متن نوحه ترکی از استاد حاج مجید امینی
مجموعه اشعار برگزیده آیینی و مذهبی استاد حاج مجید امینی در مدح و رثای اهلبیت علیهم السلام ، متن نوحه ترکی از استاد حاج مجید امینی
---
در شجاعت حضرت ابوالفضل (ع)
فریاد او وقتدن آلوب عبّاس حُسام اله
یوز قویدی رزمگاهه سالوب کونه ولوله
ایتدی طلوع شرقِ خیمدن چو آفتاب
نوری ووراردی طعنه سِراجیله مشعله
چگیننده بیر سو مشگی که ویرمیشدی اهلِ بیت
بیر الده دین لواسی ، ایدوب عزم ، مقتله
هر دم گلور بیر آز دایانور قیزلارا باخور
بو فکریله که ایتمیه لر خوف و هروَله
گه نغمهء حجازیله تکبیر سسلنور
صوتی سالوردی انفس و آفاقه زلزله
گلدی دایاندی غیظیله قلبِ سپاهیده
گوردی ایدولّه لشگرِ کفّار هلهله
آچدی ازل لِسانین او ناصِح نصیحته
ایتدی خطاب غیظیله اول قومِ باطله
ای کوفیان گَلون سو یولون شرم ایدون آچون
آل اللّهین دوشوبدی بو گون امری مشگله
بو نظمی بر هم ایتماقا وار منده اقتدار
ظغیان ، جفا و ظلمیده سیز ایتمیون بیله
گر آچماساز فرات یولون ای سپاهِ کین
واضحدور اوندا سیزلره معنای مسئله
بیر حمله ده بو گون پوزارام بو صفوفی من
سالّام سیزی هلاکته بیر ضربِ تیغیله
سسلندی بیر نفر ، هامی دنیانی دوتسا سو
بیر قطره ویرمروخ بو شهنشاهِ اَعدَله
بو شرطیله یتر سو بناتِ رسالته
هند اوغلونی حسینده بو گون پیشوا بوله
ناگه ایشیتدی بو سوزی عبّاسِ نامدار
ایتدی خطاب او کافرِ غدّاره غیظیله
مین دفعه باشیمیز کسیله بیعت ایتمروخ
قول قویماروخ جهاندا بو امرِ معظله
امّا فراتی آلماقا من قادرم اوزوم
چکمز او قدر الیمده بو بیر امر ، فاصله
روبه صفتلره ایلیوب حمله ناگهان
گویا قیروبدی بیشه ده ضرغام ، سلسله
هی الدی ، قولدی ، باشدی بدندن کنار ایدور
بیر کسده قدرت اولمادی گلسون مقابله
هر کیم اولور مبارز ، ایدور جامِ مرگی نوش
اود سالدی قلبِ شمر و سَنانیله بَجدله
یردن عروج ایدوبدی ، گویه بانگِ الحذر
عبّاسی تا گوروب قشون اهلی او سهمیله
کیمدور دیوبله بیر بیره بو صاحبِ هنر
یوخسا که لافتادی بو ، شمشیر آلوب اله
صفلر پوزولدی یاتدی علملر ، قوشون قاچوب
شورِ قیامت اولدی عیان قومِ ارذله
آتلار ایاقلاریندا قالاردی پیاده لر
بیر عدّه قالمیوب او قدر قورخودان ئوله
هر دم دییردی قاچمیون ای اشقیای شام
سلطانیم اذنِ جنگ منه ویرمیوب هله
سو یولّارین او کیمسیه سدّ ایتمسوز که او
معنادی جمله آیهء قرآنِ منزله
بیر شاهدور که سینهء زهراده بسلنوب
جانِ علی سلیلیدی ، هم ختمِ مرسله
بیر شاهدور که روزِ ولادت او سَروره
امرِ خدای حقّیله جِبریل اولوب لَله
ایتدی دوباره حمله آلوبدور شریعه نی
نصب ایلدی لواسینی سقّای قافله
پرچم اسور ویرور دلِ عبّاسه چوخ شعف
حسرتله بیر نظر سالوب آبه او حالیله
دولدوردی اوجونا سوئی تا اینکه میل ایده
قلبی آلشدی یاندی گینه نارِ نسگله
گویا سالوبدی یادینه نازلی رقیّه نی
سو ایچمدی توکوب یره چخدی او وضعیله
چگیننده مشگی محکم ایدوب چیخدی نهردن
فکر ایتدی هانسی سمتدن او خیمیه گَله
لابد سالوبدی شاهرَهین نخله زاریدن
تا قیزلارا سوئی یتوره قلبی دینجله
بیر ظلم ایدوبله صاق قولی تندن اولوب جدا
گوردی یَمینی قطعیدی یوخ یر تأمّله
شمشیری آلدی صول اله بیر قدر جنگ ایدوب
تحسین ایدوب یَلانِ ستم پیشه بو یَله
ناگه اولوبدی صول قولودا ظلمیله قلم
مشگی آلوبدی دیشلرینه ایتمیوب گِله
بیر سنگلده ناگه ایدوب پاره مشکینی
سو آخدی سالدی کشتی امّیدینی گِله
قولّار گیدوب او حالیله مشغولِ جنگیدی
بیر اوخ قویوب کمانه او ابناده حرمله
اوخ آچوب پر اصابت ایدوب مه جبینینه
ال اولمیوبدی گوزلرینون قانینی سیله
نوفل یتوب او حالتیله الده بیر عمود
بیر ظلم ایدوب یخیلدی علمدار مقتله
یوز دوتدی خیمیه دئدی قارداش دایانما گَل
طوفانه دوشموشم چَکنیم یوخدی ساحله
اوخدان آچوبدی پَر بدنیم شاهباز تک
پر ورّام اوجِ عشق و محبّتده شوقیله
ای نیّرِ سپهرِ وفا چیخ خیامدن
گَل سایه سال سو اوسته باتان بدرِ کامله
بو اشتیاقیده واریدیم جان ویرن زمان
رخساروی گوروب یتیشم فیضِ اکمله
تبدیلِ یأس ایلمه سن بو امیّدیمی
گَل باشیم اوسته مقصدیمی قوی اله گَله
بو رسمدور که بلبل اولور چوخ علاقه مند
شوریله دردِ دل دیه گلزاریده گُله
هر کیم گوره وجودیمی گُل تک ورق ورق
تشبیه ایدر بو اوخلاری بیر دسته سنبله
جسمیم خدنگیله یازیلان بیر کتابیدور
بو قان مسیری اوخشوری سینمده جدوله
یازما (امینی) مطلبوی اختصار ایله
قورتار بو شرحِ محنتی تنگ اولدی حوصله
باب الحوائجه دئ خلوصیله دردیوی
آغلار گوزیله ایسته بو اشعاروه صله.
