متن نوحه ترکی مرحوم حاج حسین عابد (مولانا یتیم)
مجموعه اشعار برگزیده آیینی و مذهبی مرحوم حاج حسین عابد (مولانا یتیم) در مدح و رثای اهلبیت علیهم السلام ، متن نوحه ترکی از مرحوم حاج حسین عابد (مولانا یتیم)
---
زبانحال حضرت لیلا (س) در راه شام
علی شکنج زلفوی جدایه پرچم ایتمیسن
نظام عالمی پوزوب جهانی بر هم ایتمیسن
غمونده اوج ایدوب علی سمایه آه و زار دل
نه دل بیان ایدر سوزین، نه الده اختیار دل
بو گون جهانه اود سالوب عبث دگل شرار دل
جهاندا کشف ایدوب اوزون بو چشمی پر نم ایتموسن
دیسن سکینه ناله سی پوزوب منی اوساندیروب
ندن او ماه وش باشون، عمومه گوز دولاندیروب
جهاندا لال اولوم دیسم باشوندا قطره قان دوروب
ولی او تار سنبله مثال شبنم ایتموسن
قونوبدی یولارین توزی گل جمالون اوستنه
آخوبدی قطره قطره قان، عذار آلون اوستنه
علاوه کاکلون دوشوب او خط و خالون اوستنه
او خط و خال حیف اولا جداده مبهم ایتموسن
قطاریمز قطاریله گیدر ره دمشقه باخ
بو بدنظام لر بیزی سالوب نظام و مشقه باخ
رموز عشقه کاملم دیمم اسیر عشقه باخ
اوزون بو عشق دفترین منه مترجم ایتموسن
مآل کاریمز عجب بیزیم دایاندی مشکله
جدا باشندا شامه دین سن ایله طی مرحله
دالنجا بو سکینه نی اسیر ایدوب او کاکله
پیاده پا سورونماقا بیله مصمم ایتموسن
اسیر عشق اولان دیمز ندور طناب و سلسله
خیال وصل ایدن دوزر، هجوم اشگ سائله
وصاله قالمیوب مگر جدا بویونجا فاصله
تعجبم وصالیله فراقی توام ایتموسن
گورنده کوفه قیزلاری باشون دیر هلاله باخ
دیلله تیز غروب ایدوب، هلاله باخ زواله باخ
نشان ویروله بیر بیره، دیوله خط و خاله باخ
نظرده فوج حسنوی ز بس منظم ایتموسن
مگر قلیج چکوب بو بیر اسیران استه خم قاشون
ایدر اشاره قتلیمه جداده هر قدم باشون
منی اسیر ایدن علی، او گوزلروندی هم قاشون
عجب گوز اوسته قاشلارون هلال تک خم ایتموسن
صبا دگنده صبحدم او شقه شقه کاکله
چکور کناره رویدن، گهی سالور مقابله
گوگل علاقه باغلیوب او کاکلونده بیر تله
مگر بو رشته دلی او دلده محکم ایتموسن
شکسته گوگلمین ایوین ایدوبله تار و مار علی
باشیمدا قاره معجریم اوزوم شتر سوار علی
خراب اولیدی عالمی ندور بو روزگار علی
بو روزگاریلن منه فراقی توام ایتموسن
باخاندا گل کیمی باشون جداده محترم دوشوب
دالونجا کاروان غم چو آهوی حرم دوشوب
نه صیدسن که عالمه شکارون اوسته رم دوشوب
بو بینوا سکینه دن غزال تک رم ایتموسن
باخان دیر که حیف اولا سنون او گل عذاروه
گورن بولر باجون نجه دوزر بو انتظاریوه
اولیدی کاش بیر نفر دییدی نیزه داریوه
ندن باشینی قارداشین باجیله باهم ایتموسن
سویولموشام تالانمیشام نظاره ایله حالیمه
قسم او جانه راضیم بو گونده اوز زوالیمه
باجون فدا اگر باخا گوزون بو اشگ آلیمه
گورر بو غم کشیده نی قرین هر غم ایتموسن
بو شعره سرسخن یازان، کیم اولسا خوش زبانیمیش
(یتیم) روسیاه تک حسینه نوحه خوانیمیش
جهاندا سوز بولن بولر، نه یاخشی بیر بیانیمیش
علی شکنج زلفوی جداده پرچم ایتموسن.
