی اهل کین یره

آلدیلار اطرافینی اول بی کسون چون دایره

سبقت ایلردی یارا وورماقدا تک تک بیر بیره

شام و کوفه اشقیاسی یا علی موسی الرّضا

 

بیر طرفدن نیزه داران یکسر اَللرده سِنان

بیر طرفدن آلدیلار اطرافینی خنجر ووران

یاره اوستن ووردولار ازبسکه یاره کوفیان

حدّیدن گیچدی یاراسی یا علی موسی الرّضا

 

باخمادی بیرحملر جسمی دولوبدور تیریله

ووردولار یاره سِنان و خنجر و شمشیریله

گور نه رفتار ایلدی روبه صفتلر شیریله

آغلا ای غم مبتلاسی یا علی موسی الرّضا

 

نازنین جسمین ایله بیر حاله سالدی قوم کین

خیمه گاهه حمل ایدَنموب نعشینی سلطان دین

دوشدوقی یرده اونی دفن ایتدی فخرُ السّاجدین

وار مزار غم فزاسی یا علی موسی الرّضا

 

دلده کی دردیم منی شاها ایدوبدور پانشست

آز قالور بو درد عاصی جانینه ویرسون شکست

قویما طعن ایتسون منه هر بی سر و پا خودپرست

سنده دور دردیم دواسی یا علی موسی الرّضا

 

مرحوم عاصی

منبع مجموعه کانالهای مدح و مرثیه

 

----------- متن اشعار مرحوم عاصی تبریزی ---------

زبانحال حضرت رسول اکرم (صلی الله)

 

آغلاما چوخ گلمه فریاده قیزیم یافاطمه

ویرمه صبرون خرمنین باده قیزیم یافاطمه

 

توکمه گوزیاشون عذاره، گلمه داد و شیونه

آغلاما، بو آغلاماق جان اوسته نسگلدور منه

آغلوسان حالیم اولور آشفته باخدوقجا سنه

خاطریم نی تک گلور داده قیزیم یافاطمه

 

سیل گوزون یاشین بو حالیمده ملول ایتمه منی

گورمیوم بو آخِر عمریمده گوزی یاشلی سنی

گوزلرون مندنصورا چوخ آغلادار قوم دنی

گولمه سن بیرده بو دنیاده قیزیم یافاطمه

 

گرچه هجرانیم سنه بیر درددور مالایُطاق

صبر ایله امّا نچه گوندور بو ایّام فراق

اهل بیتیمدن گلن سنسن منه اوّل قوناق

انتظارم خلد اعلاده قیزیم یافاطمه

 

ایلمه زلفون پریشان، ایمدیدن یورما اوزون

یانمیوبدور درگهون، شام اولمیوبدور گوندوزون

سیلی ثانیدن اولموب نیلگون بو گل یوزون

محسنون اُلموب او اثناده قیزیم یافاطمه

 

نه عم اوغلون قولّاریندا وار هله بند و طناب

نه ایدوب سوز غم و محنت سنون قلبون کباب

چکمه آه آتشین اولما بیله بی صبر و تاب

وورما اود بو قلب ناشاده قیزیم یافاطمه

 

مُلکیوی الدن هله نه فرقه ی اشرار آلوب

نه حسینیله حسن اوچ گونلریله آج قالوب

زینب و کلثومی نه محنت هله دلدن سالوب

بو جفالر گلموب ایجاده قیزیم یافاطمه

 

ای بلالر آشناسی خوش گونون بیگانه سی

ایمدیدن ایتمه مبارک خاطرون غم خانه سی

گزمه سین زلفونده آخِر دست حسرت شانه سی

اولما چوخ زلفون تک افتاده قیزیم یافاطمه

 

اشک چشمون سیله دوندرمه عذاره باغلاما

هر قدر منده نفس وار ایتمه ناله آغلاما

آتش درد و غم و محنتله قلبون داغلاما

گلمه بیله داد و فریاده قیزیم یافاطمه

 

جانیوی آخِر هله غم منجنیقی سیخمیوب

باش آچوخ ثانی سنی اشرار ایچینده یخمیوب

خرد اولموبدی قابرقان آهون عرشه چخمیوب

یتمیوب غم قدّ شمشاده قیزیم یافاطمه

 

اهل کینه بیعت اوسته بزم شورا قورمیوب

مسجده چکموب عم اوغلوم قلبیوی یاندورمیوب

قنفذ بی دین قولوندان تازیانه وورمیوب

گیتمیوبسن مسجده داده قیزیم یافاطمه

 

ساخلا گوزیاشون قیزیم کرب و با صحراسینه

غرق اولار اوغلون حسین اونداکی قان دریاسینه

گل باخ آغلا گون ایوینده چاک چاک اعضاسینه

یان جفای قوم بیداده قیزیم یافاطمه

 

زینبین مانع اولار اهل جفا گوزیاشینه

آغلیان وقته ورالّار تازیانه باشینه

شمر دون قویماز باش آچسون آغلاسون قارداشینه

یالوارار بی رحم جلّاده قیزیم یافاطمه

 

معصیتده ایلیوب عاصی عزیز عمرین تلف

ایمدی بو درگاه پاکونده اولوب سائل به کف

ناامید ایتمه قاپوندان ای دُر بحر شرف

قیل شفاعت سنده عقباده قیزیم یافاطمه

 

مرحوم عاصی

منبع مجموعه کانالهای مدح و مرثیه

 

----------- متن اشعار مرحوم عاصی تبریزی ---------

در شهادت امام سجاد (علیه السلام)

 

فخر ساجدین غمینده ، قبریده پیمبر آغلار

فاطمه دئیر اوغول وای ، مجتبی و حیدر آغلار

 

شاه ملک محنت و غم اوغلونا دوتوبدی ماتم

چوخ چتین بیانه گلسون بو شهنشهین ملالی

اود دوتور یانور وجودیم یاد اولاندا شرح حالی

جان وئروبدی حسرتیله باغریقان اؤرک یارالی

حوریان جنّت اولموش حالینه مُکدَّر آغلار

 

ساقی قضا الیندن مرگ شربتین ائدوب نوش

ترک ائدوب فنا جهانی اولدی خاکیله هم آغوش

محنت و مصیبتینده ماسوا اولوب سیه پوش

قدسیان باتوبدی یاسه اهل عرش داور آغلار

 

بو علیل امام بی حدّ بو جهاندا اولدی مظلوم

عمرینی یتوردی باشه مین ملالیله بو مغموم

عاقبت هشام الینده ظلمیله اولوبدی مسموم

قان اولور اؤرک غمینده ماتمینده گوزلر آغلار

 

اولمادی گورن جهاندا شاد فخر ساجدینی

بس که بو شهون واریدی دلده داغ آتشینی

گوز یاشین توکوب چکردی دائم آه دل نشینی

آهینون شراره سیندن اود دوتوب اؤرکلر آغلار

 

هر بلا اونا یتیشدی صبر ائدوب دوزوب دایاندی

گه یانان چادرلار ایچره قالدی اود ایچینده یاندی

گاه گردنینده زنجیر شام و کوفه نی دولاندی

انبیا او حاله دائم آه وناله ایلر آغلار

 

دین یولوندا هر جفایه صبر ائدوب تحمل ائتدی

قلبدن دوزوب دایاندی هر نه درد و غصه یتدی

غلّ جامعه بویوندا دست بسته شامه گئتدی

بوکدی سرو قامتین غم حالینه صنوبر آغلار

 

 بس که سالدی گول وجودین ظلم اشقیا فشاره

سلسله او قدری سخدی بوینون آخر ائتدی یاره

اولمادی وئرن تسلی بیر نفر او شهریاره

ایندیده او حالی زهرا یاد ائدر مکرر آغلار

 

بام لردن اودلی نی لر توکدولر او قوم باطل

او دوتوب یانوب عمامه ایلدی گئنه تحمل

بیر یره یتنده اما سلب اولوبدی طاقت دل

گوردولر که ناقه اوسته سس چکر او سرور آغلار

 

بولمورم نه غم یتیشدی سرّینی ائدنمرم فاش

یاندی خاطر شریفی توکدی گول عذاره قانیاش

سویلدی منی ازلدن دوغمییدی هئچ آنام کاش

گر بیزی بو حالتیله گورسه قوم کافر آغلار

 

ساخلادی آتا عزاسین جان وئرینجه گلدی داده

سو گورنده یاندی سالدی شاه تشنه کامی یاده

آج سوسوز دیردی وئردی جان دیار کربلاده

ایمدیده آتام حسینون حالینه ملکلر آغلار

 

سهلدور آتام حسینون کسدیلر باشین لب عطشان

سویدی سربسر لباسین ظلم الیله قوم عدوان

نچه گون یارالی نعشی قالدی گون ائوینده عریان

باخمیوب او تشنه شاهه زخم تیغ و خنجر آغلار

 

دستگیر ائدن گون اعدا عترت شه غریبی

ناقۀ نحیفه دشمن میندیروب او غم نصیبی

چون مریضیدی اولوندی غلّ جامعه نصیبی

هر گجه گونوز او حالی ایلین مُصوَّر آغلار

 

صبریله ائدر اقامت بیر مریض خسته هاردان

گردنینده قید دشمن گون قباقی ناقه عریان

بیر علاوه وورسون هر دم دل یاراسی قوم عدوان

چشم دل همین او حالی ایله دوقجا منظر آغلار

 

بیر مریض کیم اونون وار بیر طبیبه احتیاجی

گورسه دستگیر اولوبدور اشقیایه عمه باجی

صبر ائدوب نجه دایانسون نیلسون ندور علاجی

خردا قیزلاری ووراندا فرقۀ ستمگر اغلار

 

مرحوم عاصی

منبع مجموعه کانالهای مدح و مرثیه

 

----------- متن اشعار مرحوم عاصی تبریزی ---------

زبانحال حضرت رباب (سلام الله)

 

آغلاما ای گوزلریم نور و ضیاسی آغلاما

نه سو وار منده نه سود الله رضاسی آغلاما

 

خیمه نی هر چه دولاندیم ایلدوم هر نه تلاش

تاپمادیم بیر شربه سو اوت دوتدی قلبین یاندی فاش

آغلاما فریاده گلمه سینه می ائتمه خراش

قلبیمون بسدور منیم زخم جفاسی آغلاما

 

اوچ گیجه گوندوزدی کسمیش سو یولون قوم عدو

خیمه لرده گلموری اصلا اله بیر جرعه سو

حالیوه باخدوقجا قیلّام من علی مرگ آرزو

ای سویدای دیلیم گویلوم صفاسی آغلاما

 

یوخ سودوم شرمندیم سندن اوغول بو باره ده

سن کیمی اوچ گوندی عطشانم من بیچاره ده

نه قوجاقیمده یاتورسان نه علی گهواره ده

جانوین گلسون منه درد و بلاسی آغلاما

 

شدّت سوز عطش بیر یاندان آرامون آلوب

بیر طرفدنده علی آجلیق سنی دیلدن سالوب

بو ایکی دردین علاجینده آنان عاجز قالوب

نیلیوم یوخ دردیوین منده دواسی آغلاما

 

بولمورم ئوز حالیمه قان آغلیوم ایوای دئیوم

یا باخوم گل تک سولان رخساریوه ایوای دئیوم

نه دیلیله من سنه دیلسیز بالا ایوای دئیوم

آغلاماقدان ای باتان دوتقون صداسی آغلاما

 

سن اوغول باخما منه سن آغلوسان من آغلورام

اودلانور قلبیم سنه باخدوقجا سینه داغلورام

یوخ علاجیم چاره سیز من اللریوی باغلورام

صورتون یکسر اولوب دیرناق یاراسی آغلاما

 

تک به تک سیز اهل بیته ای علی من بنده ام

«عاصیم» جرم و گناهیم چوخدی چوخ شرمنده ام

مونسم آغلار گوزیله ئولّم ئولسم زنده ام

گر دئیه لطفاً منه اصغر آناسی آغلاما

 

 مرحوم عاصی

منبع مجموعه کانالهای مدح و مرثیه

 

----------- متن اشعار مرحوم عاصی تبریزی ---------

در احوالات حوادث کربلا

 

تراب بستر فرزند بو تراب اولدی

نجه معاویه نین اوغلی کامیاب اولدی

 

علی ولی خدانین قاپوسی باغلاندی

حسین ئولدی، پیمبر ایوی خراب اولدی

 

فراتیدن سو ایچوب وحش و طیر هر نه که وار

بنات حضرت زهرایه قحط آب اولدی

 

طویوندا اولمادی ممکن عروس یاخسون حنا

قولین طناب کسوب، اللری خضاب اولدی

 

او قولاریکه ویرردی جواهره زینت

همان او قولاریدی بسته طناب اولدی

 

گونون حرارتی، عریان دوه امان الله

او خورداجا بالالار ایسیدن کباب اولدی

 

قطار غم چکلن وقته کوفه و شامه

امیر قافله بیر ناخوش انتخاب اولدی

 

توکولدولر دوه دن توپراق اوسته زار و ملول

او دوغرانان بدنه زلفلر حجاب اولدی

 

شکسته محمل لیلا یتنده بازاره

او بینوا یوزونه زلفدن نقاب اولدی

 

بو شور عشقیدی باشدان، صدا ویرور داشدان

بو شوریدن اوجالوب شور انقلاب اولدی

 

او شام شومده شام اولدی نیزده ای داد

نجوم دوره ده آی چخدی آفتاب اولدی

 

ادامه اشعار از مرحوم عاصی

 

پیمبر عترتی بزم یزید کافرده

گوزونده هر باخانون خارجی حساب اولدی

 

اوپنده چوب حسینین لب گهربارین

نثار یوزلره گوزدن اشگ ناب اولدی

 

یزید بسکه تعدیده حدیدن گچدی

علی قیزیندان ایله سلب صبر و تاب اولدی

 

آلشدی خاطری، نطقه گلوب دانشدی خانم

همین دانشماقا علت او التهاب اولدی

 

یتوردی حق سوزین ایله او بزم باطلده

یزید گوردیکه اول بزمده مجاب اولدی

 

شرار غیظ و عداوتله اود دوتوب او لعین

گورن زماندا که رسوای شیخ و شاب اولدی

 

گتورمرم دله هرگز دیسم دلیم یانسون

نه کلمییه متکلم او دون مآب اولدی

 

بو قدری وار که خانملار تمام آغلادیلار

عیان او جمع پریشاندا اضطراب اولدی

 

اگر چه هر نه دئدی بیر به بیر ایشتدی جواب

خدا بولور که سوالاته نه جواب اولدی

 

او گون او بزمده یابن الحسن امام زمان

نجه دیوم که خانم عموه عتاب اولدی

 

او بزم عیش یزید لعین اولدی سبب

حرام عترت اطهاره خورد و خواب اولدی

 

او شهر شومده بیر مدتی خرابه شام

مقام و مسکن اولاد بوتراب اولدی

 

نه ایچدیلر سو دویونجا نه میل ایدوبله طعام

طعام خون جگر، گوز یاشی شراب اولدی

 

او قدری چکدیلر رنج و محن او گل یوزلر

سارالدی رنگده مانند آفتاب اولدی

 

رقیه طاقتینی ایتدی فوج غم تاراج

باخوب اونا اوره گی قان خانم رباب اولدی

 

او طفلین حالی هامی کایناتی یاندوردی

نه یالقوز عمه آناسی باخوب مصاب اولدی

 

همان گجه که او ویرانه یرده جان ویردی

آچوب باش آغلیانی اهل نه قباب اولدی

 

حسین اگر چه هامی ماملکدن ال چکدی

ولی هر ایکی جهان مالک رقاب اولدی

 

یزید تختنی وارونه ایلین مطلق

فغان و آه یتیمان اول جناب اولدی

 

یازوب بو نوحه نی (عاصی) اگر چه ویردی باشا

ولی مقدمه (بیضادن) اکتساب اولدی.

