متن نوحه ترکی مرحوم دلریش تبریزی
مجموعه اشعار برگزیده آیینی و مذهبی مرحوم دلریش تبریزی در مدح و رثای اهلبیت علیهم السلام ، متن نوحه ترکی از مرحوم دلریش تبریزی
---
زبانحال حضرت زهرا (سلام الله)
ئولورم عم اوغلی دلده غم بی نهایتیم وار
ایله سن قبولِ زحمت سنه بیر وصیتیم وار
بولورم بو غمده زینب ، شه مشرقینیم آغلار
گلر عترتیم فغانه ، ایکی نور عینیم آغلار
باشیم اوسته باش آچاللار ، حسن و حسینیم آغلار
اولارا تسلّی وئر سن ، منیم استراحتیم وار
گجه لر حسین یاتاردی ، منیلن شه مدینه
اونا خوابگه اولوردی ، آییلان زمان بو سینه
آناسیز قالور انیس اول ، اونا سن آنا یرینه
بولوسن منیمده سن تک ، اونا چوخ محبتیم وار
بویوروب بابام حسینون ، باشنون بلاسی چوخدور
کسیلور قفادن اُول باش ، بیله ماجراسی چوخدور
قویاجاق کول اوسته باشین ، ستم جفاسی چوخدور
گئدرم زیارتینه ، او باشیله اُلفتیم وار
بو شکسته خاطریم تک ، باتاجاق ملاله زینب
آناسیزلیقین دمادم ، سالاجاق خیاله زینب
نقدر حیاتی واردور ، ایده جاقدی ناله زینب
اونا ارث اولور عم اوغلی ، نقدر مصیبتیم وار
اونا وئر تسلی هر دم ، گله قویما چوخ فغانه
اولی دستگیر بولّم ، ستمیله کوفیانه
او بلاکشه منیم تک ، ووراجاقلا تازیانه
دؤزر هر بلایه اصلا ، دئمز هئچ شکایتیم وار
گتورور منیم بو عرضیم ، سنی گر چه آه و زاره
گئجه غسل وئر عم اوغلی م، ن زار و دلفکاره
ائشیدینجه اهل کینه ، کفن ایله قوی مزاره
گله لر جنازه م اوسته ، اولارا نه نسبتیم وار
شه لافتایه زهرا ، ایله کیم ائدوب وصیت
ایلیوب غروب گون تک ، یئرینه او شمس عصمت
حسنین اولوب خبردار ، گلوب ائتدیلر قیامت
سوله دی حسین آنا جان ، سنه بیرجه حاجتیم وار
بیزی ساغلیقون کیمی سن ، اگر آلماسان کناره
توکروخ سرشک دیده ، آناجان بو زرد عذاره
بولوروخ داخی ئولونجه ، سنی گورمروخ دوباره
گوزون آچ گور ای بلاکش ، نئجه غملی حالتیم وار
کفن ایچره ایلدی چون ، آنالوق محبّتی جوش
قولین آچدی ائتدی اول دم ، حسنینی زیب آغوش
بئله غملی ماجرانی ، ائلیوم نئجه فراموش
سالی کربلانی یاده ، اودی دیلده محنتیم وار
مرحوم دلریش
منبع مجموعه کانالهای مدح و مرثیه
----------- متن اشعار دلریش تبریزی ---------
خروج از مدینه
بزم جانانه حسین زینبی مهمان آپارور
جان وئرن وقته دئسون باجی دئسون جان آپارور
بویوروب حضرت عبّاسه شه کرب و بلا
باغلیون بار سفر کوچ ائلسون آل عبا
تاائدوم ایلدیگیم عهدیله پیمانه وفا
صبریمی الدن آلوب جذبهٔ جانان آپارور
شیعه لر دوشدی اگرچه بو تمنایه خلیل
بیرجه قربان گتوروب شوقیله مینایه خلیل
اولاقربان اوزی قربانی بو مولایه خلیل
عشق میناسینه یتمیش ایکی قربان آپارور
ائت جوانان بنی هاشمه ظاهر گلسون
اولاجاق منله هر اول کس که مسافر گلسون
ائت سفارش که حبیب ابن مظاهر گلسون
دی حبیبه که حبیبیم سنی دربان آپارور
گیینوب رخت سفر بیر به بیر اولاد علی
صحن پیغمبره جمع اولدیلا مجموعی علی
باشلاری اوسته عَلَم آچدی اوعبّاس علی
شه بی یاوره چون یاور و اعوان آپارور
راوی سویلر واریدیم کوچ ائلینده شه دین
گوردوم اولدوم بیر اوزون قوللی جوان ماه جبین
طرقو سویلوری سطوتله او با صد تمکین
صولتی الدن آلوب عقل و دل و جان آپارور
گوردوم اوندان صورا بیر بانوی بالا قامت
یاپیشوب بیر قیز الیندن گلوری با عزت
ائدر اولاد پیمبر اونا بی حد حرمت
رشک بو عزته بلقیس و سلیمان آپارور
ائتدی عباس او خاتونه نه قدری تکرار