جناب آقای حاج مجید امینی
منبع مجموعه کانالهای مدح و مرثیه
----------- متن اشعار حاج مجید امینی ---------
در احوالات حضرت موسی ابن جعفر (علیه السلام)
بغدادیده سس دوشدی الوب باب الحوائج
بیر نچه نفر گلدی ایده نعشینی خارج
یوز ویرمیشیدی حال خفا بدر دجایه
بو حاله باخوب گلدیله فریاد و نوایه
تا که ساتاشوب گوزلری اولده عبایه
گل پیکرینون عطری او سجنی بورومشدی
قالمیشدی رطوبتده لباسی چورومشدی
بو حالیله تا گوردوله سلطان ولانی
گوزدن آتوب آفاقی چخوب روح و روانی
رد ایتدیله تا جسم شریفیندن عبانی
امواجه گلوب بحر مصیبت گینه داشدی
تا که او زمان گوزلری زنجیره ساتاشدی
زنجیر قالوب گوردوله بوینوندا ویروب جان
مغلول ایدوب ترک جهان حجت رحمان
بو حاله نظاره ایلیوب قالدیلا حیران
دین گلشنینه گوردوله باد غم اسوبدی
کنده ایاقین بوینونی زنجیر کسوبدی
زنجیر یریندن آخوری قانی چو یاقوت
واردور یری یانسا بو غمه عالم لاهوت
آخرده اولوبدی در زندان اونا تابوت
ای کاش اولیدی او زمان عالمی برباد
محبسدن اولوب دورت نفر حمالیله آزاد
معناده توکوب جدی گهر گوز صدفینندن
احسن دیدی ال چکمدون عالی هدفیندن
یولدا باشی تابوتین آخوب باش طرفیندن
بو منظره نسگللرین آخر علن ایلور
هر بیر باخانی غرق ملال و محن ایلور
دوشموشدی او تابوت قباقینجه منادی
ایلردی ندا بو دلیله دلده عنادی
اوز خویش و ائلیندن نچه ایل لردی جدادی
مدتدی که واردور وطن آواره سیدور بو
گلدور اوزی اما چمن آواره سیدور بو
تابوتی او حالیله باخوب گوردی سلیمان
سسلندی او کیمدور بو حقارتله ویروب جان
ذلتله الوبدور دگی بو یوخسا مسلمان
معلوم اولوری بو النین نسگلی چوخدور
تابوت یانونجا گله بیر کیمسه سی یوخدور
بو فکریله یغمایه گیدوب صبر و دوامی
سعی ایله دی بو کیمدی الن یا نه دی نامی
بو سری سوال ایتدی خبر گتدی غلامی
عرض ایتدی سلیمانه که ای فخر اعاظم
زنداندا دیوللر که اولوب موسی کاظم
قصریندن انوب آتش محنت دله سالدی
دلده آقاوای ناله سی افلاکه اوجالدی
حمالیلری سالدی یولا نعشینی آلدی
تابوتینی قویدی یره اول منبع جودین
گوردی اریدوب بار الم خسته وجودین
بو قصه فزون ایلدی قلبینده ملالین
یاغدیردی بولود تک یوزینه اشک زلالین
اطرافینه جمع ایلدی اوز اهل و عیالین
سسلندی گلون شوره، دیون وای آقام ایوای
غربتده وطنسیز الن ایوای آقام ایوای
هر تک تکی اوخشاتدی گوزون بیر دولی ابره
تغسیل ویروب ظاهراً اول منبع صبره
دفن ایلدی چوخ عزتیله قویدولا قبره
قبره قویوب، عرض ایلدی یات صبریوه قربان
چوخ اینجمیسن عالم اولا قبریوه قربان
باطنده ولی اوغلی رضا داده گلوبدی
گوزیاشی توکوب ناله و فریاده گلوبدی
دلده باباوای خطه ی بغداده گلوبدی
غسلین ویروب عزتله توکوب اشکین عذاره
یاندی، ارین جسمینی تاپشوردی مزاره
غربتده بو جان ویردی اولوب غصه دن آزاد
یثربدن اوز اوغلی گلوب ایتدی اونا امداد
علت نه اولوب قتلگهه گلمدی سجاد
دوشموشدی او ساعتکه حسین قان آراسیندا
یالقوز یارالی لشکر عدوان آراسیندا
قویموشدی یوزون توپراقا افسرده و خسته
اطرافینی آلمیشدی عدو دسته به دسته
شرم ایلمیوب ووردولا یاره یارا اوسته
پیکانه نشان اولموشیدی جای سجودی
زخم و یارادان تازه گل آچمشیدی وجودی
گل پیکری اولموشدی دمائیله مخضب
دوشموشدی بدن یاره تراب اوسته معذب
سویلردی اوزون شاهد اول احوالیمه یارب
یاندیم سوسوزومدان، سو آخور چوللره بیر باش
بیر قطره تاپیلمور منه، قانه دونه ای کاش
عهد ایتمیشیدیم عالم عشقونده ویرم جان
ایفا ایلدیم عهدیمه، نقض اولمیه پیمان
مین شوقیله ویردیم سنه یتمیش ایکی قربان
هر تک تکین ارشاد ایلدیم من ره عشقه
تا اینکه منا رشک ایده قربانگه عشقه
اثبات ایلدیم حقیوی تا قالمیه مکتوم
کیمدور حق و ناحق ایلدیم عالمه معلوم
پیمان عتیق آز قالوری تاپماقا مختوم
بیر ایمدی گمانیم گلور عالمده بو باشه
گلسه یتورر شمر لعین عهدیمی باشه
یاز آغلا امینی نه قدر واردی مجالون
جاری ایده گوزدن یوزیوه اشک زلالون
غفلت ایلمه کرب و بلا اولسا خیالون
دوت باب الحوائج اتگیندن، ایله افغان
جان اوسته دیردی بو سوزی ای حق منان
یوخ گوشه ی غربتده منی یاد ایدن الله
سنسن هامی بیکسلره امداد ایدن الله
ای یوسفی زندانیدن آزاد ایدن الله
قورتار منیده سنده جفا گستر الیندن
چوخ چوخ منه ایذا یتور اول کافر الیندن
حاج مجید امینی
----------- متن اشعار حاج مجید امینی ---------
در جلالت حضرت زینب کبری (سلام الله)
ندیده است و نخواهد دید دیگر دیده دنیا
رنی فرزانه و دانا بسان زینب کبرا
کمال و فضل او سر چشمه فضل و کمال خلق
جمالش جلوه انوار ذات خالق یکتا
بپاکی تالی حوا بتقوا ثانی زهرا
به عفت وارث مریم بعصمت نایب زهرا
زنی کاندر شهامت برده کوی سبقت از مردان
که مردانه بسختیها چو کوهی ماند پا بر جا
بشمشیر بیان نظم سپاه کفر برهم زد
بدست بسته درهم ریز گاخ شوکت اعدا
بهر محفل که وارد گشت کفر ال سفیان را
مدلل کرد با نطق بلیغ و خطبه غرا
زهر شهری که بگذشت وهر شهری که پا بگذاشت