 

11 بیت اول از مرحوم شیخ اسماعیل تائب

و بقیه از مرحوم مشهدی حسن عاصی

منبع مجموعه کانالهای مدح و مرثیه

 

----------- متن اشعار مرحوم عاصی تبریزی ---------

زبانحال حضرت ابوالفضل (علیه السلام)

 

اهل کین سو مشگین الده ایلدی بهانه قارداش

اولدی پیکریم سراسر اوخلارا نشانه قارداش

 

سو گتورماقا خیامه سعی و همّتیم چوخ اولدی

یتمَدیم ولی مرامه نقشۀ دلیم پوزولدی

اللریم سودان بوشالدی جام دل غمیله دولدی

دوندی اشگ چشمیم آخر گوزلریمده قانه قارداش

 

هر قدر یارا یتیشدی جسمیمه دُؤزوب دایاندیم

ووردیلا اوخی اوخ اوستن اهل کینه سهل ساندیم

قولّاریم بدندن اولدی قانه ظلموله بویاندیم

ایلدیم گینه تحمّل جور کوفیانه قارداش

 

من سویا اولاندا مالک، صبریمی سو موجی آلدی

تا سویا الیم یتیشدی درد و محنتیم چوخالدی

گرچه او ایکی اُووج سو گوتدوقوم یرینده قالدی

باعث اولدی بو جسارت نچه ترجمانه قارداش

 

سینم اوسته یر ویرردوم شوقیله گلنده هر اوخ

بال و پر آچوردی جسمیم ذوقدن آچاندا پَر اوخ

اوزگه وجدیله اوچوردوم دگمَسیدی مشگه گر اوخ

حیف اولا یتَنمدیم من بیرده آشیانه قارداش

 

نیزه و قلج یاراسی جسمیمی ایدوبدی گُل گُل

پیکریمده باش آچوبدور هر یارا اولوبدی بیر گُل

باش باشا چاتوبدی اوخلار سینه‌ده بسان سنبل

خاریله دونوب وجودیم طرفه گُلستانه قارداش

 

نه بو حالیده اورکده فکر سوزش یارام وار

نه گوگولده اوز خیالیم وار نه فکرت آنام وار

قلبیده سنون ملالون هر قدر که من وارام وار

قویدولار سنی کومکسیز، تُف بو شامیانه قارداش

 

نچّه سنگدل ستمگر نعشیمی آلوب آرایه

نیزه‌پوش اولوبدی جسمیم سوزش آرتیرور یارایه

دفع ظلم ایدم الیم یوخ باری سن یتیش هرایه

من بو لشگرین الیندن گلموشم امانه قارداش

 

کاسه سریم اولوبدور بیر عمودیله شکسته

اولمیوبدی تار عمریم دست ظلموله گُسسته

قورخورام که ای امیدیم سن گلینجه باشیم اوسته

خار الیله دونسون آخر گلشنیم خزانه قارداش

 

من فدای راه دینم ای منیم امیدگاهیم

شاهدیم ایکی قلم قول بیرده اوخلی سجده‌گاهیم

قانلو مشگ قانلو بیرق صدق عرضیمه گواهیم

احتیاج یوخدور اوزگه شاهد و بیانه قارداش

 

سن تواضع ایله شاها قیل‌گیلن قبول زحمت

گل اوزون آپار سو مشگین ای مه سپهر رحمت

پاره پاره مشگیمی گر گورسه اهل‌بیت عصمت

اودلانوب باتان دلیله اود سالار جهانه قارداش

 

دین یولوندا اهل کیندن هر قدر ستم یتیشدی

نه علمدن ال گوتوردوم قاشیمه نه خم یتیشدی

بیرقیم یاتاندا بولدون سن منه نه غم یتیشدی

بار محنتیله دوندی قامتیم کمانه قارداش

 

سن شها بولورسن (عاصی) تکدی یوخدی دادخواهی

هر طرفدن اهل و نااهل تَکلیوب بو روسیاهی

بیر سنه اولوب امیدی ای هامی جهان پناهی

هر ایکی جهان تیکوب گوز بیر بو آستانه قارداش

 

مرحوم عاصی

منبع مجموعه کانالهای مدح و مرثیه

 

----------- متن اشعار مرحوم عاصی تبریزی ---------

زبانحال حضرت فاطمه زهرا (سلام الله)

 

ای مهر سپهر دین و ایمان وی حجت لایزال عم اوغلی

بیر دست خطائیله یتوبدور، عمریم گونونه زوال عم اوغلی

 

بو چرخ ستمگرین الیندن، گلدیم گیجه گوندوز آه و زاره

آخدی غم و غصه کثرتندن، اشگیم کیمی خون دل عذاره

معلومدی خدمتونده دوزدیم نه پایه ده محنت و فشاره

بار الم و مصیبت آلدی، ایتدی قدیمی هلال عم اوغلی

 

دنیاده اگرچه هر بهارین آردینجا عم اوغلی بیر خزان وار

اما هامی گللره جهاندا، بیر وقت معینی زمان وار

بیر گل سولا اول بهاری، گورموبدی نقدر باغبان وار

بیر گل سولوب اول بهاری، بلبلری اولدی لال عم اوغلی

 

گل باشیمی لطفاً آل دیز اوسته، ای حجت حق امام عالم

آخر مرضیم ایدوبدی شدت، اولموش داخی یولماقیم مسلم

بیر نچه دقیقه بزم خلوت، چیده ایلیاخ سنیله باهم

من دردیمی ایلرم حکایت، سن توک یوزه اشگ آل عم اوغلی

 

نه زحمته دوزموشم بولورسن درگاهیمی یاندیراندا ثانی

بطنمده کی سقط اولوب او گونده قلبیم یارالاندی آخدی قانی

علت اودی گوگلره اوجالمش، زهرانون عم اوغلی الامانی

اشگیم کیمی خون دل گوزومدن، هر گون آخار اتصال عم اوغلی

 

هر چند منیم اورکده چوخلی، اندوه و ملال و محنتیم وار

اما بولوسن که وقتیم آزدی، دلده غم بی نهایتیم وار

ویرسن گر اجازه عرض قیلام گزلنجه نچه وصیتیم وار

تفصیله محل قالمیوبدی، یوخ الده داخی مجال عم اوغلی

 

اول بودی قلبوه یتیشسه، مندن گر عم اوغلی رنج و محنت

عفو ایله بو آیرلیق زمانی، دلدن منی ای شه ولایت

بیرده بودی بو بالالاریما مندن صورا ایله چوخ محبت

قویما اولاری چوخ آغلاسونلا ای حجت لایزال عم اوغلی

 

گویلون منی ایستین زماندا، گیزلین گجه گل مزاریم اوسته

قویما حسن و حسینیم آخر، اولسونلا ملول و دلشکسته

ممکن اولا گر گتور اولاری، ای قلبی غمیله زار و خسته

تا قبریمون اوسته آغلاسونلار من بیکسه لامحال عم اوغلی

 

درگاهوه یوز قویوبدی ((عاصی))، مین شوقیله وار دیلنده نیت

تقصیریده اولموش اولسا، عفو ائت، قیل بنده وی شامل عنایت

بیز اهل ولایه مخلصانه بیر عمردی بسلیوب عنایت

سنده کرم ائت، جزاسین آرتورور، ای آیت ذوالجلال عم اوغلی

 

مرحوم عاصی

منبع مجموعه کانالهای مدح و مرثیه

 

----------- متن اشعار مرحوم عاصی تبریزی ---------

 احوالات کوچ از قتلگاه

 

جلال حضرت زینبده ائیلینده خیال

جلالینه پی آپارماق اولور بیر امر محال

 

مقام و عزت زینبده عقل حیراندور

همین جلالینه صدیقه لفظی برهاندور

 

آناسی فاطمه تک آدی محترم سایلور

حسین تشنه لبانه شریک غم سایلور

 

حسیندن صورا زینب مُروِّجِ دیندی

اسارتی سبب عزّ دین و آئیندی

 

بو باغ دینَه حسین سو یرینه قان وئردی

باجیسی زینبی اول باغه باغبان وئردی 

 

اگر چه خون حسینیله دین تاپوبدی رواج

حسیندن صورا دین اولدی زینبه محتاج 

 

گر اولماسیدی خانم دین آدی دِییلمَزدی

باباسی حضرت یاسین آدی دِییلمَزدی 

 

دُوزوبدی زحمت بی انتهایه دین اوسته

طناب ظلمه ایکی قولّاری اولوب بسته 

 

خیال ائتمه که بیر حفظ دینَه راغبدی

حسین عزّتینه تک به تک مواظبدی 

 

مگر ائشیتمه موسن اولدی حضرت زینب

حیات سیّد سجّاده قتلگهده سبب 

 

او ساعتیکه یتوب قتلگاهه اهل حرم

بنات فاطمیه تازه لَندی محنت و غم 

 

تمامیسی دَوَه اوسته مُقیّد و مغلول

او وضع حاله ائدردی نظاره آل رسول 

 

نه نوعی گوردیله بولمم شهیدلر بدنین

او حالده نظر آلدی هر کس اوز ئولَه نین 

 

کسیلدی تاب و توانا عیال زهرادن

گوتورمدی قَدَمین بیر نفر او صحرادن 

 

مخدّراتین او غم اختیارینی آلدی

تمامیسی دَوَه اوستن اوزین یره سالدی 

 

یولا یولا ساچنی وا محمّدا گویان

قویوبلا قَتلگهَه یوز تمام ناله کنان 

 

هره سی اوز ئوله نین تاپدی چکدی آغوشه

سپوب یوزینه سو اشگیله تا گَله هوشه 

 

تاپوبدی لیلی غم دیده اکبرین نعشین

چکوب کناره شبیه پیمبرین نعشین 

 

رسیدن حضرت لیلا  (س)

بر سر نعش حضرت علی اکبر (ع) :

 

دئدی اویان گوزون آچ باخ منه جوانیم اوغول

قرار صبر دلیم ای عزیز جانیم اوغول 

 

علی گوزوندن ایراق گور آنان نه حاله قالوب

او قدر قمچی وروبلا قولوم یوزوم قرالوب 

 

نه قدر زحمتیوی چکدیم ای علی اکبر

بو فکریله که وئرر نخلۀ امید ثمر 

 

امید دل بوئیدی گول یته بوداغینه

الون الیمده گئدیدوخ عروس اطاقینه 

 

او هامی زحمت و رنجیم او گونده باشه گَلَه

عروسویله ویریدیم اوغول سنی اَل اَلَه 

 

گئچنکی عُمریدن عالمده کام آلیدیم علی

سنون طویوندا باشا قرمزی سالیدیم علی 

 

عجب مرادیمه یتدیم غریبه کام آلدیم

مقابلنده سن ئولدون باشا قرا سالدیم 

 

او قاره که سنه ئولنده باشه سالندی علی

گلنده غارته دشمن اودا آلیندی علی 

 

بونیله بئله گنه چکمور ال بو اهل جفا

ورالّا باشیمه قمچی دینده وا وَلَدا 

 

ایدیم نه چاره اَلیم ائل قبیله دن اوزولوب

خصوص سن کیمی ای نوجوان جوانیم ئولوب

 

احوالات و زبانحال حضرت فاطمۀ عروس

بر سر نعش حضرت قاسم (ع) : 

 

عروس تاپدی او صحراده نعش دامادی

اوجالدی عرش برینه فغان و فریادی 

 

گُل مُرادینی مقصود اصل درک ائتدی

دوشوب جنازه سی اوسته اوزینی ترک ائتدی 

 

یارالارین ئوپوب ایگلردی بیر قزل گول تک

گَلوبدی شاخۀ گُلده نوایه بُلبل تک 

 

دئدی عم اوغلی اگر چه خجالتم سندن

ولیک دوت منی معذور اینجمه مندن 

 

گَلَنده خیمه لره نعشون اوسته آغلامادیم

باشون یاراسینا قربان یاراوی باغلامادیم

 

چکوب سس آغلاماقا مانع اولدی شرم و حیا

ایدَنمَدیم من عم اوغلی آنان یانندا نوا 

 

اولیدی معجریم ایندی یاراوی باغلاردیم

قوییدی دشمن اگر جان وئرنجه آغلاردیم 

 

آلوبلا معجریمی تار اولوب گونوز گوزومه

بو قانلی زلفومی من حایل ائتموشم یوزومه 

 

عم اوغلی جان دیمه زلفوم نیه باتوب قانه

او نسگیل عُقده سی آتش سالور دل و جانه 

 

ووراندا خیمه لره اود بو فرقۀ گمراه

آلشدی خیمه لر اود دوتدی اودلانوب خرگاه 

 

یانار اود ایچره قالوب عترت رسول اَنام

گوروب بو حالی فراره اجازه وئردی امام 

 

او دَمدَه غارته ال فرقۀ شرار آچدی

تمام عورت اوشاق یوز قویوب چوله قاچدی 

 

همان او شور قیامتده داد و شیونده

قاچانلاریله قاچاردیم عم اوغلی جان منده 

 

نه گوردیم اوندا بیر آتلو گلور دالیمجه منیم

گئدوب قرار دلیم دوشدی لرزیه بدنیم 

 

دیزیمده قاچماقا گر چه یوخیدی طاقت تاب

بونیله بئله گِنه ائیلدیم فراره شتاب 

 

یانوردیم آتش محنتده دست و پادیدیم

نه ائلیییدیم او آتلیدی من پیادئیدیم

 

ز بس کی جانیمی دوتموشدی بیم و خوف و هراس

یتورماقین ائیلدیم کعب نیزه دن احساس 

 

گورن زمان بئله اوضاعی هوشیدن گئتدیم

ووروب یخوب قوری توپراقلار اوسته ضعف ائتدیم

 