مرحوم مولانا یتیم ، اَبوی گرامی استاد عابد
منبع مجموعه کانالهای مدح و مرثیه
----------- متن اشعار مرحوم حاج حسین عابد (مولانا یتیم) ---------
کوفه
مِی جلوه ایلدی گینه جامِ بلوردن
گوز کاسه سی ز بسکه لبالبدی نوریدن
دل مزرعینده تخمِ وفا ویرمیوب ثمر
اِلّا نتیجه ویرسه ویرر آبِ شوریدن
یوخدور وفاسی عالَمِ فانینون ای عزیز
عبرت گوتور نظارهء اهلِ قبوریدن
شاهانِ تاجدار رهینِ تراب اولوب
قالموب اثر سکندر و بهرامِ گوریدن
عمرون توکندی گچدی گونون خوابدن اویان
بیر توشه اخذ ایله ، کنار اول فتوریدن
آخر سنه لباس کفندور نه یاتمیسان؟
ملبوسون اولدی گرچه حریر و سُموریدن
شربِ طهور ایستیه سن ، طاهر اول نخست
بیر هوشه گَل بو قدر خمارِ خموریدن
گچدی بهارِ عمر خزان اولدی گللّرون
ال بوش ، ذخیره یوخ ، بو سِنین و شُهوریدن
ای بُوالهَوس عجب بودی کیم هیچ اوتانمیسان
بو زشت صورتیله تمنّای حوریدن
غایب اوزونن اولگله ، تاپ بیر حضورِ قلب
گور نه ثمر گلور بو غیاب و حضوریدن
چوخ پربهادی گوزده کی بو شور گوز یاشی
پُر نشئه دور حریفه شرابِ طهوریدن
ایستر که نوح تک ویره طوفانه عالمی
امّا اورک دوام ایده بولمز قصوریدن
سال خاطره مصیبتِ آلِ پیمبری
یعنی قیامتی که مُقدّمدی صوریدن
راوی دیَر که کوفیه زینب یتن زمان
قارداش باشین مشاهده ایلردی دوردن
گوردی غریبه نخل سِنان اوسته منظری
بنزر کلیمه جلوه ایدن نوره طوردن
بیرده باخاندا گوردی بیر اوزگه نشانی وار
ایلر اشاره زینبه حالِ تنوردن
بنزتدی بیر خسوفه قالموش هلاله ، چون -
شمسُ الضّحی' نی گوردی میانِ بُدوریدن
بی اختیار ووردی باشین چوبِ محمله
تا گیتدی اختیار دل ِناصبوردن
عرض ایلدی که ای آنام اوغلی نه فایده
سندن صورا جهاندا مرورِ دُهوردن
دوشدی بدندن آیری باشون راه عشقیده
امّا جداده دوشمدی بیر لحظه شوردن
قرآن سسون گَلور لب ِمعجر بیاندن
قویموش تمام خلقی عبور و مروردن
امّا دیولّه خلق گَلور خارجی باشی
ای طینتی عجین اولونان محضِ نوردن
هانسی مصیبتی گتوروم یاده یا اخا
ای پایمال پیکری سُمّ ستوریدن
رأسون دالینجا کوچه لری زینبون گزر
پروانه ناشکیب دی شمعِ قصوریدن
جائز بولوبله قتلوی آلسونلا جایزه
بیر صاحبِ شقاوت و فسق و فجوریدن
کفّار رحم ایدر بیزه هاردا روادی رحم
قرآن اهلینه اولا اهلِ زبوریدن
کافر بو ظلمی کافره بولمز روا ولی
قارداش بیزه یتیشدی بو قومِ کفوریدن
گوردون اوزون که مجلسِ ابنِ زیادده
آلِ رسوله نه ایتدی او بیدین شروریدن
ساخلاندی اوردا قولقولا باغلی حرملرون
مَن هذه دییردی او بیدین غروریدن
جلّاده امر ایلدی که بیماری ئولدوره
ایتمزدی خوف مالکِ یومُ النّشوریدن
بو شهرِ غم فزاده حرم آهوانینه
چوخ صدمه لر یتیشدی او کلبِ عقوریدن
غم دفترین (یتیمدن) ایتسن شها قبول
بیر تحفه دور حقیر ، سیلمانه موردن
(مشکات) بسدی عالمه اود ووردی بو رقم
آل ، مغفرت خدای رحیم و غفوردن
اعمال خیره سعی ایله ، داوده آل سن
اول کردگار پاکه عبادِ شکوردن
چون اولموسان (یتیمه) معاون بو نظمده
ایله عیان بو اَسوَد و اَحمَر سُطوردن
اسود سطور ، نظم منِ روسیاهدور
احمر اولان جنابِ (یتیمِ) غیوردن
هر گوهریکه مخزنِ طبعی ایدر عیان
نزد گوهرشناسده چوخ مین کروردن
درگاه ِحقدن ایسترم ای خامه هر زمان
دولسون همیشه خاطری عیش و سروردن.
مرحومین مولانا یتیم و مرحوم مشکو'ة
( مرحوم علی اکبر وقایعی)
منبع مجموعه کانالهای مدح و مرثیه
----------- متن اشعار مرحوم حاج حسین عابد (مولانا یتیم) ---------
خطاب به حضرت ابوالفضل (ع)
من همانم ز تماشای رُخَت دیده نپوشم
سرِ موئی ز وجودت ، به دو عالم نفروشم
روز اوّل به تکلُّم چو گشودم لب خود را
به زبان نامِ تواَم رفت به تلقین سروشم
مایه ی فخرِ من ای خسروِ لب تشنه همین بس
حلقه ی بندگیِ چون تو شهی هست به گوشم
کرده بیتاب چنینم غمِ سوزِ تو و گرنه
من نه آنم که ز سوزِ عطشِ دل ، بخروشم
بی تو ای خضرِ رهِ عشق ، گَرَم خضرِ طریقت
دهدم آبِ بقا ، زهرِ مذابست ننوشم
تارِ این مَشکْ مرا رشته ی جان بود ولیکن
پاره از تیرِ جفا گشت چنین کرد خموشم
قدحی دارم و در کف هله تا روزِ قیامت
بخدا تا تو نیائی ، نه بریزم نه بنوشم
تو ابوالفضلی و شهزاده ، گدایِ تو (یتیمم)
کز عنایاتِ تو در روزِ جزا دیده نپوشم.