بهر جائی نمود ایجاد برسفیانیان بلوا
بهر منزل بهر مسکن بهر کوی و بهر برزن
چه طوفانها چه شورشها که برپا کرد بی پروا
بفرمان یزید دون بدشت کربلا کردند
چه رستاخیز خونین بر سر العبا بر پا
بقتل عام فرزندان هاشم دست بازیدند
که حتی بر صغیران هم نشد زان قتلها ابقا
حسینی را که پیغمبر مدامش حلق می بوسید
چسان لب تشنه ببریدند سرش اندر لب دریا
فراتی را که وحش و طیر از ان ازاد می نوشید
چسان بستند راه ان بروی عترت طاها
علی اکبر که خلق و خلق او شبه پیمبر بود
رخش را لاله گون کردندبا شمشیر خون پالا
جدا کردند عباس علی را هر دو دست از تن
پی یک مشک اب ان ناکسان سفله و ادنا
بکینه پرچم دین خدارا سرنگون کردند
طریق کفر پیمودند بهر دولت دنیا
وجود قاسم ناکام را کردند صد پاره
نه از روی حسن کردند ازرمی نه از زهرا
زدند آتش بخرگاه جلال ال پیغمبر
که خواهد ماند باقی سوزان تا محشر کبرا
بغارت دست بگشودند وهر چه بود بربودند
لباس و معجر از ال علی بردند بر یغما
بلی این زینب ان زن بود کاندر عالم اسلام
به مردان جهان اموخت درس همت والا
دوباره پرچم دین خدارا بر فلک افراشت
حقایق را بیان فرمودبه هر اعلا و هر ادنا
(امینی) قصه کوته کن که هرگز نیست پایانی
بوصف زینب ان دخت دلیر شاه او ادنا
امینی
منبع کانال گنجینه گذشتگان
----------- متن اشعار حاج مجید امینی ---------
امان نامه
کوفه دن زیاد اوغلی گوندروب کربلایه بیر نامه یا حسین
قاردشیم ابولفضلی ایستوری عازم ایلسون شامه یا حسین
خیمه لر قباقینده شمردون گورنه نوعله ایلوری صدا
هاردادورباجیم اوغلی بس گلوب کوفه دن گلن نامه سین آلا
ایلیه یزید امرینی قبول تا حیاتی وار بی زوال اولا
قارداشیم ابوالفضله دی وره بیرجواب او ب نامه یاحسین
ایلدی حسینه بو سوز اثرسسلدی ابوالفضلی محضره
گیت بویوردی ای بدر کاملیم اول امیر وسالار لشکره
گرسن اولسان اولماز ایدن جفا بیر نفر عیال میگیره
نطقه گلدی سقای کربلا وار دیدی نه برنامه یاحسین
عرض ایدوب ایاشاه کربلاقارداشون اولاجانوا فدا
آشکارا ایله دلده مطلبون تا گوروم مرامون ندوراخا
دیموسان مگرقارداشوندان ای شهریارمن ایلوسن رها
قطعه قطعه اولسامدا گتمرم آند اولابوایفامه یاحسین
من بو دینی دنیایه ساتمارام محکم ایلرم دین پایه سین
ورمرم الیمدن بو منصبی حق ایده منه قطع سایه سین
رد ایده جوابین ویا سالانطقدان بیانین او آنیده
گستره حسینه وفاسینی سیر ایده اوهنگامه یا حسین
استاد امینی
----------- متن اشعار حاج مجید امینی ---------
ورود محّرم
گلدی محرم گینه قان آغلیرام
گوزدن آخیر اشک روان آغلیرام
گاه علن گاه نهان آغلیرام
شاه شهیدانه عزا ساخلیرام
سرمد انسانه عزا ساخلیرام
ای شه خونین جگر ایوای حسین
وار سنه دنیاده مگر تای حسین
گون گونوز آغلار گجه لر آی حسین
شیعه اثنی عشر آغلار سنه
زاد و ولد بحر و بر آغلار سنه
لعن حق اعمال یزیده اولا
قالمور او قدری گل زهرا سولا
باش آچا زهرا قیزی زلفین یولا
ای شه عطشان حسین وای دیه
اصغر شش ماهیه لایلای دیه
کرب و بلانین چولی طوفانلی دی
لشگر کفار نه عصیانلی دی
کون و مکانین اورگی قانلی دی
ظلم لرین عالمه بولدوردیلر
زاده پیغمبری الدوردیلر
کوفه و شام اهلی وروب ال اله
سالدیلا زهرا بالاسین مقتله
گور نجه پیچیده اولوب مسئله
شمر دنی جنگ و جدل باشلادی
ظلم گیلیمین شقی آرغاشلادی
عدله جری اولدولا کفار اوگون
ال بیر اولوب اهل ستمکار اوگون
آی نجه اولوب مسئله دشوار اوگون
گون دولانیب اولدی قرا زینبه
گلمیش هامی دوتسین عزا زینبه
ماه محرم دی «امین» آغلا یان
ساخلا عزا باشه قرا باغلا یان
سینوی چاک ایله و یا داغلا یان
آغلا قوی آخر هامی قان آغلاسین
اهل جنان اهل جهان آغلاسین
امینی
----------- متن اشعار حاج مجید امینی ---------
حسین چی
گرک حسین چی لرین خدمتی حسین دیین اولسون
بها ورولسه اونین قیمتی حسین دیین اولسون
حسین حسین دیمگون آیری بیر فضیلتی وار
بو شرطیلن دیینین غیرتی حسین دیین اولسون
او شخصلر که آدین نوحه خوان قویوبلا حسینه
گرک آدی اوزی شخصیتی حسین دیین اولسون
حسین او کیمسه نی چوخ دوست دوتار اوزون بولوسن که
وقاری قولی سوزی صحبتی حسین دیین اولسون
دانیشدیراندا حسین نوکرین بیر آیری کانالدان
دانشماقی بلی ماهیتی حسین دیین اولسون
هرایه سسله سه قرآن حسین دیوب یولا دوشسون
کمال صدقله جدیتی حسین دیین اولسون
نه آغلاماق یارانین مرهمی اولار نه ده گولمک
فقط دواسی طبابیتی حسین دیین اولسون
طواف کعبه ایدن کیمسه لر بیر آز آییغ اولسون
زیارتی عملی نیتی حسین دیین اولسون
ربا یین حاجی لار قویمیون مجالسه گلسین
قویون مجالسین حیثیتی حسین دیین اولسون
ورون نه رشوه آلان فرصت آختارانلارا فرصت
قالوب کسیلسین اونین فرصتی حسین دیین اولسون
او مملکت که اونون رهبری حسین دیین اولدی
بیر ایش گورون که هامی ملتی حسین دیین اولسون
شهیدلرین یولونا دوز گرک ادامه وریلسین
شهید آتالارینون حرمتی حسین دیین اولسون
تلاش ایدون او آخان قانلارین محافطتینده
که اونلارین بیزه حلیتی حسین دیین اولسون