او قدر گئچمدی گلدیم عم اوغلی جان هوشه

نه گوردوم عَمَّم آلوبدور باشیمی آغوشه 

 

باشیمی گوردوم آچیق زلفلریم پریشاندور

قولاقلاریمدان آخور قان یوزوم گوزوم قاندور 

 

قولاقیمون یاراسندان بولَرسَن حالیمی سن

نه نوعیله چخادوب گوشواره می دشمن 

 

چکوب جفائیله گوشواره می چخاتمیشدی

یوزوم گوزوم اودی بو نوعی قانه باتمیشدی 

 

یاخاندا سن اَلیوه قان حنا دوزوب باخدیم

قولاقیمون قاننی منده زلفومه یاخدیم

 

عم اوغلی تا دئمه سونله باشی قرالی منی

دئسونله تازه گلیندی باشی حنالی منی

 

احوالات و زبانحال حضرت رباب (س)

به حضرت علی اصغر(ع) : 

 

اَلی اورکده ربابون گوزونده اشگ بصر

گزردی هر یانی سسلردی جان علی اصغر 

 

دیردی هارداسان ای ماه انوریم بالا وای

سولان جمالی سوسوزدان وای اصغریم بالا وای

 

تاپام جنازه وی وئرمور بو اشگ دیده اَمان

توکور عذاریمه قانیاش بو گوزلریم بالا وای 

 

دوشه اگر نظریم گُلسِتاندا غُنچه گله

فغانیله دیرم غنچۀ تریم بالا وای 

 

اوره گیمون اودی سونمور نقدر اووشدرورام

گوئل یانور گلوری جوشه غملریم بالا وای

 

سسیمه سس ویر اماندور اوغول کباب اولدوم

دولانماقا داخی گلمور بو دیزلریم بالا وای 

 

الیم ئورکده گوزوم یاشی حالیم افسرده

غریبه غملیدی بو حال مضطریم بالا وای 

 

دوشنده یادیمه هر دم سوسوزدان آغلاماقون

یانور او حالته قلب مُکَدَّریم بالا وای 

 

صاقا صولا گئدیرم حسرتیله سر گردان

قالوبدی گورنجه قوینومدا اللریم بالا وای 

 

اوشاق بویوک هاموسی حالیمه باخوب آغلور

واریمدی بسکه اَسَفناک منظریم بالا وای

 

احوالات و زبانحال حضرت کلثوم (س)

به حضرت ابوالفضل (ع) : 

 

زبسکه ایلدی کلثومه فوج محنت هجوم

دولاندی تاپدی علمدار نعشین اول مغموم 

 

گورنده نعشینی اوَّل دولاندی بیر باشنا

آچوبدی باشینی وئردی اجازه گوز یاشنا 

 

باخوب نه گوردی نه باش وار نه قول بدنده قالوب

یارالی جسمنی دوشمن بیر اوزگه حاله سالوب 

 

او قدر یاره ووروب قوم دون او بی یاره

وجود پاکینی صد پاره ائیلیوب یاره 

 

توکوب عذاره اورک قانین اشگینه قاتدی

بو دللریله هامی اهل بیتی آغلاتدی 

 

دور ای دوشن قد موزونی کربلا یرینه

دولان سو مشکینه قان لخته لخته ماء یرینه

 

سالوبلا قولّاریوی سرنگون اولوب علمون

چاتوبدی باش باشا سینَنده اوخ لوا یرینه 

 

غم ائتمه یوخدی یانوندا آنان ائده ناله

اوزوم سنون دوتارام یاسیوی آنا یرینه 

 

بو رسمدور ئوله نین اقرباسی روز عزا

اوشاق بویوک هاموسی جمع اولار عزا یرینه 

 

بولولَّه یوخدی هله آغلاماقا مانع اولان

گَلوبله آل عبا بو غم و بُکاء یرینه 

 

سویوبلا بیزلری قارداش تاپولموری قاره

سالوبلا مه یوزه گیسولرین قرا یرینه 

 

وجود اقدسوین یاره سی چیخوب حَدَّن

قلج اوخ اوسته دگوب اوخ دگوب جدا یرینه 

 

نه بی مُروّتمیش بو سپاه بی انصاف

اوتانمیوب گِنه یاره ووروب یارا یرینه 

 

مناده سن کیمی قربان کسیلموب ایندیه دین

سنیله فخر ائده جاق کربلا منا یرینه 

 

ادامه احوالات حضرت زینب (س)

 

تصور ائتمه که چیخدیم کناره مطلبدن

بو یازدیقم غمه وار بیر اشاره زینبدن 

 

کومکلیق اولماسا گر اوزلریندن اهل قلم

محالدور ائده بیر نقطه نی کتابه رقم 

 

بو آستانه ده (عاصی) که کلبدن کم دور

ولیک قیمتی واردور سگ معلم دور

 

بو خانوادیه منسوب اولوبدی نسبتی وار

اورکده زینبه مخصوص بیر ارادتی وار 

 

گر عمریمون گونی کام دلیمجه ائشه وفا

الیم دلیم قلمیم صورته وئرر معنا 

 

همان او حالده که اهل بیت دل خسته

ائدردی ناله هره بیر یارالی نعش اوسته 

 

مُخدّرات که سر گرمدی مصیبتله

گزردی زینب اودشتی تمام حیرتله 

 

گئدردی گه صولا گه صاقه ناله و حیران

باخاردی هر طرفه متصل گوزی نگران 

 

چکردی آه دمادم توکردی گوز یاشینی

گزوب تفحص ائدردی یارالی قارداشینی

 

زبانحال حضرت زینب (س) در موقع کوچ:

 

دیردی هارداسان ای نور هر دو عینیم حسین

باجوی غصه هلاک ائتدی ای شه حرمین

 

هایانداسان دئ گوروم باغریمی غم ایلدی قان

سسیمی آل یارالی ویر منه ئوزووی نشان 

 

یورولموشام آنام اوغلی یوخومدی تاب و توان

بو قدر قویما گزوم قتلگاهی سر گردان 

 

ز بس پوزولموشودی حال زینب دلگیر

شه ایستدی ویره بیر باجی حالینه تغییر 

 

یارالی جسمله باجی سسینه سس وئردی

همان او قالب بی روحینه نفس وئردی 

 

آلوب همان سسی اول بنت پادشاه نجف

سالوب گذارینی گودال قتلگاهه طرف 

 

همان یره گوروب آلات حرب و اوخ توکولوب

دولوبدی داشیله از بسکه سنگ چوخ توکولوب 

 

گئدنمَدی داخی اوردان کناره اول مُضطر

تعجب ائتدی دوروب دقتیله سالدی نظر 

 

گوروب او نیزه قلج اوخ سینقی قانه باتوب

او قان ایچنده یوزی اوسته بیر یارالی یاتوب 

 

گَتوردی قارداشنون پیکرینی بیر نظره

دوتوب وجودینی لرزه خانم اوتوردی یره 

 

داخی بولوردی که تأخیره قالمیوبدی محل

او اوخ قلج سنیقین چکدی بیر کناره ازل

 

مَشام جانه یتوب نور عینینین عطری

گتوردی زینبی حاله حسینینین عطری

 

ایکی طرفدن حمایل ائدوبدی اللرینی

چووردی آرخاسی اوسته یارالی پیکرینی 

 

توکوب عُذارینه گوز یاشی چکدی دلدن آه

تعجبیله دئدی لا اله الا الله 

 

باخوب او پیکر صد پاره نون جراحتیله

تعجب ایلدی اهل جفا شقاوتینه 

 

دیدی حسین بئله ظلم و بئله جفا اولماز

بو یاره لر ندی قارداش بئله یارا اولماز 

 

بولار نه زخم قلجدور نه نیزه و اوخدور

بئله یارا آنام اوغلی نشان ویرن یوخدور 

 

بولار نه یاره سی دی جسموه ووروب دشمن

سنی بو نوعی گورونجه حسین ئولیدیم من 

 

بو سهلدور که کسوبدور باشون قفادن عدو

ائدوب مضایقه وئرموبدی بیر ایچیم سنه سو 

 

باشون کسیلماقی گر قصد شمر کافریدی

الون کسن دئ گوروم هانسی بیر ستمگریدی

 

گوروبدی ایندیه دین کیم بو ظلمین آفاقین

مگر کَسَلَّه برادر شهید بارماقین 

 

نه بی مُروّتمیش سپاه کینه سِیَر

تمام رختیوی قارداش سویوبدیلار یکسر 

 

گئدوبدی غارته حتّی او کهنه پیرهنون

قالوبدی عور قوری توپراق اوسته گول بَدَنون 

 

او کسکه ای شه عطشان سنی بو نوعی سویوب

گور عترتون آنام اوغلی سنون نه حاله قویوب 

 

ایله سویوبلا بیزی بو گروه کینه شُعار

که قالمیوبدی بو چولده خیامیدن آثار 

 

جلال و جاهیمزی ائیلیوبدویلر تاراج

اولوبدی آل پیمبر کُمک لیقا محتاج 

 

وورا وورا آلنوبدور سکینه دن معجر

سالوبدی گول یوزه گیسولرین او مه منظر

 

یوخومدی وقت اوتوروب عرض حال ائدم سنه چوخ

دوشوب یولا گئدیری کاروان مجالیم یوخ

 

نه بیر دقیقه منه گوز یاشیم امان وئروری

نه وار علاج نه مهلت بو ساربان وئروری 

 

نه اکبریم نه ابوالفضل وار نئدیم قارداش

نه عون و قاسم و جعفر نئجه گئدیم قارداش

 

 مرحوم عاصی

منبع مجموعه کانالهای مدح و مرثیه

 

----------- متن اشعار مرحوم عاصی تبریزی ---------

در احوالات حضرت امام جواد (علیه السلام)

 

ای گوزوم توک اشک چشمون گل فغان و داده آغلا

معدن سخا و جوده حضرت جواده آغلا

(آغلا ای گوزوم قان آغلا)

(گل فغانه سینه داغلا)

 

فاطمه بو گون ایدوبدور مجلس عزا اقامه

باش آچوب سیزیلدار آغلار بو جوان اُلن امامه

سیل تک سرشک چشمه سنده ویر گوزوم ادامه

ایمدی که آناسی آغلور سنده بو عزاده آغلا

 

ایله دلده بیر تصوّر حالینی بو شهریارین

گور نجه مشقّتیله قورتاروبدی روزگارین

سولدوروب خزان جفاسی باغ عمرینون بهارین

سال او سرورین ملال و غملرینی یاده آغلا

 

عمر ایدوبدی خمس عشرین بیر جهاندا وار روایت

بو آز عمریده چکوبدور چوخ بلا و چوخ مصیبت

خاطر شریفی تاپموب غصّه دن بیر آن فراغت

محنتی زیاد امامه ای گوزوم زیاده آغلا

 

معتصم زبسکه دلده باغلاموشدی بغض و کینه

قویمادی قصور و نقصان جوریده بو شاه دینه

قتلینی امامین ایتدی واگذار محرمینه

یوخ نشان ویرن او ظلمی عالم فناده، آغلا

 

سهلدور بیر عمر اولوبدور درد و محنتیله مغموم

اولمیوب جهاندا بیر کس بیر بیله غریب و مظلوم

اوز عیالینون الینده عاقبت اولوبدی مسموم

سلب اولوب توانی، تابین غم ویروبدی باده آغلا

 

نه دلیمده واردی یارا نه قلمده حال تحریر

کشف ایدم او ماجراسین یا ایدم او سمّی تحریر

بو قدر که باشه یتدی عاقبت او امر تقدیر

باطن عالمینده آغلار جدّی مصطفاده آغلا

 

بسکه ایلدی سرایت زهر کین او تاجداره

دمبدم یانوب آلیشدی دوتدی جانینی شراره

گیتدی الدن اختیاری دوشدی حال احتضاره

یاده سال گوگل او حالی گل فغان و داده آغلا

 

باد ظلمیله جمالی گل کیمی سولوب سارالدی

زهر کین عطشله باهم اختیارین الدن آلدی

جان ویرونجه ایستدی سو، سو آدی دلینده قالدی

جان ویروب تک ایوده آخِر، یان بو ابتلاده آغلا

 

حالینی خیال ایدنده دل گلور ملال و درده

اوچ گون اوچ گجه او شاهین نعشینی قویوبلا یرده

گون باخوب او جسمه یاندی اوز شعاعین ایتدی پرده

جدّینه اولوبدی وارث دهر غمفزاده آغلا

 

جدّیوه اُلن زماندا ویرمدیله بیر ایچیم سو

کسدی باشینی قفادن تشنه لب او شمر بدخو

قویدولار یارالی نعشین یرده فرقه ی جفاجو

قوم کینیه نظر قیل کینه و عناده آغلا

 

معتصم اگرچه ایتدی بو شهه عیان جفاسین

ظلمیله یتوردی قتله سویمادی ولی لباسین

یاده سال گیلن حسینین ای گوزوم او ماجراسین

سویماقا یارالی نعشین ایتدیلر اراده آغلا

 

(عاصیا) او نوحه خوان که بو سوزه اولوبدی بانی

حقّی واردی سنده دائم قیل دعا او نوحه خوانی

باعث بو مطلب اولدی سن یازاندا بو بیانی

ای گوزوم توک اشک چشمون گل فغان و داده آغلا 

 

مرحوم عاصی

منبع مجموعه کانالهای مدح و مرثیه

 

----------- متن اشعار مرحوم عاصی تبریزی ---------

زبانحال حضرت امام حسین (علیه السلام)

در شهادت حضرت علی اصغر (علیه السلام)

 

گل باجی فغانه سینه داغلا، اوخلاندی الیمده اصغریم گل

هم اصغره هم حسینه آغلا، واردور بیر اسفلی منظریم گل

 

گلموردی یوزوم گلم خیامه، گوردوم آناسی باخور اوتاندیم

میدانی بالام الیمده زینب، بیر قدر صاقا صولا دولاندیم

گه قانلی جنازه لر یانندا، گه پشت خیمه ده دالدالاندیم

آخرده بو سوز قلبیمیله بو گوز یاشیم اولدی رهبریم گل

 

آهسته بالامی آل الیمدن، باجی هله سسلمه آناسین

سیل یوز گوزونون قانین، آناسی گلسه بئله گورمسون بالاسین

انجتمه چوخ اینجیوب یاتوبدی، لای لای دئنه باغلا اوخ یاراسین

ای غصه و درد و غم شریکی، محنتلی گونیمده یاوریم گل

 

بو قانلی جنازه سی بالامون، قویما بو قدر الیمده قالسون

گل آل ویر آناسنا، دئ باجی گهوارسینه یواشجه سالسون

وار هر نه باشی قرالی یاسلی، گهواره سنون کنارین آلسون

آچسون باشینی ساچینی یولسون، دوتسونلا عزا حرملریم گل

 