سرفراز ائت منی اول محمل زرینه سوار
دئدی گلمینجه حسین دوتمارام هودجده قرار
چون منی کرب و بلایه شه عطشان آپارور
اولمادی راضی حسین السون او مظلومه ملول
خواهش زینب کبرانی او شه ائتدی قبول
تا سوار ائتدی اونی دوشدی یولا آل رسول
الله الله نئجه سرخیل اسیران آپارور
شیعه بو راوی دییَر واریدیم اول وقتیده من
کربلاده خیَمی غارت ائدنده دشمن
گوردوم اول عورتی کیم گورمیشیدیم عزتیلن
سویوب هر زیورینی لشگر عدوان آپارور
آتش هجره او قوم ائتدیله پروانه اونی
باغلیوب قولارینی گَتدیله افغانه اونی
میندیروب شمر دغا ناقه عریانه اونی
شامیده وئرسون اونا منزل ویران آپارور
سالوب هر کیم بو کمنده اوزینی کامل اولور
دم ویران عشق حسیندن بلی دریا دل اولور
یاحسین لطفون اگر«دلریشه»بیر شامل اولور
آلامحشرده اله مهرینی فرمان آپارور
مرحوم دلریش
منبع مجموعه کانالهای مدح و مرثیه
----------- متن اشعار دلریش تبریزی ---------
در احوالات حضرت پیامبر اکرم (صلی الله) و حضرت امام حسن مجتبی (علیه السلام)
اهلِ جهان آغلار بو گون ، ای سیدِ عالم سنه
ماتم دوتوبلار شوریلن ، هم مجتبایه، هم سنه
بو بی وفا امت سنه، ائتدیله هر جور و جفا
دوزدون رهِ جانانیده، جمله بلایه بر ملا
قویدون امانه عتر‌تون، قویمادیلار یا مصطفی
سندن سورا اعزازیلن، دوتسونلا بیر ماتم سنه
هر حرمتی بو امّته، ائتمیشدین ائتدیلر عوض
دفن اولمامیش جسمون قاپون، یاندیردیلار اهلِ غرض
هر ظلم گلسه خاطره، ائتدیله اول گون الغرض
تا وار نفس قان آغلاریق، هر لحظه و هر دم سنه
جورِ عدود‌ن عتر‌تون، اولمادی راحت بیر زمان
اولدو شهید اوغلون حسن، زهریله ای شاهِ جهان
دوتماز دیلیم تقریر ائد‌م، وئردی او شه نه نوعی جان
اولادیوه نه نوعی غم، یِتدی یِتیب اول غم سنه
سندن سورا بیر اوغلووی، زهریله مسموم ائتدیلر
تا حشر اولونجا شیعه‌نی، محزون و مغموم ائتدیلر
اما حسینی کوفیان، بیر نوع مظلوم ائتدیلر
واضحدی حالی اول شهین، ای سیدِ اکرم سنه
آلدیلا الدن بیر به بیر، مجموع یار و یاو‌رین
ائتدیله غلطان قانینه، ناکام علی و اکبرین
گونلر او گونده قویدولار، آخر یارالی پیکرین
اولدی حسینین بو غمی، بیر محنتِ اعظم سنه
جانلار بلالی باشیوون، اولسون فداسی یا حسین
وار باشدا هانسی عاشقین، سن تک بلاسی یا حسین
دوشدوقجا یاده خولی و شمرین جفاسی یا حسین
شام و سحر بیز آغلاریق، گوزلرده قان یاشلا سنه
مرحوم دلریش
----------- متن اشعار دلریش تبریزی ---------
در ولادت حضرت امام حسین (ع) و گریز به حضرت علی اصغر (ع)
دوشمزهمیشه ساقی بوفصل بهاراله
بو صحن گلستان و لب جویبار اله
دوشمزدوباره بیرده بئله روزگار اله
قور بزم عیش بلکه دوشه وصل یار اله
آل ای مغنّی سنده دف وچنگ و تار اله
سال شوریلن عراقه نوا بیر حجازاوخی
لحن حجازی طی ائله سوز و گدازاوخی
رغم رقیب و محتسبه شاهناز اوخی
فرصتدی، یوخدی بزمیده، اهل مجاز اوخی
گرم ائت بو بزم عیشی گوتور بیر سه تار ائله
دونموش فضای جنته هرگوشۀ چمن
قیلمیش معطّر عالمی نسرین و یاسمن
غنچه آچوب نقاب قوروب طرفه انجمن
شاخ گل اوسته بلبل اولوبدور طرانه زن
چون اوز گلین سالوبدور او بی اختیار اله
ابر بهار اشک توکر آه و زاریلن
سوسن بنفشه ایله آچوب یوز وقاریلن
شمشاد و سرولر دوزولوب بیر قطاریلن
لاله پیاله الده دل داغداریلن
گویا آلوبدی جام لبالب نگار اله
شوق لقای گُل گوتوروب شور بلبلی
هردم نسیم صبح دارار زلف سنبلی