مولانا یتیم
منبع مجموعه کانالهای مدح و مرثیه
----------- متن اشعار مرحوم حاج حسین عابد (مولانا یتیم) ---------
وداع حضرت امام حسین (علیه السّلام)
کوی عشقیده شوقیلن بو گون
قانه باتماسام برملا باجی
قرب حقّیده دشت ایمنه
فخر ایدر نجه کربلا باجی
ایچمشم بو گون قان شرابینی
جرعه جرعه من جام عشقیدن
نشئه تاپمارام مست اولماسام
هم شراب گلفام عشقدن
اولماسام فنا آلمارام بقا
اولمارام رها دام عشقیدن
زندگانیِ جاودان ویرور
عشقیدن منه بو فنا باجی
توکسه ابر غم بارش اَلَم
باشیم اوسته هر دم، غم ایتمرم
قان فرات تک موج ایدوب داشا
دیدۀ دلی پر نم ایتمرم
هر بلا یتیشسه بو گون منه
چشمیم اوسته ابرو خم ایتمرم
عالم ازلده بَلی دین
سویلَمز داخی حرف لا باجی
اونداکی سینار جور و ظلمیلن
قانه غرق اولور کشتی نجات
بی قرار اولور چرخ نیلگون
اختیار ایدر لرزه شش جهت
حاملان عرش اختیارینی
سلب ایدر بو گون بو عوالمات
هم پوزار صفوف ملائکی
یر اوزونده کی ماجرا باجی
اول زماندا لشکردن آیریلور
شمر بی حیا اضطرابیلن
قصد ایدر منیم قتلگاهیمی
هر قدمده سعی و شتابیلن
نه هواده نور فلک قالور
نه فلکده ضوء، آفتابیلن
وحشته دوشر قدسیان هامی
حیرت اوسته هم ماسوا باجی
چوم من اولّام اول قتلگاهیده
شوقیله او ساعتده ممتحن
انبیا حضوریله برملا
کشف اولور ندور مثمن و ثمن
سس گَلر حق لایزالیدن
ایسته بذل ایدوم هر نه ایسته سن
حیّ لم یزل فیض ذاتینی
ایلیوب منه خون بها باجی
اوندا ترک ایدر قارداشون سنون
بو جهانیدن هر علایقی
وعدۀ وصالیله عاشقون
ماسوا نه صورتده لایقی
بیر باشیملا کشف ایلرم او دم
شمر اَلینده سرّ حقایقی
اوندا ختم اولار بو حسین ایدن
خالقیله بیع و شرا باجی
ایمدی قوی گیدوم تشنه جان ویروم
تنگه دوشدی وقت شهادتیم
وار شهادتیمده رضای حق
حق رضاسی عین سعادتیم
آغلاسان اگر شیون ایلمه
پوزماسون بو حالون او حالتیم
ای باتان بو غرقاب محنته
کشتی غمه ناخدا باجی
دیشره چخما بو خیمه گاهیدن
ای سپهر عصمتده کوکبیم
سویلمه علمدار اُلوب علم
یاتدی تار و مار اولدی موکبیم
گیچمز اول قدر که گورر گوزون
ناله و فغانیله مرکبیم
خیمیه طرف شاه سیز گَلور
مات اولوب ایدر آه و وا باجی
اونداکی خبر گَتدی سیزلره
بیر نظاره ایت سن بو توسنه
آشکار اولور حالتیم سنه
دشمن ایلیوبدور نلر منه
قتلگاهه گَلسن قِییت گلن
خیمه گاهه، یالوارما دشمنه
راضی اولما ایتسون شماتتی
بو حسینیوه اشقیا باجی
ای حسبده زهرایه نائبه
وی نسبده خیرالوری قیزی
گرچه صدر اوّلده کتب ایدوب
منشیان بزم وفا سیزی
من شهید اولاندان صورا ویرون
غارت ایتسه دشمن لباسیزی
چون دیوبله آل عبا سیزه
بسدی سیزلره بیر عبا باجی
چکمه غم که خلقتده اولموسان
رشک خلد و حورایه ماصدق
صفحۀ جمالون صفا ویرور
عالمه اوخونسا ورق ورق
خیره دور هامی دیده لر سنون
عارضوندن آلماز مگر شفق
بیله کیم گورونموبدی بیر گوزه
شمسیدن به غیر از ضیا باجی
چوخ تعجّبیم وار قلم نجه
یازدی بو بیاناتی دفتره
خامه خام اولور بو یتیمیلن
ویرسه دل اگر اوزگه دلبره
بو وداعیدن وار تدارکیم
عاصیانِ هنگام محشره
سن شفیعه سن بو یتیم اوچون
من شفیع روز جزا باجی
مرحوم حاج حسین عابد (مولانا یتیم)
----------- متن اشعار مرحوم حاج حسین عابد (مولانا یتیم) ---------
زبانحال حضرت زینب کبری (سلام الله) به حضرت ام البنین (سلام الله)
ای اوغولسوز ام البنین آدی غم قرینی بی غمگسارآنا
سن کیمی اوغول داغدیده سی حقی واراولا اشکبارانا
دلده کی یانان شعله غمه بیز گرک یاناق سینه داغلیاق
صبح زینبی تیره شام ایدن غمده باشه گل سینه داغلیاق
آغلا آغلاسان هرقدربو گون سنده منده عباسه آغلیاق
بلکه عمریمیز تیز فنا اولا دورایدونجه بو روزگارآنا
هرقدر که تارحیاتینه اوز وجودی بستیدی بو جوان
گلستان آل پیمبره اولمادی یته صرصرخزان
قویمادی جفا خاری جورایده بیرگله بو همتلی باغبان
گلشن حیاتینده حیف اولا تیز خزان اولوندی بهارآنا