دلدن باجی دوتموشام شراره، غم آتشی قلبیمی یاخاندا

الله بولوری نه چکمیشم من، حلقندن اوخی چکوب باخاندا

دمشنلریم ایلیوب شماتت، من صورته قاننی یاخاندا

علت اودور عارضیمه بئله، قانیاش توکوری بو گوزلریم گل

 

اوخ دگدی بوغازینا گوز آچدی، باخدی منه بولمورم نه بولدی

یاندوردی منی او باخماقیلا، قان آخدی من آغلادیم او گلدی

یومدی گوزونی دوشوب نفسدن، جان ویردی بالام الیمده ئولدی

از بس بوغازیندان آخدی قانی،قانه بویانوبدی اللریم گل

 

خلوت گه یاره یولادیم من، بو گون باجی بیر دولی گلستان

تک تک هاموسی او گللر اولدی، زیبنده بزم راز جانان

گوردوم قالوری او گلستاندان، ببر غنچه گولوم منیم باجی جان

افزایش زیب و زینت اولدی، اول بزمه بو غنچه تریم گل

 

تشنه ئیدی بالام ز بس سوسوزلوق، آلمیشدی الیندن اختیارین

سولدورموشدی خزان گلی تک، آثار عطش بو گل عذارین

اوچ شعبه لی تیر رحمه گلدی، گوردی باجی حال احتضارین

قان ویردی بو طفله سو یرینه، قان اولدی دل مکدریم گل

 

دینموردی الیمده یوخلامشدی، اوخ دگدی بوغازینا اویاتدی

گوردی که اوشاقدور آغلیاجاق، لای لای دئدی اوخ دوباره یاتدی

دئ گلسون آناسی ایستمز سو، سو فکرین آتوب مرامه چاتدی

یوخدور سودی چکمسون خجالت، سرمستیدی سودن اصغریم گل

 

یاندیم شرر غمه آلشدیم، سو تک بالامون قانی آخاندا

باخدیم صولا صاقه حسرتیله، حسرتله بالام منه باخاندا

دنیا یوزینه او قانی یاخدیم، قانین بالامون یوزه یاخاندا

آثارینی انتقامه ساخلار، گوگلرده خدای داوریم گل

 

بو غم ایله حالیمی پوزوبدور، آنلار هامی اهل دل سوزومدن

آخسا یری وار بو گوز یاشیم تک، گر خون جگر ایکی گوزومدن

گل آل ویر آناسینا بالاسین، گلمور باجی جان منیم یوزیمدن

دئ ویرسون او بی کسه تسلی، وار نه هر سیاه معجریم گل

 

هر بیر اوشاقی آچاندا سوددن، بو رسمدی ناز ایدر آنایه

اما آناسی بالا یولوندا، صبر ایلر هامی غم و جفایه

نسگلدی بو غم منیم بالامه، اوچ شعبه لی تیر اولوبدی دایه

زحمتله باجی آچلدی سوددن، بو مهجه قلب مضطریم گل

 

بیر عمریدی یا حسین (عاصی) حسرتدی بولورسن اول مزاره

هر شام و سحر اورکدن ایستر، آغلار توکر اشگ تر عذاره

ایسته سنی زینبون بو وقفه، لطف ایلیه بو چشم انتظاره

قویما قالا حسرتیم اورکده، یاز آدینی باری نوکریم گل.

 

مرحوم مشهدی حسن عاصی

منبع مجموعه کانالهای مدح و مرثیه

 

----------- متن اشعار مرحوم عاصی تبریزی ---------

احوالات حضرت فاطمه زهرا (سلام الله)

 

باشیندا شور عشقُ الله اولان بیر باش بئله یاتماز

خصوصاً بیر باشیکه واردی قلبینده گِلَه یاتماز

 

قالان باشسیز عیالی ظلموله قید و سلاسلده

قولون آچدیرماسا زنجیردن سرسلسله یاتماز

 

دلیل کاروانِ عشق اولان نوک جدالرده

یورولماز یتمینجه قافله سرمنزله یاتماز

 

لبِ دریاده عطشان باش وئرن کوی محبتده

عیالین چکمسه گرداب غمدن ساحله یاتماز

 

یرینی میهمانون میزبانی ائتمسه راحت

ئوزی آسوده اولماز نازیله هرگز بئله یاتماز

 

اوزاق یولدان آنان ای نور دیده دیدیوه گلمیش

دل شبده اوغول مشتاق اولان درد دله یاتماز

 

خطرناک ئولکه ده دشمن ایچینده اهل بیتندن

اولوب غافل بو نوعیله امیر قافله یاتماز

 

گلوب شور اوسته زینب ، نی کیمی دلدن نوا ایلر

بالا قزلار قولوندا وار نه قدری سلسله یاتماز

 

شکسته دل قرانلوق خیمه ده جور مخالفدن

گول اوزلی قزلارون بلبل کیمی گَلمیش دله یاتماز

 

رُبابون ناله سی قویماز سکینه خواب ائده بیر آز

رقیه داد ائدر اولموش ایاقی آبله یاتماز

 

حجازی ترک ائدن دشت عراق ایچره اولان محصور

او پای ناقۀ لیلا اگر دوشسه گیلَه یاتماز

 

بو مکتبده هله ناقصدی تحصیلاتی «عاصینون»

دولونجه نخل تحصیلاتی کامل حاصله یاتماز

 

مرحوم عاصی

منبع مجموعه کانالهای مدح و مرثیه

 

----------- متن اشعار مرحوم عاصی تبریزی ---------

شهادت حضرت امام جعفر صادق (ع)

 

آغلا قان آغلا گوزوم عالم بوگون مغموم اولوب

صادق آل محمّد ظلمیله مسموم اولوب

 

غملنوب بو گونده عالم   سنده آغلا ساخلا ماتم

 

جنّت ایچره باش آچوبدور مصطفی و مرتضی

وای اوغولوای سسلیوب ایلر نوا خیرالنّسا

جای بهجت روضه ی رضوان اولوب ماتم سرا

انبیا و اولیا بو غصّه دن مهموم اولوب

 

بو شهین گر چکدیقی محنتلری تقریر اولا

قورخورام بو آه آتش باریم عالمگیر اولا

گر یازا مین اهل دل ممکن دگول تحریر اولا

شرح حالینده او سوز که مقتله مرقوم اولوب

 

چوخ جفا ایتدی اوز عصرینده بو شاهه اهل کین

چکمدی ظلم و ستمدن ال گروه مشرکین

عاقبت ناچار اولوب بیر اولوب خانه نشین

گون به گون خلقه ولی حقّیّتی معلوم اولوب

 

اهل حقّه راه حقده اولدی بیر نوعی سراج

حکم دین احکام شرع مصطفی تاپدی رواج

اولدی منصورین گوزینده روز روشن لیل داج

اوز هوای نفس شومین نفسینه محکوم اولوب

 

دوشدی بو فکره که سوندورسون او نور مطلقی

بیر نچه تدبیر ایدوب قتلینده اول شوم و شقی

زهریله مسموم ایدوب آخِر امام بر حقی

یاندی اکبادی، حیاتیندن او شه محروم اولوب

 

گرچه مقتول اولدی زهریله بو شاه ممتحن

ویردی اوز اوغلی ولیکن غسلینی، ایتدی کفن

قویدی قبره، بیله دور شرع خدای ذوالمنن

دفن فوری امردور، شرعاً بیله مرسوم اولوب

 

آه یا صاحب زمان، افسوس یابن العسکری

دفن اولونمادی ندن جدّون حسینین پیکری

گون قباقینده قالوب اوچ گون وجود اطهری

گور حسین تک کیم بو عالمده بیله مظلوم اولوب

 

دفنینون آلسان خبر علّت اگر تاخیرینه

وار نچه سرّی که عاجزدی قلم تحریرینه

کوفه ده سجّادی گور، باخ بوینونون زنجیرینه

نیلسون سجّاد، اسیر اشقیای شوم اولوب

 

گلدی اوچ گوندن صورا اوغلی او فخرُ السّاجدین

شاه عطشان نعشینی دفن ایلدی زار و غمین

بیر کفن ایتدی کفنسیز شاهه اول هادی دین

نه کفن گور جدّیوه اکفانیدن محتوم اولوب

 

بیر حصیری که اونا غارتگران بی حیا

خیمه سین تاراج ایدنده ایتمه میشدی اعتنا

اولدی اول جسمه کفن که ذات حقدور خونبها

حق اوزی بیر بیله مظلومیّته مغموم اولوب

 

عاصیا چوخ سُفله پروردور بو چرخ کجمدار

محترم اشخاصی دائم ذلّته ایلر دچار

بو دنی دنیانین اولما اهلینه امّیدوار

گورموسن مهر و وفا بو خلقیدن معدوم اولوب

 

مرحوم عاصی

منبع مجموعه کانالهای مدح و مرثیه

 

----------- متن اشعار مرحوم عاصی تبریزی ---------

زبانحال حضرت لیلا (سلام الله) به

 حضرت علی اکبر (علیه السلام)

 

علی آغلار گوره بولمم،او چشم شوخ و شهلانی

گوتوردم سندن ال گئت آغلاما آغلاتما لیلانی

 

دوزلموش صف به صف خنجر الینده لشگر اعدا

قدم قوی عرصه میدانه هرگز ایلمه پروا

اوزون راضی آتان راضی رضادور هم آنان لیلا

مخضب گورماقا قانیله بو زلف مطرانی

 

بولورسن بسته دور کونلوم او گیسوی پریشانه

گتور بیرده وروم شانه او زلف عنبر افشانه

چکوم سرمه گوزیوه ، گوندریم بو قانلی میدانه

باخان احسن دیسون نقاشیوه ای یوسف ثانی

 

علی زخم خدنگیله وجودین دولسا خرسندم

یوزون زلفون گوزون قانیله الوان اولسا خرسندم

سموم ظلمله گل عارضون گر سولسا خرسندم

داخی سندن صورا لیلا نئدر سیر گلستانی

 

بو مهر و بو محبتله نه نوعی ال اوزوم سندن

اولونجه سیر ائدم گوز قاشیوه دویماز گوزوم سندن

فلک دوندرمسه دونمز علی هرگز یوزوم سندن

باشون آردیجا عشقین گزدیرر بو خانه ویرانی

 

نه قدری عندلیبه صعبیدور گلشندن آیرلماق

منه یوز ائله مشکلدور عزیزیم سندن آیریلماق

اولومدن سختیدور لیلایه آخر سندن آیریلماق

اودور اوز مرگیمه ایندی رضایم من علی جانی

 

بئله بولمه غم هجرون علی ائتمز منه تاثیر

نه چاره ائیلیوم من بینوا تقدیره یوخ تدبیر

ائدوب لوح قضا بو نوع لوح قسمته تحریر

دولانسون باش آچوخ مجنون صفت لیلا بیابانی

 

سنه حاشا دئیم میدانه گتمه نوجوانیم گئت

گوزوم نوری عزیزیم ای منیم آرام جانیم گئت

ولیکن بیرجه دور من باشیوه بیرده دولانیم گئت

بلا گردان ایله اوز باشیوه بو دیده گریانی

 

روادور نوکرون (عاصی) گونی گوندن غمه دولسون

او قدری یالواروب،سندن ده آخر نا امید اولسون

آناسی ناله ایتسون فرقتینده زلفونی یولسون

اوغول ذکر ایلیوب عرشه اوجالسون آه و افعانی

 

 مرحوم عاصی

منبع مجموعه کانالهای مدح و مرثیه

 

----------- متن اشعار مرحوم عاصی تبریزی ---------

زبانحال حضرت زینب (سلام الله)

در اربعین

 

ای زینبی آغلار قویان وای قارداشیم وای

گَلدی باجون یاتما اویان وای قارداشیم وای

 

زینب بو توزلی قبریوه قربان یارالی

اوخشار باجی قارداشینی آغلار یارالی

قارداش گیدنده شامه من باشی بلالی

گونلر ایوینده نعشیوی گوردوم یارالی

یاددان چخارتماز زینبون هرگز او حالی

قیلّام گئجه گوندوز فغان وای قارداشیم وای

 

غم گوزلریمون بارشین دوندردی ابره

اولدوم ته دلدن ولی تسلیم صبره

کیم غسل و کفن ایتدی سنی، کیم قویدی قبره

ای پادشاه انس و جان وای قارداشیم وای

 

قارداش حسین آخِر سنه کیم قبر قازدی

شش گوشه قبرون اوسته کیم بو خطّی یازدی

گَلسم اُلونجه شیون و فریاده آزدی

گوز یاشیمی ایتسم روان وای قارداشیم وای

 

عورت اوشاق شامه گیدنلر دست بسته

پوزقون، پریشان، سینه سوزان، دل شکسته

بو اربعین گَتدیم تماماً قبرون اوسته

ناله کُنان و مو کَنان وای قارداشیم وای

 

واردور رقیّه جانبیندن انفعالیم

سرّی اودور بو نوعیله پوزقوندی حالیم

حالی دوشنده یادیمه آرتار ملالیم

ویرانه یرده ویردی جان وای قارداشیم وای

 

اولموشدی غمدن زلف تک حالی پریشان

ایتمیشدی غصّه قلبینی لاله صفت قان

ویردی قوری توپراقلار اوسته آج سوسوز قان

ویرانه ده ایتدی مکان وای قارداشیم وای

 

سندن او گون که جبریله اولدوم جدا من

نه ظلم لر ایتدی منه بی رحم دشمن

شامه کیمی نه چَکمیشم آگاه سن سن

دل یوخ ویرم شرح و بیان وای قارداشیم وای

 

نوک جدانی طلعتون دوندردی طوره

گَتدون کلیمُ اللهی سن عشقونده شوره

خولی قویوب اوّل گئجه باشون تنوره

اولدون کُل اوسته میهمان وای قارداشیم وای

 

 مرحوم عاصی

منبع مجموعه کانالهای مدح و مرثیه

 

----------- متن اشعار مرحوم عاصی تبریزی ---------

 زبانحال حضرت زینب (سلام الله)

در فراق حضرت زهرا (سلام الله)

 

گوزلریم غمدن توکر قان یاش آنا یافاطمه

زینبون سنسیز ئولیدی کاش آنا یافاطمه

 

ظلم الیندن سن اجل پیمانه سین نوش ایلدون

زینبی عمرینجه اندوه و غمه توش ایلدون

اوز قرا رختیم تک آخِرده سیه پوش ایلدون

ایلدون محنتلره یولداش آنا یافاطمه

 

سن چکن درد و غمی هر دم که من یاد ایلرم

نی کیمی قیلّام فغان و ناله فریاد ایلرم

تا باخوب گورّم یرون بوش آغلارام داد ایلرم

قلبیدن یانّام من کول باش آنا یافاطمه

 