قویماق گرک کناره بوموسم تغافلی
چنگ ملالدن ائله بیر صاف بو دلی
آل جام وباده ای بت سیمین عذار اله
تخت حملده خسرو خار دوتوب قرار
قیلمیش جهانی صحن جنان باد نوبهار
مجموع شاهدان چمن اولدی کامکار
دوتموش جهانی نغمه ی جاءالحق آشکار
آلدی لوای دینی شه کامکار اله
آیینه ی جمال خداوند کبریاء
مسند نشین آیه تطهیر و امتناء
قائم مقام ختم رسل شاه اولیا
دلشاد اولوبدی تخت خلافتده جابجاء
گلدی مراد جمله یخورد وکبار اله
شاد اول گوگول که گلدی اله مقصود و مرام
نطقیلن ایلیوبدی خداوند لاینام
مجموع مؤمینه عجب نعمتین تمام
گلمیش ظهوره بو مه شعبان ایکی امام
شیعه ایچون دوشوبدی عجب افتخار اله
بومژده آرترور فرح و ذوق و دمبدم
قویموش حسین فاطمه بوعالمه قدم
روحه حیات تازه گلوب زایل اولدی غم
قیلمیش وجودی عالمی چون روضۀ ارم
صد شکر گلدی نعمت پروردگار اله
اهل یقینه ائتدی خدا لطف ومرحمت
عاصی لرون یوزونه آچوب باب مغفرت
روح الامین تاپوب بو وجودیله مکرمت
وئردی ازل رسول خدایه او تهنیت
آلدی حسینی پیک خداوندگار اله
نه جبرئیل بلکه هامی اهل آسمان
نازل اولوبلا یر یوزونه جمله شادمان
وئردیله تهنیت شه لولاکه هر زمان
اولسون بئله وجوده فدا جان انس و جان
گلمز بئله وجود بئله شهریار اله
مستحکم اولدی بو شهیلن دین مصطفی
زینت تاپوب وجودی‌ایله عرش کبریا
یمن وجود پاک حسیندن اوتور خدا
صلصایلون ازلکی مقامین ائدوب عطا
سالدی او پر شکسته عجب افتخار اله
ممتاز ائدوبدی بو ایکی مولودی ذوالجلال
بو نیّرینه یوخدی نه مانند و نه مثال
قاصردی عقل وصفین ائده بلکه نطق لال
آیینه ی جمال خداوند لا یزال
ای دل ائدوب تجلّی دوشوب وصل یار اله
تابنده اولدی طاق هلال محمّدی
ائتدی طلوع نور جمال محمدی
دولدوردی نشأتینی جلال محمّدی
گلدی ظهوره قائم آل محمّدی
گون تک وجودی سالمیش عجب افتخار اله
بو شاهدور سریر امامتده چون سراج
بو شاهدور که دین رسوله وئرور رواج
بو شاهدور ائدر هامونون دردینه علاج
مجموع پادشهلره بوندان یتوبدی تاج
گلمز جهاندا بیله شه تاجدار اله
ای یادگار شیر خدا جان فدا سنه
بونه جلال و رتبه دی وئرمیش خدا سنه
نه شاهسن که شهلر ائدر التجا سنه
هر ذی حیات اولسا شها آشنا سنه
گویا سالوبدی پیر زر کامل عیار اله
سن شهریار کشور ایمان سن یقین
سن تاجدارعالم امکان سن یقین
سن نوربخش مهردرخشان سن یقین
سن یر یوزونده حجت یزدان‌سن یقین
ایستر سالا وصالون هر امیدوار اله
کیمدور یته جلالیوه یا صاحب الزمان
جانلار فدا جمالیوه یا صاحب الزمان
ال یتمیری وصالیوه یا صاحب الزمان
مشتاق دور مقالیوه یا صاحب الزمان
ایستر سالا وصالیوی دل آشکاراله
شاها بولورسن اهل نفاقون مرامینی
اغوا ائدوبله پوزماقا دینون نظامینی
ایلیوبله تیره شیعه‌لرون صبح و شامینی
قویما قالا غلافده جدون حسامینی
آل بیرجه ای ولیّ خدا ذوالفقار اله
خامه یتنده بو یره دل باشلادی نوا
دوشدی خیاله واقعه ی دشت‌کربلا
فریاد او وقتدن که شهنشاه نینوا
قالدی اوچولده بیکس و بی‌یار و اقربا
طفل صغیرین آلدی او بی غمگسار اله
قویدی کمانه حرمله بیر تیر خونفشان
حلقوم اصغری ائدوب اول بی‌حیا نشان
قورتولدی اوخ کماندان او دم دگدی ناگهان
حلق علی اصغره ای شیعه الامان
صیاد کوفه سالدی نه طُرفه شکار اله
ای دل خیال آخرت ائت فانیدور جهان
یاز منقبت همیشه بودور فیض جاودان
جمع ایله زاد و راحله عقبایه هر زمان
(دلریشه) لطف قیل آلا یا صاحب الزمان
آزادلوق براتینی روز شمار اله.