اولار حسین یولونی شوقیلن گیدوب تاپوب الحق
اوز ایسته دیگلری بیر جنتی حسین دیین اولسون
او جنتی که خدا خلق ایدوبدی مؤمنه خاطر
او مؤمنی که اونین سیرتی حسین دیین اولسون
ازل جهان دا گرک برده لیک بساطی پوزولسون
هر انسانین بله حریتی حسین دیین اولسون
او شیعه لر که قرا کوینگی تقبل ایدوبلر
بودور هدف اولارین عزتی حسین دیین اولسون
"امینیم" گجه گوندوز گوزوم حسینین الینده
که یازدیقیم شعریمون اجرتی حسین دیین اولسون
امینی
----------- متن اشعار حاج مجید امینی ---------
شهادت امام جعفر صادق (علیه السلام)
ای گوزوم آه و الامان آغلا امام صادقه
زهر اثریله وردی جان آغلا امام صادقه
اهل مدینه غرق اولوب بحر ملال و محنته
صادق امامی ظالمِ دهر سالیب مشقته
چوخلی خلیفه زمان ایلدی ظلم او حضرته
شیعه لر اولدی باغریقان آغلا امام صادقه
ای گوزوم آغلا گون کیمی روشن اولوبدی مسئله
دوتموشام اطلاع سر رشته نخ گلوب اله
زهر وروبله زادهء حضرت ختم مرسله
قاره گیوبدی شیعیان آغلا امام صادقه
زهری تناول ایلیوب زادهء مرتضی علی
سانکه خموش اولوب بو گون نور چراغ منجلی
یومدی زمانه دن گوزون یا علی ششمین ولی
گل ای امیر مؤمنان آغلا امام صادقه
باتدی ملاله اولجاقین شهر مدینه قاره پوش
چاتدی غروبه گون ولی اولدی چراغ دین خموش
غملی بولوتلار آغلاشیر آه و فغان ایدور وحوش
آغلور او حاله انس و جان آغلا امام صادقه
اسدی مخالفت یلی سولدی ولایتین باغی
تازه لنوب دوباره دن داغلی اورکلرین داغی
موسی کاظمه دیون شیعه لرین یامان چاغی
قالما نهاندا اول عیان آغلا امام صادقه
سالدیلا تیر ظلمیله مذهبین آفتابنی
قوپدی قرانلیق اولکه ده بوکدوله دین کتابتی
ظلم وستمله حضرتین باغلادیلار حسابنی
سنده امام مهربان آغلا امام صادقه
فرش دن اوج ایدور نوا عرش خدای داوره
دوندی زمانه فرصتی وردی گروه کافره
وار یری عالم آغلاسین شافع روز محشره
دلدن "امینی"آغلایان آغلا امام صادقه
امینی
----------- متن اشعار حاج مجید امینی ---------
ولادت حضرت امام زمان (عج)
قویوب یاران بو دنیایه قدم صاحب زمان گلدی
ورون مژده گونه آیه فروغ کهکشان گلدی
گَلَن یولارینه اولسون آتام قربان آنام قربان
که سالسین باشلارا سایه امام انس و جان گلدی
بو گون بیر عرش ساقیندن گوزل قندیل آسلاندی
اونین نور جمالیندن بوتون دنیا ایشقلاندی
سؤال ایتدیم اَسَن یل دن ددی دهره سلیمان دی
اونا قالیچه گلمیشدی بونا تخت روان گلدی
اوتورموش نوریدن تخت روان تخت زر اوستونده
قویولموش تختی بیر آشقین گل و برگ تر اوستونده
ملکلر حوریلر آچمش اونین بال و پر اوستونده
یره قصد ریارتلن عموم عرشیان گلدی
اونین خلقت کتابینده ازلدن ثبت اولوب آدی
ایدوب خلاق او مولانی بشر اقوامینه هادی
زمان و عصره تا روز قیامت میر و مولادی
حقیقت جانب حق دن بیزه پای ارمغان گلدی
او شاهنشاهیدن بیرگون سفارش وردی پیغمبر
بویوردی اون بیر اولادیم اولار دنیالره سرور
او آخرده گلن میر خلایق جدینه بنزر
دیون گَل یا رسول الله بویورموشدون همان گلدی
چکور خجلت تماشایه چخاندا آی جمالیندن
قالور جن و ملک حیران اونین حُسن کمالیندن
فقط یللر اوپور لعل لبیندن قاره خالیندن
گورورسن یل اسنده هر یورولموش جسمه جان گلدی
او بیر دلبردی که دللر اونی مین آیه ورمزلر
اگر دنیاچی لر ورسه کلان سرمایه ورمزلر
سیاهی زلفی مین هر بیر توکین دنیایه ورمزلر
اونی الدن ورن سوداگره چوخلی زیان گلدی
حسینین با وقار اوغلی حسینی لر طرفداری
چپاول گر لرین ضدی اولوب مستضعفان یاری
اودور ویران ایدن آخر زمان دا نسل کفاری
گلر بیر گون دیسینلر یا حسین دور قان آلان گلدی
غرض ماه امامت دور دوتوب دنیانی نوریلن
عجب گوزلر اولوب روشن دولوب باشلاردا شوریلن
قرانقلار کوچوب عالم دونوب طوره ظهوریلن
کلیم اللهی سیناده قویوبدور سرگران گلدی
گوروب نرگس گلین گللر گلستانلار صفا تاپدی
اورک ملکین محبت لر دوتوب مهر و وفا تاپدی
گلوب پیرولرین حاصل نبیر مرتضی تاپدی
هدایت پرچمی الده امیر شیعیان گلدی
اوشاخلقدان او مولانین آدین ورد ایلرم دلده
امامیم دور دیسم یاریم اولار شرعی مسائلده
آقام اوز شیعه سین قویماز قالا بیر آنی مشکلده
چاغیرسا کیم خلوصیله گورر مشکل آچان گلدی
"امینی " سن قلم الده آچورسان دفتر و دیوان
یازیرسان مدح و مرثیه ائمه شأنینه هر آن
شهید کربلادن چوخ آلوبسان دردیوه درمان
سنه اول شه دن عمرونده محبت لر کلان گلدی
استاد امینی
----------- متن اشعار حاج مجید امینی ---------
در ولادت امام موسی کاظم (علیه السلام)
عزیزان گلدی دنیایه امام موسی کاظم
اولوب دنیایه پیرایه امام موسی کاظم
وروب الله او مولانی بو اهل دینه سرمایه
کلام اللهی ایلیبدور تلاوت آیه به آیه
بشیکده طفل چاقینده کلام الله دوداقینده
ملکلر حوری لر حیران قالبلار عرش طاقینده
اولوبدور حجت روی زمین اول خسرو خوبان
امام هفتم و شاه جهان دور حامی قرآن
حقیقت نهمین نور هدا شمس تجلادور
آتاسیندان صورا کل جهانه میر و مولادور
خدیو و خسرو جن و ملک انسان و هم حورا