ای مصیبت کش آنا سنسیز منیم گولمز یوزوم

شام هجرانون کیمی شامه دونر هر گوندوزوم

آختارار دائم سنی صبح و مسا آغلار گوزوم

دل یانار، دیدم توکر قانیاش آنا یافاطمه

 

بو نه طالعدور که کوللر باشیمه توکدی فلک

ایلدی قان باغریمی بو خوردا وقتی غنچه تک

یالقوز ایوده بوینی چیگنینده الیم قوینومدا تک

آغلارام گاهی علن گه فاش آنا یافاطمه

 

بی سبب اوج ایلمز آهیم سپهر اطلسه

مایه ی غمدور حسینیله حسن من بیکسه

امّ کلثومیله قیلّوخ ناله ویرّوخ سس سسه

آغلینده بو ایکی قارداش آنا یافاطمه

 

گه سنون نسگل لرون من یاده سالّام آغلارام

گاهی بو چادر شبوندن عطرون آلّام آغلارام

کوکب بختیمده گه حیرتده قالّام آغلارام

ویردی آخِر برج غمدن باش آنا یافاطمه

 

جسمیدن بیر آن تعدّی رختین اعدا سویمادی

اود ووروب درگاهیوه، یاندوردی قلبون دویمادی

ای حیا کانی ایوونده آغلاماقه قویمادی

اولمادی راضی اونا اوباش آنا یافاطمه

 

سن آنا یافاطمه اولسان قیامتده پناه

عفو ایدر خالق نه قدری ایلیوب (عاصی) گناه

روز محشر محشره گلمز یقیناً روسیاه

لطفون اولسا دانه ی خشخاش انا یا فاطمه

 

مرحوم عاصی

منبع مجموعه کانالهای مدح و مرثیه

 

----------- متن اشعار مرحوم عاصی تبریزی ---------

زبانحال حضرت زهرا (سلام الله)

 

عم اوغلی گیتمه کناره منیم کناریمدن

چوخ آز زمان قالوری عمر مستعاریمدن

 

منه یقیندی یتوب غملی گونلریم باشه

سنه عیان دی سوزوم حال احتضاریمدن

 

بلالی باشیمی آل لطفیله دیزون اوسته

سرشگ آلیمی سیل چشم اشکباریمدن

 

گوزوم یوزونده عم اوغلی، باشیم دیزون اوسته

بو غملی وقتی اولوم شاد بو نظاریمدن

 

بو مدتی که اوزوم بستری مریضم من

سیزیلتیم عرشه چخوب بو دل فکاریمدن

 

دیوب حیاتیدن اوز مرگیمی گجه گوندوز

اورکدن ایسته میشم حی کردگاریمدن

 

یتیشموشم من او مقصوده، آز قالور روحیم

کسه علاقه سینی بو تن نظاریمدن

 

عم اوغلی ایستورم آخر نفسده عرض ایلیم

حضور پاکوه ایام ناگواریمدن

 

چکنده مسجده ثانی سنی قولی باغلی

دیمه مضایقه ایتدیم اوز انتصاریمدن

 

باشاردیقیم قدری ایلدیم کمک لیق او گون

سنون یولوندا من ال چکدی اوز وقاریمدن

 

او قدر ووردی منه تازیانه قنفذ دون

عنان صبر منیم چخدی اختیاریندن

 

عم اوغلی آیریلیق هنگامی دور، داخی ئولورم

بو گون الیم اوزولور سندن اهل داریمدن

 

عمل ایله او وصیتلری که ایلمیشم

مباد اینجیه سن رنج بی شماریمدن

 

گجیله قیل منه غسل و کفن گجه وقتی

مزاره قوی بابامی قورتار انتظاریمدن

 

منی گر ایستسه گوگلون مزاریم اوستونه گل

حسینه ده دئ ایاق چکمسون مزاریمدن

 

چمنده گورسن اگر بیر گلی سولوب سارالوب

منیمده یادیوه سال بو سولان عذاریمدن

 

او داغ دل دگی لاله آلوب اورک باشنا

او بیر نشانه دی بو قلب داغداریمدن

 

بنفشه بی سبب اولموبدی سربدوش و غمین

اونا موثر اولوب درد و انکساریمدن

 

او اهل دل که گورر قبریمی منیم گزلین

اولار که حالی اولا درد آشکاریمدن

 

او حالمین سببین آلموسان خبر مندن

دیمه میشم واریدی عذریم اختباریمدن

 

چون ایستمزدیم اولا خاطرون ملول و غمین

بولونمین محن و تیره روزگاریمدن

 

سیزیلدادوب منی چوخ آغلادان یقین بوله سن

ویرنده غسلیمی بو صدر زخمداریمدن

 

مرحوم عاصی

منبع مجموعه کانالهای مدح و مرثیه

 

----------- متن اشعار مرحوم عاصی تبریزی ---------

 زبانحال امیرالمومنین 

بعد از دفن حضرت زهرا (سلام الله)

 

فارغ اولدی دفن زهرادن ولی کردگار

حسرتیله باخدی قبره چکدی آه شعله بار

 

گوردی زهرادن اوزولدی دست دست ذوالجلال

اولدی رخسار غبار آلودینه اشگی نثار

 

های هاعیلن چکوب سس آغلادی شیر خدا

نصف شبده فرشدن عرشه اوجالدی آه و زار

 

گوردی وار نه بیر نفر آلسون اورکدن دردینی

نه ایدن وار قبر زهرادن او بی یاری کنار

 

یادینه دوشدی او دم مهر و وفای فاطمه

اودلانان قلبی علاوه آلدی اوددان بیر شرار

 

سویلدی آخر نه تیز دویدون علیدن فاطمه

نولدی اول الفت، او علقه، بس او مهر بی شمار

 

مین دلیله دردیمی دلدن آلاردون سن منیم

غملی وقتیمده اولاردون سن منه غمخوار و یار

 

قبریدن بیر باش گوتور یافاطمه آچ گوزلرون

قبرون اوسته بو پریشان حالیمه ایله نظار

 

بیر قدر دردین دیدی بیر قدر یاندی آغلادی

گوردی یوخ بیر کیمسه دن بیرده امید انتظار

 

قبر زهرادن دوروب گوز یاشلی آیریلدی علی

اولدی دودمانینه پوزقون پریشان رهسپار

 

نه گلور دیز دورماقا نه دل دوزور آیریلماقا

گه گیدور گاهی دورور قبره باخور زار و فگار

 

گلدی گوردی زینب و کلثوم دوروبلار منتظر

اللری قوینوندا ، گوزده اشک ، دلده اضطرار

 

شه اوزی آخر تسلی ویردی اوز اطفالینه

ساکت ایتدی آغلاماقدان اول ولی کردگار

 

باخدی زینب بیر علی المرتضانون حالنه

صورته ایتدی دوباره اول در اشگین نثار

 

ابر نیسان تک علینون گوزلری گوردی دولوب

آغلاماقه بیر بهانه آختارور اول شهریار

 

سویلدی زهرا یوزین نه نوع قویدون تپراقا

قبریده نه نوعیله یاتدی اوجسم زخمدار

 

 مرحوم عاصی

منبع مجموعه کانالهای مدح و مرثیه

 

----------- متن اشعار مرحوم عاصی تبریزی ---------

 احوالات شهادت حضرت زهرا (سلام الله) 

 

رو به قبله گوردی روح قبله ایمان یاتوب

جسم رنجوریله جان عالم امکان یاتوب

 

رنگ زردی طاق آهیندن آلوب قندیل نور

بستر مهتابده گویا مه تابان یاتوب

 

موج اشگه غرقدور گویا دل گردابده

کشتی بی بادبان بشکسته طوفان یاتوب

 

تاب غم تضعیف ایدوب بیر نوع جسمین گوئیا

سایه تن بستر ابهامده لرزان یاتوب

 

آستان طور سینای لقای یارده

پور عمران تک اولوب محو رخ جانان یاتوب

 

پرده پرده نای دلده، واردی مین آوای درد

شمع سوزان تک دلی بی ناله و افغان یاتوب

 

بلبل آسا ایلمز شکوه جفای خاردن

جلوه گلدن ز بس خاموش اولوب حیران یاتوب

 

تیره شب، اول گوز که مشگل درک ایدیدی خواب ناز

روز روشن نه گوروب یا رب بیله آسان یاتوب

 

زلفی اورتوب عارضین گویا خزان هنگامی دور

باشینی بلبل پر آلتندا ایدوب پنهان یاتوب

 

رختخواب مرگده یاللعجب بنت رسول

خصم کم فرصت جفاسندن تاپوب امکان، یاتوب

 

شمع خلوتگاه عصمت آز قالور اولسون خموش

زلف زینب تک جهانی غمدن ایتسون تیره پوش

 

پوزدی حالی، حال شیر حق، ولی داوری

عین حقین خون دلدن دولدی حق بین گوزلری

 

ایتدی تکرارا پیمبر بضعه جانین صدا

قالب زهرایه قوت ویردی صوت آشنا

 

گوزلرین آچدی باشی اوسته گوروب جانانینی

دردمند هجر تاپدی وصلدن درمانینی

 

بزم صحبت ایتدی برپا مرتضی و فاطمه

ویردی زهرا عمرینون ختمی او بزمه خاتمه

 

نه حکایتلر اولوب مابینده رد و بدل

بولدی زهرا و علی بیرده خدای لم یزل

 

بیر ایشقلی گون سحاب مرگده ایتدی افول

ظلمت اندوهه غرق اولدی هامی آل رسول

 

مرحوم عاصی

منبع مجموعه کانالهای مدح و مرثیه

 

----------- متن اشعار مرحوم عاصی تبریزی ---------

 زبانحال حضرت زهرا (سلام الله)

 در حال احتضار

گل باشیم اوستونده اگلش ایلمه تاخیر عم اوغلی

ایله بیر یاسین تلاوت، مصحفه تفسیر عم اوغلی

 

ببر نچه گوندور که ثانی سوندوروب زهرا چراغین

فاطمه ترک ایلیوبدور سیرینی گلزار و باغین

روز و شب آغلار گوزیله مرگمین آلدیم سراغین

ایندی بولم باشه یتمیش باشداکی تقدیر عم اوغلی

 

باشیمی بو صون نفسده بیرده لطفاً آل کناره

سیل گوزوم یاشین ولیکن باخما بو نیلی عذاره

اولماسون باعث ئولنجه سنده چشم اشگباره

من اوزوم رمزیله قیلام علتین تقریر عم اوغلی

 

امت بی شرم او گونکه آچدیلار دست تعدی

اولمادی اولسون عم اوغلی جور و ظلمین حصر و حدی

جور قنفذ، ظلم ثانی اولدی هر ظلمین اشدی

بولدولر ماذون دگولسن چکماقا شمشیر عم اوغلی

 

ایستدی دریای صبرین ائتسین غصه تاراج

ایلدون ایله تحمل آلدون آخر صبریدن باج

ایلدیم منده او گوندن بو یانقلی قلبی آماج

هر کمان درد و غمدن قورتولوب بیر تیر عم اوغلی

 

بو تحمل گتدی از بس جرئته اهل جفانی

قویدولا بند رسنده تا ید مشگل گشانی

گوردولر باغلی طنابه پنجه شیر خدانی

اولدولار روبه صفتلر هر بیری بیر شیر عم اوغلی

 

ایتدیلر غصب خلافت، بوینووا شالون سالانلار

ساتدیلار دنیایه دینین، ملکومی الدن آلانلار

گل کیمی سولدی ایویمده اوچ گجه گون آج قالانلار

فاطمه باخدوقجا یاندی اولدی جاندان سیر عم اوغلی

 

شعله آهیم عم اوغلی یاندروب افلاکی یاخدی

درد الیندن گوز یاشیم تک، خوندل رخساره آخدی

داغ بر دل اولدی لاله، قلبیمون داغینه باخدی

ساخلادی لاله دلیمدن دلده بیر تصویر عم اوغلی

 

سربدوش اولماق بنفشه گوردی مندن مشقین آلدی

هر قیزیل گل گلستاندا رنگیمی گوردی سارالدی

قالدی بلبللر نوادن تا منیم نالم اوجالدی

بیرده گورمز بیر جوان گل باغبان پیر عم اوغلی

 

ساخلادی زنبق بو نیلی صورتیمدن بیر نشانه

گوردی غنچه باغریمی قان، پرده پرده دولدی قانه

سرو سیریندن دایاندی باخدی من قدی کمانه

یتدی شمشاد و صنوبر حالینه تغییر عم اوغلی

 

قلبیمون بولسه ملالین بیرده آچماز گل چمنده

زلفومی گورسه آغارموش، بیتمز هیچ سنبل چمنده

سمعنه یتسه سیزیلدیم لال اولار بلبل چمنده

بیرده اولماز گلدن اوتری خاره دامنگیر عم اوغلی

 

خجلتیندن گون سارالدی رنگیمی گوردی پریده

آی دونوب غمدن هلاله قدیمی گوردی خمیده

هر گیجه اولدوز ساننجا مندن آخدی اشگ دیده

صفحه صورتده ایتدیم قدرینی تحریر عم اوغلی

 

باشه ویردیم من عم اوغلی محنت دار فنانی

جانشین قویدوم یریمده زینب بخت نورانی

ایندیدن قیلام مجسم وقعه کرب و بلانی

گوئیا گورم که اولموش بسته زنجیر عم اوغلی

 

سن عم اوغلی اولما راضی قلب (عاصی) غمله دولسون

صرصر ظلمیله آخر عمرینون گلزاری سولسون

طایر بی آشیان تک بالنی صیاد یولسون

احتیاج ایتسون شغال و کرکسه نخجیر عم اوغلی

 

مرحوم عاصی

منبع مجموعه کانالهای مدح و مرثیه

 

----------- متن اشعار مرحوم عاصی تبریزی ---------

زبانحال حضرت رباب (سلام الله)

 

ای بو قربانگاه حقده بیر قوزی قربان اوغول

کیم بوغازوندان ووروب اوچ شعبه لی پیکان اوغول

 

هانسی قربانی اوغول ذبح ایلیوبله تیریله

یا بیله رفتار ایدوب صیّاد بیر نخجیریله

زهرلی اوخ نسبتی یوخ طفل بی تقصیریله

ظلمیده طغیان ایدوب بو فرقه ی عدوان اوغول

 

بو امیدیله علی میدانه گوندردیم سَنی

حالیوی بلکه گوروب رحم ایلیه قوم دَنی

بُلمدیم بو باره ده عفو ایت گذشت ایله مَنی

سو یرینه قوم کین پرور ایچیردَر قان اوغول

 

اِزدیاد دردیمه بو نکته دور اولموش سبب

قالدون اوچ گون اوچ گئجه ای غنچه لب سن تشنه لب

بونلا بیله من سنه لایلای دیردیم روز و شب

راضی اولمازدیم که اولسون گوزلرون گریان اوغول

 