کتابِ دیوان دلریش صفحه ۱۰ و
کتاب ارمغان تائب جلد ۳ ، صفحه ۱۳۰
مرحوم دلریش
منبع مجموعه کانالهای مدح و مرثیه
----------- متن اشعار دلریش تبریزی ---------
ورود به مدینه
ئوز خانمانینه گینه بیر کاروان گیدر
بی خانمان خانم نئجه گور باغری قان گیدر
بیر اودلی آه چکدی دئدی بضعۀالرسول
ای جدیمون مدینه سی ائتمه منی قبول
واردی یری ئولونجه دونه قانه گوز یاشیم
سندن چخاندا چون واریدی یدی قارداشیم
حیران دوروب باخاردی دییردی هارا گیدوم
آیا گیدوم مدینیه بس گئتمیوم نئدوم
اولدی تمام ظاهر صورتده ذلتیم
دل دوندی قانه تازه دن آرتدی مصیبتیم
لیلا چکر ئولونجه اوغول اشتیاقینی
ایندی گئدوب نه نوعی گوره بوش اطاقینی
ئوزوم اتام آنام اولسون فدا بو نسگلیوه
که اوخلادیلار علی اصغری قوجاقینده
بو ظلمه کیم دؤزر آیا شبیه پیغمبر
عقیق تک بلشه قانینه قباقونده
دیار کرب وبلاده گروه کوفه و شام
خزان ائدوبله سنون گللرون بوداقونده
مرحوم دلریش
----------- متن اشعار دلریش تبریزی ---------
زبانحال حضرت قاسم (علیه السلام)
کسمه باشیمی ظالم قوی عزیزِ جان گلسین
جان یتیب دوداقیمه شاهِ انس و جان گلسین
قان ایچینده غلطانم بس که زخمِ کاریم وار
گوزلریم قالیب یولدا چون که انتظاریم وار
گلمیینجه جان وئرمم بیرجه غمگساریم وار
اول قد‌ر منه مهلت وئر او مهربان گلسین
زخمدار آهویه رحم ائده گَرَک صیاد
ال گوتور شقاو‌تدن ائتمه بو قد‌ر بیداد
حلقیمه منیم هردم چکمه خنجر ای جلاد
ساخلا ال بو محنتد‌ن باغریقان اولان گلسین
مرغِ بسملم جسمیم سربسر جراحتدیر
چون بو نوعی جان وئرمک بیزلره سعاد‌تدیر
من ال اوزمیشم جاندان سنده نه شقاو‌تدیر
قویموسان باشیم اوسته شاهِ بیکسان گلسین
سنسن ای شهِ کونین هر قلوبید‌ن عالم
پرشکسته بلبل تک سیندی بو پر و بالم
وئرمیری منه مهلت سن گلینجه بو ظالم
هر چه سعی قیلام قوی سرو‌رِ جهان گلسین
یوز قویوبدو بیر اووچو بیر شکاره یوز یرد‌ن
واردی جسمِ زاریمده کاری یاره یوز یرد‌ن
یوز گوتورمیرم یئرد‌ن گلسه چاره یوز یرد‌ن
تئز گل ای مسیحا دم مرده جسمه جان گلسین
اول قد‌ر آخیب قانیم خاکِ خون اولوب فرشیم
آز قالیب عمو اولسون نوکِ نیزه لر عرشیم
آتلارین ایاقیندا پایمال اولور نعشیم
جان وئریدیم آسوده قانیمی آلان گلسین
درک ائدیب سسین وئردی سس سسینه جان گلدیم
قویمادی سسون منده طاقت و توان گلدیم
زیرِ تیغِ قاتلده لحظه ای دایان گلدیم
بیله وقته لازمدور بیر قدی کمان گلسین
ناگهان یئتیب اول شه گوردو قانه غلطان دیر
قطره قطره زلفونده قانی مثلِ مرجان دیر
سرو قدّی صد پاره یئرده زیبِ میدان دیر
قان ایچینده ورد ایلیب قوی عموم امان گلسین
آچدی قانیلن دولموش گوزلرین او شهزاده
عرض ائدیب عمو گلدین یاخشی وقته فریاده
دستگیریلیک ائتدین دستگیرِ جلاده
وار یری بو احوالیم چوخ سنه گران گلسین
یا حسین سنه (دلریش) صدقیله دوتوب امید
کلبِ آستانوندور ائتگیلن ئوزون تأیید
کیم اولوب بو درگهده ایندییه کیمی نامید
ایسته قبریوه بو جمع جمله باغریقان گلسین
مرحوم دلریش
منبع مجموعه کانالهای مدح و مرثیه
----------- متن اشعار دلریش تبریزی ---------
راز و نیاز حضرت امام حسین (ع)
بارالها بو نماز آخر نمازیمدور منیم
بو بوغازیمدان آخان قان دستمازیمدور منیم
چونکه ایتموشدوم سنیله عهد من روزازل
من ویرم جانی بو چولده ای خدای لم یزل
ایتدوقوم عهده بو گونده ایلرم یا رب عمل
بو قوری لبلر بو خنجربو بوغازیمدورمنیم