هاردا کیم اوقارداشیم ایستیوب ایلسون منی محمله سوار
خم قیلاردی اوزسرو قدینی بدرماه اولاردی هلال وار
کاروان عشقه غلام اوزین فرض ایدردی یابیر طلایه دار
ایله باوفا جان فشانه من حیف اولانمادیم جان نثارآنا
عاقبت مکان اولدی بیزلره وادی غم افزای کربلا
دمبدم منیم ناله مونسیم اولدی همدمیم محنت و بلا
نوره ابر ظلمت محیط اولوب عاشرمحرمده برملا
آیدا باتدی گونده اولوب منیم روز و روشنیم لیل تارآنا
اوندا کیم شهید اولدولارهامی آل حیدره یتدی چوخ الم
شیر پنجه سی بند بندیدی قولاراسته چون شاخه قلم
خیملرده بیرپادشاهیدی بیروزیری اول صاحب علم
العطش دیردی خیامیده هرنفسده خرد و کبارآنا
شدت عطشدن بنات تک جمع اولوبلا یکسر مخدرات
ماه دوره سین هاله تک دوتوب گوئیا جدی فرض ایدوب بنات
عرض ایدوب سکینه عمو منه سو تدارک ایت ایله التفات
چون اوزی بلوردی او قارداشیم اوددوتوب سوسوزدان یانارآنا
تشنه لبلره سو گتورماقا اذن آلندی دربار شاهیدن
ماه هاشمی ایلدی طلوع گون کیمی چیخوب خیمگاهیدن
سایه تک اودم گوندن آیریلوبپادشاه عالم پناهیدن
رزمگاهه یوز قویدی گیتماقا شیرشرزه جان شکارآنا
بیر ایله شجاعت نشان ویروب لشکره او فرزند مصطفا
فرقه جفا کاره تنگ اولوب برملا اووسعتله بیر فضا
اللری کسلیمزدی مطلقا یازماسیدی گرمنشی قضا
شیر پنجه سیز قالماقین یقین ایلمزاوزی اختیارآنا
وارداولدی نهرفراته تا آچدی بیرق فتح پرچمین
مشکی دولدوروب چیخدی نهریدن نه یسارفکرینده نه یمین
بلمدی که دست قضا ایدوب مشک آبی بیر تیریله کمین
مشگه اوخ دگوب شربت حیات اولدی چوخ اونا ناگوارآنا
دینه خدمتین مقتضی بلوب-نفسینه او سردار با وفا
خدمتینده بیر جفت ال ویروب تاپسون اوز مقامینده ارتقا
دفترشهادتده ثبت اولوب اول مکین دیهیم ارتضا
بیر دمیر عمودیله اولماقا ملک عشقیده تاجدارآنا
سن کیمی بیر اهل دل ایسترم درد دل دیوب بی قرار ایدم
شعله دل داغداریمی آه سردیله آشکارایدم
قورخورام دیم دردیمی سنی قبرایوینده ده اشکبارایدم
بیربیر ایتدیقیم شرح حال ایچون سندن ایلرم اعتذارآنا
کوفه ده او گون روز حشریدن زینبه که اعلان اولونمادی
بیرجدا بویوندا دایاندی گون حیف آی نمایان اولونمادی
احتراما الچاقلانوب قمراقترانه عنوان اولونمادی
قویمادی قیامت قیام اولا ماه ایلدی استتارآنا
آی که ویردی تغییر او حینیده سبک دورینه خط سیرینه
فوق شورش حشرعیان اولوبآشنای رازه نه غیرینه
خیر مقدم عنوانینه دیمم هرقدمده مقدم خیرینه
پای توسن اهل شرآتوب اگلنوب او یوزده غبار آنا
نارظلمیله گوردوم اودلانوب یاندی خیمه طاهرات من
ایلدیم شکایت زبانینه قفل قید صبر و ثباتی من
یوخسا یاندوراردیم او حالیده نه رواقیله شش جهاتی من
شعله غمه آه سردیله بی ثبات و بی اصطبارآنا
سعدین اوغلی گوردی که زینبه غم گونینده غمخوارقالمادی
خیمگاهه اودووردولاریانوب دارغمده دیارقالمادی
یاندوروردی بیماریده اوگون بیرنفرهوادارقالمادی
تارعمریمی یاندوریدی کاش اوندا شعله حرنارآنا
ای(یتیم)همواره چنگ وور ذیل لطف باب الحوائجه
ایستسین خدا تیزمرادیوی حاصل ایلسین سالماسین گیجه
سنده اوزدلینجه آناسینا عرض قیل صباح اولسا یا گیجه
ای اوغولسوز ام البنین ادی غم قرینی بی غمگسارآنا
مرحوم مولانا یتیم
منبع کانال گنجینه گذشتگان
----------- متن اشعار مرحوم حاج حسین عابد (مولانا یتیم) ---------
وداع حضرت امام حسین (علیه السلام)
کوی عشقیده شوقیلن بو گون قانه باتماسام برملا باجی
قرب حقّیده دشت ایمنه فخر ایدر نجه کربلا باجی
ایچمشم بو گون قان شرابینی جرعه جرعه من جام عشقیدن
نشئه تاپمارام مست اولماسام هم شراب گلفام عشقدن
اولماسام فنا آلمارام بقا اولمارام رها دام عشقیدن
زندگانی جاودان ویرور عشقیدن منه بو فنا باجی
توکسه ابر غم بارش اَلَم باشیم اوسته هر دم، غم ایتمرم
قان فرات تک موج ایدوب داشا دیده ی دلی پر نم ایتمرم
هر بلا یتیشسه بو گون منه چشمیم اوسته ابرو خم ایتمرم
عالم ازلده بَلی دین سویلَمز داخی حرف لا باجی