آلتی آی صبح و مَسا چکدیم تمام زحمتون

شیره ی جان سود یرینه ویردیم ایتدیم خدمتون

سنده تیز کَسدون بو بیر ساعتده مندن الفتون

ایلدون عمریمجه توش محنت هجران اوغول

 

شدّت سوز عطشدن سینمی ایتدون خراش

حالیوه باخدوقجا من آخدی گوزومدن قانلی یاش

ایلدیم بونلا بیله دردون علاجینده تلاش

حیف اولا اولمادی مندن دردیوه درمان اوغول

 

گرچه بیر مدّت منی محنتله دمساز ایلدون

ناله ی لیلائیله دائم هم آواز ایلدون

شه حضورینده ولی یاخشی سرافراز ایلدون

خاکِ پایِ شاهه اولدون تشنه لب قربان اوغول

 

گُلشن اسلامی گوردون سولدوروب قوم عدو

قانیویله ویردون آخِر گُلستان دینه سو

تا جهان وار گُلشن اسلامیده وار رنگ و بو

ایتمیسَن دین مبینه خدمت شایان اوغول

 

اوچ گئجه گوندوز علی لای لای دیدیم هر آن سنه

بیر یاتوب دینجَلمدون اولسون آنان قربان سنه

نه دیلیله دیندیروب لای لای دیدی پیکان سنه

بیله راحت یاتموسان گوز آچموسان بیر آن اوغول

 

آتش غم یاندیرور از بس من زاری یاخور

اشک چشمیم تک عُذاره قلبیمون قانی آخور

سس اوجاتماقا نیدیم سلطان مظلومان باخور

قورخورام خجلت چَکه مندن شه عطشان اوغول

 

اولماسا مانع حیا من سس چکوب بیر آغلارام

سوزِ آهیمله دل آل عبانی داغلارام

اشکیله قانون یوووب، زلفومله زخمون باغلارام

لیک معذورم منِ حیران و سرگردان اوغول

 

اوچ گئجه گوندوز که سن لب تشنه قالموشدون علی

طاقت و آرامیمی قلبیمدن آلموشدون علی

بیر ساری گُل تک گیدن وقته سارالموشدون علی

اولموسان قونداق دولوسی لاله ی نُعمان اوغول

 

عاصینی غملر یوروب، درد ایلیوب زار و علیل

بستر محنتده دور بیر عمریدور طول و طویل

صدق اوزیله آستان پاکیوه دوشموش دخیل

سندن ایستر درد بی درمانینه درمان اوغول

 

 مرحوم عاصی

منبع مجموعه کانالهای مدح و مرثیه

 

----------- متن اشعار مرحوم عاصی تبریزی ---------

 احوالات دفن حضرت فاطمه زهرا (سلام الله)

 

الغرض حمل اولدی زهرا جسم پاکی مدفنه

گلدی معناده سماوات اهلی داد و شیونه

 

شیر یزدان توکدی اشگ دیده گریانینی

اوز الیله قویدی قبره اوز عزیز جاننی

روشنان چرخ ظلمات شب دیجورده

خیره اولموش بو، تراب ابچره مه مستورده

 

غرق خاموشی در و دشت و زمین و آسمان

حالت بهت و تحیرده هامی کون و مکان

ناگهان سندی سکوت محض بیر آوازیله

دولدی بو آوازیدن اقطار، سوز و سازیله

 

لحن دردانگیزیله گلدی مقاله بو تراب

تربت قبر بتوله ائیلدی بیله خطاب

ای تراب تیره نور دیده طاهادی بو

دفن اولور گزلنجه سنده، حضرت زهرادی بو

 

ببر آز عمریله جهاندا چوخ چکوب رنج و بلا

روز و شب آزار ایدوبدور اینجیدوب اهل جفا

سرو تک قدی اولان بار مصیبتدن دوتا

مصطفی ریحانه سی انسیه حورادی بو

 

بو وجود محترم که ایلیوبدی سنده نزول

احترامین سانمیوب دنیاده اشرار جهول

رتبه و شان و مقاماتنده حیراندور عقول

بحر عزتده اولان بیر گوهر والادی بو

 

بسکه جان فرسادی درد فرقتی من بیکسه

قان اولان دل، چوخ چتندور رشته الفت کسه

آغلورام هی سسلورم سس ویرمور آخر بو سسه

قبری اوسته بیر دیمور نه شور و واویلادی بو؟

 

بو همان زهرادی دنیاده یوزی هیچ گلمیوب

روز و شب قان آغلیوب بیر استراحت بولمیوب

انقضای عمریله بو زار و مضطر ئولمیوب

نسگلی چوخدور قتیل فرقه اعدادی بو

 

بو همان زهرادی حقی غصب اولوب فاش و علن

نعشین اما نصف شب دفن ایلورم گزلینجه من

ای تراب تیره آغوشونده راحت ساخلا سن

درد و محنتلر انیسی، مونس ایذادی بو

 

بو همان زهرادی حسرتدور ملک پابوسینه

تازیانه ووردی اما اشقیا بازوسینه

سینوه آهسته آل، صدمه یتوب پهلوسینه

درد سقطیله ئولن صدیقه کبرادی بو

 

بو همان زهرادی دائم حضرت خیرالانام

بضعه منی خصوصینده دیردی صبح و شام

لیل تار ائتدی گوزینده گوندوزی قوم ظلام

باخمادیلار مهجه قلب شه بطحادی بو

 

بو همان زهرادی هر موقع گورنده مصطفی

ورد و ذکریدی آتاسی بو قیزا اولسون فدا

بیله شانین صاحبین ئولدوردی ثانی برملا

سانمادی مخدومه دنیا و مافیهادی بو

 

ای تراب تیره زهرا چوخ یانوبدور اودلارا

یاندیراندا درگهین ثانی یخوب توپراقلارا

جسمینی سالما فشاره، سنه سینده وار یارا

طاقتین یاره آلوب بی طاقت و یارادی بو

 

بو همان زهرادی ای نعش بتوله خوابگاه

یر سالوردی گر دوشیدی جسمینه بیر پر کاه

نیلی سیلی ندور گل صورتینده آه آه

سن سوروش سرین دیسون، صورتده نه معنادی بو

 

بو همان زهرادی هر گون باش وئرردی قرص هور

بو امیدیله که ایتسین درگهندن کسب نور

سر ان اعرف وجودینده بونون ایلیوب ظهور

نسخه مشروح توحید حق یکتادی بو

 

بو همان زهرادی اون بیر گوهرین دریاسیدور

محفل قدسین چراغ انجمن آراسیدور

حسنی اکلیل نبوت دره البیضاسیدور

نوع انسانه نشان فضل کرمنادی بو

 

بو همان زهرادی مفخردور وجودی خلقته

اصل تکوین جهان بوندان یتوب حیثیته

ذاتی رحمت، لطفوله شرم و حیاسیز امته

هر سراشیب بلاده عروه الوثقی دی بو

 

بو همان زهرادی گورموبدور یوزینی آفتاب

بو وجوده مقنعه اولموش، حیا ، عفت نقاب

کسب عصمت ایلیوب بوندان هامی عصمت مآب

گلستان عصمته بیر نو گل زیبادی بو

 

یاتدی سنده بو گجه بیر خسته رنج و ملال

قویدی بیر جمعی آیوق، بو یاتماقیله ماه و سال

داد بو هجرانیدن یوخ بیرده امید وصال

کیم بولور مندنصورا نه محنت عظمادی بو

 

عاقبت دفن ایتدی، زهرادن ال اوزدی شاه دین

منزله گلدی ملول افسرده حال و دل غمین

گوردی زهرانین یرین بوش چکدی آه آتشین

آغلادی ذکر ایلدی نه بی وفا دنیادی بو

 

مرتضایه چوخ اثر ایتمشدی هجران بتول

اولدی علت نالیه شام غریبان بتول

سس سسه ویردی او شاهیله یتیمان بتول

ای گوزوم آغلا عزای حضرت زهرادی بو

 

مخفیانه نصف شبده قوردولار بزم عزا

فرشدن اوج ایتدی عرشه داد و فریاد و نوا

یاندورب سکان عرشی بو عزای غم فزا

بولمورم نه سریدور نه ماتم اخفادی بو

 

(عاصیا ) مطلق سنه روح القدسدن یتدی دم

بو دم آلماقدان بو نوحه دفتره اولدی رقم

دست خالی اولماسان، محشر گوننده چکمه غم

مغفرت اسبابدور سرمایه عقبادی بو

 

 مرحوم عاصی

منبع مجموعه کانالهای مدح و مرثیه

 

----------- متن اشعار مرحوم عاصی تبریزی ---------

 زبانحال حضرت ابوالفضل (علیه السلام)

به حضرت امام حسین (علیه السلام)

 

قارداش یارالی باشیم قالوبدور، بو لشگر بیشمار الینده

گل قویما بو شیر زخمداری، صیاد ستم شعار الینده

 

بیر صید خدنگ خورده تک من، مین رحمسیز اووچیا دچارم

شیرم، کسیلوبدی دست پنجم، روباه صفتلره شکارم

یوخ دادرسیم بو صون نفسده، قارداش سنه بیر امیدوارم

صیاد ستمگرین برادر، وار بیر یارالی شکار الینده

 

بیر صدمه جفائیله یتشدی، بو لشگر شوم و فتنه جودن

سلب ائتدی وجودیمون قواسین، جبریله بوشالدی سو سبودن

یوخ منده گوروله جنگه قدرت، هی یاره ورولا چار سودن

جانه یتشوبدی قارداشون گل، بو فرقه نابکار الینده

 

قالمور او قدر که تار عمری، سر پنجه کین ایده گسسته

تشریفوه منتظردی شاها، بو ساقی ساغری شکسته

گلسن گوره سن نه کشمکش وار، قارداش بو یارالی بیر باش اوسته

قورخوم بودی سن گلنجه قالسون، باشیم نچه نیزه دار الینده

 

گل گور نجه ساحل فراتی، قانیم آخوب ایلیوب گلستان

گل گور نجه صرصر جفادن، گل تک بدنیم اولوبدی خندان

وار بسکه صفا و لطفی قاندان، ایلر اونا غبطه باغ رضوان

حاشا گتوره بو گل نظیرین، بیر گلشنه نوبهار الینده

 

قارداش بوئیدی تمام فکریم، دل نایل آرزو اولیدی

من خیمه لره گله بولیدیم، بیر مشگ الیمده سو اولیدی

لب تشنه اوشاقلارین یانندا، اول سو منه آبرو اولیدی

بو خدمت اولیدی قارداشوین، سرمایه افتخار الینده

 

میدانه نچون گلنده گوردوم، عطشاندی بنات فاطمیه

من فکریمون آردیجه دولاندیم، بیر مشگ سو ایلدیم تهیه

تا خیمه لره گلنده اولسون، الده بالا قیزلارا هدیه

گورموم قوروموش سو جامی بیرده، اطفال سمن عذار الینده

 

بو خسته وجودیمی سراسر، قارداش سپر ایلدیم سهامه

دوزدوم نقدر یارا یتشدی، بلکه یتورم سوئی خیامه

گیتدی ایکی اللریم سو اوسته، ویردیم گنه سعیمه ادامه

حفظ ایلدی قارداشون سو مشگین، تا واریدی اقتدار الینده

 

مشگیمدن او اوخ که رد اولوردی، آغوشه باسوردوم آرزو تک

مصروفیدی حفظ مشگه فکریم، کسب ایلدیقیم بیر آبرو تک

بو عزمیمی دل بولوردی واجب، انجام فرائضه وضو تک

افسوس پوزولدی بو مرامیم، بیر مرتد و پست و خوار الینده

 

جسممده کی یاره لرایده لر، بو نکته نی مو به مو حکایت

حفظنده سو مشگینین برادر،عباسده اولمیوبدی غفلت

رد اولدی بیر اودلی اوخ گوزیمدن، سو مشگینه ایلدی اصابت

قلبیم کیمی یاندی قانلی مشگیم، او ناوک پرشرار الینده

 

اوخ اونداکی دگدی مشگه ایکاش، بو عالمی تارمار اولیدی

یا چشم پر اشگمه دگیدی، یا مشگدن اوخ کنار اولیدی

اطفال نه تشنه لب قالیدی، عباس نه شرمسار اولیدی

یا قارداشوین قالیدی قارداش، اولده کی اقتدار الینده

 

سو آخدی دئمم که گیتدی الدن سرمایه عمر جاودانی

هر قطره سینون بها و قدری، مین چشمه آب زندگانی

تیر ایلدی مشگی پاره بولمم، یا دست قضای آسمانی؟

بازوی عدوده وار بو قدرت، یا گنبد کجمدار الینده؟

 

سودائی جذبه محبت، افتاده فرقت نگارم

دل سوخته شرار هجران، رنجور غم فراق یارم

یوخ شوقیمه انتها که ایندی، سر منزل یاره رهسپارم

جان نقدی ایکی کسوک الیمده، بیر تحفه دی یاره یار الینده

 

قارداش سویا من اولاندا مالک، سس دوشدی قوشون آرا سراسر

عباس فراته صاحب اولدی، بو سسله بو دشت دولدی یکسر

مطلق بولورم که خیمه لرده، آلدی بو سسی بنات حیدر

بولدی هاموسی سو اختیاری، واردور من دلفگار الینده

 

تا منتشر اولدی خیمه لرده، بو مطلبی بولدی آل طاها

سو مژده سی ویردی بیر بیرینه، اولدی هامی انتظار سقا

سقانی ولیک یخدی آتدان، سو اوسته سوسوز گروه اعدا

بولم قوروموش سو جامی قالموش، اطفالوین انتظار الینده

 

سو اولمادی تشنه قیزلاروندان، دنیاجه من اولموشام خجالت

گلسن یارالی جنازم اوسته، ایتسن منه رافت و عنایت

حمل ایلمه نعشیمی خیامه، ای آیت لطف بی نهایت

گورموم داخی اصغرون سوسوزدان گریاندی رباب زار الینده

 

شرمنده لیقیم گچوبدی حددن، قارداش یتشوبدی انتهایه

شامه کیمی فرط خجلتیمدن، باش قوزامارام سر جدایه

تا دوشمیه چشم خونفشانیم، رنگ رخ آل مصطفایه

مشگلدی گورم که تشنه لیقدان، گللر سارالوبدی خار الینده

 

بو شرح غم یازاندا(عاصی) چون یازدی خلوص نیتیله

پیرامون دامنی اودور که، اسلاندی سرشگ حسرتیله

گوگلی گنه ببر زیارت ایستر، باشنده اولان جماعتیله

بو نوحه وسیله تمسک، اولموش بو گناه کار الینده

 