یاندوروب خشک و تری بو دلده کی سوزعطش
وارازلدن عشق میدانیندهبیله کشمکش
عاشقه خوشدورآخا قانی ایده قان ایچره غش
جلوه گاه عشقیده بویرنیازیمدور منیم
ایچدیقیم جام بلا صهباسینین سرمستیم
عشق بزمینده محبت نازینین پابستیم
مقصدیم سنسن نه اهل کوفیه وابستیم
شوق وصلیندن قوری یرجانمازیمدورمنیم
نیزه باشیندا کسیک باشیله معراج ایلرم
یاره لنمیش باشیمه قان لخته سین تاج ایلرم
مین خدنگه سینمی بو چولده آماج ایلرم
چونکه خولینین تنوری بزم رازیمدور منیم
جسمیمه وورسون گرک اول قدریاره بو سپاه
سیل تک قانیم آخا تا که دولا بو قتلگاه
عشق مقتولینه اولماز بوندان اوزگه خوابگاه
محضرونده بیله یاتماق خواب نازیمدور منیم
اولموشام موسی صفت بیرنوعیله محو جمال
یوزبیله ظلم ایتسه لریتمز منه اصلا ملال
آتلارین دیرناقی آلتیندا اولا گرپایمال
راضیم چونکه نیاز بی نیازیمدور منیم
یا حسین تاوارحیاتیم روزو شب صبح و مسا
ایلرم شرح مصیبت ای شهید کربلا
شاهدی واردور بو (دلریشین)آقا روزجزا
عارضیمده گوزیاشیم بو سوز و سازیمدور منیم
مرحوم دلریش تبریزی
منبع کانال گنجینه گذشتگان
----------- متن اشعار دلریش تبریزی ---------
احوالات حضرت ابوالفضل (علیه السلام)
ال تاپدی جفا اهلی بو خونین دله قارداش
آز قالدی که حسرت قالا گُل بلبله قارداش
گلشن سُوشوب سرو سمن باری یخوبلار
قول گئتدی علم یاتدی علمدار یخوبلار
ای ماه جهان گل که بو سرداری یخوبلار
سسلر سنی هر کیمسه دوشه مشکله قارداش
یوخ اوزگه غمیم بیرده وصالون گوروب ئولسم
گئتمم نگران بدرجمالون گوروب ئولسم
بیر جان گلو بو جسمه مقالون گوروب ئولسم
مشتاقم او گل عارضه شیرین دله قارداش
نه واردی بو طاقت دورام اعدایه مقابل
نه گومگه رخساریوی مهلت وئرر قاتل
هر لحظه قویار حنجریمه خنجر غافل
نه واردی الیم مانع اولام قاتله قارداش
ادرکنی اخا صوتینی سلطان شهیدان
ناگه ائشیدوب خیمه ده با دیده گریان
سسلندی باجی آت گتورون لشگر عدوان
یخدیلار علمداری تاپولماز بئله قارداش
گر ئولسه ابوالفضل باجی بول که من ئولدوم
مشکل اولو قارداش ئولومی قارداشا بولدوم
الان بئلیمی بوکدی بو محنت بئله گوردوم
بیر قوت مخصوصدی باجی بئله قارداش
گلدی سر بالین علمداره او سرور
بیر نوعی گوروب قارداشینی گورمیه گوزلر
بیر یاندا دوشوب قوللاری بیر گوشه ده پیکر
هر لحظه دییر قانیله صبر ائت گله قارداش
باشین آلوب آهسته دیزی اوسته توکوب یاش
بو نوعی دییر هاردا تاپوب قارداشی قارداش
سندن صورا باش سیز قالاجاق زینب کول باش
کیم یولدا سوار ایلر اونی محمله قارداش
آرامیدی اهل حرمیم سنلن ازلدی
سالدی بو مصیبت فی الحقیقت منی الدن
دشمن سنه ال تاپدی اوزولدی الیم الدن
صد حیف الون یوخدی وئراخ ال اله قارداش
سندن صورا اهل حرم آسوده یاتانماز
باغلار اولاری قول قولا ظلم اهلی اوتانماز
اطفالیمین احوالینه بیر کیمسنه یانماز
بیماره وورار شمر لعین سلسله قارداش
بو قصه پر غصه تالانیدی «دلریش»
هر شام و سحر دیده سی گریانیدی «دلریش»
مدتدی بو درگهده نواخوانیدی بو «دلریش»
وئر روز جزاده اوز الوئله صله قارداش
مرحوم دلریش
منبع مجموعه کانالهای مدح و مرثیه
----------- متن اشعار دلریش تبریزی ---------
در شهادت حضرت امام رضا (علیه السلام)
فلکین جفاسی هرگز، یئتیشن دگیل تمامه
گلین آغلایاق بو گون بیز ، گینه بیر غریب امامه
وار اگر صفای قلبون، نظرینده ائت مجسم