اونداکی سینار جور و ظلمیلن قانه غرق اولور کشتی نجات
بی قرار اولور چرخ نیلگون اختیار ایدر لرزه شش جهت
حاملان عرش اختیارینی سلب ایدر بو گون بو عوالمات
هم پوزار صفوف ملائکی یر اوزونده کی ماجرا باجی
اول زماندا لشکردن آیریلور شمر بی حیا اضطرابیلن
قصد ایدر منیم قتلگاهیمی هر قدمده سعی و شتابیلن
نه هواده نور فلک قالور نه فلکده ضوء، آفتابیلن
وحشته دوشر قدسیان هامی حیرت اوسته هم ماسوا باجی
چوم من اولّام اول قتلگاهیده شوقیله او ساعتده ممتحن
انبیا حضوریله برملا کشف اولور ندور مثمن و ثمن
سس گَلر حق لایزالیدن ایسته بذل ایدوم هر نه ایسته سن
حیّ لم یزل فیض ذاتینی ایلیوب منه خون بها باجی
اوندا ترک ایدر قارداشون سنون بو جهانیدن هر علایقی
وعده ی وصالیله عاشقون ماسوا نه صورتده لایقی
بیر باشیملا کشف ایلرم او دم شمر اَلینده سرّ حقایقی
اوندا ختم اولار بو حسین ایدن خالقیله بیع و شرا باجی
ایمدی قوی گیدوم تشنه جان ویروم تنگه دوشدی وقت شهادتیم
وار شهادتیمده رضای حق، حق رضاسی عین سعادتیم
آغلاسان اگر شیون ایلمه پوزماسون بو حالون او حالتیم
ای باتان بو غرقاب محنته کشتی غمه ناخدا باجی
دیشره چخما بو خیمه گاهیدن ای سپهر عصمتده کوکبیم
سویلمه علمدار اُلوب علم یاتدی تار و مار اولدی موکبیم
گیچمز اول قدر که گورر گوزون ناله و فغانیله مرکبیم
خیمیه طرف شاه سیز گَلور مات اولوب ایدر آه و وا باجی
اونداکی خبر گَتدی سیزلره، بیر نظاره ایت سن بو توسنه
آشکار اولور حالتیم سنه دشمن ایلیوبدور نلر منه
قتلگاهه گَلسن قِییت گلن خیمه گاهه، یالوارما دشمنه
راضی اولما ایتسون شماتتی بو حسینیوه اشقیا باجی
ای حسبده زهرایه نائبه وی نسبده خیرالوری قیزی
گرچه صدر اوّلده کتب ایدوب منشیان بزم وفا سیزی
من شهید اولاندان صورا ویرون غارت ایتسه دشمن لباسیزی
چون دیوبله آل عبا سیزه بسدی سیزلره بیر عبا باجی
چکمه غم که خلقتده اولموسان رشک خلد و حورایه ماصدق
صفحه ی جمالون صفا ویرور عالمه اوخونسا ورق ورق
خیره دور هامی دیده لر سنون عارضوندن آلماز مگر شفق
بیله کیم گورونموبدی بیر گوزه شمسیدن به غیر از ضیا باجی
چوخ تعجّبیم وار قلم نجه یازدی بو بیاناتی دفتره
خامه خام اولور بو یتیمیلن ویرسه دل اگر اوزگه دلبره
بو وداعیدن وار تدارکیم عاصیانِ هنگام محشره
سن شفیعه سن بو یتیم اوچون، من شفیع روز جزا باجی
مرحوم مولانا یتیم
----------- متن اشعار مرحوم حاج حسین عابد (مولانا یتیم) ---------
زبانحال حضرت لیلا (سلام الله)
سرو ز پا فتادۀ من این چه قامت است
این قامت است یا که به لیلا قیامت است
مهر رخت بخون سرت در کسوف غم
باز این بخاک ای مه تابان چه طلعت است
چشمم به روی تو ، تو چرائی چنین خموش
پندارمت بخوابی و یا این چه حالت است
من میروم اسیر ، تو و قتلگاه تو
خوش باش خوش بخواب که خوش بزم وحدت است
ای سرگران جام وفا قتلگاه تو
خود قتلگاه ماست ،ترا جای عشرت است
زخم تنت پیاله و خون دلت شراب
ای جرعه نوش ، نوش که هنگام فرصت است
با اینهمه تحمل و صبری که مرمر است
من زنده ام هنوز خلاف مروّت است
زیرا سرت بنیزه ،تنت زیب خاک و خون
هرجا که بنگرم ز دم تیغ ضربت است
شق القمر ز فرق جبین مبین تو
آیات بینات بر این اهل ظلمت است
یا مرتضی کی از نجف آئی بکربلا
پامال ظلم این بدن با لطافت است
افتاده همچو برگ گلی چاک چاک بین
از خار تیر ظلم سراپا جراحت است
شهزادۀ تو از تو مرام « یتیم » تو
در عاجلش زیارت و آجل شفاعت است
مرحوم یتیم
----------- متن اشعار مرحوم حاج حسین عابد (مولانا یتیم) ---------
زبانحال حضرت لیلا (سلام الله) در راه شام
قانون آخدوقجا یوزه زلف مطرّادن اوغول
آپارور تاب، توانا دلِ لیلادن اوغول
سن امامت گونونون کوکب رخشنده سی سن
نجه کوکب، او گونون جلوه ی تابنده سی سن
جلوه دن دوشسه گونون علّت پاینده سی سن
باتا سنسیز یری وار مشرق اقصادن اوغول
گوسترور یاره لرون خنجر فولاد اثری