فروغ مکتب مردان غیرتمند عاشورا
امام کاظمه همتا یوخویموش اوز زمانیندا
اثر قویموشدی بی تردید حسینین قانی قانیندا
بجردیب بیر اوغول مثل رضا سلطان خراسانه
وجودین فخر دنیایه خصوصا اهل ایرانه
کمال صدقلن خلق جهانه رهنما اولدی
آتا باب الحوائج دور اوزی مشکل گشا اولدی
دیدیم یاز ای قلم اهل دله موسی بن جعفردن
کرامت درسی نی تحصیل ایدوب ختم پیمبردن
اوزی باب الحوائج دور ایوی دارالشفا خلقه
ایله صاحب کرم دور که باخور صبح و مسا خلقه
ولایت اهلی نین صدق و صفالی میر و مولاسی
گیچر الله یانیندا هم سوزی هم مهر و امضاسی
یوزینده گوزلرینده نور حق الحق هویدادور
حقیقت بندگی اللهه اوز آنیندا پیدا دور
عبادت ساحه سینده جسمی تیترردی هم آغلاردی
فقط قورخاردی اللهدان دمادم هردم آغلاردی
خطاب ایلردی یارب دویمورام من بو عبادتدن
منه بیر جای خلوت ور بو درگاه جلالتدن
او یرده بیر سن اول بیر من تاپوم بیر حال عرفانی
قوی عرفان ساحه سینده ساخلیوم بو جسملن جانی
غرص الله او مولانین دعاسین مستجاب ایتدی
اونا بیر محفل خلوت عبادت انتخاب ایتدی
غل و زنجیرین آلتیندا یتیبدور عمری پایانه
(امین) ایستور یازا نوحه گلور هی آه و افغانه
امینی
----------- متن اشعار حاج مجید امینی ---------
زبانحال حضرت زینب (سلام الله)
در فراق امام حسین (علیه السلام)
من زینبم جهاندا گونوم قاره آغلارام
دوشسه گوزوم هایاندا که گلزاره آغلارام
من نیلورم حسینسیز اولا گلستان جهان
بیر بلبلم گیدوبدی گلوم خاره آغلارام
من زینبم سولوب چمنیم جورخاریدن
کل باشیمه اولوب ستم روزگاریدن
قارداشلاریم الوب غمیمین یوخ شماره سی
قلبیم یانوب منیم بو غم بی شماریدن
من زینبم آتامدی علی مرتضی منیم
قلبیم ایوین یخوبدی ولیکن قضا منیم
من نیلورم جهانی حسینیم گر اولماسا
عالم بوئی بو دهر ده عمروم اولا منیم
من زینبم فلک آدیما چوخ بلا یازوب
درد و غم و بلایه منی مبتلا یازوب
سعی ایلدوم جهانیده خوش گون گورنمدوم
خوش گونلری قضا منه اوّلده لا یازوب
من زینبم حسینمون اولدوم دیوانه سی
قارداشمون منم ابدی نغمه خوانه سی
آغلار منیم غمومده دیر وای زینبه
هر کمسه که داغلسا اونون آشیانه سی
ساخلا عزا (امینی) دی هرسوز باشی حسین
زینب آدین زبانه گتور ایله شور و شین
هر دردیوه دوا ایلسون صاحب عزا
محبوبه دور دو کشوره چون زینب حزین
امینی
----------- متن اشعار حاج مجید امینی ---------
مجلس یزید
قورموشدیلا بیر بزم ملوکانه یزیده
ایتمیشدیله بیر مسجدی میخانه یزیده
چوب الده حسین باشی او شومین قباقیندا
ویرماق نظری واریدی قانلی دوداقیندا
مستیدی خماریدی سوز آغزیندا آزیردی
هر نه دانشیردی اونی کاتب ده یازیردی
القصه اونین ایسته دیگی حاصله گلدی
دوردی ایاقا قولاری باغلی دیله گلدی
سجاد آقا فرمایشینی ایتدی یزیده
تأثیر ایلیبدور سوزی اول شوم پلیده
امرین یتروب اول شرر الناسه او حضرت
بیر نچه دقیقه دیدی سن ور منه فرصت
اذن آلدی ایاقین قویا بیر منبره سجاد
صلوات و سلام ایلدی پیغمبره سجاد
ایام گتورمیشدی او بیچاره نی درده
گوز یاشی روانیدی فقط عارض زرده
ایتمیشدی اونی کرب و بلانین غمی خسته
صبرین گوجونه چخدی ولی منبرین اوسته
بیر خطبهٔ برّا دیدی اول کان شجاعت
حیران و خمار اولدی او گفتاره جماعت
منطقله سوزین باشلادی حسب و نسبیندن
هیچ گونه کنار اولمادی اصلا ادبیندن
اوّل دیدی من باقیهٔ کرب و بلایم
هم سرمد و سر خیل بو فوج اسرایم
اول باشه یزید ایندی اوزوم نور دو عینم
سجادم و مظلوم علی بن حسینم
زهرا که منیم مام کباریمدی حیا ایت
زیبا آدی آغزیمدا شعاریمدی حیا ایت
جدیمدی محمد منه مفخر گوزل آدی
الله اونی گوندردی مسلمانلارا هادی
قرآنی او مولا گتروب آیه به آیه
جبریل اونا خادم دی ولیکن بیزه دایه
اول سرور ایجاد بیزه میر حرم دی
هر خلق دن افضل دی اوزی کام کرم دی
انصاف ایله سوز گر اونا ذریه منم من
گیت ممکنی اولسا اوز آتاندان خبر آل سن
قرآن مبین عرش خدادن بیزه گلدی
آیا دیگوروم سن اونا کیم سن بیزه گلدی
منبردن انوب گلدی اشاقه شرف الناس
سسلندی حرم لر هامی یا حضرت عباس
تأثیر ایدوب اول ناکسه فرمایش بیمار
مخلوقین ایچینده اوزینی ایلمه سین خار
اوچ گون دیدی قصریمده عزادار اولاجاق سوز
تسکین وروب بیر بیره دلدار اولاجاق
ایتدوز منی بو غصلی جریانه پریشان
جانیم بو حسینیم یارالی جانینه قربان
لعن ایلسین الله گوروم ابن زیاده
بی شرم و حیا سالمادی اللهینی یاده
الدوردی ذلیلانه حسین بن علی نی
خاموش ایلدی ظلمیله نور ازلی نی
عفو ایله منی سوئله دی بیمار امامه
آگاه دگیلدوم که گتیردوم سیزی شامه
هرچند حسین قانینه مولا عوض اولماز
هر قطره سینه مین دانا دریا عوض اولماز
تقدیم ایدورم من سیزه مقدار طلانی
فکر ایلمیون صفحهٔ دلدن سیله قانی
دستور وروب گتدیله هر غارت اساسین
سویموشدیلا هر بیر اُلنین قانلی لباسین
بیردن قولاقا وای بالا یاندیم سسی گلدی
لیلایه علی اکبرین عمامه سی گلدی
آغلاشما دوشوب هامی نین احوالینی قاتدی
اول زینبه ده قارداشینین کوینگی چاتدی