گلیب حجره‌یه بویوردی ، او شهنشه دو عالم
گل اباصلت ائیله ایندی، هامی فرش خانه‌نی جمع
قوری یرده من وئریم جان، او خدای لاینامه
منه زهر وئردی مأمون، ئولورم ائدیم نه چاره؟
جگریمی زهر کینه، ائلئیبدی پاره پاره
ائله بیرجه طشت حاضر، بو غریب دلفگاره
نئجه گور شراب محنت، گینه چرخ توکدی جامه
ائدیب عرض اباصلت اوندا، او امام انس و جانه
گتیریر سنین بو حالون من زاری چوخ فغانه
سنه من فدا باخیرسان ، نییه چوخ اویان بویانه
دئدی گوزلیر‌م کی اوغلوم ، گله تا یئتم مراده
بو سوزی بویوردی گوردوم ، او زمان من جگرخون
گلی بیر نجیب سید، ولی چوخ ملول و محزون
یئتیشیب آتا بالایه، اولوب حالتی دگرگون
دوشر اوندا گور نه حاله، یئتیشه امام امامه
بلی بو امامی مأمون، ائلدی ستمله مسموم
بو غم اهل عالمینی، ائلدی ملول و مغموم
گینه دوشدی شیعه یاده، او غریب حسین مظلوم
بو شهنشهین یئتیشمز، غمی محنتی تمامه
مرحوم دلریش
منبع مجموعه کانالهای مدح و مرثیه
----------- متن اشعار دلریش تبریزی ---------
خروج از مدینه
یازوبلار کوفیان اوغلون حسینه نامه یا جدّا
سالوب بو نامه رخنه پایۀ اسلامه یا جدّا
کناره قویمازیدون هئچ منی بیر آن کناروندن
سالورلار ای بابا آیری حسینی بو جواریوندن
نئجه من آیریلوم سندن دوشوم آیری مزاروندن
بودور قورخوم دوشه اهل حرم کیم دامه یا جدّا
بیزی اهل جفا سندن صورا قویمازلا هئچ راحت
ائدر گور بیر نئجه حرمت بیزه بو بی حیا امت
ائدورلر امتون بیز اهل بیته گور نئجه حرمت
یتر افغانیله صبحیم همیشه شامه یا جدّا
باشیندان آچمامیش زینب آنام زهرا قراسینی
ستملن آلدیلار الدن علیّ المرتضاسینی
شهید زهر کین ائتدیلر آخر مجتباسینی
دو گور بیر باشلیوب زینب نئجه هنگامه یا جدّا
گرک گئتسون اودا منلن عراقه چون مسافردور
سنه بو درد و محنتلر بابا مجموع ظاهردور
آنام زهرا مزارینده باجیم زینب مجاوردور
یتیشسون کربلا ایچره غمی اتمامه یا جدّا
اولور بیر محنتی چون مین اونون کرب و بلا ایچره
بلادن باشی آیریلماز دایانماز نینوا ایچره
قولین باغلارلا ظلمیله قالور درد و بلا ایچره
گئدر باشیم جدا اوسته اونیلن شامه یا جدّا
بلاکش عاشقون اولماز بلادن ذرّه پرواسی
ائدون قربان او میناده بابا قارداشیم عباسی
قورولسون کربلا ایچره گرک کیم عشق میناسی
اولا اوندان صورا لعنت بئله ایّامه یا جدّا
بلا جامیندن ایچدیم چون ازل گون بیر دولی ساغر
ره جانانیده ائتدوم او گون مردانه ترک سر
باخار لیلا باتار قانه جوان اوغلی علی اکبر
سالورلار ایستی قوم اوسته اونی بی جامه یا جدّا
حرم آهوسینه اول چولده چون صیاد اولوب قاسم
ایچر غم باده سین غمدن عجب آزاد اولور قاسم
یاخار قاندان حنا طویدا بئله داماد اولور قاسم
قالور حسرت عروسینه یتیشمز کامه یا جدّا
عروس بی نوا طویدا سالور باشه قرا معجر
یاخار آلقانی زلفینه اولور اول قان اونا زیور
قولی باغلی چکر شامه اونی شمر ستم پرور
گئدر شام ایچره ظلمیله او بزم عامه یا جدّا
بابا هر ظلمیدن آرتوق منی بو غم ائدر بی تاب
عطشدن غشّ ائدر اصغر ز بسکه آب اولوب نایاب
اونا سو ایسترم ایلر اونی چون حرمله سیراب
نشان تیر اولور حلقی اونون ظلّامه یا جدّا
گئدر جاه و جلالیم سربسر آخرده یغمایه
دایانّام حق رضاسیندن او گون هر ظلم اعدایه
اوزیم چونکه رضا وئردیم ازل گونده بو سودایه
شهادت باده سین ایچدوم توکنده جامه یا جدّا
مگر هر عاشق عالمده اولور محنت خریداری