ای پور غیور شبر داور، وی باغ شجاعتین نهالی

سندنصورا دستگیر اولوندی دشمنلره قارداشون عیالی

تقدیر قضائیدی که دوتسون بیر اوزگه محاق او مه جمالی

تا گورمیه سن حیالی زینب اشرارین اولوب دچار الینده

 

مرحوم عاصی

منبع مجموعه کانالهای مدح و مرثیه

 

----------- متن اشعار مرحوم عاصی تبریزی ---------

احوالات دفن شهداء

 

آه یا صاحب زمان، افسوس یابن العسکری

دفن اولونمادی ندن جدّون حسینین پیکری

گون قباقینده قالوب اوچ گون وجود اطهری

گور حسین تک کیم بو عالمده بیله مظلوم اولوب

 

دفنینون آلسان خبر علّت اگر تاخیرینه

وار نچه سرّی که عاجزدی قلم تحریرینه

کوفه ده سجّادی گور، باخ بوینونون زنجیرینه

نیلسون سجّاد، اسیر اشقیای شوم اولوب

 

گلدی اوچ گوندن صورا اوغلی او فخرُ السّاجدین

شاه عطشان نعشینی دفن ایلدی زار و غمین

بیر کفن ایتدی کفنسیز شاهه اول هادی دین

نه کفن گور جدّیوه اکفانیدن محتوم اولوب

 

بیر حصیری که اونا غارتگران بی حیا

خیمه سین تاراج ایدنده ایتمه میشدی اعتنا

اولدی اول جسمه کفن که ذات حقدور خونبها

حق اوزی بیر بیله مظلومیّته مغموم اولوب

 

(عاصیا) چوخ سُفله پروردور بو چرخ کجمدار

محترم اشخاصی دائم ذلّته ایلر دچار

بو دنی دنیانین اولما اهلینه امّیدوار

گورموسن مهر و وفا بو خلقیدن معدوم اولوب

 

 مرحوم عاصی

منبع مجموعه کانالهای مدح و مرثیه

 

----------- متن اشعار مرحوم عاصی تبریزی ---------

مناجات

 

آچوب حضوریوه ال یارب ایسترم توفیق

اوزون موفق ائت، ای وافق و شفیق و رفیق

 

یتوردوم عمریمی باشه تمام غفلتیله

عمل خجالتیم، نیلیوم بو خجلتیله؟

 

عزیز وقتی، هوا و هوسده صرف ائتدیم

همیشه نفس دلنجه دوشوب خطا گیتدیم

 

منی یاراتموشیدون معرفت سنه یتوروم

نه اینکه معرفتین شاهراهینی ایتورم

 

دلیل انی و لمی نی، ایتمیرم انکار

اثر موثره حاکیدی، ایتمیشم اقرار

 

اگر چه اولموشام اولده قائل توحید

ولی قصور اطاعت ایدر منی نومید

 

اوزون بیلورسن الهی ندور بو یاسه سبب

گجه گونوز باشا باش، باش ویروب خلاف ادب

 

یقین دور منه بو نشئه دن علاقه کسم

گیدم او نشئیه بولم نه کاریم نه کسم

 

سفر قباقدا، اوزاق یول، یوخ الده توشه راه

خطرلی مرحله لر، خاصه پای بند گناه

 

انانمشام که قوراسان جزاده بیر دیوان

نیدر محاکمه ده من کیمی سیه دیوان؟

 

تمام صورت عصیاندی نامه عملیم

ثوابدن بیلورم محضرونده بوشدی الیم

 

عدالتیله اگر حکم قیلسان ای عادل

اینانمورام که منه قهرون اولمیا شامل

 

سموم قهرون اگر اسسه بیر دم ای قهار

شرار غیضه نه بیر تک من، یانار هامی زینهار

 

رحیم سن، گرک اوز رحمویله یول گیده سن

چکوب حساب کتابه قلم، گذشت ایده سن

 

اود اهلیم بیلورم من گرک یانام ناچار

مگر نجاتیمه توفیق رحمون اولسون یار

 

بودور گناهه سبب بولموشم کریم سنی

کرامت ایله گذشت ائت، باغشلا سنده منی

 

سنی حسینه قسم ویرم ای خدای جلیل

حسینی ائت منه باب کرامتونده دلیل

 

همان حسین که اودور سیمین هشت و چهار

گناهکارلره ویرمیسن شفیع قرار

 

اگر چه خدمتنه گاه گاه مشغولم

ولی اونوندا حضورونده سخت مسئولم

 

کریمسن سن، حسینونده کان بخشش و جود

کرامتونله اونون جودیدور منه مقصود

 

حسین خاطرینه ایلمه منی مایوس

هر ایکی نشئه ده جود و کرمله قیل مانوس

 

مرحوم عاصی

 

شعر از مرحوم استاد ذهنی علیه الرحمه

(اگر چه معصیتیم قویموب آبرو منده

دخیل دوشموشم اما بیر آبرومنده )

منبع مجموعه کانالهای مدح و مرثیه

 

----------- متن اشعار مرحوم عاصی تبریزی ---------

لالایی حضرت جبرائیل در

ولادت حضرت امام حسین (علیه السلام)

 

چون حسین قویدی بو دنیایه قدم

یازدی گویا بو سوزی لوحه قلم

اِنَّ فِی الجَنَّةِ نَهراً مِن لَبَن

لِعَلِیٍّ وَ حسینٍ وَ حسن

 

گوردی جبریل گلوب مقصد اله

مقصدیدی اولا بو شاهه لَلَـه

ایستدی عامل اولا بو عمله

گلدی دیدارینه دلده بو سخن

اِنَّ فِی الجَنَّةِ نَهراً مِن لَبَن

لِعَلِیٍّ وَ حسینٍ وَ حسن

 

عرض ائدوب ای گل گلزار رسول

ای جگر گوشه ی زهرای بتول

بیر دانیشدیر منی چوخ ائتمه ملول

تا دیوم شوقیله لای لای سنه من

اِنَّ فِی الجَنَّةِ نَهراً مِن لَبَن

لِعَلِیٍّ وَ حسینٍ وَ حسن

 

ای اولان نور رخ لم یزلی

سرو آزادۀ بستان علی

قدسیان سسلوری با صوت جلی

اِنَّ فِی الجَنَّةِ نَهراً مِن لَبَن

لِعَلِیٍّ وَ حسینٍ وَ حسن

 

ای ائدن عالمی نور رخ طور

گوسترن وجهی کلیم الله نور

ای اولان خادمه سی حور قصور

گوزی شهلا یوزی گُل زلفی سمن

اِنَّ فِی الجَنَّةِ نَهراً مِن لَبَن

لِعَلِیٍّ وَ حسینٍ وَ حسن

 

بیرجه آچ گوزلرون ای شاه حجاز

بو قدر نوکروه ایلمه ناز

تا دویونجا ائلیاخ راز و نیاز

قالماسون دلده غم و درد و محن

اِنَّ فِی الجَنَّةِ نَهراً مِن لَبَن

لِعَلِیٍّ وَ حسینٍ وَ حسن

 

بیرده تاپدی بو شهی روح الامین

گوردی قان ایچره دوشوب سرور دین

او قدر یاره ویروب لشگر کین

جسمی اوخدان گل آچوب مثل ثمن

اِنَّ فِی الجَنَّةِ نَهراً مِن لَبَن

لِعَلِیٍّ وَ حسینٍ وَ حسن

 

یاریلوب باشی دولوب قان گوزینه

اشکینی سو کیمی سپدی گوزینه

یارالی باشینی آلدی دیزینه

اویادوب اول شهی بو دیللریلن

اِنَّ فِی الجَنَّةِ نَهراً مِن لَبَن

لِعَلِیٍّ وَ حسینٍ وَ حسن

 

گلمیشم جسمیوه من سایه سالام

وئر اجازه منه یانونده قالام

بُلمورم عطریوی بس کیمدن آلام

وای منه سن سیز ایا شاه زمن

اِنَّ فِی الجَنَّةِ نَهراً مِن لَبَن

لِعَلِیٍّ وَ حسینٍ وَ حسن

 

قان ایچینده سنه لایلای دیرم

باخارام نعشیوه ای وای دیرم

تا وارام یانّام حسین وای دیرم

ای باشی تشنه قفادن کسیلن

اِنَّ فِی الجَنَّةِ نَهراً مِن لَبَن

لِعَلِیٍّ وَ حسینٍ وَ حسن

 

ئولدوروب اهل جفا اکبریوی

ظُلمیله اوخلادیلار اصغریوی

آلدیلار الدن هامی یاوریوی

دؤزدون هر محنت و درد و غمه سن

اِنَّ فِی الجَنَّةِ نَهراً مِن لَبَن

لِعَلِیٍّ وَ حسینٍ وَ حسن

 

من نه نوعی گوروم آیا که سنون

گون ائوینده قالوب عریان بدنون

یوخدی بیر کیمسه سنون دفن ائده نون

ای قالان جسمی بِلا غسل و کفن

اِنَّ فِی الجَنَّةِ نَهراً مِن لَبَن

لِعَلِیٍّ وَ حسینٍ وَ حسن

 

آچدی قانلی گوزونی سرور دین

گوردی چوخ ناله ائدور روح الامین

سویلدی اولما بئله زارو غمین

ایلمه قتلگهی بیت الحزن

اِنَّ فِی الجَنَّةِ نَهراً مِن لَبَن

لِعَلِیٍّ وَ حسینٍ وَ حسن

 

باخما گونلر قاباقیندا یانورام

جسم زاریم دوتوب اود اودلانیرام

بو قدَر یاره نی آسان سانورام

گون ائوینده قالا خوشدور بو بدن

اِنَّ فِی الجَنَّةِ نَهراً مِن لَبَن

لِعَلِیٍّ وَ حسینٍ وَ حسن

 

مین بئله اوخ دگه گر اوخ دئمرم

دستۀ گل سانارام اوخ دئمرم

اولسا بیر اوخ یری من یوخ دئمرم

اهل عشقه اولا تا عشقیم علن

اِنَّ فِی الجَنَّةِ نَهراً مِن لَبَن

لِعَلِیٍّ وَ حسینٍ وَ حسن

 

قان سو تک یاره لریمدن آخوری

یاندیرور قلبیوی حالیم یاخوری

عرشدن نعشیمه جدّیم باخوری

قوی بویانسون قانا بو وجه الحسن

اِنَّ فِی الجَنَّةِ نَهراً مِن لَبَن

لِعَلِیٍّ وَ حسینٍ وَ حسن

 

گئت دولان بو چولی تاپ اکبریمی

گون ائوینده قالا قوی پیکریمی

یاندیرا تا بدنِ اطهریمی

یانا احوالیمه بو دشت و دمن

اِنَّ فِی الجَنَّةِ نَهراً مِن لَبَن

لِعَلِیٍّ وَ حسینٍ وَ حسن

 

قوی وورا گون یارالی پیکریمه

باخما گول تک سارالان لبلریمه

اولسا سو ممکن آپار اصغریمه

توکمسون گوز یاشی چون دُرّ عدن

اِنَّ فِی الجَنَّةِ نَهراً مِن لَبَن

لِعَلِیٍّ وَ حسینٍ وَ حسن

 

(عاصی )سال شور حسینی باشیوا

قویماسون غم یتوره خم قاشیوا

یازمادون بو سوزی سن اوز باشیوا

یازدوروبدور سنه بیر اهل سخن

اِنَّ فِی الجَنَّةِ نَهراً مِن لَبَن

لِعَلِیٍّ وَ حسینٍ وَ حسن

 

مرحوم عاصی

منبع مجموعه کانالهای مدح و مرثیه

 

----------- متن اشعار مرحوم عاصی تبریزی ---------

زبانحال حضرت موسی ابن جعفر (علیه السلام)

 

زندان ستمی سالدی منی جاندان الهی

قورتار منِ مظلومی بو زنداندان الهی

 

هر قدری جفا ایلوری هارون منه دویمور

تندن ستم و ظلم و جفا رختینی سویمور

آسوده قالام گوشه ی زندانیده قویمور

ال چکموری بیداد فراواندان الهی

 

ایستردیم همیشه بیله بیر منزل خلوت

تا اینکه ایدم من سنه آسوده عبادت

آگاهسن ایلور منه هارون چوخ اذیّت

شرم ایتموری بو دیده سی گریاندان الهی

 

ساقِینیمی ازبسکه سیخوب حلقه ی زنجیر

یاره ایدوب ا...، آخوری قانی، چوخ اینجیر

هارونه دین یوخ ایدوب آیا بو نه تقصیر

چارم کسیلوبدور داخی هر یاندان الهی

 

اوز ظلمی منی سهلدی جاندان ایلیوب سیر

ایلوبدی زبس سند جفاسی دله تاثیر

ویردیم اودور علّت که مناجاتیمه تغییر

دویدوم داخی بو عالم امکاندان الهی

 

قان باغلیوب آخِر اورگیم کثرت غمدن

قدّیم بوکولوب اولدی کمان بار المدن

دویمور گینه هارون ستم پیشه ستمدن

رنج و محنیم دلده گیچوب ساندان الهی

 

دوتدوردی او گونکه وطنیمده منِ زاری

قویموب او قدر بیر گوروم اولادیمی باری

حسرت اودی اودلاردی همیشه بو فگاری

تا فرصت اله دوشدی بو زنداندان الهی

 

آخِر نفسیم اوّل آمالیمه یتدیم

بو محبسین آخِر نچه دم ترکینی ایتدیم

آغلار گوزیله گورماقا اولادیمی گیتدیم

تودیع قیلام عترت نالاندان الهی

 

جمعیّتیمون حالی منی ایتدی پریشان

گوردوم ایله جاندان آپاروب محنت هجران

بعضیسی قویوب غم دیزینه باش ایدر افغان

بعضی یورولوب ناله و افغاندان الهی

 

من قیمادیم ایلوم یاتان اطفالیمی بیدار

اُپدوم یوخودا یوزلرین ای خالق قهّار

گوزیاشلی، جگر داغلی، الیم قلبیده ناچار

آیریلدیم او بیر جمع پریشاندان الهی

 

یاد اولدی گینه دلده خدا سرور مظلوم

ایستردی وداع ایتسون حرم اهلین او مغموم

ایلردی ایله شور و نوا زینب و کلثوم

آلموشدولا طاقت شه دوراندان الهی

 

هر بیر آنانین خوردا بالاسی قوجاقیندا

بیر محنت عظمایه دوشنلر سیاقیندا

چکموشدوله صف سرور عالم قباقیندا

مبهوتیدی اول عالم هجراندان الهی

 

ایستردی حسین اهل حرم ترکینی ایتسون

گیتسون گیچوری فرصتی مقصودینه یتسون

شیرین دل اوشاقلار اونی قویمازدیلا گیتسون

چکمزدیلر ال اول شه خوباندان الهی

 