بیر خرداجا اود دوشدی دل شیخ له شابه
گستردیله قونداقی ده بیچاره ربابه
بیر قانلی عَلَم گلدی دیریلدی شرف الناس
زینب دیدی قارداش گوروم اُلسین باجون عباس
غم قافله سین کافر دوران یولا سالدی
اهل حرمین باغرین ایدوب قان یولا سالدی
دستور وروب قافله دن دوتدولار آمار
گوردیله ولیکن بیری کم گلدی قالان وار
دوردی ایاقا غصه لرین همدمی زینب
آلدی الینه قانه باتان پرچمی زینب
یول باشلادی تز منزل ویرانیه گلدی
گلدی ولی بولمم نجه اول هانیه گلدی
گوردی دانشور فاطمهٔ ثانیه آغلور
اوز اشکینی رخسارینه جیحون کیمی باغلور
تز تز دیور ای باجی آماندی بیله یاتما
اهل حرم آخر نگراندی بیله یاتما
غم قافله سی یثربه یولاندی رقیه
دور منله گیداخ قلبمیز اودلاندی رقیه
سنسیز وطنه من نجه رجعت ایدوم آخر
نیلوم که اسور گلمور ایاقیم گیدوم آخر
دور منله گیداخ یثربه دور یاتما رقیه
قربانون اولوم دور منی آغلاتما رقیه
ویرانه ده بو درد و ملالون منه بسدی
جبراً داغلان جاه و جلالون منه بسدی
از بس که خانم ایتدی فغان آغلادی یاندی
فریاد دلی عرش معلایه دایاندی
اهل حرمه قافله سالاریدی زینب
عصرینده بلی رونق بازاریدی زینب
حامی دی غرض عترت پیغمبر دینه
عباس علمدار علمین آلدی الینه
دوشدی قباقا دالدا نظامیله حرملر
هر تک تکی اما یورولان آهویه بنزر
اولموشدی حسین آدی اونون دلده شعاری
اَگدی یولونی کرب و بلا سمتینه ساری
اگلشدی یره بولمدیلر نیلدی زینب
قارداشینه قوزاندی سلام ایلدی زینب
عرض ایتدی حسینیم منه غم تیری دگوبدی
شامین سفری قدیمی بیر یوللوق اگوبدی
قان آغلور "امینی" یازان عنوانینه قارداش
اجرت ور اونون غصه لی دیوانینه قارداش
امینی
----------- متن اشعار حاج مجید امینی ---------
در ولادت حضرت امام رضا (علیه السلام)
قویدی مبارک قدمین شیعه لر
عالم امکانه امام رضا
نور وجودیله گتوردی اُلن
جسم لری جانه امام رضا
مشرق یثربدن اوجالمش قمر
دوره سین آلمش ایله زرین کمر
ایتدی افق دان اوزینی جلوه گر
محفل عرفانه امام رضا
مظهر ذات ازلی دور اوزی
جمله گوزللر گوزلی دور اوزی
حقه ولی اسماً علی دور اوزی
شاهیدی خوبانه امام رضا
حجت بر حق خداوندگار
خسرو خوبان شه والا تبار
حجب و حیا وقر و وقار اعتبار
اولدی هر انسانه امام رضا
وار یری یر اولسا فلکلر اونا
خادمه حوریله ملکلر اونا
جان دییر القصه اورکلر اونا
جاندی محبانه امام رضا
پادشه ملک ولادور رضا
هر نه قضا گلسه رضادور رضا
شافع ایام جزادور رضا
قوم مسلمانه امام رضا
کشور عشقین قوی سلطانی دی
شیعه لرین روحینه روحانی دی
واقعاًایرانلی لارین جانی دی
خوش گلوب ایرانه امام رضا
طوس دیارینده که مأواسی وار
ظلمتیلن نوریدی دعواسی وار
عرش معلایه تجلاسی وار
پارلامیر هر یانه امام رضا
رتبه سی والا اوزی والا مقام
خلقین ایچینده هامی دان نیک نام
جمله جهان اهلینه میر و امام
حکمی حکیمانه امام رضا
حامی قرآن دی امام مبین
گلدی دولاندیرماقا دین بیرقین
ایندی وقاریله سالیب مسندین
ملک خراسانه امام رضا
عمر بویی حمد و ثنا ایلیوب
عدلی ساچیب کفری فنا ایلیوب
ملک خراساندا بنا ایلیوب
آچدی شفا خانه امام رضا
هر کیم اولور درده جهاندا دچار
آلماقا درمان اولور امیدوار
ناخوشا مجانی باخاندا یازار
نسخه طبیبانه امام رضا
سنده "امینی"الیوه آل کتاب
دردیوی مولایه اوزون قیل خطاب
مطلبی روشن دی ایدر مستجاب
آنداولا قرآنه امام رضا
امینی
----------- متن اشعار حاج مجید امینی ---------
در مدح حضرت امام رضا (علیه السلام)
ای رضا ای حامی قرآن سلام اولسون سنه
وی اولان قرآنه پشتیبان سلام اولسون سنه
آستانوندا یاتیر مینلر قوناقون صدقیلن
ای ایوی کاشانه سی رضوان سلام اولسون سنه
ای رضا ای دم ویرن عیسی مسیح مریمه
وی ایدن اجدادی غمزه ناز آب زمزمه
جان فدا اولسون سنه سن شاه سن بو عالمه
جان رضا ای جان جاویدان سلام اولسون سنه
ای رضا ای فجر صادقدن بیزه روشن یوزی
وی گیچن الله یانیندا قصدی قولی هم سوزی
هیچ یایلمبدور حریم دین دن یاتماز گوزی
ای امام ای روحیوه قربان سلام اولسون سنه
ای رضا ای هشتمین نور خداوند جلیل
اولموسان روشن ترین اهل جهانه سن دلیل
گر دیسم درگاهیوه خادم یارانمش جبرئیل
سن سن اسلامه ملک دربان سلام اولسون سنه
ای رضا ای نور مطلق سایه لی شمس شموس
مدفنون ملک خراساندور اوزون سلطان طوس
اولماسام من قبریوه مولا الونجه پای بوس
قلبمی ایلر بو غم شانشان سلام اولسون سنه
ای رضا ای قلبی غم دریاسینه تبدیل اولان
گلشن زهرانین آچقین گللری بیر بیر سولان
جدینین قانی یارالاردان آخان گودال دولان
حق اوزی ایتسین اونا دیوان سلام اولسون سنه
ای رضا ای جدی نقش اولموش او قانلی مقتله
بیر ایچیم شهد شهادت یاریدن آلدی اله
قوی دیدی شمرین جزاسی محشره قالسین هله
انتقام ایلر خدا اوندان سلام اولسون سنه
ای رضا انسان"امین" اولسا اونین محتاجیم
من غم مولا حسین بن علی آماجیم
کعبه عشقیمدن اوپسم منده کامل حاجیم
قویمارام الدن دوشه دیوان سلام اولسون سنه
امینی
----------- متن اشعار حاج مجید امینی ---------