نه باک ایلر قیامتده بو مولانین عزاداری
سؤله بو مصرعی دلریش ائله گوز یاشینی جاری
یازوبلار کوفیان اوغلون حسینه نامه یا جدّا
مرحوم دلریش
منبع مجموعه کانالهای مدح و مرثیه
----------- متن اشعار دلریش تبریزی ---------
ساقی نامه
حمدلله ساقیا اولدی گینه فصل بهار
گیتدی بوآیینه دلدن هامی گردو غبار
جام زرینه گتور توک بیرشراب خوشگوار
مست اولوم هردم دیوم بو بیتی من بی اختیار
شاه مردان شیریزدان حیدر دولدلسوار
لافتی الا علی لا سیف الا ذوالفقار
دوت الیمدن بیر ایاقیله ایله لطف وکرم
ایلیوب ویران گوگل ملکین ملال و درد و غم
ویر شراب وصلیله بو مرده هجرانه دم
سویلیوم بو اسم پاکی بزم اولا باغ ارم
شاه مردان شیریزدان حیدر دولدلسوار
لافتی الا علی لا سیف الا ذوالفقار
طوطی طبعیم آچوبدور ساقیانطق زبان
ایلسون بیر شمه ای اوصاف مولادن بیان
هانسی مولاآدینه السون فدابوجسم وجان
خواجه قنبر شه محشرامام انس و جان
شاه مردان شیریزدان حیدر دولدلسوار
لافتی الا علی لا سیف الا ذوالفقار
مدح مولادن اولانماز مطلع هربی خبر
مدح مولادور کلام الله منکرسربسر
هرکس ایستیرکیم ایکی دنیااونا ویرسون ثمر
ایله سون ورد زبان بو کلمه نی شام وسحر
شاه مردان شیریزدان حیدر دولدلسوار
لافتی الا علی لا سیف الا ذوالفقار
ایلینده فتح خیبر اول ولی کردگار
مرحبیله مرکبین ایتدی دو نیم اول شهریار
کون و امکانه او دم دوشدی تزلزل آشکار
گوردی بو شصتی دیدی روح الامین بی اختیار
شاه مردان شیریزدان حیدر دولدلسوار
لافتی الا علی لا سیف الا ذوالفقار
عبدود اوغلونا دوردی روبرو شیرخدا
بیرجه ضربتله ویروب دوزخده اول ملعونه جا
هرایکی لشکردن اوج ایتدی صدای مرحبا
سویلدی اصحاب پیغمبر تمامأ برملا
شاه مردان شیریزدان حیدر دولدلسوار
لافتی الا علی لا سیف الا ذوالفقار
وورما بو دل شیشه سینه منکر بی شرم سنگ
کیمده واردور قدرت ایتسون قدرت اللهیله جنگ
عالمی لشگر دوتا بیر ضربینه ایتمز درنگ
حین دعواده دییر اولسا مبارز یوز نهنگ
شاه مردان شیریزدان حیدر دولدلسوار
لافتی الا علی لا سیف الا ذوالفقار
ویردی دین مصطفایه ذوالفقاریله رواج
پادشاهان جهاندان آلدی بو باج و خراج
غزوه خندقده قویدی انمادن باشه تاج
سویلسون بو بیتی هرکیم دردینه ایسترعلاج
شاه مردان شیریزدان حیدر دولدلسوار
لافتی الا علی لا سیف الا ذوالفقار
جنیله جنگ ایلین وقته امیرالمومنین
پایه ایمانی محکم ایلدی حبل المتین
گوردی بو اعجازی اضفرحق یقین ایتدی یقین
سویلدی بو ضرب شصته آفرین صدآفرین
شاه مردان شیریزدان حیدر دولدلسوار
لافتی الا علی لا سیف الا ذوالفقار
وصف ایدوب اول سروری قرآنده اول خدا
لحمک لحمی بونون شانینده سویلوب مصطفا
گتدیلر حقه شفیع بو شاهی جمله انبیا
ایلیون ورد زبان اولماز بیله مشکل گشا
شاه مردان شیر یزدان حیدر دلدلسوار
لافتی الا علی لا سیف الا ذوالفقار
گیر و دار حشریده یوخ کیمسیه راه گریز
کفر و ایمان بو ولی اللهیلن تاپمیش تمیز
ذکر اولان یرده فضایل ناصبی ایلر ستیز
انبیالر اولدیلار بو اسمیله حقه عزیز
شاه مردان شیر یزدان حیدر دلدلسوار
لافتی الا علی لا سیف الا ذوالفقار
مرحوم دلریش
منبع مجموعه کانالهای مدح و مرثیه
----------- متن اشعار دلریش تبریزی ---------
زبانحال حضرت امام حسین (ع) در بالین حضرت ابوالفضل (ع)
آچ گوزلرین گلدیم اویان ابوالفضل
قارداشینی یالقوز قویان ابوالفضل
بیر یاندا بو دشمنلرین جفاسی