ناله اوجالانموشدی ایله آل عبادن

دولموشدی او صحرای غم انگیز نوادن

محصوره دوشن شه ستم اهل جفادن

حیرانیدی آخِر ایله بیر آندان الهی

 

بعضی بالا ایستردی که اُپسون دوداقیندان

چاتمازدی بویی، آخِر اُپردی ایاقیندان

آیریلمازیدی بعضی آتاسی قوجاقیندان

ایستردی سو بعضی او لب عطشاندان الهی

 

بیر سمت الی قوینوندا دوروب اصغر آناسی

بیر سمتیده لیلا دایانوب باشدا قراسی

بیر یاندا سکینه اوخوری حفظ دعاسی

تا بلکه سلامت گله میداندان الهی

 

بیر محشر کبرائیدی بیر شور قیامت

دگوشدی ایله بیر بیرینه آل رسالت

مشکل گله تقریره او هنگامه او ساعت

دوشموشدی حرملر هاموسی جاندان الهی

 

شوریله آلوب دور و برین عترت یاسین

دوتدی او شهین حال حیاتینده عزاسین

کیم اُلمه میش اولادی سالوب باشه قراسین

گلدی اورگیم درده بو عنواندان الهی

 

واردور یری آهیم اودی بو عالمی یاخسون

اشکیم کیمی خون جگریم عارضه آخسون

ای کاش گلوب فاطمه بیر اوغلونا باخسون

گورسون نجه آیریلدی او نسواندان الهی

 

توفیقیوی بیر لحظه خدا کسمه (حسندن)

(عاصیدی) خطاکاریدی شرمنده دی سندن

وردی بودی همواره که اغماض ایله مندن

عفو ایله گیلن ایتدیقوم عصیاندان الهی

 

من معترفم ایلدیقوم جرم و خطایه

سندن ولی واردور نظریم جود و عطایه

باش قوشما گیلن من کیمی بیر بی سر و پایه

قوما منی بو درگه احساندان الهی

 

 مرحوم عاصی

منبع مجموعه کانالهای مدح و مرثیه

 

----------- متن اشعار مرحوم عاصی تبریزی ---------

زبانحال حضرت موسی ابن جعفر (علیه السلام)

 

بارالها دلخوشام بوینومدا کی زنجیریله

گوشه ی زندانیده بو ناله ی شبگیریله

 

اوزگه بیر دردیله گر بو خانه ی دل دولماسا

صرصر ظلمیله عمریم گلستانی سولماسا

قیلّام آسوده عبادت سند ظلمی اولماسا

بُلمورم فکری ندور یارب بو بی تقصیریله

 

هر زمان سند شقی یارب گلنده محبسه

سن بُلورسن نه اذیّتلر ایدور من بی کسه

تازیانه ضرب سیلیله ویرولّر سس سسه

بیله رفتار ایتمیوب صیّاد بیر نخجیریله

 

نه گلایم وار الهی درد غربتدن منیم

شاکیم نه اولموش آخِر کنج محبس منیم

سن بُلورسن رحمیسیز بیر سنگدلدور دشمنیم

اوزگه رفتار ایلوری بو قامتی خم پیریله

 

نه یتن وار محبس ایچره بیر نفر امدادیمه

نه باخور هارون دون بو ناله و فریادیم

نچّه ایللردور که حسرت قالموشام اولادیمه

دلخوشام بونلا بیله سندن یتن تقریریله

 

سن که آگهسن نه ظلم ایلور منه سند لئیم

حکم ایله بو باره ده ای خالق عدل و حکیم

جبریله مسموم ایدوب اولادیمی قویدی یتیم

بو سوزوم واضحدی بو زهر ایلین تاثیریله

 

اختیار و صبریمی زهر جفا الدن آلوب

چوخ پوزوب احوالیمی آرام و طاقتدن سالوب

گلمدی اوغلوم رضا یارب گوزوم یولدا قالوب

منتظِر قویدی منی جان اوسته بو تاخیریله

 

باشی اوسته آختارار هر جان ویرن بیر مهربان

باشینی آلسون دیز اوسته، آغلاسون، ایتسون فغان

گلمدی اوغلوم رضا یارب ویرم آسوده جان

ایلیم دردیمدن آگه مختصر تقریریله

 

قورتاروب راز و نیازین اولدی یاره جانسپار

اوچ گونه تک قالدی نعشی گوشه ی زنداندا خوار

ایستیوبلر نعشینی زنداندان ایتسونلر کنار

گوردولر جان تاپشوروب بوینوندا کی زنجیریله

 

کیم گوتوردی نعشینی یردن ایا صاحب زمان

شرح حملی سلب ایدور قلبیمدن آرام و توان

اول مطوّل ماجرانی ایلورم مُجمل بیان

گر منی معذور دوتسان ایتدوقوم تحریریله

 

آغلارام بو نسگل اوسته اول غریب و بی کسه

دورت نفر حمّال او دمده وارد اولدی محبسه

نردبان تابوت اولوندی اول وجود اقدسه

حمل اولوندی غسل و کفن و دفنه چوخ تحقیریله

 

بو اسفلی قصّه دن اولدی سلیمان با خبر

آلدی اول نعشی دلده ناگه گوزده اشک تر

ویردی غسلین ایلدی تکفین او شاهه مختصر

شیعه لر تشییعه حاضر اولدولار تکبیریله

 

چوخ جنازه اوسته اهلی باش آچوب ساچ یولمادی

قلب زینب تک ولی هیچ قلب فغانه دولمادی

هیچ کیمون نعشی حسینون نعشی تک خوار اولمادی

هیچ کیمون جسمی الیله دوغرانمادی شمشیریله

 

سهلیدور اولموب حسینون نعشینه غسل و کفن

نچّه گون قالدی یر اوسته جسم شاه ممتحن

گزدیروب آت سینه سی اوستونده اشرار زمن

باخمادی (عاصی) دولوب گَل جسمی زخم تیریله

 

 مرحوم عاصی

منبع مجموعه کانالهای مدح و مرثیه

 

----------- متن اشعار مرحوم عاصی تبریزی ---------

حضرت زینب کبری (سلام الله)

 

گل یارالی گور زینبون نیجه عشقین عالمینه نشان ویرور

باغرینا باسور قانلو کوینگون باغریقان جگر داغلی جان ویرور

 

هرقدرکه سندن صورا حسین عمر ایدوب بو دنیاده قالموشام

نه یوزوم گلوب بیرنفس منیم آدیوی دلیمدن نه سالموشام

لوح دلده تصویریوی گوروب عطریوی بو کوینکدن آلموشام

گرچه گل خزان اولسا عطرینی برگ شاخه گل هاچان ویرور

 

هربلا وغم ویردی یوز منه چخمادیم حسین حلم و صبریدن

لیک فرقتونده اخا سنون دیده بارشی گیچدی ابریدن

گر اولمده من آغلارام سنه نالم اوج ایدر عرشه قبریدن

اودلانان دلیله سیزیلدارام منله سس سسه قدسیان ویرور

 

ایلینده غم لشگری هجوم رام ایدوب باجون صبر ناقه سین

حال احتضاریمدی جسمدن آز قالور کسه روح علاقه سین

زینبون الور گل جنازه سی اوسته باری چک شال طاقه سین

یوخ گلن باشی اوسته زینبون بیر سنه حسینیم گمان ویرور

 

سن حسین بولورسن الورباجون واردی قان اولان دلده حسرتی

باری گل باشیم اوسته ایتگلن ای یارالی قرآن تلاوتی

جان ویرن زماننده خوش گلور یار ایشسته گر یار صحبتی

گوز آچوب گوره تسلیت اونا باشی اوسته بیرمهربان ویرور

 

من دیردیم اولسم جنازمی حمل ایدرحسین قبرایاقینه

اکبروابولفضل وقاسمیم هم دوشرجنازه م قباقینه

قویمادی فلک زینبون یته دلده کی اولان اشتیاقینه

عکس آرزومه بو کوینگون تار و پودی شرح و بیان ویرور

 

حال احتضارونده اونداکی دلده ذکرون اولموشدی العطش

باشون اوسته گوردون منی اوزون ایلنده شمریله کشمکش

اللریم یارالاندی سهلدی قولاریم حسین اولدی نیلی وش

دل دنوب قانا اوندا ظاهره ایندی دیده خونفشان ویرور

 

گرچه جان ویرنده سنون حسین باشون اوسته من آغلیانمادیم

باجیلارکیمی باش آچوب اوگون ساچ یولوب سینه داغلیانمادیم

نسگل اولدی بونکته زینبه گوزلریویده باغلیانمادیم

سعی قیلدیم آخراوسعیمی زخم جسم زاریم نشان ویرور

 

من سنون ملال ومصیبتون بیردقیقه باشیمدان آتمادیم

سهلدورگیجه گوندوزآغلادیم دردیوی اورکدن چخاتمادیم

سن کول اوسته قارداش یاتان گیجه صبح اولونجاهیچ منده یاتمادیم

آغلادیم دیدیم هاردا گور عدوقارداشیمایارب مکان ویرور

 

فکروصلویله همان گیجه دل یانوردی نار فراقیده

صبح اولاندا گوردوم جداده من باشوی بیر اوزگه سیاقده

مه یوزونده خاکستراگلشوب آی قالوبدی گویا محاقده

نیزه اوسته چون ماه یک شبه بیربیره نشان کوفیان ویرور

 

زینبه بولوردیم علاقه وی اولندن ای سرورحجاز

بیرگیجه ولی آیری دوشماقون آچدی زینبه یاخشی باب راز

ایستدون باجون اولماسون خجل ایلدون عجب وقته پیشواز

ایلدون منی سرفراز اوگون شرح اونا بو قدی کمان ویرور

 

سن جداده من سوز قلبیله محمل ایچره مشغولیدیم سنه

کثرت ایچره تاپموشدی وحدتی زینبون یتشموشدی ایمنه

من سنه دیردیم اورکده کی دردیمی اشاره یله سن منه

دمبدم گوروردوم او درد دل مرده جسمه روح و روان ویرور

 

حیف اولا جفااهلی ظلمدن بیرزمان آنام اوغلی دویمادی

جسمدن تعدی لباسنی قوم کینه بیرلحظه سویمادی

بیر دویونجابیز درد دل ایداخ اول عجوزه دهر قویمادی

راس پاکوی سالدی زحمته سانمادی اذیت سنان ویرور

 

داش یرین باشوندا گورن کیمی گوزلریمده تار اولدی گوندوزوم

باشیمی وروب چوب محمله قالمادی یانان قلبده دوزوم

باش یاریلدی باشیمدن آخدی قان قانیله بویاندی یوزوم گوزوم

علقه دل زینبی نشان عالمه او زخم و او قان ویرور

 

هرقدربلا یتدی باشوه محنتی ختامه یتشمدی

ساعت بلای مقدری شامه دین تمامه یتشمدی

غملو گونلری طول چکدی چوخ گون اگلدی شامه یتشمدی

شامده ولی بیر گون اولدی شام شرحنی دل ناتوان ویرور

 

کاش حسین یتیدی همان گیجه زینبون بو عمری نهایته

اولمییدی یا صبح تازده ن دوشمییدی باشون اذیته

سالمییدی گل تک دوداقلارون خیزران اقاجی مشقته

فکریمه بو گلمزدی باشیوه بیرده دردسر خیزران ویرور

 

(عاصیا) عجب وقته ایلدون زینبه توسل امیدیله

جان ویرنده سن قارداشی حسین شاد ایدر یقین خوش نویدیله

بیله دور بیری اولسا منتسب بو جهاندا شاه شهیدیله

حق اوزی اونا وعده ایلیوب آخرتده اودان امان ویرور

 

مرحوم عاصی

منبع مجموعه کانالهای مدح و مرثیه

 

----------- متن اشعار مرحوم عاصی تبریزی ---------

زبانحال حضرت صغری (سلام الله)

در خروج از مدینه

 

مریضه حالیمی یاخشی رعایت ائیلمیسن

منی بو وقتده قارداش عیادت ائیلمیسن

 

بو باشیم اوسته طبیبانه گلماقوندا یقین

قبول زحمت و رنج و مشقّت ائیلمیسن

 

بو نوعی گئج گلوب احوالیمی سوروشماقدا

مدینه یوسفی تاراج طاقت ائیلمیسن

 

بو آرزو اؤرگیمدیدی بیر گورم یوزیوی

عجب کونولدن علی دفع حسرت ائیلمیسن

 

سبب ندور که منی بیله سالموسان گوزدن

که قطع لطفیله ترک شفقّت ائیلمیسن

 

نه وار علی دئ گوروم گیموسن لباس سفر

هارا اراده سن ای ماه طلعت ائیلمیسن

 

او گول جمالیله قارداش تمام گوللردن

آلوبسان عطرینی سلب طراوت ائیلمیسن

 

محبّتون منه چوخدور اونی بولوردوم اؤزوم

سالوب ظهوره بو گون چوخ عنایت ائیلمیسن

 

او کسلریله که واردور سنون مُصاحبتون

اولاریدا علی صاحب ملاحت ائیلمیسن

 

ائدوب پیمبره بنزر جمالیوی ظاهر

مجاز اهلینی اهل حقیقت ائیلمیسن

 

چخوبدی خلق یادیندان وجاهت یوسف

که حُسن یوسفه حُسنونده سبقت ائیلمیسن

 

یقیناً «عاصیه» قارداش محبّتون چوخدور

که لطف ائدوب اونی صاحب فصاحت ائیلمیسن

 

 مرحوم عاصی تبریزی

منبع مجموعه کانالهای مدح و مرثیه

 

----------- متن اشعار مرحوم عاصی تبریزی ---------

 وداع حضرت فاطمه صغری (سلام الله) با برادرشان 

 

قارداش باجون اوزون بولوسن دلشکسته دی

بیماریدی بو بستر محنتده خسته دی

 

قارداش چتین علاقه نی تندن کسه باجون

مرغ دلیم او طرّه طرّاره بسته دی

 

عمّم آتام باجیم ائدوری عزم کربلا

تار امید هر طرفیمندن گسسته دی

 

ترک ایلوری مدینه نی قوم قبیله میز

بیر کیمسه قالموری هامی قارداش یول اوسته دی

 

گئتسن اگر بو شیشه عمروم سینار علی

عمروم سنون حیاتیوه واللهی بسته دی

 

سن ایلمه سفر گوروسن بینوا باجون

بیماریدور بو بستر غمده نشسته دی

 

وئر بیر برات کرب و بلا نوحه خوانیمه

بیز اهل بیته «عاصی» بولورسن که بسته دی

 

قویما اورکده حسرتی قالسون عنایت ایت

آخر غلام درگه شاهه خجسته دی 

 

مرحوم عاصی (علیه الرحمه)

منبع مجموعه کانالهای مدح و مرثیه