زبانحال زائر حضرت امام رضا (علیه السلام)
گلدیم سلام ایدم سنه من یا امام رضا
بیر اعتنا بویور منه سن یا امام رضا
کونلوم تلاش ایدور گوره بیر آنی قبریوی
ایستور خدادن ایلسین ارزانی قبریوی
اسمون دوشوبدی دللره چون انبیا سنون
حرمت یارالدوب ایللر ایچون آی رضا سنون
سن مظهر پیمبر اعظم سن آی آقا
چوخ کس لرین یاراسینا مرهم سن آی آقا
قربان اولوم سنون اوزیوه دادلی آدیوه
قیل بیر نظر بو عاشقیوه دوشسه یادیوه
ای شیر داورین بالاسی هشتمین امام
چخماز آدون یادیمدان ایا شاه صبح و شام
من عاشقم بو عشقیمی جان مثلی ساخلارام
جنت نمادی قبریوی گورسم قوجاخلارام
سن مفخر خلایق ایران زمین سن
هشتم سر و سریر صفا بخش دین سن
موسی بن جعفرین ایوی سنلن تاپوب جلا
عالم اولوبدی عشقیوه بیر دفعه مبتلا
اسمون سنون تجلی عرفاندا گورسنور
یوخ یوخ دیسم سزادی که قرآندا گورسنور
زینت وروبدی خالق یکتا بو ایرانا
سنلن یقین بو ایرانین اهلی گلوب جانا
جانلار فدا سنون جانیوا جاودانه سن
پیغمبر عظیم خدادن نشانه سن
عشقون واریدی شهر خراسانه گلموسن
قربان اولوم سنون کیمی مهمانه گلموسن
من بیر "امینم" اولموشام عاشق سنه آقا
لطف ایله سنده باخگیلا بیر یول منه آقا
امینی
----------- متن اشعار حاج مجید امینی ---------
مبعثت حضرت رسول اکرم (ص)
گوز آچون غار حراده اوجالان نوره باخون
دوشنن کیمدی او نوریله دولان طوره باخون
گتروب باشلاری باشدان ایاقا شوره باخون
او محمددور آلبدور اله قرآن گترور
دییه بوللم که اُلن جسملره جان گترور
بشرون وجهه سی دوشموشدی حقیقت خطره
نه حیا حرمتی بیر کیمسه آلوردی نظره
نه گمان واریدی ظلمت گجه دونسین سحره
واریدی جامعه نین ایچره او اندازه مرض
هره اوز بولدوگین ایلوردی جهالتده غرض
شرف و شرم و حیادن بیری گورمزدی اثر
باجیلار قارداشا توشه یدی آتا قزلارا اَر
آرادان عقلی آپارمشدی هوس باز بشر
نه جوان جامعه ده صاحب درکیدی نه پیر
قمار اوینوردی آنا اوغلونی ایلوردی اسیر
ایله بول ملتین اولموشدی ایکی گوزلری کور
دیین اولموردی ایدن وقتیده هر کیم کیمه زور
گه ایدوردی عرب اوز قزلاری نی زنده به گور
او غروریله بشر بیر بیرین ایلوردی فنا
هارا اوز میلی چکوردی آپاریردی اویانا
بو قدر ملت ایتیرمیشدی مسیر و هدفین
ایکی بولموشدیلر الحق یاشایش صدفین
گورونوب گون کیمی پیغمبری دین حَنَفین
اوجالیق نورینه غرق ایتدی حیات بشری
هامیا روشن ایدبدور گینه خیریله شری
عَلَم نصر من اللهی رسول مدنی
گوتوروب چیگنینه مخلوقی اویاتدی علنی
اوزینه سیچدی وزیر الوزرا بوالحسنی
گرک اوّل دیدی هر نحویله بتلار توکوله
گله بوندان بیله هر نسلی بیر اللهی بوله
باشینا تاج نبوت که قویوب ختم رسل
اوزینه دین و شرف ایلدی مخلوق حصول
او که اسلامی خلوصیله گلوب ایتدی قبول
قییدوب عاطفه اوز مقصد معموله سینه
هره گوز تیکدی حلالیتین آیینه سینه
گورونوب حاصلی اسلامیده حُسن و حَسنات
تاپوب انسان یاشاماقدا اوزینه راه نجات
نجه سن گوندروسن آدینه هردم صلوات
هامی سکان سماوات اونی تحسین ایلیوب
سنه ده مزد پسندیده نی تعیین ایلیوب
بو گوزل دینی خداوند ایدوب عدلیله بنا
گوتور ال درگه والاسینه قیل حمد و ثنا
او قدر قالموری غفلتده یاتانلار اویانا
اوجالور گون به گون آفاقیده نور ازلی
اونا چون یار اولوب اوّلده خداوند جلی
نه بو عالمده اونون شأنینه بیر شأن چاتار
نه اونون امتی عالم بویی قرآنی آتار
نه ده که ارزشین انسان ایکی دنیایه ساتار
سر سوداسینه جان وردی علی شیر خدا
او علی که اونا زهرا اوزی نی قیلدی فدا
او گوزل دین یولوندا نقدر قان وریلوب
آدینا قانلی منالرده نه قربان وریلوب
شهدادن نچه میلیونلار اونا سان وریلوب
اونا مدرک دی اُحد خیبریلن بدر و حنین
توکولوبدور یره اوستونده اونین خون حسین
او یغوب بیر یره اعرابیله کُرد و عجمی
علمانین شعرانین سوزی شعر و قلمی
داخی قویماز یاتا اسلامین اوجالمش عَلمی
آدیوی سنده (امینی) یاز او دفترلره تا
قوی اوزوندن صورا آثار قالا بحرالبکا
امینی
----------- متن اشعار حاج مجید امینی ---------
حضرت موسی بن جعفر (علیه السّلام)
اولسون سلام حضرت موسی بن جعفره
ذریّهٔ پیمبر و زهرا و حیدره
آئینهٔ صفات خداوند ذوالجلال
عبدیتینده صادق اولان بنده پروره
حیران قویان عوالمی اوز اقتدارینه
دلدن ایدن توکلی نی حی داوره
هفتم ولی برحق پروردگاردور
عالم دیولله باب الحوائج او سروره
دینین یولوندا سوگلی جانانه جان دیدی
با ذکر نام حق اوزینی سالدی سنگره
اوّل ایشیتدی لفظ بلی للولا دیدی
تاب ایلرم بویوردی نقدر اولسا غملره
دریای صبردور دایانیب دوزدی اون بیر ائل
دل ورمیشیدی دلدن او فرزانه دلبره
آیرلدی ایل تباریدن البته ظلملن
گلدی وجوده اول شه ایچون آیری منظره
هارون ناخرد ایله بیر ظلم ایدوب اونا
حق لعنتین روا گوره ای کاش او کافره
عصرین امامین ایلدی زندانی بی سبب
یاندیردی عالمین اورگین مرد هِی وَره
محکم دلیلی وار بو سوزین یوخدی شبهه سی
مشکل دگول بو جمله غرض اهل باوره