گَتدی اظهاره باشون نقطه ی شقّ القمری
سنی بو حاله سالان ای دل لیلا ثمری
بهره مند اولمیا هرگز ایکی دنیادن اوغول
بیله که اوخلاری سیننده علی سان ویروسن
تیر هجرانه نشان سینمی خوش سان ویروسن
روحیمی جسمیوه باخدوقجا آلورسان ویروسن
ویرمیوب باش بیله اعجاز مسیحادن اوغول
بسلدیم من سنی بو سینه ده چوخ عزّتیله
سینه چاک اولّام اوغول ایمدی غم فرقتیله
باخارام پیکر صد پاره وه مین حسرتیله
آه بو درد دل و حسرت بی جادن اوغول
سن جمال حقه مرآت بو وادی سنه طور
من کلیمون بو تمنّاده گورم جلوه ی نور
دیمز اَرنی رخ مستوریوه سرگرم حضور
پاسخ لَن ایشیدوب اَرنیِ موسادن اوغول
سن بو قربانگه عشقی ایله آباد ایلدون
غم خلیلین نه قدر واردی منا شاد ایلدون
هجریوه سعی و صفادن منی ارشاد ایلدون
ایلدون پیش قدم هاجر و حوّادن اوغول
نه قدر یاره سی وار سینه ده بو گُل بدنون
اوندان آرتوخ یارا وار دلده بو محنت زده نون
بیله گُلگون ایدن آل قانیله وجه حسنون
آشکارا گورونور سرّ سُوِیدادن اوغول
صورتون حُسن خدادادیله سرمایه سی وار
طیّ ایدوب حسن و جمالین نه قدر پایه سی وار
عارضون قرمزی قاندان ایله پیرایه سی وار
گوی سبقت آپارور هر رخ زیبادن اوغول
قانلی زلفونله ووروب مه یوزیوین هاله سینی
قطره ی خون دل ایلوب گُل تر ژاله سینی
دل نشین ایلموسن نای دلیم ناله سینی
یوخسا نالم گذر ایلردی ثریّادن اوغول
ایسترم ناله ی جانسوزیمی دلدار ایشیده
ایستمم شیون و فریادیمی اغیار ایشیده
حیف دور بلبل و گُل صحبتینی خار ایشیده
ناله هرچند برازنده دی ثکلادن اوغول
سن شهید اولدون اوغول تشنه لب دریاده
منده اشکیله گَتورّم یم غم ایجاده
اولی بیر گون بیر اولار بو ایکی یم دنیاده
بو سوسوز دشت اولی سیراب ایکی دریادن اوغول
شاهزاده سنه چوخ نوحه مفصّل یازیلوب
گون کیمی شهرتی وار شرح مطوّل یازیلوب
من (یتیمم) سوزوم هرچند که مجمل یازیلوب
گوستروب بدر سخن فکرت یلدادن اوغول
مرحوم مولانا یتیم
----------- متن اشعار مرحوم حاج حسین عابد (مولانا یتیم) ---------
زبانحال حضرت سکینه (سلام الله) در راه شام
علی شکنج زلفیوی جدایه پرچم ایلمه
نظامی عالمی پوزوب جهانی برهم ایلمه
گوزوم ایوینده سالدیلار یره قد نهالیوی
مبدّل ایتدی قوم دون فراقیوه وصالیوی
کناره چک او زلفیوی گوره باجون جمالیوی
او خطّ و خالی گیزلدوب بو چشمی پُر نم ایلمه
جمالیدی دوتوبدی قان او مه یوزون دونوب گله
او زلف و کاکل اوخشوری علی گل اوسته سنبله
باخوب او سنبله گله یتوبدی ناله بلبله
او گلشنه سرشکیوی اماندی شبنم ایلمه
چو بلبل شکسته پر گلوب نوایه آغلارام
دالینجا باشیوین علی گیدوب چو سایه آغلارام
گلوب فغانه بیر زمان باخوب جدایه آغلارام
کناره دوتماقون منه دوباره بیر غم ایلمه
علی او ماه صورتون اولوب منیله روبرو
گلور مشامه دمبدم او عطر زلف مشکبو
خیال عالمینده دل ایدر سنیله گفتگو
بو عالمی منه علی بیر آیری عالم ایلمه
عراقه بیز یتن زمان ملاله همدم اولموشوق
بلالره دچار اولوب غمیله توام اولموشوق
تمام یاسه باتمیشوق چون اهل ماتم اولموشوق
قاشون هلال غم ایدوب بیزه محزم ایلمه
باشون یاراسی کاریدور گینه هنوز قان آخور
بو غم کشیده باجیوین نگاهی یاندیرور یاخور
جداده که جمالیوه او بینوا آنان باخور
بو یولّارین غبارینی یاراوا مرهم ایلمه
دالونجا گور نجه گلور توکور سرشکینی آنان
غمونده بس که آغلیوب اولوبدی قامتی کمان
جداده روبرو اولوب اونی چوخ ایتمه باغریقان
خمیده قامتین علی دوباره سن خم ایلمه
اماندی بیر اشاره قیل نگاهیلن بو خون دله
عنایتیله بیر گتور بو غملی گوگلومی اله
الیم یتیشموری سنه جدا اولوبدی فاصله
باشونلا نوک نیزه نی بو قدری همدم ایلمه
جداده چوخ دولانموسان قونوبدی زلفیوه غبار
غبار غم بو گوگلومه توکوب او زلف تابدار
غبار زلفیوی گتور یووا بو چشم اشکبار
توزا بو نوعی باتماقی بو زاره ماتم ایلمه
ضیاء ماه طلعتون جداده هر گورن دورور
نظاره سی گیدنلری گلنلری دایاندیرور