بیریاندا بو سوسوزلارین صداسی
بیریاندا اهلبیتیمین نواسی
عرشه چیخوب آه و فغان ابوالفضل
سندن منی ایردیلاربو لشکر
نه دادرس نه مونس و نه یاور
دوتماز دلیم گلمز بیلیم برادر
قالموب داخی تاب و توان ابوالفضل
نسکلدی چوخ قارداش من حزینه
بو نه باشدوربو نه بدن نه سینه
قالدی گوزی یولدا سوسوزسکینه
دوداقینه یتوبدی جان ابوالفضل
خیملره دوشوب شورو ولوله
ایلورزبس اهل جفا هلهله
یوخدورالین بیرده ویراق ال اله
اولدی جری قوم عدوان ابوالفضل
قان آغلادور منی بیله دیدارین
گلدیم اولام باشین استه غمخوارین
گوردوم دوشوب یولادا اوزون قولارین
ای جان فشان ای مهربان ابوالفضل
سندن صورا قشون دسته قورالار
خیملره کین اهلی اودوورالار
اهلبیتی آت دوشونده قووالار
قاچار چوله اودا یانان ابوالفضل
سیندیردیلاربوکوفیان بیلیمی
الدوردولر قبیلمی ایلیمی
ساربانیم کسرمنیم الیمی
بی رحمیدورچون کوفیان ابوالفضل
ویرسسسسهبیرآغلاشاق برادر
آز قالوبدوراوزاقلاشاق برادر
یوخدور قولون قوجاقلاشاق برادر
گلورمنه چوخ بو گران ابوالفضل
تا وار نفس ای صاحب شجاعت
(دلریش) ایدر شرح و بیان مصیبت
بو جمعیله ایله اونا شفاعت
اولموش منه چون نوحه خوان ابوالفضل
مرحوم دلریش تبریزی
منبع کانال گنجینه گذشتگان
----------- متن اشعار دلریش تبریزی ---------
حضرت امیرالمومنین علی ابن ابیطالب (علیه السلام)
ساقی منه بیر جام مصفا گرک اولسون
مست ایلمگه باده مینا گرک اولسون
من بیله شراب ایسترم ای ساقی خوش خلق
کوثر ندی زمزم ندی اعلا گرک اولسون
بو جام محبتدی که هر کیمسه ایده نوش
گر پیردی او کیم سنه برنا گرک اولسون
کونلوم قوشی تنگه یتشوب کنج قفسده
آغلار منه بیر دلبر ترسا گرک اولسون
خوش طلعت و خوش منظر و خوش خلق دلارا
هم عارضی مثل گل احمر گرک اولسون
کیمدور بیله دلبر اونا جانیم اولا قربان
هم شیر خدا قاسم طوبا گرک اولسون
بیر لحظه سنی ویرمرم هیچ کلّ جهانه
مداحی اونون یوسف و یحیی گرک اولسون
عشقون غمی مشگلدی بیلولر هامی عاشق
هر کیمسه دوشوب عشقه او دانا گرک اولسون
ساقی او میی ویر منه نوش ایلدی یحیی
عاشقلر ایچینده بیله سودا گرک اولسون
عاشق اونا سویللّه که معشوقدن اوتری
الیاس کیمی مسکنی دریا گرک اولسون
بیر کیمسه یوخدور که حقیقی اولا عاشق
هر کیمسه ده اولسا اودا رسوا گرک اولسون
یوسفدن اوتور آغلادی از بس که زلیخا
عاشقده بلی مثل زلیخا گرک اولسون
عاشق اودی کی وصف ایلیوبدور اونی الله
عاشقده بیلون نور تجلّا گرک اولسون
کیم لیلۀ تار ایچره یاتوب رخت نبی ده
بو شیر خدا قاتل اعدا گرک اولسون
عاشق اودی معشوقه یولندا ویره باشین
هیچ کیم دگو باللهی بو مولا گرک اولسون
قربان ایلیه جاننی هر کیمسه رسوله
شأننده اونون یاسین و طاها گرک اولسون
منکر بو شهون وصفنی گر ایلیه انکار
محشر ده جوابی شه والا گرک اولسون
عیساده ایدردی که اگر مرده نی احیا
بو شهدن اونا رخصت احیا گرک اولسون
کیمدور بو جهاندا بیله مولایه برابر
مولانون الینده ید بیضا گرک اولسون
بو شه دور ایدن آتش نمرودی گلستان
چاکر بو شهه حضرت موسی گرک اولسون
گر عالمی دشمن دوتا یوخ ذرجه باکی
داماد پیمبر بیله یکتا گرک اولسون
تا وار نفسیم من دیرم وصف علینی
محشرده بو شهدن منه یارا گرک اولسون
هر کیم یاپوشا صدقیله مولا اتکیندن
خُلد ایچره اونا مسکن و مأوا گرک اولسون
مرحوم دلریش
منبع مجموعه کانالهای مدح و مرثیه
نظرات (۰)
هیچ نظری هنوز ثبت نشده است