ویرمشدلار که حلقهٔ زنجیری بوینونا
وصل ایلمشدی بوینونی زنجیر اللره
الله دیوردی سندن ایله بیر یر ایستورم
سنلن بو عمریمی یتیرم باشه یکسره
بیر بیر سوواردی گونلری گونلردن اول خدیو
سنگین ایدردی غملر او جسم مطهره
جاندان سالیب رطوبت زندان وجودینی
سِند اوغلی گاه گاه اونا ایلردی مسخره
گه تازیانه الده گلرمیش حضورینه
اوج ایلیردی اوندا فقط آهی گوگلره
گون بیر گون اولدی سویلدی الله یورولموشام
قورتار منی اقلّی گلیب ورماسین هره
غربتده بیر گون اولدی غریبانه جان وریب
جانسیز وجودی آخدی دوشوب بحردن بره
تشییع ایدنده پیکرینی سِند نا نجیب
تسلیم ایدوب حقارتلن حمل ایدنلره
جداً «امینی» آغلاماق عنوانی ایلیوب
چنگ توسلین ویروب اول شاه محشره
استاد امینی
----------- متن اشعار حاج مجید امینی ---------
در احوالات حضرت امام محمد باقر (علیه السلام)
عزت وروبدور حضرت یزدان امام باقره
اولسون هامی علامه لر قربان امام باقره
باقر نه باقر مکتب قرآن و دینه افتخار
باقر نه باقر علم اونین حکمیله اولموش انفجار
باقر نه باقر حُسنینه مبهوت قالمش روزگار
چاتمازدی جداً یوسف کنعان امام باقره
باقر نه باقر شهرهٔ آفاق مهر ومعرفت
باقر نه باقر اوندا وار مینلر پسندیده صفت
باقر نه باقر واقعاً خلاق حسن و عاطفت
بیجا دگول مدیون اولور انسان امام باقره
باقر نه باقر انتخاب ایلوب پیمبر آدینی
باقر نه باقر باغلیوب اوز آدینه اجدادینی
باقر نه باقر حفظ ایدوب پیغمبرین اولادینی
گلدی سمادن بیر خفا فرمان امام باقره
باقر نه باقر شام ده بیر گون اسیر جنگدی
مانند زین العابدین یا عمه سی دل تنگدی
گوردی یزید بی حیا بی شرم و بی فرهنگدی
اولموشدی گرچه شام او گون زندان امام باقره
دوران دولاندی الغرض گیتدی امام ساجدین
امر اولدی حقدن چیگنینه آلسین ولایت بیرقین
آلمیشدیلار اطرافینی اهل کمال اهل یقین
قالمش امور مکتب قرآن امام باقره
آخر هشام بن ولید ایلوب جفا اول حضرته
اهل مدینه ایتمدی حتی وفا اول حضرت
والی شهر ایلوبدی چوخ ظلم خفا اول حضرته
تزریق ایدوبلر زهری چون پنهان امام باقره
هرکیم سنین درگاهیوه نوکر و یا مداح اولور
شأنین اوجالدیر حق اونین افلاکه مثل شاه اولور
اما «امینی» نوکرون بیر ذره خاک راه اولور
هرکیم اولا زائر سنه مهمان امام باقره
امینی
----------- متن اشعار حاج مجید امینی ---------
احوالات امیرالمومنین (علیه السلام)
بعد از شهادت حضرت زهرا (سلام الله)
ای گنج پیمبرده اولان درّ یگانه
معیاریوه مبهوتیدی صرّاف زمانه
گوزدن نه سبب اولدی بیله آتدون علینی
مقصودیوه چاتدون ولی آغلاتدون علینی
کیم سن کیمی آفاقیده معتادیدی صبره
دوزدون اوز عم اوغلوندان اوتور سن هامی جبره
گَتدیم اوز الیمله گئجه قویدوم سنی قبره
راحت گئجه لر یاتمازیدون بو گئجه یاتدون
بو قبریده یاتدون، یارالیدون نجه یاتدون
کیم سن کیمی بو درد دلیمدن اولی آگاه
مونس منه سنسیز اولاجاق ناله ی جانکاه
سندنصورا چوخ اولمیا عمریم اولا کوتاه
هر شام و سحر سویلرم ای خالق بر حقّ
اُلدور منی لطفیله بتوله ایله ملحقّ
ای حقّ علینی ایدن عالملره اثبات
جدّون سنیله فاطمه ایلردی مباهات
سنسیز منی آیا کیم ایدر ناله دن اسکات
سندنصورا ایوای منیم احوالیمه زهرا
چارم ندی کیم باش چکر اطفالیمه زهرا
ای حور سیر، صورتاً انسیّه مصوّر
ای نوری اولان نور خدائیله مخمّر
ای برج حیاده یوزی بیر ماه منوّر
اندوه و محن ایتدی دراز عمریوی باریک
دور گور نجه خسفون ایلیوب عالمی تاریک
بیجا یره من آغلامورام واردی دلیلی
ثانی ال آچوب ووردی یول اوسته سنه سیلی
گُل صورتیوی سیلی یری ایلدی نیلی
بنزردون او گوندن سارالان یپراقا زهرا
قویدوم او گویرمیش یوزیوی توپراقا زهرا
آغلار سنه فرض ایلمه بیگانه، علیدور
بو قبره گَلن شام غریبانه علیدور
سن شمع وفاسن سنه پروانه علیدور
پروانه اولان شمع اودونا رسمیدی یانسون
من تک هانی پروانه بیله اوددا دایانسون
ای نوری اولان نور حق داوره مشکات
نوروندی سبب قائم اولوب ارض و سماوات
یکسر سنیله ضوء و ضیا تاپدی حجابات
صد حیف اولا نورون اولونوب ظلمیله خاموش
اولدی اودی بو تیره ترابیله هم آغوش
گلزاریده هیچ گل بیله بیر سن کیمی سولماز
هیچ غنچه گلون باغری بیله قانیله دولماز
سنسیز منیم احوالیمه بیر کس یانان اولماز
هم ناله تاپولماز من بی پشت و پناهه
ناچار قالوب کشف ایدرم دردیمی چاهه
بیر کوکبیدون فاطمه سن چرخ ادبده
مشهوریدون آفاقیده مرضیّه لقبده
مخفی نیه بو قبریده یاتدون دل شبده
ظاهرده اگرچه منی سن گوزدن آتوبسان
باطنده علینون ولی قلبینده یاتوبسان
ای شمع شبستان علی دختر طاها
محبوبه ی داور، اوزی صدّیقه مسمّا
دنیایه سنون فاطمه مثلون گَله حاشا
ای داد وفا ایتمدی دنیا سنه افسوس
آتدون منی اولدون بو سیه خاکیله مانوس
غم ایلمه قبرون سنون ایتگین قالاجاقدور
قانون گَله جاق قائم موعود آلاجاقدور
تیغ دوسریله فلکه اود سالاجاقدور
عدلیله بالام دولدوراجاق سطح زمینی
نائل اولا پابوسینه ای کاش امینی
استاد امینی
نظرات (۰)
هیچ نظری هنوز ثبت نشده است