یتنده هر دیاره بیز جمالیوه باخان دورور
بیر ازدحام کثرتی بیزه فراهم ایلمه
اُلونجه هر کیم آغلیه بو غمده نازلی اکبره
بغیشله سن بو جمعیله او مظهر پیمبره
بو راثی فقیریله او گون گلنده محشره
ترحّم ایله ای خدا یرین جهنّم ایلمه
مرحوم مولانا یتیم
----------- متن اشعار مرحوم حاج حسین عابد (مولانا یتیم) ---------
احوالات حضرت زینب کبری (سلام الله) در کوفه
راوی دیر که کوفیه زینب یتن زمان
قارداش باشین مشاهده ایلردی دوردن
گوردی غریبه نخل سِنان اوسته منظری
بنزر کلیمه جلوه ایدن نوره طوردن
بیرده باخاندا گوردی بیر اوزگه نشانی وار
ایلر اشاره زینبه حال تنوردن
بی اختیار ووردی باشین چوب محمله
تا گیتدی اختیار دل ناصبوردن
عرض ایلدی که ای آنام اوغلی نه فایده
سندن صورا جهاندا مرور دهوردن
دوشدی بدندن آیری باشون راه عشقیده
امّا جداده دوشمدی بیر لحظه شوردن
قرآن سسون گَلور لب معجر بیاندن
قویموش تمام خلقی عبور و مروردن
امّا دیولّه خلق گَلور خارجی باشی
ای طینتی عجین اولونان محض نوردن
غم دفترین (یتیمدن) ایتسن شها قبول
بیر تحفه دور حقیر سلیمانه موردن
مرحوم مولانا یتیم
----------- متن اشعار مرحوم حاج حسین عابد (مولانا یتیم) ---------
در رحلت رسول اکرم (ص) و شهادت حضرت امام حسن (ع)
ایتمروخ عبث نی کیمی نوا
وار ایکی بویوک ماجرا بو گون
هم رسول اکرم وفاتیدور
هم شهید اولوب مجتبی بو گون
ماسوا فغان ایتسه وار یری
جان ویروب ایکی مقتدا بو گون
بیر وجود پاکی که شانینه
نازل ایلوب حق فتح آیه سی
خاک مقدمیله اونون صفا
تاپدی مطلقا عرش پایه سی
اولمیوب رضا ذات کبریا
دوشماقا تراب اوسته سایه سی
حیف اولوبدی تحت ترابیده
مختفی او نور هُدی بو گون
بو فنا جهاندان گیدن زمان
برگزیده ی کلّ ماخلق
خلقت وجودینی خلق ایدوب
خالق ازل خلقه ماسبق
یعنی اشرف خیل انبیا
خاتم رسل نور پاک حق
اوز یرینده قویدی خلایقه
اون ایکی نفر پیشوا بو گون
اوّلی ولیّ خدا اولوب
قید ظلمیله باغلانوب اَلی
زوج فاطمه مهر مصطفی
یعنی حضرت مرتضی علی
بعد حجّت حقّ لم یزل
مرتضی وصیسی حسن ولی
بیر ایچیم سو ایچدی حیاتینون
ختمینه ایدوب اکتفا بو گون
آغلارام اوچومجی وصیسینون
حالی گر بیان اولسا برملا
کلّ یوم عاشور فرض اولوب،
کلّ ارض اولوب دشت کربلا
نام پاکی مظلوم اُلن حسین
تشنه جان ویرن حامل بلا
اوز مصیبتین یاده سالمیوب
اول شهه ایدر آه و وا بو گون
عرض ایدر که قارداش حسینیوین
جانی قان دوتان لبلره فدا
هانسی بی مروّت بویور سنی
ایلیوب بو دردیله مبتلا
پاره پاره دوشموش جگرلرون
طشتیده قزل گُلدی گوئیا
شوره گَتدی بلبل کیمی منی
نی تک ایلدوقجا نوا بو گون
اوندا که حسینیله مجتبی
بزم وحدت ایتمیشدی اختیار
بیر به بیر امامت ودایعین
تاپشوروب حسینه او تاجدار
باخدی بیر عنایتله زینبه
غم گونی او خاتون غمگسار
گوردی ایلینمز او بی کسون
دردلرینه هرگز دوا بو گون
خاصّ بیر توجّه قیلوب او دم
لطفیلن او اللهین حجّتی
بُلدی بیر مریضون محالیدور
اوزگه بیر دوائیله صحّتی
چون طبیب حاذق بُلور دوا
درده مقتضی گویه حکمتی
سویلدی که امر قضایه دور
سنده من کیم ویر رضا بو گون
ایتمه چوخ پریشان خیالیوی
اول بلای عشقیله ممتحن
آغلاما بیله، توکمه اشک تر
مه جماله ایتمه ستاره سن
قتلگهده گورسن حسینیوی
جان ویرن زمانینده ایمدیدن
زلفیوی یولوب سیلی وورما سن
گُل جماله ای مه لقا بو گون
بیر طرفده گورسن دوشوب یره
ایستی قوملار اوستونده پیکری
العطش صداسی گَلور باخور
نهر سمتینه قانلی گوزلری
بیر طرف سَنانیله حرمله،
بیر طرفده شمر اَلده خنجری
کاش اولا حسینه اولان جفا
ای باجی منه آشنا بو گون
مرحوم مولانا یتیم
منبع مجموعه کانالهای مدح و مرثیه
----------- متن اشعار مرحوم حاج حسین عابد (مولانا یتیم) ---------
زبانحال حضرت زینب (سلام الله) به حضرت ام البنین (سلام الله)
ای اوغولسوز امّ البنین آدی غم قرینی بی غم گسار آنا
سن کیمی اوغول داغ دیده سی حقّی وار اولا اشکبار آنا
حشره دین ایده آه و زار آنا
دلده کی یانان شعله ی غمه بیز گرک یانوب سینه داغلیاق
صبح زینبی تیره شام ایدن غمده باشه گَل قاره باغلیاق
آغلا آغلاسان هر قدر بو گون سنده منده عبّاسه آغلیاق
بلکه عمروموز تیز فنا اولا دور ایدونجه بو روزگار آنا
هر قدر که تار حیاتینه اوز وجودی بستِیدی بو جوان
گلستان آل پیمبره اولمادی یته صرصر خزان
قویمادی جفا خاری جور ایده بیر گله بو همّتلی باغبان
گلشن حیاتینده حیف اولا تیز خزان اولوندی بهار آنا
هارداکی بو شهزاده ایستیوب ایله سون منی محمله سوار
خم قیلاردی اوز سرو قدّینی بدر ماه اولوردی هلال وار
کاروان عشقه غلام اوزون فرض ایدردی یا بیر طلایه وار
ایله با وفا جان فشانه من حیف اولانمادیم جان نثار آنا
عاقبت مکان اولدی بیزلره وادی غم افزای کربلا
دم به دم منیم ناله مونسیم اولدی همدمیم محنت و بلا
نوره ابر ظلمت محیط اولوب عاشر محرّمده برملا
آیدا باتدی گونده اولوب منیم روز روشنیم لیل تار آنا
اونداکی شهید اولدولار هامی آل حیدره یتدی چوخ اَلم
شیر پنجه سی بنده بندیدی قولّار اوسته چون شاخه ی قلم
خیمه لرده بیر پادشاهیدی بیر وزیری اول صاحب علم
العطش دیردی خیامیده هر نفسده خرد و کبار آنا
شدّت عطشدن بنات تک جمع اولوبلا یکسر مخدّرات
ماه دوره سین هاله تک دوتوب گوئیا جُدی فرض ایدوب بنات
عرض ایدوب سکینه عمو منه سو تدارک ایت، ایله التفات
چون اوزی بُلوردی او بینوا اود دوتوب سوسوزدان یانار آنا
تشنه لبلره سو گَتورماقا اذن آلندی دربار شاهیدن
ماه هاشمی آفتاب تک چخدی مشرق خیمه گاهیدن
سایه تک او دم گوندن آیریلوب پادشاه عالم پناهیدن
رزمگاهه یوز قویدی گیتماقا شیر شرزه ی جان شکار آنا
بیر ایله شجاعت نشان ویروب لشکره او فرزند مرتضی
فرقه ی جفاکاره تنگ اولوب برملا او وسعتله بیر فضا
اَللری کسیلمزدی مطلقا یازماسِیدی گر منشی قضا
شیر پنجه سیز قالماقین یقین ایلمز اوزی اختیار آنا
وارد اولدی نهر فراته تا آچدی بیرق فتح پرچمین
مشکی دولدوروب چخدی نهریدن نه یسار فکرینده نه یمین
بُلمدی که دست قضا ایدوب مشک آبی بیر تیریله کمین
مشکه اوخ دگوب شربت حیات اولدی چوخ اونا ناگوار آنا
دینه خدمتین مقتضی بُلوب نفسینه او سردار باوفا
خدمتینده بیر جفت اَل ویروب تاپسون اوز مقامینده ارتقا
دفتر شهادتده ثبت اولوب اول مکین دیهیم ارتضی
بیر دَمیر عمودیله اولماقا مُلک عشقیده تاجدار آنا
سن کیمی بیر اهل دل ایسترم درد دل دیوب بی قرار ایدم
شعله ی دل داغداریمی آه سردیلن آشکار ایدم
قورخورام دیم دردیمی سنی قبر ایوینده ده اشکبار ایدم
بیر بیر ایتدوقوم شرح حال اوچون سندن ایلرم اعتذار آنا
کوفه ده او گون روز حشریدن زینبه که اعلان اولونمادی
بیر جدا بویوندا دایاندی گون حیف آی نمایان اولونمادی
احتراماً آلچیقلانوب قمر اقترانه عنوان اولونمادی
قویمادی قیامت قیام ایده ماه ایلدی استتار آنا
نار ظلمیلن گوردوم اودلانوب یاندی خیمه ی طاهراتی من
ایلدوم شکایته زبانینه قفل، قید صبر و ثباتی من
یوخسا یاندیراردوم او حالیده نه رواقیلن شش جهاتی من
شعله ی غمه آه سردیلن بی ثبات و بی اصطبار آنا
سعدین اوغلی گوردی که زینبه غم گونونده غمخوار قالمادی
خیمه گاهه اود ووردولار یانوب، دار غمده دیّار قالمادی
یاندوروردی بیماریده گوره بیر نفر هوادار قالمادی
تار عمریمی یاندورِیدی کاش اوندا شعله ی حرّ نار آنا
باشیما گَلن رنج و محنتین شرحینه ویرم گر ادامه من
عُشر اولونجا اعشاریدن بیری عمریمی یتورّم تمامه من
قالدی کوفه و کربلا غمی ایمدی دور گیداخ سنله شامه من
محضر امامتده گور ندور بزم شرب و نرد و قمار آنا
ای یتیم همواره چنگ وور ذیل لطف باب الحوائجه
ایسته سن خدا تیز مرادیوی حاصل ایلسون سالماسون گئجه
سنده اوز دلونجه آناسینا عرض قیل صباح اولسا یا گئجه
ای اوغولسوز امّ البنین آدی غم قرینی بی غم گسار آنا
مولانا یتیم
منبع مجموعه مدح و مرثیه
نظرات (۰)
هیچ نظری هنوز ثبت نشده است